Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi

    ੨੧੫. ਚੀવਰਰਜਨਕਥਾ

    215. Cīvararajanakathā

    ੩੪੪. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਛਕਣੇਨਪਿ ਪਣ੍ਡੁਮਤ੍ਤਿਕਾਯਪਿ ਚੀવਰਂ ਰਜਨ੍ਤਿ। ਚੀવਰਂ ਦੁਬ੍ਬਣ੍ਣਂ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ , ਭਿਕ੍ਖવੇ, ਛ ਰਜਨਾਨਿ – ਮੂਲਰਜਨਂ, ਖਨ੍ਧਰਜਨਂ, ਤਚਰਜਨਂ, ਪਤ੍ਤਰਜਨਂ, ਪੁਪ੍ਫਰਜਨਂ, ਫਲਰਜਨਨ੍ਤਿ।

    344. Tena kho pana samayena bhikkhū chakaṇenapi paṇḍumattikāyapi cīvaraṃ rajanti. Cīvaraṃ dubbaṇṇaṃ hoti. Bhagavato etamatthaṃ ārocesuṃ. Anujānāmi , bhikkhave, cha rajanāni – mūlarajanaṃ, khandharajanaṃ, tacarajanaṃ, pattarajanaṃ, puppharajanaṃ, phalarajananti.

    ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਸੀਤੁਦਕਾਯ 1 ਚੀવਰਂ ਰਜਨ੍ਤਿ। ਚੀવਰਂ ਦੁਗ੍ਗਨ੍ਧਂ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਰਜਨਂ ਪਚਿਤੁਂ ਚੁਲ੍ਲਂ ਰਜਨਕੁਮ੍ਭਿਨ੍ਤਿ। ਰਜਨਂ ਉਤ੍ਤਰਿਯਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਉਤ੍ਤਰਾਲ਼ੁਮ੍ਪਂ 2 ਬਨ੍ਧਿਤੁਨ੍ਤਿ।

    Tena kho pana samayena bhikkhū sītudakāya 3 cīvaraṃ rajanti. Cīvaraṃ duggandhaṃ hoti. Bhagavato etamatthaṃ ārocesuṃ. Anujānāmi, bhikkhave, rajanaṃ pacituṃ cullaṃ rajanakumbhinti. Rajanaṃ uttariyati. Bhagavato etamatthaṃ ārocesuṃ. Anujānāmi, bhikkhave, uttarāḷumpaṃ 4 bandhitunti.

    ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਨ ਜਾਨਨ੍ਤਿ ਰਜਨਂ ਪਕ੍ਕਂ વਾ ਅਪਕ੍ਕਂ વਾ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਉਦਕੇ વਾ ਨਖਪਿਟ੍ਠਿਕਾਯ વਾ ਥੇવਕਂ ਦਾਤੁਨ੍ਤਿ।

    Tena kho pana samayena bhikkhū na jānanti rajanaṃ pakkaṃ vā apakkaṃ vā. Bhagavato etamatthaṃ ārocesuṃ. Anujānāmi, bhikkhave, udake vā nakhapiṭṭhikāya vā thevakaṃ dātunti.

    ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਰਜਨਂ ਓਰੋਪੇਨ੍ਤਾ ਕੁਮ੍ਭਿਂ ਆવਿਞ੍ਛਨ੍ਤਿ 5। ਕੁਮ੍ਭੀ ਭਿਜ੍ਜਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਰਜਨੁਲ਼ੁਙ੍ਕਂ 6 ਦਣ੍ਡਕਥਾਲਕਨ੍ਤਿ।

    Tena kho pana samayena bhikkhū rajanaṃ oropentā kumbhiṃ āviñchanti 7. Kumbhī bhijjati. Bhagavato etamatthaṃ ārocesuṃ. Anujānāmi, bhikkhave, rajanuḷuṅkaṃ 8 daṇḍakathālakanti.

