| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৬. চীৰরসিব্বনসিক্খাপদৰণ্ণনা
6. Cīvarasibbanasikkhāpadavaṇṇanā
সূচিং পৰেসেত্ৰা পৰেসেত্ৰা নীহরণেতি আরাপথে আরাপথে পাচিত্তিযং। ‘‘সিব্বিস্সামী’’তি পন ৰিচারেন্তস্স, ছিন্দন্তস্সাপি দুক্কটং। সতক্খত্তুম্পি ৰিজ্ঝিত্ৰা সকিং নীহরন্তস্সাতি সকলসূচিং অনীহরন্তো দীঘসুত্তপ্পৰেসনত্থং সতক্খত্তুম্পি ৰিজ্ঝিত্ৰা সকিং নীহরন্তস্স। ‘‘সিব্বা’’তি ৰুত্তোতি সকিং ‘‘চীৰরং সিব্বা’’তি ৰুত্তো। নিট্ঠাপেতীতি সব্বং সূচিকম্মং পরিযোসাপেতি। তস্স আরাপথে আরাপথে পাচিত্তিযন্তি আণত্তস্স সূচিং পৰেসেত্ৰা পৰেসেত্ৰা নীহরণে একমেকং পাচিত্তিযং।
Sūciṃ pavesetvā pavesetvā nīharaṇeti ārāpathe ārāpathe pācittiyaṃ. ‘‘Sibbissāmī’’ti pana vicārentassa, chindantassāpi dukkaṭaṃ. Satakkhattumpi vijjhitvā sakiṃ nīharantassāti sakalasūciṃ anīharanto dīghasuttappavesanatthaṃ satakkhattumpi vijjhitvā sakiṃ nīharantassa. ‘‘Sibbā’’ti vuttoti sakiṃ ‘‘cīvaraṃ sibbā’’ti vutto. Niṭṭhāpetīti sabbaṃ sūcikammaṃ pariyosāpeti. Tassa ārāpathe ārāpathe pācittiyanti āṇattassa sūciṃ pavesetvā pavesetvā nīharaṇe ekamekaṃ pācittiyaṃ.
উদাযিত্থেরন্তি লাল়ুদাযিত্থেরং। ৰুত্তলক্খণং সিব্বনং ৰা সিব্বাপনং ৰাতি ‘‘সূচিং পৰেসেত্ৰা’’তিআদিনা ৰুত্তলক্খণং সিব্বনং ৰা সিব্বাপনং ৰা।
Udāyittheranti lāḷudāyittheraṃ. Vuttalakkhaṇaṃ sibbanaṃ vā sibbāpanaṃ vāti ‘‘sūciṃ pavesetvā’’tiādinā vuttalakkhaṇaṃ sibbanaṃ vā sibbāpanaṃ vā.
চীৰরসিব্বনসিক্খাপদৰণ্ণনা নিট্ঠিতা।
Cīvarasibbanasikkhāpadavaṇṇanā niṭṭhitā.
