| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
11. жийварасуд̇д̇ам̣
11. Cīvarasuttaṃ
154. згам̣ самаяам̣ ааяасмаа махаагассабо рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа аананд̣̇о д̣̇агкин̣аг̇ирисмим̣ жааригам̣ жарад̇и махад̇аа бхигкусан̇гхзна сад̣̇д̇хим̣.
154. Ekaṃ samayaṃ āyasmā mahākassapo rājagahe viharati veḷuvane kalandakanivāpe. Tena kho pana samayena āyasmā ānando dakkhiṇagirismiṃ cārikaṃ carati mahatā bhikkhusaṅghena saddhiṃ.
д̇зна ко бана самаязна ааяасмад̇о аананд̣̇асса д̇им̣самад̇д̇аа сад̣̇д̇хивихаарино бхигкуу сигкам̣ бажжагкааяа хийнааяаавад̇д̇аа бхаванд̇и язбхуяязна гумаарабхууд̇аа. ат̇а ко ааяасмаа аананд̣̇о д̣̇агкин̣аг̇ирисмим̣ яат̇аабхиранд̇ам̣ жааригам̣ жарид̇ваа язна рааж̇аг̇ахам̣ взл̣уванам̣ галанд̣̇аганиваабо язнааяасмаа махаагассабо д̇знубасан̇гами; убасан̇гамид̇ваа ааяасманд̇ам̣ махаагассабам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ аананд̣̇ам̣ ааяасмаа махаагассабо зд̇ад̣̇авожа – ‘‘гад̇и ну ко, аавусо аананд̣̇а, ад̇т̇авасз бадижжа бхаг̇авад̇аа гулзсу д̇игабхож̇анам̣ бан̃н̃ад̇д̇а’’нд̇и?
Tena kho pana samayena āyasmato ānandassa tiṃsamattā saddhivihārino bhikkhū sikkhaṃ paccakkhāya hīnāyāvattā bhavanti yebhuyyena kumārabhūtā. Atha kho āyasmā ānando dakkhiṇagirismiṃ yathābhirantaṃ cārikaṃ caritvā yena rājagahaṃ veḷuvanaṃ kalandakanivāpo yenāyasmā mahākassapo tenupasaṅkami; upasaṅkamitvā āyasmantaṃ mahākassapaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ ānandaṃ āyasmā mahākassapo etadavoca – ‘‘kati nu kho, āvuso ānanda, atthavase paṭicca bhagavatā kulesu tikabhojanaṃ paññatta’’nti?
‘‘д̇аяо ко, бханд̇з гассаба, ад̇т̇авасз бадижжа бхаг̇авад̇аа гулзсу д̇игабхож̇анам̣ бан̃н̃ад̇д̇ам̣ – д̣̇умман̇гуунам̣ буг̇г̇алаанам̣ ниг̇г̇ахааяа бзсалаанам̣ бхигкуунам̣ паасувихаарааяа, маа баабижчаа багкам̣ ниссааяа сан̇гхам̣ бхинд̣̇зяяум̣ 1, гулаануд̣̇д̣̇аяад̇ааяа жа. имз ко, бханд̇з гассаба, д̇аяо ад̇т̇авасз бадижжа бхаг̇авад̇аа гулзсу д̇игабхож̇анам̣ бан̃н̃ад̇д̇а’’нд̇и.
‘‘Tayo kho, bhante kassapa, atthavase paṭicca bhagavatā kulesu tikabhojanaṃ paññattaṃ – dummaṅkūnaṃ puggalānaṃ niggahāya pesalānaṃ bhikkhūnaṃ phāsuvihārāya, mā pāpicchā pakkhaṃ nissāya saṅghaṃ bhindeyyuṃ 2, kulānuddayatāya ca. Ime kho, bhante kassapa, tayo atthavase paṭicca bhagavatā kulesu tikabhojanaṃ paññatta’’nti.
