| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
චොදකචුදිතකපටිසංයුත්‌තකථා
Codakacuditakapaṭisaṃyuttakathā
401. අජ්‌ඣත්‌තං මනසිකරිත්‌වාති අත්‌තනො චිත්‌තෙ උප්‌පාදෙත්‌වා. කාරුඤ්‌ඤතාති කරුණාභාවො. ඉමිනා කරුණඤ්‌ච කරුණාපුබ්‌බභාගඤ්‌ච දස්‌සෙති. හිතෙසිතාති හිතගවෙසනතා. අනුකම්‌පිතාති තෙන හිතෙන සංයොජනතා. ද්‌වීහිපි මෙත්‌තඤ්‌ච මෙත්‌තාපුබ්‌බභාගඤ්‌ච දස්‌සෙති. ආපත්‌තිවුට්‌ඨානතාති ආපත්‌තිතො වුට්‌ඨාපෙත්‌වා සුද්‌ධන්‌තෙ පතිට්‌ඨාපනා. වත්‌ථුං චොදෙත්‌වා සාරෙත්‌වා පටිඤ්‌ඤං ආරොපෙත්‌වා යථාපටිඤ්‌ඤාය කම්‌මකරණං විනයපුරෙක්‌ඛාරතා නාම. ඉමෙ පඤ්‌ච ධම්‌මෙති යෙ එතෙ කාරුඤ්‌ඤතාතිආදිනා නයෙන වුත්‌තා, ඉමෙ පඤ්‌ච ධම්‌මෙ අජ්‌ඣත්‌තං මනසි කරිත්‌වා පරො චොදෙතබ්‌බොති.
401.Ajjhattaṃ manasikaritvāti attano citte uppādetvā. Kāruññatāti karuṇābhāvo. Iminā karuṇañca karuṇāpubbabhāgañca dasseti. Hitesitāti hitagavesanatā. Anukampitāti tena hitena saṃyojanatā. Dvīhipi mettañca mettāpubbabhāgañca dasseti. Āpattivuṭṭhānatāti āpattito vuṭṭhāpetvā suddhante patiṭṭhāpanā. Vatthuṃ codetvā sāretvā paṭiññaṃ āropetvā yathāpaṭiññāya kammakaraṇaṃ vinayapurekkhāratā nāma. Ime pañca dhammeti ye ete kāruññatātiādinā nayena vuttā, ime pañca dhamme ajjhattaṃ manasi karitvā paro codetabboti.
සච්‌චෙ ච අකුප්‌පෙ චාති වචීසච්‌චෙ ච අකුප්‌පනතාය ච. චුදිතකෙන හි සච්‌චඤ්‌ච වත්‌තබ්‌බං, කොපො ච න කාතබ්‌බො. නෙව අත්‌තනා කුජ්‌ඣිතබ්‌බො, න පරො ඝට්‌ටෙතබ්‌බොති අත්‌ථො. සෙසං සබ්‌බත්‌ථ උත්‌තානමෙවාති.
Sacce ca akuppe cāti vacīsacce ca akuppanatāya ca. Cuditakena hi saccañca vattabbaṃ, kopo ca na kātabbo. Neva attanā kujjhitabbo, na paro ghaṭṭetabboti attho. Sesaṃ sabbattha uttānamevāti.
චොදකචුදිතකපටිසංයුත්‌තකථා නිට්‌ඨිතා.
Codakacuditakapaṭisaṃyuttakathā niṭṭhitā.
පාතිමොක්‌ඛට්‌ඨපනක්‌ඛන්‌ධකවණ්‌ණනා නිට්‌ඨිතා.
Pātimokkhaṭṭhapanakkhandhakavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / 10. චොදකචුදිතකපටිසංයුත්‌තකථා • 10. Codakacuditakapaṭisaṃyuttakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / චොදකචුදිතකපටිසංයුත්‌තකථාවණ්‌ණනා • Codakacuditakapaṭisaṃyuttakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අත්‌තාදානඅඞ්‌ගකථාවණ්‌ණනා • Attādānaaṅgakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අත්‌තාදානඅඞ්‌ගකථාදිවණ්‌ණනා • Attādānaaṅgakathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 10. චොදකචුදිතකපටිසංයුත්‌තකථා • 10. Codakacuditakapaṭisaṃyuttakathā