    ਤੇਨ ਖੋ ਪਨ ਸਮਯੇਨ ਭਿਕ੍ਖੂਨਂ ਰਜਨਭਾਜਨਂ ਨ ਸਂવਿਜ੍ਜਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਰਜਨਕੋਲਮ੍ਬਂ ਰਜਨਘਟਨ੍ਤਿ।

    Tena kho pana samayena bhikkhūnaṃ rajanabhājanaṃ na saṃvijjati. Bhagavato etamatthaṃ ārocesuṃ. Anujānāmi, bhikkhave, rajanakolambaṃ rajanaghaṭanti.

    ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਪਾਤਿਯਾਪਿ ਪਤ੍ਤੇਪਿ ਚੀવਰਂ ਓਮਦ੍ਦਨ੍ਤਿ। ਚੀવਰਂ ਪਰਿਭਿਜ੍ਜਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਰਜਨਦੋਣਿਕਨ੍ਤਿ।

    Tena kho pana samayena bhikkhū pātiyāpi pattepi cīvaraṃ omaddanti. Cīvaraṃ paribhijjati. Bhagavato etamatthaṃ ārocesuṃ. Anujānāmi, bhikkhave, rajanadoṇikanti.

    ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਛਮਾਯ ਚੀવਰਂ ਪਤ੍ਥਰਨ੍ਤਿ। ਚੀવਰਂ ਪਂਸੁਕਿਤਂ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਤਿਣਸਨ੍ਥਾਰਕਨ੍ਤਿ।

    Tena kho pana samayena bhikkhū chamāya cīvaraṃ pattharanti. Cīvaraṃ paṃsukitaṃ hoti. Bhagavato etamatthaṃ ārocesuṃ. Anujānāmi, bhikkhave, tiṇasanthārakanti.

    ਤਿਣਸਨ੍ਥਾਰਕੋ ਉਪਚਿਕਾਹਿ ਖਜ੍ਜਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਚੀવਰવਂਸਂ ਚੀવਰਰਜ੍ਜੁਨ੍ਤਿ।

    Tiṇasanthārako upacikāhi khajjati. Bhagavato etamatthaṃ ārocesuṃ. Anujānāmi, bhikkhave, cīvaravaṃsaṃ cīvararajjunti.

    ਮਜ੍ਝੇਨ ਲਗ੍ਗੇਨ੍ਤਿ। ਰਜਨਂ ਉਭਤੋ ਗਲਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਕਣ੍ਣੇ ਬਨ੍ਧਿਤੁਨ੍ਤਿ।

    Majjhena laggenti. Rajanaṃ ubhato galati. Bhagavato etamatthaṃ ārocesuṃ. Anujānāmi, bhikkhave, kaṇṇe bandhitunti.

    ਕਣ੍ਣੋ ਜੀਰਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਕਣ੍ਣਸੁਤ੍ਤਕਨ੍ਤਿ।

    Kaṇṇo jīrati. Bhagavato etamatthaṃ ārocesuṃ. Anujānāmi, bhikkhave, kaṇṇasuttakanti.

    ਰਜਨਂ ਏਕਤੋ ਗਲਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਸਮ੍ਪਰਿવਤ੍ਤਕਂ ਸਮ੍ਪਰਿવਤ੍ਤਕਂ ਰਜੇਤੁਂ, ਨ ਚ ਅਚ੍ਛਿਨ੍ਨੇ ਥੇવੇ ਪਕ੍ਕਮਿਤੁਨ੍ਤਿ।

    Rajanaṃ ekato galati. Bhagavato etamatthaṃ ārocesuṃ. Anujānāmi, bhikkhave, samparivattakaṃ samparivattakaṃ rajetuṃ, na ca acchinne theve pakkamitunti.

    ਤੇਨ ਖੋ ਪਨ ਸਮਯੇਨ ਚੀવਰਂ ਪਤ੍ਥਿਨ੍ਨਂ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਉਦਕੇ ਓਸਾਰੇਤੁਨ੍ਤਿ।

    Tena kho pana samayena cīvaraṃ patthinnaṃ hoti. Bhagavato etamatthaṃ ārocesuṃ. Anujānāmi, bhikkhave, udake osāretunti.