‘‘ат̇а гин̃жарахи д̇вам̣, аавусо аананд̣̇а, имзхи навзхи бхигкуухи инд̣̇риязсу аг̇уд̇д̇ад̣̇ваарзхи бхож̇анз амад̇д̇ан̃н̃уухи ж̇ааг̇арияам̣ анануяуд̇д̇зхи сад̣̇д̇хим̣ жааригам̣ жараси? сассагхаад̇ам̣ ман̃н̃з жараси, гулуубагхаад̇ам̣ ман̃н̃з жараси. олуж̇ж̇ад̇и 3 ко д̇з, аавусо аананд̣̇а, барисаа; балуж̇ж̇анд̇и ко д̇з, аавусо, наваббааяаа. на вааяам̣ гумаараго мад̇д̇аман̃н̃аасий’’д̇и.
‘‘Atha kiñcarahi tvaṃ, āvuso ānanda, imehi navehi bhikkhūhi indriyesu aguttadvārehi bhojane amattaññūhi jāgariyaṃ ananuyuttehi saddhiṃ cārikaṃ carasi? Sassaghātaṃ maññe carasi, kulūpaghātaṃ maññe carasi. Olujjati 4 kho te, āvuso ānanda, parisā; palujjanti kho te, āvuso, navappāyā. Na vāyaṃ kumārako mattamaññāsī’’ti.
‘‘аби мз, бханд̇з гассаба, сирасмим̣ балид̇аани ж̇аад̇аани. ат̇а жа бана маяам̣ аж̇ж̇ааби ааяасмад̇о махаагассабасса гумаарагаваад̣̇аа на мужжаамаа’’д̇и. ‘‘д̇ат̇аа хи бана д̇вам̣, аавусо аананд̣̇а, имзхи навзхи бхигкуухи инд̣̇риязсу аг̇уд̇д̇ад̣̇ваарзхи бхож̇анз амад̇д̇ан̃н̃уухи ж̇ааг̇арияам̣ анануяуд̇д̇зхи сад̣̇д̇хим̣ жааригам̣ жараси, сассагхаад̇ам̣ ман̃н̃з жараси, гулуубагхаад̇ам̣ ман̃н̃з жараси. олуж̇ж̇ад̇и ко д̇з, аавусо аананд̣̇а, барисаа; балуж̇ж̇анд̇и ко д̇з, аавусо, наваббааяаа. 5 на вааяам̣ гумаараго мад̇д̇аман̃н̃аасий’’д̇и.
‘‘Api me, bhante kassapa, sirasmiṃ palitāni jātāni. Atha ca pana mayaṃ ajjāpi āyasmato mahākassapassa kumārakavādā na muccāmā’’ti. ‘‘Tathā hi pana tvaṃ, āvuso ānanda, imehi navehi bhikkhūhi indriyesu aguttadvārehi bhojane amattaññūhi jāgariyaṃ ananuyuttehi saddhiṃ cārikaṃ carasi, sassaghātaṃ maññe carasi, kulūpaghātaṃ maññe carasi. Olujjati kho te, āvuso ānanda, parisā; palujjanti kho te, āvuso, navappāyā. 6 Na vāyaṃ kumārako mattamaññāsī’’ti.
ассоси ко т̇уллананд̣̇аа бхигкуний – ‘‘аяязна гира махаагассабзна аяяо аананд̣̇о взд̣̇зхамуни гумаарагаваад̣̇зна абасаад̣̇ид̇о’’д̇и.
Assosi kho thullanandā bhikkhunī – ‘‘ayyena kira mahākassapena ayyo ānando vedehamuni kumārakavādena apasādito’’ti.
ат̇а ко т̇уллананд̣̇аа бхигкуний анад̇д̇аманаа анад̇д̇аманаваажам̣ нижчаарзси – ‘‘гим̣ бана аяяо махаагассабо ан̃н̃ад̇ид̇т̇ияабуб̣б̣о самаано аяяам̣ аананд̣̇ам̣ взд̣̇зхамуним̣ гумаарагаваад̣̇зна абасаад̣̇зд̇аб̣б̣ам̣ ман̃н̃ад̇ий’’д̇и! ассоси ко ааяасмаа махаагассабо т̇уллананд̣̇ааяа бхигкунияаа имам̣ ваажам̣ бхаасамаанааяа.
