| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੬. ਚੀવਰਸਿਬ੍ਬਨਸਿਕ੍ਖਾਪਦવਣ੍ਣਨਾ
6. Cīvarasibbanasikkhāpadavaṇṇanā
੧੭੫. ਛਟ੍ਠਸਿਕ੍ਖਾਪਦੇ – ਉਦਾਯੀਤਿ ਲਾਲ਼ੁਦਾਯੀ। ਪਟ੍ਠੋਤਿ ਪਟਿਬਲੋ, ਨਿਪੁਣੋ ਚੇવ ਸਮਤ੍ਥੋ ਚਾਤਿ વੁਤ੍ਤਂ ਹੋਤਿ। ਅਞ੍ਞਤਰਾ ਭਿਕ੍ਖੁਨੀਤਿ ਤਸ੍ਸੇવ ਪੁਰਾਣਦੁਤਿਯਿਕਾ। ਪਟਿਭਾਨਚਿਤ੍ਤਨ੍ਤਿ ਅਤ੍ਤਨੋ ਪਟਿਭਾਨੇਨ ਕਤਚਿਤ੍ਤਂ, ਸੋ ਕਿਰ ਚੀવਰਂ ਰਜਿਤ੍વਾ ਤਸ੍ਸ ਮਜ੍ਝੇ ਨਾਨਾવਣ੍ਣੇਹਿ વਿਪ੍ਪਕਤਮੇਥੁਨਂ ਇਤ੍ਥਿਪੁਰਿਸਰੂਪਮਕਾਸਿ। ਤੇਨ વੁਤ੍ਤਂ – ‘‘ਮਜ੍ਝੇ ਪਟਿਭਾਨਚਿਤ੍ਤਂ વੁਟ੍ਠਾਪੇਤ੍વਾ’’ਤਿ। ਯਥਾਸਂਹਟਨ੍ਤਿ ਯਥਾਸਂਹਰਿਤਮੇવ।
175. Chaṭṭhasikkhāpade – udāyīti lāḷudāyī. Paṭṭhoti paṭibalo, nipuṇo ceva samattho cāti vuttaṃ hoti. Aññatarā bhikkhunīti tasseva purāṇadutiyikā. Paṭibhānacittanti attano paṭibhānena katacittaṃ, so kira cīvaraṃ rajitvā tassa majjhe nānāvaṇṇehi vippakatamethunaṃ itthipurisarūpamakāsi. Tena vuttaṃ – ‘‘majjhe paṭibhānacittaṃ vuṭṭhāpetvā’’ti. Yathāsaṃhaṭanti yathāsaṃharitameva.
੧੭੬. ਚੀવਰਨ੍ਤਿ ਯਂ ਨਿવਾਸਿਤੁਂ વਾ ਪਾਰੁਪਿਤੁਂ વਾ ਸਕ੍ਕਾ ਹੋਤਿ, ਏવਞ੍ਹਿ ਮਹਾਪਚ੍ਚਰਿਯਾਦੀਸੁ વੁਤ੍ਤਂ। ਸਯਂ ਸਿਬ੍ਬਤੀਤਿ ਏਤ੍ਥ ਸਿਬ੍ਬਿਸ੍ਸਾਮੀਤਿ વਿਚਾਰੇਨ੍ਤਸ੍ਸਾਪਿ ਛਿਨ੍ਦਨ੍ਤਸ੍ਸਾਪਿ ਦੁਕ੍ਕਟਂ, ਸਿਬ੍ਬਨ੍ਤਸ੍ਸ ਪਨ ਪਾਚਿਤ੍ਤਿਯਂ। ਆਰਾਪਥੇ ਆਰਾਪਥੇਤਿ ਸੂਚਿਂ ਪવੇਸੇਤ੍વਾ ਪવੇਸੇਤ੍વਾ ਨੀਹਰਣੇ। ਸਚੇ ਪਨ ਸਕਲਸੂਚਿਂ ਅਨੀਹਰਨ੍ਤੋ ਦੀਘਸੁਤ੍ਤਪ੍ਪવੇਸਨਤ੍ਥਂ ਸਤਕ੍ਖਤ੍ਤੁਮ੍ਪਿ વਿਜ੍ਝਿਤ੍વਾ ਨੀਹਰਤਿ, ਏਕਮੇવ ਪਾਚਿਤ੍ਤਿਯਂ। ਸਕਿਂ ਆਣਤ੍ਤੋਤਿ ਸਕਿਂ ‘‘ਚੀવਰਂ ਸਿਬ੍ਬਾ’’ਤਿ વੁਤ੍ਤੋ। ਬਹੁਕਮ੍ਪਿ ਸਿਬ੍ਬਤੀਤਿ ਸਚੇਪਿ ਸਬ੍ਬਂ ਸੂਚਿਕਮ੍ਮਂ ਪਰਿਯੋਸਾਪੇਤ੍વਾ ਚੀવਰਂ ਨਿਟ੍ਠਾਪੇਤਿ, ਏਕਮੇવ ਪਾਚਿਤ੍ਤਿਯਂ। ਅਥ ਪਨ ‘‘ਇਮਸ੍ਮਿਂ ਚੀવਰੇ ਕਤ੍ਤਬ੍ਬਕਮ੍ਮਂ ਤવ ਭਾਰੋ’’ਤਿ વੁਤ੍ਤੋ ਕਰੋਤਿ, ਆਣਤ੍ਤਸ੍ਸ ਆਰਾਪਥੇ ਆਰਾਪਥੇ ਏਕਮੇਕਂ ਪਾਚਿਤ੍ਤਿਯਂ, ਆਣਾਪਕਸ੍ਸ ਏਕવਾਚਾਯ ਸਮ੍ਬਹੁਲਾਨਿਪਿ। ਪੁਨਪ੍ਪੁਨਂ ਆਣਤ੍ਤਿਯਂ ਪਨ વਤ੍ਤਬ੍ਬਮੇવ ਨਤ੍ਥਿ।
