Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā)

    11. жийварасуд̇д̇аван̣н̣анаа

    11. Cīvarasuttavaṇṇanā

    154. згаад̣̇асамз д̣̇агкин̣ааг̇ирисминд̇и рааж̇аг̇ахам̣ бариваарзд̇ваа тид̇асса г̇ирино д̣̇агкин̣абхааг̇з ж̇анабад̣̇о д̣̇агкин̣ааг̇ири наама, д̇асмим̣ жааригам̣ жарад̇ийд̇и ад̇т̇о. жааригаа жа наама д̣̇увид̇хаа ход̇и д̇урид̇ажааригаа жа ад̇урид̇ажааригаа жа. д̇ад̇т̇а яам̣ згажжо згам̣ гаасаавам̣ ниваасзд̇ваа згам̣ баарубид̇ваа бад̇д̇ажийварам̣ ам̣сз лаг̇г̇зд̇ваа чад̇д̇ам̣ аад̣̇ааяа сарийрад̇о сзд̣̇зхи баг̇гхаранд̇зхи д̣̇ивасзна сад̇д̇адтаяож̇анаани г̇ажчад̇и, яам̣ ваа бана б̣уд̣̇д̇хаа гин̃жид̣̇зва б̣од̇ханзяяасад̇д̇ам̣ д̣̇исваа яож̇анасад̇амби яож̇анасахассамби кан̣зна г̇ажчанд̇и, зсаа д̇урид̇ажааригаа наама. д̣̇звасигам̣ бана г̇аавуд̇ам̣ ад̣дхаяож̇анам̣ д̇иг̇аавуд̇ам̣ яож̇ананд̇и зд̇д̇агам̣ ад̣̇д̇хаанам̣ аж̇ж̇ад̇анааяа ниманд̇анам̣ ад̇хиваасаяад̇о ж̇анасан̇г̇ахам̣ гарод̇о г̇аманам̣, зсаа ад̇урид̇ажааригаа наама. аяам̣ ид̇ха ад̇хиббзд̇аа.

    154. Ekādasame dakkhiṇāgirisminti rājagahaṃ parivāretvā ṭhitassa girino dakkhiṇabhāge janapado dakkhiṇāgiri nāma, tasmiṃ cārikaṃ caratīti attho. Cārikā ca nāma duvidhā hoti turitacārikā ca aturitacārikā ca. Tattha yaṃ ekacco ekaṃ kāsāvaṃ nivāsetvā ekaṃ pārupitvā pattacīvaraṃ aṃse laggetvā chattaṃ ādāya sarīrato sedehi paggharantehi divasena sattaṭṭhayojanāni gacchati, yaṃ vā pana buddhā kiñcideva bodhaneyyasattaṃ disvā yojanasatampi yojanasahassampi khaṇena gacchanti, esā turitacārikā nāma. Devasikaṃ pana gāvutaṃ aḍḍhayojanaṃ tigāvutaṃ yojananti ettakaṃ addhānaṃ ajjatanāya nimantanaṃ adhivāsayato janasaṅgahaṃ karoto gamanaṃ, esā aturitacārikā nāma. Ayaṃ idha adhippetā.

    нану жа т̇зро бан̃жавийсад̇и вассаани чааяаа вияа д̣̇асаб̣аласса бажчад̇о бажчад̇о г̇ажчанд̇ова ахоси, ‘‘гахам̣ аананд̣̇о’’д̇и важанасса огаасамзва на ад̣̇ааси, со гисмим̣ гаалз бхигкусан̇гхзна сад̣̇д̇хим̣ жааригам̣ жарид̇ум̣ огаасам̣ лабхад̇ийд̇и? сад̇т̇у бариниб̣б̣аанасам̣важчарз. бариниб̣б̣уд̇з гира сад̇т̇ари махаагассабад̇т̇зро сад̇т̇у бариниб̣б̣аанз саннибад̇ид̇асса бхигкусан̇гхасса маж̇жхз нисийд̣̇ид̇ваа д̇хаммавинаяасан̇г̇ааяанад̇т̇ам̣ бан̃жасад̇з бхигкуу ужжинид̇ваа, ‘‘аавусо, маяам̣ рааж̇аг̇ахз вассам̣ васанд̇аа д̇хаммавинаяам̣ сан̇г̇ааяиссаама, д̇умхз бурз вассуубанааяигааяа ад̇д̇ано балиб̣од̇хам̣ ужчинд̣̇ид̇ваа рааж̇аг̇ахз саннибад̇ат̇аа’’д̇и вад̇ваа ад̇д̇анаа рааж̇аг̇ахам̣ г̇ад̇о. аананд̣̇ад̇т̇зроби бхаг̇авад̇о бад̇д̇ажийварам̣ аад̣̇ааяа махааж̇анам̣ сан̃н̃аабзнд̇о саавад̇т̇им̣ г̇анд̇ваа д̇ад̇о нигкамма рааж̇аг̇ахам̣ г̇ажчанд̇о д̣̇агкин̣ааг̇ирисмим̣ жааригам̣ жари. д̇ам̣ санд̇хааязд̇ам̣ вуд̇д̇ам̣.

    Nanu ca thero pañcavīsati vassāni chāyā viya dasabalassa pacchato pacchato gacchantova ahosi, ‘‘kahaṃ ānando’’ti vacanassa okāsameva na adāsi, so kismiṃ kāle bhikkhusaṅghena saddhiṃ cārikaṃ carituṃ okāsaṃ labhatīti? Satthu parinibbānasaṃvacchare. Parinibbute kira satthari mahākassapatthero satthu parinibbāne sannipatitassa bhikkhusaṅghassa majjhe nisīditvā dhammavinayasaṅgāyanatthaṃ pañcasate bhikkhū uccinitvā, ‘‘āvuso, mayaṃ rājagahe vassaṃ vasantā dhammavinayaṃ saṅgāyissāma, tumhe pure vassūpanāyikāya attano palibodhaṃ ucchinditvā rājagahe sannipatathā’’ti vatvā attanā rājagahaṃ gato. Ānandattheropi bhagavato pattacīvaraṃ ādāya mahājanaṃ saññāpento sāvatthiṃ gantvā tato nikkhamma rājagahaṃ gacchanto dakkhiṇāgirismiṃ cārikaṃ cari. Taṃ sandhāyetaṃ vuttaṃ.

    язбхуяязна гумаарабхууд̇аад̇и яз д̇з хийнааяаавад̇д̇аа наама, д̇з язбхуяязна гумаарагаа д̣̇ахараа д̇арун̣аа згавассигад̣̇взвассигаа бхигкуу жзва анубасамбаннагумаарагаа жа. гасмаа банзд̇з баб̣б̣аж̇ид̇аа, гасмаа хийнааяаавад̇д̇аад̇и? д̇зсам̣ гира маад̇аабид̇аро жинд̇зсум̣ – ‘‘аананд̣̇ад̇т̇зро сад̇т̇у виссаасиго адта варз яаажид̇ваа убадтахад̇и, ижчид̇ижчид̇адтаанам̣ сад̇т̇аарам̣ г̇ахзд̇ваа г̇анд̇ум̣ саггод̇и, амхаагам̣ д̣̇аарагз зд̇асса санд̇игз баб̣б̣ааж̇зма, со сад̇т̇аарам̣ г̇ахзд̇ваа ааг̇амиссад̇и, д̇асмим̣ ааг̇ад̇з маяам̣ махаасаггаарам̣ гаад̇ум̣ лабхиссаамаа’’д̇и. иминаа д̇аава гааран̣зна нзсам̣ н̃аад̇агаа д̇з баб̣б̣ааж̇зсум̣. сад̇т̇ари бана бариниб̣б̣уд̇з д̇зсам̣ саа бад̇т̇анаа убажчиннаа, ат̇а д̇з згад̣̇ивасзнзва уббаб̣б̣ааж̇зсум̣.

    Yebhuyyenakumārabhūtāti ye te hīnāyāvattā nāma, te yebhuyyena kumārakā daharā taruṇā ekavassikadvevassikā bhikkhū ceva anupasampannakumārakā ca. Kasmā panete pabbajitā, kasmā hīnāyāvattāti? Tesaṃ kira mātāpitaro cintesuṃ – ‘‘ānandatthero satthu vissāsiko aṭṭha vare yācitvā upaṭṭhahati, icchiticchitaṭṭhānaṃ satthāraṃ gahetvā gantuṃ sakkoti, amhākaṃ dārake etassa santike pabbājema, so satthāraṃ gahetvā āgamissati, tasmiṃ āgate mayaṃ mahāsakkāraṃ kātuṃ labhissāmā’’ti. Iminā tāva kāraṇena nesaṃ ñātakā te pabbājesuṃ. Satthari pana parinibbute tesaṃ sā patthanā upacchinnā, atha te ekadivaseneva uppabbājesuṃ.

    яат̇аабхиранд̇анд̇и яат̇ааружияаа яат̇аааж̇жхаасаязна. д̇игабхож̇анам̣ бан̃н̃ад̇д̇анд̇и, ид̣̇ам̣ ‘‘г̇ан̣абхож̇анз ан̃н̃ад̇ра самаяаа баажид̇д̇ияа’’нд̇и (баажи. 211). ид̣̇ам̣ санд̇хааяа вуд̇д̇ам̣. д̇ад̇т̇а хи д̇ин̣н̣ам̣ ж̇анаанам̣ агаббияаниманд̇анам̣ саад̣̇ияид̇ваа згад̇о бадиг̇г̇ан̣ханд̇аанамби анаабад̇д̇и, д̇асмаа ‘‘д̇игабхож̇ана’’нд̇и вуд̇д̇ам̣.

    Yathābhirantanti yathāruciyā yathāajjhāsayena. Tikabhojanaṃ paññattanti, idaṃ ‘‘gaṇabhojane aññatra samayā pācittiya’’nti (pāci. 211). Idaṃ sandhāya vuttaṃ. Tattha hi tiṇṇaṃ janānaṃ akappiyanimantanaṃ sādiyitvā ekato paṭiggaṇhantānampi anāpatti, tasmā ‘‘tikabhojana’’nti vuttaṃ.

    д̣̇умман̇гуунам̣ буг̇г̇алаанам̣ ниг̇г̇ахааяаад̇и д̣̇уссийлабуг̇г̇алаанам̣ ниг̇г̇ан̣ханад̇т̇ам̣. бзсалаанам̣ бхигкуунам̣ паасувихаарааяаад̇и д̣̇умман̇гуунам̣ ниг̇г̇ахзнзва бзсалаанам̣ убосат̇абавааран̣аа вад̇д̇анд̇и, самаг̇г̇аваасо ход̇и, аяам̣ д̇зсам̣ паасувихааро ход̇и, имасса паасувихаарасса ад̇т̇ааяа. маа баабижчаа багкам̣ ниссааяа сан̇гхам̣ бхинд̣̇зяяунд̇и яат̇аа д̣̇звад̣̇ад̇д̇о сабарисо гулзсу вин̃н̃аабзд̇ваа бхун̃ж̇анд̇о баабижчз ниссааяа сан̇гхам̣ бхинд̣̇и, звам̣ ан̃н̃зби баабижчаа г̇ан̣аб̣анд̇хзна гулзсу вин̃н̃аабзд̇ваа бхун̃ж̇амаанаа г̇ан̣ам̣ вад̣дхзд̇ваа д̇ам̣ багкам̣ ниссааяа маа сан̇гхам̣ бхинд̣̇зяяунд̇и, ид̇и иминаа гааран̣зна бан̃н̃ад̇д̇анд̇и ад̇т̇о. гулаануд̣̇д̣̇аяад̇ааяа жаад̇и бхигкусан̇гхз убосат̇абавааран̣ам̣ гад̇ваа самаг̇г̇аваасам̣ васанд̇з мануссаа салаагабхад̇д̇аад̣̇ийни д̣̇ад̇ваа саг̇г̇абарааяан̣аа бхаванд̇и, ид̇и имааяа гулаануд̣̇д̣̇аяад̇ааяа жа бан̃н̃ад̇д̇анд̇и ад̇т̇о.

    Dummaṅkūnaṃ puggalānaṃ niggahāyāti dussīlapuggalānaṃ niggaṇhanatthaṃ. Pesalānaṃ bhikkhūnaṃ phāsuvihārāyāti dummaṅkūnaṃ niggaheneva pesalānaṃ uposathapavāraṇā vattanti, samaggavāso hoti, ayaṃ tesaṃ phāsuvihāro hoti, imassa phāsuvihārassa atthāya. Mā pāpicchā pakkhaṃ nissāya saṅghaṃ bhindeyyunti yathā devadatto sapariso kulesu viññāpetvā bhuñjanto pāpicche nissāya saṅghaṃ bhindi, evaṃ aññepi pāpicchā gaṇabandhena kulesu viññāpetvā bhuñjamānā gaṇaṃ vaḍḍhetvā taṃ pakkhaṃ nissāya mā saṅghaṃ bhindeyyunti, iti iminā kāraṇena paññattanti attho. Kulānuddayatāya cāti bhikkhusaṅghe uposathapavāraṇaṃ katvā samaggavāsaṃ vasante manussā salākabhattādīni datvā saggaparāyaṇā bhavanti, iti imāya kulānuddayatāya ca paññattanti attho.

    сассагхаад̇ам̣ ман̃н̃з жарасийд̇и сассам̣ гхаад̇знд̇о вияа аахин̣д̣аси. гулуубагхаад̇ам̣ ман̃н̃з жарасийд̇и гулаани убагхаад̇знд̇о вияа хананд̇о вияа аахин̣д̣аси. олуж̇ж̇ад̇ийд̇и висзсзна балуж̇ж̇ад̇и бхиж̇ж̇ад̇и. балуж̇ж̇анд̇и ко д̇з, аавусо, наваббааяаад̇и, аавусо, зд̇з д̇уяхам̣ бааязна язбхуяязна навагаа згавассигад̣̇увассигаа д̣̇ахараа жзва сааман̣зраа жа балуж̇ж̇анд̇и бхиж̇ж̇анд̇и. на вааяам̣ гумаараго мад̇д̇аман̃н̃аасийд̇и аяам̣ гумаараго ад̇д̇ано бамаан̣ам̣ на ж̇аанаад̇ийд̇и т̇зрам̣ д̇аж̇ж̇знд̇о ааха.

    Sassaghātaṃ maññe carasīti sassaṃ ghātento viya āhiṇḍasi. Kulūpaghātaṃ maññe carasīti kulāni upaghātento viya hananto viya āhiṇḍasi. Olujjatīti visesena palujjati bhijjati. Palujjanti kho te, āvuso, navappāyāti, āvuso, ete tuyhaṃ pāyena yebhuyyena navakā ekavassikaduvassikā daharā ceva sāmaṇerā ca palujjanti bhijjanti. Na vāyaṃ kumārako mattamaññāsīti ayaṃ kumārako attano pamāṇaṃ na jānātīti theraṃ tajjento āha.

    гумаарагаваад̣̇аа на мужжаамаад̇и гумаарагаваад̣̇ад̇о на мужжаама . д̇ат̇аа хи бана д̇ванд̇и ид̣̇амасса звам̣ вад̇д̇аб̣б̣ад̇ааяа гааран̣ад̣̇ассанад̇т̇ам̣ вуд̇д̇ам̣. аяан̃хзд̇т̇а ад̇хиббааяо – яасмаа д̇вам̣ имзхи навзхи бхигкуухи инд̣̇рияасам̣варарахид̇зхи сад̣̇д̇хим̣ вижараси, д̇асмаа гумаарагзхи сад̣̇д̇хим̣ вижаранд̇о гумаарагод̇и вад̇д̇аб̣б̣ад̇ам̣ арахасийд̇и.

    Kumārakavādāna muccāmāti kumārakavādato na muccāma . Tathā hi pana tvanti idamassa evaṃ vattabbatāya kāraṇadassanatthaṃ vuttaṃ. Ayañhettha adhippāyo – yasmā tvaṃ imehi navehi bhikkhūhi indriyasaṃvararahitehi saddhiṃ vicarasi, tasmā kumārakehi saddhiṃ vicaranto kumārakoti vattabbataṃ arahasīti.

    ан̃н̃ад̇ид̇т̇ияабуб̣б̣о самаанод̇и ид̣̇ам̣ яасмаа т̇зрасса имасмим̣ саасанз нзва аажарияо на убаж̇жхааяо бан̃н̃ааяад̇и, саяам̣ гаасааяаани г̇ахзд̇ваа нигканд̇о, д̇асмаа анад̇д̇аманад̇ааяа ан̃н̃ад̇ид̇т̇ияабуб̣б̣ад̇ам̣ ааробаяамаанаа ааха.

    Aññatitthiyapubbo samānoti idaṃ yasmā therassa imasmiṃ sāsane neva ācariyo na upajjhāyo paññāyati, sayaṃ kāsāyāni gahetvā nikkhanto, tasmā anattamanatāya aññatitthiyapubbataṃ āropayamānā āha.

    сахасаад̇и зд̇т̇а рааг̇амохажаароби сахасаажааро, ид̣̇ам̣ бана д̣̇осажааравасзна вуд̇д̇ам̣. аббадисан̇каад̇и аббажжавзгкид̇ваа, ид̣̇аани ад̇д̇ано баб̣б̣аж̇ж̇ам̣ сод̇хзнд̇о яад̇ваахам̣, аавусод̇иаад̣̇имааха. д̇ад̇т̇а ан̃н̃ам̣ сад̇т̇аарам̣ уд̣̇д̣̇исид̇унд̇и табзд̇ваа бхаг̇аванд̇ам̣ ан̃н̃ам̣ маяхам̣ сад̇т̇аад̇и звам̣ уд̣̇д̣̇исид̇ум̣ на ж̇аанаами. самб̣аад̇хо гхарааваасод̇иаад̣̇ийсу сажзби садтихад̇т̇з гхарз яож̇анасад̇анд̇арзби ваа д̣̇вз ж̇ааяамбад̇игаа васанд̇и, д̇ат̇ааби д̇зсам̣ сагин̃жанасабалиб̣од̇хадтзна гхарааваасо самб̣аад̇хоязва. раж̇аабат̇од̇и рааг̇араж̇аад̣̇ийнам̣ удтаанадтаананд̇и махааадтагат̇ааяам̣ вуд̇д̇ам̣. ‘‘ааг̇аманабат̇о’’д̇иби вад̇д̇ум̣ ваддад̇и. алаг̇г̇анадтзна аб̣бхогаасо вияаад̇и аб̣бхогаасо. баб̣б̣аж̇ид̇о хи гуудааг̇аарарад̇анамаяабаасаад̣̇ад̣̇звавимаанаад̣̇ийсу бихид̇ад̣̇ваараваад̇абаанзсу бадижчаннзсу васанд̇оби нзва лаг̇г̇ад̇и на саж̇ж̇ад̇и на б̣аж̇жхад̇и, д̇зна вуд̇д̇ам̣ ‘‘аб̣бхогаасо баб̣б̣аж̇ж̇аа’’д̇и. абижа самб̣аад̇хо гхарааваасо гусалагирияааяа огаасаабхаавад̇о раж̇аабат̇о асам̣вуд̇асан̇гаарадтаанам̣ вияа раж̇аанам̣, гилзсараж̇аанам̣ саннибаад̇адтаанад̇о, аб̣бхогаасо баб̣б̣аж̇ж̇аа гусалагирияааяа яат̇аа сукам̣ огаасасаб̣бхаавад̇о.

    Sahasāti ettha rāgamohacāropi sahasācāro, idaṃ pana dosacāravasena vuttaṃ. Appaṭisaṅkhāti appaccavekkhitvā, idāni attano pabbajjaṃ sodhento yatvāhaṃ, āvusotiādimāha. Tattha aññaṃ satthāraṃ uddisitunti ṭhapetvā bhagavantaṃ aññaṃ mayhaṃ satthāti evaṃ uddisituṃ na jānāmi. Sambādho gharāvāsotiādīsu sacepi saṭṭhihatthe ghare yojanasatantarepi vā dve jāyampatikā vasanti, tathāpi tesaṃ sakiñcanasapalibodhaṭṭhena gharāvāso sambādhoyeva. Rajāpathoti rāgarajādīnaṃ uṭṭhānaṭṭhānanti mahāaṭṭhakathāyaṃ vuttaṃ. ‘‘Āgamanapatho’’tipi vattuṃ vaṭṭati. Alagganaṭṭhena abbhokāso viyāti abbhokāso. Pabbajito hi kūṭāgāraratanamayapāsādadevavimānādīsu pihitadvāravātapānesu paṭicchannesu vasantopi neva laggati na sajjati na bajjhati, tena vuttaṃ ‘‘abbhokāso pabbajjā’’ti. Apica sambādho gharāvāso kusalakiriyāya okāsābhāvato rajāpatho asaṃvutasaṅkāraṭṭhānaṃ viya rajānaṃ, kilesarajānaṃ sannipātaṭṭhānato, abbhokāso pabbajjā kusalakiriyāya yathā sukhaṃ okāsasabbhāvato.

