| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
6. சீவரஸிப்³ப³னஸிக்கா²பத³வண்ணனா
6. Cīvarasibbanasikkhāpadavaṇṇanā
ஸூசிங் பவேஸெத்வா பவேஸெத்வா நீஹரணேதி ஆராபதே² ஆராபதே² பாசித்தியங். ‘‘ஸிப்³பி³ஸ்ஸாமீ’’தி பன விசாரெந்தஸ்ஸ, சி²ந்த³ந்தஸ்ஸாபி து³க்கடங். ஸதக்க²த்தும்பி விஜ்ஜி²த்வா ஸகிங் நீஹரந்தஸ்ஸாதி ஸகலஸூசிங் அனீஹரந்தோ தீ³க⁴ஸுத்தப்பவேஸனத்த²ங் ஸதக்க²த்தும்பி விஜ்ஜி²த்வா ஸகிங் நீஹரந்தஸ்ஸ. ‘‘ஸிப்³பா³’’தி வுத்தோதி ஸகிங் ‘‘சீவரங் ஸிப்³பா³’’தி வுத்தோ. நிட்டா²பேதீதி ஸப்³ப³ங் ஸூசிகம்மங் பரியோஸாபேதி. தஸ்ஸ ஆராபதே² ஆராபதே² பாசித்தியந்தி ஆணத்தஸ்ஸ ஸூசிங் பவேஸெத்வா பவேஸெத்வா நீஹரணே ஏகமேகங் பாசித்தியங்.
Sūciṃ pavesetvā pavesetvā nīharaṇeti ārāpathe ārāpathe pācittiyaṃ. ‘‘Sibbissāmī’’ti pana vicārentassa, chindantassāpi dukkaṭaṃ. Satakkhattumpi vijjhitvā sakiṃ nīharantassāti sakalasūciṃ anīharanto dīghasuttappavesanatthaṃ satakkhattumpi vijjhitvā sakiṃ nīharantassa. ‘‘Sibbā’’ti vuttoti sakiṃ ‘‘cīvaraṃ sibbā’’ti vutto. Niṭṭhāpetīti sabbaṃ sūcikammaṃ pariyosāpeti. Tassa ārāpathe ārāpathe pācittiyanti āṇattassa sūciṃ pavesetvā pavesetvā nīharaṇe ekamekaṃ pācittiyaṃ.
உதா³யித்தே²ரந்தி லாளுதா³யித்தே²ரங். வுத்தலக்க²ணங் ஸிப்³ப³னங் வா ஸிப்³பா³பனங் வாதி ‘‘ஸூசிங் பவேஸெத்வா’’திஆதி³னா வுத்தலக்க²ணங் ஸிப்³ப³னங் வா ஸிப்³பா³பனங் வா.
Udāyittheranti lāḷudāyittheraṃ. Vuttalakkhaṇaṃ sibbanaṃ vā sibbāpanaṃ vāti ‘‘sūciṃ pavesetvā’’tiādinā vuttalakkhaṇaṃ sibbanaṃ vā sibbāpanaṃ vā.
சீவரஸிப்³ப³னஸிக்கா²பத³வண்ணனா நிட்டி²தா.
Cīvarasibbanasikkhāpadavaṇṇanā niṭṭhitā.
