| Library / Tipiṭaka / തിപിടക • Tipiṭaka / ചൂളവഗ്ഗ-അട്ഠകഥാ • Cūḷavagga-aṭṭhakathā |
ചോദകചുദിതകപടിസംയുത്തകഥാ
Codakacuditakapaṭisaṃyuttakathā
൪൦൧. അജ്ഝത്തം മനസികരിത്വാതി അത്തനോ ചിത്തേ ഉപ്പാദേത്വാ. കാരുഞ്ഞതാതി കരുണാഭാവോ. ഇമിനാ കരുണഞ്ച കരുണാപുബ്ബഭാഗഞ്ച ദസ്സേതി. ഹിതേസിതാതി ഹിതഗവേസനതാ. അനുകമ്പിതാതി തേന ഹിതേന സംയോജനതാ. ദ്വീഹിപി മേത്തഞ്ച മേത്താപുബ്ബഭാഗഞ്ച ദസ്സേതി. ആപത്തിവുട്ഠാനതാതി ആപത്തിതോ വുട്ഠാപേത്വാ സുദ്ധന്തേ പതിട്ഠാപനാ. വത്ഥും ചോദേത്വാ സാരേത്വാ പടിഞ്ഞം ആരോപേത്വാ യഥാപടിഞ്ഞായ കമ്മകരണം വിനയപുരേക്ഖാരതാ നാമ. ഇമേ പഞ്ച ധമ്മേതി യേ ഏതേ കാരുഞ്ഞതാതിആദിനാ നയേന വുത്താ, ഇമേ പഞ്ച ധമ്മേ അജ്ഝത്തം മനസി കരിത്വാ പരോ ചോദേതബ്ബോതി.
401.Ajjhattaṃ manasikaritvāti attano citte uppādetvā. Kāruññatāti karuṇābhāvo. Iminā karuṇañca karuṇāpubbabhāgañca dasseti. Hitesitāti hitagavesanatā. Anukampitāti tena hitena saṃyojanatā. Dvīhipi mettañca mettāpubbabhāgañca dasseti. Āpattivuṭṭhānatāti āpattito vuṭṭhāpetvā suddhante patiṭṭhāpanā. Vatthuṃ codetvā sāretvā paṭiññaṃ āropetvā yathāpaṭiññāya kammakaraṇaṃ vinayapurekkhāratā nāma. Ime pañca dhammeti ye ete kāruññatātiādinā nayena vuttā, ime pañca dhamme ajjhattaṃ manasi karitvā paro codetabboti.
സച്ചേ ച അകുപ്പേ ചാതി വചീസച്ചേ ച അകുപ്പനതായ ച. ചുദിതകേന ഹി സച്ചഞ്ച വത്തബ്ബം, കോപോ ച ന കാതബ്ബോ. നേവ അത്തനാ കുജ്ഝിതബ്ബോ, ന പരോ ഘട്ടേതബ്ബോതി അത്ഥോ. സേസം സബ്ബത്ഥ ഉത്താനമേവാതി.
Sacce ca akuppe cāti vacīsacce ca akuppanatāya ca. Cuditakena hi saccañca vattabbaṃ, kopo ca na kātabbo. Neva attanā kujjhitabbo, na paro ghaṭṭetabboti attho. Sesaṃ sabbattha uttānamevāti.
ചോദകചുദിതകപടിസംയുത്തകഥാ നിട്ഠിതാ.
Codakacuditakapaṭisaṃyuttakathā niṭṭhitā.
പാതിമോക്ഖട്ഠപനക്ഖന്ധകവണ്ണനാ നിട്ഠിതാ.
Pātimokkhaṭṭhapanakkhandhakavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ചൂളവഗ്ഗപാളി • Cūḷavaggapāḷi / ൧൦. ചോദകചുദിതകപടിസംയുത്തകഥാ • 10. Codakacuditakapaṭisaṃyuttakathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ചോദകചുദിതകപടിസംയുത്തകഥാവണ്ണനാ • Codakacuditakapaṭisaṃyuttakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / അത്താദാനഅങ്ഗകഥാവണ്ണനാ • Attādānaaṅgakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / അത്താദാനഅങ്ഗകഥാദിവണ്ണനാ • Attādānaaṅgakathādivaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧൦. ചോദകചുദിതകപടിസംയുത്തകഥാ • 10. Codakacuditakapaṭisaṃyuttakathā
