| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
จีวรรชนกถาทิวณฺณนา
Cīvararajanakathādivaṇṇanā
๓๔๔. เอวญฺหิ กเตติ วฎฺฎาธารสฺส อโนฺต รชโนทกํ, พหิ ฉลฺลิกญฺจ กตฺวา วิโยชเน กเตฯ น อุตฺตรตีติ เกวลํ อุทกโต เผณุฎฺฐานาภาวา น อุตฺตรติฯ รชนกุณฺฑนฺติ ปกฺกรชนฎฺฐปนกํ มหาฆฎํฯ
344.Evañhi kateti vaṭṭādhārassa anto rajanodakaṃ, bahi challikañca katvā viyojane kate. Na uttaratīti kevalaṃ udakato pheṇuṭṭhānābhāvā na uttarati. Rajanakuṇḍanti pakkarajanaṭṭhapanakaṃ mahāghaṭaṃ.
๓๔๕. อนุวาตาทีนํ ทีฆปตฺตานนฺติ อายามโต, วิตฺถารโต จ อนุวาตํฯ อาทิ-สเทฺทน ทฺวินฺนํ ขนฺธานํ อนฺตรา มาติกากาเรน ฐปิตปตฺตญฺจ ‘‘ทีฆปตฺต’’นฺติ ทฎฺฐพฺพํฯ อาคนฺตุกปตฺตนฺติ ทิคุณจีวรสฺส อุปริ อญฺญํ ปฎฺฎํ อเปฺปนฺติ, ตํ สนฺธาย วุตฺตํฯ ตํ กิร อิทานิ น กโรนฺติฯ
345.Anuvātādīnaṃ dīghapattānanti āyāmato, vitthārato ca anuvātaṃ. Ādi-saddena dvinnaṃ khandhānaṃ antarā mātikākārena ṭhapitapattañca ‘‘dīghapatta’’nti daṭṭhabbaṃ. Āgantukapattanti diguṇacīvarassa upari aññaṃ paṭṭaṃ appenti, taṃ sandhāya vuttaṃ. Taṃ kira idāni na karonti.
๓๔๖. ปาฬิยํ นนฺทิมุขิยาติ ตุฎฺฐิมุขิยา, ปสนฺนทิสามุขายาติ อโตฺถฯ
346. Pāḷiyaṃ nandimukhiyāti tuṭṭhimukhiyā, pasannadisāmukhāyāti attho.
๓๔๘. อจฺฉุเปยฺยนฺติ ปติฎฺฐเปยฺยํฯ หตวตฺถกานนฺติ ปุราณวตฺถานํฯ อนุทฺธริตฺวาวาติ อคฺคเฬ วิย ทุพฺพลฎฺฐานํ อนปเนตฺวาวฯ
348.Acchupeyyanti patiṭṭhapeyyaṃ. Hatavatthakānanti purāṇavatthānaṃ. Anuddharitvāvāti aggaḷe viya dubbalaṭṭhānaṃ anapanetvāva.
๓๔๙-๓๕๑. วิสาขวตฺถุมฺหิ กลฺลกายาติ อกิลนฺตกายาฯ คตีติ ญาณคติ อธิคโมฯ อภิสมฺปราโยติ ‘‘สกิเทว อิมํ โลกํ อาคนฺตฺวา ทุกฺขสฺสนฺตํ กโรตี’’ติอาทินา (สํ. นิ. ๕.๑๐๔๘) วุโตฺต ญาณาภิสมฺปราโย, มคฺคญาณยุเตฺตหิ คนฺตพฺพคติวิเสโสติ อโตฺถฯ ตํ ภควา พฺยากริสฺสติฯ ‘‘ททาติ ทาน’’นฺติ อิทํ อนฺนปานวิรหิตานํ เสสปจฺจยานํ ทานวเสน วุตฺตํฯ โสวคฺคิกนฺติ สคฺคสํวตฺตนิกํฯ
349-351. Visākhavatthumhi kallakāyāti akilantakāyā. Gatīti ñāṇagati adhigamo. Abhisamparāyoti ‘‘sakideva imaṃ lokaṃ āgantvā dukkhassantaṃ karotī’’tiādinā (saṃ. ni. 5.1048) vutto ñāṇābhisamparāyo, maggañāṇayuttehi gantabbagativisesoti attho. Taṃ bhagavā byākarissati. ‘‘Dadāti dāna’’nti idaṃ annapānavirahitānaṃ sesapaccayānaṃ dānavasena vuttaṃ. Sovaggikanti saggasaṃvattanikaṃ.
