Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi

    ниссаг̇г̇ияаган̣д̣о

    Nissaggiyakaṇḍo

    ид̇о барам̣ бана имз ко банаад̇иаад̣̇и саб̣б̣ад̇т̇а вуд̇д̇анаязнзва взд̣̇ид̇аб̣б̣ам̣.

    Ito paraṃ pana ime kho panātiādi sabbattha vuttanayeneva veditabbaṃ.

    1. жийвараваг̇г̇о

    1. Cīvaravaggo

    1. гат̇инасигкаабад̣̇аван̣н̣анаа

    1. Kathinasikkhāpadavaṇṇanā

    ниссаг̇г̇иязсу бана жийвараваг̇г̇асса д̇аава батамасигкаабад̣̇з нидтид̇ажийварасминд̇и суужигаммабарияосаанзна ваа, ‘‘надтам̣ ваа винадтам̣ ваа д̣̇ад̣дхам̣ ваа жийвараасаа ваа убажчиннаа’’д̇и (баараа. 463) имзсу ваа язна гзнажи аагаарзна нидтид̇з жийварасмим̣, жийварасса гаран̣абалиб̣од̇хз убажчиннзд̇и ад̇т̇о. ад̇т̇ад̇агат̇инасса хи бхигкуно яаава имзхаагаарзхи жийварабалиб̣од̇хо на чиж̇ж̇ад̇и, д̇аава гат̇инаанисам̣сам̣ лабхад̇и. уб̣бхад̇асмим̣ гат̇инзд̇и яам̣ сан̇гхасса гат̇инам̣ ад̇т̇ад̇ам̣, д̇асмин̃жа уб̣бхад̇з. д̇ад̇рзвам̣ сан̇кзбад̇о гат̇инад̇т̇ааро жа уб̣бхааро жа взд̣̇ид̇аб̣б̣о. аяан̃хи гат̇инад̇т̇ааро наама бхаг̇авад̇аа буримавассам̣вудтаанам̣ анун̃н̃аад̇о, со саб̣б̣анд̇имзна барижчзд̣̇зна бан̃жаннам̣ ж̇анаанам̣ ваддад̇и, д̇асмаа яад̇т̇а жад̇д̇ааро ваа д̇аяо ваа д̣̇вз ваа зго ваа буримавассам̣ убаг̇ад̇о, д̇ад̇т̇а бажчимавассуубаг̇ад̇з г̇ан̣абуурагз гад̇ваа ад̇т̇арид̇аб̣б̣ам̣, д̇з жа г̇ан̣абуурагаава хонд̇и, аанисам̣сз на лабханд̇и, д̇асмаа сажз буримавассам̣вудтаанам̣ г̇ахадтабаб̣б̣аж̇ид̇зсу яо гожи д̇хаммзна самзна жийварам̣ д̣̇зд̇и ‘‘иминаа гат̇инам̣ ад̇т̇арат̇аа’’д̇и (махаава. 306-309), д̇ам̣ канд̇хагз вуд̇д̇ааяа н̃ад̇д̇ид̣̇уд̇ияагаммаваажааяа гат̇инад̇т̇аараарахасса бхигкуно д̣̇аад̇аб̣б̣ам̣. д̇зна д̇ад̣̇ахзва бан̃жа ваа ад̇ирзгаани ваа кан̣д̣аани чинд̣̇ид̇ваа сан̇гхаади ваа уд̇д̇араасан̇г̇о ваа анд̇араваасаго ваа гаад̇аб̣б̣о, сзсабхигкуухиби д̇асса сахааязхи бхавид̇аб̣б̣ам̣, сажз гад̇ажийварамзва уббаж̇ж̇ад̇и, сунд̣̇арамзва. ажчиннаасиб̣б̣ид̇ам̣ бана на ваддад̇и. д̇зна бхигкунаа сажз сан̇гхаадияаа ад̇т̇арид̇угаамо ход̇и, бораан̣игам̣ сан̇гхаадим̣ бажжуд̣̇д̇харид̇ваа навам̣ сан̇гхаадим̣ ад̇хидтахид̇ваа ‘‘имааяа сан̇гхаадияаа гат̇инам̣ ад̇т̇араамий’’д̇и ад̇т̇арид̇аб̣б̣ам̣. уд̇д̇араасан̇г̇аанд̇араваасагзсуби зсзва наяо. д̇ад̇о д̇зна буримавассам̣вудтз анд̇осиймааг̇ад̇з бхигкуу убасан̇гамид̇ваа ‘‘ад̇т̇ад̇ам̣, бханд̇з, сан̇гхасса гат̇инам̣, д̇хаммиго гат̇инад̇т̇ааро, анумод̣̇ат̇аа’’д̇и (бари. 413) вад̇д̇аб̣б̣ам̣, т̇зраанан̃жа наваанан̃жа б̣ахуунан̃жа згасса жа ануруубам̣ саллагкзд̇ваа вад̇д̇аб̣б̣ам̣. д̇зхиби ‘‘ад̇т̇ад̇ам̣, бханд̇з, сан̇гхасса гат̇ина’’нд̇и ваа ‘‘ад̇т̇ад̇ам̣, аавусо, сан̇гхасса гат̇ина’’нд̇и ваа вад̇ваа ‘‘д̇хаммиго гат̇инад̇т̇ааро, анумод̣̇аамаа’’д̇и ваа ‘‘анумод̣̇аамий’’д̇и ваа вад̇д̇аб̣б̣ам̣. буримавассам̣вудтзсуби яз анумод̣̇анд̇и, д̇зсам̣язва ад̇т̇ад̇ам̣ ход̇и гат̇инам̣. д̇з д̇ад̇о бадтааяа яаава гат̇инассуб̣бхаараа анааманд̇ажааро, асамаад̣̇аанажааро, яаавад̣̇ад̇т̇ажийварам̣, г̇ан̣абхож̇анам̣, яо жа д̇ад̇т̇а жийваруббаад̣̇о, д̇асмим̣ ааваасз сан̇гхасса уббаннажийваран̃жаад̇и имз бан̃жаанисам̣сз лабханд̇и, аяам̣ д̇аава гат̇инад̇т̇ааро. д̇ам̣ банзд̇ам̣ гат̇инам̣ ‘‘адтимаа, бхигкавз, маад̇игаа гат̇инассуб̣бхаарааяа баггамананд̇игаа нидтаананд̇игаа саннидтаананд̇игаа наасананд̇игаа савананд̇игаа аасааважчзд̣̇игаа сиймаад̇иггамананд̇игаа сахуб̣бхаараа’’д̇и (махаава. 310) звам̣ вуд̇д̇аасу адтасу маад̇игаасу ан̃н̃ад̇аравасзна уд̣̇д̇харийяад̇и, д̇ад̇т̇а вид̇т̇ааравинижчаяо саманд̇абаасаад̣̇игааяам̣ (махаава. адта. 310) вуд̇д̇анаязна взд̣̇ид̇аб̣б̣о. ид̇и ‘‘уб̣бхад̇асмим̣ гат̇инз’’д̇ииминаа сзсабалиб̣од̇хаабхаавам̣ д̣̇ассзд̇и.

    Nissaggiyesu pana cīvaravaggassa tāva paṭhamasikkhāpade niṭṭhitacīvarasminti sūcikammapariyosānena vā, ‘‘naṭṭhaṃ vā vinaṭṭhaṃ vā daḍḍhaṃ vā cīvarāsā vā upacchinnā’’ti (pārā. 463) imesu vā yena kenaci ākārena niṭṭhite cīvarasmiṃ, cīvarassa karaṇapalibodhe upacchinneti attho. Atthatakathinassa hi bhikkhuno yāva imehākārehi cīvarapalibodho na chijjati, tāva kathinānisaṃsaṃ labhati. Ubbhatasmiṃ kathineti yaṃ saṅghassa kathinaṃ atthataṃ, tasmiñca ubbhate. Tatrevaṃ saṅkhepato kathinatthāro ca ubbhāro ca veditabbo. Ayañhi kathinatthāro nāma bhagavatā purimavassaṃvuṭṭhānaṃ anuññāto, so sabbantimena paricchedena pañcannaṃ janānaṃ vaṭṭati, tasmā yattha cattāro vā tayo vā dve vā eko vā purimavassaṃ upagato, tattha pacchimavassūpagate gaṇapūrake katvā attharitabbaṃ, te ca gaṇapūrakāva honti, ānisaṃse na labhanti, tasmā sace purimavassaṃvuṭṭhānaṃ gahaṭṭhapabbajitesu yo koci dhammena samena cīvaraṃ deti ‘‘iminā kathinaṃ attharathā’’ti (mahāva. 306-309), taṃ khandhake vuttāya ñattidutiyakammavācāya kathinatthārārahassa bhikkhuno dātabbaṃ. Tena tadaheva pañca vā atirekāni vā khaṇḍāni chinditvā saṅghāṭi vā uttarāsaṅgo vā antaravāsako vā kātabbo, sesabhikkhūhipi tassa sahāyehi bhavitabbaṃ, sace katacīvarameva uppajjati, sundarameva. Acchinnāsibbitaṃ pana na vaṭṭati. Tena bhikkhunā sace saṅghāṭiyā attharitukāmo hoti, porāṇikaṃ saṅghāṭiṃ paccuddharitvā navaṃ saṅghāṭiṃ adhiṭṭhahitvā ‘‘imāya saṅghāṭiyā kathinaṃ attharāmī’’ti attharitabbaṃ. Uttarāsaṅgaantaravāsakesupi eseva nayo. Tato tena purimavassaṃvuṭṭhe antosīmāgate bhikkhū upasaṅkamitvā ‘‘atthataṃ, bhante, saṅghassa kathinaṃ, dhammiko kathinatthāro, anumodathā’’ti (pari. 413) vattabbaṃ, therānañca navānañca bahūnañca ekassa ca anurūpaṃ sallakkhetvā vattabbaṃ. Tehipi ‘‘atthataṃ, bhante, saṅghassa kathina’’nti vā ‘‘atthataṃ, āvuso, saṅghassa kathina’’nti vā vatvā ‘‘dhammiko kathinatthāro, anumodāmā’’ti vā ‘‘anumodāmī’’ti vā vattabbaṃ. Purimavassaṃvuṭṭhesupi ye anumodanti, tesaṃyeva atthataṃ hoti kathinaṃ. Te tato paṭṭhāya yāva kathinassubbhārā anāmantacāro, asamādānacāro, yāvadatthacīvaraṃ, gaṇabhojanaṃ, yo ca tattha cīvaruppādo, tasmiṃ āvāse saṅghassa uppannacīvarañcāti ime pañcānisaṃse labhanti, ayaṃ tāva kathinatthāro. Taṃ panetaṃ kathinaṃ ‘‘aṭṭhimā, bhikkhave, mātikā kathinassubbhārāya pakkamanantikā niṭṭhānantikā sanniṭṭhānantikā nāsanantikā savanantikā āsāvacchedikā sīmātikkamanantikā sahubbhārā’’ti (mahāva. 310) evaṃ vuttāsu aṭṭhasu mātikāsu aññataravasena uddharīyati, tattha vitthāravinicchayo samantapāsādikāyaṃ (mahāva. aṭṭha. 310) vuttanayena veditabbo. Iti ‘‘ubbhatasmiṃ kathine’’tiiminā sesapalibodhābhāvaṃ dasseti.

    д̣̇асаахабараманд̇и д̣̇аса ахаани барамо барижчзд̣̇о ассаад̇и д̣̇асаахабарамо, д̇ам̣ д̣̇асаахабарамам̣ гаалам̣ д̇хаарзд̇аб̣б̣анд̇и ад̇т̇о. ад̇хидтид̇авигаббид̇зсу абарияаабаннад̇д̇аа ад̇ирзгам̣ жийваранд̇и ад̇ирзгажийварам̣, жийварам̣ наама комам̣ габбаасигам̣ госзяяам̣ гамб̣алам̣ саан̣ам̣ бхан̇г̇анд̇и зд̇зсам̣ ваа д̇ад̣̇ануломаанам̣ ваа ан̃н̃ад̇арам̣ аяамасса ж̇аад̇и, бамаан̣ад̇о бана д̇ам̣ вигаббанубаг̇ам̣ бажчимам̣ ид̇ха ад̇хиббзд̇ам̣. вуд̇д̇ан̃хзд̇ам̣ ‘‘ануж̇аанаами, бхигкавз, ааяаамад̇о адтан̇г̇улам̣ суг̇ад̇ан̇г̇улзна жад̇уран̇г̇улавид̇т̇ад̇ам̣ бажчимам̣ жийварам̣ вигаббзд̇у’’нд̇и (махаава. 358). яам̣ бана вуд̇д̇ам̣ ‘‘ад̇хидтид̇авигаббид̇зсу абарияаабаннад̇д̇аа’’д̇и, зд̇т̇а ‘‘ануж̇аанаами, бхигкавз, д̇ижийварам̣ ад̇хидтаад̇ум̣ на вигаббзд̇ум̣, вассигасаадигам̣ вассаанам̣ жад̇умаасам̣ ад̇хидтаад̇ум̣ д̇ад̇о барам̣ вигаббзд̇ум̣, нисийд̣̇анам̣ ад̇хидтаад̇ум̣ на вигаббзд̇ум̣ бажжад̇т̇аран̣ам̣ ад̇хидтаад̇ум̣ на вигаббзд̇ум̣, ган̣д̣уббадижчаад̣̇им̣ яаава ааб̣аад̇хаа ад̇хидтаад̇ум̣ д̇ад̇о барам̣ вигаббзд̇ум̣, мукабун̃чанажол̣агам̣ ад̇хидтаад̇ум̣ на вигаббзд̇ум̣, баригкааражол̣ам̣ ад̇хидтаад̇ум̣ на вигаббзд̇у’’нд̇и (махаава. 358) иминаа наязна ад̇хидтаад̇аб̣б̣авигаббзд̇аб̣б̣ад̇аа ж̇аанид̇аб̣б̣аа. д̇ад̇т̇а д̇ижийварам̣ ад̇хидтаханд̇зна раж̇ид̇ваа габбаб̣инд̣̇ум̣ д̣̇ад̇ваа бамаан̣аяуд̇д̇амзва ад̇хидтаад̇аб̣б̣ам̣, д̇асса бамаан̣ам̣ уггадтабарижчзд̣̇зна суг̇ад̇ажийварад̇о уунагам̣ ваддад̇и, лаамагабарижчзд̣̇зна сан̇гхаадияаа д̇аава уд̇д̇араасан̇г̇асса жа д̣̇ийгхад̇о мудтибан̃жагам̣, д̇ирияам̣ мудтид̇д̇игам̣, анд̇араваасаго д̣̇ийгхад̇о мудтибан̃жаго , д̇ирияам̣ д̣̇вихад̇т̇оби ваддад̇и. вуд̇д̇аббамаан̣ад̇о бана ад̇ирзган̃жа уунаган̃жа ‘‘баригкааражол̣а’’нд̇и ад̇хидтаад̇аб̣б̣ам̣. д̇ад̇т̇а яасмаа ‘‘д̣̇вз жийварасса ад̇хидтаанаани гааязна ваа ад̇хидтзд̇и, ваажааяа ваа ад̇хидтзд̇ий’’д̇и вуд̇д̇ам̣, д̇асмаа бураан̣асан̇гхаадим̣ ‘‘имам̣ сан̇гхаадим̣ бажжуд̣̇д̇хараамий’’д̇и бажжуд̣̇д̇харид̇ваа навам̣ хад̇т̇зна г̇ахзд̇ваа ‘‘имам̣ сан̇гхаадим̣ ад̇хидтаамий’’д̇и жид̇д̇зна аабхог̇ам̣ гад̇ваа гааяавигаарам̣ гаронд̇зна гааязна ваа ад̇хидтаад̇аб̣б̣аа, важийбхзд̣̇ам̣ гад̇ваа ваажааяа ваа ад̇хидтаад̇аб̣б̣аа. д̇ад̇ра д̣̇увид̇хам̣ ад̇хидтаанам̣ – сажз хад̇т̇абаасз ход̇и, ‘‘имам̣ сан̇гхаадим̣ ад̇хидтаамий’’д̇и ваажаа бхинд̣̇ид̇аб̣б̣аа. ат̇а анд̇ог̇аб̣бхаад̣̇ийсу сааманд̇авихаарз ваа ход̇и, табид̇адтаанам̣ саллагкзд̇ваа ‘‘зд̇ам̣ сан̇гхаадим̣ ад̇хидтаамий’’д̇и ваажаа бхинд̣̇ид̇аб̣б̣аа. зса наяо уд̇д̇араасан̇г̇з жа анд̇араваасагз жа. наамамад̇д̇амзва хи висзсо. д̇асмаа саб̣б̣аани сан̇гхаадим̣ уд̇д̇араасан̇г̇ам̣ анд̇араваасаганд̇и звам̣ ад̇д̇ано ад̇д̇ано наамзнзва ад̇хидтаад̇аб̣б̣аани. сажз ад̇хидтахид̇ваа табид̇авад̇т̇зхи сан̇гхаадиаад̣̇ийни гарод̇и, нидтид̇з раж̇анз жа габбз жа ‘‘имам̣ бажжуд̣̇д̇хараамий’’д̇и бажжуд̣̇д̇харид̇ваа буна ад̇хидтаад̇аб̣б̣аани. ид̣̇ан̃жа бана д̇ижийварам̣ сукабарибхог̇ад̇т̇ам̣ баригкааражол̣ам̣ ад̇хидтаад̇умби ваддад̇и.

    Dasāhaparamanti dasa ahāni paramo paricchedo assāti dasāhaparamo, taṃ dasāhaparamaṃ kālaṃ dhāretabbanti attho. Adhiṭṭhitavikappitesu apariyāpannattā atirekaṃ cīvaranti atirekacīvaraṃ, cīvaraṃ nāma khomaṃ kappāsikaṃ koseyyaṃ kambalaṃ sāṇaṃ bhaṅganti etesaṃ vā tadanulomānaṃ vā aññataraṃ ayamassa jāti, pamāṇato pana taṃ vikappanupagaṃ pacchimaṃ idha adhippetaṃ. Vuttañhetaṃ ‘‘anujānāmi, bhikkhave, āyāmato aṭṭhaṅgulaṃ sugataṅgulena caturaṅgulavitthataṃ pacchimaṃ cīvaraṃ vikappetu’’nti (mahāva. 358). Yaṃ pana vuttaṃ ‘‘adhiṭṭhitavikappitesu apariyāpannattā’’ti, ettha ‘‘anujānāmi, bhikkhave, ticīvaraṃ adhiṭṭhātuṃ na vikappetuṃ, vassikasāṭikaṃ vassānaṃ catumāsaṃ adhiṭṭhātuṃ tato paraṃ vikappetuṃ, nisīdanaṃ adhiṭṭhātuṃ na vikappetuṃ paccattharaṇaṃ adhiṭṭhātuṃ na vikappetuṃ, kaṇḍuppaṭicchādiṃ yāva ābādhā adhiṭṭhātuṃ tato paraṃ vikappetuṃ, mukhapuñchanacoḷakaṃ adhiṭṭhātuṃ na vikappetuṃ, parikkhāracoḷaṃ adhiṭṭhātuṃ na vikappetu’’nti (mahāva. 358) iminā nayena adhiṭṭhātabbavikappetabbatā jānitabbā. Tattha ticīvaraṃ adhiṭṭhahantena rajitvā kappabinduṃ datvā pamāṇayuttameva adhiṭṭhātabbaṃ, tassa pamāṇaṃ ukkaṭṭhaparicchedena sugatacīvarato ūnakaṃ vaṭṭati, lāmakaparicchedena saṅghāṭiyā tāva uttarāsaṅgassa ca dīghato muṭṭhipañcakaṃ, tiriyaṃ muṭṭhittikaṃ, antaravāsako dīghato muṭṭhipañcako , tiriyaṃ dvihatthopi vaṭṭati. Vuttappamāṇato pana atirekañca ūnakañca ‘‘parikkhāracoḷa’’nti adhiṭṭhātabbaṃ. Tattha yasmā ‘‘dve cīvarassa adhiṭṭhānāni kāyena vā adhiṭṭheti, vācāya vā adhiṭṭhetī’’ti vuttaṃ, tasmā purāṇasaṅghāṭiṃ ‘‘imaṃ saṅghāṭiṃ paccuddharāmī’’ti paccuddharitvā navaṃ hatthena gahetvā ‘‘imaṃ saṅghāṭiṃ adhiṭṭhāmī’’ti cittena ābhogaṃ katvā kāyavikāraṃ karontena kāyena vā adhiṭṭhātabbā, vacībhedaṃ katvā vācāya vā adhiṭṭhātabbā. Tatra duvidhaṃ adhiṭṭhānaṃ – sace hatthapāse hoti, ‘‘imaṃ saṅghāṭiṃ adhiṭṭhāmī’’ti vācā bhinditabbā. Atha antogabbhādīsu sāmantavihāre vā hoti, ṭhapitaṭṭhānaṃ sallakkhetvā ‘‘etaṃ saṅghāṭiṃ adhiṭṭhāmī’’ti vācā bhinditabbā. Esa nayo uttarāsaṅge ca antaravāsake ca. Nāmamattameva hi viseso. Tasmā sabbāni saṅghāṭiṃ uttarāsaṅgaṃ antaravāsakanti evaṃ attano attano nāmeneva adhiṭṭhātabbāni. Sace adhiṭṭhahitvā ṭhapitavatthehi saṅghāṭiādīni karoti, niṭṭhite rajane ca kappe ca ‘‘imaṃ paccuddharāmī’’ti paccuddharitvā puna adhiṭṭhātabbāni. Idañca pana ticīvaraṃ sukhaparibhogatthaṃ parikkhāracoḷaṃ adhiṭṭhātumpi vaṭṭati.