176.Cīvaranti yaṃ nivāsituṃ vā pārupituṃ vā sakkā hoti, evañhi mahāpaccariyādīsu vuttaṃ. Sayaṃ sibbatīti ettha sibbissāmīti vicārentassāpi chindantassāpi dukkaṭaṃ, sibbantassa pana pācittiyaṃ. Ārāpathe ārāpatheti sūciṃ pavesetvā pavesetvā nīharaṇe. Sace pana sakalasūciṃ anīharanto dīghasuttappavesanatthaṃ satakkhattumpi vijjhitvā nīharati, ekameva pācittiyaṃ. Sakiṃ āṇattoti sakiṃ ‘‘cīvaraṃ sibbā’’ti vutto. Bahukampi sibbatīti sacepi sabbaṃ sūcikammaṃ pariyosāpetvā cīvaraṃ niṭṭhāpeti, ekameva pācittiyaṃ. Atha pana ‘‘imasmiṃ cīvare kattabbakammaṃ tava bhāro’’ti vutto karoti, āṇattassa ārāpathe ārāpathe ekamekaṃ pācittiyaṃ, āṇāpakassa ekavācāya sambahulānipi. Punappunaṃ āṇattiyaṃ pana vattabbameva natthi.
ਯੇਪਿ ਸਚੇ ਆਚਰਿਯੁਪਜ੍ਝਾਯੇਸੁ ਅਤ੍ਤਨੋ ਞਾਤਿਕਾਨਂ ਚੀવਰਂ ਸਿਬ੍ਬਨ੍ਤੇਸੁ ਤੇਸਂ ਨਿਸ੍ਸਿਤਕਾ ‘‘ਆਚਰਿਯੁਪਜ੍ਝਾਯવਤ੍ਤਂ વਾ ਕਥਿਨવਤ੍ਤਂ વਾ ਕਰੋਮਾ’’ਤਿ ਸਿਬ੍ਬਨ੍ਤਿ, ਤੇਸਮ੍ਪਿ ਆਰਾਪਥਗਣਨਾਯ ਆਪਤ੍ਤਿਯੋ। ਆਚਰਿਯੁਪਜ੍ਝਾਯਾ ਅਤ੍ਤਨੋ ਞਾਤਿਕਾਨਂ ਚੀવਰਂ ਅਨ੍ਤੇવਾਸਿਕੇਹਿ ਸਿਬ੍ਬਾਪੇਨ੍ਤਿ, ਆਚਰਿਯੁਪਜ੍ਝਾਯਾਨਂ ਦੁਕ੍ਕਟਂ, ਅਨ੍ਤੇવਾਸਿਕਾਨਂ ਪਾਚਿਤ੍ਤਿਯਂ। ਅਨ੍ਤੇવਾਸਿਕਾ ਅਤ੍ਤਨੋ ਞਾਤਿਕਾਨਂ ਆਚਰਿਯੁਪਜ੍ਝਾਯੇਹਿ ਸਿਬ੍ਬਾਪੇਨ੍ਤਿ, ਤਤ੍ਰਾਪਿ ਏਸੇવ ਨਯੋ। ਅਨ੍ਤੇવਾਸਿਕਾਨਮ੍ਪਿ ਆਚਰਿਯੁਪਜ੍ਝਾਯਾਨਮ੍ਪਿ ਞਾਤਿਕਾਯ ਚੀવਰਂ ਹੋਤਿ, ਆਚਰਿਯੁਪਜ੍ਝਾਯਾ ਪਨ ਅਨ੍ਤੇવਾਸਿਕੇ વਞ੍ਚੇਤ੍વਾ ਸਿਬ੍ਬਾਪੇਨ੍ਤਿ, ਉਭਿਨ੍ਨਮ੍ਪਿ ਦੁਕ੍ਕਟਂ। ਕਸ੍ਮਾ? ਅਨ੍ਤੇવਾਸਿਕਾਨਂ ਅਞ੍ਞਾਤਿਕਸਞ੍ਞਾਯ ਸਿਬ੍ਬਿਤਤ੍ਤਾ , ਇਤਰੇਸਂ ਅਕਪ੍ਪਿਯੇ ਨਿਯੋਜਿਤਤ੍ਤਾ। ਤਸ੍ਮਾ ‘‘ਇਦਂ ਤੇ ਮਾਤੁ ਚੀવਰਂ, ਇਦਂ ਭਗਿਨਿਯਾ’’ਤਿ ਆਚਿਕ੍ਖਿਤ੍વਾ ਸਿਬ੍ਬਾਪੇਤਬ੍ਬਂ।
