| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༦. ཙཱིཝརསིབྦནསིཀྑཱཔདཝཎྞནཱ
6. Cīvarasibbanasikkhāpadavaṇṇanā
སཱུཙིཾ པཝེསེཏྭཱ པཝེསེཏྭཱ ནཱིཧརཎེཏི ཨཱརཱཔཐེ ཨཱརཱཔཐེ པཱཙིཏྟིཡཾ། ‘‘སིབྦིསྶཱམཱི’’ཏི པན ཝིཙཱརེནྟསྶ, ཚིནྡནྟསྶཱཔི དུཀྐཊཾ། སཏཀྑཏྟུམྤི ཝིཛ྄ཛྷིཏྭཱ སཀིཾ ནཱིཧརནྟསྶཱཏི སཀལསཱུཙིཾ ཨནཱིཧརནྟོ དཱིགྷསུཏྟཔྤཝེསནཏྠཾ སཏཀྑཏྟུམྤི ཝིཛ྄ཛྷིཏྭཱ སཀིཾ ནཱིཧརནྟསྶ། ‘‘སིབྦཱ’’ཏི ཝུཏྟོཏི སཀིཾ ‘‘ཙཱིཝརཾ སིབྦཱ’’ཏི ཝུཏྟོ། ནིཊྛཱཔེཏཱིཏི སབྦཾ སཱུཙིཀམྨཾ པརིཡོསཱཔེཏི། ཏསྶ ཨཱརཱཔཐེ ཨཱརཱཔཐེ པཱཙིཏྟིཡནྟི ཨཱཎཏྟསྶ སཱུཙིཾ པཝེསེཏྭཱ པཝེསེཏྭཱ ནཱིཧརཎེ ཨེཀམེཀཾ པཱཙིཏྟིཡཾ།
Sūciṃ pavesetvā pavesetvā nīharaṇeti ārāpathe ārāpathe pācittiyaṃ. ‘‘Sibbissāmī’’ti pana vicārentassa, chindantassāpi dukkaṭaṃ. Satakkhattumpi vijjhitvā sakiṃ nīharantassāti sakalasūciṃ anīharanto dīghasuttappavesanatthaṃ satakkhattumpi vijjhitvā sakiṃ nīharantassa. ‘‘Sibbā’’ti vuttoti sakiṃ ‘‘cīvaraṃ sibbā’’ti vutto. Niṭṭhāpetīti sabbaṃ sūcikammaṃ pariyosāpeti. Tassa ārāpathe ārāpathe pācittiyanti āṇattassa sūciṃ pavesetvā pavesetvā nīharaṇe ekamekaṃ pācittiyaṃ.
ཨུདཱཡིཏྠེརནྟི ལཱལུ༹དཱཡིཏྠེརཾ། ཝུཏྟལཀྑཎཾ སིབྦནཾ ཝཱ སིབྦཱཔནཾ ཝཱཏི ‘‘སཱུཙིཾ པཝེསེཏྭཱ’’ཏིཨཱདིནཱ ཝུཏྟལཀྑཎཾ སིབྦནཾ ཝཱ སིབྦཱཔནཾ ཝཱ།
Udāyittheranti lāḷudāyittheraṃ. Vuttalakkhaṇaṃ sibbanaṃ vā sibbāpanaṃ vāti ‘‘sūciṃ pavesetvā’’tiādinā vuttalakkhaṇaṃ sibbanaṃ vā sibbāpanaṃ vā.
ཙཱིཝརསིབྦནསིཀྑཱཔདཝཎྞནཱ ནིཊྛིཏཱ།
Cīvarasibbanasikkhāpadavaṇṇanā niṭṭhitā.
