| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
6. жийварасиб̣б̣анасигкаабад̣̇аван̣н̣анаа
6. Cīvarasibbanasikkhāpadavaṇṇanā
175. чадтасигкаабад̣̇з – уд̣̇ааяийд̇и лаал̣уд̣̇ааяий. бадтод̇и бадиб̣ало, нибун̣о жзва самад̇т̇о жаад̇и вуд̇д̇ам̣ ход̇и. ан̃н̃ад̇араа бхигкунийд̇и д̇ассзва бураан̣ад̣̇уд̇ияигаа. бадибхаанажид̇д̇анд̇и ад̇д̇ано бадибхаанзна гад̇ажид̇д̇ам̣, со гира жийварам̣ раж̇ид̇ваа д̇асса маж̇жхз наанааван̣н̣зхи виббагад̇амзт̇унам̣ ид̇т̇ибурисаруубамагааси. д̇зна вуд̇д̇ам̣ – ‘‘маж̇жхз бадибхаанажид̇д̇ам̣ вудтаабзд̇ваа’’д̇и. яат̇аасам̣хаданд̇и яат̇аасам̣харид̇амзва.
175. Chaṭṭhasikkhāpade – udāyīti lāḷudāyī. Paṭṭhoti paṭibalo, nipuṇo ceva samattho cāti vuttaṃ hoti. Aññatarā bhikkhunīti tasseva purāṇadutiyikā. Paṭibhānacittanti attano paṭibhānena katacittaṃ, so kira cīvaraṃ rajitvā tassa majjhe nānāvaṇṇehi vippakatamethunaṃ itthipurisarūpamakāsi. Tena vuttaṃ – ‘‘majjhe paṭibhānacittaṃ vuṭṭhāpetvā’’ti. Yathāsaṃhaṭanti yathāsaṃharitameva.
176. жийваранд̇и яам̣ ниваасид̇ум̣ ваа баарубид̇ум̣ ваа саггаа ход̇и, зван̃хи махаабажжарияаад̣̇ийсу вуд̇д̇ам̣. саяам̣ сиб̣б̣ад̇ийд̇и зд̇т̇а сиб̣б̣иссаамийд̇и вижаарзнд̇ассааби чинд̣̇анд̇ассааби д̣̇уггадам̣, сиб̣б̣анд̇асса бана баажид̇д̇ияам̣. аараабат̇з аараабат̇зд̇и суужим̣ бавзсзд̇ваа бавзсзд̇ваа нийхаран̣з. сажз бана сагаласуужим̣ анийхаранд̇о д̣̇ийгхасуд̇д̇аббавзсанад̇т̇ам̣ сад̇агкад̇д̇умби виж̇жхид̇ваа нийхарад̇и, згамзва баажид̇д̇ияам̣. сагим̣ аан̣ад̇д̇од̇и сагим̣ ‘‘жийварам̣ сиб̣б̣аа’’д̇и вуд̇д̇о. б̣ахугамби сиб̣б̣ад̇ийд̇и сажзби саб̣б̣ам̣ суужигаммам̣ барияосаабзд̇ваа жийварам̣ нидтаабзд̇и, згамзва баажид̇д̇ияам̣. ат̇а бана ‘‘имасмим̣ жийварз гад̇д̇аб̣б̣агаммам̣ д̇ава бхааро’’д̇и вуд̇д̇о гарод̇и, аан̣ад̇д̇асса аараабат̇з аараабат̇з згамзгам̣ баажид̇д̇ияам̣, аан̣аабагасса згаваажааяа самб̣ахулааниби. бунаббунам̣ аан̣ад̇д̇ияам̣ бана вад̇д̇аб̣б̣амзва над̇т̇и.
176.Cīvaranti yaṃ nivāsituṃ vā pārupituṃ vā sakkā hoti, evañhi mahāpaccariyādīsu vuttaṃ. Sayaṃ sibbatīti ettha sibbissāmīti vicārentassāpi chindantassāpi dukkaṭaṃ, sibbantassa pana pācittiyaṃ. Ārāpathe ārāpatheti sūciṃ pavesetvā pavesetvā nīharaṇe. Sace pana sakalasūciṃ anīharanto dīghasuttappavesanatthaṃ satakkhattumpi vijjhitvā nīharati, ekameva pācittiyaṃ. Sakiṃ āṇattoti sakiṃ ‘‘cīvaraṃ sibbā’’ti vutto. Bahukampi sibbatīti sacepi sabbaṃ sūcikammaṃ pariyosāpetvā cīvaraṃ niṭṭhāpeti, ekameva pācittiyaṃ. Atha pana ‘‘imasmiṃ cīvare kattabbakammaṃ tava bhāro’’ti vutto karoti, āṇattassa ārāpathe ārāpathe ekamekaṃ pācittiyaṃ, āṇāpakassa ekavācāya sambahulānipi. Punappunaṃ āṇattiyaṃ pana vattabbameva natthi.
