| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਚੀવਰਰਜਨਕਥਾ
Cīvararajanakathā
੩੪੪. ਛਕਣੇਨਾਤਿ ਗੋਮਯੇਨ। ਪਣ੍ਡੁਮਤ੍ਤਿਕਾਯਾਤਿ ਤਮ੍ਬਮਤ੍ਤਿਕਾਯ। ਮੂਲਰਜਨਾਦੀਸੁ ਹਲਿਦ੍ਦਿਂ ਠਪੇਤ੍વਾ ਸਬ੍ਬਂ ਮੂਲਰਜਨਂ વਟ੍ਟਤਿ। ਮਞ੍ਜਿਟ੍ਠਿਞ੍ਚ ਤੁਙ੍ਗਹਾਰਞ੍ਚ ਠਪੇਤ੍વਾ ਸਬ੍ਬਂ ਖਨ੍ਧਰਜਨਂ વਟ੍ਟਤਿ। ਤੁਙ੍ਗਹਾਰੋ ਨਾਮ ਏਕੋ ਸਕਣ੍ਟਕਰੁਕ੍ਖੋ, ਤਸ੍ਸ ਹਰਿਤਾਲવਣ੍ਣਂ ਖਨ੍ਧਰਜਨਂ ਹੋਤਿ। ਲੋਦ੍ਦਞ੍ਚ ਕਣ੍ਡੁਲਞ੍ਚ ਠਪੇਤ੍વਾ ਸਬ੍ਬਂ ਤਚਰਜਨਂ વਟ੍ਟਤਿ। ਅਲ੍ਲਿਪਤ੍ਤਂ ਨੀਲਿਪਤ੍ਤਞ੍ਚ ਠਪੇਤ੍વਾ ਸਬ੍ਬਂ ਪਤ੍ਤਰਜਨਂ વਟ੍ਟਤਿ। ਗਿਹਿਪਰਿਭੁਤ੍ਤਂ ਪਨ ਅਲ੍ਲਿਪਤ੍ਤੇਨ ਏਕવਾਰਂ ਰਜਿਤੁਂ વਟ੍ਟਤਿ। ਕਿਂਸੁਕਪੁਪ੍ਫਞ੍ਚ ਕੁਸੁਮ੍ਭਪੁਪ੍ਫਞ੍ਚ ਠਪੇਤ੍વਾ ਸਬ੍ਬਂ ਪੁਪ੍ਫਰਜਨਂ વਟ੍ਟਤਿ। ਫਲਰਜਨੇ ਪਨ ਨ ਕਿਞ੍ਚਿ ਨ વਟ੍ਟਤਿ।
344.Chakaṇenāti gomayena. Paṇḍumattikāyāti tambamattikāya. Mūlarajanādīsu haliddiṃ ṭhapetvā sabbaṃ mūlarajanaṃ vaṭṭati. Mañjiṭṭhiñca tuṅgahārañca ṭhapetvā sabbaṃ khandharajanaṃ vaṭṭati. Tuṅgahāro nāma eko sakaṇṭakarukkho, tassa haritālavaṇṇaṃ khandharajanaṃ hoti. Loddañca kaṇḍulañca ṭhapetvā sabbaṃ tacarajanaṃ vaṭṭati. Allipattaṃ nīlipattañca ṭhapetvā sabbaṃ pattarajanaṃ vaṭṭati. Gihiparibhuttaṃ pana allipattena ekavāraṃ rajituṃ vaṭṭati. Kiṃsukapupphañca kusumbhapupphañca ṭhapetvā sabbaṃ puppharajanaṃ vaṭṭati. Phalarajane pana na kiñci na vaṭṭati.
