| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
10. சோத³கசுதி³தகபடிஸங்யுத்தகதா²
10. Codakacuditakapaṭisaṃyuttakathā
401. அஜ்ஜ²த்தந்தி எத்த² அத்தஸத்³த³ஸ்ஸ சித்தவாசகபா⁴வஞ்ச ஸத்தமீவிப⁴த்தியாபி அமாதே³ஸபா⁴வஞ்ச த³ஸ்ஸெந்தோ ஆஹ ‘‘அத்தனோ சித்தே’’தி. உப்பாதெ³த்வாதி இமினா ‘‘மனஸிகரித்வா’’தி பத³ஸ்ஸ அதி⁴ப்பாயத்த²ங் த³ஸ்ஸேதி. காருஞ்ஞதாதி எத்த² த்³வீஸு ண்யபச்சயதாபச்சயேஸு ஏகஸ்ஸேவ பா⁴வவாசகத்தா ஏகோ ஸ்வத்தோ²தி த³ஸ்ஸெந்தோ ஆஹ ‘‘கருணபா⁴வோ’’தி. தத்த² கருணஸ்ஸ புக்³க³லஸ்ஸ பா⁴வோ காருஞ்ஞங், ததே³வ காருஞ்ஞதா. அத² வா கருணோ ஏவ புக்³க³லோ காருஞ்ஞங், தஸ்ஸ பா⁴வோ காருஞ்ஞதாதி வசனத்தோ² காதப்³போ³. இமினாதி ‘‘காருஞ்ஞதா’’தி பதே³ன. கருணஞ்சாதி அப்பனாபத்தங் கருணஞ்ச. கருணாபுப்³ப³பா⁴க³ஞ்சாதி அப்பனாபத்தாய கருணாய புப்³ப³பா⁴கே³ பரிகம்மூபசாரவஸேன பவத்தங் காமாவசரகருணஞ்ச. த்³வீஹிபீதி ‘‘ஹிதேஸிதா, அனுகம்பிதா’’தி த்³வீஹிபி பதே³ஹி. மெத்தஞ்சாதி அப்பனாபத்தமெத்தஞ்ச. மெத்தாபுப்³ப³பா⁴க³ஞ்சாதி அப்பனாபத்தாய மெத்தாய புப்³ப³பா⁴கே³ பரிகம்மூபசாரவஸேன பவத்தங் காமாவசரமெத்தஞ்ச. ஸுத்³த⁴ந்தேதி ஸுத்³தே⁴ கொட்டா²ஸே. படிஞ்ஞங் ஆரோபெத்வாதி சுதி³தகங் படிஞ்ஞங் ஆரோபெத்வா. யே ஏதேதி ‘‘காருஞ்ஞதா’’திஆதி³னா நயேன யே ஏதே பஞ்ச த⁴ம்மா வுத்தாதி யோஜனா. இமினா இமே பஞ்ச த⁴ம்மேதி எத்த² இமஸத்³த³ஸ்ஸ அனியமனித்³தே³ஸபா⁴வங் த³ஸ்ஸேதி.
401.Ajjhattanti ettha attasaddassa cittavācakabhāvañca sattamīvibhattiyāpi amādesabhāvañca dassento āha ‘‘attano citte’’ti. Uppādetvāti iminā ‘‘manasikaritvā’’ti padassa adhippāyatthaṃ dasseti. Kāruññatāti ettha dvīsu ṇyapaccayatāpaccayesu ekasseva bhāvavācakattā eko svatthoti dassento āha ‘‘karuṇabhāvo’’ti. Tattha karuṇassa puggalassa bhāvo kāruññaṃ, tadeva kāruññatā. Atha vā karuṇo eva puggalo kāruññaṃ, tassa bhāvo kāruññatāti vacanattho kātabbo. Imināti ‘‘kāruññatā’’ti padena. Karuṇañcāti appanāpattaṃ karuṇañca. Karuṇāpubbabhāgañcāti appanāpattāya karuṇāya pubbabhāge parikammūpacāravasena pavattaṃ kāmāvacarakaruṇañca. Dvīhipīti ‘‘hitesitā, anukampitā’’ti dvīhipi padehi. Mettañcāti appanāpattamettañca. Mettāpubbabhāgañcāti appanāpattāya mettāya pubbabhāge parikammūpacāravasena pavattaṃ kāmāvacaramettañca. Suddhanteti suddhe koṭṭhāse. Paṭiññaṃ āropetvāti cuditakaṃ paṭiññaṃ āropetvā. Ye eteti ‘‘kāruññatā’’tiādinā nayena ye ete pañca dhammā vuttāti yojanā. Iminā ime pañca dhammeti ettha imasaddassa aniyamaniddesabhāvaṃ dasseti.
ஸச்சே ச அகுப்பே சாதி எத்த² ஸச்சஸத்³த³ஸ்ஸ விரதிஸச்சபரமத்த²ஸச்சானி படிக்கி²பந்தோ ஆஹ ‘‘வசீஸச்சே சா’’தி. ‘‘அகுப்பனதாயா’’தி இமினா நகுபஸ்ஸ பா⁴வோ அகுப்பந்தி கத்வா ண்யபச்சயஸ்ஸ பா⁴வத்த²ங் த³ஸ்ஸேதி. ஹீதி ஸச்சங், வித்தா²ரோ வா. ந பரோ க⁴ட்டேதப்³போ³தி ந பரோ குஜ்ஜா²பேதப்³போ³. ஸப்³ப³த்தா²தி ஸப்³ப³ஸ்மிங் பாதிமொக்க²ட்ட²பனக்க²ந்த⁴கே.
Sacceca akuppe cāti ettha saccasaddassa viratisaccaparamatthasaccāni paṭikkhipanto āha ‘‘vacīsacce cā’’ti. ‘‘Akuppanatāyā’’ti iminā nakupassa bhāvo akuppanti katvā ṇyapaccayassa bhāvatthaṃ dasseti. Hīti saccaṃ, vitthāro vā. Na paro ghaṭṭetabboti na paro kujjhāpetabbo. Sabbatthāti sabbasmiṃ pātimokkhaṭṭhapanakkhandhake.
இதி பாதிமொக்க²ட்ட²பனக்க²ந்த⁴கவண்ணனாய யோஜனா ஸமத்தா.
Iti pātimokkhaṭṭhapanakkhandhakavaṇṇanāya yojanā samattā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 10. சோத³கசுதி³தகபடிஸங்யுத்தகதா² • 10. Codakacuditakapaṭisaṃyuttakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / சோத³கசுதி³தகபடிஸங்யுத்தகதா² • Codakacuditakapaṭisaṃyuttakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / சோத³கசுதி³தகபடிஸங்யுத்தகதா²வண்ணனா • Codakacuditakapaṭisaṃyuttakathāvaṇṇanā
