| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
10. жод̣̇агажуд̣̇ид̇агабадисам̣яуд̇д̇агат̇аа
10. Codakacuditakapaṭisaṃyuttakathā
401. аж̇жхад̇д̇анд̇и зд̇т̇а ад̇д̇асад̣̇д̣̇асса жид̇д̇аваажагабхааван̃жа сад̇д̇амийвибхад̇д̇ияааби амаад̣̇зсабхааван̃жа д̣̇ассзнд̇о ааха ‘‘ад̇д̇ано жид̇д̇з’’д̇и. уббаад̣̇зд̇ваад̇и иминаа ‘‘манасигарид̇ваа’’д̇и бад̣̇асса ад̇хиббааяад̇т̇ам̣ д̣̇ассзд̇и. гаарун̃н̃ад̇аад̇и зд̇т̇а д̣̇вийсу н̣яабажжаяад̇аабажжаязсу згассзва бхаававаажагад̇д̇аа зго свад̇т̇од̇и д̣̇ассзнд̇о ааха ‘‘гарун̣абхааво’’д̇и. д̇ад̇т̇а гарун̣асса буг̇г̇аласса бхааво гаарун̃н̃ам̣, д̇ад̣̇зва гаарун̃н̃ад̇аа. ат̇а ваа гарун̣о зва буг̇г̇ало гаарун̃н̃ам̣, д̇асса бхааво гаарун̃н̃ад̇аад̇и важанад̇т̇о гаад̇аб̣б̣о. иминаад̇и ‘‘гаарун̃н̃ад̇аа’’д̇и бад̣̇зна. гарун̣ан̃жаад̇и аббанаабад̇д̇ам̣ гарун̣ан̃жа. гарун̣аабуб̣б̣абхааг̇ан̃жаад̇и аббанаабад̇д̇ааяа гарун̣ааяа буб̣б̣абхааг̇з баригаммуубажааравасзна бавад̇д̇ам̣ гаамааважарагарун̣ан̃жа. д̣̇вийхибийд̇и ‘‘хид̇зсид̇аа, анугамбид̇аа’’д̇и д̣̇вийхиби бад̣̇зхи. мзд̇д̇ан̃жаад̇и аббанаабад̇д̇амзд̇д̇ан̃жа. мзд̇д̇аабуб̣б̣абхааг̇ан̃жаад̇и аббанаабад̇д̇ааяа мзд̇д̇ааяа буб̣б̣абхааг̇з баригаммуубажааравасзна бавад̇д̇ам̣ гаамааважарамзд̇д̇ан̃жа. суд̣̇д̇ханд̇зд̇и суд̣̇д̇хз годтаасз. бадин̃н̃ам̣ ааробзд̇ваад̇и жуд̣̇ид̇агам̣ бадин̃н̃ам̣ ааробзд̇ваа. яз зд̇зд̇и ‘‘гаарун̃н̃ад̇аа’’д̇иаад̣̇инаа наязна яз зд̇з бан̃жа д̇хаммаа вуд̇д̇аад̇и яож̇анаа. иминаа имз бан̃жа д̇хаммзд̇и зд̇т̇а имасад̣̇д̣̇асса анияаманид̣̇д̣̇зсабхаавам̣ д̣̇ассзд̇и.
401.Ajjhattanti ettha attasaddassa cittavācakabhāvañca sattamīvibhattiyāpi amādesabhāvañca dassento āha ‘‘attano citte’’ti. Uppādetvāti iminā ‘‘manasikaritvā’’ti padassa adhippāyatthaṃ dasseti. Kāruññatāti ettha dvīsu ṇyapaccayatāpaccayesu ekasseva bhāvavācakattā eko svatthoti dassento āha ‘‘karuṇabhāvo’’ti. Tattha karuṇassa puggalassa bhāvo kāruññaṃ, tadeva kāruññatā. Atha vā karuṇo eva puggalo kāruññaṃ, tassa bhāvo kāruññatāti vacanattho kātabbo. Imināti ‘‘kāruññatā’’ti padena. Karuṇañcāti appanāpattaṃ karuṇañca. Karuṇāpubbabhāgañcāti appanāpattāya karuṇāya pubbabhāge parikammūpacāravasena pavattaṃ kāmāvacarakaruṇañca. Dvīhipīti ‘‘hitesitā, anukampitā’’ti dvīhipi padehi. Mettañcāti appanāpattamettañca. Mettāpubbabhāgañcāti appanāpattāya mettāya pubbabhāge parikammūpacāravasena pavattaṃ kāmāvacaramettañca. Suddhanteti suddhe koṭṭhāse. Paṭiññaṃ āropetvāti cuditakaṃ paṭiññaṃ āropetvā. Ye eteti ‘‘kāruññatā’’tiādinā nayena ye ete pañca dhammā vuttāti yojanā. Iminā ime pañca dhammeti ettha imasaddassa aniyamaniddesabhāvaṃ dasseti.
сажжз жа агуббз жаад̇и зд̇т̇а сажжасад̣̇д̣̇асса вирад̇исажжабарамад̇т̇асажжаани бадигкибанд̇о ааха ‘‘важийсажжз жаа’’д̇и. ‘‘агуббанад̇ааяаа’’д̇и иминаа нагубасса бхааво агуббанд̇и гад̇ваа н̣яабажжаяасса бхаавад̇т̇ам̣ д̣̇ассзд̇и. хийд̇и сажжам̣, вид̇т̇ааро ваа. на баро гхаддзд̇аб̣б̣од̇и на баро гуж̇жхаабзд̇аб̣б̣о. саб̣б̣ад̇т̇аад̇и саб̣б̣асмим̣ баад̇имогкадтабанагканд̇хагз.
Sacceca akuppe cāti ettha saccasaddassa viratisaccaparamatthasaccāni paṭikkhipanto āha ‘‘vacīsacce cā’’ti. ‘‘Akuppanatāyā’’ti iminā nakupassa bhāvo akuppanti katvā ṇyapaccayassa bhāvatthaṃ dasseti. Hīti saccaṃ, vitthāro vā. Na paro ghaṭṭetabboti na paro kujjhāpetabbo. Sabbatthāti sabbasmiṃ pātimokkhaṭṭhapanakkhandhake.
ид̇и баад̇имогкадтабанагканд̇хагаван̣н̣анааяа яож̇анаа самад̇д̇аа.
Iti pātimokkhaṭṭhapanakkhandhakavaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 10. жод̣̇агажуд̣̇ид̇агабадисам̣яуд̇д̇агат̇аа • 10. Codakacuditakapaṭisaṃyuttakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / жод̣̇агажуд̣̇ид̇агабадисам̣яуд̇д̇агат̇аа • Codakacuditakapaṭisaṃyuttakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жод̣̇агажуд̣̇ид̇агабадисам̣яуд̇д̇агат̇ааван̣н̣анаа • Codakacuditakapaṭisaṃyuttakathāvaṇṇanā
