| Library / Tipiṭaka / തിപിടക • Tipiṭaka / കങ്ഖാവിതരണീ-അഭിനവ-ടീകാ • Kaṅkhāvitaraṇī-abhinava-ṭīkā |
൬. ചീവരസിബ്ബനസിക്ഖാപദവണ്ണനാ
6. Cīvarasibbanasikkhāpadavaṇṇanā
സൂചിം പവേസേത്വാ പവേസേത്വാ നീഹരണേതി ആരാപഥേ ആരാപഥേ പാചിത്തിയം. ‘‘സിബ്ബിസ്സാമീ’’തി പന വിചാരേന്തസ്സ, ഛിന്ദന്തസ്സാപി ദുക്കടം. സതക്ഖത്തുമ്പി വിജ്ഝിത്വാ സകിം നീഹരന്തസ്സാതി സകലസൂചിം അനീഹരന്തോ ദീഘസുത്തപ്പവേസനത്ഥം സതക്ഖത്തുമ്പി വിജ്ഝിത്വാ സകിം നീഹരന്തസ്സ. ‘‘സിബ്ബാ’’തി വുത്തോതി സകിം ‘‘ചീവരം സിബ്ബാ’’തി വുത്തോ. നിട്ഠാപേതീതി സബ്ബം സൂചികമ്മം പരിയോസാപേതി. തസ്സ ആരാപഥേ ആരാപഥേ പാചിത്തിയന്തി ആണത്തസ്സ സൂചിം പവേസേത്വാ പവേസേത്വാ നീഹരണേ ഏകമേകം പാചിത്തിയം.
Sūciṃ pavesetvā pavesetvā nīharaṇeti ārāpathe ārāpathe pācittiyaṃ. ‘‘Sibbissāmī’’ti pana vicārentassa, chindantassāpi dukkaṭaṃ. Satakkhattumpi vijjhitvā sakiṃ nīharantassāti sakalasūciṃ anīharanto dīghasuttappavesanatthaṃ satakkhattumpi vijjhitvā sakiṃ nīharantassa. ‘‘Sibbā’’ti vuttoti sakiṃ ‘‘cīvaraṃ sibbā’’ti vutto. Niṭṭhāpetīti sabbaṃ sūcikammaṃ pariyosāpeti. Tassa ārāpathe ārāpathe pācittiyanti āṇattassa sūciṃ pavesetvā pavesetvā nīharaṇe ekamekaṃ pācittiyaṃ.
ഉദായിത്ഥേരന്തി ലാളുദായിത്ഥേരം. വുത്തലക്ഖണം സിബ്ബനം വാ സിബ്ബാപനം വാതി ‘‘സൂചിം പവേസേത്വാ’’തിആദിനാ വുത്തലക്ഖണം സിബ്ബനം വാ സിബ്ബാപനം വാ.
Udāyittheranti lāḷudāyittheraṃ. Vuttalakkhaṇaṃ sibbanaṃ vā sibbāpanaṃ vāti ‘‘sūciṃ pavesetvā’’tiādinā vuttalakkhaṇaṃ sibbanaṃ vā sibbāpanaṃ vā.
ചീവരസിബ്ബനസിക്ഖാപദവണ്ണനാ നിട്ഠിതാ.
Cīvarasibbanasikkhāpadavaṇṇanā niṭṭhitā.
