| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၆. စီဝရသိဗ္ဗနသိက္ခာပဒဝဏ္ဏနာ
6. Cīvarasibbanasikkhāpadavaṇṇanā
သူစိံ ပဝေသေတ္ဝာ ပဝေသေတ္ဝာ နီဟရဏေတိ အာရာပထေ အာရာပထေ ပာစိတ္တိယံ။ ‘‘သိဗ္ဗိသ္သာမီ’’တိ ပန ဝိစာရေန္တသ္သ, ဆိန္ဒန္တသ္သာပိ ဒုက္ကဋံ။ သတက္ခတ္တုမ္ပိ ဝိဇ္ဈိတ္ဝာ သကိံ နီဟရန္တသ္သာတိ သကလသူစိံ အနီဟရန္တော ဒီဃသုတ္တပ္ပဝေသနတ္ထံ သတက္ခတ္တုမ္ပိ ဝိဇ္ဈိတ္ဝာ သကိံ နီဟရန္တသ္သ။ ‘‘သိဗ္ဗာ’’တိ ဝုတ္တောတိ သကိံ ‘‘စီဝရံ သိဗ္ဗာ’’တိ ဝုတ္တော။ နိဋ္ဌာပေတီတိ သဗ္ဗံ သူစိကမ္မံ ပရိယောသာပေတိ။ တသ္သ အာရာပထေ အာရာပထေ ပာစိတ္တိယန္တိ အာဏတ္တသ္သ သူစိံ ပဝေသေတ္ဝာ ပဝေသေတ္ဝာ နီဟရဏေ ဧကမေကံ ပာစိတ္တိယံ။
Sūciṃ pavesetvā pavesetvā nīharaṇeti ārāpathe ārāpathe pācittiyaṃ. ‘‘Sibbissāmī’’ti pana vicārentassa, chindantassāpi dukkaṭaṃ. Satakkhattumpi vijjhitvā sakiṃ nīharantassāti sakalasūciṃ anīharanto dīghasuttappavesanatthaṃ satakkhattumpi vijjhitvā sakiṃ nīharantassa. ‘‘Sibbā’’ti vuttoti sakiṃ ‘‘cīvaraṃ sibbā’’ti vutto. Niṭṭhāpetīti sabbaṃ sūcikammaṃ pariyosāpeti. Tassa ārāpathe ārāpathe pācittiyanti āṇattassa sūciṃ pavesetvā pavesetvā nīharaṇe ekamekaṃ pācittiyaṃ.
ဥဒာယိတ္ထေရန္တိ လာဠုဒာယိတ္ထေရံ။ ဝုတ္တလက္ခဏံ သိဗ္ဗနံ ဝာ သိဗ္ဗာပနံ ဝာတိ ‘‘သူစိံ ပဝေသေတ္ဝာ’’တိအာဒိနာ ဝုတ္တလက္ခဏံ သိဗ္ဗနံ ဝာ သိဗ္ဗာပနံ ဝာ။
Udāyittheranti lāḷudāyittheraṃ. Vuttalakkhaṇaṃ sibbanaṃ vā sibbāpanaṃ vāti ‘‘sūciṃ pavesetvā’’tiādinā vuttalakkhaṇaṃ sibbanaṃ vā sibbāpanaṃ vā.
စီဝရသိဗ္ဗနသိက္ခာပဒဝဏ္ဏနာ နိဋ္ဌိတာ။
Cīvarasibbanasikkhāpadavaṇṇanā niṭṭhitā.
