| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੦. ਚੋਦਕਚੁਦਿਤਕਪਟਿਸਂਯੁਤ੍ਤਕਥਾ
10. Codakacuditakapaṭisaṃyuttakathā
੪੦੧. ਅਜ੍ਝਤ੍ਤਨ੍ਤਿ ਏਤ੍ਥ ਅਤ੍ਤਸਦ੍ਦਸ੍ਸ ਚਿਤ੍ਤવਾਚਕਭਾવਞ੍ਚ ਸਤ੍ਤਮੀવਿਭਤ੍ਤਿਯਾਪਿ ਅਮਾਦੇਸਭਾવਞ੍ਚ ਦਸ੍ਸੇਨ੍ਤੋ ਆਹ ‘‘ਅਤ੍ਤਨੋ ਚਿਤ੍ਤੇ’’ਤਿ। ਉਪ੍ਪਾਦੇਤ੍વਾਤਿ ਇਮਿਨਾ ‘‘ਮਨਸਿਕਰਿਤ੍વਾ’’ਤਿ ਪਦਸ੍ਸ ਅਧਿਪ੍ਪਾਯਤ੍ਥਂ ਦਸ੍ਸੇਤਿ। ਕਾਰੁਞ੍ਞਤਾਤਿ ਏਤ੍ਥ ਦ੍વੀਸੁ ਣ੍ਯਪਚ੍ਚਯਤਾਪਚ੍ਚਯੇਸੁ ਏਕਸ੍ਸੇવ ਭਾવવਾਚਕਤ੍ਤਾ ਏਕੋ ਸ੍વਤ੍ਥੋਤਿ ਦਸ੍ਸੇਨ੍ਤੋ ਆਹ ‘‘ਕਰੁਣਭਾવੋ’’ਤਿ। ਤਤ੍ਥ ਕਰੁਣਸ੍ਸ ਪੁਗ੍ਗਲਸ੍ਸ ਭਾવੋ ਕਾਰੁਞ੍ਞਂ, ਤਦੇવ ਕਾਰੁਞ੍ਞਤਾ। ਅਥ વਾ ਕਰੁਣੋ ਏવ ਪੁਗ੍ਗਲੋ ਕਾਰੁਞ੍ਞਂ, ਤਸ੍ਸ ਭਾવੋ ਕਾਰੁਞ੍ਞਤਾਤਿ વਚਨਤ੍ਥੋ ਕਾਤਬ੍ਬੋ। ਇਮਿਨਾਤਿ ‘‘ਕਾਰੁਞ੍ਞਤਾ’’ਤਿ ਪਦੇਨ। ਕਰੁਣਞ੍ਚਾਤਿ ਅਪ੍ਪਨਾਪਤ੍ਤਂ ਕਰੁਣਞ੍ਚ। ਕਰੁਣਾਪੁਬ੍ਬਭਾਗਞ੍ਚਾਤਿ ਅਪ੍ਪਨਾਪਤ੍ਤਾਯ ਕਰੁਣਾਯ ਪੁਬ੍ਬਭਾਗੇ ਪਰਿਕਮ੍ਮੂਪਚਾਰવਸੇਨ ਪવਤ੍ਤਂ ਕਾਮਾવਚਰਕਰੁਣਞ੍ਚ। ਦ੍વੀਹਿਪੀਤਿ ‘‘ਹਿਤੇਸਿਤਾ, ਅਨੁਕਮ੍ਪਿਤਾ’’ਤਿ ਦ੍વੀਹਿਪਿ ਪਦੇਹਿ। ਮੇਤ੍ਤਞ੍ਚਾਤਿ ਅਪ੍ਪਨਾਪਤ੍ਤਮੇਤ੍ਤਞ੍ਚ। ਮੇਤ੍ਤਾਪੁਬ੍ਬਭਾਗਞ੍ਚਾਤਿ ਅਪ੍ਪਨਾਪਤ੍ਤਾਯ ਮੇਤ੍ਤਾਯ ਪੁਬ੍ਬਭਾਗੇ ਪਰਿਕਮ੍ਮੂਪਚਾਰવਸੇਨ ਪવਤ੍ਤਂ ਕਾਮਾવਚਰਮੇਤ੍ਤਞ੍ਚ। ਸੁਦ੍ਧਨ੍ਤੇਤਿ ਸੁਦ੍ਧੇ ਕੋਟ੍ਠਾਸੇ। ਪਟਿਞ੍ਞਂ ਆਰੋਪੇਤ੍વਾਤਿ ਚੁਦਿਤਕਂ ਪਟਿਞ੍ਞਂ ਆਰੋਪੇਤ੍વਾ। ਯੇ ਏਤੇਤਿ ‘‘ਕਾਰੁਞ੍ਞਤਾ’’ਤਿਆਦਿਨਾ ਨਯੇਨ ਯੇ ਏਤੇ ਪਞ੍ਚ ਧਮ੍ਮਾ વੁਤ੍ਤਾਤਿ ਯੋਜਨਾ। ਇਮਿਨਾ ਇਮੇ ਪਞ੍ਚ ਧਮ੍ਮੇਤਿ ਏਤ੍ਥ ਇਮਸਦ੍ਦਸ੍ਸ ਅਨਿਯਮਨਿਦ੍ਦੇਸਭਾવਂ ਦਸ੍ਸੇਤਿ।
401.Ajjhattanti ettha attasaddassa cittavācakabhāvañca sattamīvibhattiyāpi amādesabhāvañca dassento āha ‘‘attano citte’’ti. Uppādetvāti iminā ‘‘manasikaritvā’’ti padassa adhippāyatthaṃ dasseti. Kāruññatāti ettha dvīsu ṇyapaccayatāpaccayesu ekasseva bhāvavācakattā eko svatthoti dassento āha ‘‘karuṇabhāvo’’ti. Tattha karuṇassa puggalassa bhāvo kāruññaṃ, tadeva kāruññatā. Atha vā karuṇo eva puggalo kāruññaṃ, tassa bhāvo kāruññatāti vacanattho kātabbo. Imināti ‘‘kāruññatā’’ti padena. Karuṇañcāti appanāpattaṃ karuṇañca. Karuṇāpubbabhāgañcāti appanāpattāya karuṇāya pubbabhāge parikammūpacāravasena pavattaṃ kāmāvacarakaruṇañca. Dvīhipīti ‘‘hitesitā, anukampitā’’ti dvīhipi padehi. Mettañcāti appanāpattamettañca. Mettāpubbabhāgañcāti appanāpattāya mettāya pubbabhāge parikammūpacāravasena pavattaṃ kāmāvacaramettañca. Suddhanteti suddhe koṭṭhāse. Paṭiññaṃ āropetvāti cuditakaṃ paṭiññaṃ āropetvā. Ye eteti ‘‘kāruññatā’’tiādinā nayena ye ete pañca dhammā vuttāti yojanā. Iminā ime pañca dhammeti ettha imasaddassa aniyamaniddesabhāvaṃ dasseti.
ਸਚ੍ਚੇ ਚ ਅਕੁਪ੍ਪੇ ਚਾਤਿ ਏਤ੍ਥ ਸਚ੍ਚਸਦ੍ਦਸ੍ਸ વਿਰਤਿਸਚ੍ਚਪਰਮਤ੍ਥਸਚ੍ਚਾਨਿ ਪਟਿਕ੍ਖਿਪਨ੍ਤੋ ਆਹ ‘‘વਚੀਸਚ੍ਚੇ ਚਾ’’ਤਿ। ‘‘ਅਕੁਪ੍ਪਨਤਾਯਾ’’ਤਿ ਇਮਿਨਾ ਨਕੁਪਸ੍ਸ ਭਾવੋ ਅਕੁਪ੍ਪਨ੍ਤਿ ਕਤ੍વਾ ਣ੍ਯਪਚ੍ਚਯਸ੍ਸ ਭਾવਤ੍ਥਂ ਦਸ੍ਸੇਤਿ। ਹੀਤਿ ਸਚ੍ਚਂ, વਿਤ੍ਥਾਰੋ વਾ। ਨ ਪਰੋ ਘਟ੍ਟੇਤਬ੍ਬੋਤਿ ਨ ਪਰੋ ਕੁਜ੍ਝਾਪੇਤਬ੍ਬੋ। ਸਬ੍ਬਤ੍ਥਾਤਿ ਸਬ੍ਬਸ੍ਮਿਂ ਪਾਤਿਮੋਕ੍ਖਟ੍ਠਪਨਕ੍ਖਨ੍ਧਕੇ।
Sacceca akuppe cāti ettha saccasaddassa viratisaccaparamatthasaccāni paṭikkhipanto āha ‘‘vacīsacce cā’’ti. ‘‘Akuppanatāyā’’ti iminā nakupassa bhāvo akuppanti katvā ṇyapaccayassa bhāvatthaṃ dasseti. Hīti saccaṃ, vitthāro vā. Na paro ghaṭṭetabboti na paro kujjhāpetabbo. Sabbatthāti sabbasmiṃ pātimokkhaṭṭhapanakkhandhake.
ਇਤਿ ਪਾਤਿਮੋਕ੍ਖਟ੍ਠਪਨਕ੍ਖਨ੍ਧਕવਣ੍ਣਨਾਯ ਯੋਜਨਾ ਸਮਤ੍ਤਾ।
Iti pātimokkhaṭṭhapanakkhandhakavaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੧੦. ਚੋਦਕਚੁਦਿਤਕਪਟਿਸਂਯੁਤ੍ਤਕਥਾ • 10. Codakacuditakapaṭisaṃyuttakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਚੋਦਕਚੁਦਿਤਕਪਟਿਸਂਯੁਤ੍ਤਕਥਾ • Codakacuditakapaṭisaṃyuttakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚੋਦਕਚੁਦਿਤਕਪਟਿਸਂਯੁਤ੍ਤਕਥਾવਣ੍ਣਨਾ • Codakacuditakapaṭisaṃyuttakathāvaṇṇanā