Atha kho thullanandā bhikkhunī anattamanā anattamanavācaṃ nicchāresi – ‘‘kiṃ pana ayyo mahākassapo aññatitthiyapubbo samāno ayyaṃ ānandaṃ vedehamuniṃ kumārakavādena apasādetabbaṃ maññatī’’ti! Assosi kho āyasmā mahākassapo thullanandāya bhikkhuniyā imaṃ vācaṃ bhāsamānāya.
ат̇а ко ааяасмаа махаагассабо ааяасманд̇ам̣ аананд̣̇ам̣ зд̇ад̣̇авожа – ‘‘д̇аг̇гхаавусо аананд̣̇а, т̇уллананд̣̇ааяа бхигкунияаа сахасаа аббадисан̇каа ваажаа бхаасид̇аа. яад̇ваахам̣, аавусо, гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇о, наабхиж̇аанаами ан̃н̃ам̣ сад̇т̇аарам̣ уд̣̇д̣̇исид̇аа 7, ан̃н̃ад̇ра д̇зна бхаг̇авад̇аа арахад̇аа саммаасамб̣уд̣̇д̇хзна. буб̣б̣з мз, аавусо, аг̇ааригабхууд̇асса сад̇о зд̇ад̣̇ахоси – ‘самб̣аад̇хо гхарааваасо раж̇аабат̇о 8, аб̣бхогаасо баб̣б̣аж̇ж̇аа. наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со кваахам̣, аавусо, абарзна самаязна бадабилод̇игаанам̣ сан̇гхаадим̣ гаарзд̇ваа 9 яз логз араханд̇о д̇з уд̣̇д̣̇исса гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇им̣.
Atha kho āyasmā mahākassapo āyasmantaṃ ānandaṃ etadavoca – ‘‘tagghāvuso ānanda, thullanandāya bhikkhuniyā sahasā appaṭisaṅkhā vācā bhāsitā. Yatvāhaṃ, āvuso, kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito, nābhijānāmi aññaṃ satthāraṃ uddisitā 10, aññatra tena bhagavatā arahatā sammāsambuddhena. Pubbe me, āvuso, agārikabhūtassa sato etadahosi – ‘sambādho gharāvāso rajāpatho 11, abbhokāso pabbajjā. Nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti. So khvāhaṃ, āvuso, aparena samayena paṭapilotikānaṃ saṅghāṭiṃ kāretvā 12 ye loke arahanto te uddissa kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajiṃ.
со звам̣ баб̣б̣аж̇ид̇о самаано ад̣̇д̇хаанамаг̇г̇аббадибанно ад̣̇д̣̇асам̣ бхаг̇аванд̇ам̣ анд̇араа жа рааж̇аг̇ахам̣ анд̇араа жа наал̣анд̣̇ам̣ б̣ахубуд̇д̇з жзд̇ияз нисиннам̣. д̣̇исваана мз зд̇ад̣̇ахоси – ‘сад̇т̇ааран̃жа вад̇аахам̣ бассзяяам̣, бхаг̇аванд̇амзва бассзяяам̣; суг̇ад̇ан̃жа вад̇аахам̣ бассзяяам̣, бхаг̇аванд̇амзва бассзяяам̣; саммаасамб̣уд̣̇д̇хан̃жа вад̇аахам̣ бассзяяам̣; бхаг̇аванд̇амзва бассзяяа’нд̇и. со кваахам̣, аавусо, д̇ад̇т̇зва бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожам̣ – ‘сад̇т̇аа мз, бханд̇з, бхаг̇аваа, саавагохамасми; сад̇т̇аа мз, бханд̇з, бхаг̇аваа, саавагохамасмий’д̇и . звам̣ вуд̇д̇з мам̣, аавусо, бхаг̇аваа зд̇ад̣̇авожа – ‘яо ко, гассаба, звам̣ саб̣б̣ажзд̇асаа саманнааг̇ад̇ам̣ саавагам̣ аж̇аанан̃н̃зва вад̣̇зяяа ж̇аанаамийд̇и, абассан̃н̃зва вад̣̇зяяа бассаамийд̇и, муд̣̇д̇хааби д̇асса вибад̇зяяа. ахам̣ ко бана, гассаба, ж̇аанан̃н̃зва вад̣̇аами ж̇аанаамийд̇и, бассан̃н̃зва вад̣̇аами бассаамий’д̇и.