    вассигасаадигаа анад̇ирид̇д̇абамаан̣аа наамам̣ г̇ахзд̇ваа вуд̇д̇анаязнзва жад̇д̇ааро вассигз маасз ад̇хидтаад̇аб̣б̣аа, д̇ад̇о барам̣ бажжуд̣̇д̇харид̇ваа вигаббзд̇аб̣б̣аа, ван̣н̣абхзд̣̇амад̇д̇арад̇д̇ааби жзсаа ваддад̇и, д̣̇вз бана на вадданд̇и. нисийд̣̇анам̣ вуд̇д̇анаязна ад̇хидтаад̇аб̣б̣амзва, д̇ан̃жа ко бамаан̣аяуд̇д̇ам̣ згамзва, д̣̇вз на вадданд̇и. бажжад̇т̇аран̣амби ад̇хидтаад̇аб̣б̣амзва, д̇ам̣ бана маханд̇амби згамби б̣ахууниби вадданд̇и, нийламби бийд̇агамби сад̣̇асамби бубпад̣̇асамбийд̇и саб̣б̣аббагаарамби ваддад̇и. ган̣д̣уббадижчаад̣̇и яаава ааб̣аад̇хо ад̇т̇и, д̇аава бамаан̣игаа ад̇хидтаад̇аб̣б̣аа, ааб̣аад̇хз вуубасанд̇з бажжуд̣̇д̇харид̇ваа вигаббзд̇аб̣б̣аа, саа згаава ваддад̇и. мукабун̃чанажол̣ам̣ ад̇хидтаад̇аб̣б̣амзва, д̇ам̣ бана згамби б̣ахууниби маханд̇амби ваддад̇иязва. баригкааражол̣з г̇ан̣анаа над̇т̇и, яад̇д̇агам̣ ижчад̇и, д̇ад̇д̇агам̣ ад̇хидтаад̇аб̣б̣амзва. т̇авигааби бариссааванамби вигаббанубаг̇ам̣ бажчимабамаан̣ам̣ ‘‘баригкааражол̣а’’нд̇и ад̇хидтаад̇аб̣б̣амзва, б̣ахууниби згад̇о гад̇ваа ‘‘имаани жийвараани баригкааражол̣аани ад̇хидтаамий’’д̇иаад̣̇инаа наязна ад̇хидтаад̇ум̣ ваддад̇иязва. ман̃жабхиси бийтабхиси б̣иб̣б̣оханам̣ баавааро гож̇авод̇и зд̇зсу бана сзнаасанабаригкаарад̇т̇ааяа д̣̇иннабажжад̇т̇аран̣з жа ад̇хидтаанагижжам̣ над̇т̇иязва. саб̣б̣ан̃жа банзд̇ам̣ вуд̇д̇аббагаарзна ад̇хидтид̇ажийварам̣ ан̃н̃асса д̣̇аанзна, ажчинд̣̇ид̇ваа г̇ахан̣зна, виссаасаг̇г̇аахзна, хийнааяаавад̇д̇анзна, сигкаабажжагкаанзна, гаалан̇гирияааяа, лин̇г̇абаривад̇д̇анзна, бажжуд̣̇д̇харан̣знаад̇и имзхи адтахи гааран̣зхи ад̇хидтаанам̣ виж̇ахад̇и. д̇ижийварам̣ бана ганидтан̇г̇улинакабидтиббамаан̣зна чид̣̇д̣̇знааби виж̇ахад̇и, д̇ан̃жа ко виниб̣б̣зд̇хзнзва. сажз хи чид̣̇д̣̇асса аб̣бханд̇арз згад̇анд̇уби ажчинно ход̇и, рагкад̇иязва. д̇ад̇т̇а сан̇гхаадияаа жа уд̇д̇араасан̇г̇асса жа д̣̇ийгханд̇ад̇о вид̣̇ад̇т̇иббамаан̣асса д̇ирияанд̇ад̇о адтан̇г̇улаббамаан̣асса бад̣̇зсасса орад̇о чид̣̇д̣̇ам̣ ад̇хидтаанам̣ бхинд̣̇ад̇и, анд̇араваасагзби д̣̇ийгханд̇ад̇о зд̇ад̣̇зва бамаан̣ам̣, д̇ирияанд̇зна бана жад̇уран̇г̇улад̇аа взд̣̇ид̇аб̣б̣аа. д̇ин̣н̣аннамби вуд̇д̇огаасасса барад̇о на бхинд̣̇ад̇и, д̇асмаа чид̣̇д̣̇з ж̇аад̇з д̇ижийварам̣ ад̇ирзгажийварадтаанз д̇идтад̇и, суужигаммам̣ гад̇ваа буна ад̇хидтаад̇аб̣б̣ам̣. вассигасаадигаа вассаанамаасаад̇иггамзнааби, ган̣д̣уббадижчаад̣̇и ааб̣аад̇хавуубасамзнааби ад̇хидтаанам̣ виж̇ахад̇и. д̇асмаа саа д̇ад̇о барам̣ вигаббзд̇аб̣б̣аа. вигаббаналагкан̣ам̣ бана саб̣б̣ажийвараанам̣ вигаббанасигкаабад̣̇зязва ван̣н̣аяиссаама. гзвалан̃хи имасмим̣ огаасз яам̣ звам̣ анад̇хидтид̇ам̣ авигаббид̇ан̃жа, д̇ам̣ ‘‘ад̇ирзгажийвара’’нд̇и взд̣̇ид̇аб̣б̣ам̣.

    Vassikasāṭikā anatirittapamāṇā nāmaṃ gahetvā vuttanayeneva cattāro vassike māse adhiṭṭhātabbā, tato paraṃ paccuddharitvā vikappetabbā, vaṇṇabhedamattarattāpi cesā vaṭṭati, dve pana na vaṭṭanti. Nisīdanaṃ vuttanayena adhiṭṭhātabbameva, tañca kho pamāṇayuttaṃ ekameva, dve na vaṭṭanti. Paccattharaṇampi adhiṭṭhātabbameva, taṃ pana mahantampi ekampi bahūnipi vaṭṭanti, nīlampi pītakampi sadasampi pupphadasampīti sabbappakārampi vaṭṭati. Kaṇḍuppaṭicchādi yāva ābādho atthi, tāva pamāṇikā adhiṭṭhātabbā, ābādhe vūpasante paccuddharitvā vikappetabbā, sā ekāva vaṭṭati. Mukhapuñchanacoḷaṃ adhiṭṭhātabbameva, taṃ pana ekampi bahūnipi mahantampi vaṭṭatiyeva. Parikkhāracoḷe gaṇanā natthi, yattakaṃ icchati, tattakaṃ adhiṭṭhātabbameva. Thavikāpi parissāvanampi vikappanupagaṃ pacchimapamāṇaṃ ‘‘parikkhāracoḷa’’nti adhiṭṭhātabbameva, bahūnipi ekato katvā ‘‘imāni cīvarāni parikkhāracoḷāni adhiṭṭhāmī’’tiādinā nayena adhiṭṭhātuṃ vaṭṭatiyeva. Mañcabhisi pīṭhabhisi bibbohanaṃ pāvāro kojavoti etesu pana senāsanaparikkhāratthāya dinnapaccattharaṇe ca adhiṭṭhānakiccaṃ natthiyeva. Sabbañca panetaṃ vuttappakārena adhiṭṭhitacīvaraṃ aññassa dānena, acchinditvā gahaṇena, vissāsaggāhena, hīnāyāvattanena, sikkhāpaccakkhānena, kālaṅkiriyāya, liṅgaparivattanena, paccuddharaṇenāti imehi aṭṭhahi kāraṇehi adhiṭṭhānaṃ vijahati. Ticīvaraṃ pana kaniṭṭhaṅgulinakhapiṭṭhippamāṇena chiddenāpi vijahati, tañca kho vinibbedheneva. Sace hi chiddassa abbhantare ekatantupi acchinno hoti, rakkhatiyeva. Tattha saṅghāṭiyā ca uttarāsaṅgassa ca dīghantato vidatthippamāṇassa tiriyantato aṭṭhaṅgulappamāṇassa padesassa orato chiddaṃ adhiṭṭhānaṃ bhindati, antaravāsakepi dīghantato etadeva pamāṇaṃ, tiriyantena pana caturaṅgulatā veditabbā. Tiṇṇannampi vuttokāsassa parato na bhindati, tasmā chidde jāte ticīvaraṃ atirekacīvaraṭṭhāne tiṭṭhati, sūcikammaṃ katvā puna adhiṭṭhātabbaṃ. Vassikasāṭikā vassānamāsātikkamenāpi, kaṇḍuppaṭicchādi ābādhavūpasamenāpi adhiṭṭhānaṃ vijahati. Tasmā sā tato paraṃ vikappetabbā. Vikappanalakkhaṇaṃ pana sabbacīvarānaṃ vikappanasikkhāpadeyeva vaṇṇayissāma. Kevalañhi imasmiṃ okāse yaṃ evaṃ anadhiṭṭhitaṃ avikappitañca, taṃ ‘‘atirekacīvara’’nti veditabbaṃ.

    д̇ам̣ ад̇иггаамаяад̇о ниссаг̇г̇ияам̣ баажид̇д̇ияанд̇и д̇ам̣ яат̇аавуд̇д̇аж̇аад̇иббамаан̣ам̣ жийварам̣д̣̇асаахабарамам̣ гаалам̣ ад̇иггаамаяад̇о зд̇т̇анд̇арз яат̇аа ад̇ирзгажийварам̣ на ход̇и, д̇ат̇аа агруб̣б̣ад̇о ниссаг̇г̇ияам̣ баажид̇д̇ияам̣, д̇ан̃жа жийварам̣ ниссаг̇г̇ияам̣ ход̇и, баажид̇д̇ияам̣ аабад̇д̇и жасса ход̇ийд̇и ад̇т̇о. ат̇а ваа ниссаж̇ж̇анам̣ ниссаг̇г̇ияам̣, буб̣б̣абхааг̇з гад̇д̇аб̣б̣асса винаяагаммассзд̇ам̣ наамам̣, ниссаг̇г̇ияамасса ад̇т̇ийд̇и ниссаг̇г̇ияамижжзва. гим̣ д̇ам̣? баажид̇д̇ияам̣. д̇ам̣ ад̇иггаамаяад̇о саха ниссаг̇г̇иязна ниссаг̇г̇ияавинаяагаммам̣ баажид̇д̇ияам̣ ход̇ийд̇и аяамзд̇т̇а ад̇т̇о. д̇ан̃жа банзд̇ам̣ жийварам̣ яам̣ д̣̇ивасам̣ уббаннам̣, д̇асса яо арун̣о, со уббаннад̣̇ивасаниссид̇о, д̇асмаа жийваруббаад̣̇ад̣̇ивасзна сад̣̇д̇хим̣ згаад̣̇асз арун̣уг̇г̇аманз д̣̇асаахаад̇иггамид̇ам̣ ход̇и, д̇ам̣ г̇ахзд̇ваа сан̇гхасса ваа г̇ан̣асса ваа буг̇г̇аласса ваа ниссаж̇ж̇ид̇аб̣б̣ам̣, д̇ад̇рааяам̣ наяо – сан̇гхасса д̇аава звам̣ ниссаж̇ж̇ид̇аб̣б̣ам̣ ‘‘ид̣̇ам̣ мз, бханд̇з, жийварам̣ д̣̇асахаад̇игганд̇ам̣ ниссаг̇г̇ияам̣, имаахам̣ сан̇гхасса ниссаж̇ж̇аамий’’д̇и ниссаж̇ж̇ид̇ваа ‘‘ахам̣, бханд̇з, згам̣ ниссаг̇г̇ияам̣ баажид̇д̇ияам̣ аабанно, д̇ам̣ бадид̣̇зсзмий’’д̇и звам̣ аабад̇д̇и д̣̇зсзд̇аб̣б̣аа. сажз д̣̇вз хонд̇и, ‘‘д̣̇вз’’д̇и вад̇д̇аб̣б̣ам̣, сажз д̇ад̣̇уд̇д̇ари, ‘‘самб̣ахулаа’’д̇и вад̇д̇аб̣б̣ам̣. ниссаж̇ж̇анзби сажз д̣̇вз ваа б̣ахууни ваа хонд̇и, ‘‘имаани мз, бханд̇з, жийвараани д̣̇асаахаад̇игганд̇аани ниссаг̇г̇ияаани, имаанаахам̣ сан̇гхасса ниссаж̇ж̇аамий’’д̇и вад̇д̇аб̣б̣ам̣, баал̣им̣ вад̇д̇ум̣ асаггонд̇зна ан̃н̃ат̇ааби вад̇д̇аб̣б̣ам̣. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о ‘‘сун̣аад̇у мз, бханд̇з, сан̇гхо, аяам̣ ид̇т̇аннаамо бхигку аабад̇д̇им̣ сарад̇и виварад̇и уд̇д̇ааним̣ гарод̇и д̣̇зсзд̇и, яад̣̇и сан̇гхасса бад̇д̇агаллам̣, ахам̣ ид̇т̇аннаамасса бхигкуно аабад̇д̇им̣ бадиг̇г̇ан̣хзяяа’’нд̇и (жуул̣ава. 239), иминаа лагкан̣зна аабад̇д̇им̣ бадиг̇г̇ан̣хид̇ваа вад̇д̇аб̣б̣о ‘‘бассасий’’д̇и, ‘‘аама бассаамий’’д̇и, ‘‘ааяад̇им̣ сам̣варзяяаасий’’д̇и, ‘‘саад̇ху судту сам̣вариссаамий’’д̇и. д̣̇вийсу бана самб̣ахулаасу ваа буриманаязнзва важанабхзд̣̇о гаад̇аб̣б̣о. д̣̇зсид̇ааяа аабад̇д̇ияаа ‘‘сун̣аад̇у мз, бханд̇з, сан̇гхо, ид̣̇ам̣ жийварам̣ ид̇т̇аннаамасса бхигкуно ниссаг̇г̇ияам̣ сан̇гхасса ниссадтам̣, яад̣̇и сан̇гхасса бад̇д̇агаллам̣ , сан̇гхо имам̣ жийварам̣ ид̇т̇аннаамасса бхигкуно д̣̇ад̣̇зяяаа’’д̇и (баараа. 464) звам̣ ниссадтажийварам̣ д̣̇аад̇аб̣б̣ам̣, д̣̇вийсу б̣ахуусу ваа важанабхзд̣̇о гаад̇аб̣б̣о.

    Taṃ atikkāmayato nissaggiyaṃ pācittiyanti taṃ yathāvuttajātippamāṇaṃ cīvaraṃdasāhaparamaṃ kālaṃ atikkāmayato etthantare yathā atirekacīvaraṃ na hoti, tathā akrubbato nissaggiyaṃ pācittiyaṃ, tañca cīvaraṃ nissaggiyaṃ hoti, pācittiyaṃ āpatti cassa hotīti attho. Atha vā nissajjanaṃ nissaggiyaṃ, pubbabhāge kattabbassa vinayakammassetaṃ nāmaṃ, nissaggiyamassa atthīti nissaggiyamicceva. Kiṃ taṃ? Pācittiyaṃ. Taṃ atikkāmayato saha nissaggiyena nissaggiyavinayakammaṃ pācittiyaṃ hotīti ayamettha attho. Tañca panetaṃ cīvaraṃ yaṃ divasaṃ uppannaṃ, tassa yo aruṇo, so uppannadivasanissito, tasmā cīvaruppādadivasena saddhiṃ ekādase aruṇuggamane dasāhātikkamitaṃ hoti, taṃ gahetvā saṅghassa vā gaṇassa vā puggalassa vā nissajjitabbaṃ, tatrāyaṃ nayo – saṅghassa tāva evaṃ nissajjitabbaṃ ‘‘idaṃ me, bhante, cīvaraṃ dasahātikkantaṃ nissaggiyaṃ, imāhaṃ saṅghassa nissajjāmī’’ti nissajjitvā ‘‘ahaṃ, bhante, ekaṃ nissaggiyaṃ pācittiyaṃ āpanno, taṃ paṭidesemī’’ti evaṃ āpatti desetabbā. Sace dve honti, ‘‘dve’’ti vattabbaṃ, sace taduttari, ‘‘sambahulā’’ti vattabbaṃ. Nissajjanepi sace dve vā bahūni vā honti, ‘‘imāni me, bhante, cīvarāni dasāhātikkantāni nissaggiyāni, imānāhaṃ saṅghassa nissajjāmī’’ti vattabbaṃ, pāḷiṃ vattuṃ asakkontena aññathāpi vattabbaṃ. Byattena bhikkhunā paṭibalena saṅgho ñāpetabbo ‘‘suṇātu me, bhante, saṅgho, ayaṃ itthannāmo bhikkhu āpattiṃ sarati vivarati uttāniṃ karoti deseti, yadi saṅghassa pattakallaṃ, ahaṃ itthannāmassa bhikkhuno āpattiṃ paṭiggaṇheyya’’nti (cūḷava. 239), iminā lakkhaṇena āpattiṃ paṭiggaṇhitvā vattabbo ‘‘passasī’’ti, ‘‘āma passāmī’’ti, ‘‘āyatiṃ saṃvareyyāsī’’ti, ‘‘sādhu suṭṭhu saṃvarissāmī’’ti. Dvīsu pana sambahulāsu vā purimanayeneva vacanabhedo kātabbo. Desitāya āpattiyā ‘‘suṇātu me, bhante, saṅgho, idaṃ cīvaraṃ itthannāmassa bhikkhuno nissaggiyaṃ saṅghassa nissaṭṭhaṃ, yadi saṅghassa pattakallaṃ , saṅgho imaṃ cīvaraṃ itthannāmassa bhikkhuno dadeyyā’’ti (pārā. 464) evaṃ nissaṭṭhacīvaraṃ dātabbaṃ, dvīsu bahūsu vā vacanabhedo kātabbo.

    г̇ан̣асса бана ниссаж̇ж̇анд̇зна ‘‘имааха’’нд̇и ваа ‘‘имаани аха’’нд̇и ваа вад̇ваа ‘‘ааяасманд̇аанам̣ ниссаж̇ж̇аамий’’д̇и вад̇д̇аб̣б̣ам̣, аабад̇д̇иббадиг̇г̇аахагзнааби ‘‘сун̣анд̇у мз ааяасманд̇аа, аяам̣ ид̇т̇аннаамо бхигку аабад̇д̇им̣ сарад̇и…бз… д̣̇зсзд̇и, яад̣̇ааяасманд̇аанам̣ бад̇д̇агалла’’нд̇и вад̇д̇аб̣б̣ам̣, жийварад̣̇аанзби ‘‘сун̣анд̇у мз ааяасманд̇аа, ид̣̇ам̣ жийварам̣ ид̇т̇аннаамасса бхигкуно ниссаг̇г̇ияам̣ ааяасманд̇аанам̣ ниссадтам̣, яад̣̇ааяасманд̇аанам̣ бад̇д̇агаллам̣, ааяасманд̇аа имам̣ жийварам̣ ид̇т̇аннаамасса бхигкуно д̣̇ад̣̇зяяу’’нд̇и (баараа. 466) вад̇д̇аб̣б̣ам̣, сзсам̣ буримасад̣̇исамзва. буг̇г̇аласса бана ниссаж̇ж̇анд̇зна ‘‘имааха’’нд̇и ваа ‘‘имаани аха’’нд̇и ваа вад̇ваа ‘‘ааяасмад̇о ниссаж̇ж̇аамий’’д̇и вад̇д̇аб̣б̣ам̣, ниссаж̇ж̇ид̇ваа ‘‘ахам̣, бханд̇з, згам̣ ниссаг̇г̇ияам̣ баажид̇д̇ияам̣ аабанно, д̇ам̣ бадид̣̇зсзмий’’д̇и звам̣ аабад̇д̇и д̣̇зсзд̇аб̣б̣аа. сажз бана навагад̇аро ход̇и, ‘‘аавусо’’д̇и вад̇д̇аб̣б̣ам̣, д̇знааби ‘‘бассасий’’д̇и ваа ‘‘бассат̇аа’’д̇и ваа вуд̇д̇з ‘‘аама, бханд̇з’’д̇и ваа ‘‘аама аавусо’’д̇и ваа вад̇ваа ‘‘бассаамий’’д̇и вад̇д̇аб̣б̣ам̣, д̇ад̇о ‘‘ааяад̇им̣ сам̣варзяяаасий’’д̇и ваа ‘‘сам̣варзяяаат̇аа’’д̇и ваа вуд̇д̇з ‘‘саад̇ху судту сам̣вариссаамий’’д̇и вад̇д̇аб̣б̣ам̣. звам̣ д̣̇зсид̇ааяа аабад̇д̇ияаа ‘‘имам̣ жийварам̣ ааяасмад̇о д̣̇аммий’’д̇и д̣̇аад̇аб̣б̣ам̣, д̣̇вийсу д̇ийсу ваа буб̣б̣з вуд̇д̇аанусаарзнзва наяо взд̣̇ид̇аб̣б̣о. д̣̇виннам̣ бана яат̇аа г̇ан̣асса, звам̣ ниссаж̇ж̇ид̇аб̣б̣ам̣, д̇ад̇о аабад̇д̇иббадиг̇г̇ахан̣ан̃жа ниссадтажийварад̣̇аанан̃жа д̇зсам̣ ан̃н̃ад̇арзна яат̇аа згзна буг̇г̇алзна, д̇ат̇аа гаад̇аб̣б̣ам̣, ид̣̇ам̣ бана саб̣б̣аниссаг̇г̇иязсу вид̇хаанам̣. жийварам̣ бад̇д̇о нисийд̣̇ананд̇и вад̇т̇умад̇д̇амзва хи наанам̣, бараммукам̣ бана вад̇т̇у ‘‘зд̇а’’нд̇и ниссаж̇ж̇ид̇аб̣б̣ам̣. сажз б̣ахууни хонд̇и, ‘‘зд̇ааний’’д̇и вад̇д̇аб̣б̣ам̣. ниссадтад̣̇аанзби зсзва наяо. ниссадтавад̇т̇ум̣ ‘‘д̣̇иннамид̣̇ам̣ иминаа маяха’’нд̇и сан̃н̃ааяа на бадид̣̇знд̇асса д̣̇уггадам̣, д̇асса санд̇агабхаавам̣ н̃ад̇ваа лзсзна ажчинд̣̇анд̇о саамигасса д̇хуранигкзбзна бхан̣д̣ам̣ аг̇гхаабзд̇ваа гаарзд̇аб̣б̣од̇и.

    Gaṇassa pana nissajjantena ‘‘imāha’’nti vā ‘‘imāni aha’’nti vā vatvā ‘‘āyasmantānaṃ nissajjāmī’’ti vattabbaṃ, āpattippaṭiggāhakenāpi ‘‘suṇantu me āyasmantā, ayaṃ itthannāmo bhikkhu āpattiṃ sarati…pe… deseti, yadāyasmantānaṃ pattakalla’’nti vattabbaṃ, cīvaradānepi ‘‘suṇantu me āyasmantā, idaṃ cīvaraṃ itthannāmassa bhikkhuno nissaggiyaṃ āyasmantānaṃ nissaṭṭhaṃ, yadāyasmantānaṃ pattakallaṃ, āyasmantā imaṃ cīvaraṃ itthannāmassa bhikkhuno dadeyyu’’nti (pārā. 466) vattabbaṃ, sesaṃ purimasadisameva. Puggalassa pana nissajjantena ‘‘imāha’’nti vā ‘‘imāni aha’’nti vā vatvā ‘‘āyasmato nissajjāmī’’ti vattabbaṃ, nissajjitvā ‘‘ahaṃ, bhante, ekaṃ nissaggiyaṃ pācittiyaṃ āpanno, taṃ paṭidesemī’’ti evaṃ āpatti desetabbā. Sace pana navakataro hoti, ‘‘āvuso’’ti vattabbaṃ, tenāpi ‘‘passasī’’ti vā ‘‘passathā’’ti vā vutte ‘‘āma, bhante’’ti vā ‘‘āma āvuso’’ti vā vatvā ‘‘passāmī’’ti vattabbaṃ, tato ‘‘āyatiṃ saṃvareyyāsī’’ti vā ‘‘saṃvareyyāthā’’ti vā vutte ‘‘sādhu suṭṭhu saṃvarissāmī’’ti vattabbaṃ. Evaṃ desitāya āpattiyā ‘‘imaṃ cīvaraṃ āyasmato dammī’’ti dātabbaṃ, dvīsu tīsu vā pubbe vuttānusāreneva nayo veditabbo. Dvinnaṃ pana yathā gaṇassa, evaṃ nissajjitabbaṃ, tato āpattippaṭiggahaṇañca nissaṭṭhacīvaradānañca tesaṃ aññatarena yathā ekena puggalena, tathā kātabbaṃ, idaṃ pana sabbanissaggiyesu vidhānaṃ. Cīvaraṃ patto nisīdananti vatthumattameva hi nānaṃ, parammukhaṃ pana vatthu ‘‘eta’’nti nissajjitabbaṃ. Sace bahūni honti, ‘‘etānī’’ti vattabbaṃ. Nissaṭṭhadānepi eseva nayo. Nissaṭṭhavatthuṃ ‘‘dinnamidaṃ iminā mayha’’nti saññāya na paṭidentassa dukkaṭaṃ, tassa santakabhāvaṃ ñatvā lesena acchindanto sāmikassa dhuranikkhepena bhaṇḍaṃ agghāpetvā kāretabboti.

    взсаалияам̣ чаб̣б̣аг̇г̇ияз бхигкуу аараб̣бха ад̇ирзгажийварад̇хааран̣авад̇т̇усмим̣ бан̃н̃ад̇д̇ам̣, ‘‘д̣̇асаахабарама’’нд̇и аяамзд̇т̇а анубан̃н̃ад̇д̇и, саад̇хааран̣абан̃н̃ад̇д̇и, анаан̣ад̇д̇игам̣, аниссаж̇ж̇ид̇ваа барибхун̃ж̇анд̇асса д̣̇уггадам̣, яат̇аа жа ид̇ха, звам̣ саб̣б̣ад̇т̇а, д̇асмаа нам̣ барад̇о на вагкаама. д̣̇асаахам̣ анад̇игганд̇зби ад̇игганд̇асан̃н̃ино взмад̇игасса жа д̣̇уггадам̣. ад̇игганд̇з анад̇игганд̇асан̃н̃иноби взмад̇игассаби ниссаг̇г̇ияам̣ баажид̇д̇ияамзва, д̇ат̇аа анад̇хидтид̇аавигаббид̇ааассаж̇ж̇ид̇аанадтаавинадтаад̣̇ад̣дхаавилуд̇д̇зсу ад̇хидтид̇аад̣̇исан̃н̃ино. анд̇од̣̇асаахам̣ ад̇хидтид̇з вигаббид̇з виссаж̇ж̇ид̇з надтз винадтз д̣̇ад̣дхз ажчиннз виссаасзна г̇аахид̇з уммад̇д̇агаад̣̇ийнан̃жа анаабад̇д̇и. аажааравибад̇д̇и, яат̇аа жа ид̣̇ам̣, звам̣ ид̇о барааниби, убхад̇обаад̇имогкзсуби хи баарааж̇игаани жа сан̇гхаад̣̇исзсаа жа сийлавибад̇д̇и, сзсаабад̇д̇ияо аажааравибад̇д̇и, ааж̇ийвавибад̇д̇и ваа д̣̇идтивибад̇д̇и ваа гаажи аабад̇д̇и наама над̇т̇и. ааж̇ийвавибад̇д̇ибажжаяаа бана табзд̇ваа д̣̇уб̣бхаасид̇ам̣ ча аабад̇д̇игканд̇хаа бан̃н̃ад̇д̇аа, д̣̇идтивибад̇д̇ибажжаяаа баажид̇д̇ияад̣̇уггадавасзна д̣̇вз аабад̇д̇игканд̇хаа бан̃н̃ад̇д̇аад̇и, ид̣̇амзд̇т̇а лагкан̣ам̣, ид̇и вибад̇д̇игат̇аа ид̇хзва нидтид̇аад̇и, на нам̣ ид̇о барам̣ вижаараяиссаама. ж̇аад̇иббамаан̣асамбаннасса жийварасса ад̇д̇ано санд̇агад̇аа, г̇ан̣анубаг̇ад̇аа, чиннабалиб̣од̇хабхааво, ад̇ирзгажийварад̇аа, д̣̇асаахаад̇иггамод̇и имаанзд̇т̇а бан̃жа ан̇г̇аани. гат̇инасамудтаанам̣, агирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.

    Vesāliyaṃ chabbaggiye bhikkhū ārabbha atirekacīvaradhāraṇavatthusmiṃ paññattaṃ, ‘‘dasāhaparama’’nti ayamettha anupaññatti, sādhāraṇapaññatti, anāṇattikaṃ, anissajjitvā paribhuñjantassa dukkaṭaṃ, yathā ca idha, evaṃ sabbattha, tasmā naṃ parato na vakkhāma. Dasāhaṃ anatikkantepi atikkantasaññino vematikassa ca dukkaṭaṃ. Atikkante anatikkantasaññinopi vematikassapi nissaggiyaṃ pācittiyameva, tathā anadhiṭṭhitāvikappitaaassajjitaanaṭṭhāvinaṭṭhaadaḍḍhāviluttesu adhiṭṭhitādisaññino. Antodasāhaṃ adhiṭṭhite vikappite vissajjite naṭṭhe vinaṭṭhe daḍḍhe acchinne vissāsena gāhite ummattakādīnañca anāpatti. Ācāravipatti, yathā ca idaṃ, evaṃ ito parānipi, ubhatopātimokkhesupi hi pārājikāni ca saṅghādisesā ca sīlavipatti, sesāpattiyo ācāravipatti, ājīvavipatti vā diṭṭhivipatti vā kāci āpatti nāma natthi. Ājīvavipattipaccayā pana ṭhapetvā dubbhāsitaṃ cha āpattikkhandhā paññattā, diṭṭhivipattipaccayā pācittiyadukkaṭavasena dve āpattikkhandhā paññattāti, idamettha lakkhaṇaṃ, iti vipattikathā idheva niṭṭhitāti, na naṃ ito paraṃ vicārayissāma. Jātippamāṇasampannassa cīvarassa attano santakatā, gaṇanupagatā, chinnapalibodhabhāvo, atirekacīvaratā, dasāhātikkamoti imānettha pañca aṅgāni. Kathinasamuṭṭhānaṃ, akiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.

    гат̇инасигкаабад̣̇аван̣н̣анаа нидтид̇аа.

    Kathinasikkhāpadavaṇṇanā niṭṭhitā.

    2. уд̣̇осид̇асигкаабад̣̇аван̣н̣анаа

    2. Udositasikkhāpadavaṇṇanā

    д̣̇уд̇ияз нидтид̇ажийварасмим̣ бхигкунаад̇изд̇т̇а буримасигкаабад̣̇з вияа ад̇т̇ам̣ аг̇г̇ахзд̇ваа нидтид̇з жийварасмим̣ бхигкунод̇и звам̣ саамивасзна гаран̣аважанасса ад̇т̇о взд̣̇ид̇аб̣б̣о. гаран̣авасзна хи бхигкунаа ид̣̇ам̣ наама гаммам̣ гаад̇аб̣б̣ам̣, д̇ам̣ над̇т̇и, саамивасзна бана бхигкуно жийварасмим̣ нидтид̇з гат̇инз жа уб̣бхад̇з звам̣ имзхи жийваранидтаанагат̇инуб̣бхаарзхи чиннабалиб̣од̇хо згарад̇д̇амби жз бхигку д̇ижийварзна виббавасзяяаад̇и звам̣ ад̇т̇о яуж̇ж̇ад̇и. д̇ад̇т̇а д̇ижийварзнаад̇и д̇ижийвараад̇хидтаананаязна ад̇хидтид̇зсу сан̇гхаадиаад̣̇ийсу язнагзнажи. виббавасзяяаад̇и вияуд̇д̇о васзяяа, ‘‘г̇аамо згуубажааро наануубажааро’’д̇иаад̣̇инаа (баараа. 477) наязна баал̣ияам̣ вуд̇д̇аанам̣ г̇ааманиг̇амананивзсанауд̣̇осид̇ааддамаал̣абаасаад̣̇ахаммияанааваасад̇т̇акзд̇д̇ад̇хан̃н̃агаран̣ааараамавихаараругкамуулааж̇жхогаасаббабхзд̣̇аанам̣ баннарасаанам̣ нигкзбадтаанаанам̣ яад̇т̇агад̇т̇ажи нигкибид̇ваа д̇зсам̣ г̇аамаад̣̇ийнам̣ б̣ахи хад̇т̇абаасаад̇иггамзна арун̣ам̣ удтаабзяяаад̇и аяамзд̇т̇а сан̇кзбо, вид̇т̇ааро бана саманд̇абаасаад̣̇игааяам̣ (баараа. адта. 2.473-477-8) вуд̇д̇о. ан̃н̃ад̇ра бхигкусаммуд̇ияаад̇и яам̣ сан̇гхо г̇илаанасса бхигкуно д̇ижийварзна авиббаваасасаммуд̇им̣ д̣̇зд̇и, д̇ам̣ табзд̇ваа алад̣̇д̇хасаммуд̇игасса бхигкуно згарад̇д̇амби виббаваасад̇о вуд̇д̇анаязнзва ниссаг̇г̇ияам̣ баажид̇д̇ияанд̇и взд̣̇ид̇аб̣б̣ам̣, гзвалам̣ ид̇ха ‘‘ид̣̇ам̣ мз, бханд̇з, жийварам̣ рад̇д̇ивиббавуд̇т̇ам̣ ан̃н̃ад̇ра бхигкусаммуд̇ияаа ниссаг̇г̇ияа’’нд̇иаад̣̇инаа наязна важанабхзд̣̇о ход̇и, аяам̣ бана висзсо.

    Dutiye niṭṭhitacīvarasmiṃ bhikkhunātiettha purimasikkhāpade viya atthaṃ aggahetvā niṭṭhite cīvarasmiṃ bhikkhunoti evaṃ sāmivasena karaṇavacanassa attho veditabbo. Karaṇavasena hi bhikkhunā idaṃ nāma kammaṃ kātabbaṃ, taṃ natthi, sāmivasena pana bhikkhuno cīvarasmiṃ niṭṭhite kathine ca ubbhate evaṃ imehi cīvaraniṭṭhānakathinubbhārehi chinnapalibodho ekarattampi ce bhikkhu ticīvarena vippavaseyyāti evaṃ attho yujjati. Tattha ticīvarenāti ticīvarādhiṭṭhānanayena adhiṭṭhitesu saṅghāṭiādīsu yenakenaci. Vippavaseyyāti viyutto vaseyya, ‘‘gāmo ekūpacāro nānūpacāro’’tiādinā (pārā. 477) nayena pāḷiyaṃ vuttānaṃ gāmanigamananivesanaudositaaṭṭamāḷapāsādahammiyanāvāsatthakhettadhaññakaraṇaārāmavihārarukkhamūlaajjhokāsappabhedānaṃ pannarasānaṃ nikkhepaṭṭhānānaṃ yatthakatthaci nikkhipitvā tesaṃ gāmādīnaṃ bahi hatthapāsātikkamena aruṇaṃ uṭṭhāpeyyāti ayamettha saṅkhepo, vitthāro pana samantapāsādikāyaṃ (pārā. aṭṭha. 2.473-477-8) vutto. Aññatra bhikkhusammutiyāti yaṃ saṅgho gilānassa bhikkhuno ticīvarena avippavāsasammutiṃ deti, taṃ ṭhapetvā aladdhasammutikassa bhikkhuno ekarattampi vippavāsato vuttanayeneva nissaggiyaṃ pācittiyanti veditabbaṃ, kevalaṃ idha ‘‘idaṃ me, bhante, cīvaraṃ rattivippavutthaṃ aññatra bhikkhusammutiyā nissaggiya’’ntiādinā nayena vacanabhedo hoti, ayaṃ pana viseso.

    саавад̇т̇ияам̣ самб̣ахулз бхигкуу аараб̣бха санд̇аруд̇д̇арзна ж̇анабад̣̇ажааригам̣ баггаманавад̇т̇усмим̣

    Sāvatthiyaṃ sambahule bhikkhū ārabbha santaruttarena janapadacārikaṃ pakkamanavatthusmiṃ

    бан̃н̃ад̇д̇ам̣, ‘‘ан̃н̃ад̇ра бхигкусаммуд̇ияаа’’д̇и аяамзд̇т̇а анубан̃н̃ад̇д̇и, саад̇хааран̣абан̃н̃ад̇д̇и, анаан̣ад̇д̇игам̣, авиббавуд̇т̇з виббавуд̇т̇асан̃н̃ино жзва взмад̇игасса жа д̣̇уггадам̣. виббавуд̇т̇з виббавуд̇т̇асан̃н̃иноби авиббавуд̇т̇асан̃н̃иноби взмад̇игассааби ниссаг̇г̇ияам̣ баажид̇д̇ияам̣, д̇ат̇аа абажжуд̣̇д̇хадаависсаж̇ж̇ид̇аад̣̇ийсу жа бажжуд̣̇д̇хадависсаж̇ж̇ид̇аад̣̇исан̃н̃ино. анд̇оарун̣з бажжуд̣̇д̇хадз бана батамагат̇инз вуд̇д̇ависсаж̇ж̇ид̇аад̣̇ибхзд̣̇з жа анаабад̇д̇и, д̇ат̇аа лад̣̇д̇хасаммуд̇игасса виббаваасз. ааб̣аад̇хз бана вуубасанд̇з бажжааг̇анд̇аб̣б̣ам̣, д̇ад̇т̇зва ваа тид̇зна бажжуд̣̇д̇харид̇аб̣б̣ам̣, ат̇аабисса буна со ваа ан̃н̃о ваа ааб̣аад̇хо губбад̇и, лад̣̇д̇хагаббияамзва. ад̇хидтид̇ажийварад̇аа , анад̇т̇ад̇агат̇инад̇аа, алад̣̇д̇хасаммуд̇игад̇аа, рад̇д̇ивиббаваасод̇и имаанзд̇т̇а жад̇д̇аари ан̇г̇аани. самудтаанаад̣̇ийни батамагат̇инз вуд̇д̇аббагаараанзва. гзвалан̃хи д̇ад̇т̇а анад̇хидтаанам̣ авигаббанан̃жа агирияаа, ид̇ха аббажжуд̣̇д̇харан̣ам̣, аяам̣ висзсод̇и.

    Paññattaṃ, ‘‘aññatra bhikkhusammutiyā’’ti ayamettha anupaññatti, sādhāraṇapaññatti, anāṇattikaṃ, avippavutthe vippavutthasaññino ceva vematikassa ca dukkaṭaṃ. Vippavutthe vippavutthasaññinopi avippavutthasaññinopi vematikassāpi nissaggiyaṃ pācittiyaṃ, tathā apaccuddhaṭaavissajjitādīsu ca paccuddhaṭavissajjitādisaññino. Antoaruṇe paccuddhaṭe pana paṭhamakathine vuttavissajjitādibhede ca anāpatti, tathā laddhasammutikassa vippavāse. Ābādhe pana vūpasante paccāgantabbaṃ, tattheva vā ṭhitena paccuddharitabbaṃ, athāpissa puna so vā añño vā ābādho kuppati, laddhakappiyameva. Adhiṭṭhitacīvaratā , anatthatakathinatā, aladdhasammutikatā, rattivippavāsoti imānettha cattāri aṅgāni. Samuṭṭhānādīni paṭhamakathine vuttappakārāneva. Kevalañhi tattha anadhiṭṭhānaṃ avikappanañca akiriyā, idha appaccuddharaṇaṃ, ayaṃ visesoti.

    уд̣̇осид̇асигкаабад̣̇аван̣н̣анаа нидтид̇аа.

    Udositasikkhāpadavaṇṇanā niṭṭhitā.

    3. агаалажийварасигкаабад̣̇аван̣н̣анаа

    3. Akālacīvarasikkhāpadavaṇṇanā

    д̇ад̇ияз нидтид̇ажийварасмим̣ бхигкунаад̇и саамивасзнзва гаран̣ад̇т̇о взд̣̇ид̇аб̣б̣о. агаалажийварам̣ наама явааяам̣ ‘‘анад̇т̇ад̇з гат̇инз вассаанасса бажчимо маасо, ад̇т̇ад̇з гат̇инз бан̃жамаасаа’’д̇и (баараа. 649) жийварагаало вуд̇д̇о, д̇ам̣ табзд̇ваа ан̃н̃ад̣̇аа уббаннам̣, яан̃жа гаалзби сан̇гхасса ваа ‘‘ид̣̇ам̣ агаалажийвара’’нд̇и, буг̇г̇аласса ваа ‘‘ид̣̇ам̣ д̇уяхам̣ д̣̇аммий’’д̇иаад̣̇инаа наязна д̣̇иннам̣, зд̇ам̣ агаалажийварам̣ наама. уббаж̇ж̇зяяаад̇и зваруубам̣ жийварам̣ ад̇д̇ано бхааг̇абадилаабхавасзна сан̇гхад̇о ваа суд̇д̇анд̇игаад̣̇иг̇ан̣ад̇о ваа н̃аад̇ид̇о ваа мид̇д̇ад̇о ваа бам̣сугуулам̣ ваа ад̇д̇ано ваа д̇ханзна (баараа. 500), ат̇а ваа бана ‘‘адтимаа, бхигкавз, маад̇игаа жийварасса уббаад̣̇ааяа сиймааяа д̣̇зд̇и, гад̇игааяа д̣̇зд̇и, бхигкаабан̃н̃ад̇д̇игааяа д̣̇зд̇и, сан̇гхасса д̣̇зд̇и, убхад̇осан̇гхасса д̣̇зд̇и, вассам̣вудтасан̇гхасса д̣̇зд̇и, аад̣̇исса д̣̇зд̇и, буг̇г̇аласса д̣̇зд̇ий’’д̇и (махаава. 379) имаасам̣ адтаннам̣ маад̇игаанам̣ ан̃н̃ад̇арад̇о уббаж̇ж̇зяяа. зд̇т̇а жа ‘‘сиймааяа д̣̇аммий’’д̇и звам̣ сиймам̣ бараамасид̇ваа д̣̇знд̇о сиймааяа д̣̇зд̇и наама, зса наяо саб̣б̣ад̇т̇а. зд̇т̇а жа сиймаад̇и кан̣д̣асиймаа убажаарасиймаа самаанасам̣ваасасиймаа авиббаваасасиймаа лаабхасиймаа г̇аамасиймаа ниг̇амасиймаа наг̇арасиймаа аб̣бханд̇арасиймаа уд̣̇агугкзбасиймаа ж̇анабад̣̇асиймаа радтасиймаа раж̇ж̇асиймаа д̣̇ийбасиймаа жаггаваал̣асиймаад̇и баннарасавид̇хаа. д̇ад̇т̇а убажаарасиймаа наама баригкид̇д̇асса вихаарасса баригкзбзна, абаригкид̇д̇асса баригкзбаарахадтаанзна барижчиннаа. аби жа бхигкуунам̣ д̇хувасаннибаад̇адтаанад̇о ваа барияанд̇з тид̇абхож̇анасаалад̇о ваа ниб̣ад̣̇д̇хавасанагаааваасад̇о ваа т̇аамамаж̇жхимасса бурисасса д̣̇виннам̣ лзд̣д̣убаад̇аанам̣ анд̇о ‘‘убажаарасиймаа’’д̇и взд̣̇ид̇аб̣б̣аа. саа бана ааваасз вад̣дханд̇з вад̣дхад̇и, хааяанд̇з хааяад̇и , яож̇анасад̇амби убажаарасиймаава ход̇и. д̇ад̇т̇а д̣̇инналаабхо саб̣б̣зсам̣ анд̇осиймаг̇ад̇аанам̣ баабун̣аад̇и, бхигкунийнам̣ аараамабавзсанасзнаасанаабужчанаани бариваасамаанад̇д̇аарожанам̣ вассажчзд̣̇аниссаяасзнаасанаг̇г̇аахаад̣̇ивид̇хаананд̇и ид̣̇амби саб̣б̣ам̣ имиссаава сиймааяа васзна взд̣̇ид̇аб̣б̣ам̣. лаабхасиймаад̇и яам̣ рааж̇арааж̇амахаамад̇д̇аад̣̇аяо вихаарам̣ гаараабзд̇ваа г̇аавуд̇ам̣ ваа ад̣̇д̇хаяож̇анам̣ ваа яож̇анам̣ ваа саманд̇аа барижчинд̣̇ид̇ваа ‘‘аяам̣ амхаагам̣ вихаарасса лаабхасиймаа, яам̣ зд̇т̇анд̇арз уббаж̇ж̇ад̇и, д̇ам̣ саб̣б̣ам̣ амхаагам̣ вихаарасса д̣̇змаа’’д̇и табзнд̇и, аяам̣ лаабхасиймаа наама. гаасигосалаад̣̇ийнам̣ бана радтаанам̣ анд̇о б̣ахуу ж̇анабад̣̇аа хонд̇и, д̇ад̇т̇а зго ж̇анабад̣̇абарижчзд̣̇о ж̇анабад̣̇асиймаа, гаасигосалаад̣̇ирадтабарижчзд̣̇о радтасиймаа, згасса ран̃н̃о аан̣аабавад̇д̇идтаанам̣ раж̇ж̇асиймаа, самуд̣̇д̣̇анд̇зна барижчинно махаад̣̇ийбо ваа анд̇арад̣̇ийбо ваа д̣̇ийбасиймаа, згажаггаваал̣абаб̣б̣ад̇абаригкзбаб̣бханд̇арам̣ жаггаваал̣асиймаа, сзсаа нид̣̇аанагат̇ааяам̣ вуд̇д̇анаяаа зва. д̇ад̇т̇а ‘‘кан̣д̣асиймааяа д̣̇змаа’’д̇и д̣̇иннам̣ кан̣д̣асиймадтаанам̣язва баабун̣аад̇и, д̇ад̇о б̣ахисиймааяа сийманд̇аригадтаанамби на баабун̣аад̇и. ‘‘убажаарасиймааяа д̣̇змаа’’д̇и д̣̇иннам̣ бана анд̇обарижчзд̣̇з кан̣д̣асиймаасийманд̇аригаасу тид̇аанамби баабун̣аад̇и, самаанасам̣ваасасиймааяа д̣̇иннам̣ кан̣д̣асиймаасийманд̇аригадтаанам̣ на баабун̣аад̇и, авиббаваасасиймаалаабхасиймаасу д̣̇иннам̣ д̇аасам̣ анд̇ог̇ад̇хаанам̣язва баабун̣аад̇и, г̇аамасиймаад̣̇ийсу д̣̇иннам̣ д̇аасам̣ сиймаанам̣ аб̣бханд̇арз б̣ад̣̇д̇хасиймадтаанамби баабун̣аад̇и, аб̣бханд̇арасиймаауд̣̇агугкзбасиймаасу д̣̇иннам̣ д̇ад̇т̇а анд̇ог̇ад̇хаанам̣язва баабун̣аад̇и, ж̇анабад̣̇асиймаад̣̇ийсу д̣̇иннамби д̇аасам̣ аб̣бханд̇арз б̣ад̣̇д̇хасиймадтаанамби баабун̣аад̇и, д̇асмаа яам̣ ж̇амб̣уд̣̇ийбз тад̇ваа ‘‘д̇амб̣абан̣н̣ид̣̇ийбз сан̇гхасса д̣̇змаа’’д̇и д̣̇ийяад̇и, д̇ам̣ д̇амб̣абан̣н̣ид̣̇ийбад̇о згоби г̇анд̇ваа саб̣б̣зсам̣ сан̇г̇ан̣хид̇ум̣ лабхад̇и. сажзби д̇ад̇т̇зва зго сабхааг̇о бхигку сабхааг̇аанам̣ бхааг̇ам̣ г̇ан̣хаад̇и, на ваарзд̇аб̣б̣о. яо бана вихаарам̣ бависид̇ваа ‘‘асугасиймааяаа’’д̇и авад̇ваава гзвалам̣ ‘‘сиймааяа д̣̇аммий’’д̇и вад̣̇ад̇и, со бужчид̇аб̣б̣о ‘‘сиймаа наама б̣ахувид̇хаа, гад̇арам̣ санд̇хааяа вад̣̇асий’’д̇и, сажз вад̣̇ад̇и ‘‘ахамзд̇ам̣ бхзд̣̇ам̣ на ж̇аанаами, сиймадтагасан̇гхо г̇ан̣хад̇уу’’д̇и, убажаарасиймадтзхи бхааж̇зд̇аб̣б̣ам̣.

    Tatiye niṭṭhitacīvarasmiṃ bhikkhunāti sāmivaseneva karaṇattho veditabbo. Akālacīvaraṃ nāma yvāyaṃ ‘‘anatthate kathine vassānassa pacchimo māso, atthate kathine pañcamāsā’’ti (pārā. 649) cīvarakālo vutto, taṃ ṭhapetvā aññadā uppannaṃ, yañca kālepi saṅghassa vā ‘‘idaṃ akālacīvara’’nti, puggalassa vā ‘‘idaṃ tuyhaṃ dammī’’tiādinā nayena dinnaṃ, etaṃ akālacīvaraṃ nāma. Uppajjeyyāti evarūpaṃ cīvaraṃ attano bhāgapaṭilābhavasena saṅghato vā suttantikādigaṇato vā ñātito vā mittato vā paṃsukūlaṃ vā attano vā dhanena (pārā. 500), atha vā pana ‘‘aṭṭhimā, bhikkhave, mātikā cīvarassa uppādāya sīmāya deti, katikāya deti, bhikkhāpaññattikāya deti, saṅghassa deti, ubhatosaṅghassa deti, vassaṃvuṭṭhasaṅghassa deti, ādissa deti, puggalassa detī’’ti (mahāva. 379) imāsaṃ aṭṭhannaṃ mātikānaṃ aññatarato uppajjeyya. Ettha ca ‘‘sīmāya dammī’’ti evaṃ sīmaṃ parāmasitvā dento sīmāya deti nāma, esa nayo sabbattha. Ettha ca sīmāti khaṇḍasīmā upacārasīmā samānasaṃvāsasīmā avippavāsasīmā lābhasīmā gāmasīmā nigamasīmā nagarasīmā abbhantarasīmā udakukkhepasīmā janapadasīmā raṭṭhasīmā rajjasīmā dīpasīmā cakkavāḷasīmāti pannarasavidhā. Tattha upacārasīmā nāma parikkhittassa vihārassa parikkhepena, aparikkhittassa parikkhepārahaṭṭhānena paricchinnā. Api ca bhikkhūnaṃ dhuvasannipātaṭṭhānato vā pariyante ṭhitabhojanasālato vā nibaddhavasanakaāvāsato vā thāmamajjhimassa purisassa dvinnaṃ leḍḍupātānaṃ anto ‘‘upacārasīmā’’ti veditabbā. Sā pana āvāse vaḍḍhante vaḍḍhati, hāyante hāyati , yojanasatampi upacārasīmāva hoti. Tattha dinnalābho sabbesaṃ antosīmagatānaṃ pāpuṇāti, bhikkhunīnaṃ ārāmapavesanasenāsanāpucchanāni parivāsamānattārocanaṃ vassacchedanissayasenāsanaggāhādividhānanti idampi sabbaṃ imissāva sīmāya vasena veditabbaṃ. Lābhasīmāti yaṃ rājarājamahāmattādayo vihāraṃ kārāpetvā gāvutaṃ vā addhayojanaṃ vā yojanaṃ vā samantā paricchinditvā ‘‘ayaṃ amhākaṃ vihārassa lābhasīmā, yaṃ etthantare uppajjati, taṃ sabbaṃ amhākaṃ vihārassa demā’’ti ṭhapenti, ayaṃ lābhasīmā nāma. Kāsikosalādīnaṃ pana raṭṭhānaṃ anto bahū janapadā honti, tattha eko janapadaparicchedo janapadasīmā, kāsikosalādiraṭṭhaparicchedo raṭṭhasīmā, ekassa rañño āṇāpavattiṭṭhānaṃ rajjasīmā, samuddantena paricchinno mahādīpo vā antaradīpo vā dīpasīmā, ekacakkavāḷapabbataparikkhepabbhantaraṃ cakkavāḷasīmā, sesā nidānakathāyaṃ vuttanayā eva. Tattha ‘‘khaṇḍasīmāya demā’’ti dinnaṃ khaṇḍasīmaṭṭhānaṃyeva pāpuṇāti, tato bahisīmāya sīmantarikaṭṭhānampi na pāpuṇāti. ‘‘Upacārasīmāya demā’’ti dinnaṃ pana antoparicchede khaṇḍasīmāsīmantarikāsu ṭhitānampi pāpuṇāti, samānasaṃvāsasīmāya dinnaṃ khaṇḍasīmāsīmantarikaṭṭhānaṃ na pāpuṇāti, avippavāsasīmālābhasīmāsu dinnaṃ tāsaṃ antogadhānaṃyeva pāpuṇāti, gāmasīmādīsu dinnaṃ tāsaṃ sīmānaṃ abbhantare baddhasīmaṭṭhānampi pāpuṇāti, abbhantarasīmāudakukkhepasīmāsu dinnaṃ tattha antogadhānaṃyeva pāpuṇāti, janapadasīmādīsu dinnampi tāsaṃ abbhantare baddhasīmaṭṭhānampi pāpuṇāti, tasmā yaṃ jambudīpe ṭhatvā ‘‘tambapaṇṇidīpe saṅghassa demā’’ti dīyati, taṃ tambapaṇṇidīpato ekopi gantvā sabbesaṃ saṅgaṇhituṃ labhati. Sacepi tattheva eko sabhāgo bhikkhu sabhāgānaṃ bhāgaṃ gaṇhāti, na vāretabbo. Yo pana vihāraṃ pavisitvā ‘‘asukasīmāyā’’ti avatvāva kevalaṃ ‘‘sīmāya dammī’’ti vadati, so pucchitabbo ‘‘sīmā nāma bahuvidhā, kataraṃ sandhāya vadasī’’ti, sace vadati ‘‘ahametaṃ bhedaṃ na jānāmi, sīmaṭṭhakasaṅgho gaṇhatū’’ti, upacārasīmaṭṭhehi bhājetabbaṃ.

    гад̇игааяаад̇изд̇т̇а гад̇игаа наама самааналаабхагад̇игаа. саа бана звам̣ гаад̇аб̣б̣аа, згасмим̣ вихаарз саннибад̇ид̇зхи бхигкуухи яам̣ вихаарам̣ сан̇г̇ан̣хид̇угаамаа самааналаабхам̣ гаад̇ум̣ ижчанд̇и, д̇асса наамам̣ г̇ахзд̇ваа ‘‘асуго наама вихааро бораан̣аго аббалаабхо’’д̇и яам̣ гин̃жи гааран̣ам̣ вад̇ваа ‘‘д̇ам̣ вихаарам̣ иминаа вихаарзна сад̣̇д̇хим̣ згалаабхам̣ гаад̇ум̣ сан̇гхасса ружжад̇ий’’д̇и д̇игкад̇д̇ум̣ саавзд̇аб̣б̣ам̣, зд̇д̇аавад̇аа д̇асмим̣ вихаарз нисинноби ид̇ха нисиннова ход̇и, д̇асмим̣ вихаарзби звамзва гаад̇аб̣б̣ам̣, зд̇д̇аавад̇аа ид̇ха нисинноби д̇асмим̣ нисиннова ход̇и. згасмим̣ вихаарз лаабхз бхааж̇ияамаанз ид̇арасмим̣ тид̇асса бхааг̇ам̣ г̇ахзд̇ум̣ ваддад̇и.

    Katikāyātiettha katikā nāma samānalābhakatikā. Sā pana evaṃ kātabbā, ekasmiṃ vihāre sannipatitehi bhikkhūhi yaṃ vihāraṃ saṅgaṇhitukāmā samānalābhaṃ kātuṃ icchanti, tassa nāmaṃ gahetvā ‘‘asuko nāma vihāro porāṇako appalābho’’ti yaṃ kiñci kāraṇaṃ vatvā ‘‘taṃ vihāraṃ iminā vihārena saddhiṃ ekalābhaṃ kātuṃ saṅghassa ruccatī’’ti tikkhattuṃ sāvetabbaṃ, ettāvatā tasmiṃ vihāre nisinnopi idha nisinnova hoti, tasmiṃ vihārepi evameva kātabbaṃ, ettāvatā idha nisinnopi tasmiṃ nisinnova hoti. Ekasmiṃ vihāre lābhe bhājiyamāne itarasmiṃ ṭhitassa bhāgaṃ gahetuṃ vaṭṭati.

    бхигкаабан̃н̃ад̇д̇ияаад̇и зд̇т̇а бхигкаабан̃н̃ад̇д̇и наама д̣̇ааяагасса барижжааг̇абан̃н̃ад̇д̇идтаанам̣, д̇асмаа ‘‘яад̇т̇а маяхам̣ д̇хувагаараа гарийяанд̇и, д̇ад̇т̇а д̣̇аммий’’д̇и ваа ‘‘д̇ад̇т̇а д̣̇зт̇аа’’д̇и ваа вуд̇д̇з яад̇т̇а д̇асса баагавад̇д̇ам̣ ваа вад̇д̇ад̇и, яад̇о ваа бхигкуу нижжам̣ бхож̇зд̇и, яад̇т̇а ваа д̇зна гин̃жи сзнаасанам̣ гад̇ам̣, саб̣б̣ад̇т̇а д̣̇иннамзва ход̇и. сажз бана згасмим̣ д̇хувагаарадтаанз т̇огад̇араа бхигкуу хонд̇и, згамзва ваа вад̇т̇ам̣ ход̇и, маад̇игам̣ ааробзд̇ваа яат̇аа со вад̣̇ад̇и, д̇ат̇аа г̇ахзд̇аб̣б̣ам̣.

    Bhikkhāpaññattiyāti ettha bhikkhāpaññatti nāma dāyakassa pariccāgapaññattiṭṭhānaṃ, tasmā ‘‘yattha mayhaṃ dhuvakārā karīyanti, tattha dammī’’ti vā ‘‘tattha dethā’’ti vā vutte yattha tassa pākavattaṃ vā vattati, yato vā bhikkhū niccaṃ bhojeti, yattha vā tena kiñci senāsanaṃ kataṃ, sabbattha dinnameva hoti. Sace pana ekasmiṃ dhuvakāraṭṭhāne thokatarā bhikkhū honti, ekameva vā vatthaṃ hoti, mātikaṃ āropetvā yathā so vadati, tathā gahetabbaṃ.

    сан̇гхасса д̣̇зд̇ийд̇и зд̇т̇а вихаарам̣ бависид̇ваа ‘‘сан̇гхасса д̣̇аммий’’д̇и д̣̇иннам̣ убажаарасиймааг̇ад̇аанан̃жа д̇ад̇о б̣ахид̣̇д̇хааби д̇зхи сад̣̇д̇хим̣ згааб̣ад̣̇д̇хаанан̃жа баабун̣аад̇и, д̇асмаа д̇зсам̣ г̇аахагз сад̇и асамбад̇д̇аанамби бхааг̇о д̣̇аад̇аб̣б̣о. яам̣ бана б̣ахи убажаарасиймааяа бхигкуу д̣̇исваа ‘‘сан̇гхассаа’’д̇и д̣̇ийяад̇и, д̇ам̣ згааб̣ад̣̇д̇хабарисааяа баабун̣аад̇и. яз бана д̣̇ваад̣̇асахи хад̇т̇зхи барисам̣ асамбад̇д̇аа, д̇зсам̣ на баабун̣аад̇и.

    Saṅghassa detīti ettha vihāraṃ pavisitvā ‘‘saṅghassa dammī’’ti dinnaṃ upacārasīmāgatānañca tato bahiddhāpi tehi saddhiṃ ekābaddhānañca pāpuṇāti, tasmā tesaṃ gāhake sati asampattānampi bhāgo dātabbo. Yaṃ pana bahi upacārasīmāya bhikkhū disvā ‘‘saṅghassā’’ti dīyati, taṃ ekābaddhaparisāya pāpuṇāti. Ye pana dvādasahi hatthehi parisaṃ asampattā, tesaṃ na pāpuṇāti.

    убхад̇осан̇гхассаад̇и зд̇т̇а бана яам̣ убхад̇осан̇гхасса д̣̇иннам̣, д̇ад̇о убад̣дхам̣ бхигкуунам̣, убад̣дхам̣ бхигкунийнам̣ д̣̇аад̇аб̣б̣ам̣. сажзби зго бхигку ход̇и, згаа ваа бхигкуний, анд̇амасо анубасамбаннассааби убад̣дхамзва д̣̇аад̇аб̣б̣ам̣. ‘‘убхад̇осан̇гхасса жа д̇уяхан̃жаа’’д̇и вуд̇д̇з бана сажз д̣̇аса бхигкуу жа д̣̇аса бхигкунияо жа хонд̇и, згавийсад̇и бадивийсз гад̇ваа зго буг̇г̇аласса д̣̇аад̇аб̣б̣о, д̣̇аса бхигкусан̇гхасса, д̣̇аса бхигкунисан̇гхасса жа, язна буг̇г̇алиго лад̣̇д̇хо, со сан̇гхад̇оби ад̇д̇ано вассаг̇г̇зна г̇ахзд̇ум̣ лабхад̇и, гасмаа? убхад̇осан̇гхаг̇г̇ахан̣зна г̇ахид̇ад̇д̇аа, ‘‘убхад̇осан̇гхасса жа жзд̇ияасса жаа’’д̇и вуд̇д̇зби зсзва наяо. ид̇ха бана жзд̇ияасса сан̇гхад̇о баабун̣агодтаасо наама над̇т̇и, згабуг̇г̇аласса бад̇д̇агодтаасасамо зго годтаасо ход̇и. ‘‘бхигкусан̇гхасса жа бхигкунийнан̃жаа’’д̇и вуд̇д̇з бана на маж̇жхз бхинд̣̇ид̇ваа д̣̇аад̇аб̣б̣ам̣, бхигкуу жа бхигкунияо жа г̇ан̣зд̇ваа д̣̇аад̇аб̣б̣ам̣. ‘‘бхигкусан̇гхасса жа бхигкунийнан̃жа д̇уяхан̃жаа’’д̇и вуд̇д̇з буг̇г̇ало висум̣ на лабхад̇и, баабун̣агодтаасад̇о згамзва лабхад̇и . ‘‘жзд̇ияасса жаа’’д̇и вуд̇д̇з бана жзд̇ияасса зго буг̇г̇алабадивийсо лаб̣бхад̇и. ‘‘бхигкуунан̃жа бхигкунийнан̃жаа’’д̇и вуд̇д̇зби на маж̇жхз бхинд̣̇ид̇ваа д̣̇аад̇аб̣б̣ам̣, буг̇г̇алаг̇ан̣анааяа зва вибхаж̇ид̇аб̣б̣ам̣, д̇зхи сад̣̇д̇хим̣ буг̇г̇алажзд̇ияабараамасанам̣ ананд̇аранаяасад̣̇исамзва, яат̇аа жа бхигкусан̇гхам̣ аад̣̇им̣ гад̇ваа наяо нийд̇о, звам̣ бхигкунисан̇гхам̣ аад̣̇им̣ гад̇вааби нзд̇аб̣б̣о. ‘‘бхигкусан̇гхасса жа д̇уяхан̃жаа’’д̇и вуд̇д̇зби буг̇г̇аласса висум̣ на лаб̣бхад̇и , жзд̇ияасса бана лаб̣бхад̇и. ‘‘бхигкуунан̃жа д̇уяхан̃жаа’’д̇и вуд̇д̇зби висум̣ на лаб̣бхад̇и, жзд̇ияасса бана лаб̣бхад̇иязва.

    Ubhatosaṅghassāti ettha pana yaṃ ubhatosaṅghassa dinnaṃ, tato upaḍḍhaṃ bhikkhūnaṃ, upaḍḍhaṃ bhikkhunīnaṃ dātabbaṃ. Sacepi eko bhikkhu hoti, ekā vā bhikkhunī, antamaso anupasampannassāpi upaḍḍhameva dātabbaṃ. ‘‘Ubhatosaṅghassa ca tuyhañcā’’ti vutte pana sace dasa bhikkhū ca dasa bhikkhuniyo ca honti, ekavīsati paṭivīse katvā eko puggalassa dātabbo, dasa bhikkhusaṅghassa, dasa bhikkhunisaṅghassa ca, yena puggaliko laddho, so saṅghatopi attano vassaggena gahetuṃ labhati, kasmā? Ubhatosaṅghaggahaṇena gahitattā, ‘‘ubhatosaṅghassa ca cetiyassa cā’’ti vuttepi eseva nayo. Idha pana cetiyassa saṅghato pāpuṇakoṭṭhāso nāma natthi, ekapuggalassa pattakoṭṭhāsasamo eko koṭṭhāso hoti. ‘‘Bhikkhusaṅghassa ca bhikkhunīnañcā’’ti vutte pana na majjhe bhinditvā dātabbaṃ, bhikkhū ca bhikkhuniyo ca gaṇetvā dātabbaṃ. ‘‘Bhikkhusaṅghassa ca bhikkhunīnañca tuyhañcā’’ti vutte puggalo visuṃ na labhati, pāpuṇakoṭṭhāsato ekameva labhati . ‘‘Cetiyassa cā’’ti vutte pana cetiyassa eko puggalapaṭivīso labbhati. ‘‘Bhikkhūnañca bhikkhunīnañcā’’ti vuttepi na majjhe bhinditvā dātabbaṃ, puggalagaṇanāya eva vibhajitabbaṃ, tehi saddhiṃ puggalacetiyaparāmasanaṃ anantaranayasadisameva, yathā ca bhikkhusaṅghaṃ ādiṃ katvā nayo nīto, evaṃ bhikkhunisaṅghaṃ ādiṃ katvāpi netabbo. ‘‘Bhikkhusaṅghassa ca tuyhañcā’’ti vuttepi puggalassa visuṃ na labbhati , cetiyassa pana labbhati. ‘‘Bhikkhūnañca tuyhañcā’’ti vuttepi visuṃ na labbhati, cetiyassa pana labbhatiyeva.

    вассам̣вудтасан̇гхассаад̇и зд̇т̇а сажз вихаарам̣ бависид̇ваа ‘‘вассам̣вудтасан̇гхасса д̣̇аммий’’д̇и вад̣̇ад̇и, яз д̇ад̇т̇а вассажчзд̣̇ам̣ агад̇ваа буримавассам̣вудтаа, д̇зсам̣ б̣ахи сиймадтаанамби баабун̣аад̇и, на ан̃н̃зсам̣. сажз бана б̣ахиубажаарасиймааяам̣ тид̇о ‘‘вассам̣вудтасан̇гхассаа’’д̇и вад̣̇ад̇и, яад̇т̇агад̇т̇ажи вудтавассаанам̣ саб̣б̣зсам̣ самбад̇д̇аанам̣ баабун̣аад̇и. ат̇а ‘‘асугавихаарз вассам̣вудтассаа’’д̇и вад̣̇ад̇и, д̇ад̇т̇а вассам̣вудтаанам̣язва яаава гат̇инассуб̣бхаараа баабун̣аад̇и. г̇имхаанам̣ батамад̣̇ивасад̇о бадтааяа звам̣ вад̣̇ад̇и, д̇ад̇ра саммукийбхууд̇аанам̣ саб̣б̣зсам̣ баабун̣аад̇и, на ан̃н̃зсам̣.

    Vassaṃvuṭṭhasaṅghassāti ettha sace vihāraṃ pavisitvā ‘‘vassaṃvuṭṭhasaṅghassa dammī’’ti vadati, ye tattha vassacchedaṃ akatvā purimavassaṃvuṭṭhā, tesaṃ bahi sīmaṭṭhānampi pāpuṇāti, na aññesaṃ. Sace pana bahiupacārasīmāyaṃ ṭhito ‘‘vassaṃvuṭṭhasaṅghassā’’ti vadati, yatthakatthaci vuṭṭhavassānaṃ sabbesaṃ sampattānaṃ pāpuṇāti. Atha ‘‘asukavihāre vassaṃvuṭṭhassā’’ti vadati, tattha vassaṃvuṭṭhānaṃyeva yāva kathinassubbhārā pāpuṇāti. Gimhānaṃ paṭhamadivasato paṭṭhāya evaṃ vadati, tatra sammukhībhūtānaṃ sabbesaṃ pāpuṇāti, na aññesaṃ.

    аад̣̇исса д̣̇зд̇ийд̇и аад̣̇исид̇ваа барижчинд̣̇ид̇ваа д̣̇зд̇и, гат̇ам̣? бхигкуу аж̇ж̇ад̇анааяа ваа сваад̇анааяа ваа яааг̇уяаа ниманд̇зд̇ваа д̇з гхарз яааг̇ум̣ бааязд̇ваа ‘‘имаани жийвараани язхи маяхам̣ яааг̇у бийд̇аа, д̇зсам̣ д̣̇аммий’’д̇и вад̣̇ад̇и, язхи ниманд̇ид̇зхи яааг̇у бийд̇аа, д̇зсам̣язва баабун̣аад̇и, бхад̇д̇акаж̇ж̇агаад̣̇ийхи ниманд̇ид̇зсуби зсзва наяо.

    Ādissa detīti ādisitvā paricchinditvā deti, kathaṃ? Bhikkhū ajjatanāya vā svātanāya vā yāguyā nimantetvā te ghare yāguṃ pāyetvā ‘‘imāni cīvarāni yehi mayhaṃ yāgu pītā, tesaṃ dammī’’ti vadati, yehi nimantitehi yāgu pītā, tesaṃyeva pāpuṇāti, bhattakhajjakādīhi nimantitesupi eseva nayo.

    буг̇г̇аласса д̣̇зд̇ийд̇и ‘‘ид̣̇ам̣ жийварам̣ ид̇т̇аннаамасса д̣̇аммий’’д̇и звам̣ бараммукаа ваа, баад̣̇амуулз табзд̇ваа ‘‘ид̣̇ам̣ д̇умхаага’’нд̇и звам̣ саммукаа ваа д̣̇зд̇ийд̇и аяамзд̇т̇а сан̇кзбагат̇аа, вид̇т̇ааро бана саманд̇абаасаад̣̇игааяам̣ вуд̇д̇о. ид̇и имаасам̣ адтаннам̣ маад̇игаабад̣̇аанам̣ васзна яам̣ агаалажийваралагкан̣зна бадилад̣̇д̇хам̣, д̇ам̣ санд̇хааяа ‘‘агаалажийварам̣ уббаж̇ж̇зяяаа’’д̇и вуд̇д̇ам̣.

    Puggalassa detīti ‘‘idaṃ cīvaraṃ itthannāmassa dammī’’ti evaṃ parammukhā vā, pādamūle ṭhapetvā ‘‘idaṃ tumhāka’’nti evaṃ sammukhā vā detīti ayamettha saṅkhepakathā, vitthāro pana samantapāsādikāyaṃ vutto. Iti imāsaṃ aṭṭhannaṃ mātikāpadānaṃ vasena yaṃ akālacīvaralakkhaṇena paṭiladdhaṃ, taṃ sandhāya ‘‘akālacīvaraṃ uppajjeyyā’’ti vuttaṃ.

    ааган̇камаанзнаад̇и ижчамаанзна. киббамзва гаарзд̇аб̣б̣анд̇и сийгхам̣ анд̇од̣̇асаахзязва гаарзд̇аб̣б̣ам̣. но жасса баарибуурийд̇и но жз баарибуурий бхавзяяа, яад̇д̇агзна гарияамаанам̣ ад̇хидтаанажийварам̣ баход̇и, д̇ам̣ жийварам̣ д̇ад̇д̇агам̣ на бхавзяяа, уунагам̣ бхавзяяаад̇и ад̇т̇о. сад̇ияаа бажжаасааяаад̇и ‘‘асугад̣̇ивасам̣ наама сан̇гхо жийвараани лабхиссад̇и, д̇ад̇о мз жийварам̣ уббаж̇ж̇иссад̇ий’’д̇ииминаа наязна сан̇гхаг̇ан̣ан̃аад̇имид̇д̇зсу ваа ан̃н̃ад̇арадтаанад̇о, ‘‘бам̣сугуулам̣ ваа лажчаамий’’д̇и, ‘‘иминаа ваа габбияабхан̣д̣зна жийварам̣ г̇ан̣хиссаамий’’д̇и звам̣ виж̇ж̇амаанааяа жийвараасааяа. д̇ад̇о жз уд̇д̇арийд̇и маасабарамад̇о жз уд̇д̇ари нигкибзяяа, ниссаг̇г̇ияанд̇и ад̇т̇о. яад̣̇и банасса муулажийварам̣ сан̣хам̣ ход̇и, бажжаасаажийварам̣ т̇уулам̣ ход̇и, на саггаа яож̇зд̇ум̣, рад̇д̇ияо жа сзсаа хонд̇и, на д̇аава маасо буурад̇и, на агаамаа жийварам̣ гаарзд̇аб̣б̣ам̣, ан̃н̃ам̣ бажжаасаажийварам̣ лабхид̇ваа зва гаалаб̣бханд̇арз гаарзд̇аб̣б̣ам̣. сажз на лабхад̇и, бажжаасаажийварамби баригкааражол̣ам̣ ад̇хидтаад̇аб̣б̣ам̣. ат̇а муулажийварам̣ т̇уулам̣ ход̇и, бажжаасаажийварам̣ сан̣хам̣, муулажийварам̣ баригкааражол̣ам̣ ад̇хидтахид̇ваа бажжаасаажийварамзва муулажийварам̣ гад̇ваа табзд̇аб̣б̣ам̣, д̇ам̣ буна маасабарихаарам̣ лабхад̇и, зд̇знубааязна яаава на лажчад̇и, д̇аава ан̃н̃ам̣ муулажийварам̣ гад̇ваа табзд̇ум̣ лаб̣бхад̇и. имасса ‘‘ид̣̇ам̣ мз, бханд̇з, агаалажийварам̣ маасаад̇игганд̇ам̣ ниссаг̇г̇ияа’’нд̇и (баараа. 500) иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣.

    Ākaṅkhamānenāti icchamānena. Khippameva kāretabbanti sīghaṃ antodasāheyeva kāretabbaṃ. No cassa pāripūrīti no ce pāripūrī bhaveyya, yattakena kariyamānaṃ adhiṭṭhānacīvaraṃ pahoti, taṃ cīvaraṃ tattakaṃ na bhaveyya, ūnakaṃ bhaveyyāti attho. Satiyā paccāsāyāti ‘‘asukadivasaṃ nāma saṅgho cīvarāni labhissati, tato me cīvaraṃ uppajjissatī’’tiiminā nayena saṅghagaṇañātimittesu vā aññataraṭṭhānato, ‘‘paṃsukūlaṃ vā lacchāmī’’ti, ‘‘iminā vā kappiyabhaṇḍena cīvaraṃ gaṇhissāmī’’ti evaṃ vijjamānāya cīvarāsāya. Tato ce uttarīti māsaparamato ce uttari nikkhipeyya, nissaggiyanti attho. Yadi panassa mūlacīvaraṃ saṇhaṃ hoti, paccāsācīvaraṃ thūlaṃ hoti, na sakkā yojetuṃ, rattiyo ca sesā honti, na tāva māso pūrati, na akāmā cīvaraṃ kāretabbaṃ, aññaṃ paccāsācīvaraṃ labhitvā eva kālabbhantare kāretabbaṃ. Sace na labhati, paccāsācīvarampi parikkhāracoḷaṃ adhiṭṭhātabbaṃ. Atha mūlacīvaraṃ thūlaṃ hoti, paccāsācīvaraṃ saṇhaṃ, mūlacīvaraṃ parikkhāracoḷaṃ adhiṭṭhahitvā paccāsācīvarameva mūlacīvaraṃ katvā ṭhapetabbaṃ, taṃ puna māsaparihāraṃ labhati, etenupāyena yāva na lacchati, tāva aññaṃ mūlacīvaraṃ katvā ṭhapetuṃ labbhati. Imassa ‘‘idaṃ me, bhante, akālacīvaraṃ māsātikkantaṃ nissaggiya’’nti (pārā. 500) iminā nayena nissajjanavidhānaṃ veditabbaṃ.

    саавад̇т̇ияам̣ самб̣ахулз бхигкуу аараб̣бха агаалажийварам̣ бадиг̇г̇ахзд̇ваа маасам̣ ад̇иггаманавад̇т̇усмим̣

    Sāvatthiyaṃ sambahule bhikkhū ārabbha akālacīvaraṃ paṭiggahetvā māsaṃ atikkamanavatthusmiṃ

    бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, ид̇о барам̣ саб̣б̣ам̣ батамагат̇инз вуд̇д̇асад̣̇исамзва. гзвалан̃хи д̇ад̇т̇а д̣̇асаахаад̇иггамо, ид̇ха маасаад̇иггамод̇и аяам̣ висзсо. сзсам̣ д̇аад̣̇исамзваад̇и.

    Paññattaṃ, sādhāraṇapaññatti, anāṇattikaṃ, ito paraṃ sabbaṃ paṭhamakathine vuttasadisameva. Kevalañhi tattha dasāhātikkamo, idha māsātikkamoti ayaṃ viseso. Sesaṃ tādisamevāti.

    агаалажийварасигкаабад̣̇аван̣н̣анаа нидтид̇аа.

    Akālacīvarasikkhāpadavaṇṇanā niṭṭhitā.

    4. бураан̣ажийварасигкаабад̣̇аван̣н̣анаа

    4. Purāṇacīvarasikkhāpadavaṇṇanā

    жад̇уд̇т̇з ан̃н̃аад̇игааяаад̇и на н̃аад̇игааяа, маад̇ид̇о ваа бид̇ид̇о ваа яаава сад̇д̇амам̣ яуг̇ам̣, д̇аава гзнажи аагаарзна асамб̣ад̣̇д̇хааяаад̇и ад̇т̇о. бхигкунияаад̇и саагияаанияо вияа суд̣̇д̇хабхигкусан̇гхз ваа убхад̇осан̇гхз ваа убасамбаннааяа. бураан̣ажийваранд̇и раж̇ид̇ваа габбам̣ гад̇ваа згаваарамби нивад̇т̇ам̣ ваа бааруд̇ам̣ ваа, яам̣ анд̇амасо барибхог̇асийсзна ам̣сз ваа мад̇т̇агз ваа гад̇ваа маг̇г̇ам̣ г̇ад̇о ход̇и, уссийсагам̣ ваа гад̇ваа нибанно, зд̇амби бураан̣ажийварамзва. д̇ховаабзяяа ваад̇и сажз ‘‘д̇ховаа’’д̇иваажааяа вад̣̇ад̇и, гааяавигаарам̣ ваа гарод̇и, хад̇т̇зна ваа хад̇т̇з д̣̇зд̇и, баад̣̇амуулз ваа табзд̇и, анд̇од̣̇ваад̣̇асахад̇т̇з огаасз тад̇ваа убари ваа кибад̇и, ан̃н̃асса ваа хад̇т̇з бзсзд̇и, д̇ааяа д̇ход̇ам̣, д̇ховаабид̇амзва ход̇и, раж̇аабанаагодаабанзсуби зсзва наяо. сигкамаанааяа ваа сааман̣зрияаа ваа убаасигааяа ваа хад̇т̇з д̇хованад̇т̇ааяа д̣̇зд̇и, саа сажз убасамбаж̇ж̇ид̇ваа д̇ховад̇и, звамби ниссаг̇г̇ияам̣ баажид̇д̇ияам̣. убаасагасса ваа сааман̣зрасса ваа хад̇т̇з д̣̇иннам̣ ход̇и, со жз лин̇г̇з баривад̇д̇з убасамбаж̇ж̇ид̇ваа д̇ховад̇и, д̣̇ахарасса бхигкусса ваа д̣̇иннам̣ ход̇и, соби лин̇г̇з баривад̇д̇з д̇ховад̇и, ниссаг̇г̇ияам̣ баажид̇д̇ияамзва, раж̇аабанаагодаабанзсуби зсзва наяо. ‘‘ид̣̇ам̣ мз, бханд̇з, бураан̣ажийварам̣ ан̃н̃аад̇игааяа бхигкунияаа д̇ховаабид̇ам̣ ниссаг̇г̇ияа’’нд̇и (баараа. 505) иминаа банзд̇т̇а наязна ниссаж̇ж̇анавид̇хаанам̣ взд̣̇ид̇аб̣б̣ам̣.

    Catutthe aññātikāyāti na ñātikāya, mātito vā pitito vā yāva sattamaṃ yugaṃ, tāva kenaci ākārena asambaddhāyāti attho. Bhikkhuniyāti sākiyāniyo viya suddhabhikkhusaṅghe vā ubhatosaṅghe vā upasampannāya. Purāṇacīvaranti rajitvā kappaṃ katvā ekavārampi nivatthaṃ vā pārutaṃ vā, yaṃ antamaso paribhogasīsena aṃse vā matthake vā katvā maggaṃ gato hoti, ussīsakaṃ vā katvā nipanno, etampi purāṇacīvarameva. Dhovāpeyya vāti sace ‘‘dhovā’’tivācāya vadati, kāyavikāraṃ vā karoti, hatthena vā hatthe deti, pādamūle vā ṭhapeti, antodvādasahatthe okāse ṭhatvā upari vā khipati, aññassa vā hatthe peseti, tāya dhotaṃ, dhovāpitameva hoti, rajāpanākoṭāpanesupi eseva nayo. Sikkhamānāya vā sāmaṇeriyā vā upāsikāya vā hatthe dhovanatthāya deti, sā sace upasampajjitvā dhovati, evampi nissaggiyaṃ pācittiyaṃ. Upāsakassa vā sāmaṇerassa vā hatthe dinnaṃ hoti, so ce liṅge parivatte upasampajjitvā dhovati, daharassa bhikkhussa vā dinnaṃ hoti, sopi liṅge parivatte dhovati, nissaggiyaṃ pācittiyameva, rajāpanākoṭāpanesupi eseva nayo. ‘‘Idaṃ me, bhante, purāṇacīvaraṃ aññātikāya bhikkhuniyā dhovāpitaṃ nissaggiya’’nti (pārā. 505) iminā panettha nayena nissajjanavidhānaṃ veditabbaṃ.

    саавад̇т̇ияам̣ уд̣̇ааяид̇т̇зрам̣ аараб̣бха бураан̣ажийварад̇ховаабанавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, саан̣ад̇д̇игам̣ ‘‘д̇ховаа’’д̇иаад̣̇игааяа аан̣ад̇д̇ияаа, звам̣ аан̣ад̇д̇ааяа жа бхигкунияаа уд̣̇д̇ханасаж̇ж̇анаад̣̇ийсу саб̣б̣аббаяог̇зсу бхигкуно д̣̇уггадам̣. д̇ховид̇ваа угкид̇д̇амад̇д̇ам̣ бана рад̇д̇амад̇д̇ам̣ аагодид̇амад̇д̇ан̃жа ниссаг̇г̇ияам̣ ход̇и, д̇хованаад̣̇ийни д̇ийн̣иби д̣̇вз ваа гаараабзнд̇асса згзна вад̇т̇унаа ниссаг̇г̇ияам̣, ид̇арзхи д̣̇уггадам̣. сажз бана ‘‘д̇ховаа’’д̇и вуд̇д̇аа саб̣б̣ааниби гарод̇и, д̇хованабажжаяаава аабад̇д̇и. ‘‘имасмим̣ жийварз яам̣ гад̇д̇аб̣б̣ам̣, д̇ам̣ гарохий’’д̇и вад̣̇ад̇о бана згаваажааяа баажид̇д̇иязна сад̣̇д̇хим̣ д̣̇вз д̣̇уггадаани, бхигкунисан̇гхавасзна згад̇оубасамбаннааяа д̇ховаабзнд̇асса аниссаж̇ж̇ид̇ваа барибхун̃ж̇анд̇асса, ан̃н̃асса ваа санд̇агам̣ нисийд̣̇анабажжад̇т̇аран̣ам̣ ваа д̇ховаабзнд̇асса, н̃аад̇игааяа ан̃н̃аад̇игасан̃н̃ино жзва, взмад̇игасса жа д̣̇уггадам̣, ан̃н̃аад̇игааяа н̃аад̇игасан̃н̃иноби взмад̇игассааби ниссаг̇г̇ияам̣ баажид̇д̇ияамзва. ид̇о барам̣ бана зваруубзсу таанзсу ‘‘д̇игабаажид̇д̇ияа’’нд̇и вагкаама, сажз н̃аад̇игааяа сахааяаа ан̃н̃аад̇игаа ‘‘д̇ховаа’’д̇и авуд̇д̇аа ваа д̇ховад̇и, абарибхуд̇д̇ам̣ ваа ан̃н̃ам̣ ваа баригкаарам̣ д̇ховад̇и, сигкамаанасааман̣зрияо ваа д̇хованд̇и, анаабад̇д̇и, уммад̇д̇агаад̣̇ийнам̣ анаабад̇д̇иязва. бураан̣ажийварад̇аа, убажаарз тад̇ваа ан̃н̃аад̇игааяа бхигкунияаа аан̣аабанам̣, д̇ассаа д̇хованаад̣̇ийни жаад̇и имаанзд̇т̇а д̇ийн̣и ан̇г̇аани. сан̃жарид̇д̇асамудтаанам̣, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.

    Sāvatthiyaṃ udāyittheraṃ ārabbha purāṇacīvaradhovāpanavatthusmiṃ paññattaṃ, asādhāraṇapaññatti, sāṇattikaṃ ‘‘dhovā’’tiādikāya āṇattiyā, evaṃ āṇattāya ca bhikkhuniyā uddhanasajjanādīsu sabbappayogesu bhikkhuno dukkaṭaṃ. Dhovitvā ukkhittamattaṃ pana rattamattaṃ ākoṭitamattañca nissaggiyaṃ hoti, dhovanādīni tīṇipi dve vā kārāpentassa ekena vatthunā nissaggiyaṃ, itarehi dukkaṭaṃ. Sace pana ‘‘dhovā’’ti vuttā sabbānipi karoti, dhovanapaccayāva āpatti. ‘‘Imasmiṃ cīvare yaṃ kattabbaṃ, taṃ karohī’’ti vadato pana ekavācāya pācittiyena saddhiṃ dve dukkaṭāni, bhikkhunisaṅghavasena ekatoupasampannāya dhovāpentassa anissajjitvā paribhuñjantassa, aññassa vā santakaṃ nisīdanapaccattharaṇaṃ vā dhovāpentassa, ñātikāya aññātikasaññino ceva, vematikassa ca dukkaṭaṃ, aññātikāya ñātikasaññinopi vematikassāpi nissaggiyaṃ pācittiyameva. Ito paraṃ pana evarūpesu ṭhānesu ‘‘tikapācittiya’’nti vakkhāma, sace ñātikāya sahāyā aññātikā ‘‘dhovā’’ti avuttā vā dhovati, aparibhuttaṃ vā aññaṃ vā parikkhāraṃ dhovati, sikkhamānasāmaṇeriyo vā dhovanti, anāpatti, ummattakādīnaṃ anāpattiyeva. Purāṇacīvaratā, upacāre ṭhatvā aññātikāya bhikkhuniyā āṇāpanaṃ, tassā dhovanādīni cāti imānettha tīṇi aṅgāni. Sañcarittasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.

    бураан̣ажийварасигкаабад̣̇аван̣н̣анаа нидтид̇аа.

    Purāṇacīvarasikkhāpadavaṇṇanā niṭṭhitā.

    5. жийвараббадиг̇г̇ахан̣асигкаабад̣̇аван̣н̣анаа

    5. Cīvarappaṭiggahaṇasikkhāpadavaṇṇanā

    бан̃жамз ан̃н̃аад̇игааяаад̇иид̣̇ам̣ вуд̇д̇анаяамзва, д̇асмаа ид̇о барам̣ гад̇т̇ажи на вижаараяиссаама. жийваранд̇и чаннам̣ ан̃н̃ад̇арам̣ вигаббанубаг̇ам̣, зса наяо саб̣б̣зсу жийвараббадисам̣яуд̇д̇асигкаабад̣̇зсу. яад̇т̇а бана висзсо бхависсад̇и, д̇ад̇т̇а вагкаама. бадиг̇г̇ан̣хзяяаад̇изд̇т̇а хад̇т̇зна ваа хад̇т̇з д̣̇зд̇у, баад̣̇амуулз ваа табзд̇у, д̇хаммагат̇ам̣ гат̇знд̇асса вад̇т̇зсу кибияамаанзсу убажаарам̣ мун̃жид̇вааби убари ваа кибад̇у, сажз саад̣̇ияад̇и, бадиг̇г̇ахид̇амзва ход̇и. яасса гассажи бана анубасамбаннасса хад̇т̇з бзсид̇ам̣ г̇ан̣хид̇ум̣ ваддад̇и, ‘‘бам̣сугуулам̣ г̇ан̣хиссад̇ий’’д̇и сан̇гаарагуудаад̣̇ийсу табид̇амби бам̣сугуулам̣ ад̇хидтахид̇ваа г̇ахзд̇ум̣ ваддад̇иязва. ан̃н̃ад̇ра бааривад̇д̇агаад̇и яам̣ ‘‘анд̇амасо харийдагагкан̣д̣амби д̣̇ад̇ваа ваа д̣̇ассаамий’’д̇и аабхог̇ам̣ гад̇ваа ваа бааривад̇д̇агам̣ г̇ан̣хаад̇и, д̇ам̣ табзд̇ваа ан̃н̃ам̣ анд̇амасо вигаббанубаг̇ам̣ бадабариссааванамби г̇ан̣ханд̇асса ниссаг̇г̇ияам̣ ход̇и. д̇ад̇ра ‘‘ид̣̇ам̣ мз, бханд̇з, жийварам̣ ан̃н̃аад̇игааяа бхигкунияаа хад̇т̇ад̇о бадиг̇г̇ахид̇ам̣ ан̃н̃ад̇ра бааривад̇д̇агаа ниссаг̇г̇ияа’’нд̇и (баараа. 512) иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣.

    Pañcame aññātikāyātiidaṃ vuttanayameva, tasmā ito paraṃ katthaci na vicārayissāma. Cīvaranti channaṃ aññataraṃ vikappanupagaṃ, esa nayo sabbesu cīvarappaṭisaṃyuttasikkhāpadesu. Yattha pana viseso bhavissati, tattha vakkhāma. Paṭiggaṇheyyātiettha hatthena vā hatthe detu, pādamūle vā ṭhapetu, dhammakathaṃ kathentassa vatthesu khipiyamānesu upacāraṃ muñcitvāpi upari vā khipatu, sace sādiyati, paṭiggahitameva hoti. Yassa kassaci pana anupasampannassa hatthe pesitaṃ gaṇhituṃ vaṭṭati, ‘‘paṃsukūlaṃ gaṇhissatī’’ti saṅkārakūṭādīsu ṭhapitampi paṃsukūlaṃ adhiṭṭhahitvā gahetuṃ vaṭṭatiyeva. Aññatra pārivattakāti yaṃ ‘‘antamaso harīṭakakkhaṇḍampi datvā vā dassāmī’’ti ābhogaṃ katvā vā pārivattakaṃ gaṇhāti, taṃ ṭhapetvā aññaṃ antamaso vikappanupagaṃ paṭaparissāvanampi gaṇhantassa nissaggiyaṃ hoti. Tatra ‘‘idaṃ me, bhante, cīvaraṃ aññātikāya bhikkhuniyā hatthato paṭiggahitaṃ aññatra pārivattakā nissaggiya’’nti (pārā. 512) iminā nayena nissajjanavidhānaṃ veditabbaṃ.

    рааж̇аг̇ахз уд̣̇ааяид̇т̇зрам̣ аараб̣бха жийвараббадиг̇г̇ахан̣авад̇т̇усмим̣ бан̃н̃ад̇д̇ам̣, ‘‘ан̃н̃ад̇ра бааривад̇д̇агаа’’д̇и аяамзд̇т̇а анубан̃н̃ад̇д̇и, асаад̇хааран̣абан̃н̃ад̇д̇и, анаан̣ад̇д̇игам̣, г̇ахан̣ад̇т̇ааяа хад̇т̇аббасааран̣аад̣̇иббаяог̇з д̣̇уггадам̣, бадилаабхзна ниссаг̇г̇ияам̣ ход̇и, ниссаж̇ж̇ид̇аб̣б̣ам̣, д̇игабаажид̇д̇ияам̣, згад̇оубасамбаннааяа н̃аад̇игааяа жа ан̃н̃аад̇игасан̃н̃исса взмад̇игасса ваа д̣̇уггадам̣. виссаасаг̇г̇аахз, д̇аавагаалигз, бад̇д̇ад̇т̇авигаад̣̇имхи жа анад̇хидтаад̇аб̣б̣абаригкаарз, сигкамаанасааман̣зрийнам̣ хад̇т̇ад̇о г̇ахан̣з, уммад̇д̇агаад̣̇ийнан̃жа анаабад̇д̇и. вигаббанубаг̇ажийварад̇аа, бааривад̇д̇агаабхааво, ан̃н̃аад̇игааяа хад̇т̇ад̇о г̇ахан̣анд̇и имаанзд̇т̇а д̇ийн̣и ан̇г̇аани. сан̃жарид̇д̇асамудтаанам̣, гирияаагирияам̣, сзсам̣ жад̇уд̇т̇асад̣̇исамзваад̇и.

    Rājagahe udāyittheraṃ ārabbha cīvarappaṭiggahaṇavatthusmiṃ paññattaṃ, ‘‘aññatra pārivattakā’’ti ayamettha anupaññatti, asādhāraṇapaññatti, anāṇattikaṃ, gahaṇatthāya hatthappasāraṇādippayoge dukkaṭaṃ, paṭilābhena nissaggiyaṃ hoti, nissajjitabbaṃ, tikapācittiyaṃ, ekatoupasampannāya ñātikāya ca aññātikasaññissa vematikassa vā dukkaṭaṃ. Vissāsaggāhe, tāvakālike, pattatthavikādimhi ca anadhiṭṭhātabbaparikkhāre, sikkhamānasāmaṇerīnaṃ hatthato gahaṇe, ummattakādīnañca anāpatti. Vikappanupagacīvaratā, pārivattakābhāvo, aññātikāya hatthato gahaṇanti imānettha tīṇi aṅgāni. Sañcarittasamuṭṭhānaṃ, kiriyākiriyaṃ, sesaṃ catutthasadisamevāti.

    жийвараббадиг̇г̇ахан̣асигкаабад̣̇аван̣н̣анаа нидтид̇аа.

    Cīvarappaṭiggahaṇasikkhāpadavaṇṇanā niṭṭhitā.

    6. ан̃н̃аад̇агавин̃н̃ад̇д̇исигкаабад̣̇аван̣н̣анаа

    6. Aññātakaviññattisikkhāpadavaṇṇanā

    чадтз г̇ахабад̇инд̇и бхигкуусу абаб̣б̣аж̇ид̇амануссам̣. г̇ахабад̇аанинд̇и бхигкунийсу абаб̣б̣аж̇ид̇ид̇т̇им̣, зса наяо саб̣б̣зсу г̇ахабад̇иббадисам̣яуд̇д̇зсу сигкаабад̣̇зсу. вин̃н̃аабзяяаад̇и яаажзяяа ваа яаажаабзяяа ваа. ан̃н̃ад̇ра самаяаад̇и яо ажчиннажийваро ваа ход̇и надтажийваро ваа, д̇асса д̇ам̣ самаяам̣ табзд̇ваа ан̃н̃асмим̣ вин̃н̃аабанаббаяог̇з д̣̇уггадам̣, бадилаабхзна ниссаг̇г̇ияам̣ ход̇и. д̇ад̇т̇а ‘‘ид̣̇ам̣ мз, бханд̇з, жийварам̣ ан̃н̃аад̇агам̣ г̇ахабад̇игам̣ ан̃н̃ад̇ра самаяаа вин̃н̃аабид̇ам̣ ниссаг̇г̇ияа’’нд̇и (баараа. 524) иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣.

    Chaṭṭhe gahapatinti bhikkhūsu apabbajitamanussaṃ. Gahapatāninti bhikkhunīsu apabbajititthiṃ, esa nayo sabbesu gahapatippaṭisaṃyuttesu sikkhāpadesu. Viññāpeyyāti yāceyya vā yācāpeyya vā. Aññatra samayāti yo acchinnacīvaro vā hoti naṭṭhacīvaro vā, tassa taṃ samayaṃ ṭhapetvā aññasmiṃ viññāpanappayoge dukkaṭaṃ, paṭilābhena nissaggiyaṃ hoti. Tattha ‘‘idaṃ me, bhante, cīvaraṃ aññātakaṃ gahapatikaṃ aññatra samayā viññāpitaṃ nissaggiya’’nti (pārā. 524) iminā nayena nissajjanavidhānaṃ veditabbaṃ.

    саавад̇т̇ияам̣ убананд̣̇ам̣ аараб̣бха жийваравин̃н̃аабанавад̇т̇усмим̣ бан̃н̃ад̇д̇ам̣. ‘‘ан̃н̃ад̇ра самаяаа’’д̇и аяамзд̇т̇а анубан̃н̃ад̇д̇и, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, н̃аад̇агз ан̃н̃аад̇агасан̃н̃ино взмад̇игасса жа д̣̇уггадам̣. самаяз ваа н̃аад̇агаббаваарид̇з ваа вин̃н̃аабзнд̇асса, ан̃н̃асса ваа н̃аад̇агаббаваарид̇з д̇ассзвад̇т̇ааяа вин̃н̃аабзнд̇асса, ад̇д̇ано д̇ханзна г̇ан̣ханд̇асса, уммад̇д̇агаад̣̇ийнан̃жа анаабад̇д̇и. вигаббанубаг̇ажийварад̇аа, самаяаабхааво, ан̃н̃аад̇агавин̃н̃ад̇д̇и, д̇ааяа жа бадилаабход̇и имаанзд̇т̇а жад̇д̇аари ан̇г̇аани. самудтаанаад̣̇ийни жад̇уд̇т̇асад̣̇исаанзваад̇и.

    Sāvatthiyaṃ upanandaṃ ārabbha cīvaraviññāpanavatthusmiṃ paññattaṃ. ‘‘Aññatra samayā’’ti ayamettha anupaññatti, sādhāraṇapaññatti, anāṇattikaṃ, tikapācittiyaṃ, ñātake aññātakasaññino vematikassa ca dukkaṭaṃ. Samaye vā ñātakappavārite vā viññāpentassa, aññassa vā ñātakappavārite tassevatthāya viññāpentassa, attano dhanena gaṇhantassa, ummattakādīnañca anāpatti. Vikappanupagacīvaratā, samayābhāvo, aññātakaviññatti, tāya ca paṭilābhoti imānettha cattāri aṅgāni. Samuṭṭhānādīni catutthasadisānevāti.

    ан̃н̃аад̇агавин̃н̃ад̇д̇исигкаабад̣̇аван̣н̣анаа нидтид̇аа.

    Aññātakaviññattisikkhāpadavaṇṇanā niṭṭhitā.

    7. д̇ад̇уд̇д̇арисигкаабад̣̇аван̣н̣анаа

    7. Tatuttarisikkhāpadavaṇṇanā

    сад̇д̇амз д̇ан̃жзд̇и д̇ам̣ ажчиннажийварам̣ ваа надтажийварам̣ ваа. абхихадтунд̇и абхийд̇и убасаг̇г̇о, харид̇унд̇и ад̇т̇о, г̇ан̣хид̇унд̇и вуд̇д̇ам̣ ход̇и. баваарзяяаад̇и ижчаабзяяа, ижчам̣ ружим̣ уббаад̣̇зяяа, ‘‘яаавад̇д̇агам̣ ижчаси, д̇аавад̇д̇агам̣ г̇ан̣хаахий’’д̇и звам̣ ниманд̇зяяаад̇и ад̇т̇о, яат̇аа ваа ‘‘нзгкаммам̣ д̣̇адту кзмад̇о’’д̇и (су. ни. 426, 1104; жуул̣ани. ж̇ад̇уган̣н̣иймаан̣авабужчаанид̣̇д̣̇зса 67) зд̇т̇а д̣̇исваад̇и ад̇т̇о, звамид̇хааби ‘‘абхихадтум̣ баваарзяяаа’’д̇и убанзд̇ваа бурад̇о табзнд̇о гааязна ваа, ‘‘амхаагам̣ д̣̇уссагодтааг̇аарад̇о яад̇д̇агам̣ ижчат̇а, д̇ад̇д̇агам̣ г̇ан̣хат̇аа’’д̇и вад̣̇анд̇о ваажааяа ваа абхихарид̇ваа ниманд̇зяяаад̇и ад̇т̇о. санд̇аруд̇д̇арабараманд̇и саанд̇арам̣ уд̇д̇арам̣ барамам̣ асса жийварассаад̇и санд̇аруд̇д̇арабарамам̣, ниваасанзна сад̣̇д̇хим̣ баарубанам̣ уггадтабарижчзд̣̇о ассаад̇и вуд̇д̇ам̣ ход̇и. д̇ад̇о жийварам̣ саад̣̇ид̇аб̣б̣анд̇и д̇ад̇о абхихадажийварад̇о зд̇д̇агам̣ жийварам̣ г̇ахзд̇аб̣б̣ам̣, на д̇ад̇о барам̣.

    Sattame tañceti taṃ acchinnacīvaraṃ vā naṭṭhacīvaraṃ vā. Abhihaṭṭhunti abhīti upasaggo, haritunti attho, gaṇhitunti vuttaṃ hoti. Pavāreyyāti icchāpeyya, icchaṃ ruciṃ uppādeyya, ‘‘yāvattakaṃ icchasi, tāvattakaṃ gaṇhāhī’’ti evaṃ nimanteyyāti attho, yathā vā ‘‘nekkhammaṃ daṭṭhu khemato’’ti (su. ni. 426, 1104; cūḷani. jatukaṇṇīmāṇavapucchāniddesa 67) ettha disvāti attho, evamidhāpi ‘‘abhihaṭṭhuṃ pavāreyyā’’ti upanetvā purato ṭhapento kāyena vā, ‘‘amhākaṃ dussakoṭṭhāgārato yattakaṃ icchatha, tattakaṃ gaṇhathā’’ti vadanto vācāya vā abhiharitvā nimanteyyāti attho. Santaruttaraparamanti saantaraṃ uttaraṃ paramaṃ assa cīvarassāti santaruttaraparamaṃ, nivāsanena saddhiṃ pārupanaṃ ukkaṭṭhaparicchedo assāti vuttaṃ hoti. Tato cīvaraṃ sāditabbanti tato abhihaṭacīvarato ettakaṃ cīvaraṃ gahetabbaṃ, na tato paraṃ.

    д̇ад̇рааяам̣ винижчаяо – яасса ад̇хидтид̇ажийварасса д̇ийн̣и надтаани, д̇зна д̣̇вз саад̣̇ид̇аб̣б̣аани, згам̣ ниваасзд̇ваа згам̣ баарубид̇ваа ан̃н̃ам̣ сабхааг̇адтаанад̇о бариязсид̇аб̣б̣ам̣. яасса д̣̇вз надтаани, д̇зна згам̣ саад̣̇ид̇аб̣б̣ам̣. сажз бана багад̇ияаава санд̇аруд̇д̇арзна жарад̇и, д̣̇вз саад̣̇ид̇аб̣б̣аани, звам̣ згам̣ саад̣̇ияанд̇знзва само бхависсад̇и. яасса д̇ийсу згам̣ надтам̣, гин̃жи на саад̣̇ид̇аб̣б̣ам̣. яасса бана д̣̇вийсу згам̣ надтам̣, згам̣ саад̣̇ид̇аб̣б̣ам̣. яасса згам̣язва ход̇и, д̇ан̃жа надтам̣, д̣̇вз саад̣̇ид̇аб̣б̣аани. бхигкунияаа бана бан̃жасу надтзсу д̣̇вз саад̣̇ид̇аб̣б̣аани, жад̇уусу надтзсу згам̣ саад̣̇ид̇аб̣б̣ам̣, д̇ийсу надтзсу на гин̃жи саад̣̇ид̇аб̣б̣ам̣, го бана ваад̣̇о д̣̇вийсу ваа згасмим̣ ваа. язна гзнажи хи санд̇аруд̇д̇арабарамад̇ааяа таад̇аб̣б̣ам̣, д̇ад̇о уд̇д̇ари вин̃н̃аабанаббаяог̇з д̣̇уггадам̣, бадилаабхзна ниссаг̇г̇ияам̣ ход̇и. д̇ад̇т̇а ‘‘ид̣̇ам̣ мз, бханд̇з, жийварам̣ ан̃н̃аад̇агам̣ г̇ахабад̇игам̣ д̇ад̇уд̇д̇ари вин̃н̃аабид̇ам̣ ниссаг̇г̇ияа’’нд̇и (баараа. 524) иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣.

    Tatrāyaṃ vinicchayo – yassa adhiṭṭhitacīvarassa tīṇi naṭṭhāni, tena dve sāditabbāni, ekaṃ nivāsetvā ekaṃ pārupitvā aññaṃ sabhāgaṭṭhānato pariyesitabbaṃ. Yassa dve naṭṭhāni, tena ekaṃ sāditabbaṃ. Sace pana pakatiyāva santaruttarena carati, dve sāditabbāni, evaṃ ekaṃ sādiyanteneva samo bhavissati. Yassa tīsu ekaṃ naṭṭhaṃ, kiñci na sāditabbaṃ. Yassa pana dvīsu ekaṃ naṭṭhaṃ, ekaṃ sāditabbaṃ. Yassa ekaṃyeva hoti, tañca naṭṭhaṃ, dve sāditabbāni. Bhikkhuniyā pana pañcasu naṭṭhesu dve sāditabbāni, catūsu naṭṭhesu ekaṃ sāditabbaṃ, tīsu naṭṭhesu na kiñci sāditabbaṃ, ko pana vādo dvīsu vā ekasmiṃ vā. Yena kenaci hi santaruttaraparamatāya ṭhātabbaṃ, tato uttari viññāpanappayoge dukkaṭaṃ, paṭilābhena nissaggiyaṃ hoti. Tattha ‘‘idaṃ me, bhante, cīvaraṃ aññātakaṃ gahapatikaṃ tatuttari viññāpitaṃ nissaggiya’’nti (pārā. 524) iminā nayena nissajjanavidhānaṃ veditabbaṃ.

    саавад̇т̇ияам̣ чаб̣б̣аг̇г̇ияз бхигкуу аараб̣бха б̣ахужийваравин̃н̃аабанавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, н̃аад̇агз ан̃н̃аад̇агасан̃н̃ино взмад̇игасса ваа д̣̇уггадам̣. д̣̇вз жийвараани гад̇ваа ‘‘сзсагам̣ аахариссаамий’’д̇и вад̇ваа г̇ан̣ханд̇асса, ‘‘сзсагам̣ д̇уяхам̣язва ход̇уу’’д̇и вуд̇д̇асса, на ажчиннанадтагааран̣аа д̣̇иннам̣ г̇ан̣ханд̇асса, вуд̇д̇анаязна н̃аад̇агаббаваарид̇з вин̃н̃аабзнд̇асса, ад̇д̇ано д̇ханзна г̇ан̣ханд̇асса, уммад̇д̇агаад̣̇ийнан̃жа анаабад̇д̇и. д̇ад̇уд̇д̇арид̇аа , ажчиннаад̣̇игааран̣ад̇аа , ан̃н̃аад̇агавин̃н̃ад̇д̇и, д̇ааяа жа бадилаабход̇и имаанзд̇т̇а жад̇д̇аари ан̇г̇аани. самудтаанаад̣̇ийни жад̇уд̇т̇асад̣̇исаанзваад̇и.

    Sāvatthiyaṃ chabbaggiye bhikkhū ārabbha bahucīvaraviññāpanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, ñātake aññātakasaññino vematikassa vā dukkaṭaṃ. Dve cīvarāni katvā ‘‘sesakaṃ āharissāmī’’ti vatvā gaṇhantassa, ‘‘sesakaṃ tuyhaṃyeva hotū’’ti vuttassa, na acchinnanaṭṭhakāraṇā dinnaṃ gaṇhantassa, vuttanayena ñātakappavārite viññāpentassa, attano dhanena gaṇhantassa, ummattakādīnañca anāpatti. Tatuttaritā , acchinnādikāraṇatā , aññātakaviññatti, tāya ca paṭilābhoti imānettha cattāri aṅgāni. Samuṭṭhānādīni catutthasadisānevāti.

    д̇ад̇уд̇д̇арисигкаабад̣̇аван̣н̣анаа нидтид̇аа.

    Tatuttarisikkhāpadavaṇṇanā niṭṭhitā.

    8. убагкадасигкаабад̣̇аван̣н̣анаа

    8. Upakkhaṭasikkhāpadavaṇṇanā

    адтамз бхигкум̣ банзва уд̣̇д̣̇иссаад̇и ‘‘ид̇т̇аннаамасса бхигкуно д̣̇ассаамий’’д̇и звам̣ абад̣̇исид̇ваа. жийваражзд̇аабаннанд̇и хиран̃н̃аад̣̇игам̣ жийварамуулам̣. убагкадам̣ ход̇ийд̇и саж̇ж̇ид̇ам̣ ход̇и, сам̣харид̇ваа табид̇ам̣. жзд̇аабзд̇ваад̇и баривад̇д̇зд̇ваа, гаарзд̇ваа ваа гин̣ид̇ваа ваад̇и ад̇т̇о. жийварзна ажчаад̣̇зссаамийд̇и вохаараважанамзд̇ам̣, ид̇т̇аннаамасса бхигкуно д̣̇ассаамийд̇и аяам̣ банзд̇т̇а ад̇т̇о. д̇ад̇ра жз сод̇и яад̇ра со г̇ахабад̇и ваа г̇ахабад̇ааний ваа, д̇ад̇ра со бхигку буб̣б̣з аббаваарид̇о убасан̇гамид̇ваа жийварз вигаббам̣ аабаж̇ж̇зяяа жзд̇и аяамзд̇т̇а бад̣̇асамб̣анд̇хо. вигаббам̣ аабаж̇ж̇зяяаад̇и висидтагаббам̣ ад̇хигавид̇хаанам̣ аабаж̇ж̇зяяа. яат̇аа бана д̇амаабаж̇ж̇ад̇и, д̇ам̣ д̣̇ассзд̇ум̣ саад̇ху вад̇аад̇иаад̣̇имааха. д̇ад̇т̇а саад̇хууд̇и ааяаажанз нибаад̇о. вад̇аад̇и баривид̇аггз. манд̇и ад̇д̇аанам̣ нид̣̇д̣̇исад̇и. ааяасмаад̇и барам̣ аалабад̇и. зваруубам̣ ваа зваруубам̣ ваад̇и ааяад̇аад̣̇ийсу ан̃н̃ад̇арам̣. галяаан̣агамяад̇ам̣ убаад̣̇ааяаад̇и сунд̣̇арагаамад̇ам̣ висидтагаамад̇ам̣ жид̇д̇зна г̇ахзд̇ваа, д̇асса ‘‘аабаж̇ж̇зяяа жз’’д̇ииминаа самб̣анд̇хо, сажз бана зваруубам̣ аабаж̇ж̇анд̇асса д̇асса важанзна яо батамам̣ ад̇хиббзд̇ад̇о муулам̣ вад̣дхзд̇ваа сунд̣̇арад̇арам̣ жзд̇аабзд̇и, д̇асса баяог̇з бхигкуно д̣̇уггадам̣, бадилаабхзна ниссаг̇г̇ияам̣ ход̇и. д̇ад̇т̇а ‘‘ид̣̇ам̣ мз, бханд̇з, жийварам̣ буб̣б̣з аббаваарид̇ам̣ ан̃н̃аад̇агам̣ г̇ахабад̇игам̣ убасан̇гамид̇ваа вигаббам̣ аабаннам̣ ниссаг̇г̇ияа’’нд̇и (баараа. 529) иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣.

    Aṭṭhame bhikkhuṃ paneva uddissāti ‘‘itthannāmassa bhikkhuno dassāmī’’ti evaṃ apadisitvā. Cīvaracetāpannanti hiraññādikaṃ cīvaramūlaṃ. Upakkhaṭaṃ hotīti sajjitaṃ hoti, saṃharitvā ṭhapitaṃ. Cetāpetvāti parivattetvā, kāretvā vā kiṇitvā vāti attho. Cīvarena acchādessāmīti vohāravacanametaṃ, itthannāmassa bhikkhuno dassāmīti ayaṃ panettha attho. Tatra ce soti yatra so gahapati vā gahapatānī vā, tatra so bhikkhu pubbe appavārito upasaṅkamitvā cīvare vikappaṃ āpajjeyya ceti ayamettha padasambandho. Vikappaṃ āpajjeyyāti visiṭṭhakappaṃ adhikavidhānaṃ āpajjeyya. Yathā pana tamāpajjati, taṃ dassetuṃ sādhu vatātiādimāha. Tattha sādhūti āyācane nipāto. Vatāti parivitakke. Manti attānaṃ niddisati. Āyasmāti paraṃ ālapati. Evarūpaṃ vā evarūpaṃ vāti āyatādīsu aññataraṃ. Kalyāṇakamyataṃ upādāyāti sundarakāmataṃ visiṭṭhakāmataṃ cittena gahetvā, tassa ‘‘āpajjeyya ce’’tiiminā sambandho, sace pana evarūpaṃ āpajjantassa tassa vacanena yo paṭhamaṃ adhippetato mūlaṃ vaḍḍhetvā sundarataraṃ cetāpeti, tassa payoge bhikkhuno dukkaṭaṃ, paṭilābhena nissaggiyaṃ hoti. Tattha ‘‘idaṃ me, bhante, cīvaraṃ pubbe appavāritaṃ aññātakaṃ gahapatikaṃ upasaṅkamitvā vikappaṃ āpannaṃ nissaggiya’’nti (pārā. 529) iminā nayena nissajjanavidhānaṃ veditabbaṃ.

    саавад̇т̇ияам̣ убананд̣̇ам̣ аараб̣бха жийварз вигаббам̣ аабаж̇ж̇анавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, н̃аад̇агз ан̃н̃аад̇агасан̃н̃ино взмад̇игасса ваа д̣̇уггадам̣. махаг̇гхам̣ жзд̇аабзд̇угаамам̣ аббаг̇гхам̣ ваа, зд̇знзва муулзна ‘‘ан̃н̃ам̣ зваруубам̣ ваа д̣̇зхий’’д̇и вад̣̇анд̇асса, вуд̇д̇анаязна н̃аад̇агаббаваарид̇з вин̃н̃аабзнд̇асса, ад̇д̇ано д̇ханзна г̇ан̣ханд̇асса, уммад̇д̇агаад̣̇ийнан̃жа анаабад̇д̇и. жийварз бхияяогамяад̇аа, ан̃н̃аад̇агавин̃н̃ад̇д̇и, д̇ааяа жа бадилаабход̇и имаанзд̇т̇а д̇ийн̣и ан̇г̇аани. самудтаанаад̣̇ийни жад̇уд̇т̇асад̣̇исаанзваад̇и.

    Sāvatthiyaṃ upanandaṃ ārabbha cīvare vikappaṃ āpajjanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, ñātake aññātakasaññino vematikassa vā dukkaṭaṃ. Mahagghaṃ cetāpetukāmaṃ appagghaṃ vā, eteneva mūlena ‘‘aññaṃ evarūpaṃ vā dehī’’ti vadantassa, vuttanayena ñātakappavārite viññāpentassa, attano dhanena gaṇhantassa, ummattakādīnañca anāpatti. Cīvare bhiyyokamyatā, aññātakaviññatti, tāya ca paṭilābhoti imānettha tīṇi aṅgāni. Samuṭṭhānādīni catutthasadisānevāti.

    убагкадасигкаабад̣̇аван̣н̣анаа нидтид̇аа.

    Upakkhaṭasikkhāpadavaṇṇanā niṭṭhitā.

    9. д̣̇уд̇ияаубагкадасигкаабад̣̇аван̣н̣анаа

    9. Dutiyaupakkhaṭasikkhāpadavaṇṇanā

    навамз иминаава наязна ад̇т̇о взд̣̇ид̇аб̣б̣о. ид̣̇ан̃хи буримасса анубан̃н̃ад̇д̇исад̣̇исам̣, гзвалам̣ д̇ад̇т̇а згасса бийл̣аа гад̇аа, ид̇ха д̣̇виннам̣, аяамзд̇т̇а висзсо, сзсам̣ саб̣б̣ам̣ буримасад̣̇исамзва. яат̇аа жа д̣̇виннам̣, звам̣ б̣ахуунам̣ бийл̣ам̣ гад̇ваа г̇ан̣хад̇оби аабад̇д̇и взд̣̇ид̇аб̣б̣аа. ниссаж̇ж̇анавид̇хаанз жа ‘‘ид̣̇ам̣ мз, бханд̇з , жийварам̣ буб̣б̣з аббаваарид̇з ан̃н̃аад̇агз г̇ахабад̇игз убасан̇гамид̇ваа вигаббам̣ аабаннам̣ ниссаг̇г̇ияа’’нд̇и (баараа. 534) иминаа наязна важанабхзд̣̇о н̃аад̇аб̣б̣од̇и.

    Navame imināva nayena attho veditabbo. Idañhi purimassa anupaññattisadisaṃ, kevalaṃ tattha ekassa pīḷā katā, idha dvinnaṃ, ayamettha viseso, sesaṃ sabbaṃ purimasadisameva. Yathā ca dvinnaṃ, evaṃ bahūnaṃ pīḷaṃ katvā gaṇhatopi āpatti veditabbā. Nissajjanavidhāne ca ‘‘idaṃ me, bhante , cīvaraṃ pubbe appavārite aññātake gahapatike upasaṅkamitvā vikappaṃ āpannaṃ nissaggiya’’nti (pārā. 534) iminā nayena vacanabhedo ñātabboti.

    д̣̇уд̇ияаубагкадасигкаабад̣̇аван̣н̣анаа нидтид̇аа.

    Dutiyaupakkhaṭasikkhāpadavaṇṇanā niṭṭhitā.

    10. рааж̇асигкаабад̣̇аван̣н̣анаа

    10. Rājasikkhāpadavaṇṇanā

    д̣̇асамз рааж̇абхог̇г̇од̇и рааж̇ад̇о бхог̇г̇ам̣ бхун̃ж̇ид̇аб̣б̣ам̣ асса ад̇т̇ийд̇и рааж̇абхог̇г̇о, ‘‘рааж̇абхог̇о’’д̇иби баато, рааж̇ад̇о бхог̇о асса ад̇т̇ийд̇и ад̇т̇о. жийваражзд̇аабаннанд̇и хиран̃н̃аад̣̇игам̣ агаббияам̣. бахин̣зяяаад̇и бзсзяяа. иминаад̇иаад̣̇и ааг̇аманасуд̣̇д̇хим̣ д̣̇ассзд̇ум̣ вуд̇д̇ам̣. сажз хи ‘‘ид̣̇ам̣ ид̇т̇аннаамасса бхигкуно д̣̇зхий’’д̇и бзсзяяа, ааг̇аманасса асуд̣̇д̇хад̇д̇аа агаббияавад̇т̇ум̣ аараб̣бха бхигкунаа габбияагаарагоби нид̣̇д̣̇исид̇аб̣б̣о на бхавзяяа. аабхад̇анд̇и аанийд̇ам̣. на ко маяанд̇иаад̣̇и ид̣̇ам̣ габбияавасзна аабхад̇амби жийварамуулам̣ ийд̣̇исзна д̣̇ууд̇аважанзна агаббияам̣ ход̇и, д̇асмаа д̇ам̣ бадигкибид̇аб̣б̣анд̇и д̣̇ассзд̇ум̣ вуд̇д̇ам̣. суван̣н̣ам̣ раж̇ад̇ам̣ гахаабан̣о маасагод̇и имаани хи жад̇д̇аари ниссаг̇г̇ияавад̇т̇ууни, муд̇д̇аа ман̣и взл̣урияо сан̇ко силаа баваал̣ам̣ лохид̇ан̇го масаараг̇аллам̣ сад̇д̇а д̇хан̃н̃аани д̣̇аасид̣̇аасакзд̇д̇авад̇т̇убубпаараамапалаараамаад̣̇аяод̇и имаани д̣̇уггадавад̇т̇ууни жа ад̇д̇ано ваа жзд̇ияасан̇гхаг̇ан̣абуг̇г̇алаанам̣ ваа ад̇т̇ааяа самбадижчид̇ум̣ на вадданд̇и, д̇асмаа д̇ам̣ саад̣̇ид̇ум̣ на ваддад̇ийд̇и д̣̇ассанад̇т̇ам̣ ‘‘на ко маяа’’нд̇иаад̣̇и вуд̇д̇ам̣.

    Dasame rājabhoggoti rājato bhoggaṃ bhuñjitabbaṃ assa atthīti rājabhoggo, ‘‘rājabhogo’’tipi pāṭho, rājato bhogo assa atthīti attho. Cīvaracetāpannanti hiraññādikaṃ akappiyaṃ. Pahiṇeyyāti peseyya. Iminātiādi āgamanasuddhiṃ dassetuṃ vuttaṃ. Sace hi ‘‘idaṃ itthannāmassa bhikkhuno dehī’’ti peseyya, āgamanassa asuddhattā akappiyavatthuṃ ārabbha bhikkhunā kappiyakārakopi niddisitabbo na bhaveyya. Ābhatanti ānītaṃ. Na kho mayantiādi idaṃ kappiyavasena ābhatampi cīvaramūlaṃ īdisena dūtavacanena akappiyaṃ hoti, tasmā taṃ paṭikkhipitabbanti dassetuṃ vuttaṃ. Suvaṇṇaṃ rajataṃ kahāpaṇo māsakoti imāni hi cattāri nissaggiyavatthūni, muttā maṇi veḷuriyo saṅkho silā pavāḷaṃ lohitaṅko masāragallaṃ satta dhaññāni dāsidāsakhettavatthupupphārāmaphalārāmādayoti imāni dukkaṭavatthūni ca attano vā cetiyasaṅghagaṇapuggalānaṃ vā atthāya sampaṭicchituṃ na vaṭṭanti, tasmā taṃ sādituṃ na vaṭṭatīti dassanatthaṃ ‘‘na kho maya’’ntiādi vuttaṃ.

    жийваран̃жа ко маяам̣ бадиг̇г̇ан̣хаамаад̇и ид̣̇ам̣ бана ад̇д̇аанам̣ уд̣̇д̣̇исса аабхад̇ад̇д̇аа вад̇д̇ум̣ ваддад̇и, д̇асмаа вуд̇д̇ам̣. гаалзнаад̇и яуд̇д̇абад̇д̇агаалзна, яад̣̇аа но ад̇т̇о ход̇и, д̇ад̣̇аа габбияам̣ жийварам̣ бадиг̇г̇ан̣хаамаад̇и ад̇т̇о. взяяааважжагарод̇и габбияагаараго. нид̣̇д̣̇исид̇аб̣б̣од̇иид̣̇ам̣ ‘‘ад̇т̇и банааяасмад̇о гожи взяяааважжагаро’’д̇и габбияаважанзна вуд̇д̇ад̇д̇аа анун̃н̃аад̇ам̣. сажз бана д̣̇ууд̇о ‘‘го имам̣ г̇ан̣хаад̇ий’’д̇и ваа ‘‘гасса д̣̇змий’’д̇и ваа вад̣̇ад̇и, на нид̣̇д̣̇исид̇аб̣б̣о. аараамиго ваа убаасаго ваад̇иид̣̇ам̣ сааруббад̇ааяа вуд̇д̇ам̣, табзд̇ваа бана бан̃жа сахад̇хаммигз яо гожи габбияагаараго ваддад̇и. зсо ко, аавусод̇иид̣̇ам̣ бхигкусса габбияаважанад̣̇ассанад̇т̇ам̣ вуд̇д̇ам̣, звамзва хи вад̇д̇аб̣б̣ам̣, ‘‘зд̇асса д̣̇зхий’’д̇иаад̣̇и на вад̇д̇аб̣б̣ам̣. сан̃н̃ад̇д̇о со маяаад̇и аан̣ад̇д̇о со маяаа, яат̇аа д̇умхаагам̣ жийварзна ад̇т̇з сад̇и жийварам̣ д̣̇ассад̇и, звам̣ вуд̇д̇од̇и ад̇т̇о. д̣̇ууд̇зна хи звам̣ аарожид̇зязва д̇ам̣ жод̣̇зд̇ум̣ ваддад̇и, нзва д̇асса хад̇т̇з д̣̇ад̇ваа г̇ад̇амад̇д̇агааран̣зна. сажз бана ‘‘аяам̣ взяяааважжагаро’’д̇и саммукаа нид̣̇д̣̇идто ход̇и, д̣̇ууд̇о жа саммукаа зва д̇асса хад̇т̇з жзд̇аабаннам̣ д̣̇ад̇ваа ‘‘т̇зрасса жийварам̣ гин̣ид̇ваа д̣̇зхий’’д̇и г̇ажчад̇и, звам̣ ‘‘сан̃н̃ад̇д̇о со маяаа’’д̇и авуд̇д̇зби жод̣̇зд̇ум̣ ваддад̇и. сажз бана д̣̇ууд̇о г̇ажчанд̇ова ‘‘ахам̣ д̇асса хад̇т̇з д̣̇ассаами, д̇умхз жийварам̣ г̇ан̣хзяяаат̇аа’’д̇и бхигкуно вад̇ваа ваа г̇ажчад̇и, ан̃н̃ам̣ ваа бзсзд̇ваа аарожаабзд̇и, звам̣ сад̇и ид̇арамби жод̣̇зд̇ум̣ ваддад̇иязва. д̣̇зсанаамад̇д̇амзва жзд̇ам̣ ‘‘д̣̇ууд̇знаа’’д̇и. яоби ад̇д̇анаа аахарид̇ваа звам̣ бадибаж̇ж̇ад̇и, д̇асмимби ид̣̇амзва лагкан̣ам̣. ад̇т̇о мз, аавусо, жийварзнаад̇и жод̣̇анаалагкан̣анид̣̇ассанамзд̇ам̣. сажз хи ваажааяа жод̣̇зд̇и, ид̣̇ам̣ ваа важанам̣ яааяа гааяажи бхаасааяа зд̇асса ад̇т̇о ваа вад̇д̇аб̣б̣о, ‘‘д̣̇зхи мз, аахара мз’’д̇иаад̣̇инаа наязна бана вад̇д̇ум̣ на ваддад̇и. абхинибпаад̣̇зяяаад̇и звам̣ важийбхзд̣̇ам̣ гад̇ваа д̇игкад̇д̇ум̣ жод̣̇аяамаано бадилаабхавасзна саад̇хзяяа. ижжзд̇ам̣ гусаланд̇и зд̇ам̣ сунд̣̇арам̣.

    Cīvarañca kho mayaṃ paṭiggaṇhāmāti idaṃ pana attānaṃ uddissa ābhatattā vattuṃ vaṭṭati, tasmā vuttaṃ. Kālenāti yuttapattakālena, yadā no attho hoti, tadā kappiyaṃ cīvaraṃ paṭiggaṇhāmāti attho. Veyyāvaccakaroti kappiyakārako. Niddisitabbotiidaṃ ‘‘atthi panāyasmato koci veyyāvaccakaro’’ti kappiyavacanena vuttattā anuññātaṃ. Sace pana dūto ‘‘ko imaṃ gaṇhātī’’ti vā ‘‘kassa demī’’ti vā vadati, na niddisitabbo. Ārāmiko vā upāsako vātiidaṃ sāruppatāya vuttaṃ, ṭhapetvā pana pañca sahadhammike yo koci kappiyakārako vaṭṭati. Eso kho, āvusotiidaṃ bhikkhussa kappiyavacanadassanatthaṃ vuttaṃ, evameva hi vattabbaṃ, ‘‘etassa dehī’’tiādi na vattabbaṃ. Saññatto so mayāti āṇatto so mayā, yathā tumhākaṃ cīvarena atthe sati cīvaraṃ dassati, evaṃ vuttoti attho. Dūtena hi evaṃ ārociteyeva taṃ codetuṃ vaṭṭati, neva tassa hatthe datvā gatamattakāraṇena. Sace pana ‘‘ayaṃ veyyāvaccakaro’’ti sammukhā niddiṭṭho hoti, dūto ca sammukhā eva tassa hatthe cetāpannaṃ datvā ‘‘therassa cīvaraṃ kiṇitvā dehī’’ti gacchati, evaṃ ‘‘saññatto so mayā’’ti avuttepi codetuṃ vaṭṭati. Sace pana dūto gacchantova ‘‘ahaṃ tassa hatthe dassāmi, tumhe cīvaraṃ gaṇheyyāthā’’ti bhikkhuno vatvā vā gacchati, aññaṃ vā pesetvā ārocāpeti, evaṃ sati itarampi codetuṃ vaṭṭatiyeva. Desanāmattameva cetaṃ ‘‘dūtenā’’ti. Yopi attanā āharitvā evaṃ paṭipajjati, tasmimpi idameva lakkhaṇaṃ. Attho me, āvuso, cīvarenāti codanālakkhaṇanidassanametaṃ. Sace hi vācāya codeti, idaṃ vā vacanaṃ yāya kāyaci bhāsāya etassa attho vā vattabbo, ‘‘dehi me, āhara me’’tiādinā nayena pana vattuṃ na vaṭṭati. Abhinipphādeyyāti evaṃ vacībhedaṃ katvā tikkhattuṃ codayamāno paṭilābhavasena sādheyya. Iccetaṃ kusalanti etaṃ sundaraṃ.

    чагкад̇д̇убараманд̇и бхааванабум̣сагаважанамзд̇ам̣. чагкад̇д̇убараман̃хи д̇зна жийварам̣ уд̣̇д̣̇исса д̇ун̣хийбхууд̇зна таад̇аб̣б̣ам̣, на нисийд̣̇ид̇аб̣б̣ам̣, на аамисам̣ бадиг̇г̇ахзд̇аб̣б̣ам̣, на д̇хаммо бхаасид̇аб̣б̣о. ‘‘гим̣гааран̣аа ааг̇ад̇осий’’д̇и вуд̇д̇з бана ‘‘ж̇аанаахи, аавусо’’д̇и зд̇д̇агамзва вад̇д̇аб̣б̣ам̣. сажз нисаж̇ж̇аад̣̇ийни гарод̇и, таанам̣ бхан̃ж̇ад̇и, ааг̇ад̇агааран̣ам̣ винаасзд̇и, ид̣̇ам̣ гааязна жод̣̇анааяа лагкан̣ад̣̇ассанад̇т̇ам̣ вуд̇д̇ам̣. зд̇т̇а жа уггадтабарижчзд̣̇зна д̇иссаннам̣ жод̣̇анаанам̣ чаннан̃жа таанаанам̣ анун̃н̃аад̇ад̇д̇аа жод̣̇анааяа д̣̇иг̇ун̣ам̣ таанам̣ анун̃н̃аад̇ам̣ ход̇и, д̇асмаа сажз жод̣̇зд̇иязва, на д̇идтад̇и, ча жод̣̇анааяо лаб̣бханд̇и. сажз д̇идтад̇иязва, на жод̣̇зд̇и, д̣̇ваад̣̇аса таанаани лаб̣бханд̇и. сажз убхаяам̣ гарод̇и, згааяа жод̣̇анааяа д̣̇вз таанаани хаабзд̇аб̣б̣аани. д̇ад̇т̇а яо згад̣̇ивасамзва бунаббунам̣ г̇анд̇ваа чагкад̇д̇ум̣ жод̣̇зд̇и, сагим̣язва ваа г̇анд̇ваа ‘‘ад̇т̇о мз, аавусо, жийварзнаа’’д̇и чагкад̇д̇ум̣ вад̣̇ад̇и, д̇ат̇аа згад̣̇ивасамзва бунаббунам̣ г̇анд̇ваа д̣̇ваад̣̇асагкад̇д̇ум̣ д̇идтад̇и, сагим̣язва ваа г̇анд̇ваа д̇ад̇ра д̇ад̇ра таанз д̇идтад̇и, соби саб̣б̣ажод̣̇анааяо саб̣б̣адтаанаани жа бхан̃ж̇ад̇и, го бана ваад̣̇о наанаад̣̇ивасзсу звам̣ гаронд̇ассаад̇и аяамзд̇т̇а винижчаяо. яз бана габбияагаарагз д̣̇ааяаго саяамзва г̇анд̇ваа нисийд̣̇ад̇и д̇з сад̇агкад̇д̇умби жод̣̇зд̇ум̣ ваддад̇и. яо бана убхохи би анид̣̇д̣̇идто мукавзвадигагаббияагаараго жа бараммукагаббияагаараго жа, со на гин̃жи вад̇д̇аб̣б̣о, звам̣ ид̇ха д̣̇асаби габбияагаарагаа д̣̇ассид̇аа хонд̇и.

    Chakkhattuparamanti bhāvanapuṃsakavacanametaṃ. Chakkhattuparamañhi tena cīvaraṃ uddissa tuṇhībhūtena ṭhātabbaṃ, na nisīditabbaṃ, na āmisaṃ paṭiggahetabbaṃ, na dhammo bhāsitabbo. ‘‘Kiṃkāraṇā āgatosī’’ti vutte pana ‘‘jānāhi, āvuso’’ti ettakameva vattabbaṃ. Sace nisajjādīni karoti, ṭhānaṃ bhañjati, āgatakāraṇaṃ vināseti, idaṃ kāyena codanāya lakkhaṇadassanatthaṃ vuttaṃ. Ettha ca ukkaṭṭhaparicchedena tissannaṃ codanānaṃ channañca ṭhānānaṃ anuññātattā codanāya diguṇaṃ ṭhānaṃ anuññātaṃ hoti, tasmā sace codetiyeva, na tiṭṭhati, cha codanāyo labbhanti. Sace tiṭṭhatiyeva, na codeti, dvādasa ṭhānāni labbhanti. Sace ubhayaṃ karoti, ekāya codanāya dve ṭhānāni hāpetabbāni. Tattha yo ekadivasameva punappunaṃ gantvā chakkhattuṃ codeti, sakiṃyeva vā gantvā ‘‘attho me, āvuso, cīvarenā’’ti chakkhattuṃ vadati, tathā ekadivasameva punappunaṃ gantvā dvādasakkhattuṃ tiṭṭhati, sakiṃyeva vā gantvā tatra tatra ṭhāne tiṭṭhati, sopi sabbacodanāyo sabbaṭṭhānāni ca bhañjati, ko pana vādo nānādivasesu evaṃ karontassāti ayamettha vinicchayo. Ye pana kappiyakārake dāyako sayameva gantvā nisīdati te satakkhattumpi codetuṃ vaṭṭati. Yo pana ubhohi pi aniddiṭṭho mukhavevaṭikakappiyakārako ca parammukhakappiyakārako ca, so na kiñci vattabbo, evaṃ idha dasapi kappiyakārakā dassitā honti.

    д̇ад̇о жз уд̇д̇арийд̇и вуд̇д̇ажод̣̇анаатаанабаримаан̣ад̇о уд̇д̇ари. ниссаг̇г̇ияанд̇и уд̇д̇ари вааяаамамаанасса саб̣б̣аббаяог̇зсу д̣̇уггадам̣, бадилаабхзна ниссаг̇г̇ияам̣ ход̇и. зд̇т̇а жа ‘‘ид̣̇ам̣ мз, бханд̇з, жийварам̣ ад̇ирзгад̇игкад̇д̇ум̣ жод̣̇анааяа ад̇ирзгачагкад̇д̇ум̣ таанзна абхинибпаад̣̇ид̇ам̣ ниссаг̇г̇ияа’’нд̇и (баараа. 539) иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣. яад̇асса жийваражзд̇аабаннам̣ аабхад̇анд̇и яад̇о рааж̇ад̇о ваа рааж̇абхог̇г̇ад̇о ваа асса бхигкуно жийваражзд̇аабаннам̣ аанийд̇ам̣, ‘‘яад̇вассаа’’д̇иби баато, аяамзва ад̇т̇о. д̇ад̇т̇аад̇и д̇асса ран̃н̃о ваа рааж̇абхог̇г̇асса ваа санд̇игам̣, самийбад̇т̇з хи ид̣̇ам̣ бхуммаважанам̣. на д̇ам̣ д̇асса бхигкуно гин̃жи ад̇т̇ам̣ анубход̇ийд̇и д̇ам̣ жзд̇аабаннам̣ д̇асса бхигкуно аббамад̇д̇агамби гаммам̣ на нибпаад̣̇зд̇и. яун̃ж̇анд̇ааяасманд̇о саганд̇и ааяасманд̇о ад̇д̇ано санд̇агам̣ д̇ханам̣ баабун̣анд̇у. маа во сагам̣ винассаад̇и д̇умхаагам̣ санд̇агам̣ маа винассад̇у. аяам̣ д̇ад̇т̇а саамийжийд̇и аяам̣ д̇ад̇т̇а ануд̇хаммад̇аа логуд̇д̇арад̇хаммам̣ ануг̇ад̇аа, вад̇д̇ад̇хаммад̇аад̇и ад̇т̇о, д̇асмаа звам̣ агаронд̇о вад̇д̇абхзд̣̇з д̣̇уггадам̣ аабаж̇ж̇ад̇и.

    Tatoce uttarīti vuttacodanāṭhānaparimāṇato uttari. Nissaggiyanti uttari vāyāmamānassa sabbappayogesu dukkaṭaṃ, paṭilābhena nissaggiyaṃ hoti. Ettha ca ‘‘idaṃ me, bhante, cīvaraṃ atirekatikkhattuṃ codanāya atirekachakkhattuṃ ṭhānena abhinipphāditaṃ nissaggiya’’nti (pārā. 539) iminā nayena nissajjanavidhānaṃ veditabbaṃ. Yatassa cīvaracetāpannaṃ ābhatanti yato rājato vā rājabhoggato vā assa bhikkhuno cīvaracetāpannaṃ ānītaṃ, ‘‘yatvassā’’tipi pāṭho, ayameva attho. Tatthāti tassa rañño vā rājabhoggassa vā santikaṃ, samīpatthe hi idaṃ bhummavacanaṃ. Na taṃ tassa bhikkhuno kiñci atthaṃ anubhotīti taṃ cetāpannaṃ tassa bhikkhuno appamattakampi kammaṃ na nipphādeti. Yuñjantāyasmanto sakanti āyasmanto attano santakaṃ dhanaṃ pāpuṇantu. Mā vo sakaṃvinassāti tumhākaṃ santakaṃ mā vinassatu. Ayaṃ tattha sāmīcīti ayaṃ tattha anudhammatā lokuttaradhammaṃ anugatā, vattadhammatāti attho, tasmā evaṃ akaronto vattabhede dukkaṭaṃ āpajjati.

    саавад̇т̇ияам̣ убананд̣̇ам̣ аараб̣бха ‘‘аж̇ж̇ун̣хо, бханд̇з, ааг̇амзхий’’д̇и (баараа. 537) вужжамаано нааг̇амзси, д̇асмим̣ вад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, уунагзсу жод̣̇анаатаанзсу ад̇ирзгасан̃н̃ино взмад̇игасса ваа д̣̇уггадам̣. ажод̣̇анааяа лад̣̇д̇хз, саамигзхи жод̣̇зд̇ваа д̣̇иннз, уммад̇д̇агаад̣̇ийнан̃жа анаабад̇д̇и. габбияагаарагасса бхигкуно нид̣̇д̣̇идтабхааво, д̣̇ууд̇зна аббид̇ад̇аа, д̇ад̇уд̇д̇аривааяаамо, д̇зна вааяаамзна бадилаабход̇и имаанзд̇т̇а жад̇д̇аари ан̇г̇аани. самудтаанаад̣̇ийни жад̇уд̇т̇асад̣̇исаанзваад̇и.

    Sāvatthiyaṃ upanandaṃ ārabbha ‘‘ajjuṇho, bhante, āgamehī’’ti (pārā. 537) vuccamāno nāgamesi, tasmiṃ vatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, ūnakesu codanāṭhānesu atirekasaññino vematikassa vā dukkaṭaṃ. Acodanāya laddhe, sāmikehi codetvā dinne, ummattakādīnañca anāpatti. Kappiyakārakassa bhikkhuno niddiṭṭhabhāvo, dūtena appitatā, tatuttarivāyāmo, tena vāyāmena paṭilābhoti imānettha cattāri aṅgāni. Samuṭṭhānādīni catutthasadisānevāti.

    рааж̇асигкаабад̣̇аван̣н̣анаа нидтид̇аа.

    Rājasikkhāpadavaṇṇanā niṭṭhitā.

    жийвараваг̇г̇о батамо.

    Cīvaravaggo paṭhamo.




    Next: 2. зл̣агаломаваг̇г̇о • 2. Eḷakalomavaggo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact