| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
चीवररजनकथादिवण्णना
Cīvararajanakathādivaṇṇanā
३४४. एवञ्हि कतेति वट्टाधारस्स अन्तो रजनोदकं, बहि छल्लिकञ्च कत्वा वियोजने कते। न उत्तरतीति केवलं उदकतो फेणुट्ठानाभावा न उत्तरति। रजनकुण्डन्ति पक्करजनट्ठपनकं महाघटं।
344.Evañhi kateti vaṭṭādhārassa anto rajanodakaṃ, bahi challikañca katvā viyojane kate. Na uttaratīti kevalaṃ udakato pheṇuṭṭhānābhāvā na uttarati. Rajanakuṇḍanti pakkarajanaṭṭhapanakaṃ mahāghaṭaṃ.
३४५. अनुवातादीनं दीघपत्तानन्ति आयामतो, वित्थारतो च अनुवातं। आदि-सद्देन द्विन्नं खन्धानं अन्तरा मातिकाकारेन ठपितपत्तञ्च ‘‘दीघपत्त’’न्ति दट्ठब्बं। आगन्तुकपत्तन्ति दिगुणचीवरस्स उपरि अञ्ञं पट्टं अप्पेन्ति, तं सन्धाय वुत्तं। तं किर इदानि न करोन्ति।
345.Anuvātādīnaṃ dīghapattānanti āyāmato, vitthārato ca anuvātaṃ. Ādi-saddena dvinnaṃ khandhānaṃ antarā mātikākārena ṭhapitapattañca ‘‘dīghapatta’’nti daṭṭhabbaṃ. Āgantukapattanti diguṇacīvarassa upari aññaṃ paṭṭaṃ appenti, taṃ sandhāya vuttaṃ. Taṃ kira idāni na karonti.
३४६. पाळियं नन्दिमुखियाति तुट्ठिमुखिया, पसन्नदिसामुखायाति अत्थो।
346. Pāḷiyaṃ nandimukhiyāti tuṭṭhimukhiyā, pasannadisāmukhāyāti attho.
३४८. अच्छुपेय्यन्ति पतिट्ठपेय्यं। हतवत्थकानन्ति पुराणवत्थानं। अनुद्धरित्वावाति अग्गळे विय दुब्बलट्ठानं अनपनेत्वाव।
348.Acchupeyyanti patiṭṭhapeyyaṃ. Hatavatthakānanti purāṇavatthānaṃ. Anuddharitvāvāti aggaḷe viya dubbalaṭṭhānaṃ anapanetvāva.
३४९-३५१. विसाखवत्थुम्हि कल्लकायाति अकिलन्तकाया। गतीति ञाणगति अधिगमो। अभिसम्परायोति ‘‘सकिदेव इमं लोकं आगन्त्वा दुक्खस्सन्तं करोती’’तिआदिना (सं॰ नि॰ ५.१०४८) वुत्तो ञाणाभिसम्परायो, मग्गञाणयुत्तेहि गन्तब्बगतिविसेसोति अत्थो। तं भगवा ब्याकरिस्सति। ‘‘ददाति दान’’न्ति इदं अन्नपानविरहितानं सेसपच्चयानं दानवसेन वुत्तं। सोवग्गिकन्ति सग्गसंवत्तनिकं।
349-351. Visākhavatthumhi kallakāyāti akilantakāyā. Gatīti ñāṇagati adhigamo. Abhisamparāyoti ‘‘sakideva imaṃ lokaṃ āgantvā dukkhassantaṃ karotī’’tiādinā (saṃ. ni. 5.1048) vutto ñāṇābhisamparāyo, maggañāṇayuttehi gantabbagativisesoti attho. Taṃ bhagavā byākarissati. ‘‘Dadāti dāna’’nti idaṃ annapānavirahitānaṃ sesapaccayānaṃ dānavasena vuttaṃ. Sovaggikanti saggasaṃvattanikaṃ.
३५९. अट्ठपदकच्छन्नेनाति अट्ठपदकसङ्खातजूतफलकलेखासण्ठानेन।
359.Aṭṭhapadakacchannenāti aṭṭhapadakasaṅkhātajūtaphalakalekhāsaṇṭhānena.
३६२. पाळियं नदीपारं गन्तुन्ति भिक्खुनो नदीपारगमनं होतीति अत्थो। अग्गळगुत्तियेव पमाणन्ति इमेहि चतूहि निक्खेपकारणेहि ठपेन्तेनपि अग्गळगुत्तिविहारे एव ठपेतुं वट्टतीति अधिप्पायो। निस्सीमागतन्ति वस्सानसङ्खातं कालसीमं अतिक्कन्तं, तं वस्सिकसाटिकचीवरं न होतीति अत्थो।
362. Pāḷiyaṃ nadīpāraṃ gantunti bhikkhuno nadīpāragamanaṃ hotīti attho. Aggaḷaguttiyeva pamāṇanti imehi catūhi nikkhepakāraṇehi ṭhapentenapi aggaḷaguttivihāre eva ṭhapetuṃ vaṭṭatīti adhippāyo. Nissīmāgatanti vassānasaṅkhātaṃ kālasīmaṃ atikkantaṃ, taṃ vassikasāṭikacīvaraṃ na hotīti attho.
चीवररजनकथादिवण्णना निट्ठिता।
Cīvararajanakathādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi
२१५. चीवररजनकथा • 215. Cīvararajanakathā
२१६. छिन्नकचीवरानुजानना • 216. Chinnakacīvarānujānanā
२१७. तिचीवरानुजानना • 217. Ticīvarānujānanā
२१८. अतिरेकचीवरकथा • 218. Atirekacīvarakathā
२१९. विसाखावत्थु • 219. Visākhāvatthu
२२१. पच्छिमविकप्पनुपगचीवरादिकथा • 221. Pacchimavikappanupagacīvarādikathā
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महावग्ग-अट्ठकथा • Mahāvagga-aṭṭhakathā
चीवररजनकथा • Cīvararajanakathā
छिन्नकचीवरानुजाननकथा • Chinnakacīvarānujānanakathā
तिचीवरानुजाननकथा • Ticīvarānujānanakathā
अतिरेकचीवरादिकथा • Atirekacīvarādikathā
पच्छिमविकप्पनुपगचीवरादिकथा • Pacchimavikappanupagacīvarādikathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā
चीवररजनकथावण्णना • Cīvararajanakathāvaṇṇanā
तिचीवरानुजाननकथावण्णना • Ticīvarānujānanakathāvaṇṇanā
अतिरेकचीवरादिकथावण्णना • Atirekacīvarādikathāvaṇṇanā
विसाखावत्थुकथावण्णना • Visākhāvatthukathāvaṇṇanā
पच्छिमविकप्पनुपगचीवरादिकथावण्णना • Pacchimavikappanupagacīvarādikathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā
चीवररजनकथावण्णना • Cīvararajanakathāvaṇṇanā
निसीदनादिअनुजाननकथावण्णना • Nisīdanādianujānanakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi
२१५. चीवररजनकथा • 215. Cīvararajanakathā
२१६. छिन्नकचीवरानुजाननकथा • 216. Chinnakacīvarānujānanakathā
२१७. तिचीवरानुजाननकथा • 217. Ticīvarānujānanakathā
२१८. अतिरेकचीवरादिकथा • 218. Atirekacīvarādikathā
२२१. पच्छिमविकप्पनुपगचीवरादिकथा • 221. Pacchimavikappanupagacīvarādikathā
