| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨੧੫. ਚੀવਰਰਜਨਕਥਾ
215. Cīvararajanakathā
੩੪੪. ਗਿਹਿਪਰਿਭੁਤ੍ਤਂ ਪਨਾਤਿ ਗਿਹਿਨਾ ਪਰਿਭੁਤ੍ਤਂ વਤ੍ਥਂ ਪਨ, ਕਿਞ੍ਚਿ ਫਲਨ੍ਤਿ ਸਮ੍ਬਨ੍ਧੋ।
344.Gihiparibhuttaṃ panāti gihinā paribhuttaṃ vatthaṃ pana, kiñci phalanti sambandho.
ਸੀਤੁਦਕਾਤਿ ਸੀਤਂ ਉਦਕਂ। ਲਿਙ੍ਗવਿਪਲ੍ਲਾਸੋ ਹਿ ਅਯਂ। ਉਤ੍ਤਰਾਲ਼ੁਮ੍ਪਨ੍ਤਿ ਏਤ੍ਥ ਉਤ੍ਤਰ ਉਲ਼ੁਮ੍ਪਨ੍ਤਿ ਪਦਚ੍ਛੇਦਂ ਕਤ੍વਾ ਅਕਾਰਤੋ ਉਕਾਰਸ੍ਸ ਲੋਪਂ ਕਤ੍વਾ, ਪੁਬ੍ਬਸਰਸ੍ਸ ਚ ਦੀਘਂ ਕਤ੍વਾ ‘‘ਉਤ੍ਤਰਾਲ਼ੁਮ੍ਪ’’ਨ੍ਤਿ વੁਚ੍ਚਤਿ। ਉਤ੍ਤਰਾਲ਼ੂਤਿ ਉਤ੍ਤਰਉਦਕਂ। ਉਲ਼ੁਸਦ੍ਦੋ ਹਿ ਉਦਕવਾਚਕੋ, ਤਂ ਪਾਤਿ ਰਕ੍ਖਤੀਤਿ ਉਤ੍ਤਰਾਲ਼ੁਮ੍ਪਂ। ਤਸ੍ਸ ਸਰੂਪਂ ਦਸ੍ਸੇਨ੍ਤੋ ਆਹ ‘‘વਟ੍ਟਾਧਾਰਕ’’ਨ੍ਤਿ। ਰਜਨਨ੍ਤਿ ਰਜਨਛਲ੍ਲਿਂ। ਹੀਤਿ ਫਲਜੋਤਕੋ। ਰਜਨਨ੍ਤਿ ਰਜਨੁਦਕਂ। ਹੀਤਿ વਿਤ੍ਥਾਰੋ। ਥੇવੋਤਿ ਰਜਨਬਿਨ੍ਦੁ। ਨ વਿਸਰਤੀਤਿ ਨ ਪਗ੍ਘਰਤਿ। ਰਜਨਾਲ਼ੁਙ੍ਕਨ੍ਤਿ ਏਤ੍ਥਾਪਿ ਪੁਰਿਮਨਯੇਨੇવ ਪਦਸਿਦ੍ਧਿ વੇਦਿਤਬ੍ਬਾ। ਰਜਨਉਲ਼ੁਙ੍ਕਨ੍ਤਿ ਰਜਨਸਙ੍ਖਾਤਸ੍ਸ ਉਦਕਸ੍ਸ ਗਹਣਤ੍ਥਾਯ ਕਰਿਯਤੀਤਿ ਰਜਨਉਲ਼ੁਙ੍ਕਂ। ਦਣ੍ਡਕੇਨ ਨਿਯੁਤ੍ਤਂ ਥਾਲਕਂ ਦਣ੍ਡਕਥਾਲਕਨ੍ਤਿ ਦਸ੍ਸੇਨ੍ਤੋ ਆਹ ‘‘ਤਮੇવ ਸਦਣ੍ਡਕ’’ਨ੍ਤਿ। ਰਜਨਕੁਣ੍ਡਨ੍ਤਿ ਰਜਨਪਕ੍ਖਿਪਨਂ ਮਹਾਘਟਂ। ਅਞ੍ਞਤ੍ਰਾਤਿ ਅਞ੍ਞਂ ਠਾਨਂ। ਪਤ੍ਥਿਨ੍ਨਸਦ੍ਦੋ ਥਦ੍ਧਪਰਿਯਾਯੋਤਿ ਆਹ ‘‘ਥਦ੍ਧ’’ਨ੍ਤਿ। ਦਨ੍ਤਕਾਸਾવਾਨੀਤਿ ਏਤ੍ਥ ਦਨ੍ਤਸਦ੍ਦੇਨ ਤਸ੍ਸ વਣ੍ਣੋ ਗਹੇਤਬ੍ਬੋ, ਸੋ ਏਤੇਸਮਤ੍ਥੀਤਿ ਦਨ੍ਤਾਨਿ, ਦਨ੍ਤਾਨਿ ਚ ਤਾਨਿ ਕਾਸਾવਾਨਿ ਚੇਤਿ ਦਨ੍ਤਕਾਸਾવਾਨਿ, ਤਮਤ੍ਥਂ ਦਸ੍ਸੇਨ੍ਤੋ ਆਹ ‘‘ਦਨ੍ਤવਣ੍ਣਾਨੀ’’ਤਿ। ਦਨ੍ਤવਣ੍ਣਾਨਿ ਕਾਸਾવਾਨਿ ਧਾਰੇਨ੍ਤੀਤਿ ਸਮ੍ਬਨ੍ਧੋ।
Sītudakāti sītaṃ udakaṃ. Liṅgavipallāso hi ayaṃ. Uttarāḷumpanti ettha uttara uḷumpanti padacchedaṃ katvā akārato ukārassa lopaṃ katvā, pubbasarassa ca dīghaṃ katvā ‘‘uttarāḷumpa’’nti vuccati. Uttarāḷūti uttaraudakaṃ. Uḷusaddo hi udakavācako, taṃ pāti rakkhatīti uttarāḷumpaṃ. Tassa sarūpaṃ dassento āha ‘‘vaṭṭādhāraka’’nti. Rajananti rajanachalliṃ. Hīti phalajotako. Rajananti rajanudakaṃ. Hīti vitthāro. Thevoti rajanabindu. Na visaratīti na paggharati. Rajanāḷuṅkanti etthāpi purimanayeneva padasiddhi veditabbā. Rajanauḷuṅkanti rajanasaṅkhātassa udakassa gahaṇatthāya kariyatīti rajanauḷuṅkaṃ. Daṇḍakena niyuttaṃ thālakaṃ daṇḍakathālakanti dassento āha ‘‘tameva sadaṇḍaka’’nti. Rajanakuṇḍanti rajanapakkhipanaṃ mahāghaṭaṃ. Aññatrāti aññaṃ ṭhānaṃ. Patthinnasaddo thaddhapariyāyoti āha ‘‘thaddha’’nti. Dantakāsāvānīti ettha dantasaddena tassa vaṇṇo gahetabbo, so etesamatthīti dantāni, dantāni ca tāni kāsāvāni ceti dantakāsāvāni, tamatthaṃ dassento āha ‘‘dantavaṇṇānī’’ti. Dantavaṇṇāni kāsāvāni dhārentīti sambandho.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੧੫. ਚੀવਰਰਜਨਕਥਾ • 215. Cīvararajanakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਚੀવਰਰਜਨਕਥਾ • Cīvararajanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚੀવਰਰਜਨਕਥਾવਣ੍ਣਨਾ • Cīvararajanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਚੀવਰਰਜਨਕਥਾવਣ੍ਣਨਾ • Cīvararajanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚੀવਰਰਜਨਕਥਾਦਿવਣ੍ਣਨਾ • Cīvararajanakathādivaṇṇanā
