| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
6. சீவரஸிப்³பா³பனஸிக்கா²பத³வண்ணனா
6. Cīvarasibbāpanasikkhāpadavaṇṇanā
175. ச²ட்டே² ஸசே ஸா பி⁴க்கு²னீ தங் சீவரங் ஆதி³தோவ பாருபெய்ய, அஞ்ஞா பி⁴க்கு²னியோ தி³ஸ்வா உஜ்ஜா²பெய்யுங், ததோ மஹாஜனோ பஸ்ஸிதுங் ந லப⁴தீதி மஞ்ஞமானோ ‘‘யதா²ஸங்ஹடங் ஹரித்வா நிக்கி²பித்வா’’திஆதி³மாஹ.
175. Chaṭṭhe sace sā bhikkhunī taṃ cīvaraṃ āditova pārupeyya, aññā bhikkhuniyo disvā ujjhāpeyyuṃ, tato mahājano passituṃ na labhatīti maññamāno ‘‘yathāsaṃhaṭaṃ haritvā nikkhipitvā’’tiādimāha.
176. நீஹரதீதி ஸகிங் நீஹரதி. யேபி தேஸங் நிஸ்ஸிதகாதி ஸம்ப³ந்தோ⁴. கதி²னவத்தந்தி ‘‘ஸப்³ரஹ்மசாரீனங் காதுங் வட்டதீ’’தி இதிகத்தப்³ப³தாவஸேன ஸூசிகம்மகரணங். ஆசரியுபஜ்ஜா²யானங் து³க்கடந்தி அகப்பியஸமாதா³னவஸேன து³க்கடங். வஞ்செத்வாதி ‘‘தவ ஞாதிகாயா’’தி அவத்வா ‘‘ஏகிஸ்ஸா பி⁴க்கு²னியா’’தி எத்தகமேவ வத்வா. ‘‘ஏகிஸ்ஸா பி⁴க்கு²னியா’’தி ஸுத்வா தே அஞ்ஞாதிகஸஞ்ஞினோ ப⁴வெய்யுந்தி ஆஹ ‘‘அகப்பியே நியோஜிதத்தா’’தி . ‘‘இத³ங் தே மாது சீவர’’ந்திஆதீ³னி அவத்வாபி ‘‘இத³ங் சீவரங் ஸிப்³பே³ஹீ’’தி ஸுத்³த⁴சித்தேன ஸிப்³பா³பெந்தஸ்ஸபி அனாபத்தி.
176.Nīharatīti sakiṃ nīharati. Yepi tesaṃ nissitakāti sambandho. Kathinavattanti ‘‘sabrahmacārīnaṃ kātuṃ vaṭṭatī’’ti itikattabbatāvasena sūcikammakaraṇaṃ. Ācariyupajjhāyānaṃ dukkaṭanti akappiyasamādānavasena dukkaṭaṃ. Vañcetvāti ‘‘tava ñātikāyā’’ti avatvā ‘‘ekissā bhikkhuniyā’’ti ettakameva vatvā. ‘‘Ekissā bhikkhuniyā’’ti sutvā te aññātikasaññino bhaveyyunti āha ‘‘akappiye niyojitattā’’ti . ‘‘Idaṃ te mātu cīvara’’ntiādīni avatvāpi ‘‘idaṃ cīvaraṃ sibbehī’’ti suddhacittena sibbāpentassapi anāpatti.
179. உபாஹனத்த²விகாதி³ந்தி ஆதி³-ஸத்³தே³ன யங் சீவரங் நிவாஸேதுங் வா பாருபிதுங் வா ந ஸக்கா ஹோதி, தம்பி ஸங்க³ண்ஹாதி. ஸேஸமெத்த² உத்தானமேவ. அஞ்ஞாதிகாய பி⁴க்கு²னியா ஸந்தகதா, நிவாஸனபாருபனூபக³தா, வுத்தனயேன ஸிப்³ப³னங் வா ஸிப்³பா³பனங் வாதி இமானி பனெத்த² தீணி அங்கா³னி.
179.Upāhanatthavikādinti ādi-saddena yaṃ cīvaraṃ nivāsetuṃ vā pārupituṃ vā na sakkā hoti, tampi saṅgaṇhāti. Sesamettha uttānameva. Aññātikāya bhikkhuniyā santakatā, nivāsanapārupanūpagatā, vuttanayena sibbanaṃ vā sibbāpanaṃ vāti imāni panettha tīṇi aṅgāni.
சீவரஸிப்³பா³பனஸிக்கா²பத³வண்ணனா நிட்டி²தா.
Cīvarasibbāpanasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. ஓவாத³வக்³கோ³ • 3. Ovādavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 6. சீவரஸிப்³ப³னஸிக்கா²பத³வண்ணனா • 6. Cīvarasibbanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. சீவரஸிப்³ப³னஸிக்கா²பத³வண்ணனா • 6. Cīvarasibbanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. சீவரஸிப்³ப³னஸிக்கா²பத³வண்ணனா • 6. Cīvarasibbanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 6. சீவரஸிப்³ப³னஸிக்கா²பத³ங் • 6. Cīvarasibbanasikkhāpadaṃ