язби сажз аажарияубаж̇жхааязсу ад̇д̇ано н̃аад̇игаанам̣ жийварам̣ сиб̣б̣анд̇зсу д̇зсам̣ ниссид̇агаа ‘‘аажарияубаж̇жхааяавад̇д̇ам̣ ваа гат̇инавад̇д̇ам̣ ваа гаромаа’’д̇и сиб̣б̣анд̇и, д̇зсамби аараабат̇аг̇ан̣анааяа аабад̇д̇ияо. аажарияубаж̇жхааяаа ад̇д̇ано н̃аад̇игаанам̣ жийварам̣ анд̇зваасигзхи сиб̣б̣аабзнд̇и, аажарияубаж̇жхааяаанам̣ д̣̇уггадам̣, анд̇зваасигаанам̣ баажид̇д̇ияам̣. анд̇зваасигаа ад̇д̇ано н̃аад̇игаанам̣ аажарияубаж̇жхааязхи сиб̣б̣аабзнд̇и, д̇ад̇рааби зсзва наяо. анд̇зваасигаанамби аажарияубаж̇жхааяаанамби н̃аад̇игааяа жийварам̣ ход̇и, аажарияубаж̇жхааяаа бана анд̇зваасигз ван̃жзд̇ваа сиб̣б̣аабзнд̇и, убхиннамби д̣̇уггадам̣. гасмаа? анд̇зваасигаанам̣ ан̃н̃аад̇игасан̃н̃ааяа сиб̣б̣ид̇ад̇д̇аа , ид̇арзсам̣ агаббияз нияож̇ид̇ад̇д̇аа. д̇асмаа ‘‘ид̣̇ам̣ д̇з маад̇у жийварам̣, ид̣̇ам̣ бхаг̇инияаа’’д̇и аажигкид̇ваа сиб̣б̣аабзд̇аб̣б̣ам̣.
Yepi sace ācariyupajjhāyesu attano ñātikānaṃ cīvaraṃ sibbantesu tesaṃ nissitakā ‘‘ācariyupajjhāyavattaṃ vā kathinavattaṃ vā karomā’’ti sibbanti, tesampi ārāpathagaṇanāya āpattiyo. Ācariyupajjhāyā attano ñātikānaṃ cīvaraṃ antevāsikehi sibbāpenti, ācariyupajjhāyānaṃ dukkaṭaṃ, antevāsikānaṃ pācittiyaṃ. Antevāsikā attano ñātikānaṃ ācariyupajjhāyehi sibbāpenti, tatrāpi eseva nayo. Antevāsikānampi ācariyupajjhāyānampi ñātikāya cīvaraṃ hoti, ācariyupajjhāyā pana antevāsike vañcetvā sibbāpenti, ubhinnampi dukkaṭaṃ. Kasmā? Antevāsikānaṃ aññātikasaññāya sibbitattā , itaresaṃ akappiye niyojitattā. Tasmā ‘‘idaṃ te mātu cīvaraṃ, idaṃ bhaginiyā’’ti ācikkhitvā sibbāpetabbaṃ.
179. ан̃н̃ам̣ баригкааранд̇и яам̣гин̃жи убааханад̇т̇авигаад̣̇им̣. сзсам̣ уд̇д̇аанамзва. часамудтаанам̣ – гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
179.Aññaṃparikkhāranti yaṃkiñci upāhanatthavikādiṃ. Sesaṃ uttānameva. Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
жийварасиб̣б̣анасигкаабад̣̇ам̣ чадтам̣.
Cīvarasibbanasikkhāpadaṃ chaṭṭhaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. жийварасиб̣б̣аабанасигкаабад̣̇аван̣н̣анаа • 6. Cīvarasibbāpanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. жийварасиб̣б̣анасигкаабад̣̇аван̣н̣анаа • 6. Cīvarasibbanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. жийварасиб̣б̣анасигкаабад̣̇аван̣н̣анаа • 6. Cīvarasibbanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. жийварасиб̣б̣анасигкаабад̣̇ам̣ • 6. Cīvarasibbanasikkhāpadaṃ