๓๕๙. อฎฺฐปทกจฺฉเนฺนนาติ อฎฺฐปทกสงฺขาตชูตผลกเลขาสณฺฐาเนนฯ
359.Aṭṭhapadakacchannenāti aṭṭhapadakasaṅkhātajūtaphalakalekhāsaṇṭhānena.
๓๖๒. ปาฬิยํ นทีปารํ คนฺตุนฺติ ภิกฺขุโน นทีปารคมนํ โหตีติ อโตฺถฯ อคฺคฬคุตฺติเยว ปมาณนฺติ อิเมหิ จตูหิ นิเกฺขปการเณหิ ฐเปเนฺตนปิ อคฺคฬคุตฺติวิหาเร เอว ฐเปตุํ วฎฺฎตีติ อธิปฺปาโยฯ นิสฺสีมาคตนฺติ วสฺสานสงฺขาตํ กาลสีมํ อติกฺกนฺตํ, ตํ วสฺสิกสาฎิกจีวรํ น โหตีติ อโตฺถฯ
362. Pāḷiyaṃ nadīpāraṃ gantunti bhikkhuno nadīpāragamanaṃ hotīti attho. Aggaḷaguttiyeva pamāṇanti imehi catūhi nikkhepakāraṇehi ṭhapentenapi aggaḷaguttivihāre eva ṭhapetuṃ vaṭṭatīti adhippāyo. Nissīmāgatanti vassānasaṅkhātaṃ kālasīmaṃ atikkantaṃ, taṃ vassikasāṭikacīvaraṃ na hotīti attho.
จีวรรชนกถาทิวณฺณนา นิฎฺฐิตาฯ
Cīvararajanakathādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๒๑๕. จีวรรชนกถา • 215. Cīvararajanakathā
๒๑๖. ฉินฺนกจีวรานุชานนา • 216. Chinnakacīvarānujānanā
๒๑๗. ติจีวรานุชานนา • 217. Ticīvarānujānanā
๒๑๘. อติเรกจีวรกถา • 218. Atirekacīvarakathā
๒๑๙. วิสาขาวตฺถุ • 219. Visākhāvatthu
๒๒๑. ปจฺฉิมวิกปฺปนุปคจีวราทิกถา • 221. Pacchimavikappanupagacīvarādikathā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā
จีวรรชนกถา • Cīvararajanakathā
ฉินฺนกจีวรานุชานนกถา • Chinnakacīvarānujānanakathā
ติจีวรานุชานนกถา • Ticīvarānujānanakathā
อติเรกจีวราทิกถา • Atirekacīvarādikathā
ปจฺฉิมวิกปฺปนุปคจีวราทิกถา • Pacchimavikappanupagacīvarādikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā
จีวรรชนกถาวณฺณนา • Cīvararajanakathāvaṇṇanā
ติจีวรานุชานนกถาวณฺณนา • Ticīvarānujānanakathāvaṇṇanā
อติเรกจีวราทิกถาวณฺณนา • Atirekacīvarādikathāvaṇṇanā
วิสาขาวตฺถุกถาวณฺณนา • Visākhāvatthukathāvaṇṇanā
ปจฺฉิมวิกปฺปนุปคจีวราทิกถาวณฺณนา • Pacchimavikappanupagacīvarādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā
จีวรรชนกถาวณฺณนา • Cīvararajanakathāvaṇṇanā
นิสีทนาทิอนุชานนกถาวณฺณนา • Nisīdanādianujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
๒๑๕. จีวรรชนกถา • 215. Cīvararajanakathā
๒๑๖. ฉินฺนกจีวรานุชานนกถา • 216. Chinnakacīvarānujānanakathā
๒๑๗. ติจีวรานุชานนกถา • 217. Ticīvarānujānanakathā
๒๑๘. อติเรกจีวราทิกถา • 218. Atirekacīvarādikathā
๒๒๑. ปจฺฉิมวิกปฺปนุปคจีวราทิกถา • 221. Pacchimavikappanupagacīvarādikathā