    ਤੇਨ ਖੋ ਪਨ ਸਮਯੇਨ ਚੀવਰਂ ਫਰੁਸਂ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ , ਭਿਕ੍ਖવੇ, ਪਾਣਿਨਾ ਆਕੋਟੇਤੁਨ੍ਤਿ ।

    Tena kho pana samayena cīvaraṃ pharusaṃ hoti. Bhagavato etamatthaṃ ārocesuṃ. Anujānāmi , bhikkhave, pāṇinā ākoṭetunti .

    ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਅਚ੍ਛਿਨ੍ਨਕਾਨਿ ਚੀવਰਾਨਿ ਧਾਰੇਨ੍ਤਿ ਦਨ੍ਤਕਾਸਾવਾਨਿ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ਸੇਯ੍ਯਥਾਪਿ ਨਾਮ 9 ਗਿਹੀ ਕਾਮਭੋਗਿਨੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਨ, ਭਿਕ੍ਖવੇ, ਅਚ੍ਛਿਨ੍ਨਕਾਨਿ ਚੀવਰਾਨਿ ਧਾਰੇਤਬ੍ਬਾਨਿ। ਯੋ ਧਾਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾਤਿ।

    Tena kho pana samayena bhikkhū acchinnakāni cīvarāni dhārenti dantakāsāvāni. Manussā ujjhāyanti khiyyanti vipācenti – seyyathāpi nāma 10 gihī kāmabhoginoti. Bhagavato etamatthaṃ ārocesuṃ. Na, bhikkhave, acchinnakāni cīvarāni dhāretabbāni. Yo dhāreyya, āpatti dukkaṭassāti.

    ਚੀવਰਰਜਨਕਥਾ ਨਿਟ੍ਠਿਤਾ।

    Cīvararajanakathā niṭṭhitā.




    Next: ੨੧੬. ਛਿਨ੍ਨਕਚੀવਰਾਨੁਜਾਨਨਾ • 216. Chinnakacīvarānujānanā




    Footnotes:
    1. ਸੀਤੁਨ੍ਦਿਕਾਯ (ਸੀ॰), ਸੀਤੂਦਕਾਯ (ਸ੍ਯਾ॰)
    2. ਉਤ੍ਤਰਾਲ਼ੁਪਂ (ਯੋਜਨਾ), ਉਤ੍ਤਰਾਲ਼ੁਪਂ (ਸ੍ਯਾ॰)
    3. sītundikāya (sī.), sītūdakāya (syā.)
    4. uttarāḷupaṃ (yojanā), uttarāḷupaṃ (syā.)
    5. ਆવਿਞ੍ਜਨ੍ਤਿ (ਸੀ॰), ਆવਟ੍ਟਨ੍ਤਿ (ਸ੍ਯਾ॰)
    6. ਰਜਨਾਲ਼ੁਙ੍ਕਂ (ਯੋਜਨਾ)
    7. āviñjanti (sī.), āvaṭṭanti (syā.)
    8. rajanāḷuṅkaṃ (yojanā)
    9. ਸੇਯ੍ਯਥਾਪਿ (?)
    10. seyyathāpi (?)



    Related texts:



    ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਚੀવਰਰਜਨਕਥਾ • Cīvararajanakathā

    ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚੀવਰਰਜਨਕਥਾવਣ੍ਣਨਾ • Cīvararajanakathāvaṇṇanā

    ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਚੀવਰਰਜਨਕਥਾવਣ੍ਣਨਾ • Cīvararajanakathāvaṇṇanā

    ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚੀવਰਰਜਨਕਥਾਦਿવਣ੍ਣਨਾ • Cīvararajanakathādivaṇṇanā

    ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੧੫. ਚੀવਰਰਜਨਕਥਾ • 215. Cīvararajanakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact