| Library / Tipiṭaka / ติปิฎก • Tipiṭaka / จูฬวคฺค-อฎฺฐกถา • Cūḷavagga-aṭṭhakathā |
โจทกจุทิตกปฎิสํยุตฺตกถา
Codakacuditakapaṭisaṃyuttakathā
๔๐๑. อชฺฌตฺตํ มนสิกริตฺวาติ อตฺตโน จิเตฺต อุปฺปาเทตฺวาฯ การุญฺญตาติ กรุณาภาโวฯ อิมินา กรุณญฺจ กรุณาปุพฺพภาคญฺจ ทเสฺสติฯ หิเตสิตาติ หิตคเวสนตาฯ อนุกมฺปิตาติ เตน หิเตน สํโยชนตาฯ ทฺวีหิปิ เมตฺตญฺจ เมตฺตาปุพฺพภาคญฺจ ทเสฺสติฯ อาปตฺติวุฎฺฐานตาติ อาปตฺติโต วุฎฺฐาเปตฺวา สุทฺธเนฺต ปติฎฺฐาปนาฯ วตฺถุํ โจเทตฺวา สาเรตฺวา ปฎิญฺญํ อาโรเปตฺวา ยถาปฎิญฺญาย กมฺมกรณํ วินยปุเรกฺขารตา นามฯ อิเม ปญฺจ ธเมฺมติ เย เอเต การุญฺญตาติอาทินา นเยน วุตฺตา, อิเม ปญฺจ ธเมฺม อชฺฌตฺตํ มนสิ กริตฺวา ปโร โจเทตโพฺพติฯ
401.Ajjhattaṃ manasikaritvāti attano citte uppādetvā. Kāruññatāti karuṇābhāvo. Iminā karuṇañca karuṇāpubbabhāgañca dasseti. Hitesitāti hitagavesanatā. Anukampitāti tena hitena saṃyojanatā. Dvīhipi mettañca mettāpubbabhāgañca dasseti. Āpattivuṭṭhānatāti āpattito vuṭṭhāpetvā suddhante patiṭṭhāpanā. Vatthuṃ codetvā sāretvā paṭiññaṃ āropetvā yathāpaṭiññāya kammakaraṇaṃ vinayapurekkhāratā nāma. Ime pañca dhammeti ye ete kāruññatātiādinā nayena vuttā, ime pañca dhamme ajjhattaṃ manasi karitvā paro codetabboti.
สเจฺจ จ อกุเปฺป จาติ วจีสเจฺจ จ อกุปฺปนตาย จฯ จุทิตเกน หิ สจฺจญฺจ วตฺตพฺพํ, โกโป จ น กาตโพฺพฯ เนว อตฺตนา กุชฺฌิตโพฺพ, น ปโร ฆเฎฺฎตโพฺพติ อโตฺถฯ เสสํ สพฺพตฺถ อุตฺตานเมวาติฯ
Sacce ca akuppe cāti vacīsacce ca akuppanatāya ca. Cuditakena hi saccañca vattabbaṃ, kopo ca na kātabbo. Neva attanā kujjhitabbo, na paro ghaṭṭetabboti attho. Sesaṃ sabbattha uttānamevāti.
โจทกจุทิตกปฎิสํยุตฺตกถา นิฎฺฐิตาฯ
Codakacuditakapaṭisaṃyuttakathā niṭṭhitā.
ปาติโมกฺขฎฺฐปนกฺขนฺธกวณฺณนา นิฎฺฐิตาฯ
Pātimokkhaṭṭhapanakkhandhakavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / ๑๐. โจทกจุทิตกปฎิสํยุตฺตกถา • 10. Codakacuditakapaṭisaṃyuttakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / โจทกจุทิตกปฎิสํยุตฺตกถาวณฺณนา • Codakacuditakapaṭisaṃyuttakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / อตฺตาทานองฺคกถาวณฺณนา • Attādānaaṅgakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / อตฺตาทานองฺคกถาทิวณฺณนา • Attādānaaṅgakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๐. โจทกจุทิตกปฎิสํยุตฺตกถา • 10. Codakacuditakapaṭisaṃyuttakathā