So evaṃ pabbajito samāno addhānamaggappaṭipanno addasaṃ bhagavantaṃ antarā ca rājagahaṃ antarā ca nāḷandaṃ bahuputte cetiye nisinnaṃ. Disvāna me etadahosi – ‘satthārañca vatāhaṃ passeyyaṃ, bhagavantameva passeyyaṃ; sugatañca vatāhaṃ passeyyaṃ, bhagavantameva passeyyaṃ; sammāsambuddhañca vatāhaṃ passeyyaṃ; bhagavantameva passeyya’nti. So khvāhaṃ, āvuso, tattheva bhagavato pādesu sirasā nipatitvā bhagavantaṃ etadavocaṃ – ‘satthā me, bhante, bhagavā, sāvakohamasmi; satthā me, bhante, bhagavā, sāvakohamasmī’ti . Evaṃ vutte maṃ, āvuso, bhagavā etadavoca – ‘yo kho, kassapa, evaṃ sabbacetasā samannāgataṃ sāvakaṃ ajānaññeva vadeyya jānāmīti, apassaññeva vadeyya passāmīti, muddhāpi tassa vipateyya. Ahaṃ kho pana, kassapa, jānaññeva vadāmi jānāmīti, passaññeva vadāmi passāmī’ti.
д̇асмаад̇иха д̇з, гассаба, звам̣ сигкид̇аб̣б̣ам̣ – ‘д̇иб̣б̣ам̣ мз хирод̇д̇аббам̣ бажжубадтид̇ам̣ бхависсад̇и т̇зрзсу навзсу маж̇жхимзсуу’д̇и. зван̃хи д̇з, гассаба, сигкид̇аб̣б̣ам̣.
Tasmātiha te, kassapa, evaṃ sikkhitabbaṃ – ‘tibbaṃ me hirottappaṃ paccupaṭṭhitaṃ bhavissati theresu navesu majjhimesū’ti. Evañhi te, kassapa, sikkhitabbaṃ.
д̇асмаад̇иха д̇з, гассаба, звам̣ сигкид̇аб̣б̣ам̣ – ‘яам̣ гин̃жи д̇хаммам̣ сун̣иссаами гусалуубасам̣хид̇ам̣ саб̣б̣ам̣ д̇ам̣ адтим̣ гад̇ваа манаси гарид̇ваа саб̣б̣ажзд̇асаа саманнаахарид̇ваа охид̇асод̇о д̇хаммам̣ сун̣иссаамий’д̇и. зван̃хи д̇з, гассаба, сигкид̇аб̣б̣ам̣.
Tasmātiha te, kassapa, evaṃ sikkhitabbaṃ – ‘yaṃ kiñci dhammaṃ suṇissāmi kusalūpasaṃhitaṃ sabbaṃ taṃ aṭṭhiṃ katvā manasi karitvā sabbacetasā samannāharitvā ohitasoto dhammaṃ suṇissāmī’ti. Evañhi te, kassapa, sikkhitabbaṃ.
д̇асмаад̇иха д̇з, гассаба, звам̣ сигкид̇аб̣б̣ам̣ – ‘саад̇асахаг̇ад̇аа жа мз гааяаг̇ад̇аасад̇и на виж̇ахиссад̇ий’д̇и. зван̃хи д̇з, гассаба, сигкид̇аб̣б̣анд̇и.
Tasmātiha te, kassapa, evaṃ sikkhitabbaṃ – ‘sātasahagatā ca me kāyagatāsati na vijahissatī’ti. Evañhi te, kassapa, sikkhitabbanti.
‘‘ат̇а ко мам̣, аавусо, бхаг̇аваа иминаа оваад̣̇зна овад̣̇ид̇ваа удтааяаасанаа баггаами. сад̇д̇аахамзва кваахам̣, аавусо, саран̣о 13 радтабин̣д̣ам̣ бхун̃ж̇им̣’’. адтамияаа ан̃н̃аа уд̣̇абаад̣̇и.
‘‘Atha kho maṃ, āvuso, bhagavā iminā ovādena ovaditvā uṭṭhāyāsanā pakkāmi. Sattāhameva khvāhaṃ, āvuso, saraṇo 14 raṭṭhapiṇḍaṃ bhuñjiṃ’’. Aṭṭhamiyā aññā udapādi.
‘‘ат̇а ко, аавусо, бхаг̇аваа маг̇г̇аа оггамма язна ан̃н̃ад̇арам̣ ругкамуулам̣ д̇знубасан̇гами. ат̇а кваахам̣, аавусо, бадабилод̇игаанам̣ сан̇гхаадим̣ жад̇уг̇г̇ун̣ам̣ бан̃н̃абзд̇ваа бхаг̇аванд̇ам̣ зд̇ад̣̇авожам̣ – ‘ид̇ха, бханд̇з, бхаг̇аваа нисийд̣̇ад̇у, яам̣ мамасса д̣̇ийгхарад̇д̇ам̣ хид̇ааяа сукааяаа’д̇и. нисийд̣̇и ко, аавусо, бхаг̇аваа бан̃н̃ад̇д̇з аасанз. нисаж̇ж̇а ко мам̣, аавусо, бхаг̇аваа зд̇ад̣̇авожа – ‘муд̣̇угаа ко д̇яааяам̣, гассаба, бадабилод̇игаанам̣ сан̇гхаадий’д̇и. ‘бадиг̇г̇ан̣хаад̇у мз, бханд̇з, бхаг̇аваа бадабилод̇игаанам̣ сан̇гхаадим̣ анугамбам̣ убаад̣̇ааяаа’д̇и. ‘д̇хаарзссаси бана мз д̇вам̣, гассаба, саан̣аани бам̣сугуулаани ниб̣б̣асанааний’д̇и. ‘д̇хаарзссаамахам̣, бханд̇з, бхаг̇авад̇о саан̣аани бам̣сугуулаани ниб̣б̣асанааний’д̇и. ‘‘со кваахам̣, аавусо, бадабилод̇игаанам̣ сан̇гхаадим̣ бхаг̇авад̇о баад̣̇аасим̣. ахам̣ бана бхаг̇авад̇о саан̣аани бам̣сугуулаани ниб̣б̣асанаани бадибаж̇ж̇им̣’’.
‘‘Atha kho, āvuso, bhagavā maggā okkamma yena aññataraṃ rukkhamūlaṃ tenupasaṅkami. Atha khvāhaṃ, āvuso, paṭapilotikānaṃ saṅghāṭiṃ catugguṇaṃ paññapetvā bhagavantaṃ etadavocaṃ – ‘idha, bhante, bhagavā nisīdatu, yaṃ mamassa dīgharattaṃ hitāya sukhāyā’ti. Nisīdi kho, āvuso, bhagavā paññatte āsane. Nisajja kho maṃ, āvuso, bhagavā etadavoca – ‘mudukā kho tyāyaṃ, kassapa, paṭapilotikānaṃ saṅghāṭī’ti. ‘Paṭiggaṇhātu me, bhante, bhagavā paṭapilotikānaṃ saṅghāṭiṃ anukampaṃ upādāyā’ti. ‘Dhāressasi pana me tvaṃ, kassapa, sāṇāni paṃsukūlāni nibbasanānī’ti. ‘Dhāressāmahaṃ, bhante, bhagavato sāṇāni paṃsukūlāni nibbasanānī’ti. ‘‘So khvāhaṃ, āvuso, paṭapilotikānaṃ saṅghāṭiṃ bhagavato pādāsiṃ. Ahaṃ pana bhagavato sāṇāni paṃsukūlāni nibbasanāni paṭipajjiṃ’’.
