| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
6. жийварасиб̣б̣анасигкаабад̣̇ам̣
6. Cīvarasibbanasikkhāpadaṃ
175. чадтз уд̣̇ааяийд̇и зд̇т̇а махаауд̣̇ааяий, гаал̣уд̣̇ааяий, лаал̣уд̣̇ааяийд̇и д̇аяо уд̣̇ааяий хонд̇и. д̇зсу д̇ад̇ияоваад̇хиббзд̇од̇и ааха ‘‘лаал̣уд̣̇ааяий’’д̇и. бабхаавзна таад̇и бавад̇д̇ад̇ийд̇и бадтод̇и гад̇з бадиб̣алова лаб̣бхад̇и. д̇знааха ‘‘бадиб̣ало’’д̇и. нибун̣од̇и гусало. ‘‘бадибхаанзна гад̇ажид̇д̇а’’нд̇ииминаа ‘‘бадибхаанажид̇д̇а’’нд̇и бад̣̇асса маж̇жхз бад̣̇алобам̣ д̣̇ассзд̇и. сод̇и лаал̣уд̣̇ааяий агаасийд̇и самб̣анд̇хо. д̇ассаад̇и жийварасса. ‘‘яат̇аасам̣хада’’нд̇и зд̇т̇а звасад̣̇д̣̇о аж̇жхаахарид̇аб̣б̣од̇и ааха ‘‘яат̇аасам̣хадамзваа’’д̇и.
175. Chaṭṭhe udāyīti ettha mahāudāyī, kāḷudāyī, lāḷudāyīti tayo udāyī honti. Tesu tatiyovādhippetoti āha ‘‘lāḷudāyī’’ti. Pabhāvena ṭhāti pavattatīti paṭṭhoti kate paṭibalova labbhati. Tenāha ‘‘paṭibalo’’ti. Nipuṇoti kusalo. ‘‘Paṭibhānena katacitta’’ntiiminā ‘‘paṭibhānacitta’’nti padassa majjhe padalopaṃ dasseti. Soti lāḷudāyī akāsīti sambandho. Tassāti cīvarassa. ‘‘Yathāsaṃhaṭa’’nti ettha evasaddo ajjhāharitabboti āha ‘‘yathāsaṃhaṭamevā’’ti.
176. яам̣ жийварам̣ ниваасид̇ум̣ ваа баарубид̇ум̣ ваа саггаа ход̇и, д̇ам̣ жийварам̣ наамаад̇и яож̇анаа. звам̣ хийд̇и звамзва. ‘‘д̣̇уггада’’нд̇ииминаа ‘‘саяам̣ сиб̣б̣ад̇и, аабад̇д̇и баажид̇д̇ияассаа’’д̇и зд̇т̇а анд̇араабад̇д̇им̣ д̣̇ассзд̇и. аараад̇и суужи. саа хи арад̇и ниссан̇г̇авасзна г̇ажчад̇и бависад̇ийд̇и ‘‘аараа’’д̇и вужжад̇и, д̇ассаа бат̇о г̇аманам̣ аараабат̇о, д̇асмим̣, аараабат̇асса нийхаран̣аавасаанад̇д̇аа ‘‘нийхаран̣з’’д̇и вуд̇д̇ам̣. сад̇агкад̇д̇умбийд̇и анзгагкад̇д̇умби. аан̣ад̇д̇од̇и аан̣аабийяад̇ийд̇и аан̣ад̇д̇о. ‘‘аан̣аабид̇о’’д̇и вад̇д̇аб̣б̣з н̣аабзсад̣̇д̣̇асса лобам̣, игаарасса жа агаарам̣ гад̇ваа, ‘‘аад̣̇ад̇д̇з’’д̇и аакяаад̇абад̣̇з д̇звибхад̇д̇ияаа вияа д̇абажжаяасса жа д̣̇вибхаавам̣ гад̇ваа звам̣ вуд̇д̇ам̣. д̇знааха ‘‘сагим̣ жийварам̣ сиб̣б̣аад̇и вуд̇д̇о’’д̇и. ат̇а банаад̇и д̇ад̇о ан̃н̃ат̇аа бана. аан̣ад̇д̇ассаад̇и аан̣аабид̇асса. самб̣ахулааниби баажид̇д̇ияаани хонд̇ийд̇и самб̣анд̇хо.
176. Yaṃ cīvaraṃ nivāsituṃ vā pārupituṃ vā sakkā hoti, taṃ cīvaraṃ nāmāti yojanā. Evaṃ hīti evameva. ‘‘Dukkaṭa’’ntiiminā ‘‘sayaṃ sibbati, āpatti pācittiyassā’’ti ettha antarāpattiṃ dasseti. Ārāti sūci. Sā hi arati nissaṅgavasena gacchati pavisatīti ‘‘ārā’’ti vuccati, tassā patho gamanaṃ ārāpatho, tasmiṃ, ārāpathassa nīharaṇāvasānattā ‘‘nīharaṇe’’ti vuttaṃ. Satakkhattumpīti anekakkhattumpi. Āṇattoti āṇāpīyatīti āṇatto. ‘‘Āṇāpito’’ti vattabbe ṇāpesaddassa lopaṃ, ikārassa ca akāraṃ katvā, ‘‘ādatte’’ti ākhyātapade tevibhattiyā viya tapaccayassa ca dvibhāvaṃ katvā evaṃ vuttaṃ. Tenāha ‘‘sakiṃ cīvaraṃ sibbāti vutto’’ti. Atha panāti tato aññathā pana. Āṇattassāti āṇāpitassa. Sambahulānipi pācittiyāni hontīti sambandho.
язби ниссид̇агаа сиб̣б̣анд̇ийд̇и яож̇анаа, аажарияубаж̇жхааязсу сиб̣б̣анд̇зсууд̇и самб̣анд̇хо. д̇зсанд̇и аажарияубаж̇жхааяаанам̣. д̇зсамбийд̇и ниссид̇агаанамби. н̃аад̇игаанам̣ бхигкунийнам̣ жийваранд̇и самб̣анд̇хо. ‘‘анд̇зваасигзхий’’д̇ибад̣̇ам̣ ‘‘сиб̣б̣аабзнд̇ий’’д̇ибад̣̇з гаарид̇агаммам̣. д̇ад̇раабийд̇и аажарияубаж̇жхааязхи сиб̣б̣аабанзби. ‘‘анд̇зваасигз’’д̇ибад̣̇ам̣ ‘‘ван̃жзд̇ваа’’д̇ибад̣̇з суд̣̇д̇хагаммам̣, ‘‘сиб̣б̣аабзнд̇ий’’д̇ибад̣̇з гаарид̇агаммам̣. ид̇арзсанд̇и аажарияубаж̇жхааяаананд̇и. чадтам̣.
Yepi nissitakā sibbantīti yojanā, ācariyupajjhāyesu sibbantesūti sambandho. Tesanti ācariyupajjhāyānaṃ. Tesampīti nissitakānampi. Ñātikānaṃ bhikkhunīnaṃ cīvaranti sambandho. ‘‘Antevāsikehī’’tipadaṃ ‘‘sibbāpentī’’tipade kāritakammaṃ. Tatrāpīti ācariyupajjhāyehi sibbāpanepi. ‘‘Antevāsike’’tipadaṃ ‘‘vañcetvā’’tipade suddhakammaṃ, ‘‘sibbāpentī’’tipade kāritakammaṃ. Itaresanti ācariyupajjhāyānanti. Chaṭṭhaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. жийварасиб̣б̣анасигкаабад̣̇аван̣н̣анаа • 6. Cīvarasibbanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. жийварасиб̣б̣аабанасигкаабад̣̇аван̣н̣анаа • 6. Cīvarasibbāpanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. жийварасиб̣б̣анасигкаабад̣̇аван̣н̣анаа • 6. Cīvarasibbanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. жийварасиб̣б̣анасигкаабад̣̇аван̣н̣анаа • 6. Cīvarasibbanasikkhāpadavaṇṇanā
