| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಚೀವರರಜನಕಥಾದಿವಣ್ಣನಾ
Cīvararajanakathādivaṇṇanā
೩೪೪. ಏವಞ್ಹಿ ಕತೇತಿ ವಟ್ಟಾಧಾರಸ್ಸ ಅನ್ತೋ ರಜನೋದಕಂ, ಬಹಿ ಛಲ್ಲಿಕಞ್ಚ ಕತ್ವಾ ವಿಯೋಜನೇ ಕತೇ। ನ ಉತ್ತರತೀತಿ ಕೇವಲಂ ಉದಕತೋ ಫೇಣುಟ್ಠಾನಾಭಾವಾ ನ ಉತ್ತರತಿ। ರಜನಕುಣ್ಡನ್ತಿ ಪಕ್ಕರಜನಟ್ಠಪನಕಂ ಮಹಾಘಟಂ।
344.Evañhi kateti vaṭṭādhārassa anto rajanodakaṃ, bahi challikañca katvā viyojane kate. Na uttaratīti kevalaṃ udakato pheṇuṭṭhānābhāvā na uttarati. Rajanakuṇḍanti pakkarajanaṭṭhapanakaṃ mahāghaṭaṃ.
೩೪೫. ಅನುವಾತಾದೀನಂ ದೀಘಪತ್ತಾನನ್ತಿ ಆಯಾಮತೋ, ವಿತ್ಥಾರತೋ ಚ ಅನುವಾತಂ। ಆದಿ-ಸದ್ದೇನ ದ್ವಿನ್ನಂ ಖನ್ಧಾನಂ ಅನ್ತರಾ ಮಾತಿಕಾಕಾರೇನ ಠಪಿತಪತ್ತಞ್ಚ ‘‘ದೀಘಪತ್ತ’’ನ್ತಿ ದಟ್ಠಬ್ಬಂ। ಆಗನ್ತುಕಪತ್ತನ್ತಿ ದಿಗುಣಚೀವರಸ್ಸ ಉಪರಿ ಅಞ್ಞಂ ಪಟ್ಟಂ ಅಪ್ಪೇನ್ತಿ, ತಂ ಸನ್ಧಾಯ ವುತ್ತಂ। ತಂ ಕಿರ ಇದಾನಿ ನ ಕರೋನ್ತಿ।
345.Anuvātādīnaṃ dīghapattānanti āyāmato, vitthārato ca anuvātaṃ. Ādi-saddena dvinnaṃ khandhānaṃ antarā mātikākārena ṭhapitapattañca ‘‘dīghapatta’’nti daṭṭhabbaṃ. Āgantukapattanti diguṇacīvarassa upari aññaṃ paṭṭaṃ appenti, taṃ sandhāya vuttaṃ. Taṃ kira idāni na karonti.
೩೪೬. ಪಾಳಿಯಂ ನನ್ದಿಮುಖಿಯಾತಿ ತುಟ್ಠಿಮುಖಿಯಾ, ಪಸನ್ನದಿಸಾಮುಖಾಯಾತಿ ಅತ್ಥೋ।
346. Pāḷiyaṃ nandimukhiyāti tuṭṭhimukhiyā, pasannadisāmukhāyāti attho.
೩೪೮. ಅಚ್ಛುಪೇಯ್ಯನ್ತಿ ಪತಿಟ್ಠಪೇಯ್ಯಂ। ಹತವತ್ಥಕಾನನ್ತಿ ಪುರಾಣವತ್ಥಾನಂ। ಅನುದ್ಧರಿತ್ವಾವಾತಿ ಅಗ್ಗಳೇ ವಿಯ ದುಬ್ಬಲಟ್ಠಾನಂ ಅನಪನೇತ್ವಾವ।
348.Acchupeyyanti patiṭṭhapeyyaṃ. Hatavatthakānanti purāṇavatthānaṃ. Anuddharitvāvāti aggaḷe viya dubbalaṭṭhānaṃ anapanetvāva.
೩೪೯-೩೫೧. ವಿಸಾಖವತ್ಥುಮ್ಹಿ ಕಲ್ಲಕಾಯಾತಿ ಅಕಿಲನ್ತಕಾಯಾ। ಗತೀತಿ ಞಾಣಗತಿ ಅಧಿಗಮೋ। ಅಭಿಸಮ್ಪರಾಯೋತಿ ‘‘ಸಕಿದೇವ ಇಮಂ ಲೋಕಂ ಆಗನ್ತ್ವಾ ದುಕ್ಖಸ್ಸನ್ತಂ ಕರೋತೀ’’ತಿಆದಿನಾ (ಸಂ॰ ನಿ॰ ೫.೧೦೪೮) ವುತ್ತೋ ಞಾಣಾಭಿಸಮ್ಪರಾಯೋ, ಮಗ್ಗಞಾಣಯುತ್ತೇಹಿ ಗನ್ತಬ್ಬಗತಿವಿಸೇಸೋತಿ ಅತ್ಥೋ। ತಂ ಭಗವಾ ಬ್ಯಾಕರಿಸ್ಸತಿ। ‘‘ದದಾತಿ ದಾನ’’ನ್ತಿ ಇದಂ ಅನ್ನಪಾನವಿರಹಿತಾನಂ ಸೇಸಪಚ್ಚಯಾನಂ ದಾನವಸೇನ ವುತ್ತಂ। ಸೋವಗ್ಗಿಕನ್ತಿ ಸಗ್ಗಸಂವತ್ತನಿಕಂ।
349-351. Visākhavatthumhi kallakāyāti akilantakāyā. Gatīti ñāṇagati adhigamo. Abhisamparāyoti ‘‘sakideva imaṃ lokaṃ āgantvā dukkhassantaṃ karotī’’tiādinā (saṃ. ni. 5.1048) vutto ñāṇābhisamparāyo, maggañāṇayuttehi gantabbagativisesoti attho. Taṃ bhagavā byākarissati. ‘‘Dadāti dāna’’nti idaṃ annapānavirahitānaṃ sesapaccayānaṃ dānavasena vuttaṃ. Sovaggikanti saggasaṃvattanikaṃ.
೩೫೯. ಅಟ್ಠಪದಕಚ್ಛನ್ನೇನಾತಿ ಅಟ್ಠಪದಕಸಙ್ಖಾತಜೂತಫಲಕಲೇಖಾಸಣ್ಠಾನೇನ।
359.Aṭṭhapadakacchannenāti aṭṭhapadakasaṅkhātajūtaphalakalekhāsaṇṭhānena.
೩೬೨. ಪಾಳಿಯಂ ನದೀಪಾರಂ ಗನ್ತುನ್ತಿ ಭಿಕ್ಖುನೋ ನದೀಪಾರಗಮನಂ ಹೋತೀತಿ ಅತ್ಥೋ। ಅಗ್ಗಳಗುತ್ತಿಯೇವ ಪಮಾಣನ್ತಿ ಇಮೇಹಿ ಚತೂಹಿ ನಿಕ್ಖೇಪಕಾರಣೇಹಿ ಠಪೇನ್ತೇನಪಿ ಅಗ್ಗಳಗುತ್ತಿವಿಹಾರೇ ಏವ ಠಪೇತುಂ ವಟ್ಟತೀತಿ ಅಧಿಪ್ಪಾಯೋ। ನಿಸ್ಸೀಮಾಗತನ್ತಿ ವಸ್ಸಾನಸಙ್ಖಾತಂ ಕಾಲಸೀಮಂ ಅತಿಕ್ಕನ್ತಂ, ತಂ ವಸ್ಸಿಕಸಾಟಿಕಚೀವರಂ ನ ಹೋತೀತಿ ಅತ್ಥೋ।
362. Pāḷiyaṃ nadīpāraṃ gantunti bhikkhuno nadīpāragamanaṃ hotīti attho. Aggaḷaguttiyeva pamāṇanti imehi catūhi nikkhepakāraṇehi ṭhapentenapi aggaḷaguttivihāre eva ṭhapetuṃ vaṭṭatīti adhippāyo. Nissīmāgatanti vassānasaṅkhātaṃ kālasīmaṃ atikkantaṃ, taṃ vassikasāṭikacīvaraṃ na hotīti attho.
ಚೀವರರಜನಕಥಾದಿವಣ್ಣನಾ ನಿಟ್ಠಿತಾ।
Cīvararajanakathādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi
೨೧೫. ಚೀವರರಜನಕಥಾ • 215. Cīvararajanakathā
೨೧೬. ಛಿನ್ನಕಚೀವರಾನುಜಾನನಾ • 216. Chinnakacīvarānujānanā
೨೧೭. ತಿಚೀವರಾನುಜಾನನಾ • 217. Ticīvarānujānanā
೨೧೮. ಅತಿರೇಕಚೀವರಕಥಾ • 218. Atirekacīvarakathā
೨೧೯. ವಿಸಾಖಾವತ್ಥು • 219. Visākhāvatthu
೨೨೧. ಪಚ್ಛಿಮವಿಕಪ್ಪನುಪಗಚೀವರಾದಿಕಥಾ • 221. Pacchimavikappanupagacīvarādikathā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā
ಚೀವರರಜನಕಥಾ • Cīvararajanakathā
ಛಿನ್ನಕಚೀವರಾನುಜಾನನಕಥಾ • Chinnakacīvarānujānanakathā
ತಿಚೀವರಾನುಜಾನನಕಥಾ • Ticīvarānujānanakathā
ಅತಿರೇಕಚೀವರಾದಿಕಥಾ • Atirekacīvarādikathā
ಪಚ್ಛಿಮವಿಕಪ್ಪನುಪಗಚೀವರಾದಿಕಥಾ • Pacchimavikappanupagacīvarādikathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā
ಚೀವರರಜನಕಥಾವಣ್ಣನಾ • Cīvararajanakathāvaṇṇanā
ತಿಚೀವರಾನುಜಾನನಕಥಾವಣ್ಣನಾ • Ticīvarānujānanakathāvaṇṇanā
ಅತಿರೇಕಚೀವರಾದಿಕಥಾವಣ್ಣನಾ • Atirekacīvarādikathāvaṇṇanā
ವಿಸಾಖಾವತ್ಥುಕಥಾವಣ್ಣನಾ • Visākhāvatthukathāvaṇṇanā
ಪಚ್ಛಿಮವಿಕಪ್ಪನುಪಗಚೀವರಾದಿಕಥಾವಣ್ಣನಾ • Pacchimavikappanupagacīvarādikathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā
ಚೀವರರಜನಕಥಾವಣ್ಣನಾ • Cīvararajanakathāvaṇṇanā
ನಿಸೀದನಾದಿಅನುಜಾನನಕಥಾವಣ್ಣನಾ • Nisīdanādianujānanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi
೨೧೫. ಚೀವರರಜನಕಥಾ • 215. Cīvararajanakathā
೨೧೬. ಛಿನ್ನಕಚೀವರಾನುಜಾನನಕಥಾ • 216. Chinnakacīvarānujānanakathā
೨೧೭. ತಿಚೀವರಾನುಜಾನನಕಥಾ • 217. Ticīvarānujānanakathā
೨೧೮. ಅತಿರೇಕಚೀವರಾದಿಕಥಾ • 218. Atirekacīvarādikathā
೨೨೧. ಪಚ್ಛಿಮವಿಕಪ್ಪನುಪಗಚೀವರಾದಿಕಥಾ • 221. Pacchimavikappanupagacīvarādikathā