Yepi sace ācariyupajjhāyesu attano ñātikānaṃ cīvaraṃ sibbantesu tesaṃ nissitakā ‘‘ācariyupajjhāyavattaṃ vā kathinavattaṃ vā karomā’’ti sibbanti, tesampi ārāpathagaṇanāya āpattiyo. Ācariyupajjhāyā attano ñātikānaṃ cīvaraṃ antevāsikehi sibbāpenti, ācariyupajjhāyānaṃ dukkaṭaṃ, antevāsikānaṃ pācittiyaṃ. Antevāsikā attano ñātikānaṃ ācariyupajjhāyehi sibbāpenti, tatrāpi eseva nayo. Antevāsikānampi ācariyupajjhāyānampi ñātikāya cīvaraṃ hoti, ācariyupajjhāyā pana antevāsike vañcetvā sibbāpenti, ubhinnampi dukkaṭaṃ. Kasmā? Antevāsikānaṃ aññātikasaññāya sibbitattā , itaresaṃ akappiye niyojitattā. Tasmā ‘‘idaṃ te mātu cīvaraṃ, idaṃ bhaginiyā’’ti ācikkhitvā sibbāpetabbaṃ.
੧੭੯. ਅਞ੍ਞਂ ਪਰਿਕ੍ਖਾਰਨ੍ਤਿ ਯਂਕਿਞ੍ਚਿ ਉਪਾਹਨਤ੍ਥવਿਕਾਦਿਂ। ਸੇਸਂ ਉਤ੍ਤਾਨਮੇવ। ਛਸਮੁਟ੍ਠਾਨਂ – ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
179.Aññaṃparikkhāranti yaṃkiñci upāhanatthavikādiṃ. Sesaṃ uttānameva. Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਚੀવਰਸਿਬ੍ਬਨਸਿਕ੍ਖਾਪਦਂ ਛਟ੍ਠਂ।
Cīvarasibbanasikkhāpadaṃ chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਓવਾਦવਗ੍ਗੋ • 3. Ovādavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੬. ਚੀવਰਸਿਬ੍ਬਾਪਨਸਿਕ੍ਖਾਪਦવਣ੍ਣਨਾ • 6. Cīvarasibbāpanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੬. ਚੀવਰਸਿਬ੍ਬਨਸਿਕ੍ਖਾਪਦવਣ੍ਣਨਾ • 6. Cīvarasibbanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਚੀવਰਸਿਬ੍ਬਨਸਿਕ੍ਖਾਪਦવਣ੍ਣਨਾ • 6. Cīvarasibbanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੬. ਚੀવਰਸਿਬ੍ਬਨਸਿਕ੍ਖਾਪਦਂ • 6. Cīvarasibbanasikkhāpadaṃ