‘‘яан̃хи д̇ам̣, аавусо, саммаа вад̣̇амаано вад̣̇зяяа – ‘бхаг̇авад̇о буд̇д̇о орасо мукад̇о ж̇аад̇о д̇хаммаж̇о д̇хамманиммид̇о д̇хаммад̣̇ааяаад̣̇о, бадиг̇г̇ахид̇аани 15 саан̣аани бам̣сугуулаани ниб̣б̣асанааний’д̇и, мамам̣ д̇ам̣ саммаа вад̣̇амаано вад̣̇зяяа – ‘бхаг̇авад̇о буд̇д̇о орасо мукад̇о ж̇аад̇о д̇хаммаж̇о д̇хамманиммид̇о д̇хаммад̣̇ааяаад̣̇о, бадиг̇г̇ахид̇аани саан̣аани бам̣сугуулаани ниб̣б̣асанааний’’’д̇и.
‘‘Yañhi taṃ, āvuso, sammā vadamāno vadeyya – ‘bhagavato putto oraso mukhato jāto dhammajo dhammanimmito dhammadāyādo, paṭiggahitāni 16 sāṇāni paṃsukūlāni nibbasanānī’ti, mamaṃ taṃ sammā vadamāno vadeyya – ‘bhagavato putto oraso mukhato jāto dhammajo dhammanimmito dhammadāyādo, paṭiggahitāni sāṇāni paṃsukūlāni nibbasanānī’’’ti.
‘‘ахам̣ ко, аавусо, яаавад̣̇зва ааган̇каами вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараами. ахам̣ ко, аавусо, яаавад̣̇з ааган̇каами…бз… (наваннам̣ анубуб̣б̣авихаарасамаабад̇д̇инам̣ бан̃жаннан̃жа абхин̃н̃аанам̣ звам̣ вид̇т̇ааро взд̣̇ид̇аб̣б̣о) .
‘‘Ahaṃ kho, āvuso, yāvadeva ākaṅkhāmi vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharāmi. Ahaṃ kho, āvuso, yāvade ākaṅkhāmi…pe… (navannaṃ anupubbavihārasamāpattinaṃ pañcannañca abhiññānaṃ evaṃ vitthāro veditabbo) .
‘‘ахам̣ ко, аавусо, аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихараами; сад̇д̇арад̇анам̣ ваа, аавусо, нааг̇ам̣ ад̣дхадтамарад̇анам̣ ваа д̇аалабад̇д̇игааяа чаад̣̇зд̇аб̣б̣ам̣ ман̃н̃зяяа, яо мз ча абхин̃н̃аа чаад̣̇зд̇аб̣б̣ам̣ ман̃н̃зяяаа’’д̇и.
‘‘Ahaṃ kho, āvuso, āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharāmi; sattaratanaṃ vā, āvuso, nāgaṃ aḍḍhaṭṭhamaratanaṃ vā tālapattikāya chādetabbaṃ maññeyya, yo me cha abhiññā chādetabbaṃ maññeyyā’’ti.
жавид̇т̇а жа бана т̇уллананд̣̇аа бхигкуний б̣рахмажарияамхаад̇и. згаад̣̇асамам̣.
Cavittha ca pana thullanandā bhikkhunī brahmacariyamhāti. Ekādasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 11. жийварасуд̇д̇аван̣н̣анаа • 11. Cīvarasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 11. жийварасуд̇д̇аван̣н̣анаа • 11. Cīvarasuttavaṇṇanā