ਸੀਤੁਦਕਾਤਿ ਅਪਕ੍ਕਰਜਨਂ વੁਚ੍ਚਤਿ। ਉਤ੍ਤਰਾਲ਼ੁਮ੍ਪਨ੍ਤਿ વਟ੍ਟਾਧਾਰਕਂ, ਰਜਨਕੁਮ੍ਭਿਯਾ ਮਜ੍ਝੇ ਠਪੇਤ੍વਾ ਤਂ ਆਧਾਰਕਂ ਪਰਿਕ੍ਖਿਪਿਤ੍વਾ ਰਜਨਂ ਪਕ੍ਖਿਪਿਤੁਂ ਅਨੁਜਾਨਾਮੀਤਿ ਅਤ੍ਥੋ। ਏવਞ੍ਹਿ ਕਤੇ ਰਜਨਂ ਨ ਉਤ੍ਤਰਤਿ। ਉਦਕੇ વਾ ਨਖਪਿਟ੍ਠਿਕਾਯ વਾਤਿ ਸਚੇ ਪਰਿਪਕ੍ਕਂ ਹੋਤਿ, ਉਦਕਪਾਤਿਯਾ ਦਿਨ੍ਨੋ ਥੇવੋ ਸਹਸਾ ਨ વਿਸਰਤਿ, ਨਖਪਿਟ੍ਠਿਯਮ੍ਪਿ ਅવਿਸਰਨ੍ਤੋ ਤਿਟ੍ਠਤਿ। ਰਜਨੁਲ਼ੁਙ੍ਕਨ੍ਤਿ ਰਜਨਉਲ਼ੁਙ੍ਕਂ। ਦਣ੍ਡਕਥਾਲਕਨ੍ਤਿ ਤਮੇવ ਸਦਣ੍ਡਕਂ। ਰਜਨਕੋਲਮ੍ਬਨ੍ਤਿ ਰਜਨਕੁਣ੍ਡਂ। ਓਮਦ੍ਦਨ੍ਤੀਤਿ ਸਮ੍ਮਦ੍ਦਨ੍ਤਿ। ਨ ਚ ਅਚ੍ਛਿਨ੍ਨੇ ਥੇવੇ ਪਕ੍ਕਮਿਤੁਨ੍ਤਿ ਯਾવ ਰਜਨਬਿਨ੍ਦੁ ਗਲ਼ਿਤਂ ਨ ਛਿਜ੍ਜਤਿ, ਤਾવ ਨ ਅਞ੍ਞਤ੍ਰ ਗਨ੍ਤਬ੍ਬਂ। ਪਤ੍ਥਿਨ੍ਨਨ੍ਤਿ ਅਤਿਰਜਿਤਤ੍ਤਾ ਥਦ੍ਧਂ। ਉਦਕੇ ਓਸਾਰੇਤੁਨ੍ਤਿ ਉਦਕੇ ਪਕ੍ਖਿਪਿਤ੍વਾ ਠਪੇਤੁਂ। ਰਜਨੇ ਪਨ ਨਿਕ੍ਖਨ੍ਤੇ ਤਂ ਉਦਕਂ ਛਡ੍ਡੇਤ੍વਾ ਚੀવਰਂ ਮਦ੍ਦਿਤਬ੍ਬਂ। ਦਨ੍ਤਕਾਸਾવਾਨੀਤਿ ਏਕਂ વਾ ਦ੍વੇ વਾ વਾਰੇ ਰਜਿਤ੍વਾ ਦਨ੍ਤવਣ੍ਣਾਨਿ ਧਾਰੇਨ੍ਤਿ।
Sītudakāti apakkarajanaṃ vuccati. Uttarāḷumpanti vaṭṭādhārakaṃ, rajanakumbhiyā majjhe ṭhapetvā taṃ ādhārakaṃ parikkhipitvā rajanaṃ pakkhipituṃ anujānāmīti attho. Evañhi kate rajanaṃ na uttarati. Udake vā nakhapiṭṭhikāya vāti sace paripakkaṃ hoti, udakapātiyā dinno thevo sahasā na visarati, nakhapiṭṭhiyampi avisaranto tiṭṭhati. Rajanuḷuṅkanti rajanauḷuṅkaṃ. Daṇḍakathālakanti tameva sadaṇḍakaṃ. Rajanakolambanti rajanakuṇḍaṃ. Omaddantīti sammaddanti. Na ca acchinne theve pakkamitunti yāva rajanabindu gaḷitaṃ na chijjati, tāva na aññatra gantabbaṃ. Patthinnanti atirajitattā thaddhaṃ. Udake osāretunti udake pakkhipitvā ṭhapetuṃ. Rajane pana nikkhante taṃ udakaṃ chaḍḍetvā cīvaraṃ madditabbaṃ. Dantakāsāvānīti ekaṃ vā dve vā vāre rajitvā dantavaṇṇāni dhārenti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੧੫. ਚੀવਰਰਜਨਕਥਾ • 215. Cīvararajanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚੀવਰਰਜਨਕਥਾવਣ੍ਣਨਾ • Cīvararajanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਚੀવਰਰਜਨਕਥਾવਣ੍ਣਨਾ • Cīvararajanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚੀવਰਰਜਨਕਥਾਦਿવਣ੍ਣਨਾ • Cīvararajanakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੧੫. ਚੀવਰਰਜਨਕਥਾ • 215. Cīvararajanakathā
