| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā |
ཙོདཀཙུདིཏཀཔཊིསཾཡུཏྟཀཐཱ
Codakacuditakapaṭisaṃyuttakathā
༤༠༡. ཨཛ྄ཛྷཏྟཾ མནསིཀརིཏྭཱཏི ཨཏྟནོ ཙིཏྟེ ཨུཔྤཱདེཏྭཱ། ཀཱརུཉྙཏཱཏི ཀརུཎཱབྷཱཝོ། ཨིམིནཱ ཀརུཎཉྩ ཀརུཎཱཔུབྦབྷཱགཉྩ དསྶེཏི། ཧིཏེསིཏཱཏི ཧིཏགཝེསནཏཱ། ཨནུཀམྤིཏཱཏི ཏེན ཧིཏེན སཾཡོཛནཏཱ། དྭཱིཧིཔི མེཏྟཉྩ མེཏྟཱཔུབྦབྷཱགཉྩ དསྶེཏི། ཨཱཔཏྟིཝུཊྛཱནཏཱཏི ཨཱཔཏྟིཏོ ཝུཊྛཱཔེཏྭཱ སུདྡྷནྟེ པཏིཊྛཱཔནཱ། ཝཏྠུཾ ཙོདེཏྭཱ སཱརེཏྭཱ པཊིཉྙཾ ཨཱརོཔེཏྭཱ ཡཐཱཔཊིཉྙཱཡ ཀམྨཀརཎཾ ཝིནཡཔུརེཀྑཱརཏཱ ནཱམ། ཨིམེ པཉྩ དྷམྨེཏི ཡེ ཨེཏེ ཀཱརུཉྙཏཱཏིཨཱདིནཱ ནཡེན ཝུཏྟཱ, ཨིམེ པཉྩ དྷམྨེ ཨཛ྄ཛྷཏྟཾ མནསི ཀརིཏྭཱ པརོ ཙོདེཏབྦོཏི།
401.Ajjhattaṃ manasikaritvāti attano citte uppādetvā. Kāruññatāti karuṇābhāvo. Iminā karuṇañca karuṇāpubbabhāgañca dasseti. Hitesitāti hitagavesanatā. Anukampitāti tena hitena saṃyojanatā. Dvīhipi mettañca mettāpubbabhāgañca dasseti. Āpattivuṭṭhānatāti āpattito vuṭṭhāpetvā suddhante patiṭṭhāpanā. Vatthuṃ codetvā sāretvā paṭiññaṃ āropetvā yathāpaṭiññāya kammakaraṇaṃ vinayapurekkhāratā nāma. Ime pañca dhammeti ye ete kāruññatātiādinā nayena vuttā, ime pañca dhamme ajjhattaṃ manasi karitvā paro codetabboti.
སཙྩེ ཙ ཨཀུཔྤེ ཙཱཏི ཝཙཱིསཙྩེ ཙ ཨཀུཔྤནཏཱཡ ཙ། ཙུདིཏཀེན ཧི སཙྩཉྩ ཝཏྟབྦཾ, ཀོཔོ ཙ ན ཀཱཏབྦོ། ནེཝ ཨཏྟནཱ ཀུཛ྄ཛྷིཏབྦོ, ན པརོ གྷཊྚེཏབྦོཏི ཨཏྠོ། སེསཾ སབྦཏྠ ཨུཏྟཱནམེཝཱཏི།
Sacce ca akuppe cāti vacīsacce ca akuppanatāya ca. Cuditakena hi saccañca vattabbaṃ, kopo ca na kātabbo. Neva attanā kujjhitabbo, na paro ghaṭṭetabboti attho. Sesaṃ sabbattha uttānamevāti.
ཙོདཀཙུདིཏཀཔཊིསཾཡུཏྟཀཐཱ ནིཊྛིཏཱ།
Codakacuditakapaṭisaṃyuttakathā niṭṭhitā.
པཱཏིམོཀྑཊྛཔནཀྑནྡྷཀཝཎྞནཱ ནིཊྛིཏཱ།
Pātimokkhaṭṭhapanakkhandhakavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi / ༡༠. ཙོདཀཙུདིཏཀཔཊིསཾཡུཏྟཀཐཱ • 10. Codakacuditakapaṭisaṃyuttakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཙོདཀཙུདིཏཀཔཊིསཾཡུཏྟཀཐཱཝཎྞནཱ • Codakacuditakapaṭisaṃyuttakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨཏྟཱདཱནཨངྒཀཐཱཝཎྞནཱ • Attādānaaṅgakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨཏྟཱདཱནཨངྒཀཐཱདིཝཎྞནཱ • Attādānaaṅgakathādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༠. ཙོདཀཙུདིཏཀཔཊིསཾཡུཏྟཀཐཱ • 10. Codakacuditakapaṭisaṃyuttakathā
