| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
6. චීවරසිබ්‌බනසික්‌ඛාපදවණ්‌ණනා
6. Cīvarasibbanasikkhāpadavaṇṇanā
සූචිං පවෙසෙත්‌වා පවෙසෙත්‌වා නීහරණෙති ආරාපථෙ ආරාපථෙ පාචිත්‌තියං. ‘‘සිබ්‌බිස්‌සාමී’’ති පන විචාරෙන්‌තස්‌ස, ඡින්‌දන්‌තස්‌සාපි දුක්‌කටං. සතක්‌ඛත්‌තුම්‌පි විජ්‌ඣිත්‌වා සකිං නීහරන්‌තස්‌සාති සකලසූචිං අනීහරන්‌තො දීඝසුත්‌තප්‌පවෙසනත්‌ථං සතක්‌ඛත්‌තුම්‌පි විජ්‌ඣිත්‌වා සකිං නීහරන්‌තස්‌ස. ‘‘සිබ්‌බා’’ති වුත්‌තොති සකිං ‘‘චීවරං සිබ්‌බා’’ති වුත්‌තො. නිට්‌ඨාපෙතීති සබ්‌බං සූචිකම්‌මං පරියොසාපෙති. තස්‌ස ආරාපථෙ ආරාපථෙ පාචිත්‌තියන්‌ති ආණත්‌තස්‌ස සූචිං පවෙසෙත්‌වා පවෙසෙත්‌වා නීහරණෙ එකමෙකං පාචිත්‌තියං.
Sūciṃ pavesetvā pavesetvā nīharaṇeti ārāpathe ārāpathe pācittiyaṃ. ‘‘Sibbissāmī’’ti pana vicārentassa, chindantassāpi dukkaṭaṃ. Satakkhattumpi vijjhitvā sakiṃ nīharantassāti sakalasūciṃ anīharanto dīghasuttappavesanatthaṃ satakkhattumpi vijjhitvā sakiṃ nīharantassa. ‘‘Sibbā’’ti vuttoti sakiṃ ‘‘cīvaraṃ sibbā’’ti vutto. Niṭṭhāpetīti sabbaṃ sūcikammaṃ pariyosāpeti. Tassa ārāpathe ārāpathe pācittiyanti āṇattassa sūciṃ pavesetvā pavesetvā nīharaṇe ekamekaṃ pācittiyaṃ.
උදායිත්‌ථෙරන්‌ති ලාළුදායිත්‌ථෙරං. වුත්‌තලක්‌ඛණං සිබ්‌බනං වා සිබ්‌බාපනං වාති ‘‘සූචිං පවෙසෙත්‌වා’’තිආදිනා වුත්‌තලක්‌ඛණං සිබ්‌බනං වා සිබ්‌බාපනං වා.
Udāyittheranti lāḷudāyittheraṃ. Vuttalakkhaṇaṃ sibbanaṃ vā sibbāpanaṃ vāti ‘‘sūciṃ pavesetvā’’tiādinā vuttalakkhaṇaṃ sibbanaṃ vā sibbāpanaṃ vā.
චීවරසිබ්‌බනසික්‌ඛාපදවණ්‌ණනා නිට්‌ඨිතා.
Cīvarasibbanasikkhāpadavaṇṇanā niṭṭhitā.
