| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਚੋਦਕਪੁਚ੍ਛਾવਿਸ੍ਸਜ੍ਜਨਾ
Codakapucchāvissajjanā
੩੬੨-੩. ਸਚ੍ਚੇ ਚ ਅਕੁਪ੍ਪੇ ਚਾਤਿ ਪਧਾਨਂ ਸਮ੍ਬਨ੍ਧਟ੍ਠਾਨਂ ਦਸ੍ਸੇਨ੍ਤੋ ਆਹ ‘‘ਪਤਿਟ੍ਠਾਤਬ੍ਬ’’ਨ੍ਤਿ। ‘‘ਯ’’ਨ੍ਤਿਆਦਿਨਾ ਸਚ੍ਚੇ ਪਤਿਟ੍ਠਾਤਬ੍ਬਭਾવਂ ਦਸ੍ਸੇਤਿ। ਯਨ੍ਤਿ ਕਮ੍ਮਂ। ‘‘ਨ ਚਾ’’ਤਿਆਦਿਨਾ ਅਕੁਪ੍ਪੇ ਪਤਿਟ੍ਠਾਤਬ੍ਬਭਾવਂ ਦਸ੍ਸੇਤਿ। ਓਤਿਣ੍ਣਞ੍ਚਾਤਿ વਿਨਿਚ੍ਛਯਂ ਓਤਿਣ੍ਣਞ੍ਚ। ‘‘વਚਨ’’ਨ੍ਤਿ ਇਮਿਨਾ ਓਤਿਣ੍ਣਾਨੋਤਿਣ੍ਣਸਰੂਪਂ ਦਸ੍ਸੇਤਿ। ਤਤ੍ਰਾਤਿ ਪੁਰਿਮવਚਨਾਪੇਕ੍ਖਂ। ‘‘ਓਤਿਣ੍ਣਾਨੋਤਿਣ੍ਣਂ ਜਾਨਿਤਬ੍ਬ’’ਨ੍ਤਿ વਚਨੇਤਿ ਹਿ ਅਤ੍ਥੋ। ਚੋਦਕਸ੍ਸ ਪਮਾਣਨ੍ਤਿ ‘‘ਧਮ੍ਮੋ’’ਤਿ વਾ ‘‘ਅਧਮ੍ਮੋ’’ਤਿ વਾ ‘‘ਬਾਲੋ’’ਤਿ વਾ ‘‘ਪਣ੍ਡਿਤੋ’’ਤਿ વਾ ਚੋਦਕਸ੍ਸ ਪਮਾਣਂ। ਚੁਦਿਤਕਸ੍ਸ ਪਮਾਣਨ੍ਤਿ ਧਮ੍ਮਚੁਦਿਤਕੋ ਨੁ ਖੋ, ਨੋਤਿ ਚੁਦਿਤਕਸ੍ਸ ਪਮਾਣਂ। ਅਨੁવਿਜ੍ਜਕਸ੍ਸ ਪਮਾਣਨ੍ਤਿ ਸਕ੍ਕਾ ਨੁ ਖੋ વਿਨਿਚ੍ਛਿਤੁਂ, ਨੋਤਿ ਅਨੁવਿਜ੍ਜਕਸ੍ਸ ਪਮਾਣਂ। ਅਨੁવਿਜ੍ਜਕੋ વਤ੍ਤਬ੍ਬੋਤਿ ਸਮ੍ਬਨ੍ਧੋ। ਯੇਨ ਧਮ੍ਮੇਨਾਤਿਆਦੀਸੁ ਧਮ੍ਮਾਦੀਨਂ ਸਰੂਪਂ ਦਸ੍ਸੇਨ੍ਤੋ ਆਹ ‘‘ਧਮ੍ਮੋਤਿ ਭੂਤਂ વਤ੍ਥੂ’’ਤਿਆਦਿ। ਏਤੇਨ ਧਮ੍ਮੇਨ ਚ ਏਤੇਨ વਿਨਯੇਨ ਚ ਏਤੇਨ ਸਤ੍ਥੁਸਾਸਨੇਨ ਚਾਤਿ ਯੋਜਨਾ। ਤਸ੍ਮਾ ਅਨੁવਿਜ੍ਜਕੇਨ વੂਪਸਮੇਤਬ੍ਬਨ੍ਤਿ ਸਮ੍ਬਨ੍ਧੋ। ਏਤ੍ਥਾਤਿ ਅਨੁવਿਜ੍ਜਕਸ੍ਸ ਪਟਿਪਜ੍ਜਿਤਬ੍ਬਟ੍ਠਾਨੇ।
362-3.Sacce ca akuppe cāti padhānaṃ sambandhaṭṭhānaṃ dassento āha ‘‘patiṭṭhātabba’’nti. ‘‘Ya’’ntiādinā sacce patiṭṭhātabbabhāvaṃ dasseti. Yanti kammaṃ. ‘‘Na cā’’tiādinā akuppe patiṭṭhātabbabhāvaṃ dasseti. Otiṇṇañcāti vinicchayaṃ otiṇṇañca. ‘‘Vacana’’nti iminā otiṇṇānotiṇṇasarūpaṃ dasseti. Tatrāti purimavacanāpekkhaṃ. ‘‘Otiṇṇānotiṇṇaṃ jānitabba’’nti vacaneti hi attho. Codakassa pamāṇanti ‘‘dhammo’’ti vā ‘‘adhammo’’ti vā ‘‘bālo’’ti vā ‘‘paṇḍito’’ti vā codakassa pamāṇaṃ. Cuditakassa pamāṇanti dhammacuditako nu kho, noti cuditakassa pamāṇaṃ. Anuvijjakassa pamāṇanti sakkā nu kho vinicchituṃ, noti anuvijjakassa pamāṇaṃ. Anuvijjako vattabboti sambandho. Yena dhammenātiādīsu dhammādīnaṃ sarūpaṃ dassento āha ‘‘dhammoti bhūtaṃ vatthū’’tiādi. Etena dhammena ca etena vinayena ca etena satthusāsanena cāti yojanā. Tasmā anuvijjakena vūpasametabbanti sambandho. Etthāti anuvijjakassa paṭipajjitabbaṭṭhāne.
ਅવਞ੍ਞਨ੍ਤਿ ਅવਜਾਨਨਂ। ਇਮੇਤਿ ਥੇਰਾ। ‘‘ਖਤਤ੍ਤਾ’’ਤਿ ਇਮਿਨਾ ਅਤ੍ਤਨਾવ ਅਤ੍ਤਾ ਖਞ੍ਞਤੀਤਿ ਖਤੋਤਿ વਚਨਤ੍ਥਂ ਦਸ੍ਸੇਤਿ। ਉਪਹਨਿਯਨ੍ਤੀਤਿ ਉਪਹਤਾਨਿ, ਉਪਹਤਾਨਿ ਇਨ੍ਦ੍ਰਿਯਾਨਿ ਅਨੇਨਾਤਿ ਉਪਹਤਿਨ੍ਦ੍ਰਿਯੋ। ‘‘ਪਞ੍ਞਾਯ ਅਭਾવਤੋ’’ਤਿ ਇਮਿਨਾ ਦੁਮ੍ਮੇਧੋਤਿ ਏਤ੍ਥ ਦੁਸਦ੍ਦੋ ਅਭਾવਤ੍ਥੋ, ਮੇਧਾਸਦ੍ਦੋ ਪਞ੍ਞਾਪਰਿਯਾਯੋਤਿ ਦਸ੍ਸੇਤਿ। ਨਤ੍ਥਿ ਮੇਧਾ ਏਤਸ੍ਸਾਤਿ ਦੁਮ੍ਮੇਧੋਤਿ ਨਿਬ੍ਬਚਨਂ ਕਾਤਬ੍ਬਂ। ਖਤੋ…ਪੇ॰… ਦੁਮ੍ਮੇਧੋ ਸੋ ਅਨੁવਿਜ੍ਜਕੋ ਉਪਗਚ੍ਛਤੀਤਿ ਯੋਜਨਾ। ਤਸ੍ਮਾਤਿ ਯਸ੍ਮਾ ਉਪਗਚ੍ਛਤਿ, ਤਸ੍ਮਾ વੁਤ੍ਤਨ੍ਤਿ ਸਮ੍ਬਨ੍ਧੋ। ਤਸ੍ਸਾਤਿ ਪਾਠਸ੍ਸ, ਗਾਥਾਯ વਾ। વਿਤ੍ਥਾਰਂ ਦਸ੍ਸੇਨ੍ਤੋ ਆਹ ‘‘ਚੁਦਿਤਕਚੋਦਕੇਸੁ ਹੀ’’ਤਿਆਦਿ। ਉਭੋਪੇਤੇਤਿ ਉਭੋਪਿ ਏਤੇ ਆਮਿਸਪੁਗ੍ਗਲਨਿਸ੍ਸਯੇ। ਧਮ੍ਮੋਤਿ ਸਾਸਨਧਮ੍ਮੋ। ਇਤੀਤਿ ਅਯਮਤ੍ਥੋ।
Avaññanti avajānanaṃ. Imeti therā. ‘‘Khatattā’’ti iminā attanāva attā khaññatīti khatoti vacanatthaṃ dasseti. Upahaniyantīti upahatāni, upahatāni indriyāni anenāti upahatindriyo. ‘‘Paññāya abhāvato’’ti iminā dummedhoti ettha dusaddo abhāvattho, medhāsaddo paññāpariyāyoti dasseti. Natthi medhā etassāti dummedhoti nibbacanaṃ kātabbaṃ. Khato…pe… dummedho so anuvijjako upagacchatīti yojanā. Tasmāti yasmā upagacchati, tasmā vuttanti sambandho. Tassāti pāṭhassa, gāthāya vā. Vitthāraṃ dassento āha ‘‘cuditakacodakesu hī’’tiādi. Ubhopeteti ubhopi ete āmisapuggalanissaye. Dhammoti sāsanadhammo. Itīti ayamattho.
ਉਪਕਣ੍ਣਕਂ ਜਪ੍ਪਤੀਤਿ ਏਤ੍ਥ ਕਣ੍ਣਸ੍ਸ ਸਮੀਪਂ ਉਪਕਣ੍ਣਂ, ਤਦੇવ ਉਪਕਣ੍ਣਕਨ੍ਤਿ ਦਸ੍ਸੇਨ੍ਤੋ ਆਹ ‘‘ਏવਂ ਕਥੇਹੀ’’ਤਿਆਦਿ। ‘‘ਕਣ੍ਣਮੂਲੇ’’ਤਿ ਇਮਿਨਾ ਉਪਕਣ੍ਣਕਨ੍ਤਿ ਏਤ੍ਥ ਉਪਸਦ੍ਦਸ੍ਸ ਸਮੀਪਤ੍ਥਂ ਦਸ੍ਸੇਤਿ। ਮਨ੍ਤੇਤੀਤਿ ਕਥੇਤਿ। ਇਮਿਨਾ ਜਪ੍ਪਧਾਤੁਯਾ ਕਥਨਤ੍ਥਂ ਦਸ੍ਸੇਤਿ। ਜਿਮ੍ਹਂ ਪੇਕ੍ਖਤੀਤਿ ਏਤ੍ਥ ਜਿਮ੍ਹਸਦ੍ਦੋ ਕੁਟਿਲવਾਚਕੋ, ਕੁਟਿਲਂ ਨਾਮ ਅਤ੍ਥਤੋ ਇਧ ਦੋਸੋਤਿ ਆਹ ‘‘ਦੋਸਮੇવਾ’’ਤਿ।
Upakaṇṇakaṃ jappatīti ettha kaṇṇassa samīpaṃ upakaṇṇaṃ, tadeva upakaṇṇakanti dassento āha ‘‘evaṃ kathehī’’tiādi. ‘‘Kaṇṇamūle’’ti iminā upakaṇṇakanti ettha upasaddassa samīpatthaṃ dasseti. Mantetīti katheti. Iminā jappadhātuyā kathanatthaṃ dasseti. Jimhaṃ pekkhatīti ettha jimhasaddo kuṭilavācako, kuṭilaṃ nāma atthato idha dosoti āha ‘‘dosamevā’’ti.
ਕਥਾਨੁਸਨ੍ਧੀਤਿ ਚੁਦਿਤਕਅਨੁવਿਜ੍ਜਕਾਨਂ ਕਥਾਯ ਅਨੁਸਨ੍ਧਿ। વਿਨਿਚ੍ਛਯਾਨੁਸਨ੍ਧੀਤਿ ਅਨੁવਿਜ੍ਜਕੇਨ ਕਤਸ੍ਸ ਆਪਤ੍ਤਾਨਾਪਤ੍ਤਿવਿਨਿਚ੍ਛਯਸ੍ਸ ਅਨੁਸਨ੍ਧਿ। ਸਬ੍ਬਤ੍ਥਾਤਿ ਚੋਦਨਾਕਣ੍ਡੇ।
Kathānusandhīti cuditakaanuvijjakānaṃ kathāya anusandhi. Vinicchayānusandhīti anuvijjakena katassa āpattānāpattivinicchayassa anusandhi. Sabbatthāti codanākaṇḍe.
ਇਤਿ ਚੋਦਨਾਕਣ੍ਡવਣ੍ਣਨਾਯ ਯੋਜਨਾ ਸਮਤ੍ਤਾ।
Iti codanākaṇḍavaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi
੧. ਅਨੁવਿਜ੍ਜਕਅਨੁਯੋਗੋ • 1. Anuvijjakaanuyogo
੨. ਚੋਦਕਾਦਿਪਟਿਪਤ੍ਤਿ • 2. Codakādipaṭipatti
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਚੋਦਕਪੁਚ੍ਛਾવਿਸ੍ਸਜ੍ਜਨਾવਣ੍ਣਨਾ • Codakapucchāvissajjanāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਨੁવਿਜ੍ਜਕਕਿਚ੍ਚવਣ੍ਣਨਾ • Anuvijjakakiccavaṇṇanā