    наяид̣̇ам̣ сугарам̣…бз… баб̣б̣аж̇зяяанд̇и зд̇т̇а аяам̣ сан̇кзбагат̇аа – яад̣̇зд̇ам̣ сигкад̇д̇аяаб̣рахмажарияам̣ згамби д̣̇ивасам̣ акан̣д̣ам̣ гад̇ваа жаримагажид̇д̇ам̣ баабзд̇аб̣б̣ад̇ааяа зганд̇абарибун̣н̣ам̣ жарид̇аб̣б̣ам̣, згад̣̇ивасамби жа гилзсамалзна амалийнам̣ гад̇ваа жаримагажид̇д̇ам̣ баабзд̇аб̣б̣ад̇ааяа зганд̇абарисуд̣̇д̇хам̣, сан̇каликид̇ам̣ ликид̇асан̇касад̣̇исам̣ д̇ход̇асан̇касаббадибхааг̇ам̣ жарид̇аб̣б̣ам̣, ид̣̇ам̣ на сугарам̣ аг̇аарам̣ аж̇жхаавасад̇аа аг̇аарамаж̇жхз васанд̇зна зганд̇абарибун̣н̣ам̣…бз… жарид̇ум̣, яам̣нуунаахам̣ гзсамассум̣ охаарзд̇ваа гасааяарасабийд̇ад̇ааяа гаасааяаани б̣рахмажарияам̣ жаранд̇аанам̣ анужчавигаани вад̇т̇аани ажчаад̣̇зд̇ваа барид̣̇ахид̇ваа аг̇аарасмаа нигкамид̇ваа анаг̇аарияам̣ баб̣б̣аж̇ж̇зяяанд̇и. зд̇т̇а жа яасмаа аг̇аарасса хид̇ам̣ гасиван̣иж̇ж̇аад̣̇игаммам̣ аг̇аарияанд̇и вужжад̇и, д̇ам̣ баб̣б̣аж̇ж̇ааяа над̇т̇и, д̇асмаа баб̣б̣аж̇ж̇аа анаг̇аарияаад̇и н̃аад̇аб̣б̣аа, д̇ам̣ анаг̇аарияам̣. баб̣б̣аж̇зяяанд̇и бадибаж̇ж̇зяяам̣.

    Nayidaṃ sukaraṃ…pe… pabbajeyyanti ettha ayaṃ saṅkhepakathā – yadetaṃ sikkhattayabrahmacariyaṃ ekampi divasaṃ akhaṇḍaṃ katvā carimakacittaṃ pāpetabbatāya ekantaparipuṇṇaṃ caritabbaṃ, ekadivasampi ca kilesamalena amalīnaṃ katvā carimakacittaṃ pāpetabbatāya ekantaparisuddhaṃ, saṅkhalikhitaṃ likhitasaṅkhasadisaṃ dhotasaṅkhasappaṭibhāgaṃ caritabbaṃ, idaṃ na sukaraṃ agāraṃ ajjhāvasatā agāramajjhe vasantena ekantaparipuṇṇaṃ…pe… carituṃ, yaṃnūnāhaṃ kesamassuṃ ohāretvā kasāyarasapītatāya kāsāyāni brahmacariyaṃ carantānaṃ anucchavikāni vatthāni acchādetvā paridahitvā agārasmā nikkhamitvā anagāriyaṃ pabbajjeyyanti. Ettha ca yasmā agārassa hitaṃ kasivaṇijjādikammaṃ agāriyanti vuccati, taṃ pabbajjāya natthi, tasmā pabbajjā anagāriyāti ñātabbā, taṃ anagāriyaṃ. Pabbajeyyanti paṭipajjeyyaṃ.

    бадабилод̇игаананд̇и ж̇ин̣н̣абилод̇игаанам̣ д̇зрасахад̇т̇оби хи навасаадаго д̣̇асаанам̣ чиннагаалад̇о бадтааяа билод̇игаад̇и вужжад̇и. ид̇и махаарахаани вад̇т̇аани чинд̣̇ид̇ваа гад̇ам̣ сан̇гхаадим̣ санд̇хааяа ‘‘бадабилод̇игаанам̣ сан̇гхаади’’нд̇и вуд̇д̇ам̣. ад̣̇д̇хаанамаг̇г̇аббадибаннод̇и ад̣дхаяож̇анад̇о бадтааяа маг̇г̇о ад̣̇д̇хаананд̇и вужжад̇и, д̇ам̣ ад̣̇д̇хаанамаг̇г̇ам̣ бадибанно, д̣̇ийгхамаг̇г̇ам̣ бадибаннод̇и ад̇т̇о.

    Paṭapilotikānanti jiṇṇapilotikānaṃ terasahatthopi hi navasāṭako dasānaṃ chinnakālato paṭṭhāya pilotikāti vuccati. Iti mahārahāni vatthāni chinditvā kataṃ saṅghāṭiṃ sandhāya ‘‘paṭapilotikānaṃ saṅghāṭi’’nti vuttaṃ. Addhānamaggappaṭipannoti aḍḍhayojanato paṭṭhāya maggo addhānanti vuccati, taṃ addhānamaggaṃ paṭipanno, dīghamaggaṃ paṭipannoti attho.

    ид̣̇аани яат̇аа зса баб̣б̣аж̇ид̇о, яат̇аа жа ад̣̇д̇хаанамаг̇г̇ам̣ бадибанно, имассад̇т̇асса аавибхаавад̇т̇ам̣ абхинийхаарад̇о бадтааяа анубуб̣б̣игат̇аа гат̇зд̇аб̣б̣аа – ад̇ийд̇з гира габбасад̇асахассамад̇т̇агз бад̣̇умуд̇д̇аро наама сад̇т̇аа уд̣̇абаад̣̇и, д̇асмим̣ хам̣савад̇ийнаг̇арам̣ убаниссааяа кзмз миг̇ад̣̇ааяз вихаранд̇з взд̣̇зхо наама гудумб̣иго асийд̇игодид̇ханавибхаво баад̇ова субхож̇анам̣ бхун̃ж̇ид̇ваа убосат̇ан̇г̇аани ад̇хидтааяа г̇анд̇хабубпаад̣̇ийни г̇ахзд̇ваа вихаарам̣ г̇анд̇ваа сад̇т̇аарам̣ бууж̇зд̇ваа ванд̣̇ид̇ваа згаманд̇ам̣ нисийд̣̇и. д̇асмим̣ кан̣з сад̇т̇аа махаанисабхад̇т̇зрам̣ наама д̇ад̇ияасаавагам̣ ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ д̇худ̇аваад̣̇аанам̣ яад̣̇ид̣̇ам̣ нисабхо’’д̇и зд̇ад̣̇аг̇г̇з табзси. убаасаго д̇ам̣ суд̇ваа басанно д̇хаммагат̇аавасаанз махааж̇анз удтааяа г̇ад̇з сад̇т̇аарам̣ ванд̣̇ид̇ваа, ‘‘бханд̇з, свз маяхам̣ бхигкам̣ ад̇хиваасзт̇аа’’д̇и ааха. махаа ко, убаасага, бхигкусан̇гход̇и. гид̇д̇аго бхаг̇аваад̇и. адтасадтибхигкусад̇асахассанд̇и. бханд̇з, згам̣ сааман̣зрамби вихаарз асзсзд̇ваа бхигкам̣ ад̇хиваасзт̇аад̇и. сад̇т̇аа ад̇хиваасзси. убаасаго сад̇т̇у ад̇хиваасанам̣ вид̣̇ид̇ваа г̇зхам̣ г̇анд̇ваа махаад̣̇аанам̣ саж̇ж̇зд̇ваа бунад̣̇ивасз сад̇т̇у гаалам̣ аарожаабзси. сад̇т̇аа бад̇д̇ажийварамаад̣̇ааяа бхигкусан̇гхабаривуд̇о убаасагасса гхарам̣ г̇анд̇ваа бан̃н̃ад̇д̇аасанз нисинно д̣̇агкин̣од̣̇агаавасаанз яааг̇убхад̇д̇аад̣̇ийни самбадижчанд̇о бхад̇д̇ависсаг̇г̇ам̣ агааси. убаасагоби сад̇т̇у санд̇игз нисийд̣̇и.

    Idāni yathā esa pabbajito, yathā ca addhānamaggaṃ paṭipanno, imassatthassa āvibhāvatthaṃ abhinīhārato paṭṭhāya anupubbikathā kathetabbā – atīte kira kappasatasahassamatthake padumuttaro nāma satthā udapādi, tasmiṃ haṃsavatīnagaraṃ upanissāya kheme migadāye viharante vedeho nāma kuṭumbiko asītikoṭidhanavibhavo pātova subhojanaṃ bhuñjitvā uposathaṅgāni adhiṭṭhāya gandhapupphādīni gahetvā vihāraṃ gantvā satthāraṃ pūjetvā vanditvā ekamantaṃ nisīdi. Tasmiṃ khaṇe satthā mahānisabhattheraṃ nāma tatiyasāvakaṃ ‘‘etadaggaṃ, bhikkhave, mama sāvakānaṃ bhikkhūnaṃ dhutavādānaṃ yadidaṃ nisabho’’ti etadagge ṭhapesi. Upāsako taṃ sutvā pasanno dhammakathāvasāne mahājane uṭṭhāya gate satthāraṃ vanditvā, ‘‘bhante, sve mayhaṃ bhikkhaṃ adhivāsethā’’ti āha. Mahā kho, upāsaka, bhikkhusaṅghoti. Kittako bhagavāti. Aṭṭhasaṭṭhibhikkhusatasahassanti. Bhante, ekaṃ sāmaṇerampi vihāre asesetvā bhikkhaṃ adhivāsethāti. Satthā adhivāsesi. Upāsako satthu adhivāsanaṃ viditvā gehaṃ gantvā mahādānaṃ sajjetvā punadivase satthu kālaṃ ārocāpesi. Satthā pattacīvaramādāya bhikkhusaṅghaparivuto upāsakassa gharaṃ gantvā paññattāsane nisinno dakkhiṇodakāvasāne yāgubhattādīni sampaṭicchanto bhattavissaggaṃ akāsi. Upāsakopi satthu santike nisīdi.

    д̇асмим̣ анд̇арз махаанисабхад̇т̇зро бин̣д̣ааяа жаранд̇о д̇амзва вийт̇им̣ бадибаж̇ж̇и. убаасаго д̣̇исваа удтааяа г̇анд̇ваа т̇зрам̣ ванд̣̇ид̇ваа ‘‘бад̇д̇ам̣, бханд̇з, но д̣̇зт̇аа’’д̇и ааха. т̇зро бад̇д̇ам̣ ад̣̇ааси. бханд̇з, ид̇хзва бависат̇а, сад̇т̇ааби г̇зхз нисиннод̇и. на ваддиссад̇и убаасагаад̇и. убаасаго т̇зрасса бад̇д̇ам̣ г̇ахзд̇ваа бин̣д̣абаад̇асса буурзд̇ваа нийхарид̇ваа ад̣̇ааси. д̇ад̇о т̇зрам̣ ануг̇анд̇ваа нивад̇д̇о сад̇т̇у санд̇игз нисийд̣̇ид̇ваа звамааха – ‘‘бханд̇з, махаанисабхад̇т̇зро ‘сад̇т̇аа г̇зхз нисинно’д̇и вуд̇д̇зби бависид̇ум̣ на ижчи, ад̇т̇и ну ко зд̇асса д̇умхаагам̣ г̇ун̣зхи ад̇ирзго г̇ун̣о’’д̇и. б̣уд̣̇д̇хаанан̃жа ван̣н̣амажчзрам̣ наама над̇т̇и. ат̇а сад̇т̇аа звамааха – ‘‘убаасага, маяам̣ бхигкам̣ ааг̇амаяамаанаа г̇зхз нисийд̣̇аама, со бхигку на звам̣ нисийд̣̇ид̇ваа бхигкам̣ уд̣̇игкад̇и. маяам̣ г̇ааманд̇асзнаасанз васаама, со аран̃н̃асмим̣язва васад̇и. маяам̣ чаннз васаама, со аб̣бхогаасамхиязва васад̇и. ид̇и д̇асса аяан̃жа аяан̃жа г̇ун̣о’’д̇и махаасамуд̣̇д̣̇ам̣ буураяамаанова гат̇зси. убаасаго багад̇ияааби ж̇аламаанад̣̇ийбо д̇злзна аасид̇д̇о вияа судтуд̇арам̣ басанно худ̇ваа жинд̇зси – ‘‘гим̣ маяхам̣ ан̃н̃ааяа самбад̇д̇ияаа, анааг̇ад̇з згасса б̣уд̣̇д̇хасса санд̇игз д̇худ̇аваад̣̇аанам̣ аг̇г̇абхаавад̇т̇ааяа бад̇т̇анам̣ гариссаамий’’д̇и?

    Tasmiṃ antare mahānisabhatthero piṇḍāya caranto tameva vīthiṃ paṭipajji. Upāsako disvā uṭṭhāya gantvā theraṃ vanditvā ‘‘pattaṃ, bhante, no dethā’’ti āha. Thero pattaṃ adāsi. Bhante, idheva pavisatha, satthāpi gehe nisinnoti. Na vaṭṭissati upāsakāti. Upāsako therassa pattaṃ gahetvā piṇḍapātassa pūretvā nīharitvā adāsi. Tato theraṃ anugantvā nivatto satthu santike nisīditvā evamāha – ‘‘bhante, mahānisabhatthero ‘satthā gehe nisinno’ti vuttepi pavisituṃ na icchi, atthi nu kho etassa tumhākaṃ guṇehi atireko guṇo’’ti. Buddhānañca vaṇṇamaccheraṃ nāma natthi. Atha satthā evamāha – ‘‘upāsaka, mayaṃ bhikkhaṃ āgamayamānā gehe nisīdāma, so bhikkhu na evaṃ nisīditvā bhikkhaṃ udikkhati. Mayaṃ gāmantasenāsane vasāma, so araññasmiṃyeva vasati. Mayaṃ channe vasāma, so abbhokāsamhiyeva vasati. Iti tassa ayañca ayañca guṇo’’ti mahāsamuddaṃ pūrayamānova kathesi. Upāsako pakatiyāpi jalamānadīpo telena āsitto viya suṭṭhutaraṃ pasanno hutvā cintesi – ‘‘kiṃ mayhaṃ aññāya sampattiyā, anāgate ekassa buddhassa santike dhutavādānaṃ aggabhāvatthāya patthanaṃ karissāmī’’ti?

    со бунаби сад̇т̇аарам̣ ниманд̇зд̇ваа д̇знзва нияаамзна сад̇д̇а д̣̇ивасаани д̣̇аанам̣ д̣̇ад̇ваа сад̇д̇амз д̣̇ивасз адтасадтибхигкусад̇асахассасса д̇ижийвараани д̣̇ад̇ваа сад̇т̇у баад̣̇амуулз нибаж̇ж̇ид̇ваа звамааха – ‘‘яам̣ мз, бханд̇з, сад̇д̇а д̣̇ивасаани д̣̇аанам̣ д̣̇знд̇асса мзд̇д̇ам̣ гааяагаммам̣ мзд̇д̇ам̣ важийгаммам̣ мзд̇д̇ам̣ маногаммам̣, иминаахам̣ на ан̃н̃ам̣ д̣̇звасамбад̇д̇им̣ ваа саггамаараб̣рахмасамбад̇д̇им̣ ваа бад̇т̇зми, ид̣̇ам̣ бана мз гаммам̣ анааг̇ад̇з згасса б̣уд̣̇д̇хасса санд̇игз махаанисабхад̇т̇зрзна бад̇д̇адтаананд̇арам̣ баабун̣анад̇т̇ааяа д̇зрасад̇худ̇ан̇г̇ад̇хараанам̣ аг̇г̇абхаавасса бажжаяо ход̇уу’’д̇и. сад̇т̇аа ‘‘маханд̇ам̣ таанам̣ иминаа бад̇т̇ид̇ам̣, самиж̇жхиссад̇и ну ко’’д̇и ологзнд̇о самиж̇жханабхаавам̣ д̣̇исваа ааха – ‘‘манаабам̣ д̇з таанам̣ бад̇т̇ид̇ам̣, анааг̇ад̇з сад̇асахассагаббамад̇т̇агз г̇од̇амо наама б̣уд̣̇д̇хо уббаж̇ж̇иссад̇и, д̇асса д̇вам̣ д̇ад̇ияасааваго махаагассабад̇т̇зро наама бхависсасий’’д̇и. д̇ам̣ суд̇ваа убаасаго ‘‘б̣уд̣̇д̇хаанам̣ д̣̇вз гат̇аа наама над̇т̇ий’’д̇и бунад̣̇ивасз бад̇д̇аб̣б̣ам̣ вияа д̇ам̣ самбад̇д̇им̣ аман̃н̃ид̇т̇а. со яаавад̇ааяугам̣ сийлам̣ рагкид̇ваа д̇ад̇т̇а гаалан̇гад̇о саг̇г̇з ниб̣б̣ад̇д̇и.

    So punapi satthāraṃ nimantetvā teneva niyāmena satta divasāni dānaṃ datvā sattame divase aṭṭhasaṭṭhibhikkhusatasahassassa ticīvarāni datvā satthu pādamūle nipajjitvā evamāha – ‘‘yaṃ me, bhante, satta divasāni dānaṃ dentassa mettaṃ kāyakammaṃ mettaṃ vacīkammaṃ mettaṃ manokammaṃ, imināhaṃ na aññaṃ devasampattiṃ vā sakkamārabrahmasampattiṃ vā patthemi, idaṃ pana me kammaṃ anāgate ekassa buddhassa santike mahānisabhattherena pattaṭṭhānantaraṃ pāpuṇanatthāya terasadhutaṅgadharānaṃ aggabhāvassa paccayo hotū’’ti. Satthā ‘‘mahantaṃ ṭhānaṃ iminā patthitaṃ, samijjhissati nu kho’’ti olokento samijjhanabhāvaṃ disvā āha – ‘‘manāpaṃ te ṭhānaṃ patthitaṃ, anāgate satasahassakappamatthake gotamo nāma buddho uppajjissati, tassa tvaṃ tatiyasāvako mahākassapatthero nāma bhavissasī’’ti. Taṃ sutvā upāsako ‘‘buddhānaṃ dve kathā nāma natthī’’ti punadivase pattabbaṃ viya taṃ sampattiṃ amaññittha. So yāvatāyukaṃ sīlaṃ rakkhitvā tattha kālaṅkato sagge nibbatti.

    д̇ад̇о бадтааяа д̣̇звамануссзсу самбад̇д̇им̣ анубхаванд̇о ид̇о зганавуд̇игаббз вибассимхи саммаасамб̣уд̣̇д̇хз б̣анд̇хумад̇ийнаг̇арам̣ ниссааяа кзмз миг̇ад̣̇ааяз вихаранд̇з д̣̇звалогаа жавид̇ваа ан̃н̃ад̇арасмим̣ бариж̇ин̣н̣з б̣раахман̣агулз ниб̣б̣ад̇д̇и. д̇асмин̃жа гаалз ‘‘вибассий бхаг̇аваа сад̇д̇амз сад̇д̇амз сам̣важчарз д̇хаммам̣ гат̇зд̇ий’’д̇и маханд̇ам̣ голаахалам̣ ход̇и. сагалаж̇амб̣уд̣̇ийбз д̣̇звад̇аа ‘‘сад̇т̇аа д̇хаммам̣ гат̇зссад̇ий’’д̇и аарожзнд̇и, б̣раахман̣о д̇ам̣ саасанам̣ ассоси. д̇асса жа ниваасанасаадаго зго ход̇и, д̇ат̇аа б̣раахман̣ияаа, баарубанам̣ бана д̣̇виннамби згамзва. сагаланаг̇арз ‘‘згасаадагаб̣раахман̣о’’д̇и бан̃н̃ааяад̇и. б̣раахман̣аанам̣ гзнажид̣̇зва гижжзна саннибаад̇з сад̇и б̣раахман̣им̣ г̇зхз табзд̇ваа саяам̣ г̇ажчад̇и , б̣раахман̣ийнам̣ саннибаад̇з сад̇и саяам̣ г̇зхз д̇идтад̇и, б̣раахман̣ий д̇ам̣ вад̇т̇ам̣ баарубид̇ваа г̇ажчад̇и. д̇асмим̣ бана д̣̇ивасз б̣раахман̣о б̣раахман̣им̣ ааха – ‘‘бход̇и, гим̣ рад̇д̇им̣ д̇хаммассаванам̣ сун̣иссаси д̣̇иваа’’д̇и? ‘‘маяам̣ маад̇уг̇аамаж̇аад̇игаа наама рад̇д̇им̣ сод̇ум̣ на саггома, д̣̇иваа соссаамий’’д̇и б̣раахман̣ам̣ г̇зхз табзд̇ваа вад̇т̇ам̣ баарубид̇ваа убаасигаахи сад̣̇д̇хим̣ д̣̇иваа г̇анд̇ваа сад̇т̇аарам̣ ванд̣̇ид̇ваа згаманд̇з нисиннаа д̇хаммам̣ суд̇ваа убаасигаахиязва сад̣̇д̇хим̣ ааг̇амааси. ат̇а б̣раахман̣о б̣раахман̣им̣ г̇зхз табзд̇ваа вад̇т̇ам̣ баарубид̇ваа вихаарам̣ г̇ад̇о.

    Tato paṭṭhāya devamanussesu sampattiṃ anubhavanto ito ekanavutikappe vipassimhi sammāsambuddhe bandhumatīnagaraṃ nissāya kheme migadāye viharante devalokā cavitvā aññatarasmiṃ parijiṇṇe brāhmaṇakule nibbatti. Tasmiñca kāle ‘‘vipassī bhagavā sattame sattame saṃvacchare dhammaṃ kathetī’’ti mahantaṃ kolāhalaṃ hoti. Sakalajambudīpe devatā ‘‘satthā dhammaṃ kathessatī’’ti ārocenti, brāhmaṇo taṃ sāsanaṃ assosi. Tassa ca nivāsanasāṭako eko hoti, tathā brāhmaṇiyā, pārupanaṃ pana dvinnampi ekameva. Sakalanagare ‘‘ekasāṭakabrāhmaṇo’’ti paññāyati. Brāhmaṇānaṃ kenacideva kiccena sannipāte sati brāhmaṇiṃ gehe ṭhapetvā sayaṃ gacchati , brāhmaṇīnaṃ sannipāte sati sayaṃ gehe tiṭṭhati, brāhmaṇī taṃ vatthaṃ pārupitvā gacchati. Tasmiṃ pana divase brāhmaṇo brāhmaṇiṃ āha – ‘‘bhoti, kiṃ rattiṃ dhammassavanaṃ suṇissasi divā’’ti? ‘‘Mayaṃ mātugāmajātikā nāma rattiṃ sotuṃ na sakkoma, divā sossāmī’’ti brāhmaṇaṃ gehe ṭhapetvā vatthaṃ pārupitvā upāsikāhi saddhiṃ divā gantvā satthāraṃ vanditvā ekamante nisinnā dhammaṃ sutvā upāsikāhiyeva saddhiṃ āgamāsi. Atha brāhmaṇo brāhmaṇiṃ gehe ṭhapetvā vatthaṃ pārupitvā vihāraṃ gato.

    д̇асмим̣ жа самаяз сад̇т̇аа барисамаж̇жхз алан̇гад̇ад̇хаммаасанз саннисинно жид̇д̇аб̣ийж̇аним̣ аад̣̇ааяа аагаасаг̇ан̇г̇ам̣ од̇аарзнд̇о вияа синзрум̣ мад̇т̇ам̣ гад̇ваа сааг̇арам̣ ниммат̇знд̇о вияа д̇хаммагат̇ам̣ гат̇зд̇и. б̣раахман̣асса барисанд̇з нисиннасса д̇хаммам̣ сун̣анд̇асса батамаяаамасмим̣язва сагаласарийрам̣ буураяамаанаа бан̃жаван̣н̣аа бийд̇и уббаж̇ж̇и. со бааруд̇авад̇т̇ам̣ сан̇гхарид̇ваа ‘‘д̣̇асаб̣аласса д̣̇ассаамий’’д̇и жинд̇зси. ат̇асса аад̣̇ийнавасахассам̣ д̣̇ассаяамаанам̣ мажчзрам̣ уббаж̇ж̇и, со ‘‘б̣раахман̣ияаа жа маяхан̃жа згамзва вад̇т̇ам̣, ан̃н̃ам̣ гин̃жи баарубанам̣ над̇т̇и, абаарубид̇ваа жа наама б̣ахи жарид̇ум̣ на саггаа’’д̇и саб̣б̣ат̇ааби ад̣̇аад̇угаамо ахоси. ат̇асса нигканд̇з батамаяаамз маж̇жхимаяаамзби д̇ат̇зва бийд̇и уббаж̇ж̇и, со д̇ат̇зва жа жинд̇зд̇ваа д̇ат̇зва ад̣̇аад̇угаамо ахоси. ат̇асса маж̇жхимаяаамз нигканд̇з бажчимаяаамзби д̇ат̇зва бийд̇и уббаж̇ж̇и, со ‘‘д̇аран̣ам̣ ваа ход̇у маран̣ам̣ ваа, бажчааби ж̇ааниссаамий’’д̇и вад̇т̇ам̣ сан̇гхарид̇ваа сад̇т̇у баад̣̇амуулз табзси. д̇ад̇о ваамахад̇т̇ам̣ аабхуж̇ид̇ваа д̣̇агкин̣зна хад̇т̇зна д̇игкад̇д̇ум̣ абподзд̇ваа ‘‘ж̇ид̇ам̣ мз ж̇ид̇ам̣ мз’’д̇и д̇аяо ваарз над̣̇и.

    Tasmiṃ ca samaye satthā parisamajjhe alaṅkatadhammāsane sannisinno cittabījaniṃ ādāya ākāsagaṅgaṃ otārento viya sineruṃ matthaṃ katvā sāgaraṃ nimmathento viya dhammakathaṃ katheti. Brāhmaṇassa parisante nisinnassa dhammaṃ suṇantassa paṭhamayāmasmiṃyeva sakalasarīraṃ pūrayamānā pañcavaṇṇā pīti uppajji. So pārutavatthaṃ saṅgharitvā ‘‘dasabalassa dassāmī’’ti cintesi. Athassa ādīnavasahassaṃ dassayamānaṃ maccheraṃ uppajji, so ‘‘brāhmaṇiyā ca mayhañca ekameva vatthaṃ, aññaṃ kiñci pārupanaṃ natthi, apārupitvā ca nāma bahi carituṃ na sakkā’’ti sabbathāpi adātukāmo ahosi. Athassa nikkhante paṭhamayāme majjhimayāmepi tatheva pīti uppajji, so tatheva ca cintetvā tatheva adātukāmo ahosi. Athassa majjhimayāme nikkhante pacchimayāmepi tatheva pīti uppajji, so ‘‘taraṇaṃ vā hotu maraṇaṃ vā, pacchāpi jānissāmī’’ti vatthaṃ saṅgharitvā satthu pādamūle ṭhapesi. Tato vāmahatthaṃ ābhujitvā dakkhiṇena hatthena tikkhattuṃ apphoṭetvā ‘‘jitaṃ me jitaṃ me’’ti tayo vāre nadi.

    д̇асмин̃жа самаяз б̣анд̇хумарааж̇аа д̇хаммаасанасса бажчад̇о анд̇осаан̣ияам̣ нисинно д̇хаммам̣ сун̣аад̇и. ран̃н̃о жа наама ‘‘ж̇ид̇ам̣ мз’’д̇и сад̣̇д̣̇о аманаабо ход̇и. со бурисам̣ бзсзси ‘‘г̇ажча зд̇ам̣ бужча гим̣ вад̣̇зсий’’д̇и? со д̇зна г̇анд̇ваа бужчид̇о ааха – ‘‘авасзсаа хад̇т̇ияаанаад̣̇ийни ааруяха асижаммаад̣̇ийни г̇ахзд̇ваа барасзнам̣ ж̇инанд̇и, на д̇ам̣ ажчарияам̣, ахам̣ бана бажчад̇о ааг̇ажчанд̇асса гуудаг̇он̣асса муг̇г̇арзна сийсам̣ бхинд̣̇ид̇ваа д̇ам̣ балаабзнд̇о вияа мажчзражид̇д̇ам̣ мад̣̇д̣̇ид̇ваа бааруд̇авад̇т̇ам̣ д̣̇асаб̣аласса ад̣̇аасим̣, д̇ам̣ мз мажчарияам̣ ж̇ид̇а’’нд̇и ааха. бурисо г̇анд̇ваа д̇ам̣ бавад̇д̇им̣ ран̃н̃о аарожзси. рааж̇аа ааха – ‘‘амхз бхан̣з д̣̇асаб̣аласса ануруубам̣ на ж̇аанимхаа, б̣раахман̣о бана ж̇ааний’’д̇и вад̇т̇аяуг̇амби бзсзси. д̇ам̣ д̣̇исваа б̣раахман̣о жинд̇зси – ‘‘аяам̣ маяхам̣ д̇ун̣хий нисиннасса батамам̣ гин̃жи ад̣̇ад̇ваа сад̇т̇у г̇ун̣з гат̇знд̇асса ад̣̇ааси, сад̇т̇у г̇ун̣з бадижжа уббаннзна маяхам̣ го ад̇т̇о’’д̇и д̇амби вад̇т̇аяуг̇ам̣ д̣̇асаб̣алассзва ад̣̇ааси. рааж̇аа ‘‘гим̣ б̣раахман̣зна гад̇а’’нд̇и? бужчид̇ваа, ‘‘д̇амби д̇зна вад̇т̇аяуг̇ам̣ д̇ат̇ааг̇ад̇ассзва д̣̇инна’’нд̇и суд̇ваа ан̃н̃аани д̣̇вз вад̇т̇аяуг̇аани бзсзси. со д̇ааниби ад̣̇ааси. рааж̇аа ан̃н̃ааниби жад̇д̇аарийд̇и звам̣ яаава д̣̇вад̇д̇им̣са вад̇т̇аяуг̇аани бзсзси. ат̇а б̣раахман̣о ‘‘ид̣̇ам̣ вад̣дхзд̇ваа г̇ахан̣ам̣ вияа ход̇ий’’д̇и ад̇д̇ано ад̇т̇ааяа згам̣ б̣раахман̣ияаа ад̇т̇ааяа зганд̇и д̣̇вз вад̇т̇аяуг̇аани г̇ахзд̇ваа д̇им̣са яуг̇аани д̇ат̇ааг̇ад̇ассзва ад̣̇ааси. д̇ад̇о бадтааяа жа сад̇т̇у виссаасиго ж̇аад̇о.

    Tasmiñca samaye bandhumarājā dhammāsanassa pacchato antosāṇiyaṃ nisinno dhammaṃ suṇāti. Rañño ca nāma ‘‘jitaṃ me’’ti saddo amanāpo hoti. So purisaṃ pesesi ‘‘gaccha etaṃ puccha kiṃ vadesī’’ti? So tena gantvā pucchito āha – ‘‘avasesā hatthiyānādīni āruyha asicammādīni gahetvā parasenaṃ jinanti, na taṃ acchariyaṃ, ahaṃ pana pacchato āgacchantassa kūṭagoṇassa muggarena sīsaṃ bhinditvā taṃ palāpento viya maccheracittaṃ madditvā pārutavatthaṃ dasabalassa adāsiṃ, taṃ me macchariyaṃ jita’’nti āha. Puriso gantvā taṃ pavattiṃ rañño ārocesi. Rājā āha – ‘‘amhe bhaṇe dasabalassa anurūpaṃ na jānimhā, brāhmaṇo pana jānī’’ti vatthayugampi pesesi. Taṃ disvā brāhmaṇo cintesi – ‘‘ayaṃ mayhaṃ tuṇhī nisinnassa paṭhamaṃ kiñci adatvā satthu guṇe kathentassa adāsi, satthu guṇe paṭicca uppannena mayhaṃ ko attho’’ti tampi vatthayugaṃ dasabalasseva adāsi. Rājā ‘‘kiṃ brāhmaṇena kata’’nti? Pucchitvā, ‘‘tampi tena vatthayugaṃ tathāgatasseva dinna’’nti sutvā aññāni dve vatthayugāni pesesi. So tānipi adāsi. Rājā aññānipi cattārīti evaṃ yāva dvattiṃsa vatthayugāni pesesi. Atha brāhmaṇo ‘‘idaṃ vaḍḍhetvā gahaṇaṃ viya hotī’’ti attano atthāya ekaṃ brāhmaṇiyā atthāya ekanti dve vatthayugāni gahetvā tiṃsa yugāni tathāgatasseva adāsi. Tato paṭṭhāya ca satthu vissāsiko jāto.

    ат̇а нам̣ рааж̇аа згад̣̇ивасам̣ сийд̇асамаяз сад̇т̇у санд̇игз д̇хаммам̣ сун̣анд̇ам̣ д̣̇исваа сад̇асахассаг̇гханигам̣ ад̇д̇ано бааруд̇ам̣ рад̇д̇агамб̣алам̣ д̣̇ад̇ваа ааха – ‘‘ид̇о бадтааяа ид̣̇ам̣ баарубид̇ваа д̇хаммам̣ сун̣аахий’’д̇и. со ‘‘гим̣ мз иминаа гамб̣алзна имасмим̣ бууд̇игааяз убанийд̇знаа’’д̇и? жинд̇зд̇ваа, анд̇ог̇анд̇хагудияам̣ д̇ат̇ааг̇ад̇аман̃жасса убари вид̇аанам̣ гад̇ваа аг̇амааси. ат̇а згад̣̇ивасам̣ рааж̇аа баад̇ова вихаарам̣ г̇анд̇ваа анд̇ог̇анд̇хагудияам̣ сад̇т̇у санд̇игз нисийд̣̇и. д̇асмин̃жа самаяз чаб̣б̣ан̣н̣аа б̣уд̣̇д̇харасмияо гамб̣алам̣ бадихан̃н̃анд̇и, гамб̣ало ад̇ивияа вирожад̇и. рааж̇аа уд̣̇д̇хам̣ ологзнд̇о сан̃ж̇аанид̇ваа ааха – ‘‘бханд̇з, амхаагам̣ зса гамб̣ало, амхзхи згасаадагаб̣раахман̣асса д̣̇инно’’д̇и. д̇умхзхи, махаарааж̇а, б̣раахман̣о бууж̇ид̇о, б̣раахман̣зна ахам̣ бууж̇ид̇од̇и. рааж̇аа ‘‘б̣раахман̣о яуд̇д̇агам̣ ан̃н̃ааси, на маяа’’нд̇и басийд̣̇ид̇ваа яам̣ мануссаанам̣ убагаарабхууд̇ам̣, д̇ам̣ саб̣б̣ам̣ адтадтагам̣ гад̇ваа саб̣б̣адтагам̣ наама д̣̇аанам̣ д̣̇ад̇ваа бурохид̇адтаанз табзси. соби ‘‘адтадтагам̣ наама жад̇усадти ход̇ий’’д̇и жад̇усадти салаагабхад̇д̇аани убаниб̣анд̇хаабзд̇ваа яааваж̇ийвам̣ д̣̇аанам̣ д̣̇ад̇ваа сийлам̣ рагкид̇ваа д̇ад̇о жуд̇о саг̇г̇з ниб̣б̣ад̇д̇и.

    Atha naṃ rājā ekadivasaṃ sītasamaye satthu santike dhammaṃ suṇantaṃ disvā satasahassagghanikaṃ attano pārutaṃ rattakambalaṃ datvā āha – ‘‘ito paṭṭhāya idaṃ pārupitvā dhammaṃ suṇāhī’’ti. So ‘‘kiṃ me iminā kambalena imasmiṃ pūtikāye upanītenā’’ti? Cintetvā, antogandhakuṭiyaṃ tathāgatamañcassa upari vitānaṃ katvā agamāsi. Atha ekadivasaṃ rājā pātova vihāraṃ gantvā antogandhakuṭiyaṃ satthu santike nisīdi. Tasmiñca samaye chabbaṇṇā buddharasmiyo kambalaṃ paṭihaññanti, kambalo ativiya virocati. Rājā uddhaṃ olokento sañjānitvā āha – ‘‘bhante, amhākaṃ esa kambalo, amhehi ekasāṭakabrāhmaṇassa dinno’’ti. Tumhehi, mahārāja, brāhmaṇo pūjito, brāhmaṇena ahaṃ pūjitoti. Rājā ‘‘brāhmaṇo yuttakaṃ aññāsi, na maya’’nti pasīditvā yaṃ manussānaṃ upakārabhūtaṃ, taṃ sabbaṃ aṭṭhaṭṭhakaṃ katvā sabbaṭṭhakaṃ nāma dānaṃ datvā purohitaṭṭhāne ṭhapesi. Sopi ‘‘aṭṭhaṭṭhakaṃ nāma catusaṭṭhi hotī’’ti catusaṭṭhi salākabhattāni upanibandhāpetvā yāvajīvaṃ dānaṃ datvā sīlaṃ rakkhitvā tato cuto sagge nibbatti.

    буна д̇ад̇о жуд̇о имасмим̣ габбз гон̣ааг̇аманасса жа бхаг̇авад̇о гассабад̣̇асаб̣аласса жаад̇и д̣̇виннам̣ б̣уд̣̇д̇хаанам̣ анд̇арз б̣аараан̣асияам̣ гудумб̣ияагхарз ниб̣б̣ад̇д̇о, со вуд̣̇д̇химанвааяа гхарааваасам̣ васанд̇о згад̣̇ивасам̣ аран̃н̃з ж̇ан̇гхавихаарам̣ жарад̇и. д̇асмин̃жа самаяз бажжзгаб̣уд̣̇д̇хо над̣̇ийд̇ийрз жийварагаммам̣ гаронд̇о ануваад̇з аббахонд̇з сан̇гхарид̇ваа табзд̇ум̣ аарад̣̇д̇хо. со д̣̇исваа, ‘‘гасмаа, бханд̇з, сан̇гхарид̇ваа табзт̇аа’’д̇и? ааха. ануваад̇о наббаход̇ийд̇и. ‘‘иминаа, бханд̇з, гарот̇аа’’д̇и саадагам̣ д̣̇ад̇ваа, ‘‘ниб̣б̣ад̇д̇аниб̣б̣ад̇д̇адтаанз мз гзнажи барихаани маа ход̇уу’’д̇и бад̇т̇анам̣ бадтабзси. гхарзбисса бхаг̇инияаа сад̣̇д̇хим̣ бхарияааяа галахам̣ гаронд̇ияаа бажжзгаб̣уд̣̇д̇хо бин̣д̣ааяа баависи.

    Puna tato cuto imasmiṃ kappe koṇāgamanassa ca bhagavato kassapadasabalassa cāti dvinnaṃ buddhānaṃ antare bārāṇasiyaṃ kuṭumbiyaghare nibbatto, so vuddhimanvāya gharāvāsaṃ vasanto ekadivasaṃ araññe jaṅghavihāraṃ carati. Tasmiñca samaye paccekabuddho nadītīre cīvarakammaṃ karonto anuvāte appahonte saṅgharitvā ṭhapetuṃ āraddho. So disvā, ‘‘kasmā, bhante, saṅgharitvā ṭhapethā’’ti? Āha. Anuvāto nappahotīti. ‘‘Iminā, bhante, karothā’’ti sāṭakaṃ datvā, ‘‘nibbattanibbattaṭṭhāne me kenaci parihāni mā hotū’’ti patthanaṃ paṭṭhapesi. Gharepissa bhaginiyā saddhiṃ bhariyāya kalahaṃ karontiyā paccekabuddho piṇḍāya pāvisi.

    ат̇асса бхаг̇иний бажжзгаб̣уд̣̇д̇хасса бин̣д̣абаад̇ам̣ д̣̇ад̇ваа д̇асса бхарияам̣ санд̇хааяа ‘‘зваруубам̣ б̣аалам̣ яож̇анасад̇зна бариваж̇ж̇зяяа’’нд̇и бад̇т̇анам̣ бадтабзси. саа г̇зхад̣̇ваарз тид̇аа д̇ам̣ суд̇ваа, ‘‘имааяа д̣̇иннам̣ бхад̇д̇ам̣ зса маа бхун̃ж̇ад̇уу’’д̇и бад̇д̇ам̣ г̇ахзд̇ваа бин̣д̣абаад̇ам̣ чад̣д̣зд̇ваа галаласса буурзд̇ваа ад̣̇ааси. ид̇араа д̣̇исваа, ‘‘б̣аалз мам̣ д̇аава аггоса ваа бахара ваа. зваруубасса бана д̣̇вз асан̇кзяяаани буурид̇абаарамисса бад̇д̇ад̇о бхад̇д̇ам̣ чад̣д̣зд̇ваа галалам̣ д̣̇аад̇ум̣ на яуд̇д̇а’’нд̇и ааха. ат̇асса бхарияааяа бадисан̇каанам̣ уббаж̇ж̇и. саа ‘‘д̇идтат̇а, бханд̇з’’д̇и галалам̣ чад̣д̣зд̇ваа бад̇д̇ам̣ д̇ховид̇ваа г̇анд̇хажун̣н̣зна уб̣б̣аддзд̇ваа баварасса жад̇умад̇хурасса буурзд̇ваа убари аасид̇д̇зна бад̣̇умаг̇аб̣бхаван̣н̣зна саббинаа виж̇ж̇од̇амаанам̣ бажжзгаб̣уд̣̇д̇хасса хад̇т̇з табзд̇ваа, ‘‘яат̇аа аяам̣ бин̣д̣абаад̇о обхаасаж̇аад̇о, звам̣ обхаасаж̇аад̇ам̣ мз сарийрам̣ ход̇уу’’д̇и бад̇т̇анам̣ бадтабзси. бажжзгаб̣уд̣̇д̇хо анумод̣̇ид̇ваа аагаасам̣ багканд̣̇и. д̇зби ж̇ааяамбад̇игаа яаавад̇ааяугам̣ гусалам̣ гад̇ваа саг̇г̇з ниб̣б̣ад̇д̇ид̇ваа буна д̇ад̇о жавид̇ваа убаасаго б̣аараан̣асияам̣ асийд̇игодивибхавасса сздтино буд̇д̇о худ̇ваа ниб̣б̣ад̇д̇и, ид̇араа д̇аад̣̇исассзва д̇хийд̇аа худ̇ваа ниб̣б̣ад̇д̇и.

    Athassa bhaginī paccekabuddhassa piṇḍapātaṃ datvā tassa bhariyaṃ sandhāya ‘‘evarūpaṃ bālaṃ yojanasatena parivajjeyya’’nti patthanaṃ paṭṭhapesi. Sā gehadvāre ṭhitā taṃ sutvā, ‘‘imāya dinnaṃ bhattaṃ esa mā bhuñjatū’’ti pattaṃ gahetvā piṇḍapātaṃ chaḍḍetvā kalalassa pūretvā adāsi. Itarā disvā, ‘‘bāle maṃ tāva akkosa vā pahara vā. Evarūpassa pana dve asaṅkheyyāni pūritapāramissa pattato bhattaṃ chaḍḍetvā kalalaṃ dātuṃ na yutta’’nti āha. Athassa bhariyāya paṭisaṅkhānaṃ uppajji. Sā ‘‘tiṭṭhatha, bhante’’ti kalalaṃ chaḍḍetvā pattaṃ dhovitvā gandhacuṇṇena ubbaṭṭetvā pavarassa catumadhurassa pūretvā upari āsittena padumagabbhavaṇṇena sappinā vijjotamānaṃ paccekabuddhassa hatthe ṭhapetvā, ‘‘yathā ayaṃ piṇḍapāto obhāsajāto, evaṃ obhāsajātaṃ me sarīraṃ hotū’’ti patthanaṃ paṭṭhapesi. Paccekabuddho anumoditvā ākāsaṃ pakkhandi. Tepi jāyampatikā yāvatāyukaṃ kusalaṃ katvā sagge nibbattitvā puna tato cavitvā upāsako bārāṇasiyaṃ asītikoṭivibhavassa seṭṭhino putto hutvā nibbatti, itarā tādisasseva dhītā hutvā nibbatti.

    д̇асса вуд̣̇д̇хиббад̇д̇асса д̇амзва сздтид̇хийд̇арам̣ аанаяим̣су. д̇ассаа буб̣б̣з ад̣̇иннавибаагасса д̇асса гаммасса аанубхаавзна бад̇игулам̣ бавидтамад̇д̇ааяа уммаараб̣бханд̇арз сагаласарийрам̣ уг̇гхаадид̇аважжагуди вияа д̣̇уг̇г̇анд̇хам̣ ж̇аад̇ам̣. сздтигумааро ‘‘гассааяам̣ г̇анд̇хо’’д̇и бужчид̇ваа ‘‘сздтиган̃н̃ааяаа’’д̇и суд̇ваа ‘‘нийхарат̇а нийхарат̇аа’’д̇и аабхад̇анияаамзнзва гулагхарам̣ бзсзси. саа зд̇знзва нийхаарзна сад̇д̇асу таанзсу бадинивад̇д̇ид̇аа жинд̇зси – ‘‘ахам̣ сад̇д̇асу таанзсу бадинивад̇д̇аа. гим̣ мз ж̇ийвид̇знаа’’д̇и? ад̇д̇ано аабхаран̣абхан̣д̣ам̣ бхан̃ж̇аабзд̇ваа суван̣н̣идтагам̣ гаарзси рад̇анааяад̇ам̣ вид̣̇ад̇т̇ивид̇т̇ад̇ам̣ жад̇уран̇г̇улуб̣б̣зд̇хам̣. д̇ад̇о харид̇ааламаносилаабин̣д̣ам̣ г̇ахзд̇ваа адта уббалахад̇т̇агз аад̣̇ааяа гассабад̣̇асаб̣аласса жзд̇ияагаран̣адтаанам̣ г̇ад̇аа. д̇асмин̃жа кан̣з згаа идтагабанд̇и баригкибид̇ваа ааг̇ажчамаанаа гхаданидтагааяа уунаа ход̇и. сздтид̇хийд̇аа вад̣дхагим̣ ааха – ‘‘имам̣ идтагам̣ зд̇т̇а табзт̇аа’’д̇и. амма, бхад̣̇д̣̇агз гаалз ааг̇ад̇ааси, саяамзва табзхийд̇и. саа ааруяха д̇злзна харид̇ааламаносилам̣ яож̇зд̇ваа д̇зна б̣анд̇ханзна идтагам̣ бад̇идтабзд̇ваа убари адтахи уббалахад̇т̇агзхи бууж̇ам̣ гад̇ваа ванд̣̇ид̇ваа, ‘‘ниб̣б̣ад̇д̇аниб̣б̣ад̇д̇адтаанз мз гааяад̇о жанд̣̇анаг̇анд̇хо вааяад̇у, мукад̇о уббалаг̇анд̇хо’’д̇и бад̇т̇анам̣ гад̇ваа, жзд̇ияам̣ ванд̣̇ид̇ваа, бад̣̇агкин̣ам̣ гад̇ваа аг̇амааси.

    Tassa vuddhippattassa tameva seṭṭhidhītaraṃ ānayiṃsu. Tassā pubbe adinnavipākassa tassa kammassa ānubhāvena patikulaṃ paviṭṭhamattāya ummārabbhantare sakalasarīraṃ ugghāṭitavaccakuṭi viya duggandhaṃ jātaṃ. Seṭṭhikumāro ‘‘kassāyaṃ gandho’’ti pucchitvā ‘‘seṭṭhikaññāyā’’ti sutvā ‘‘nīharatha nīharathā’’ti ābhataniyāmeneva kulagharaṃ pesesi. Sā eteneva nīhārena sattasu ṭhānesu paṭinivattitā cintesi – ‘‘ahaṃ sattasu ṭhānesu paṭinivattā. Kiṃ me jīvitenā’’ti? Attano ābharaṇabhaṇḍaṃ bhañjāpetvā suvaṇṇiṭṭhakaṃ kāresi ratanāyataṃ vidatthivitthataṃ caturaṅgulubbedhaṃ. Tato haritālamanosilāpiṇḍaṃ gahetvā aṭṭha uppalahatthake ādāya kassapadasabalassa cetiyakaraṇaṭṭhānaṃ gatā. Tasmiñca khaṇe ekā iṭṭhakapanti parikkhipitvā āgacchamānā ghaṭaniṭṭhakāya ūnā hoti. Seṭṭhidhītā vaḍḍhakiṃ āha – ‘‘imaṃ iṭṭhakaṃ ettha ṭhapethā’’ti. Amma, bhaddake kāle āgatāsi, sayameva ṭhapehīti. Sā āruyha telena haritālamanosilaṃ yojetvā tena bandhanena iṭṭhakaṃ patiṭṭhapetvā upari aṭṭhahi uppalahatthakehi pūjaṃ katvā vanditvā, ‘‘nibbattanibbattaṭṭhāne me kāyato candanagandho vāyatu, mukhato uppalagandho’’ti patthanaṃ katvā, cetiyaṃ vanditvā, padakkhiṇaṃ katvā agamāsi.

    ат̇а д̇асмим̣язва кан̣з яасса сздтибуд̇д̇асса батамам̣ г̇зхам̣ нийд̇аа, д̇асса д̇ам̣ аараб̣бха сад̇и уд̣̇абаад̣̇и . наг̇арзби нагкад̇д̇ам̣ сам̣гхудтам̣ ход̇и. со убадтаагз ааха – ‘‘д̇ад̣̇аа ид̇ха аанийд̇аа сздтид̇хийд̇аа ад̇т̇и, гахам̣ саа’’д̇и? ‘‘гулаг̇зхз саамий’’д̇и. ‘‘аанзт̇а нам̣, нагкад̇д̇ам̣ гийл̣иссаамаа’’д̇и. д̇з г̇анд̇ваа, д̇ам̣ ванд̣̇ид̇ваа тид̇аа ‘‘гим̣, д̇аад̇аа, ааг̇ад̇ад̇т̇аа’’д̇и? д̇ааяа будтаа д̇ам̣ бавад̇д̇им̣ аажигким̣су. ‘‘д̇аад̇аа, маяаа аабхаран̣абхан̣д̣зна жзд̇ияам̣ бууж̇ид̇ам̣, аабхаран̣ам̣ мз над̇т̇ий’’д̇и. д̇з г̇анд̇ваа сздтибуд̇д̇асса аарожзсум̣. ‘‘аанзт̇а нам̣, бил̣анд̇ханам̣ лабхиссаамаа’’д̇и. д̇з аанаяим̣су. д̇ассаа саха гхараббавзсзна сагалаг̇зхам̣ жанд̣̇анаг̇анд̇хан̃жзва нийлуббалаг̇анд̇хан̃жа вааяи.

    Atha tasmiṃyeva khaṇe yassa seṭṭhiputtassa paṭhamaṃ gehaṃ nītā, tassa taṃ ārabbha sati udapādi . Nagarepi nakkhattaṃ saṃghuṭṭhaṃ hoti. So upaṭṭhāke āha – ‘‘tadā idha ānītā seṭṭhidhītā atthi, kahaṃ sā’’ti? ‘‘Kulagehe sāmī’’ti. ‘‘Ānetha naṃ, nakkhattaṃ kīḷissāmā’’ti. Te gantvā, taṃ vanditvā ṭhitā ‘‘kiṃ, tātā, āgatatthā’’ti? Tāya puṭṭhā taṃ pavattiṃ ācikkhiṃsu. ‘‘Tātā, mayā ābharaṇabhaṇḍena cetiyaṃ pūjitaṃ, ābharaṇaṃ me natthī’’ti. Te gantvā seṭṭhiputtassa ārocesuṃ. ‘‘Ānetha naṃ, piḷandhanaṃ labhissāmā’’ti. Te ānayiṃsu. Tassā saha gharappavesena sakalagehaṃ candanagandhañceva nīluppalagandhañca vāyi.

    сздтибуд̇д̇о д̇ам̣ бужчи – ‘‘батамам̣ д̇ава сарийрад̇о д̣̇уг̇г̇анд̇хо вааяи, ид̣̇аани бана д̇з сарийрад̇о жанд̣̇анаг̇анд̇хо, мукад̇о уббалаг̇анд̇хо вааяад̇и. гим̣ зд̇а’’нд̇и? саа аад̣̇ид̇о бадтааяа ад̇д̇ано гад̇агаммам̣ аарожзси. сздтибуд̇д̇о ‘‘нияяаанигам̣ вад̇а б̣уд̣̇д̇хаанам̣ саасана’’нд̇и басийд̣̇ид̇ваа яож̇анигам̣ суван̣н̣ажзд̇ияам̣ гамб̣алаган̃жугзна баригкибид̇ваа д̇ад̇т̇а д̇ад̇т̇а рат̇ажаггаббамаан̣зхи суван̣н̣абад̣̇умзхи алан̇гари. д̇зсам̣ д̣̇ваад̣̇асахад̇т̇аа оламб̣агаа хонд̇и. со д̇ад̇т̇а яаавад̇ааяугам̣ тад̇ваа саг̇г̇з ниб̣б̣ад̇д̇ид̇ваа д̇ад̇о жуд̇о б̣аараан̣асид̇о яож̇анамад̇д̇з таанз ан̃н̃ад̇арасмим̣ амажжагулз ниб̣б̣ад̇д̇и. сздтиган̃н̃аа д̣̇звалогад̇о жавид̇ваа рааж̇агулз ж̇здтад̇хийд̇аа худ̇ваа ниб̣б̣ад̇д̇и.

    Seṭṭhiputto taṃ pucchi – ‘‘paṭhamaṃ tava sarīrato duggandho vāyi, idāni pana te sarīrato candanagandho, mukhato uppalagandho vāyati. Kiṃ eta’’nti? Sā ādito paṭṭhāya attano katakammaṃ ārocesi. Seṭṭhiputto ‘‘niyyānikaṃ vata buddhānaṃ sāsana’’nti pasīditvā yojanikaṃ suvaṇṇacetiyaṃ kambalakañcukena parikkhipitvā tattha tattha rathacakkappamāṇehi suvaṇṇapadumehi alaṅkari. Tesaṃ dvādasahatthā olambakā honti. So tattha yāvatāyukaṃ ṭhatvā sagge nibbattitvā tato cuto bārāṇasito yojanamatte ṭhāne aññatarasmiṃ amaccakule nibbatti. Seṭṭhikaññā devalokato cavitvā rājakule jeṭṭhadhītā hutvā nibbatti.

    д̇зсу ваяаббад̇д̇зсу гумаарасса васанаг̇аамз нагкад̇д̇ам̣ сам̣гхудтам̣, со маад̇арам̣ ааха – ‘‘саадагам̣ мз амма д̣̇зхи, нагкад̇д̇ам̣ гийл̣иссаамий’’д̇и. саа д̇ход̇авад̇т̇ам̣ нийхарид̇ваа ад̣̇ааси. ‘‘амма т̇уулам̣ ид̣̇а’’нд̇и. ан̃н̃ам̣ нийхарид̇ваа ад̣̇ааси, д̇амби бадигкиби. ан̃н̃ам̣ нийхарид̇ваа ад̣̇ааси, д̇амби бадигкиби. ат̇а нам̣ маад̇аа ааха – ‘‘д̇аад̇а, яаад̣̇исз г̇зхз маяам̣ ж̇аад̇аа, над̇т̇и но ид̇о сукумад̇арасса бадилаабхааяа бун̃н̃а’’нд̇и. ‘‘лабханадтаанам̣ г̇ажчаами аммаа’’д̇и. ‘‘буд̇д̇а ахам̣ аж̇ж̇зва д̇уяхам̣ б̣аараан̣асинаг̇арз раж̇ж̇абадилаабхамби ижчаамий’’д̇и. со маад̇арам̣ ванд̣̇ид̇ваа ааха – ‘‘г̇ажчаами аммаа’’д̇и. ‘‘г̇ажча, д̇аад̇аа’’д̇и. звам̣ гирассаа жид̇д̇ам̣ ахоси – ‘‘гахам̣ г̇амиссад̇и, ид̇ха ваа зд̇т̇а ваа г̇зхз нисийд̣̇иссад̇ий’’д̇и? со бана бун̃н̃анияаамзна нигкамид̇ваа б̣аараан̣асим̣ г̇анд̇ваа уяяаанз ман̇г̇аласилаабаддз сасийсам̣ баарубид̇ваа нибаж̇ж̇и. со жаа б̣аараан̣асиран̃н̃о гаалан̇гад̇асса сад̇д̇амо д̣̇ивасо ход̇и.

    Tesu vayappattesu kumārassa vasanagāme nakkhattaṃ saṃghuṭṭhaṃ, so mātaraṃ āha – ‘‘sāṭakaṃ me amma dehi, nakkhattaṃ kīḷissāmī’’ti. Sā dhotavatthaṃ nīharitvā adāsi. ‘‘Amma thūlaṃ ida’’nti. Aññaṃ nīharitvā adāsi, tampi paṭikkhipi. Aññaṃ nīharitvā adāsi, tampi paṭikkhipi. Atha naṃ mātā āha – ‘‘tāta, yādise gehe mayaṃ jātā, natthi no ito sukhumatarassa paṭilābhāya puñña’’nti. ‘‘Labhanaṭṭhānaṃ gacchāmi ammā’’ti. ‘‘Putta ahaṃ ajjeva tuyhaṃ bārāṇasinagare rajjapaṭilābhampi icchāmī’’ti. So mātaraṃ vanditvā āha – ‘‘gacchāmi ammā’’ti. ‘‘Gaccha, tātā’’ti. Evaṃ kirassā cittaṃ ahosi – ‘‘kahaṃ gamissati, idha vā ettha vā gehe nisīdissatī’’ti? So pana puññaniyāmena nikkhamitvā bārāṇasiṃ gantvā uyyāne maṅgalasilāpaṭṭe sasīsaṃ pārupitvā nipajji. So cā bārāṇasirañño kālaṅkatassa sattamo divaso hoti.

    амажжаа ран̃н̃о сарийрагижжам̣ гад̇ваа рааж̇ан̇г̇ан̣з нисийд̣̇ид̇ваа манд̇аяим̣су – ‘‘ран̃н̃о згаа д̇хийд̇аава ад̇т̇и, буд̇д̇о над̇т̇и. арааж̇агам̣ раж̇ж̇ам̣ на д̇идтад̇и. го рааж̇аа ход̇ий’’д̇и манд̇зд̇ваа, ‘‘д̇вам̣ хохи, д̇вам̣ хохий’’д̇и. бурохид̇о ааха – ‘‘б̣ахум̣ ологзд̇ум̣ на ваддад̇и, пуссарат̇ам̣ виссаж̇ж̇змаа’’д̇и. д̇з гумуд̣̇аван̣н̣з жад̇д̇ааро синд̇хавз яож̇зд̇ваа, бан̃жавид̇хам̣ рааж̇агагуд̇хабхан̣д̣ам̣ сзд̇ажчад̇д̇ан̃жа рат̇асмим̣язва табзд̇ваа рат̇ам̣ виссаж̇ж̇зд̇ваа бажчад̇о д̇уурияаани баг̇г̇ан̣хаабзсум̣. рат̇о баажийнад̣̇ваарзна нигкамид̇ваа уяяаанаабхимуко ахоси, ‘‘барижаязна уяяаанаабхимуко г̇ажчад̇и, нивад̇д̇змаа’’д̇и гзжи аахам̣су. бурохид̇о ‘‘маа нивад̇д̇аяид̇т̇аа’’д̇и ааха. рат̇о гумаарам̣ бад̣̇агкин̣ам̣ гад̇ваа аароханасаж̇ж̇о худ̇ваа адтааси. бурохид̇о баарубанаган̣н̣ам̣ абанзд̇ваа баад̣̇ад̇алаани ологзнд̇о ‘‘д̇идтад̇у аяам̣ д̣̇ийбо, д̣̇висахассад̣̇ийбабариваарзсу жад̇уусу д̣̇ийбзсу зса раж̇ж̇ам̣ гаад̇ум̣ яуд̇д̇о’’д̇и вад̇ваа, ‘‘бунаби д̇уурияаани баг̇г̇ан̣хаат̇а бунаби баг̇г̇ан̣хаат̇аа’’д̇и д̇игкад̇д̇ум̣ д̇уурияаани баг̇г̇ан̣хаабзси.

    Amaccā rañño sarīrakiccaṃ katvā rājaṅgaṇe nisīditvā mantayiṃsu – ‘‘rañño ekā dhītāva atthi, putto natthi. Arājakaṃ rajjaṃ na tiṭṭhati. Ko rājā hotī’’ti mantetvā, ‘‘tvaṃ hohi, tvaṃ hohī’’ti. Purohito āha – ‘‘bahuṃ oloketuṃ na vaṭṭati, phussarathaṃ vissajjemā’’ti. Te kumudavaṇṇe cattāro sindhave yojetvā, pañcavidhaṃ rājakakudhabhaṇḍaṃ setacchattañca rathasmiṃyeva ṭhapetvā rathaṃ vissajjetvā pacchato tūriyāni paggaṇhāpesuṃ. Ratho pācīnadvārena nikkhamitvā uyyānābhimukho ahosi, ‘‘paricayena uyyānābhimukho gacchati, nivattemā’’ti keci āhaṃsu. Purohito ‘‘mā nivattayitthā’’ti āha. Ratho kumāraṃ padakkhiṇaṃ katvā ārohanasajjo hutvā aṭṭhāsi. Purohito pārupanakaṇṇaṃ apanetvā pādatalāni olokento ‘‘tiṭṭhatu ayaṃ dīpo, dvisahassadīpaparivāresu catūsu dīpesu esa rajjaṃ kātuṃ yutto’’ti vatvā, ‘‘punapi tūriyāni paggaṇhātha punapi paggaṇhāthā’’ti tikkhattuṃ tūriyāni paggaṇhāpesi.

    ат̇а гумааро мукам̣ виварид̇ваа ологзд̇ваа, ‘‘гзна гаммзна ааг̇ад̇ад̇т̇аа’’д̇и? ааха. ‘‘д̣̇зва, д̇умхаагам̣ раж̇ж̇ам̣ баабун̣аад̇ий’’д̇и. ‘‘рааж̇аа гаха’’нд̇и. ‘‘д̣̇звад̇д̇ам̣ г̇ад̇о саамий’’д̇и. ‘‘гад̇и д̣̇ивасаа ад̇игганд̇аа’’д̇и? ‘‘аж̇ж̇а сад̇д̇амо д̣̇ивасо’’д̇и. ‘‘буд̇д̇о ваа д̇хийд̇аа ваа над̇т̇ий’’д̇и. ‘‘д̇хийд̇аа ад̇т̇и д̣̇зва, буд̇д̇о над̇т̇ий’’д̇и. ‘‘д̇зна хи гариссаами раж̇ж̇а’’нд̇и. д̇з д̇аавад̣̇зва абхисзгаман̣д̣абам̣ гад̇ваа рааж̇ад̇хийд̇арам̣ саб̣б̣аалан̇гаарзхи алан̇гарид̇ваа уяяаанам̣ аанзд̇ваа гумаарасса абхисзгам̣ агам̣су.

    Atha kumāro mukhaṃ vivaritvā oloketvā, ‘‘kena kammena āgatatthā’’ti? Āha. ‘‘Deva, tumhākaṃ rajjaṃ pāpuṇātī’’ti. ‘‘Rājā kaha’’nti. ‘‘Devattaṃ gato sāmī’’ti. ‘‘Kati divasā atikkantā’’ti? ‘‘Ajja sattamo divaso’’ti. ‘‘Putto vā dhītā vā natthī’’ti. ‘‘Dhītā atthi deva, putto natthī’’ti. ‘‘Tena hi karissāmi rajja’’nti. Te tāvadeva abhisekamaṇḍapaṃ katvā rājadhītaraṃ sabbālaṅkārehi alaṅkaritvā uyyānaṃ ānetvā kumārassa abhisekaṃ akaṃsu.

    ат̇асса гад̇аабхисзгасса сад̇асахассаг̇гханигам̣ вад̇т̇ам̣ убахарим̣су. со ‘‘гимид̣̇ам̣, д̇аад̇аа’’д̇и? ааха. ‘‘ниваасанавад̇т̇ам̣ д̣̇зваа’’д̇и. ‘‘нану, д̇аад̇аа, т̇уула’’нд̇и. ‘‘мануссаанам̣ барибхог̇авад̇т̇зсу ид̇о сукумад̇арам̣ над̇т̇и д̣̇зваа’’д̇и. ‘‘д̇умхаагам̣ рааж̇аа зваруубам̣ ниваасзсий’’д̇и? ‘‘аама, д̣̇зваа’’д̇и. ‘‘на ман̃н̃з бун̃н̃аваа д̇умхаагам̣ рааж̇аа, суван̣н̣абхин̇г̇аарам̣ аахарат̇а, лабхиссаама вад̇т̇а’’нд̇и. суван̣н̣абхин̇г̇аарам̣ аахарим̣су. со удтааяа хад̇т̇з д̇ховид̇ваа, мукам̣ вигкаалзд̇ваа, хад̇т̇зна уд̣̇агам̣ аад̣̇ааяа, бурад̇т̇имад̣̇исааяа аб̣бхуггири, гханабат̇авим̣ бхинд̣̇ид̇ваа адта габбаругкаа удтахим̣су. буна уд̣̇агам̣ г̇ахзд̇ваа д̣̇агкин̣ам̣ бажчимам̣ уд̇д̇аранд̇и звам̣ жад̇ассо д̣̇исаа аб̣бхуггири, саб̣б̣ад̣̇исаасу адта адта гад̇ваа д̣̇вад̇д̇им̣са габбаругкаа удтахим̣су. со згам̣ д̣̇иб̣б̣ад̣̇уссам̣ ниваасзд̇ваа згам̣ баарубид̇ваа ‘‘нанд̣̇аран̃н̃о виж̇ид̇з суд̇д̇аганд̇игаа ид̇т̇ияо маа суд̇д̇ам̣ ганд̇им̣сууд̇и звам̣ бхзрим̣ жаараабзт̇аа’’д̇и вад̇ваа, чад̇д̇ам̣ уссаабзд̇ваа, алан̇гад̇абадияад̇д̇о хад̇т̇игканд̇хавараг̇ад̇о наг̇арам̣ бависид̇ваа, баасаад̣̇ам̣ ааруяха махаасамбад̇д̇им̣ анубхави.

    Athassa katābhisekassa satasahassagghanikaṃ vatthaṃ upahariṃsu. So ‘‘kimidaṃ, tātā’’ti? Āha. ‘‘Nivāsanavatthaṃ devā’’ti. ‘‘Nanu, tātā, thūla’’nti. ‘‘Manussānaṃ paribhogavatthesu ito sukhumataraṃ natthi devā’’ti. ‘‘Tumhākaṃ rājā evarūpaṃ nivāsesī’’ti? ‘‘Āma, devā’’ti. ‘‘Na maññe puññavā tumhākaṃ rājā, suvaṇṇabhiṅgāraṃ āharatha, labhissāma vattha’’nti. Suvaṇṇabhiṅgāraṃ āhariṃsu. So uṭṭhāya hatthe dhovitvā, mukhaṃ vikkhāletvā, hatthena udakaṃ ādāya, puratthimadisāya abbhukkiri, ghanapathaviṃ bhinditvā aṭṭha kapparukkhā uṭṭhahiṃsu. Puna udakaṃ gahetvā dakkhiṇaṃ pacchimaṃ uttaranti evaṃ catasso disā abbhukkiri, sabbadisāsu aṭṭha aṭṭha katvā dvattiṃsa kapparukkhā uṭṭhahiṃsu. So ekaṃ dibbadussaṃ nivāsetvā ekaṃ pārupitvā ‘‘nandarañño vijite suttakantikā itthiyo mā suttaṃ kantiṃsūti evaṃ bheriṃ cārāpethā’’ti vatvā, chattaṃ ussāpetvā, alaṅkatapaṭiyatto hatthikkhandhavaragato nagaraṃ pavisitvā, pāsādaṃ āruyha mahāsampattiṃ anubhavi.

    звам̣ гаалз г̇ажчанд̇з згад̣̇ивасам̣ д̣̇звий ран̃н̃о самбад̇д̇им̣ д̣̇исваа, ‘‘ахо д̇абассий’’д̇и гаарун̃н̃аагаарам̣ д̣̇ассзси. ‘‘гимид̣̇ам̣ д̣̇звий’’д̇и? жа будтаа, ‘‘ад̇имахад̇ий, д̣̇зва, самбад̇д̇и, ад̇ийд̇з б̣уд̣̇д̇хаанам̣ сад̣̇д̣̇ахид̇ваа галяаан̣ам̣ агад̇т̇а, ид̣̇аани анааг̇ад̇асса бажжаяам̣ гусалам̣ на гарот̇аа’’д̇и? ааха. ‘‘гасса д̣̇ассаами? сийлаванд̇о над̇т̇ий’’д̇и. ‘‘асун̃н̃о, д̣̇зва, ж̇амб̣уд̣̇ийбо араханд̇зхи, д̇умхз д̣̇аанамзва саж̇ж̇зт̇а, ахам̣ араханд̇з лажчаамий’’д̇и ааха. рааж̇аа бунад̣̇ивасз баажийнад̣̇ваарз д̣̇аанам̣ саж̇ж̇аабзси. д̣̇звий баад̇ова убосат̇ан̇г̇аани ад̇хидтааяа убарибаасаад̣̇з бурад̇т̇аабхимукаа урзна нибаж̇ж̇ид̇ваа – ‘‘сажз зд̇иссаа д̣̇исааяа араханд̇о ад̇т̇и, ааг̇ажчанд̇у амхаагам̣ бхигкам̣ г̇ан̣ханд̇уу’’д̇и ааха. д̇ассам̣ д̣̇исааяам̣ араханд̇о наахзсум̣. д̇ам̣ саггаарам̣ габан̣ад̣̇д̇хигаяаажагаанам̣ ад̣̇ам̣су.

    Evaṃ kāle gacchante ekadivasaṃ devī rañño sampattiṃ disvā, ‘‘aho tapassī’’ti kāruññākāraṃ dassesi. ‘‘Kimidaṃ devī’’ti? Ca puṭṭhā, ‘‘atimahatī, deva, sampatti, atīte buddhānaṃ saddahitvā kalyāṇaṃ akattha, idāni anāgatassa paccayaṃ kusalaṃ na karothā’’ti? Āha. ‘‘Kassa dassāmi? Sīlavanto natthī’’ti. ‘‘Asuñño, deva, jambudīpo arahantehi, tumhe dānameva sajjetha, ahaṃ arahante lacchāmī’’ti āha. Rājā punadivase pācīnadvāre dānaṃ sajjāpesi. Devī pātova uposathaṅgāni adhiṭṭhāya uparipāsāde puratthābhimukhā urena nipajjitvā – ‘‘sace etissā disāya arahanto atthi, āgacchantu amhākaṃ bhikkhaṃ gaṇhantū’’ti āha. Tassaṃ disāyaṃ arahanto nāhesuṃ. Taṃ sakkāraṃ kapaṇaddhikayācakānaṃ adaṃsu.

    бунад̣̇ивасз д̣̇агкин̣ад̣̇ваарз д̣̇аанам̣ саж̇ж̇зд̇ваа д̇ат̇зва агааси, бунад̣̇ивасз бажчимад̣̇ваарз. уд̇д̇арад̣̇ваарз саж̇ж̇ид̇ад̣̇ивасз бана д̣̇звияаа д̇ат̇зва ниманд̇знд̇ияаа химаванд̇з васанд̇аанам̣ бад̣̇умавад̇ияаа буд̇д̇аанам̣ бан̃жасад̇аанам̣ бажжзгаб̣уд̣̇д̇хаанам̣ ж̇здтаго махаабад̣̇умабажжзгаб̣уд̣̇д̇хо бхаад̇игз ааманд̇зси ‘‘маарисаа, нанд̣̇арааж̇аа д̇умхз ниманд̇зд̇и, ад̇хиваасзт̇а д̇ассаа’’д̇и. д̇з ад̇хиваасзд̇ваа бунад̣̇ивасз анод̇ад̇д̇ад̣̇ахз мукам̣ д̇ховид̇ваа аагаасзна ааг̇анд̇ваа уд̇д̇арад̣̇ваарз од̇арим̣су. мануссаа г̇анд̇ваа ‘‘бан̃жасад̇аа, д̣̇зва, бажжзгаб̣уд̣̇д̇хаа ааг̇ад̇аа’’д̇и ран̃н̃о аарожзсум̣. рааж̇аа сад̣̇д̇хим̣ д̣̇звияаа г̇анд̇ваа ванд̣̇ид̇ваа бад̇д̇ам̣ г̇ахзд̇ваа бажжзгаб̣уд̣̇д̇хз баасаад̣̇ам̣ ааробзд̇ваа д̇зсам̣ д̣̇аанам̣ д̣̇ад̇ваа бхад̇д̇агижжаавасаанз рааж̇аа сан̇гхат̇зрасса, д̣̇звий сан̇гханавагасса баад̣̇амуулз нибаж̇ж̇ид̇ваа, ‘‘аяяаа бажжаязхи на гиламиссанд̇и, маяам̣ бун̃н̃зна на хааяиссаама, амхаагам̣ яааваж̇ийвам̣ ид̇ха ниваасааяа бадин̃н̃ам̣ д̣̇зт̇аа’’д̇и бадин̃н̃ам̣ гаарзд̇ваа уяяаанз бан̃жа бан̣н̣асаалаасад̇аани бан̃жа жан̇гаманасад̇аанийд̇и саб̣б̣аагаарзна ниваасадтаанам̣ самбаад̣̇зд̇ваа д̇ад̇т̇а васаабзсум̣.

    Punadivase dakkhiṇadvāre dānaṃ sajjetvā tatheva akāsi, punadivase pacchimadvāre. Uttaradvāre sajjitadivase pana deviyā tatheva nimantentiyā himavante vasantānaṃ padumavatiyā puttānaṃ pañcasatānaṃ paccekabuddhānaṃ jeṭṭhako mahāpadumapaccekabuddho bhātike āmantesi ‘‘mārisā, nandarājā tumhe nimanteti, adhivāsetha tassā’’ti. Te adhivāsetvā punadivase anotattadahe mukhaṃ dhovitvā ākāsena āgantvā uttaradvāre otariṃsu. Manussā gantvā ‘‘pañcasatā, deva, paccekabuddhā āgatā’’ti rañño ārocesuṃ. Rājā saddhiṃ deviyā gantvā vanditvā pattaṃ gahetvā paccekabuddhe pāsādaṃ āropetvā tesaṃ dānaṃ datvā bhattakiccāvasāne rājā saṅghatherassa, devī saṅghanavakassa pādamūle nipajjitvā, ‘‘ayyā paccayehi na kilamissanti, mayaṃ puññena na hāyissāma, amhākaṃ yāvajīvaṃ idha nivāsāya paṭiññaṃ dethā’’ti paṭiññaṃ kāretvā uyyāne pañca paṇṇasālāsatāni pañca caṅkamanasatānīti sabbākārena nivāsaṭṭhānaṃ sampādetvā tattha vasāpesuṃ.

    звам̣ гаалз г̇ажчанд̇з ран̃н̃о бажжанд̇о губид̇о. ‘‘ахам̣ бажжанд̇ам̣ вуубасамзд̇ум̣ г̇ажчаами, д̇вам̣ бажжзгаб̣уд̣̇д̇хзсу маа бамаж̇ж̇ий’’д̇и д̣̇звим̣ овад̣̇ид̇ваа г̇ад̇о. д̇асмим̣ анааг̇ад̇зязва бажжзгаб̣уд̣̇д̇хаанам̣ ааяусан̇каараа кийн̣аа. махаабад̣̇умабажжзгаб̣уд̣̇д̇хо д̇ияаамарад̇д̇им̣ жхаанагийл̣ам̣ гийл̣ид̇ваа арун̣уг̇г̇аманз ааламб̣анапалагам̣ ааламб̣ид̇ваа тид̇агова анубаад̣̇исзсааяа ниб̣б̣аанад̇хаад̇уяаа бариниб̣б̣ааяи, зд̇знубааязна сзсаабийд̇и саб̣б̣зби бариниб̣б̣уд̇аа. бунад̣̇ивасз д̣̇звий бажжзгаб̣уд̣̇д̇хаанам̣ нисийд̣̇анадтаанам̣ харид̇уубалид̇д̇ам̣ гаарзд̇ваа бубпаани вигирид̇ваа д̇хуубам̣ д̣̇ад̇ваа д̇зсам̣ ааг̇аманам̣ ологаяанд̇ий нисиннаа ааг̇аманам̣ абассанд̇ий бурисам̣ бзсзси – ‘‘г̇ажча, д̇аад̇а, ж̇аанаахи, гим̣ аяяаанам̣ гин̃жи апаасуга’’нд̇и? со г̇анд̇ваа махаабад̣̇умасса бан̣н̣асаалааяа д̣̇ваарам̣ виварид̇ваа д̇ад̇т̇а абассанд̇о жан̇гаманам̣ г̇анд̇ваа ааламб̣анапалагам̣ ниссааяа тид̇ам̣ д̣̇исваа ванд̣̇ид̇ваа, ‘‘гаало, бханд̇з’’д̇и ааха. бариниб̣б̣уд̇асарийрам̣ гим̣ гат̇зссад̇и? со ‘‘нид̣̇д̣̇ааяад̇и ман̃н̃з’’д̇и г̇анд̇ваа бидтибаад̣̇з хад̇т̇зна бараамаси. баад̣̇аанам̣ сийд̇алад̇ааяа жзва т̇ад̣̇д̇хад̇ааяа жа бариниб̣б̣уд̇абхаавам̣ н̃ад̇ваа д̣̇уд̇ияасса санд̇игам̣ аг̇амааси, звам̣ д̇ад̇ияассаад̇и саб̣б̣зсам̣ бариниб̣б̣уд̇абхаавам̣ н̃ад̇ваа рааж̇агулам̣ г̇ад̇о. ‘‘гахам̣, д̇аад̇а, бажжзгаб̣уд̣̇д̇хаа’’д̇и? будто ‘‘бариниб̣б̣уд̇аа, д̣̇звий’’д̇и ааха. д̣̇звий ганд̣̇анд̇ий род̣̇анд̇ий нигкамид̇ваа нааг̇арзхи сад̣̇д̇хим̣ д̇ад̇т̇а г̇анд̇ваа саад̇хугийл̣ид̇ам̣ гаарзд̇ваа бажжзгаб̣уд̣̇д̇хаанам̣ сарийрагижжам̣ гад̇ваа д̇хаад̇уяо г̇ахзд̇ваа жзд̇ияам̣ бад̇идтаабзси.

    Evaṃ kāle gacchante rañño paccanto kupito. ‘‘Ahaṃ paccantaṃ vūpasametuṃ gacchāmi, tvaṃ paccekabuddhesu mā pamajjī’’ti deviṃ ovaditvā gato. Tasmiṃ anāgateyeva paccekabuddhānaṃ āyusaṅkhārā khīṇā. Mahāpadumapaccekabuddho tiyāmarattiṃ jhānakīḷaṃ kīḷitvā aruṇuggamane ālambanaphalakaṃ ālambitvā ṭhitakova anupādisesāya nibbānadhātuyā parinibbāyi, etenupāyena sesāpīti sabbepi parinibbutā. Punadivase devī paccekabuddhānaṃ nisīdanaṭṭhānaṃ haritūpalittaṃ kāretvā pupphāni vikiritvā dhūpaṃ datvā tesaṃ āgamanaṃ olokayantī nisinnā āgamanaṃ apassantī purisaṃ pesesi – ‘‘gaccha, tāta, jānāhi, kiṃ ayyānaṃ kiñci aphāsuka’’nti? So gantvā mahāpadumassa paṇṇasālāya dvāraṃ vivaritvā tattha apassanto caṅkamanaṃ gantvā ālambanaphalakaṃ nissāya ṭhitaṃ disvā vanditvā, ‘‘kālo, bhante’’ti āha. Parinibbutasarīraṃ kiṃ kathessati? So ‘‘niddāyati maññe’’ti gantvā piṭṭhipāde hatthena parāmasi. Pādānaṃ sītalatāya ceva thaddhatāya ca parinibbutabhāvaṃ ñatvā dutiyassa santikaṃ agamāsi, evaṃ tatiyassāti sabbesaṃ parinibbutabhāvaṃ ñatvā rājakulaṃ gato. ‘‘Kahaṃ, tāta, paccekabuddhā’’ti? Puṭṭho ‘‘parinibbutā, devī’’ti āha. Devī kandantī rodantī nikkhamitvā nāgarehi saddhiṃ tattha gantvā sādhukīḷitaṃ kāretvā paccekabuddhānaṃ sarīrakiccaṃ katvā dhātuyo gahetvā cetiyaṃ patiṭṭhāpesi.

    рааж̇аа бажжанд̇ам̣ вуубасамзд̇ваа ааг̇ад̇о бажжуг̇г̇аманам̣ ааг̇ад̇ам̣ д̣̇звим̣ бужчи ‘‘гим̣, бхад̣̇д̣̇з, бажжзгаб̣уд̣̇д̇хзсу наббамаж̇ж̇и, нирог̇аа аяяаа’’д̇и? ‘‘бариниб̣б̣уд̇аа д̣̇зваа’’д̇и. рааж̇аа жинд̇зси – ‘‘зваруубаанамби бан̣д̣ид̇аанам̣ маран̣ам̣ уббаж̇ж̇ад̇и, амхаагам̣ гуд̇о могко’’д̇и? со наг̇арам̣ аг̇анд̇ваа уяяаанамзва бависид̇ваа ж̇здтабуд̇д̇ам̣ баггосаабзд̇ваа д̇асса раж̇ж̇ам̣ бадияаад̣̇зд̇ваа саяам̣ саман̣агабаб̣б̣аж̇ж̇ам̣ баб̣б̣аж̇и, д̣̇звийби ‘‘имасмим̣ баб̣б̣аж̇ид̇з ахам̣ гим̣ гариссаамий’’д̇и? д̇ад̇т̇зва уяяаанз баб̣б̣аж̇ид̇аа. д̣̇взби жхаанам̣ бхаавзд̇ваа д̇ад̇о жуд̇аа б̣рахмалогз ниб̣б̣ад̇д̇им̣су.

    Rājā paccantaṃ vūpasametvā āgato paccuggamanaṃ āgataṃ deviṃ pucchi ‘‘kiṃ, bhadde, paccekabuddhesu nappamajji, nirogā ayyā’’ti? ‘‘Parinibbutā devā’’ti. Rājā cintesi – ‘‘evarūpānampi paṇḍitānaṃ maraṇaṃ uppajjati, amhākaṃ kuto mokkho’’ti? So nagaraṃ agantvā uyyānameva pavisitvā jeṭṭhaputtaṃ pakkosāpetvā tassa rajjaṃ paṭiyādetvā sayaṃ samaṇakapabbajjaṃ pabbaji, devīpi ‘‘imasmiṃ pabbajite ahaṃ kiṃ karissāmī’’ti? Tattheva uyyāne pabbajitā. Dvepi jhānaṃ bhāvetvā tato cutā brahmaloke nibbattiṃsu.

    д̇зсу д̇ад̇т̇зва васанд̇зсу амхаагам̣ сад̇т̇аа логз уббаж̇ж̇ид̇ваа бавад̇д̇ид̇аварад̇хаммажагго анубуб̣б̣зна рааж̇аг̇ахам̣ баависи. аяам̣ биббалимаан̣аво маг̇ад̇харадтз махаад̇ид̇т̇аб̣раахман̣аг̇аамз габилаб̣раахман̣асса аг̇г̇амахзсияаа гужчимхи ниб̣б̣ад̇д̇о, аяам̣ бхад̣̇д̣̇аа гаабилааний мад̣̇д̣̇арадтз сааг̇аланаг̇арз госияаг̇од̇д̇аб̣раахман̣асса аг̇г̇амахзсияаа гужчисмим̣ ниб̣б̣ад̇д̇аа. д̇зсам̣ ко ануггамзна вад̣дхамаанаанам̣ биббалимаан̣авасса вийсад̇имз вассз бхад̣̇д̣̇ааяа сол̣асамз вассз самбад̇д̇з маад̇аабид̇аро буд̇д̇ам̣ ологзд̇ваа, ‘‘д̇аад̇а, д̇вам̣ ваяаббад̇д̇о, гулавам̣со наама бад̇идтабзд̇аб̣б̣о’’д̇и ад̇ивияа ниббийл̣аяим̣су. маан̣аво ааха – ‘‘маяхам̣ сод̇абат̇з зваруубам̣ гат̇ам̣ маа гат̇зт̇а. ахам̣ яаава д̇умхз д̇харат̇а, д̇аава бадиж̇аг̇г̇иссаами, д̇умхаагам̣ бажчад̇о нигкамид̇ваа баб̣б̣аж̇иссаамий’’д̇и. д̇з гад̇ибаахам̣ ад̇иггамид̇ваа буна гат̇аяим̣су, соби д̇ат̇зва бадигкиби. буна гат̇аяим̣су, бунаби бадигкиби. д̇ад̇о бадтааяа маад̇аа ниранд̇арам̣ гат̇зд̇иязва.

    Tesu tattheva vasantesu amhākaṃ satthā loke uppajjitvā pavattitavaradhammacakko anupubbena rājagahaṃ pāvisi. Ayaṃ pippalimāṇavo magadharaṭṭhe mahātitthabrāhmaṇagāme kapilabrāhmaṇassa aggamahesiyā kucchimhi nibbatto, ayaṃ bhaddā kāpilānī maddaraṭṭhe sāgalanagare kosiyagottabrāhmaṇassa aggamahesiyā kucchismiṃ nibbattā. Tesaṃ kho anukkamena vaḍḍhamānānaṃ pippalimāṇavassa vīsatime vasse bhaddāya soḷasame vasse sampatte mātāpitaro puttaṃ oloketvā, ‘‘tāta, tvaṃ vayappatto, kulavaṃso nāma patiṭṭhapetabbo’’ti ativiya nippīḷayiṃsu. Māṇavo āha – ‘‘mayhaṃ sotapathe evarūpaṃ kathaṃ mā kathetha. Ahaṃ yāva tumhe dharatha, tāva paṭijaggissāmi, tumhākaṃ pacchato nikkhamitvā pabbajissāmī’’ti. Te katipāhaṃ atikkamitvā puna kathayiṃsu, sopi tatheva paṭikkhipi. Puna kathayiṃsu, punapi paṭikkhipi. Tato paṭṭhāya mātā nirantaraṃ kathetiyeva.

    маан̣аво ‘‘мама маад̇арам̣ сан̃н̃аабзссаамий’’д̇и рад̇д̇асуван̣н̣асса нигкасахассам̣ д̣̇ад̇ваа суван̣н̣агаарзхи згам̣ ид̇т̇ируубам̣ гаараабзд̇ваа д̇асса маж̇ж̇анагхадданаад̣̇игаммабарияосаанз д̇ам̣ рад̇д̇авад̇т̇ам̣ ниваасаабзд̇ваа ван̣н̣асамбаннзхи бубпзхи жзва наанааалан̇гаарзхи жа алан̇гаараабзд̇ваа маад̇арам̣ баггосаабзд̇ваа ааха – ‘‘амма зваруубам̣ аарамман̣ам̣ лабханд̇о г̇зхз васаами, алабханд̇о на васаамий’’д̇и. бан̣д̣ид̇аа б̣раахман̣ий жинд̇зси – ‘‘маяхам̣ буд̇д̇о бун̃н̃аваа д̣̇иннад̣̇аано гад̇аабхинийхааро, бун̃н̃ам̣ гаронд̇о на згагова агааси, ад̣̇д̇хаа зд̇зна саха гад̇абун̃н̃аа суван̣н̣аруубагабадибхааг̇аа бхависсад̇ий’’д̇и адта б̣раахман̣з баггосаабзд̇ваа саб̣б̣агаамзхи санд̇аббзд̇ваа суван̣н̣аруубагам̣ рат̇ам̣ ааробзд̇ваа, ‘‘г̇ажчат̇а, д̇аад̇аа, яад̇т̇а амхаагам̣ ж̇аад̇иг̇од̇д̇абхог̇зхи самаанагулз зваруубам̣ д̣̇ааригам̣ бассат̇а, имамзва суван̣н̣аруубагам̣, бан̣н̣аагаарам̣ гад̇ваа д̣̇зт̇аа’’д̇и уяяож̇зси.

    Māṇavo ‘‘mama mātaraṃ saññāpessāmī’’ti rattasuvaṇṇassa nikkhasahassaṃ datvā suvaṇṇakārehi ekaṃ itthirūpaṃ kārāpetvā tassa majjanaghaṭṭanādikammapariyosāne taṃ rattavatthaṃ nivāsāpetvā vaṇṇasampannehi pupphehi ceva nānāalaṅkārehi ca alaṅkārāpetvā mātaraṃ pakkosāpetvā āha – ‘‘amma evarūpaṃ ārammaṇaṃ labhanto gehe vasāmi, alabhanto na vasāmī’’ti. Paṇḍitā brāhmaṇī cintesi – ‘‘mayhaṃ putto puññavā dinnadāno katābhinīhāro, puññaṃ karonto na ekakova akāsi, addhā etena saha katapuññā suvaṇṇarūpakapaṭibhāgā bhavissatī’’ti aṭṭha brāhmaṇe pakkosāpetvā sabbakāmehi santappetvā suvaṇṇarūpakaṃ rathaṃ āropetvā, ‘‘gacchatha, tātā, yattha amhākaṃ jātigottabhogehi samānakule evarūpaṃ dārikaṃ passatha, imameva suvaṇṇarūpakaṃ, paṇṇākāraṃ katvā dethā’’ti uyyojesi.

    д̇з ‘‘амхаагам̣ наама зд̇ам̣ гамма’’нд̇и нигкамид̇ваа, ‘‘гад̇т̇а г̇амиссаамаа’’д̇и? жинд̇зд̇ваа, ‘‘мад̣̇д̣̇арадтам̣ наама ид̇т̇аагаро, мад̣̇д̣̇арадтам̣ г̇амиссаамаа’’д̇и мад̣̇д̣̇арадтз сааг̇аланаг̇арам̣ аг̇амим̣су. д̇ад̇т̇а д̇ам̣ суван̣н̣аруубагам̣ нхаанад̇ид̇т̇з табзд̇ваа згаманд̇ам̣ нисийд̣̇им̣су. ат̇а бхад̣̇д̣̇ааяа д̇хаад̇ий бхад̣̇д̣̇ам̣ нхаабзд̇ваа алан̇гарид̇ваа сириг̇аб̣бхз нисийд̣̇аабзд̇ваа нхааяид̇ум̣ ааг̇ажчанд̇ий д̇ам̣ руубагам̣ д̣̇исваа, ‘‘аяяад̇хийд̇аа мз ид̇хааг̇ад̇аа’’д̇и сан̃н̃ааяа д̇аж̇ж̇зд̇ваа ‘‘д̣̇уб̣б̣инид̇з, гим̣ д̇вам̣ ид̇хааг̇ад̇аа’’д̇и? д̇аласад̇д̇игам̣ уг̇г̇ирид̇ваа, ‘‘г̇ажча сийгха’’нд̇и г̇ан̣д̣абассз бахари. хад̇т̇о баасаан̣з бадихад̇о вияа гамбид̇т̇а. саа бадиггамид̇ваа ‘‘звам̣ т̇ад̣̇д̇хам̣ наама махааг̇ийвам̣ д̣̇исваа, ‘аяяад̇хийд̇аа мз’д̇и сан̃н̃ам̣ уббаад̣̇зсим̣, аяяад̇хийд̇ааяа хи мз аяам̣ ниваасанабадиг̇г̇аахигааби аяуд̇д̇аа’’д̇и ааха. ат̇а нам̣ д̇з мануссаа бариваарзд̇ваа ‘‘зваруубаа д̇з саамид̇хийд̇аа’’д̇и бужчим̣су. ‘‘гим̣ зсаа, имааяа сад̇аг̇ун̣зна сахассаг̇ун̣зна маяхам̣ аяяаа абхируубад̇араа, д̣̇ваад̣̇асахад̇т̇з г̇аб̣бхз нисиннааяа бад̣̇ийбагижжам̣ над̇т̇и, сарийробхаасзнзва д̇амам̣ вид̇хамад̇ий’’д̇и. ‘‘д̇зна хи ааг̇ажчаа’’д̇и д̇ам̣ куж̇ж̇ам̣ г̇ахзд̇ваа суван̣н̣аруубагам̣ рат̇ам̣ ааробзд̇ваа госияаг̇од̇д̇асса гхарад̣̇ваарз тад̇ваа ааг̇аманам̣ нивзд̣̇аяим̣су.

    Te ‘‘amhākaṃ nāma etaṃ kamma’’nti nikkhamitvā, ‘‘kattha gamissāmā’’ti? Cintetvā, ‘‘maddaraṭṭhaṃ nāma itthākaro, maddaraṭṭhaṃ gamissāmā’’ti maddaraṭṭhe sāgalanagaraṃ agamiṃsu. Tattha taṃ suvaṇṇarūpakaṃ nhānatitthe ṭhapetvā ekamantaṃ nisīdiṃsu. Atha bhaddāya dhātī bhaddaṃ nhāpetvā alaṅkaritvā sirigabbhe nisīdāpetvā nhāyituṃ āgacchantī taṃ rūpakaṃ disvā, ‘‘ayyadhītā me idhāgatā’’ti saññāya tajjetvā ‘‘dubbinite, kiṃ tvaṃ idhāgatā’’ti? Talasattikaṃ uggiritvā, ‘‘gaccha sīgha’’nti gaṇḍapasse pahari. Hattho pāsāṇe paṭihato viya kampittha. Sā paṭikkamitvā ‘‘evaṃ thaddhaṃ nāma mahāgīvaṃ disvā, ‘ayyadhītā me’ti saññaṃ uppādesiṃ, ayyadhītāya hi me ayaṃ nivāsanapaṭiggāhikāpi ayuttā’’ti āha. Atha naṃ te manussā parivāretvā ‘‘evarūpā te sāmidhītā’’ti pucchiṃsu. ‘‘Kiṃ esā, imāya sataguṇena sahassaguṇena mayhaṃ ayyā abhirūpatarā, dvādasahatthe gabbhe nisinnāya padīpakiccaṃ natthi, sarīrobhāseneva tamaṃ vidhamatī’’ti. ‘‘Tena hi āgacchā’’ti taṃ khujjaṃ gahetvā suvaṇṇarūpakaṃ rathaṃ āropetvā kosiyagottassa gharadvāre ṭhatvā āgamanaṃ nivedayiṃsu.

    б̣раахман̣о бадисант̇аарам̣ гад̇ваа, ‘‘гуд̇о ааг̇ад̇ад̇т̇аа’’д̇и? бужчи. ‘‘маг̇ад̇харадтз махаад̇ид̇т̇аг̇аамз габилаб̣раахман̣асса гхарад̇о’’д̇и. ‘‘гим̣ гааран̣аа ааг̇ад̇аа’’д̇и. ‘‘иминаа наама гааран̣знаа’’д̇и. ‘‘галяаан̣ам̣, д̇аад̇аа, самаж̇аад̇иг̇од̇д̇авибхаво амхаагам̣ б̣раахман̣о, д̣̇ассаами д̣̇аарига’’нд̇и бан̣н̣аагаарам̣ г̇ан̣хи. д̇з габилаб̣раахман̣асса саасанам̣ бахин̣им̣су – ‘‘лад̣̇д̇хаа д̣̇ааригаа, гад̇д̇аб̣б̣ам̣ гарот̇аа’’д̇и. д̇ам̣ саасанам̣ суд̇ваа биббалимаан̣авасса аарожаяим̣су – ‘‘лад̣̇д̇хаа гира д̣̇ааригаа’’д̇и. маан̣аво ‘‘ахам̣ на лабхиссаамийд̇и жинд̇зсим̣, имз лад̣̇д̇хаад̇и жа вад̣̇анд̇и, анад̇т̇иго худ̇ваа бан̣н̣ам̣ бзсиссаамий’’д̇и рахог̇ад̇о бан̣н̣ам̣ лики, ‘‘бхад̣̇д̣̇аа ад̇д̇ано ж̇аад̇иг̇од̇д̇абхог̇аануруубам̣ гхарааваасам̣ лабхад̇у, ахам̣ нигкамид̇ваа баб̣б̣аж̇иссаами, маа бажчаа виббадисаариний ахосий’’д̇и. бхад̣̇д̣̇ааби ‘‘асугасса гира мам̣ д̣̇аад̇угаамаа’’д̇и суд̇ваа рахог̇ад̇аа бан̣н̣ам̣ лики, ‘‘аяяабуд̇д̇о ад̇д̇ано ж̇аад̇иг̇од̇д̇абхог̇аануруубам̣ гхарааваасам̣ лабхад̇у. ахам̣ нигкамид̇ваа баб̣б̣аж̇иссаами, маа бажчаа виббадисаарий ахосий’’д̇и. д̣̇взби бан̣н̣аани анд̇араамаг̇г̇з самааг̇ажчим̣су. ‘‘ид̣̇ам̣ гасса бан̣н̣а’’нд̇и? биббалимаан̣авзна бхад̣̇д̣̇ааяа бахид̇анд̇и. ‘‘ид̣̇ам̣ гасса бан̣н̣а’’нд̇и? бхад̣̇д̣̇ааяа биббалимаан̣авасса бахид̇анд̇и жа вуд̇д̇з д̣̇взби ваажзд̇ваа, ‘‘бассат̇а д̣̇аарагаанам̣ гамма’’нд̇и паалзд̇ваа аран̃н̃з чад̣д̣зд̇ваа самаанабан̣н̣ам̣ ликид̇ваа ид̇о жа зд̇д̇о жа бзсзсум̣. ид̇и д̇зсам̣ анижчамаанаанам̣язва самааг̇амо ахоси.

    Brāhmaṇo paṭisanthāraṃ katvā, ‘‘kuto āgatatthā’’ti? Pucchi. ‘‘Magadharaṭṭhe mahātitthagāme kapilabrāhmaṇassa gharato’’ti. ‘‘Kiṃ kāraṇā āgatā’’ti. ‘‘Iminā nāma kāraṇenā’’ti. ‘‘Kalyāṇaṃ, tātā, samajātigottavibhavo amhākaṃ brāhmaṇo, dassāmi dārika’’nti paṇṇākāraṃ gaṇhi. Te kapilabrāhmaṇassa sāsanaṃ pahiṇiṃsu – ‘‘laddhā dārikā, kattabbaṃ karothā’’ti. Taṃ sāsanaṃ sutvā pippalimāṇavassa ārocayiṃsu – ‘‘laddhā kira dārikā’’ti. Māṇavo ‘‘ahaṃ na labhissāmīti cintesiṃ, ime laddhāti ca vadanti, anatthiko hutvā paṇṇaṃ pesissāmī’’ti rahogato paṇṇaṃ likhi, ‘‘bhaddā attano jātigottabhogānurūpaṃ gharāvāsaṃ labhatu, ahaṃ nikkhamitvā pabbajissāmi, mā pacchā vippaṭisārinī ahosī’’ti. Bhaddāpi ‘‘asukassa kira maṃ dātukāmā’’ti sutvā rahogatā paṇṇaṃ likhi, ‘‘ayyaputto attano jātigottabhogānurūpaṃ gharāvāsaṃ labhatu. Ahaṃ nikkhamitvā pabbajissāmi, mā pacchā vippaṭisārī ahosī’’ti. Dvepi paṇṇāni antarāmagge samāgacchiṃsu. ‘‘Idaṃ kassa paṇṇa’’nti? Pippalimāṇavena bhaddāya pahitanti. ‘‘Idaṃ kassa paṇṇa’’nti? Bhaddāya pippalimāṇavassa pahitanti ca vutte dvepi vācetvā, ‘‘passatha dārakānaṃ kamma’’nti phāletvā araññe chaḍḍetvā samānapaṇṇaṃ likhitvā ito ca etto ca pesesuṃ. Iti tesaṃ anicchamānānaṃyeva samāgamo ahosi.

    д̇ам̣д̣̇ивасам̣язва жа маан̣авоби згам̣ бубпад̣̇аамам̣ г̇ант̇аабзси, бхад̣̇д̣̇ааби згам̣ г̇ант̇аабзси. д̇аани аасанамаж̇жхз табзд̇ваа бхуд̇д̇асааяамаасаа убхоби ‘‘саяанам̣ аарухиссаамаа’’д̇и самааг̇анд̇ваа маан̣аво д̣̇агкин̣абассзна саяанам̣ аарухи. бхад̣̇д̣̇аа ваамабассзна аарухид̇ваа ааха – ‘‘яасса бассз бубпаани милааяанд̇и, д̇асса рааг̇ажид̇д̇ам̣ уббаннанд̇и виж̇ааниссаама, имам̣ бубпад̣̇аамам̣ на аллийяид̇аб̣б̣а’’нд̇и. д̇з бана ан̃н̃аман̃н̃асса сарийрасампассабхаязна д̇ияаамарад̇д̇им̣ нид̣̇д̣̇ам̣ аноггаманд̇аава вийд̇инаамзнд̇и, д̣̇иваа бана хасид̇амад̇д̇амби на ход̇и. д̇з логаамисзна асам̣садтаа яаава маад̇аабид̇аро д̇харанд̇и, д̇аава гудумб̣ам̣ авижаарзд̇ваа д̇зсу гаалан̇гад̇зсу вижаараяим̣су. махад̇ий маан̣авасса самбад̇д̇и, згад̣̇ивасам̣ сарийрам̣ уб̣б̣аддзд̇ваа чад̣д̣зд̇аб̣б̣ам̣ суван̣н̣ажун̣н̣амзва маг̇ад̇ханаал̣ияаа д̣̇ваад̣̇асанаал̣имад̇д̇ам̣ лад̣̇д̇хум̣ ваддад̇и. яанд̇аб̣ад̣̇д̇хаани садти махаад̇ал̣аагаани, гамманд̇о д̣̇ваад̣̇асаяож̇аниго, анураад̇хабураббамаан̣аа жуд̣̇д̣̇аса д̣̇аасаг̇аамаа, жуд̣̇д̣̇аса хад̇т̇аанийгаа, жуд̣̇д̣̇аса ассаанийгаа, жуд̣̇д̣̇аса рат̇аанийгаа.

    Taṃdivasaṃyeva ca māṇavopi ekaṃ pupphadāmaṃ ganthāpesi, bhaddāpi ekaṃ ganthāpesi. Tāni āsanamajjhe ṭhapetvā bhuttasāyamāsā ubhopi ‘‘sayanaṃ āruhissāmā’’ti samāgantvā māṇavo dakkhiṇapassena sayanaṃ āruhi. Bhaddā vāmapassena āruhitvā āha – ‘‘yassa passe pupphāni milāyanti, tassa rāgacittaṃ uppannanti vijānissāma, imaṃ pupphadāmaṃ na allīyitabba’’nti. Te pana aññamaññassa sarīrasamphassabhayena tiyāmarattiṃ niddaṃ anokkamantāva vītināmenti, divā pana hasitamattampi na hoti. Te lokāmisena asaṃsaṭṭhā yāva mātāpitaro dharanti, tāva kuṭumbaṃ avicāretvā tesu kālaṅkatesu vicārayiṃsu. Mahatī māṇavassa sampatti, ekadivasaṃ sarīraṃ ubbaṭṭetvā chaḍḍetabbaṃ suvaṇṇacuṇṇameva magadhanāḷiyā dvādasanāḷimattaṃ laddhuṃ vaṭṭati. Yantabaddhāni saṭṭhi mahātaḷākāni, kammanto dvādasayojaniko, anurādhapurappamāṇā cuddasa dāsagāmā, cuddasa hatthānīkā, cuddasa assānīkā, cuddasa rathānīkā.

    со згад̣̇ивасам̣ алан̇гад̇ам̣ ассам̣ ааруяха махааж̇анабаривуд̇о гамманд̇ам̣ г̇анд̇ваа кзд̇д̇агодияам̣ тид̇о нан̇г̇алзхи бхиннадтаанад̇о гаагаад̣̇аяо сагун̣з г̇ан̣д̣уббаад̣̇агаад̣̇ибаан̣з уд̣̇д̇харид̇ваа каад̣̇анд̇з д̣̇исваа, ‘‘д̇аад̇аа, имз гим̣ каад̣̇анд̇ий’’д̇и бужчи? ‘‘г̇ан̣д̣уббаад̣̇агз аяяаа’’д̇и. ‘‘зд̇зхи гад̇ам̣ баабам̣ гасса ход̇ий’’д̇и? ‘‘д̇умхаагам̣, аяяаа’’д̇и. со жинд̇зси – ‘‘сажз зд̇зхи гад̇ам̣ баабам̣ маяхам̣ ход̇и, гим̣ мз гариссад̇и сад̇д̇аасийд̇игодид̇ханам̣? гим̣ д̣̇ваад̣̇асаяож̇ано гамманд̇о, гим̣ яанд̇аб̣ад̣̇д̇хаани садти махаад̇ал̣аагаани, гим̣ жуд̣̇д̣̇аса г̇аамаа? саб̣б̣амзд̇ам̣ бхад̣̇д̣̇ааяа гаабилаанияаа нияяаад̇зд̇ваа нигкамид̇ваа баб̣б̣аж̇иссаамий’’д̇и.

    So ekadivasaṃ alaṅkataṃ assaṃ āruyha mahājanaparivuto kammantaṃ gantvā khettakoṭiyaṃ ṭhito naṅgalehi bhinnaṭṭhānato kākādayo sakuṇe gaṇḍuppādakādipāṇe uddharitvā khādante disvā, ‘‘tātā, ime kiṃ khādantī’’ti pucchi? ‘‘Gaṇḍuppādake ayyā’’ti. ‘‘Etehi kataṃ pāpaṃ kassa hotī’’ti? ‘‘Tumhākaṃ, ayyā’’ti. So cintesi – ‘‘sace etehi kataṃ pāpaṃ mayhaṃ hoti, kiṃ me karissati sattaasītikoṭidhanaṃ? Kiṃ dvādasayojano kammanto, kiṃ yantabaddhāni saṭṭhi mahātaḷākāni, kiṃ cuddasa gāmā? Sabbametaṃ bhaddāya kāpilāniyā niyyātetvā nikkhamitvā pabbajissāmī’’ti.

    бхад̣̇д̣̇ааби гаабилааний д̇асмим̣ кан̣з аб̣бханд̇аравад̇т̇умхи д̇аяо д̇илагумбхз бад̇т̇араабзд̇ваа д̇хаад̇ийхи баривуд̇аа нисиннаа гаагз д̇илабаан̣агз каад̣̇амаанз д̣̇исваа, ‘‘аммаа гим̣ имз каад̣̇анд̇ий’’д̇и? бужчи. ‘‘баан̣агз аяяз’’д̇и. ‘‘агусалам̣ гасса ход̇ий’’д̇и? ‘‘д̇умхаагам̣ аяяз’’д̇и. саа жинд̇зси – ‘‘маяхам̣ жад̇ухад̇т̇авад̇т̇ам̣ наал̣игод̣̇анамад̇д̇ан̃жа лад̣̇д̇хум̣ ваддад̇и, яад̣̇и жа банзд̇ам̣ зд̇д̇агзна ж̇анзна гад̇ам̣ агусалам̣ маяхам̣ ход̇и, бхавасахассзнаби ваддад̇о сийсам̣ угкибид̇ум̣ на саггаа , аяяабуд̇д̇з ааг̇ад̇амад̇д̇зязва саб̣б̣ам̣ д̇асса нияяаад̇зд̇ваа нигкамма баб̣б̣аж̇иссаамий’’д̇и.

    Bhaddāpi kāpilānī tasmiṃ khaṇe abbhantaravatthumhi tayo tilakumbhe pattharāpetvā dhātīhi parivutā nisinnā kāke tilapāṇake khādamāne disvā, ‘‘ammā kiṃ ime khādantī’’ti? Pucchi. ‘‘Pāṇake ayye’’ti. ‘‘Akusalaṃ kassa hotī’’ti? ‘‘Tumhākaṃ ayye’’ti. Sā cintesi – ‘‘mayhaṃ catuhatthavatthaṃ nāḷikodanamattañca laddhuṃ vaṭṭati, yadi ca panetaṃ ettakena janena kataṃ akusalaṃ mayhaṃ hoti, bhavasahassenapi vaṭṭato sīsaṃ ukkhipituṃ na sakkā , ayyaputte āgatamatteyeva sabbaṃ tassa niyyātetvā nikkhamma pabbajissāmī’’ti.

    маан̣аво ааг̇анд̇ваа нхад̇ваа баасаад̣̇ам̣ ааруяха махаарахз баллан̇гз нисийд̣̇и, ат̇асса жаггавад̇д̇ино анужчавигам̣ бхож̇анам̣ саж̇ж̇аяим̣су. д̣̇взби бхун̃ж̇ид̇ваа бариж̇анз нигканд̇з рахог̇ад̇аа паасугадтаанз нисийд̣̇им̣су. д̇ад̇о маан̣аво бхад̣̇д̣̇ам̣ ааха – ‘‘бхад̣̇д̣̇з, д̇вам̣ имам̣ гхарам̣ ааг̇ажчанд̇ий гид̇д̇агам̣ д̇ханам̣ аахарий’’д̇и? ‘‘бан̃жабан̣н̣ааса сагадасахассаани аяяаа’’д̇и. ‘‘зд̇ам̣ саб̣б̣ам̣, яаа жа имасмим̣ гхарз сад̇д̇аасийд̇игодияо, яанд̇аб̣ад̣̇д̇хаа садтид̇ал̣аагаад̣̇ибхзд̣̇аа самбад̇д̇и ад̇т̇и, саб̣б̣ам̣ д̇уяхам̣язва нияяаад̇змий’’д̇и. ‘‘д̇умхз бана аяяаа’’д̇и. ‘‘ахам̣ баб̣б̣аж̇иссаамий’’д̇и. ‘‘аяяаа ахамби д̇умхаагам̣язва ааг̇аманам̣ ологаяамаанаа нисиннаа, ахамби баб̣б̣аж̇иссаамий’’д̇и. д̇зсам̣ аад̣̇ид̇д̇абан̣н̣агуди вияа д̇аяо бхаваа убадтахим̣су. д̇з ‘‘баб̣б̣аж̇иссаамаа’’д̇и вад̇ваа анд̇араабан̣ад̇о гасааяарасабийд̇аани вад̇т̇аани мад̇д̇игаабад̇д̇з жа аахараабзд̇ваа ан̃н̃аман̃н̃ам̣ гзсз охаарзд̇ваа, ‘‘яз логз араханд̇о, д̇з уд̣̇д̣̇исса амхаагам̣ баб̣б̣аж̇ж̇аа’’д̇и баб̣б̣аж̇ид̇ваа т̇авигаасу бад̇д̇з осаабзд̇ваа ам̣сз лаг̇г̇зд̇ваа баасаад̣̇ад̇о од̇арим̣су. г̇зхз д̣̇аасзсу жа гаммагаарзсу жа на гожи сан̃ж̇аани.

    Māṇavo āgantvā nhatvā pāsādaṃ āruyha mahārahe pallaṅke nisīdi, athassa cakkavattino anucchavikaṃ bhojanaṃ sajjayiṃsu. Dvepi bhuñjitvā parijane nikkhante rahogatā phāsukaṭṭhāne nisīdiṃsu. Tato māṇavo bhaddaṃ āha – ‘‘bhadde, tvaṃ imaṃ gharaṃ āgacchantī kittakaṃ dhanaṃ āharī’’ti? ‘‘Pañcapaṇṇāsa sakaṭasahassāni ayyā’’ti. ‘‘Etaṃ sabbaṃ, yā ca imasmiṃ ghare sattaasītikoṭiyo, yantabaddhā saṭṭhitaḷākādibhedā sampatti atthi, sabbaṃ tuyhaṃyeva niyyātemī’’ti. ‘‘Tumhe pana ayyā’’ti. ‘‘Ahaṃ pabbajissāmī’’ti. ‘‘Ayyā ahampi tumhākaṃyeva āgamanaṃ olokayamānā nisinnā, ahampi pabbajissāmī’’ti. Tesaṃ ādittapaṇṇakuṭi viya tayo bhavā upaṭṭhahiṃsu. Te ‘‘pabbajissāmā’’ti vatvā antarāpaṇato kasāyarasapītāni vatthāni mattikāpatte ca āharāpetvā aññamaññaṃ kese ohāretvā, ‘‘ye loke arahanto, te uddissa amhākaṃ pabbajjā’’ti pabbajitvā thavikāsu patte osāpetvā aṃse laggetvā pāsādato otariṃsu. Gehe dāsesu ca kammakāresu ca na koci sañjāni.

    ат̇а нз б̣раахман̣аг̇аамад̇о нигкамма д̣̇аасаг̇аамад̣̇ваарзна г̇ажчанд̇з аагаббагуд̇д̇авасзна д̣̇аасаг̇аамаваасино сан̃ж̇ааним̣су. д̇з руд̣̇анд̇аа баад̣̇зсу нибад̇ид̇ваа ‘‘гим̣ амхз анаат̇з гарот̇а аяяаа’’д̇и? аахам̣су. ‘‘маяам̣, бхан̣з ‘аад̣̇ид̇д̇абан̣н̣асаалаа вияа д̇аяо бхаваа’д̇и баб̣б̣аж̇имхаа, сажз д̇умхзсу згзгам̣ бхуж̇иссам̣ гарома, вассасад̇амби наббаход̇и, д̇умхзва д̇умхаагам̣ сийсам̣ д̇ховид̇ваа бхуж̇иссаа худ̇ваа ж̇ийват̇аа’’д̇и вад̇ваа д̇зсам̣ род̣̇анд̇аанам̣язва баггамим̣су. т̇зро бурад̇о г̇ажчанд̇о нивад̇д̇ид̇ваа ологзнд̇о жинд̇зси – ‘‘аяам̣ бхад̣̇д̣̇аа гаабилааний сагалаж̇амб̣уд̣̇ийбаг̇гханигаа ид̇т̇ий маяхам̣ бажчад̇о ааг̇ажчад̇и. таанам̣ ко банзд̇ам̣ виж̇ж̇ад̇и, яам̣ гожид̣̇зва звам̣ жинд̇зяяа ‘имз баб̣б̣аж̇ид̇вааби винаа бхавид̇ум̣ на саггонд̇и, ананужчавигам̣ гаронд̇ий’’д̇и. ‘‘гожи ваа бана манам̣ бад̣̇уусзд̇ваа абааяабуураго бхавзяяа. имам̣ бахааяа маяаа г̇анд̇ум̣ ваддад̇ий’’д̇и жид̇д̇ам̣ уббаад̣̇зси.

    Atha ne brāhmaṇagāmato nikkhamma dāsagāmadvārena gacchante ākappakuttavasena dāsagāmavāsino sañjāniṃsu. Te rudantā pādesu nipatitvā ‘‘kiṃ amhe anāthe karotha ayyā’’ti? Āhaṃsu. ‘‘Mayaṃ, bhaṇe ‘ādittapaṇṇasālā viya tayo bhavā’ti pabbajimhā, sace tumhesu ekekaṃ bhujissaṃ karoma, vassasatampi nappahoti, tumheva tumhākaṃ sīsaṃ dhovitvā bhujissā hutvā jīvathā’’ti vatvā tesaṃ rodantānaṃyeva pakkamiṃsu. Thero purato gacchanto nivattitvā olokento cintesi – ‘‘ayaṃ bhaddā kāpilānī sakalajambudīpagghanikā itthī mayhaṃ pacchato āgacchati. Ṭhānaṃ kho panetaṃ vijjati, yaṃ kocideva evaṃ cinteyya ‘ime pabbajitvāpi vinā bhavituṃ na sakkonti, ananucchavikaṃ karontī’’ti. ‘‘Koci vā pana manaṃ padūsetvā apāyapūrako bhaveyya. Imaṃ pahāya mayā gantuṃ vaṭṭatī’’ti cittaṃ uppādesi.

    со бурад̇о г̇ажчанд̇о д̣̇взд̇хаабат̇ам̣ д̣̇исваа д̇асса мад̇т̇агз адтааси. бхад̣̇д̣̇ааби ааг̇анд̇ваа ванд̣̇ид̇ваа адтааси. ат̇а нам̣ ааха – ‘‘бхад̣̇д̣̇з, д̇аад̣̇исим̣ ид̇т̇им̣ мама бажчад̇о ааг̇ажчанд̇им̣ д̣̇исваа, ‘имз баб̣б̣аж̇ид̇вааби винаа бхавид̇ум̣ на саггонд̇ий’д̇и жинд̇зд̇ваа амхзсу бад̣̇удтажид̇д̇о махааж̇ано абааяабуураго бхавзяяа. имасмим̣ д̣̇взд̇хаабат̇з д̇вам̣ згам̣ г̇ан̣ха, ахам̣ згзна г̇амиссаамий’’д̇и. ‘‘аама, аяяа, баб̣б̣аж̇ид̇аанам̣ маад̇уг̇аамо наама малам̣, ‘баб̣б̣аж̇ид̇вааби винаа на бхаванд̇ий’д̇и амхаагам̣ д̣̇осам̣ бассанд̇и, д̇умхз згам̣ маг̇г̇ам̣ г̇ан̣хат̇а, винаа бхависсаамаа’’д̇и д̇игкад̇д̇ум̣ бад̣̇агкин̣ам̣ гад̇ваа жад̇уусу таанзсу бан̃жабад̇идтид̇зна ванд̣̇ид̇ваа д̣̇асанакасамод̇хаанасамуж̇ж̇алам̣ ан̃ж̇алим̣ баг̇г̇аяха, ‘‘сад̇асахассагаббаббамаан̣з ад̣̇д̇хаанз гад̇о мид̇д̇асант̇аво аж̇ж̇а бхиж̇ж̇ад̇ий’’д̇и вад̇ваа, ‘‘д̇умхз д̣̇агкин̣аж̇аад̇игаа наама, д̇умхаагам̣ д̣̇агкин̣амаг̇г̇о ваддад̇и, маяам̣ маад̇уг̇аамаа наама ваамаж̇аад̇игаа, амхаагам̣ ваамамаг̇г̇о ваддад̇ий’’д̇и ванд̣̇ид̇ваа маг̇г̇ам̣ бадибаннаа. д̇зсам̣ д̣̇взд̇хаабхууд̇агаалз аяам̣ махаабат̇авий ‘‘ахам̣ жаггаваал̣аг̇ирисинзрубаб̣б̣ад̇з д̇хаарзд̇ум̣ саггонд̇ийби д̇умхаагам̣ г̇ун̣з д̇хаарзд̇ум̣ на саггомий’’д̇и вад̣̇анд̇ий вияа виравамаанаа агамби, аагаасз асанисад̣̇д̣̇о вияа бавад̇д̇и, жаггаваал̣абаб̣б̣ад̇о уннад̣̇и.

    So purato gacchanto dvedhāpathaṃ disvā tassa matthake aṭṭhāsi. Bhaddāpi āgantvā vanditvā aṭṭhāsi. Atha naṃ āha – ‘‘bhadde, tādisiṃ itthiṃ mama pacchato āgacchantiṃ disvā, ‘ime pabbajitvāpi vinā bhavituṃ na sakkontī’ti cintetvā amhesu paduṭṭhacitto mahājano apāyapūrako bhaveyya. Imasmiṃ dvedhāpathe tvaṃ ekaṃ gaṇha, ahaṃ ekena gamissāmī’’ti. ‘‘Āma, ayya, pabbajitānaṃ mātugāmo nāma malaṃ, ‘pabbajitvāpi vinā na bhavantī’ti amhākaṃ dosaṃ passanti, tumhe ekaṃ maggaṃ gaṇhatha, vinā bhavissāmā’’ti tikkhattuṃ padakkhiṇaṃ katvā catūsu ṭhānesu pañcapatiṭṭhitena vanditvā dasanakhasamodhānasamujjalaṃ añjaliṃ paggayha, ‘‘satasahassakappappamāṇe addhāne kato mittasanthavo ajja bhijjatī’’ti vatvā, ‘‘tumhe dakkhiṇajātikā nāma, tumhākaṃ dakkhiṇamaggo vaṭṭati, mayaṃ mātugāmā nāma vāmajātikā, amhākaṃ vāmamaggo vaṭṭatī’’ti vanditvā maggaṃ paṭipannā. Tesaṃ dvedhābhūtakāle ayaṃ mahāpathavī ‘‘ahaṃ cakkavāḷagirisinerupabbate dhāretuṃ sakkontīpi tumhākaṃ guṇe dhāretuṃ na sakkomī’’ti vadantī viya viravamānā akampi, ākāse asanisaddo viya pavatti, cakkavāḷapabbato unnadi.

    саммаасамб̣уд̣̇д̇хо взл̣уванамахаавихаарз г̇анд̇хагудияам̣ нисинно бат̇авийгамбанасад̣̇д̣̇ам̣ суд̇ваа, ‘‘гасса ну ко бат̇авий гамбад̇ий’’д̇и? ааваж̇ж̇знд̇о ‘‘биббалимаан̣аво жа бхад̣̇д̣̇аа жа гаабилааний мам̣ уд̣̇д̣̇исса аббамзяяам̣ самбад̇д̇им̣ бахааяа баб̣б̣аж̇ид̇аа, д̇зсам̣ вияог̇адтаанз убхиннамби г̇ун̣аб̣алзна аяам̣ бат̇авийгамбо ж̇аад̇о, маяааби зд̇зсам̣ сан̇г̇ахам̣ гаад̇ум̣ ваддад̇ий’’д̇и г̇анд̇хагудид̇о нигкамма саяамзва бад̇д̇ажийварам̣ аад̣̇ааяа, асийд̇имахаат̇зрзсу ган̃жи анааманд̇зд̇ваа д̇иг̇аавуд̇ам̣ маг̇г̇ам̣ бажжуг̇г̇аманам̣ гад̇ваа рааж̇аг̇ахасса жа наал̣анд̣̇ааяа жа анд̇арз б̣ахубуд̇д̇аганиг̇род̇харугкамуулз баллан̇гам̣ аабхуж̇ид̇ваа нисийд̣̇и. нисийд̣̇анд̇о бана ан̃н̃ад̇аро бам̣сугуулиго вияа анисийд̣̇ид̇ваа б̣уд̣̇д̇хавзсам̣ г̇ахзд̇ваа асийд̇ихад̇т̇аа гханаб̣уд̣̇д̇харасмияо виссаж̇ж̇знд̇о нисийд̣̇и. ид̇и д̇асмим̣ кан̣з бан̣н̣ачад̇д̇асагадажаггагуудааг̇аараад̣̇иббамаан̣аа б̣уд̣̇д̇харасмияо ид̇о жид̇о жа вибпанд̣̇анд̇ияо вид̇хааванд̇ияо жанд̣̇имасахассасуурияасахассауг̇г̇аманагаало вияа гурумаанаа д̇ам̣ вананд̇арам̣ згобхаасам̣ агам̣су. д̣̇вад̇д̇им̣самахаабурисалагкан̣аанам̣ сирияаа самуж̇ж̇алид̇ад̇аарааг̇ан̣ам̣ вияа г̇аг̇анам̣, субубпид̇агамалагувалаяам̣ вияа салилам̣, вананд̇арам̣ вирожид̇т̇а. ниг̇род̇харугкасса наама канд̇хо сзд̇о ход̇и, бад̇д̇аани нийлаани баггаани рад̇д̇аани. д̇асмим̣ бана д̣̇ивасз сад̇асаако ниг̇род̇харугко суван̣н̣аван̣н̣о ахоси.

    Sammāsambuddho veḷuvanamahāvihāre gandhakuṭiyaṃ nisinno pathavīkampanasaddaṃ sutvā, ‘‘kassa nu kho pathavī kampatī’’ti? Āvajjento ‘‘pippalimāṇavo ca bhaddā ca kāpilānī maṃ uddissa appameyyaṃ sampattiṃ pahāya pabbajitā, tesaṃ viyogaṭṭhāne ubhinnampi guṇabalena ayaṃ pathavīkampo jāto, mayāpi etesaṃ saṅgahaṃ kātuṃ vaṭṭatī’’ti gandhakuṭito nikkhamma sayameva pattacīvaraṃ ādāya, asītimahātheresu kañci anāmantetvā tigāvutaṃ maggaṃ paccuggamanaṃ katvā rājagahassa ca nāḷandāya ca antare bahuputtakanigrodharukkhamūle pallaṅkaṃ ābhujitvā nisīdi. Nisīdanto pana aññataro paṃsukūliko viya anisīditvā buddhavesaṃ gahetvā asītihatthā ghanabuddharasmiyo vissajjento nisīdi. Iti tasmiṃ khaṇe paṇṇachattasakaṭacakkakūṭāgārādippamāṇā buddharasmiyo ito cito ca vipphandantiyo vidhāvantiyo candimasahassasūriyasahassauggamanakālo viya kurumānā taṃ vanantaraṃ ekobhāsaṃ akaṃsu. Dvattiṃsamahāpurisalakkhaṇānaṃ siriyā samujjalitatārāgaṇaṃ viya gaganaṃ, supupphitakamalakuvalayaṃ viya salilaṃ, vanantaraṃ virocittha. Nigrodharukkhassa nāma khandho seto hoti, pattāni nīlāni pakkāni rattāni. Tasmiṃ pana divase satasākho nigrodharukkho suvaṇṇavaṇṇo ahosi.

    ид̇и яаа саа ад̣̇д̇хаанамаг̇г̇аббадибаннод̇и бад̣̇асса ад̇т̇ам̣ вад̇ваа, ‘‘ид̣̇аани яат̇аа зса баб̣б̣аж̇ид̇о, яат̇аа жа ад̣̇д̇хаанамаг̇г̇ам̣ бадибанно. имасса ад̇т̇асса аавибхаавад̇т̇ам̣ абхинийхаарад̇о бадтааяа аяам̣ анубуб̣б̣игат̇аа гат̇зд̇аб̣б̣аа’’д̇и вуд̇д̇аа, саа звам̣ взд̣̇ид̇аб̣б̣аа.

    Iti yā sā addhānamaggappaṭipannoti padassa atthaṃ vatvā, ‘‘idāni yathā esa pabbajito, yathā ca addhānamaggaṃ paṭipanno. Imassa atthassa āvibhāvatthaṃ abhinīhārato paṭṭhāya ayaṃ anupubbikathā kathetabbā’’ti vuttā, sā evaṃ veditabbā.

    анд̇араа жа рааж̇аг̇ахам̣ анд̇араа жа наал̣анд̣̇анд̇и рааж̇аг̇ахасса жа наал̣анд̣̇ааяа жа анд̇арз. сад̇т̇ааран̃жа вад̇аахам̣ бассзяяам̣ бхаг̇аванд̇амзва бассзяяанд̇и сажз ахам̣ сад̇т̇аарам̣ бассзяяам̣, имам̣язва бхаг̇аванд̇ам̣ бассзяяам̣. на хи мз ид̇о ан̃н̃зна сад̇т̇аараа бхавид̇ум̣ саггаад̇и. суг̇ад̇ан̃жа вад̇аахам̣ бассзяяам̣ бхаг̇аванд̇амзва бассзяяанд̇и сажз ахам̣ саммаабадибад̇д̇ияаа судту г̇ад̇ад̇д̇аа суг̇ад̇ам̣ наама бассзяяам̣, имам̣язва бхаг̇аванд̇ам̣ бассзяяам̣. на хи мз ид̇о ан̃н̃зна суг̇ад̇зна бхавид̇ум̣ саггаад̇и. саммаасамб̣уд̣̇д̇хан̃жа вад̇аахам̣ бассзяяам̣ бхаг̇аванд̇амзва бассзяяанд̇и сажз ахам̣ саммаа сааман̃жа сажжаани б̣уд̣̇д̇хад̇д̇аа саммаасамб̣уд̣̇д̇хам̣ наама бассзяяам̣, имам̣язва бхаг̇аванд̇ам̣ бассзяяам̣. на хи мз ид̇о ан̃н̃зна саммаасамб̣уд̣̇д̇хзна бхавид̇ум̣ саггаад̇и аяамзд̇т̇а ад̇хиббааяо. звам̣ д̣̇ассанзнзва ‘‘бхаг̇авад̇и ‘аяам̣ сад̇т̇аа, аяам̣ суг̇ад̇о, аяам̣ саммаасамб̣уд̣̇д̇хо’д̇и нигган̇ко ахам̣, аавусо, ахоси’’нд̇и д̣̇ийбзд̇и. сад̇т̇аа мз, бханд̇зд̇и ид̣̇ам̣ гин̃жааби д̣̇вз ваарз ааг̇ад̇ам̣, д̇игкад̇д̇ум̣ бана вуд̇д̇анд̇и взд̣̇ид̇аб̣б̣ам̣. иминаа хи со ‘‘звам̣ д̇игкад̇д̇ум̣ саавагад̇д̇ам̣ саавзсим̣, аавусо’’д̇и д̣̇ийбзд̇и.

    Antarā ca rājagahaṃ antarā ca nāḷandanti rājagahassa ca nāḷandāya ca antare. Satthārañca vatāhaṃ passeyyaṃ bhagavantameva passeyyanti sace ahaṃ satthāraṃ passeyyaṃ, imaṃyeva bhagavantaṃ passeyyaṃ. Na hi me ito aññena satthārā bhavituṃ sakkāti. Sugatañca vatāhaṃ passeyyaṃ bhagavantameva passeyyanti sace ahaṃ sammāpaṭipattiyā suṭṭhu gatattā sugataṃ nāma passeyyaṃ, imaṃyeva bhagavantaṃ passeyyaṃ. Na hi me ito aññena sugatena bhavituṃ sakkāti. Sammāsambuddhañca vatāhaṃ passeyyaṃ bhagavantameva passeyyanti sace ahaṃ sammā sāmañca saccāni buddhattā sammāsambuddhaṃ nāma passeyyaṃ, imaṃyeva bhagavantaṃ passeyyaṃ. Na hi me ito aññena sammāsambuddhena bhavituṃ sakkāti ayamettha adhippāyo. Evaṃ dassaneneva ‘‘bhagavati ‘ayaṃ satthā, ayaṃ sugato, ayaṃ sammāsambuddho’ti nikkaṅkho ahaṃ, āvuso, ahosi’’nti dīpeti. Satthā me, bhanteti idaṃ kiñcāpi dve vāre āgataṃ, tikkhattuṃ pana vuttanti veditabbaṃ. Iminā hi so ‘‘evaṃ tikkhattuṃ sāvakattaṃ sāvesiṃ, āvuso’’ti dīpeti.

    аж̇аанан̃н̃зваад̇и аж̇аанамаанова. д̣̇уд̇ияабад̣̇зби зсзва наяо. муд̣̇д̇хааби д̇асса вибад̇зяяаад̇и яасса ан̃н̃асса ‘‘аж̇аанам̣язва ж̇аанаамий’’д̇и бадин̃н̃асса б̣аахирагасса сад̇т̇уно звам̣ саб̣б̣ажзд̇асаа саманнааг̇ад̇о басаннажид̇д̇о сааваго зваруубам̣ бараманибажжагаарам̣ гарзяяа, д̇асса ван̣дачиннад̇аалабаггам̣ вияа г̇ийвад̇о муд̣̇д̇хааби вибад̇зяяа, сад̇д̇ад̇хаа бана палзяяаад̇и ад̇т̇о. гим̣ ваа зд̇зна, сажз махаагассабад̇т̇зро иминаа жид̇д̇аббасаад̣̇зна имам̣ бараманибажжагаарам̣ махаасамуд̣̇д̣̇асса гарзяяа, д̇ад̇д̇агабаалз багкид̇д̇ауд̣̇агаб̣инд̣̇у вияа вилаяам̣ г̇ажчзяяа. сажз жаггаваал̣асса гарзяяа, т̇усамудти вияа вигирзяяа. сажз синзрубаб̣б̣ад̇асса гарзяяа, гаагад̇ун̣д̣зна бахадабидтамудти вияа вид̣̇д̇хам̣сзяяа . сажз махаабат̇авияаа гарзяяа, ваад̇аахад̇абхасмабун̃ж̇о вияа вигирзяяа. зваруубоби бана т̇зрасса нибажжаагааро сад̇т̇у суван̣н̣аван̣н̣з баад̣̇абидтз ломамад̇д̇амби вигобзд̇ум̣ наасагки. д̇идтад̇у жа махаагассабо, махаагассабасад̣̇исаанам̣ бхигкуунам̣ сахассамби сад̇асахассамби нибажжаагаарад̣̇ассанзна нзва д̣̇асаб̣аласса баад̣̇абидтз ломамад̇д̇амби вигобзд̇ум̣ бам̣сугуулажийварз ваа ам̣сумад̇д̇амби жаалзд̇ум̣ саггод̇и. звам̣ махаанубхааво хи сад̇т̇аа.

    Ajānaññevāti ajānamānova. Dutiyapadepi eseva nayo. Muddhāpi tassa vipateyyāti yassa aññassa ‘‘ajānaṃyeva jānāmī’’ti paṭiññassa bāhirakassa satthuno evaṃ sabbacetasā samannāgato pasannacitto sāvako evarūpaṃ paramanipaccakāraṃ kareyya, tassa vaṇṭachinnatālapakkaṃ viya gīvato muddhāpi vipateyya, sattadhā pana phaleyyāti attho. Kiṃ vā etena, sace mahākassapatthero iminā cittappasādena imaṃ paramanipaccakāraṃ mahāsamuddassa kareyya, tattakapāle pakkhittaudakabindu viya vilayaṃ gaccheyya. Sace cakkavāḷassa kareyya, thusamuṭṭhi viya vikireyya. Sace sinerupabbatassa kareyya, kākatuṇḍena pahaṭapiṭṭhamuṭṭhi viya viddhaṃseyya . Sace mahāpathaviyā kareyya, vātāhatabhasmapuñjo viya vikireyya. Evarūpopi pana therassa nipaccākāro satthu suvaṇṇavaṇṇe pādapiṭṭhe lomamattampi vikopetuṃ nāsakkhi. Tiṭṭhatu ca mahākassapo, mahākassapasadisānaṃ bhikkhūnaṃ sahassampi satasahassampi nipaccākāradassanena neva dasabalassa pādapiṭṭhe lomamattampi vikopetuṃ paṃsukūlacīvare vā aṃsumattampi cāletuṃ sakkoti. Evaṃ mahānubhāvo hi satthā.

    д̇асмаад̇иха д̇з гассабаад̇и яасмаа ахам̣ ж̇аананд̇о зва ‘‘ж̇аанаамий’’д̇и, бассанд̇о зва жа ‘‘бассаамий’’д̇и вад̣̇аами, д̇асмаа, гассаба, д̇аяаа звам̣ сигкид̇аб̣б̣ам̣. д̇иб̣б̣анд̇и б̣ахалам̣ маханд̇ам̣. хирод̇д̇аббанд̇и хирий жа од̇д̇аббан̃жа. бажжубадтид̇ам̣ бхависсад̇ийд̇и батамад̇арамзва убадтид̇ам̣ бхависсад̇и. яо хи т̇зраад̣̇ийсу хирод̇д̇аббам̣ убадтабзд̇ваа убасан̇гамад̇и т̇зраад̣̇аяоби д̇ам̣ сахиригаа саод̇д̇аббаа жа худ̇ваа убасан̇гаманд̇ийд̇и аяамзд̇т̇а аанисам̣со. гусалуубасам̣хид̇анд̇и гусаласанниссид̇ам̣. адтим̣ гад̇ваад̇и ад̇д̇аанам̣ д̇зна д̇хаммзна адтигам̣ гад̇ваа, д̇ам̣ ваа д̇хаммам̣ ‘‘зса маяхам̣ ад̇т̇о’’д̇и адтим̣ гад̇ваа. манаси гад̇ваад̇и жид̇д̇з табзд̇ваа. саб̣б̣ажзд̇асаа саманнаахарид̇ваад̇и жид̇д̇асса т̇огамби б̣ахи г̇анд̇ум̣ ад̣̇знд̇о саб̣б̣зна саманнаахааражид̇д̇зна саманнаахарид̇ваа. охид̇асод̇од̇и табид̇асод̇о, н̃аан̣асод̇ан̃жа басаад̣̇асод̇ан̃жа од̣̇ахид̇ваа маяаа д̣̇зсид̇ам̣ д̇хаммам̣ саггажжамзва сун̣иссаамийд̇и зван̃хи д̇з сигкид̇аб̣б̣ам̣. саад̇асахаг̇ад̇аа жа мз гааяаг̇ад̇аасад̇ийд̇и асубхзсу жзва аанаабаанз жа батамаж̇жхаанавасзна сукасамбаяуд̇д̇аа гааяаг̇ад̇аасад̇и. яо жа банааяам̣ д̇ивид̇хо оваад̣̇о, т̇зрасса аяамзва баб̣б̣аж̇ж̇аа жа убасамбад̣̇аа жа ахоси.

    Tasmātiha te kassapāti yasmā ahaṃ jānanto eva ‘‘jānāmī’’ti, passanto eva ca ‘‘passāmī’’ti vadāmi, tasmā, kassapa, tayā evaṃ sikkhitabbaṃ. Tibbanti bahalaṃ mahantaṃ. Hirottappanti hirī ca ottappañca. Paccupaṭṭhitaṃ bhavissatīti paṭhamatarameva upaṭṭhitaṃ bhavissati. Yo hi therādīsu hirottappaṃ upaṭṭhapetvā upasaṅkamati therādayopi taṃ sahirikā saottappā ca hutvā upasaṅkamantīti ayamettha ānisaṃso. Kusalūpasaṃhitanti kusalasannissitaṃ. Aṭṭhiṃ katvāti attānaṃ tena dhammena aṭṭhikaṃ katvā, taṃ vā dhammaṃ ‘‘esa mayhaṃ attho’’ti aṭṭhiṃ katvā. Manasi katvāti citte ṭhapetvā. Sabbacetasā samannāharitvāti cittassa thokampi bahi gantuṃ adento sabbena samannāhāracittena samannāharitvā. Ohitasototi ṭhapitasoto, ñāṇasotañca pasādasotañca odahitvā mayā desitaṃ dhammaṃ sakkaccameva suṇissāmīti evañhi te sikkhitabbaṃ. Sātasahagatā ca me kāyagatāsatīti asubhesu ceva ānāpāne ca paṭhamajjhānavasena sukhasampayuttā kāyagatāsati. Yo ca panāyaṃ tividho ovādo, therassa ayameva pabbajjā ca upasampadā ca ahosi.

    саран̣од̇и сагилзсо саин̣о худ̇ваа. радтабин̣д̣ам̣ бхун̃ж̇инд̇и сад̣̇д̇хаад̣̇зяяам̣ бхун̃ж̇им̣. жад̇д̇ааро хи барибхог̇аа т̇зяяабарибхог̇о ин̣абарибхог̇о д̣̇ааяаж̇ж̇абарибхог̇о саамибарибхог̇од̇и. д̇ад̇т̇а д̣̇уссийласса сан̇гхамаж̇жхз нисийд̣̇ид̇ваа бхун̃ж̇анд̇ассааби барибхог̇о т̇зяяабарибхог̇о наама. гасмаа? жад̇уусу бажжаязсу аниссарад̇ааяа. сийлавад̇о абажжавзгкид̇абарибхог̇о ин̣абарибхог̇о наама. сад̇д̇аннам̣ сзкаанам̣ барибхог̇о д̣̇ааяаж̇ж̇абарибхог̇о наама. кийн̣аасавасса барибхог̇о саамибарибхог̇о наама. ид̇и кийн̣аасавова саамий худ̇ваа анан̣о барибхун̃ж̇ад̇и. т̇зро ад̇д̇анаа бут̇уж̇ж̇анзна худ̇ваа барибхуд̇д̇абарибхог̇ам̣ ин̣абарибхог̇ам̣язва гаронд̇о звамааха. адтамияаа ан̃н̃аа уд̣̇абаад̣̇ийд̇и адтамз д̣̇ивасз арахад̇д̇апалам̣ уббаж̇ж̇и.

    Saraṇoti sakileso saiṇo hutvā. Raṭṭhapiṇḍaṃ bhuñjinti saddhādeyyaṃ bhuñjiṃ. Cattāro hi paribhogā theyyaparibhogo iṇaparibhogo dāyajjaparibhogo sāmiparibhogoti. Tattha dussīlassa saṅghamajjhe nisīditvā bhuñjantassāpi paribhogo theyyaparibhogo nāma. Kasmā? Catūsu paccayesu anissaratāya. Sīlavato apaccavekkhitaparibhogo iṇaparibhogo nāma. Sattannaṃ sekhānaṃ paribhogo dāyajjaparibhogo nāma. Khīṇāsavassa paribhogo sāmiparibhogo nāma. Iti khīṇāsavova sāmī hutvā anaṇo paribhuñjati. Thero attanā puthujjanena hutvā paribhuttaparibhogaṃ iṇaparibhogaṃyeva karonto evamāha. Aṭṭhamiyā aññā udapādīti aṭṭhame divase arahattaphalaṃ uppajji.

    ат̇а ко, аавусо, бхаг̇аваа маг̇г̇аа оггаммаад̇и маг̇г̇ад̇о оггаманам̣ батамад̇арам̣ д̇ам̣д̣̇ивасзязва ахоси, арахад̇д̇аад̇хиг̇амо бажчаа. д̣̇зсанааваарасса бана звам̣ ааг̇ад̇ад̇д̇аа арахад̇д̇аад̇хиг̇амо батамам̣ д̣̇ийбид̇о. гасмаа бана бхаг̇аваа маг̇г̇аа огганд̇од̇и? звам̣ гирасса ахоси ‘‘имам̣ бхигкум̣ ж̇аад̇иааран̃н̃игам̣ ж̇аад̇ибам̣сугуулигам̣ ж̇аад̇изгаасанигам̣ гариссаамий’’д̇и. д̇асмаа оггами.

    Atha kho, āvuso, bhagavā maggā okkammāti maggato okkamanaṃ paṭhamataraṃ taṃdivaseyeva ahosi, arahattādhigamo pacchā. Desanāvārassa pana evaṃ āgatattā arahattādhigamo paṭhamaṃ dīpito. Kasmā pana bhagavā maggā okkantoti? Evaṃ kirassa ahosi ‘‘imaṃ bhikkhuṃ jātiāraññikaṃ jātipaṃsukūlikaṃ jātiekāsanikaṃ karissāmī’’ti. Tasmā okkami.

    муд̣̇угаа ко д̇яааяанд̇и муд̣̇угаа ко д̇з аяам̣. иман̃жа бана ваажам̣ бхаг̇аваа д̇ам̣ жийварам̣ бад̣̇умабубпаван̣н̣зна баан̣инаа анд̇анд̇зна бараамасанд̇о ааха. гасмаа звамаахаад̇и? т̇зрзна саха жийварам̣ баривад̇д̇зд̇угаамад̇ааяа. гасмаа баривад̇д̇зд̇угаамо ж̇аад̇од̇и? т̇зрам̣ ад̇д̇ано таанз табзд̇угаамад̇ааяа. т̇зро бана яасмаа жийварасса ваа бад̇д̇асса ваа ван̣н̣з гат̇ид̇з ‘‘имам̣ д̇умхаагам̣ г̇ан̣хат̇аа’’д̇иважанам̣ жаарид̇д̇амзва, д̇асмаа ‘‘бадиг̇г̇ан̣хаад̇у мз, бханд̇з, бхаг̇аваа’’д̇и ааха. д̇хаарзссаси бана мз д̇вам̣, гассаба, саан̣аани бам̣сугуулаани ниб̣б̣асанаанийд̇и, гассаба, д̇вам̣ имаани барибхог̇аж̇ин̣н̣аани бам̣сугуулаани баарубид̇ум̣ сагкиссасийд̇и вад̣̇ад̇и. д̇ан̃жа ко на гааяаб̣алам̣ санд̇хааяа, бадибад̇д̇ибууран̣ам̣ бана санд̇хааяа звамааха. аяан̃хзд̇т̇а ад̇хиббааяо – ахам̣ имам̣ жийварам̣ бун̣н̣ам̣ наама д̣̇аасим̣ баарубид̇ваа аамагасусаанз чад̣д̣ид̇ам̣ д̇ам̣ сусаанам̣ бависид̇ваа д̇умб̣амад̇д̇зхи баан̣агзхи самбаригин̣н̣ам̣ д̇з баан̣агз вид̇хунид̇ваа махааарияавам̣сз тад̇ваа аг̇г̇ахзсим̣, д̇асса мз имам̣ жийварам̣ г̇ахид̇ад̣̇ивасз д̣̇асасахассажаггаваал̣з махаабат̇авий махаавиравам̣ виравамаанаа гамбид̇т̇а, аагаасо д̇адад̇адааяи, жаггаваал̣ад̣̇звад̇аа саад̇хугаарамад̣̇ам̣су, ‘‘имам̣ жийварам̣ г̇ан̣ханд̇зна бхигкунаа ж̇аад̇ибам̣сугуулигзна ж̇аад̇иааран̃н̃игзна ж̇аад̇изгаасанигзна ж̇аад̇исабад̣̇аанажааригзна бхавид̇ум̣ ваддад̇и, д̇вам̣ имасса жийварасса анужчавигам̣ гаад̇ум̣ сагкиссасий’’д̇и. т̇зроби ад̇д̇анаа бан̃жаннам̣ хад̇т̇ийнам̣ б̣алам̣ д̇хаарзд̇и, со д̇ам̣ ад̇аггаяид̇ваа ‘‘ахамзд̇ам̣ бадибад̇д̇им̣ буурзссаамий’’д̇и уссаахзна суг̇ад̇ажийварасса анужчавигам̣ гаад̇угаамо ‘‘д̇хаарзссаамахам̣, бханд̇з’’д̇и ааха. бадибаж̇ж̇инд̇и бадибанносми. звам̣ бана жийварабаривад̇д̇анам̣ гад̇ваа жа т̇зрзна бааруд̇ажийварам̣ бхаг̇аваа бааруби, сад̇т̇у жийварам̣ т̇зро. д̇асмим̣ самаяз махаабат̇авий уд̣̇агабарияанд̇ам̣ гад̇ваа уннад̣̇анд̇ий гамбид̇т̇а.

    Mudukā kho tyāyanti mudukā kho te ayaṃ. Imañca pana vācaṃ bhagavā taṃ cīvaraṃ padumapupphavaṇṇena pāṇinā antantena parāmasanto āha. Kasmā evamāhāti? Therena saha cīvaraṃ parivattetukāmatāya. Kasmā parivattetukāmo jātoti? Theraṃ attano ṭhāne ṭhapetukāmatāya. Thero pana yasmā cīvarassa vā pattassa vā vaṇṇe kathite ‘‘imaṃ tumhākaṃ gaṇhathā’’tivacanaṃ cārittameva, tasmā ‘‘paṭiggaṇhātu me, bhante, bhagavā’’ti āha. Dhāressasi pana me tvaṃ, kassapa, sāṇāni paṃsukūlāni nibbasanānīti, kassapa, tvaṃ imāni paribhogajiṇṇāni paṃsukūlāni pārupituṃ sakkhissasīti vadati. Tañca kho na kāyabalaṃ sandhāya, paṭipattipūraṇaṃ pana sandhāya evamāha. Ayañhettha adhippāyo – ahaṃ imaṃ cīvaraṃ puṇṇaṃ nāma dāsiṃ pārupitvā āmakasusāne chaḍḍitaṃ taṃ susānaṃ pavisitvā tumbamattehi pāṇakehi samparikiṇṇaṃ te pāṇake vidhunitvā mahāariyavaṃse ṭhatvā aggahesiṃ, tassa me imaṃ cīvaraṃ gahitadivase dasasahassacakkavāḷe mahāpathavī mahāviravaṃ viravamānā kampittha, ākāso taṭataṭāyi, cakkavāḷadevatā sādhukāramadaṃsu, ‘‘imaṃ cīvaraṃ gaṇhantena bhikkhunā jātipaṃsukūlikena jātiāraññikena jātiekāsanikena jātisapadānacārikena bhavituṃ vaṭṭati, tvaṃ imassa cīvarassa anucchavikaṃ kātuṃ sakkhissasī’’ti. Theropi attanā pañcannaṃ hatthīnaṃ balaṃ dhāreti, so taṃ atakkayitvā ‘‘ahametaṃ paṭipattiṃ pūressāmī’’ti ussāhena sugatacīvarassa anucchavikaṃ kātukāmo ‘‘dhāressāmahaṃ, bhante’’ti āha. Paṭipajjinti paṭipannosmi. Evaṃ pana cīvaraparivattanaṃ katvā ca therena pārutacīvaraṃ bhagavā pārupi, satthu cīvaraṃ thero. Tasmiṃ samaye mahāpathavī udakapariyantaṃ katvā unnadantī kampittha.

    бхаг̇авад̇о буд̇д̇од̇иаад̣̇ийсу т̇зро бхаг̇аванд̇ам̣ ниссааяа арияааяа ж̇аад̇ияаа ж̇аад̇од̇и бхаг̇авад̇о буд̇д̇о. урзна васид̇ваа мукад̇о нигканд̇аоваад̣̇авасзна баб̣б̣аж̇ж̇ааяа жзва убасамбад̣̇ааяа жа бад̇идтид̇ад̇д̇аа орасо мукад̇о ж̇аад̇о. оваад̣̇ад̇хаммад̇о ж̇аад̇ад̇д̇аа оваад̣̇ад̇хаммзна жа ниммид̇ад̇д̇аа д̇хаммаж̇о д̇хамманиммид̇о. оваад̣̇ад̇хаммад̣̇ааяаад̣̇ам̣ навалогуд̇д̇арад̇хаммад̣̇ааяаад̣̇амзва ваа арахад̇ийд̇и д̇хаммад̣̇ааяаад̣̇о . бадиг̇г̇ахид̇аани саан̣аани бам̣сугуулаанийд̇и сад̇т̇аараа бааруд̇ам̣ бам̣сугуулажийварам̣ баарубанад̇т̇ааяа бадиг̇г̇ахид̇ам̣.

    Bhagavato puttotiādīsu thero bhagavantaṃ nissāya ariyāya jātiyā jātoti bhagavato putto. Urena vasitvā mukhato nikkhantaovādavasena pabbajjāya ceva upasampadāya ca patiṭṭhitattā oraso mukhato jāto. Ovādadhammato jātattā ovādadhammena ca nimmitattā dhammajo dhammanimmito. Ovādadhammadāyādaṃ navalokuttaradhammadāyādameva vā arahatīti dhammadāyādo. Paṭiggahitāni sāṇāni paṃsukūlānīti satthārā pārutaṃ paṃsukūlacīvaraṃ pārupanatthāya paṭiggahitaṃ.

    саммаа вад̣̇амаано вад̣̇зяяаад̇и яам̣ буг̇г̇алам̣ ‘‘бхаг̇авад̇о буд̇д̇о’’д̇иаад̣̇ийхи г̇ун̣зхи саммаа вад̣̇амаано вад̣̇зяяа, мамам̣ д̇ам̣ саммаа вад̣̇амаано вад̣̇зяяа, ахам̣ зваруубод̇и. зд̇д̇аавад̇аа т̇зрзна баб̣б̣аж̇ж̇аа жа барисод̇хид̇аа ход̇и. аяан̃хзд̇т̇а ад̇хиббааяо – аавусо, яасса на убаж̇жхааяо бан̃н̃ааяад̇и, на аажарияо, гим̣ со анубаж̇жхааяо анаажарияо нхаабид̇амун̣д̣аго саяам̣г̇ахид̇агаасааво ‘‘д̇ид̇т̇ияабагганд̇аго’’д̇и сан̇кам̣ г̇ад̇о звам̣ д̇иг̇аавуд̇ам̣ маг̇г̇ам̣ бажжуг̇г̇аманам̣ лабхад̇и, д̇ийхи оваад̣̇зхи баб̣б̣аж̇ж̇ам̣ ваа убасамбад̣̇ам̣ ваа лабхад̇и, гааязна гааяам̣ жийварабаривад̇д̇анам̣ лабхад̇и? басса яаава д̣̇уб̣бхаасид̇ам̣ важанам̣ т̇уллананд̣̇ааяа бхигкунияаад̇и. звам̣ баб̣б̣аж̇ж̇ам̣ сод̇хзд̇ваа ид̣̇аани чахи абхин̃н̃аахи сийханаад̣̇ам̣ над̣̇ид̇ум̣ ахам̣ ко, аавусод̇иаад̣̇имааха. сзсам̣ буриманаязнзва взд̣̇ид̇аб̣б̣ам̣. згаад̣̇асамам̣.

    Sammā vadamāno vadeyyāti yaṃ puggalaṃ ‘‘bhagavato putto’’tiādīhi guṇehi sammā vadamāno vadeyya, mamaṃ taṃ sammā vadamāno vadeyya, ahaṃ evarūpoti. Ettāvatā therena pabbajjā ca parisodhitā hoti. Ayañhettha adhippāyo – āvuso, yassa na upajjhāyo paññāyati, na ācariyo, kiṃ so anupajjhāyo anācariyo nhāpitamuṇḍako sayaṃgahitakāsāvo ‘‘titthiyapakkantako’’ti saṅkhaṃ gato evaṃ tigāvutaṃ maggaṃ paccuggamanaṃ labhati, tīhi ovādehi pabbajjaṃ vā upasampadaṃ vā labhati, kāyena kāyaṃ cīvaraparivattanaṃ labhati? Passa yāva dubbhāsitaṃ vacanaṃ thullanandāya bhikkhuniyāti. Evaṃ pabbajjaṃ sodhetvā idāni chahi abhiññāhi sīhanādaṃ nadituṃ ahaṃ kho, āvusotiādimāha. Sesaṃ purimanayeneva veditabbaṃ. Ekādasamaṃ.




    Next: 12. барам̣маран̣асуд̇д̇аван̣н̣анаа • 12. Paraṃmaraṇasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 11. жийварасуд̇д̇ам̣ • 11. Cīvarasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 11. жийварасуд̇д̇аван̣н̣анаа • 11. Cīvarasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact