| Library / Tipiṭaka / तिपिटक • Tipiṭaka / चूळवग्ग-अट्ठकथा • Cūḷavagga-aṭṭhakathā |
चोदकचुदितकपटिसंयुत्तकथा
Codakacuditakapaṭisaṃyuttakathā
४०१. अज्झत्तं मनसिकरित्वाति अत्तनो चित्ते उप्पादेत्वा। कारुञ्ञताति करुणाभावो। इमिना करुणञ्च करुणापुब्बभागञ्च दस्सेति। हितेसिताति हितगवेसनता। अनुकम्पिताति तेन हितेन संयोजनता। द्वीहिपि मेत्तञ्च मेत्तापुब्बभागञ्च दस्सेति। आपत्तिवुट्ठानताति आपत्तितो वुट्ठापेत्वा सुद्धन्ते पतिट्ठापना। वत्थुं चोदेत्वा सारेत्वा पटिञ्ञं आरोपेत्वा यथापटिञ्ञाय कम्मकरणं विनयपुरेक्खारता नाम। इमे पञ्च धम्मेति ये एते कारुञ्ञतातिआदिना नयेन वुत्ता, इमे पञ्च धम्मे अज्झत्तं मनसि करित्वा परो चोदेतब्बोति।
401.Ajjhattaṃ manasikaritvāti attano citte uppādetvā. Kāruññatāti karuṇābhāvo. Iminā karuṇañca karuṇāpubbabhāgañca dasseti. Hitesitāti hitagavesanatā. Anukampitāti tena hitena saṃyojanatā. Dvīhipi mettañca mettāpubbabhāgañca dasseti. Āpattivuṭṭhānatāti āpattito vuṭṭhāpetvā suddhante patiṭṭhāpanā. Vatthuṃ codetvā sāretvā paṭiññaṃ āropetvā yathāpaṭiññāya kammakaraṇaṃ vinayapurekkhāratā nāma. Ime pañca dhammeti ye ete kāruññatātiādinā nayena vuttā, ime pañca dhamme ajjhattaṃ manasi karitvā paro codetabboti.
सच्चे च अकुप्पे चाति वचीसच्चे च अकुप्पनताय च। चुदितकेन हि सच्चञ्च वत्तब्बं, कोपो च न कातब्बो। नेव अत्तना कुज्झितब्बो, न परो घट्टेतब्बोति अत्थो। सेसं सब्बत्थ उत्तानमेवाति।
Sacce ca akuppe cāti vacīsacce ca akuppanatāya ca. Cuditakena hi saccañca vattabbaṃ, kopo ca na kātabbo. Neva attanā kujjhitabbo, na paro ghaṭṭetabboti attho. Sesaṃ sabbattha uttānamevāti.
चोदकचुदितकपटिसंयुत्तकथा निट्ठिता।
Codakacuditakapaṭisaṃyuttakathā niṭṭhitā.
पातिमोक्खट्ठपनक्खन्धकवण्णना निट्ठिता।
Pātimokkhaṭṭhapanakkhandhakavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / चूळवग्गपाळि • Cūḷavaggapāḷi / १०. चोदकचुदितकपटिसंयुत्तकथा • 10. Codakacuditakapaṭisaṃyuttakathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / चोदकचुदितकपटिसंयुत्तकथावण्णना • Codakacuditakapaṭisaṃyuttakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / अत्तादानअङ्गकथावण्णना • Attādānaaṅgakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / अत्तादानअङ्गकथादिवण्णना • Attādānaaṅgakathādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / १०. चोदकचुदितकपटिसंयुत्तकथा • 10. Codakacuditakapaṭisaṃyuttakathā
