Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi

    ༢༡༥. ཙཱིཝརརཛནཀཐཱ

    215. Cīvararajanakathā

    ༣༤༤. ཏེན ཁོ པན སམཡེན བྷིཀྑཱུ ཚཀཎེནཔི པཎྜུམཏྟིཀཱཡཔི ཙཱིཝརཾ རཛནྟི། ཙཱིཝརཾ དུབྦཎྞཾ ཧོཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི , བྷིཀྑཝེ, ཚ རཛནཱནི – མཱུལརཛནཾ, ཁནྡྷརཛནཾ, ཏཙརཛནཾ, པཏྟརཛནཾ, པུཔྥརཛནཾ, ཕལརཛནནྟི།

    344. Tena kho pana samayena bhikkhū chakaṇenapi paṇḍumattikāyapi cīvaraṃ rajanti. Cīvaraṃ dubbaṇṇaṃ hoti. Bhagavato etamatthaṃ ārocesuṃ. Anujānāmi , bhikkhave, cha rajanāni – mūlarajanaṃ, khandharajanaṃ, tacarajanaṃ, pattarajanaṃ, puppharajanaṃ, phalarajananti.

    ཏེན ཁོ པན སམཡེན བྷིཀྑཱུ སཱིཏུདཀཱཡ 1 ཙཱིཝརཾ རཛནྟི། ཙཱིཝརཾ དུགྒནྡྷཾ ཧོཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, རཛནཾ པཙིཏུཾ ཙུལླཾ རཛནཀུམྦྷིནྟི། རཛནཾ ཨུཏྟརིཡཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, ཨུཏྟརཱལུ༹མྤཾ 2 བནྡྷིཏུནྟི།

    Tena kho pana samayena bhikkhū sītudakāya 3 cīvaraṃ rajanti. Cīvaraṃ duggandhaṃ hoti. Bhagavato etamatthaṃ ārocesuṃ. Anujānāmi, bhikkhave, rajanaṃ pacituṃ cullaṃ rajanakumbhinti. Rajanaṃ uttariyati. Bhagavato etamatthaṃ ārocesuṃ. Anujānāmi, bhikkhave, uttarāḷumpaṃ 4 bandhitunti.

    ཏེན ཁོ པན སམཡེན བྷིཀྑཱུ ན ཛཱནནྟི རཛནཾ པཀྐཾ ཝཱ ཨཔཀྐཾ ཝཱ། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, ཨུདཀེ ཝཱ ནཁཔིཊྛིཀཱཡ ཝཱ ཐེཝཀཾ དཱཏུནྟི།

    Tena kho pana samayena bhikkhū na jānanti rajanaṃ pakkaṃ vā apakkaṃ vā. Bhagavato etamatthaṃ ārocesuṃ. Anujānāmi, bhikkhave, udake vā nakhapiṭṭhikāya vā thevakaṃ dātunti.

    ཏེན ཁོ པན སམཡེན བྷིཀྑཱུ རཛནཾ ཨོརོཔེནྟཱ ཀུམྦྷིཾ ཨཱཝིཉྪནྟི 5། ཀུམྦྷཱི བྷིཛྫཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, རཛནུལུ༹ངྐཾ 6 དཎྜཀཐཱལཀནྟི།

    Tena kho pana samayena bhikkhū rajanaṃ oropentā kumbhiṃ āviñchanti 7. Kumbhī bhijjati. Bhagavato etamatthaṃ ārocesuṃ. Anujānāmi, bhikkhave, rajanuḷuṅkaṃ 8 daṇḍakathālakanti.

    ཏེན ཁོ པན སམཡེན བྷིཀྑཱུནཾ རཛནབྷཱཛནཾ ན སཾཝིཛྫཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, རཛནཀོལམྦཾ རཛནགྷཊནྟི།

    Tena kho pana samayena bhikkhūnaṃ rajanabhājanaṃ na saṃvijjati. Bhagavato etamatthaṃ ārocesuṃ. Anujānāmi, bhikkhave, rajanakolambaṃ rajanaghaṭanti.

    ཏེན ཁོ པན སམཡེན བྷིཀྑཱུ པཱཏིཡཱཔི པཏྟེཔི ཙཱིཝརཾ ཨོམདྡནྟི། ཙཱིཝརཾ པརིབྷིཛྫཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, རཛནདོཎིཀནྟི།

    Tena kho pana samayena bhikkhū pātiyāpi pattepi cīvaraṃ omaddanti. Cīvaraṃ paribhijjati. Bhagavato etamatthaṃ ārocesuṃ. Anujānāmi, bhikkhave, rajanadoṇikanti.

    ཏེན ཁོ པན སམཡེན བྷིཀྑཱུ ཚམཱཡ ཙཱིཝརཾ པཏྠརནྟི། ཙཱིཝརཾ པཾསུཀིཏཾ ཧོཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, ཏིཎསནྠཱརཀནྟི།

    Tena kho pana samayena bhikkhū chamāya cīvaraṃ pattharanti. Cīvaraṃ paṃsukitaṃ hoti. Bhagavato etamatthaṃ ārocesuṃ. Anujānāmi, bhikkhave, tiṇasanthārakanti.

    ཏིཎསནྠཱརཀོ ཨུཔཙིཀཱཧི ཁཛྫཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, ཙཱིཝརཝཾསཾ ཙཱིཝརརཛྫུནྟི།

    Tiṇasanthārako upacikāhi khajjati. Bhagavato etamatthaṃ ārocesuṃ. Anujānāmi, bhikkhave, cīvaravaṃsaṃ cīvararajjunti.

    མཛ྄ཛྷེན ལགྒེནྟི། རཛནཾ ཨུབྷཏོ གལཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, ཀཎྞེ བནྡྷིཏུནྟི།

    Majjhena laggenti. Rajanaṃ ubhato galati. Bhagavato etamatthaṃ ārocesuṃ. Anujānāmi, bhikkhave, kaṇṇe bandhitunti.

    ཀཎྞོ ཛཱིརཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, ཀཎྞསུཏྟཀནྟི།

    Kaṇṇo jīrati. Bhagavato etamatthaṃ ārocesuṃ. Anujānāmi, bhikkhave, kaṇṇasuttakanti.

    རཛནཾ ཨེཀཏོ གལཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, སམྤརིཝཏྟཀཾ སམྤརིཝཏྟཀཾ རཛེཏུཾ, ན ཙ ཨཙྪིནྣེ ཐེཝེ པཀྐམིཏུནྟི།

    Rajanaṃ ekato galati. Bhagavato etamatthaṃ ārocesuṃ. Anujānāmi, bhikkhave, samparivattakaṃ samparivattakaṃ rajetuṃ, na ca acchinne theve pakkamitunti.

    ཏེན ཁོ པན སམཡེན ཙཱིཝརཾ པཏྠིནྣཾ ཧོཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, ཨུདཀེ ཨོསཱརེཏུནྟི།

    Tena kho pana samayena cīvaraṃ patthinnaṃ hoti. Bhagavato etamatthaṃ ārocesuṃ. Anujānāmi, bhikkhave, udake osāretunti.

    ཏེན ཁོ པན སམཡེན ཙཱིཝརཾ ཕརུསཾ ཧོཏི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི , བྷིཀྑཝེ, པཱཎིནཱ ཨཱཀོཊེཏུནྟི །

    Tena kho pana samayena cīvaraṃ pharusaṃ hoti. Bhagavato etamatthaṃ ārocesuṃ. Anujānāmi , bhikkhave, pāṇinā ākoṭetunti .

    ཏེན ཁོ པན སམཡེན བྷིཀྑཱུ ཨཙྪིནྣཀཱནི ཙཱིཝརཱནི དྷཱརེནྟི དནྟཀཱསཱཝཱནི། མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – སེཡྻཐཱཔི ནཱམ 9 གིཧཱི ཀཱམབྷོགིནོཏི། བྷགཝཏོ ཨེཏམཏྠཾ ཨཱརོཙེསུཾ། ན, བྷིཀྑཝེ, ཨཙྪིནྣཀཱནི ཙཱིཝརཱནི དྷཱརེཏབྦཱནི། ཡོ དྷཱརེཡྻ, ཨཱཔཏྟི དུཀྐཊསྶཱཏི།

    Tena kho pana samayena bhikkhū acchinnakāni cīvarāni dhārenti dantakāsāvāni. Manussā ujjhāyanti khiyyanti vipācenti – seyyathāpi nāma 10 gihī kāmabhoginoti. Bhagavato etamatthaṃ ārocesuṃ. Na, bhikkhave, acchinnakāni cīvarāni dhāretabbāni. Yo dhāreyya, āpatti dukkaṭassāti.

    ཙཱིཝརརཛནཀཐཱ ནིཊྛིཏཱ།

    Cīvararajanakathā niṭṭhitā.




    Next: ༢༡༦. ཚིནྣཀཙཱིཝརཱནུཛཱནནཱ • 216. Chinnakacīvarānujānanā




    Footnotes:
    1. སཱིཏུནྡིཀཱཡ (སཱི॰), སཱིཏཱུདཀཱཡ (སྱཱ॰)
    2. ཨུཏྟརཱལུ༹པཾ (ཡོཛནཱ), ཨུཏྟརཱལུ༹པཾ (སྱཱ॰)
    3. sītundikāya (sī.), sītūdakāya (syā.)
    4. uttarāḷupaṃ (yojanā), uttarāḷupaṃ (syā.)
    5. ཨཱཝིཉྫནྟི (སཱི॰), ཨཱཝཊྚནྟི (སྱཱ॰)
    6. རཛནཱལུ༹ངྐཾ (ཡོཛནཱ)
    7. āviñjanti (sī.), āvaṭṭanti (syā.)
    8. rajanāḷuṅkaṃ (yojanā)
    9. སེཡྻཐཱཔི (?)
    10. seyyathāpi (?)



    Related texts:



    ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཙཱིཝརརཛནཀཐཱ • Cīvararajanakathā

    ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཙཱིཝརརཛནཀཐཱཝཎྞནཱ • Cīvararajanakathāvaṇṇanā

    ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཙཱིཝརརཛནཀཐཱཝཎྞནཱ • Cīvararajanakathāvaṇṇanā

    ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཙཱིཝརརཛནཀཐཱདིཝཎྞནཱ • Cīvararajanakathādivaṇṇanā

    ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢༡༥. ཙཱིཝརརཛནཀཐཱ • 215. Cīvararajanakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact