| Library / Tipiṭaka / ਤਿਪਿਟਕ • Tipiṭaka / વਿਨਯਸਙ੍ਗਹ-ਅਟ੍ਠਕਥਾ • Vinayasaṅgaha-aṭṭhakathā |
੯. ਚੀવਰવਿਪ੍ਪવਾਸવਿਨਿਚ੍ਛਯਕਥਾ
9. Cīvaravippavāsavinicchayakathā
੫੧. ਚੀવਰੇਨવਿਨਾવਾਸੋਤਿ ਤਿਚੀવਰਾਧਿਟ੍ਠਾਨੇਨ ਅਧਿਟ੍ਠਿਤਾਨਂ ਤਿਣ੍ਣਂ ਚੀવਰਾਨਂ ਅਞ੍ਞਤਰੇਨ વਿਪ੍ਪવਾਸੋ। ਏવਂ ਅਧਿਟ੍ਠਿਤੇਸੁ ਹਿ ਤੀਸੁ ਚੀવਰੇਸੁ ਏਕੇਨਪਿ વਿਨਾ વਸਿਤੁਂ ਨ વਟ੍ਟਤਿ, વਸਨ੍ਤਸ੍ਸ ਸਹ ਅਰੁਣੁਗ੍ਗਮਨਾ ਚੀવਰਂ ਨਿਸ੍ਸਗ੍ਗਿਯਂ ਹੋਤਿ, ਤਸ੍ਮਾ ਅਰੁਣੁਗ੍ਗਮਨਸਮਯੇ ਚੀવਰਂ ਅਡ੍ਢਤੇਯ੍ਯਰਤਨਪ੍ਪਮਾਣੇ ਹਤ੍ਥਪਾਸੇ ਕਤ੍વਾ વਸਿਤਬ੍ਬਂ। ਗਾਮਨਿવੇਸਨਉਦੋਸਿਤਅਡ੍ਡਮਾਲ਼ਪਾਸਾਦਹਮ੍ਮਿਯਨਾવਾਸਤ੍ਥਖੇਤ੍ਤਧਞ੍ਞਕਰਣਆਰਾਮવਿਹਾਰਰੁਕ੍ਖਮੂਲਅਜ੍ਝੋਕਾਸੇਸੁ ਪਨ ਅਯਂ વਿਸੇਸੋ (ਪਾਰਾ॰ ਅਟ੍ਠ॰ ੨.੪੭੭-੮) – ਸਚੇ ਏਕਸ੍ਸ ਰਞ੍ਞੋ ਗਾਮਭੋਜਕਸ੍ਸ વਾ ਸਨ੍ਤਕੋ ਗਾਮੋ ਹੋਤਿ, ਯੇਨ ਕੇਨਚਿ ਪਾਕਾਰੇਨ વਾ વਤਿਯਾ વਾ ਪਰਿਖਾਯ વਾ ਪਰਿਕ੍ਖਿਤ੍ਤੋ ਚ, ਏવਰੂਪੇ ਗਾਮੇ ਚੀવਰਂ ਨਿਕ੍ਖਿਪਿਤ੍વਾ ਗਾਮਬ੍ਭਨ੍ਤਰੇ ਯਤ੍ਥ ਕਤ੍ਥਚਿ ਯਥਾਰੁਚਿਤਟ੍ਠਾਨੇ ਅਰੁਣਂ ਉਟ੍ਠਾਪੇਤੁਂ વਟ੍ਟਤਿ। ਸਚੇ ਪਨ ਅਪਰਿਕ੍ਖਿਤ੍ਤੋ ਹੋਤਿ, ਏવਰੂਪੇ ਗਾਮੇ ਯਸ੍ਮਿਂ ਘਰੇ ਚੀવਰਂ ਨਿਕ੍ਖਿਤ੍ਤਂ, ਤਸ੍ਮਿਂ વਤ੍ਥਬ੍ਬਂ, ਤਸ੍ਸ વਾ ਘਰਸ੍ਸ ਹਤ੍ਥਪਾਸੇ ਸਮਨ੍ਤਾ ਅਡ੍ਢਤੇਯ੍ਯਰਤਨਬ੍ਭਨ੍ਤਰੇ વਸਿਤਬ੍ਬਂ। ਤਂ ਪਮਾਣਂ ਅਤਿਕ੍ਕਮਿਤ੍વਾ ਸਚੇਪਿ ਇਦ੍ਧਿਮਾ ਭਿਕ੍ਖੁ ਆਕਾਸੇ ਅਰੁਣਂ ਉਟ੍ਠਾਪੇਤਿ, ਚੀવਰਂ ਨਿਸ੍ਸਗ੍ਗਿਯਮੇવ ਹੋਤਿ।
51.Cīvarenavināvāsoti ticīvarādhiṭṭhānena adhiṭṭhitānaṃ tiṇṇaṃ cīvarānaṃ aññatarena vippavāso. Evaṃ adhiṭṭhitesu hi tīsu cīvaresu ekenapi vinā vasituṃ na vaṭṭati, vasantassa saha aruṇuggamanā cīvaraṃ nissaggiyaṃ hoti, tasmā aruṇuggamanasamaye cīvaraṃ aḍḍhateyyaratanappamāṇe hatthapāse katvā vasitabbaṃ. Gāmanivesanaudositaaḍḍamāḷapāsādahammiyanāvāsatthakhettadhaññakaraṇaārāmavihārarukkhamūlaajjhokāsesu pana ayaṃ viseso (pārā. aṭṭha. 2.477-8) – sace ekassa rañño gāmabhojakassa vā santako gāmo hoti, yena kenaci pākārena vā vatiyā vā parikhāya vā parikkhitto ca, evarūpe gāme cīvaraṃ nikkhipitvā gāmabbhantare yattha katthaci yathārucitaṭṭhāne aruṇaṃ uṭṭhāpetuṃ vaṭṭati. Sace pana aparikkhitto hoti, evarūpe gāme yasmiṃ ghare cīvaraṃ nikkhittaṃ, tasmiṃ vatthabbaṃ, tassa vā gharassa hatthapāse samantā aḍḍhateyyaratanabbhantare vasitabbaṃ. Taṃ pamāṇaṃ atikkamitvā sacepi iddhimā bhikkhu ākāse aruṇaṃ uṭṭhāpeti, cīvaraṃ nissaggiyameva hoti.
ਸਚੇ ਨਾਨਾਰਾਜੂਨਂ વਾ ਭੋਜਕਾਨਂ વਾ ਗਾਮੋ ਹੋਤਿ વੇਸਾਲੀਕੁਸਿਨਾਰਾਦਿਸਦਿਸੋ ਪਰਿਕ੍ਖਿਤ੍ਤੋ ਚ, ਏવਰੂਪੇ ਗਾਮੇ ਯਸ੍ਮਿਂ ਘਰੇ ਚੀવਰਂ ਨਿਕ੍ਖਿਤ੍ਤਂ, ਤਤ੍ਥ વਾ વਤ੍ਥਬ੍ਬਂ, ਤਤ੍ਥ ਸਦ੍ਦਸਙ੍ਘਟ੍ਟਨੇਨ વਾ ਜਨਸਮ੍ਬਾਧੇਨ વਾ વਸਿਤੁਂ ਅਸਕ੍ਕੋਨ੍ਤੇਨ ਸਭਾਯੇ વਾ વਤ੍ਥਬ੍ਬਂ ਨਗਰਦ੍વਾਰਮੂਲੇ વਾ। ਤਤ੍ਰਾਪਿ વਸਿਤੁਂ ਅਸਕ੍ਕੋਨ੍ਤੇਨ ਯਤ੍ਥ ਕਤ੍ਥਚਿ ਫਾਸੁਕਟ੍ਠਾਨੇ વਸਿਤ੍વਾ ਅਨ੍ਤੋਅਰੁਣੇ ਆਗਮ੍ਮ ਤੇਸਂਯੇવ ਸਭਾਯਨਗਰਦ੍વਾਰਮੂਲਾਨਂ ਹਤ੍ਥਪਾਸੇ વਸਿਤਬ੍ਬਂ। ਘਰਸ੍ਸ ਪਨ ਚੀવਰਸ੍ਸ વਾ ਹਤ੍ਥਪਾਸੇ વਤ੍ਤਬ੍ਬਮੇવ ਨਤ੍ਥਿ।
Sace nānārājūnaṃ vā bhojakānaṃ vā gāmo hoti vesālīkusinārādisadiso parikkhitto ca, evarūpe gāme yasmiṃ ghare cīvaraṃ nikkhittaṃ, tattha vā vatthabbaṃ, tattha saddasaṅghaṭṭanena vā janasambādhena vā vasituṃ asakkontena sabhāye vā vatthabbaṃ nagaradvāramūle vā. Tatrāpi vasituṃ asakkontena yattha katthaci phāsukaṭṭhāne vasitvā antoaruṇe āgamma tesaṃyeva sabhāyanagaradvāramūlānaṃ hatthapāse vasitabbaṃ. Gharassa pana cīvarassa vā hatthapāse vattabbameva natthi.
ਸਚੇ ਘਰੇ ਅਟ੍ਠਪੇਤ੍વਾ ‘‘ਸਭਾਯੇ ਠਪੇਸ੍ਸਾਮੀ’’ਤਿ ਸਭਾਯਂ ਗਚ੍ਛਨ੍ਤੋ ਹਤ੍ਥਂ ਪਸਾਰੇਤ੍વਾ ‘‘ਹਨ੍ਦਿਮਂ ਚੀવਰਂ ਠਪੇਹੀ’’ਤਿ ਏવਂ ਨਿਕ੍ਖੇਪਸੁਖੇ ਹਤ੍ਥਪਾਸਗਤੇ ਕਿਸ੍ਮਿਞ੍ਚਿ ਆਪਣੇ ਚੀવਰਂ ਨਿਕ੍ਖਿਪਤਿ, ਤੇਨ ਪੁਰਿਮਨਯੇਨੇવ ਸਭਾਯੇ વਾ વਤ੍ਥਬ੍ਬਂ, ਦ੍વਾਰਮੂਲੇ વਾ ਤੇਸਂ ਹਤ੍ਥਪਾਸੇ વਾ વਸਿਤਬ੍ਬਂ।
Sace ghare aṭṭhapetvā ‘‘sabhāye ṭhapessāmī’’ti sabhāyaṃ gacchanto hatthaṃ pasāretvā ‘‘handimaṃ cīvaraṃ ṭhapehī’’ti evaṃ nikkhepasukhe hatthapāsagate kismiñci āpaṇe cīvaraṃ nikkhipati, tena purimanayeneva sabhāye vā vatthabbaṃ, dvāramūle vā tesaṃ hatthapāse vā vasitabbaṃ.
ਸਚੇ ਨਗਰਸ੍ਸ ਬਹੂਨਿਪਿ ਦ੍વਾਰਾਨਿ ਹੋਨ੍ਤਿ ਬਹੂਨਿ ਚ ਸਭਾਯਾਨਿ, ਸਬ੍ਬਤ੍ਥ વਸਿਤੁਂ ਨ વਟ੍ਟਤਿ। ਯਸ੍ਸਾ ਪਨ વੀਥਿਯਾ ਚੀવਰਂ ਠਪਿਤਂ, ਯਂ ਤਸ੍ਸਾ ਸਮ੍ਮੁਖਟ੍ਠਾਨੇ ਸਭਾਯਞ੍ਚ ਦ੍વਾਰਞ੍ਚ, ਤਸ੍ਸ ਸਭਾਯਸ੍ਸ ਚ ਦ੍વਾਰਸ੍ਸ ਚ ਹਤ੍ਥਪਾਸੇ વਸਿਤਬ੍ਬਂ। ਏવਞ੍ਹਿ ਸਤਿ ਸਕ੍ਕਾ ਚੀવਰਸ੍ਸ ਪવਤ੍ਤਿਂ ਜਾਨਿਤੁਂ । ਸਭਾਯਂ ਪਨ ਗਚ੍ਛਨ੍ਤੇਨ ਯਸ੍ਸ ਆਪਣਿਕਸ੍ਸ ਹਤ੍ਥੇ ਨਿਕ੍ਖਿਤ੍ਤਂ, ਸਚੇ ਸੋ ਤਂ ਚੀવਰਂ ਅਤਿਹਰਿਤ੍વਾ ਘਰੇ ਨਿਕ੍ਖਿਪਤਿ, વੀਥਿਹਤ੍ਥਪਾਸੋ ਨ ਰਕ੍ਖਤਿ, ਘਰਸ੍ਸ ਹਤ੍ਥਪਾਸੇ વਤ੍ਥਬ੍ਬਂ। ਸਚੇ ਮਹਨ੍ਤਂ ਘਰਂ ਹੋਤਿ ਦ੍વੇ વੀਥਿਯੋ ਫਰਿਤ੍વਾ ਠਿਤਂ, ਪੁਰਤੋ વਾ ਪਚ੍ਛਤੋ વਾ ਹਤ੍ਥਪਾਸੇਯੇવ ਅਰੁਣਂ ਉਟ੍ਠਾਪੇਤਬ੍ਬਂ। ਸਭਾਯੇ ਨਿਕ੍ਖਿਪਿਤ੍વਾ ਪਨ ਸਭਾਯੇ વਾ ਤਸ੍ਸ ਸਮ੍ਮੁਖੇ ਨਗਰਦ੍વਾਰਮੂਲੇ વਾ ਤੇਸਂਯੇવ ਹਤ੍ਥਪਾਸੇ વਾ ਅਰੁਣਂ ਉਟ੍ਠਾਪੇਤਬ੍ਬਂ। ਸਚੇ ਪਨ ਗਾਮੋ ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ ਘਰੇ ਚੀવਰਂ ਨਿਕ੍ਖਿਤ੍ਤਂ, ਤਸ੍ਮਿਂ ਘਰੇ ਤਸ੍ਸ ਘਰਸ੍ਸ વਾ ਹਤ੍ਥਪਾਸੇ વਤ੍ਥਬ੍ਬਂ।
Sace nagarassa bahūnipi dvārāni honti bahūni ca sabhāyāni, sabbattha vasituṃ na vaṭṭati. Yassā pana vīthiyā cīvaraṃ ṭhapitaṃ, yaṃ tassā sammukhaṭṭhāne sabhāyañca dvārañca, tassa sabhāyassa ca dvārassa ca hatthapāse vasitabbaṃ. Evañhi sati sakkā cīvarassa pavattiṃ jānituṃ . Sabhāyaṃ pana gacchantena yassa āpaṇikassa hatthe nikkhittaṃ, sace so taṃ cīvaraṃ atiharitvā ghare nikkhipati, vīthihatthapāso na rakkhati, gharassa hatthapāse vatthabbaṃ. Sace mahantaṃ gharaṃ hoti dve vīthiyo pharitvā ṭhitaṃ, purato vā pacchato vā hatthapāseyeva aruṇaṃ uṭṭhāpetabbaṃ. Sabhāye nikkhipitvā pana sabhāye vā tassa sammukhe nagaradvāramūle vā tesaṃyeva hatthapāse vā aruṇaṃ uṭṭhāpetabbaṃ. Sace pana gāmo aparikkhitto hoti, yasmiṃ ghare cīvaraṃ nikkhittaṃ, tasmiṃ ghare tassa gharassa vā hatthapāse vatthabbaṃ.
ਸਚੇ (ਪਾਰਾ॰ ੪੮੦) ਏਕਕੁਲਸ੍ਸ ਸਨ੍ਤਕਂ ਨਿવੇਸਨਂ ਹੋਤਿ ਪਰਿਕ੍ਖਿਤ੍ਤਞ੍ਚ ਨਾਨਾਗਬ੍ਭਂ ਨਾਨਾਓવਰਕਂ, ਅਨ੍ਤੋਨਿવੇਸਨੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਨਿવੇਸਨੇ વਤ੍ਥਬ੍ਬਂ। ਸਚੇ ਅਪਰਿਕ੍ਖਿਤ੍ਤਂ, ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ, ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ ਗਬ੍ਭਸ੍ਸ ਹਤ੍ਥਪਾਸੇ વਾ। ਸਚੇ ਨਾਨਾਕੁਲਸ੍ਸ ਨਿવੇਸਨਂ ਹੋਤਿ ਪਰਿਕ੍ਖਿਤ੍ਤਞ੍ਚ ਨਾਨਾਗਬ੍ਭਂ ਨਾਨਾਓવਰਕਂ, ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ, ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ, ਸਬ੍ਬੇਸਂ ਸਾਧਾਰਣੇ ਘਰਦ੍વਾਰਮੂਲੇ વਾ ਗਬ੍ਭਸ੍ਸ વਾ ਘਰਦ੍વਾਰਮੂਲਸ੍ਸ વਾ ਹਤ੍ਥਪਾਸੇ। ਸਚੇ ਅਪਰਿਕ੍ਖਿਤ੍ਤਂ ਹੋਤਿ, ਯਸ੍ਮਿਂ ਗਬ੍ਭੇ ਚੀવਰਂ ਨਿਕ੍ਖਿਤ੍ਤਂ, ਤਸ੍ਮਿਂ ਗਬ੍ਭੇ વਤ੍ਥਬ੍ਬਂ ਗਬ੍ਭਸ੍ਸ વਾ ਹਤ੍ਥਪਾਸੇ। ਉਦੋਸਿਤਅਡ੍ਡਮਾਲ਼ਪਾਸਾਦਹਮ੍ਮਿਯੇਸੁਪਿ ਨਿવੇਸਨੇ વੁਤ੍ਤਨਯੇਨੇવ વਿਨਿਚ੍ਛਯੋ વੇਦਿਤਬ੍ਬੋ।
Sace (pārā. 480) ekakulassa santakaṃ nivesanaṃ hoti parikkhittañca nānāgabbhaṃ nānāovarakaṃ, antonivesane cīvaraṃ nikkhipitvā antonivesane vatthabbaṃ. Sace aparikkhittaṃ, yasmiṃ gabbhe cīvaraṃ nikkhittaṃ hoti, tasmiṃ gabbhe vatthabbaṃ gabbhassa hatthapāse vā. Sace nānākulassa nivesanaṃ hoti parikkhittañca nānāgabbhaṃ nānāovarakaṃ, yasmiṃ gabbhe cīvaraṃ nikkhittaṃ hoti, tasmiṃ gabbhe vatthabbaṃ, sabbesaṃ sādhāraṇe gharadvāramūle vā gabbhassa vā gharadvāramūlassa vā hatthapāse. Sace aparikkhittaṃ hoti, yasmiṃ gabbhe cīvaraṃ nikkhittaṃ, tasmiṃ gabbhe vatthabbaṃ gabbhassa vā hatthapāse. Udositaaḍḍamāḷapāsādahammiyesupi nivesane vuttanayeneva vinicchayo veditabbo.
ਸਚੇ ਏਕਕੁਲਸ੍ਸ ਨਾવਾ ਹੋਤਿ, ਅਨ੍ਤੋਨਾવਾਯਂ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਨਾવਾਯਂ વਤ੍ਥਬ੍ਬਂ। ਸਚੇ ਨਾਨਾਕੁਲਸ੍ਸ ਨਾવਾ ਹੋਤਿ ਨਾਨਾਗਬ੍ਭਾ ਨਾਨਾਓવਰਕਾ, ਯਸ੍ਮਿਂ ਓવਰਕੇ ਚੀવਰਂ ਨਿਕ੍ਖਿਤ੍ਤਂ ਹੋਤਿ, ਤਸ੍ਮਿਂ ਓવਰਕੇ વਤ੍ਥਬ੍ਬਂ ਓવਰਕਸ੍ਸ ਹਤ੍ਥਪਾਸੇ વਾ।
Sace ekakulassa nāvā hoti, antonāvāyaṃ cīvaraṃ nikkhipitvā antonāvāyaṃ vatthabbaṃ. Sace nānākulassa nāvā hoti nānāgabbhā nānāovarakā, yasmiṃ ovarake cīvaraṃ nikkhittaṃ hoti, tasmiṃ ovarake vatthabbaṃ ovarakassa hatthapāse vā.
ਸਚੇ ਏਕਕੁਲਸ੍ਸ ਸਤ੍ਥੋ ਹੋਤਿ, ਤਸ੍ਮਿਂ ਸਤ੍ਥੇ ਚੀવਰਂ ਨਿਕ੍ਖਿਪਿਤ੍વਾ ਪੁਰਤੋ વਾ ਪਚ੍ਛਤੋ વਾ ਸਤ੍ਤਬ੍ਭਨ੍ਤਰਾ ਨ વਿਜਹਿਤਬ੍ਬਾ, ਪਸ੍ਸਤੋ ਅਬ੍ਭਨ੍ਤਰਂ ਨ વਿਜਹਿਤਬ੍ਬਂ। ਏਕਂ ਅਬ੍ਭਨ੍ਤਰਂ ਅਟ੍ਠવੀਸਤਿਹਤ੍ਥਂ ਹੋਤਿ। ਸਚੇ ਨਾਨਾਕੁਲਸ੍ਸ ਸਤ੍ਥੋ ਹੋਤਿ, ਸਤ੍ਥੇ ਚੀવਰਂ ਨਿਕ੍ਖਿਪਿਤ੍વਾ ਚੀવਰਸ੍ਸ ਹਤ੍ਥਪਾਸੇ વਸਿਤਬ੍ਬਂ। ਸਚੇ ਸਤ੍ਥੋ ਗਚ੍ਛਨ੍ਤੋ ਗਾਮਂ વਾ ਨਦਿਂ વਾ ਪਰਿਯਾਦਿਯਿਤ੍વਾ ਤਿਟ੍ਠਤਿ, ਅਨ੍ਤੋਪવਿਟ੍ਠੇਨ ਸਦ੍ਧਿਂ ਏਕਾਬਦ੍ਧੋ ਹੁਤ੍વਾ ਓਰਞ੍ਚ ਪਾਰਞ੍ਚ ਫਰਿਤ੍વਾ ਠਿਤੋ ਹੋਤਿ, ਸਤ੍ਥਪਰਿਹਾਰੋ ਲਬ੍ਭਤਿ। ਅਥ ਗਾਮੇ વਾ ਨਦਿਯਾ વਾ ਪਰਿਯਾਪਨ੍ਨੋ ਹੋਤਿ, ਗਾਮਪਰਿਹਾਰੋ ਚੇવ ਨਦੀਪਰਿਹਾਰੋ ਚ ਲਬ੍ਭਤਿ। ਸਚੇ વਿਹਾਰਸੀਮਂ ਅਤਿਕ੍ਕਮਿਤ੍વਾ ਤਿਟ੍ਠਤਿ, ਅਨ੍ਤੋਸੀਮਾਯ ਚ ਚੀવਰਂ ਹੋਤਿ, વਿਹਾਰਂ ਗਨ੍ਤ੍વਾ વਸਿਤਬ੍ਬਂ। ਸਚੇ ਬਹਿਸੀਮਾਯ ਚੀવਰਂ ਹੋਤਿ, ਸਤ੍ਥਸਮੀਪੇਯੇવ વਸਿਤਬ੍ਬਂ। ਸਚੇ ਗਚ੍ਛਨ੍ਤੋ ਸਤ੍ਥੋ ਸਕਟੇ વਾ ਭਗ੍ਗੇ ਗੋਣੇ વਾ ਨਟ੍ਠੇ ਅਨ੍ਤਰਾ ਛਿਜ੍ਜਤਿ, ਯਸ੍ਮਿਂ ਕੋਟ੍ਠਾਸੇ ਚੀવਰਂ ਨਿਕ੍ਖਿਤ੍ਤਂ, ਤਤ੍ਥ વਸਿਤਬ੍ਬਂ।
Sace ekakulassa sattho hoti, tasmiṃ satthe cīvaraṃ nikkhipitvā purato vā pacchato vā sattabbhantarā na vijahitabbā, passato abbhantaraṃ na vijahitabbaṃ. Ekaṃ abbhantaraṃ aṭṭhavīsatihatthaṃ hoti. Sace nānākulassa sattho hoti, satthe cīvaraṃ nikkhipitvā cīvarassa hatthapāse vasitabbaṃ. Sace sattho gacchanto gāmaṃ vā nadiṃ vā pariyādiyitvā tiṭṭhati, antopaviṭṭhena saddhiṃ ekābaddho hutvā orañca pārañca pharitvā ṭhito hoti, satthaparihāro labbhati. Atha gāme vā nadiyā vā pariyāpanno hoti, gāmaparihāro ceva nadīparihāro ca labbhati. Sace vihārasīmaṃ atikkamitvā tiṭṭhati, antosīmāya ca cīvaraṃ hoti, vihāraṃ gantvā vasitabbaṃ. Sace bahisīmāya cīvaraṃ hoti, satthasamīpeyeva vasitabbaṃ. Sace gacchanto sattho sakaṭe vā bhagge goṇe vā naṭṭhe antarā chijjati, yasmiṃ koṭṭhāse cīvaraṃ nikkhittaṃ, tattha vasitabbaṃ.
ਸਚੇ ਏਕਕੁਲਸ੍ਸ ਖੇਤ੍ਤਂ ਹੋਤਿ ਪਰਿਕ੍ਖਿਤ੍ਤਞ੍ਚ, ਅਨ੍ਤੋਖੇਤ੍ਤੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਖੇਤ੍ਤੇ વਤ੍ਥਬ੍ਬਂ। ਸਚੇ ਅਪਰਿਕ੍ਖਿਤ੍ਤਂ ਹੋਤਿ, ਚੀવਰਸ੍ਸ ਹਤ੍ਥਪਾਸੇ વਸਿਤਬ੍ਬਂ। ਸਚੇ ਨਾਨਾਕੁਲਸ੍ਸ ਖੇਤ੍ਤਂ ਹੋਤਿ ਪਰਿਕ੍ਖਿਤ੍ਤਞ੍ਚ, ਅਨ੍ਤੋਖੇਤ੍ਤੇ ਚੀવਰਂ ਨਿਕ੍ਖਿਪਿਤ੍વਾ ਦ੍વਾਰਮੂਲੇ વਤ੍ਥਬ੍ਬਂ ਦ੍વਾਰਮੂਲਸ੍ਸ ਹਤ੍ਥਪਾਸੇ વਾ। ਸਚੇ ਅਪਰਿਕ੍ਖਿਤ੍ਤਂ ਹੋਤਿ, ਚੀવਰਸ੍ਸ ਹਤ੍ਥਪਾਸੇ વਸਿਤਬ੍ਬਂ।
Sace ekakulassa khettaṃ hoti parikkhittañca, antokhette cīvaraṃ nikkhipitvā antokhette vatthabbaṃ. Sace aparikkhittaṃ hoti, cīvarassa hatthapāse vasitabbaṃ. Sace nānākulassa khettaṃ hoti parikkhittañca, antokhette cīvaraṃ nikkhipitvā dvāramūle vatthabbaṃ dvāramūlassa hatthapāse vā. Sace aparikkhittaṃ hoti, cīvarassa hatthapāse vasitabbaṃ.
ਸਚੇ ਏਕਕੁਲਸ੍ਸ ਧਞ੍ਞਕਰਣਂ ਹੋਤਿ ਪਰਿਕ੍ਖਿਤ੍ਤਞ੍ਚ, ਅਨ੍ਤੋਧਞ੍ਞਕਰਣੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਧਞ੍ਞਕਰਣੇ વਤ੍ਥਬ੍ਬਂ। ਸਚੇ ਅਪਰਿਕ੍ਖਿਤ੍ਤਂ ਹੋਤਿ, ਚੀવਰਸ੍ਸ ਹਤ੍ਥਪਾਸੇ વਸਿਤਬ੍ਬਂ। ਸਚੇ ਨਾਨਾਕੁਲਸ੍ਸ ਧਞ੍ਞਕਰਣਂ ਹੋਤਿ ਪਰਿਕ੍ਖਿਤ੍ਤਞ੍ਚ, ਅਨ੍ਤੋਧਞ੍ਞਕਰਣੇ ਚੀવਰਂ ਨਿਕ੍ਖਿਪਿਤ੍વਾ ਦ੍વਾਰਮੂਲੇ વਾ વਤ੍ਥਬ੍ਬਂ ਦ੍વਾਰਮੂਲਸ੍ਸ વਾ ਹਤ੍ਥਪਾਸੇ। ਸਚੇ ਅਪਰਿਕ੍ਖਿਤ੍ਤਂ ਹੋਤਿ, ਚੀવਰਸ੍ਸ ਹਤ੍ਥਪਾਸੇ વਸਿਤਬ੍ਬਂ। ਪੁਪ੍ਫਾਰਾਮਫਲਾਰਾਮੇਸੁਪਿ ਖੇਤ੍ਤੇ વੁਤ੍ਤਨਯੇਨੇવ વਿਨਿਚ੍ਛਯੋ વੇਦਿਤਬ੍ਬੋ।
Sace ekakulassa dhaññakaraṇaṃ hoti parikkhittañca, antodhaññakaraṇe cīvaraṃ nikkhipitvā antodhaññakaraṇe vatthabbaṃ. Sace aparikkhittaṃ hoti, cīvarassa hatthapāse vasitabbaṃ. Sace nānākulassa dhaññakaraṇaṃ hoti parikkhittañca, antodhaññakaraṇe cīvaraṃ nikkhipitvā dvāramūle vā vatthabbaṃ dvāramūlassa vā hatthapāse. Sace aparikkhittaṃ hoti, cīvarassa hatthapāse vasitabbaṃ. Pupphārāmaphalārāmesupi khette vuttanayeneva vinicchayo veditabbo.
ਸਚੇ ਏਕਕੁਲਸ੍ਸ વਿਹਾਰੋ ਹੋਤਿ ਪਰਿਕ੍ਖਿਤ੍ਤੋ ਚ, ਅਨ੍ਤੋવਿਹਾਰੇ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋવਿਹਾਰੇ વਤ੍ਥਬ੍ਬਂ। ਸਚੇ ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ વਿਹਾਰੇ ਚੀવਰਂ ਨਿਕ੍ਖਿਤ੍ਤਂ, ਤਸ੍ਮਿਂ વਤ੍ਥਬ੍ਬਂ ਤਸ੍ਸ વਿਹਾਰਸ੍ਸ વਾ ਹਤ੍ਥਪਾਸੇ।
Sace ekakulassa vihāro hoti parikkhitto ca, antovihāre cīvaraṃ nikkhipitvā antovihāre vatthabbaṃ. Sace aparikkhitto hoti, yasmiṃ vihāre cīvaraṃ nikkhittaṃ, tasmiṃ vatthabbaṃ tassa vihārassa vā hatthapāse.
ਸਚੇ ਏਕਕੁਲਸ੍ਸ ਰੁਕ੍ਖਮੂਲਂ ਹੋਤਿ, ਯਂ ਮਜ੍ਝਨ੍ਹਿਕੇ ਕਾਲੇ ਸਮਨ੍ਤਾ ਛਾਯਾ ਫਰਤਿ, ਅਨ੍ਤੋਛਾਯਾਯ ਚੀવਰਂ ਨਿਕ੍ਖਿਪਿਤ੍વਾ ਅਨ੍ਤੋਛਾਯਾਯ વਤ੍ਥਬ੍ਬਂ। વਿਰਲ਼ਸਾਖਸ੍ਸ ਪਨ ਰੁਕ੍ਖਸ੍ਸ ਆਤਪੇਨ ਫੁਟ੍ਠੋਕਾਸੇ ਠਪਿਤਂ ਨਿਸ੍ਸਗ੍ਗਿਯਮੇવ ਹੋਤਿ, ਤਸ੍ਮਾ ਤਾਦਿਸਸ੍ਸ ਰੁਕ੍ਖਸ੍ਸ ਸਾਖਚ੍ਛਾਯਾਯ વਾ ਖਨ੍ਧਚ੍ਛਾਯਾਯ વਾ ਠਪੇਤਬ੍ਬਂ। ਸਚੇ ਸਾਖਾਯ વਾ વਿਟਪੇ વਾ ਠਪੇਤਿ, ਉਪਰਿ ਅਞ੍ਞਸਾਖਚ੍ਛਾਯਾਯ ਫੁਟ੍ਠੋਕਾਸੇਯੇવ ਠਪੇਤਬ੍ਬਂ। ਖੁਜ੍ਜਰੁਕ੍ਖਸ੍ਸ ਛਾਯਾ ਦੂਰਂ ਗਚ੍ਛਤਿ, ਛਾਯਾਯ ਗਤਟ੍ਠਾਨੇ ਠਪੇਤੁਂ વਟ੍ਟਤਿਯੇવ। ਸਚੇ ਨਾਨਾਕੁਲਸ੍ਸ ਰੁਕ੍ਖਮੂਲਂ ਹੋਤਿ, ਚੀવਰਸ੍ਸ ਹਤ੍ਥਪਾਸੇ વਸਿਤਬ੍ਬਂ।
Sace ekakulassa rukkhamūlaṃ hoti, yaṃ majjhanhike kāle samantā chāyā pharati, antochāyāya cīvaraṃ nikkhipitvā antochāyāya vatthabbaṃ. Viraḷasākhassa pana rukkhassa ātapena phuṭṭhokāse ṭhapitaṃ nissaggiyameva hoti, tasmā tādisassa rukkhassa sākhacchāyāya vā khandhacchāyāya vā ṭhapetabbaṃ. Sace sākhāya vā viṭape vā ṭhapeti, upari aññasākhacchāyāya phuṭṭhokāseyeva ṭhapetabbaṃ. Khujjarukkhassa chāyā dūraṃ gacchati, chāyāya gataṭṭhāne ṭhapetuṃ vaṭṭatiyeva. Sace nānākulassa rukkhamūlaṃ hoti, cīvarassa hatthapāse vasitabbaṃ.
ਅਜ੍ਝੋਕਾਸੇ ਪਨ ਅਗਾਮਕੇ ਅਰਞ੍ਞੇ ਚੀવਰਂ ਠਪੇਤ੍વਾ ਤਸ੍ਸ ਸਮਨ੍ਤਾ ਸਤ੍ਤਬ੍ਭਨ੍ਤਰੇ વਸਿਤਬ੍ਬਂ। ਅਗਾਮਕਂ ਨਾਮ ਅਰਞ੍ਞਂ વਿਞ੍ਝਾਟવੀਆਦੀਸੁ વਾ ਸਮੁਦ੍ਦਮਜ੍ਝੇ વਾ ਮਚ੍ਛਬਨ੍ਧਾਨਂ ਅਗਮਨਪਥੇ ਦੀਪਕੇਸੁ ਲਬ੍ਭਤਿ। ਤਾਦਿਸੇ ਅਰਞ੍ਞੇ ਮਜ੍ਝੇ ਠਿਤਸ੍ਸ ਸਮਨ੍ਤਾ ਸਤ੍ਤਬ੍ਭਨ੍ਤਰਪਰਿਚ੍ਛੇਦੋ, વਿਨਿਬ੍ਬੇਧੇਨ ਚੁਦ੍ਦਸ ਹੋਨ੍ਤਿ। ਮਜ੍ਝੇ ਨਿਸਿਨ੍ਨੋ ਪੁਰਤ੍ਥਿਮਾਯ વਾ ਪਚ੍ਛਿਮਾਯ વਾ ਦਿਸਾਯ ਪਰਿਯਨ੍ਤੇ ਠਪਿਤਚੀવਰਂ ਰਕ੍ਖਤਿ। ਸਚੇ ਪਨ ਅਰੁਣੁਗ੍ਗਮਨਸਮਯੇ ਕੇਸਗ੍ਗਮਤ੍ਤਮ੍ਪਿ ਪੁਰਤ੍ਥਿਮਂ ਦਿਸਂ ਗਚ੍ਛਤਿ, ਪਚ੍ਛਿਮਾਯ ਦਿਸਾਯ ਚੀવਰਂ ਨਿਸ੍ਸਗ੍ਗਿਯਂ ਹੋਤਿ। ਏਸ ਨਯੋ ਇਤਰਸ੍ਮਿਂ। ਨਿਸ੍ਸਗ੍ਗਿਯਂ ਪਨ ਚੀવਰਂ ਅਨਿਸ੍ਸਜ੍ਜਿਤ੍વਾ ਪਰਿਭੁਞ੍ਜਨ੍ਤੋ ਦੁਕ੍ਕਟਂ ਆਪਜ੍ਜਤਿ।
Ajjhokāse pana agāmake araññe cīvaraṃ ṭhapetvā tassa samantā sattabbhantare vasitabbaṃ. Agāmakaṃ nāma araññaṃ viñjhāṭavīādīsu vā samuddamajjhe vā macchabandhānaṃ agamanapathe dīpakesu labbhati. Tādise araññe majjhe ṭhitassa samantā sattabbhantaraparicchedo, vinibbedhena cuddasa honti. Majjhe nisinno puratthimāya vā pacchimāya vā disāya pariyante ṭhapitacīvaraṃ rakkhati. Sace pana aruṇuggamanasamaye kesaggamattampi puratthimaṃ disaṃ gacchati, pacchimāya disāya cīvaraṃ nissaggiyaṃ hoti. Esa nayo itarasmiṃ. Nissaggiyaṃ pana cīvaraṃ anissajjitvā paribhuñjanto dukkaṭaṃ āpajjati.
੫੨. ਸਚੇ ਪਧਾਨਿਕੋ ਭਿਕ੍ਖੁ ਸਬ੍ਬਰਤ੍ਤਿਂ ਪਧਾਨਮਨੁਯੁਞ੍ਜਿਤ੍વਾ ਪਚ੍ਚੂਸਸਮਯੇ ‘‘ਨਹਾਯਿਸ੍ਸਾਮੀ’’ਤਿ ਤੀਣਿ ਚੀવਰਾਨਿ ਤੀਰੇ ਠਪੇਤ੍વਾ ਨਦਿਂ ਓਤਰਤਿ, ਨਹਾਯਨ੍ਤਸ੍ਸੇવ ਚਸ੍ਸ ਅਰੁਣਂ ਉਟ੍ਠਹਤਿ, ਕਿਂ ਕਾਤਬ੍ਬਂ? ਸੋ ਹਿ ਯਦਿ ਉਤ੍ਤਰਿਤ੍વਾ ਚੀવਰਂ ਨਿવਾਸੇਤਿ, ਨਿਸ੍ਸਗ੍ਗਿਯਂ ਚੀવਰਂ, ਅਨਿਸ੍ਸਜ੍ਜਿਤ੍વਾ ਪਰਿਭੁਞ੍ਜਨਪਚ੍ਚਯਾ ਦੁਕ੍ਕਟਂ ਆਪਜ੍ਜਤਿ। ਅਥ ਨਗ੍ਗੋ ਗਚ੍ਛਤਿ, ਏવਮ੍ਪਿ ਦੁਕ੍ਕਟਂ ਆਪਜ੍ਜਤੀਤਿ? ਨਾਪਜ੍ਜਤਿ। ਸੋ ਹਿ ਯਾવ ਅਞ੍ਞਂ ਭਿਕ੍ਖੁਂ ਦਿਸ੍વਾ વਿਨਯਕਮ੍ਮਂ ਨ ਕਰੋਤਿ, ਤਾવ ਤੇਸਂ ਚੀવਰਾਨਂ ਅਪਰਿਭੋਗਾਰਹਤ੍ਤਾ ਨਟ੍ਠਚੀવਰਟ੍ਠਾਨੇ ਠਿਤੋ ਹੋਤਿ, ਨਟ੍ਠਚੀવਰਸ੍ਸ ਚ ਅਕਪ੍ਪਿਯਂ ਨਾਮ ਨਤ੍ਥਿ, ਤਸ੍ਮਾ ਏਕਂ ਨਿવਾਸੇਤ੍વਾ ਦ੍વੇ ਹਤ੍ਥੇਨ ਗਹੇਤ੍વਾ વਿਹਾਰਂ ਗਨ੍ਤ੍વਾ વਿਨਯਕਮ੍ਮਂ ਕਾਤਬ੍ਬਂ। ਸਚੇ ਦੂਰੇ વਿਹਾਰੋ ਹੋਤਿ, ਅਨ੍ਤਰਾਮਗ੍ਗੇ ਮਨੁਸ੍ਸਾ ਸਞ੍ਚਰਨ੍ਤਿ, ਏਕਂ ਨਿવਾਸੇਤ੍વਾ ਏਕਂ ਪਾਰੁਪਿਤ੍વਾ ਏਕਂ ਅਂਸਕੂਟੇ ਠਪੇਤ੍વਾ ਗਨ੍ਤਬ੍ਬਂ। ਸਚੇ વਿਹਾਰੇ ਸਭਾਗਂ ਭਿਕ੍ਖੁਂ ਨ ਪਸ੍ਸਤਿ, ਭਿਕ੍ਖਾਚਾਰਂ ਗਤਾ ਹੋਨ੍ਤਿ, ਸਙ੍ਘਾਟਿਂ ਬਹਿਗਾਮੇ ਠਪੇਤ੍વਾ ਸਨ੍ਤਰੁਤ੍ਤਰੇਨ ਆਸਨਸਾਲਂ ਗਨ੍ਤ੍વਾ વਿਨਯਕਮ੍ਮਂ ਕਾਤਬ੍ਬਂ। ਸਚੇ ਬਹਿਗਾਮੇ ਚੋਰਭਯਂ ਹੋਤਿ, ਪਾਰੁਪਿਤ੍વਾ ਗਨ੍ਤਬ੍ਬਂ। ਸਚੇ ਆਸਨਸਾਲਾ ਸਮ੍ਬਾਧਾ ਹੋਤਿ, ਜਨਾਕਿਣ੍ਣਾ ਨ ਸਕ੍ਕਾ ਏਕਮਨ੍ਤੇ ਚੀવਰਂ ਅਪਨੇਤ੍વਾ વਿਨਯਕਮ੍ਮਂ ਕਾਤੁਂ, ਏਕਂ ਭਿਕ੍ਖੁਂ ਆਦਾਯ ਬਹਿਗਾਮਂ ਗਨ੍ਤ੍વਾ વਿਨਯਕਮ੍ਮਂ ਕਤ੍વਾ ਚੀવਰਾਨਿ ਪਰਿਭੁਞ੍ਜਿਤਬ੍ਬਾਨਿ।
52. Sace padhāniko bhikkhu sabbarattiṃ padhānamanuyuñjitvā paccūsasamaye ‘‘nahāyissāmī’’ti tīṇi cīvarāni tīre ṭhapetvā nadiṃ otarati, nahāyantasseva cassa aruṇaṃ uṭṭhahati, kiṃ kātabbaṃ? So hi yadi uttaritvā cīvaraṃ nivāseti, nissaggiyaṃ cīvaraṃ, anissajjitvā paribhuñjanapaccayā dukkaṭaṃ āpajjati. Atha naggo gacchati, evampi dukkaṭaṃ āpajjatīti? Nāpajjati. So hi yāva aññaṃ bhikkhuṃ disvā vinayakammaṃ na karoti, tāva tesaṃ cīvarānaṃ aparibhogārahattā naṭṭhacīvaraṭṭhāne ṭhito hoti, naṭṭhacīvarassa ca akappiyaṃ nāma natthi, tasmā ekaṃ nivāsetvā dve hatthena gahetvā vihāraṃ gantvā vinayakammaṃ kātabbaṃ. Sace dūre vihāro hoti, antarāmagge manussā sañcaranti, ekaṃ nivāsetvā ekaṃ pārupitvā ekaṃ aṃsakūṭe ṭhapetvā gantabbaṃ. Sace vihāre sabhāgaṃ bhikkhuṃ na passati, bhikkhācāraṃ gatā honti, saṅghāṭiṃ bahigāme ṭhapetvā santaruttarena āsanasālaṃ gantvā vinayakammaṃ kātabbaṃ. Sace bahigāme corabhayaṃ hoti, pārupitvā gantabbaṃ. Sace āsanasālā sambādhā hoti, janākiṇṇā na sakkā ekamante cīvaraṃ apanetvā vinayakammaṃ kātuṃ, ekaṃ bhikkhuṃ ādāya bahigāmaṃ gantvā vinayakammaṃ katvā cīvarāni paribhuñjitabbāni.
ਸਚੇ ਥੇਰਾ ਭਿਕ੍ਖੂ ਦਹਰਾਨਂ ਹਤ੍ਥੇ ਪਤ੍ਤਚੀવਰਂ ਦਤ੍વਾ ਮਗ੍ਗਂ ਗਚ੍ਛਨ੍ਤਾ ਪਚ੍ਛਿਮਯਾਮੇ ਸਯਿਤੁਕਾਮਾ ਹੋਨ੍ਤਿ, ਅਤ੍ਤਨੋ ਅਤ੍ਤਨੋ ਚੀવਰਂ ਹਤ੍ਥਪਾਸੇ ਕਤ੍વਾવ ਸਯਿਤਬ੍ਬਂ। ਸਚੇ ਗਚ੍ਛਨ੍ਤਾਨਂਯੇવ ਅਸਮ੍ਪਤ੍ਤੇਸੁ ਦਹਰੇਸੁ ਅਰੁਣਂ ਉਗ੍ਗਚ੍ਛਤਿ, ਚੀવਰਂ ਨਿਸ੍ਸਗ੍ਗਿਯਂ ਹੋਤਿ, ਨਿਸ੍ਸਯੋ ਪਨ ਨ ਪਟਿਪ੍ਪਸ੍ਸਮ੍ਭਤਿ। ਦਹਰਾਨਮ੍ਪਿ ਪੁਰਤੋ ਗਚ੍ਛਨ੍ਤਾਨਂ ਥੇਰੇਸੁ ਅਸਮ੍ਪਤ੍ਤੇਸੁ ਏਸੇવ ਨਯੋ। ਮਗ੍ਗਂ વਿਰਜ੍ਝਿਤ੍વਾ ਅਰਞ੍ਞੇ ਅਞ੍ਞਮਞ੍ਞਂ ਅਪਸ੍ਸਨ੍ਤੇਸੁਪਿ ਏਸੇવ ਨਯੋ। ਸਚੇ ਪਨ ਦਹਰਾ ‘‘ਮਯਂ, ਭਨ੍ਤੇ, ਮੁਹੁਤ੍ਤਂ ਸਯਿਤ੍વਾ ਅਸੁਕਸ੍ਮਿਂ ਨਾਮ ਓਕਾਸੇ ਤੁਮ੍ਹੇ ਸਮ੍ਪਾਪੁਣਿਸ੍ਸਾਮਾ’’ਤਿ વਤ੍વਾ ਯਾવ ਅਰੁਣੁਗ੍ਗਮਨਾ ਸਯਨ੍ਤਿ, ਚੀવਰਞ੍ਚ ਨਿਸ੍ਸਗ੍ਗਿਯਂ ਹੋਤਿ, ਨਿਸ੍ਸਯੋ ਚ ਪਟਿਪ੍ਪਸ੍ਸਮ੍ਭਤਿ। ਦਹਰੇ ਉਯ੍ਯੋਜੇਤ੍વਾ ਥੇਰੇਸੁ ਸਯਨ੍ਤੇਸੁਪਿ ਏਸੇવ ਨਯੋ। ਦ੍વੇਧਾਪਥਂ ਦਿਸ੍વਾ ਥੇਰਾ ‘‘ਅਯਂ ਮਗ੍ਗੋ’’ , ਦਹਰਾ ‘‘ਅਯਂ ਮਗ੍ਗੋ’’ਤਿ વਤ੍વਾ ਅਞ੍ਞਮਞ੍ਞਸ੍ਸ વਚਨਂ ਅਗ੍ਗਹੇਤ੍વਾ ਗਤਾ, ਸਹ ਅਰੁਣਸ੍ਸ ਉਗ੍ਗਮਨਾ ਚੀવਰਾਨਿ ਚ ਨਿਸ੍ਸਗ੍ਗਿਯਾਨਿ ਹੋਨ੍ਤਿ, ਨਿਸ੍ਸਯੋ ਚ ਪਟਿਪ੍ਪਸ੍ਸਮ੍ਭਤਿ। ਸਚੇ ਦਹਰਾ ਮਗ੍ਗਤੋ ਓਕ੍ਕਮ੍ਮ ‘‘ਅਨ੍ਤੋਅਰੁਣੇਯੇવ ਨਿવਤ੍ਤਿਸ੍ਸਾਮਾ’’ਤਿ ਭੇਸਜ੍ਜਤ੍ਥਾਯ ਗਾਮਂ ਪવਿਸਿਤ੍વਾ ਆਗਚ੍ਛਨ੍ਤਿ, ਅਸਮ੍ਪਤ੍ਤਾਨਂਯੇવ ਚ ਨੇਸਂ ਅਰੁਣੋ ਉਗ੍ਗਚ੍ਛਤਿ, ਚੀવਰਾਨਿ ਨਿਸ੍ਸਗ੍ਗਿਯਾਨਿ ਹੋਨ੍ਤਿ, ਨਿਸ੍ਸਯੋ ਪਨ ਨ ਪਟਿਪ੍ਪਸ੍ਸਮ੍ਭਤਿ। ਸਚੇ ਪਨ ਧੇਨੁਭਯੇਨ વਾ ਸੁਨਖਭਯੇਨ વਾ ਮੁਹੁਤ੍ਤਂ ਠਤ੍વਾ ‘‘ਗਮਿਸ੍ਸਾਮਾ’’ਤਿ ਠਤ੍વਾ વਾ ਨਿਸੀਦਿਤ੍વਾ વਾ ਗਚ੍ਛਨ੍ਤਿ, ਅਨ੍ਤਰਾ ਅਰੁਣੇ ਉਗ੍ਗਤੇ ਚੀવਰਾਨਿ ਚ ਨਿਸ੍ਸਗ੍ਗਿਯਾਨਿ ਹੋਨ੍ਤਿ, ਨਿਸ੍ਸਯੋ ਚ ਪਟਿਪ੍ਪਸ੍ਸਮ੍ਭਤਿ।
Sace therā bhikkhū daharānaṃ hatthe pattacīvaraṃ datvā maggaṃ gacchantā pacchimayāme sayitukāmā honti, attano attano cīvaraṃ hatthapāse katvāva sayitabbaṃ. Sace gacchantānaṃyeva asampattesu daharesu aruṇaṃ uggacchati, cīvaraṃ nissaggiyaṃ hoti, nissayo pana na paṭippassambhati. Daharānampi purato gacchantānaṃ theresu asampattesu eseva nayo. Maggaṃ virajjhitvā araññe aññamaññaṃ apassantesupi eseva nayo. Sace pana daharā ‘‘mayaṃ, bhante, muhuttaṃ sayitvā asukasmiṃ nāma okāse tumhe sampāpuṇissāmā’’ti vatvā yāva aruṇuggamanā sayanti, cīvarañca nissaggiyaṃ hoti, nissayo ca paṭippassambhati. Dahare uyyojetvā theresu sayantesupi eseva nayo. Dvedhāpathaṃ disvā therā ‘‘ayaṃ maggo’’ , daharā ‘‘ayaṃ maggo’’ti vatvā aññamaññassa vacanaṃ aggahetvā gatā, saha aruṇassa uggamanā cīvarāni ca nissaggiyāni honti, nissayo ca paṭippassambhati. Sace daharā maggato okkamma ‘‘antoaruṇeyeva nivattissāmā’’ti bhesajjatthāya gāmaṃ pavisitvā āgacchanti, asampattānaṃyeva ca nesaṃ aruṇo uggacchati, cīvarāni nissaggiyāni honti, nissayo pana na paṭippassambhati. Sace pana dhenubhayena vā sunakhabhayena vā muhuttaṃ ṭhatvā ‘‘gamissāmā’’ti ṭhatvā vā nisīditvā vā gacchanti, antarā aruṇe uggate cīvarāni ca nissaggiyāni honti, nissayo ca paṭippassambhati.
ਸਚੇ ‘‘ਅਨ੍ਤੋਅਰੁਣੇਯੇવ ਆਗਮਿਸ੍ਸਾਮਾ’’ਤਿ ਅਨ੍ਤੋਸੀਮਾਯਂ ਗਾਮਂ ਪવਿਟ੍ਠਾਨਂ ਅਨ੍ਤਰਾ ਅਰੁਣੋ ਉਗ੍ਗਚ੍ਛਤਿ, ਨੇવ ਚੀવਰਾਨਿ ਨਿਸ੍ਸਗ੍ਗਿਯਾਨਿ ਹੋਨ੍ਤਿ, ਨ ਨਿਸ੍ਸਯੋ ਪਟਿਪ੍ਪਸ੍ਸਮ੍ਭਤਿ। ਸਚੇ ਪਨ ‘‘વਿਭਾਯਤੁ ਤਾવਾ’’ਤਿ ਨਿਸੀਦਨ੍ਤਿ, ਅਰੁਣੇ ਉਗ੍ਗਤੇ ਨ ਚੀવਰਾਨਿ ਨਿਸ੍ਸਗ੍ਗਿਯਾਨਿ ਹੋਨ੍ਤਿ, ਨਿਸ੍ਸਯੋ ਪਨ ਪਟਿਪ੍ਪਸ੍ਸਮ੍ਭਤਿ। ਸਚੇ ਯੇਪਿ ‘‘ਅਨ੍ਤੋਅਰੁਣੇਯੇવ ਆਗਮਿਸ੍ਸਾਮਾ’’ਤਿ ਸਾਮਨ੍ਤવਿਹਾਰਂ ਧਮ੍ਮਸ੍ਸવਨਤ੍ਥਾਯ ਸਉਸ੍ਸਾਹਾ ਗਚ੍ਛਨ੍ਤਿ, ਅਨ੍ਤਰਾਮਗ੍ਗੇਯੇવ ਚ ਨੇਸਂ ਅਰੁਣੋ ਉਗ੍ਗਚ੍ਛਤਿ, ਚੀવਰਾਨਿ ਨਿਸ੍ਸਗ੍ਗਿਯਾਨਿ ਹੋਨ੍ਤਿ, ਨਿਸ੍ਸਯੋ ਪਨ ਨ ਪਟਿਪ੍ਪਸ੍ਸਮ੍ਭਤਿ। ਸਚੇ ਧਮ੍ਮਗਾਰવੇਨ ‘‘ਯਾવਪਰਿਯੋਸਾਨਂ ਸੁਤ੍વਾવ ਗਮਿਸ੍ਸਾਮਾ’’ਤਿ ਨਿਸੀਦਨ੍ਤਿ, ਸਹ ਅਰੁਣਸ੍ਸ ਉਗ੍ਗਮਨਾ ਚੀવਰਾਨਿਪਿ ਨਿਸ੍ਸਗ੍ਗਿਯਾਨਿ ਹੋਨ੍ਤਿ, ਨਿਸ੍ਸਯੋ ਚ ਪਟਿਪ੍ਪਸ੍ਸਮ੍ਭਤਿ। ਥੇਰੇਨ ਦਹਰਂ ਚੀવਰਧੋવਨਤ੍ਥਾਯ ਗਾਮਕਂ ਪੇਸੇਨ੍ਤੇਨ ਅਤ੍ਤਨੋ ਚੀવਰਂ ਪਚ੍ਚੁਦ੍ਧਰਿਤ੍વਾવ ਦਾਤਬ੍ਬਂ, ਦਹਰਸ੍ਸਪਿ ਚੀવਰਂ ਪਚ੍ਚੁਦ੍ਧਰਾਪੇਤ੍વਾવ ਠਪੇਤਬ੍ਬਂ। ਸਚੇ ਅਸਤਿਯਾ ਗਚ੍ਛਤਿ, ਅਤ੍ਤਨੋ ਚੀવਰਂ ਪਚ੍ਚੁਦ੍ਧਰਿਤ੍વਾ ਦਹਰਸ੍ਸ ਚੀવਰਂ વਿਸ੍ਸਾਸੇਨ ਗਹੇਤ੍વਾ ਠਪੇਤਬ੍ਬਂ। ਸਚੇ ਥੇਰੋ ਨ ਸਰਤਿ, ਦਹਰੋવ ਸਰਤਿ, ਦਹਰੇਨ ਅਤ੍ਤਨੋ ਚੀવਰਂ ਪਚ੍ਚੁਦ੍ਧਰਿਤ੍વਾ ਥੇਰਸ੍ਸ ਚੀવਰਂ વਿਸ੍ਸਾਸੇਨ ਗਹੇਤ੍વਾ ਗਨ੍ਤ੍વਾ વਤ੍ਤਬ੍ਬਂ ‘‘ਭਨ੍ਤੇ, ਤੁਮ੍ਹਾਕਂ ਚੀવਰਂ ਅਧਿਟ੍ਠਹਿਤ੍વਾ ਪਰਿਭੁਞ੍ਜਥਾ’’ਤਿ। ਅਤ੍ਤਨੋਪਿ ਚੀવਰਂ ਅਧਿਟ੍ਠਾਤਬ੍ਬਂ। ਏવਂ ਏਕਸ੍ਸ ਸਤਿਯਾਪਿ ਆਪਤ੍ਤਿਮੋਕ੍ਖੋ ਹੋਤਿ।
Sace ‘‘antoaruṇeyeva āgamissāmā’’ti antosīmāyaṃ gāmaṃ paviṭṭhānaṃ antarā aruṇo uggacchati, neva cīvarāni nissaggiyāni honti, na nissayo paṭippassambhati. Sace pana ‘‘vibhāyatu tāvā’’ti nisīdanti, aruṇe uggate na cīvarāni nissaggiyāni honti, nissayo pana paṭippassambhati. Sace yepi ‘‘antoaruṇeyeva āgamissāmā’’ti sāmantavihāraṃ dhammassavanatthāya saussāhā gacchanti, antarāmaggeyeva ca nesaṃ aruṇo uggacchati, cīvarāni nissaggiyāni honti, nissayo pana na paṭippassambhati. Sace dhammagāravena ‘‘yāvapariyosānaṃ sutvāva gamissāmā’’ti nisīdanti, saha aruṇassa uggamanā cīvarānipi nissaggiyāni honti, nissayo ca paṭippassambhati. Therena daharaṃ cīvaradhovanatthāya gāmakaṃ pesentena attano cīvaraṃ paccuddharitvāva dātabbaṃ, daharassapi cīvaraṃ paccuddharāpetvāva ṭhapetabbaṃ. Sace asatiyā gacchati, attano cīvaraṃ paccuddharitvā daharassa cīvaraṃ vissāsena gahetvā ṭhapetabbaṃ. Sace thero na sarati, daharova sarati, daharena attano cīvaraṃ paccuddharitvā therassa cīvaraṃ vissāsena gahetvā gantvā vattabbaṃ ‘‘bhante, tumhākaṃ cīvaraṃ adhiṭṭhahitvā paribhuñjathā’’ti. Attanopi cīvaraṃ adhiṭṭhātabbaṃ. Evaṃ ekassa satiyāpi āpattimokkho hoti.
ਇਤਿ ਪਾਲ਼ਿਮੁਤ੍ਤਕવਿਨਯવਿਨਿਚ੍ਛਯਸਙ੍ਗਹੇ
Iti pāḷimuttakavinayavinicchayasaṅgahe
ਚੀવਰવਿਪ੍ਪવਾਸવਿਨਿਚ੍ਛਯਕਥਾ ਸਮਤ੍ਤਾ।
Cīvaravippavāsavinicchayakathā samattā.
