| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
চীৰররজনকথাদিৰণ্ণনা
Cīvararajanakathādivaṇṇanā
৩৪৪. এৰঞ্হি কতেতি ৰট্টাধারস্স অন্তো রজনোদকং, বহি ছল্লিকঞ্চ কত্ৰা ৰিযোজনে কতে। ন উত্তরতীতি কেৰলং উদকতো ফেণুট্ঠানাভাৰা ন উত্তরতি। রজনকুণ্ডন্তি পক্করজনট্ঠপনকং মহাঘটং।
344.Evañhi kateti vaṭṭādhārassa anto rajanodakaṃ, bahi challikañca katvā viyojane kate. Na uttaratīti kevalaṃ udakato pheṇuṭṭhānābhāvā na uttarati. Rajanakuṇḍanti pakkarajanaṭṭhapanakaṃ mahāghaṭaṃ.
৩৪৫. অনুৰাতাদীনং দীঘপত্তানন্তি আযামতো, ৰিত্থারতো চ অনুৰাতং। আদি-সদ্দেন দ্ৰিন্নং খন্ধানং অন্তরা মাতিকাকারেন ঠপিতপত্তঞ্চ ‘‘দীঘপত্ত’’ন্তি দট্ঠব্বং। আগন্তুকপত্তন্তি দিগুণচীৰরস্স উপরি অঞ্ঞং পট্টং অপ্পেন্তি, তং সন্ধায ৰুত্তং। তং কির ইদানি ন করোন্তি।
345.Anuvātādīnaṃ dīghapattānanti āyāmato, vitthārato ca anuvātaṃ. Ādi-saddena dvinnaṃ khandhānaṃ antarā mātikākārena ṭhapitapattañca ‘‘dīghapatta’’nti daṭṭhabbaṃ. Āgantukapattanti diguṇacīvarassa upari aññaṃ paṭṭaṃ appenti, taṃ sandhāya vuttaṃ. Taṃ kira idāni na karonti.
৩৪৬. পাল়িযং নন্দিমুখিযাতি তুট্ঠিমুখিযা, পসন্নদিসামুখাযাতি অত্থো।
346. Pāḷiyaṃ nandimukhiyāti tuṭṭhimukhiyā, pasannadisāmukhāyāti attho.
৩৪৮. অচ্ছুপেয্যন্তি পতিট্ঠপেয্যং। হতৰত্থকানন্তি পুরাণৰত্থানং। অনুদ্ধরিত্ৰাৰাতি অগ্গল়ে ৰিয দুব্বলট্ঠানং অনপনেত্ৰাৰ।
348.Acchupeyyanti patiṭṭhapeyyaṃ. Hatavatthakānanti purāṇavatthānaṃ. Anuddharitvāvāti aggaḷe viya dubbalaṭṭhānaṃ anapanetvāva.
৩৪৯-৩৫১. ৰিসাখৰত্থুম্হি কল্লকাযাতি অকিলন্তকাযা। গতীতি ঞাণগতি অধিগমো। অভিসম্পরাযোতি ‘‘সকিদেৰ ইমং লোকং আগন্ত্ৰা দুক্খস্সন্তং করোতী’’তিআদিনা (সং॰ নি॰ ৫.১০৪৮) ৰুত্তো ঞাণাভিসম্পরাযো, মগ্গঞাণযুত্তেহি গন্তব্বগতিৰিসেসোতি অত্থো। তং ভগৰা ব্যাকরিস্সতি। ‘‘দদাতি দান’’ন্তি ইদং অন্নপানৰিরহিতানং সেসপচ্চযানং দানৰসেন ৰুত্তং। সোৰগ্গিকন্তি সগ্গসংৰত্তনিকং।
349-351. Visākhavatthumhi kallakāyāti akilantakāyā. Gatīti ñāṇagati adhigamo. Abhisamparāyoti ‘‘sakideva imaṃ lokaṃ āgantvā dukkhassantaṃ karotī’’tiādinā (saṃ. ni. 5.1048) vutto ñāṇābhisamparāyo, maggañāṇayuttehi gantabbagativisesoti attho. Taṃ bhagavā byākarissati. ‘‘Dadāti dāna’’nti idaṃ annapānavirahitānaṃ sesapaccayānaṃ dānavasena vuttaṃ. Sovaggikanti saggasaṃvattanikaṃ.
৩৫৯. অট্ঠপদকচ্ছন্নেনাতি অট্ঠপদকসঙ্খাতজূতফলকলেখাসণ্ঠানেন।
359.Aṭṭhapadakacchannenāti aṭṭhapadakasaṅkhātajūtaphalakalekhāsaṇṭhānena.
৩৬২. পাল়িযং নদীপারং গন্তুন্তি ভিক্খুনো নদীপারগমনং হোতীতি অত্থো। অগ্গল়গুত্তিযেৰ পমাণন্তি ইমেহি চতূহি নিক্খেপকারণেহি ঠপেন্তেনপি অগ্গল়গুত্তিৰিহারে এৰ ঠপেতুং ৰট্টতীতি অধিপ্পাযো। নিস্সীমাগতন্তি ৰস্সানসঙ্খাতং কালসীমং অতিক্কন্তং, তং ৰস্সিকসাটিকচীৰরং ন হোতীতি অত্থো।
362. Pāḷiyaṃ nadīpāraṃ gantunti bhikkhuno nadīpāragamanaṃ hotīti attho. Aggaḷaguttiyeva pamāṇanti imehi catūhi nikkhepakāraṇehi ṭhapentenapi aggaḷaguttivihāre eva ṭhapetuṃ vaṭṭatīti adhippāyo. Nissīmāgatanti vassānasaṅkhātaṃ kālasīmaṃ atikkantaṃ, taṃ vassikasāṭikacīvaraṃ na hotīti attho.
চীৰররজনকথাদিৰণ্ণনা নিট্ঠিতা।
Cīvararajanakathādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
২১৫. চীৰররজনকথা • 215. Cīvararajanakathā
২১৬. ছিন্নকচীৰরানুজাননা • 216. Chinnakacīvarānujānanā
২১৭. তিচীৰরানুজাননা • 217. Ticīvarānujānanā
২১৮. অতিরেকচীৰরকথা • 218. Atirekacīvarakathā
২১৯. ৰিসাখাৰত্থু • 219. Visākhāvatthu
২২১. পচ্ছিমৰিকপ্পনুপগচীৰরাদিকথা • 221. Pacchimavikappanupagacīvarādikathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā
চীৰররজনকথা • Cīvararajanakathā
ছিন্নকচীৰরানুজাননকথা • Chinnakacīvarānujānanakathā
তিচীৰরানুজাননকথা • Ticīvarānujānanakathā
অতিরেকচীৰরাদিকথা • Atirekacīvarādikathā
পচ্ছিমৰিকপ্পনুপগচীৰরাদিকথা • Pacchimavikappanupagacīvarādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
চীৰররজনকথাৰণ্ণনা • Cīvararajanakathāvaṇṇanā
তিচীৰরানুজাননকথাৰণ্ণনা • Ticīvarānujānanakathāvaṇṇanā
অতিরেকচীৰরাদিকথাৰণ্ণনা • Atirekacīvarādikathāvaṇṇanā
ৰিসাখাৰত্থুকথাৰণ্ণনা • Visākhāvatthukathāvaṇṇanā
পচ্ছিমৰিকপ্পনুপগচীৰরাদিকথাৰণ্ণনা • Pacchimavikappanupagacīvarādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā
চীৰররজনকথাৰণ্ণনা • Cīvararajanakathāvaṇṇanā
নিসীদনাদিঅনুজাননকথাৰণ্ণনা • Nisīdanādianujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
২১৫. চীৰররজনকথা • 215. Cīvararajanakathā
২১৬. ছিন্নকচীৰরানুজাননকথা • 216. Chinnakacīvarānujānanakathā
২১৭. তিচীৰরানুজাননকথা • 217. Ticīvarānujānanakathā
২১৮. অতিরেকচীৰরাদিকথা • 218. Atirekacīvarādikathā
২২১. পচ্ছিমৰিকপ্পনুপগচীৰরাদিকথা • 221. Pacchimavikappanupagacīvarādikathā
