| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
жод̣̇агабужчаависсаж̇ж̇анааван̣н̣анаа
Codakapucchāvissajjanāvaṇṇanā
362-363. жод̣̇анааяа го аад̣̇ийд̇иаад̣̇ибужчаанам̣ виссаж̇ж̇анз сажжз жа агуббз жаад̇и сажжз бад̇идтаад̇аб̣б̣ам̣ агуббз жа. яам̣ гад̇ам̣ ваа на гад̇ам̣ ваа, д̇ад̣̇зва вад̇д̇аб̣б̣ам̣, на жа жод̣̇агз ваа анувиж̇ж̇агз ваа сан̇гхз ваа гобо уббаад̣̇зд̇аб̣б̣о. од̇ин̣н̣аанод̇ин̣н̣ам̣ ж̇аанид̇аб̣б̣анд̇и од̇ин̣н̣ан̃жа анод̇ин̣н̣ан̃жа важанам̣ ж̇аанид̇аб̣б̣ам̣. д̇ад̇рааяам̣ ж̇аананавид̇хи – зд̇д̇агаа жод̣̇агасса буб̣б̣агат̇аа, зд̇д̇агаа бажчимагат̇аа, зд̇д̇агаа жуд̣̇ид̇агасса буб̣б̣агат̇аа, зд̇д̇агаа бажчимагат̇аад̇и ж̇аанид̇аб̣б̣аа . жод̣̇агасса бамаан̣ам̣ г̇ан̣хид̇аб̣б̣ам̣, жуд̣̇ид̇агасса бамаан̣ам̣ г̇ан̣хид̇аб̣б̣ам̣, анувиж̇ж̇агасса бамаан̣ам̣ г̇ан̣хид̇аб̣б̣ам̣, анувиж̇ж̇аго аббамад̇д̇агамби ахаабзнд̇о ‘‘аавусо саманнаахарид̇ваа уж̇ум̣ гад̇ваа аахараа’’д̇и вад̇д̇аб̣б̣о, сан̇гхзна звам̣ бадибаж̇ж̇ид̇аб̣б̣ам̣. язна д̇хаммзна язна винаязна язна сад̇т̇усаасанзна д̇ам̣ ад̇хигаран̣ам̣ вуубасаммад̇ийд̇и зд̇т̇а д̇хаммод̇и бхууд̇ам̣ вад̇т̇у. винаяод̇и жод̣̇анаа жзва сааран̣аа жа. сад̇т̇усаасананд̇и н̃ад̇д̇исамбад̣̇аа жзва ануссааванасамбад̣̇аа жа. зд̇зна хи д̇хаммзна жа винаязна жа сад̇т̇усаасанзна жа ад̇хигаран̣ам̣ вуубасамад̇и, д̇асмаа анувиж̇ж̇агзна бхууд̇зна вад̇т̇унаа жод̣̇зд̇ваа аабад̇д̇им̣ саарзд̇ваа н̃ад̇д̇исамбад̣̇ааяа жзва ануссааванасамбад̣̇ааяа жа д̇ам̣ ад̇хигаран̣ам̣ вуубасамзд̇аб̣б̣ам̣, анувиж̇ж̇агзна звам̣ бадибаж̇ж̇ид̇аб̣б̣ам̣. сзсамзд̇т̇а уд̇д̇аанамзва.
362-363.Codanāyako ādītiādipucchānaṃ vissajjane sacce ca akuppe cāti sacce patiṭṭhātabbaṃ akuppe ca. Yaṃ kataṃ vā na kataṃ vā, tadeva vattabbaṃ, na ca codake vā anuvijjake vā saṅghe vā kopo uppādetabbo. Otiṇṇānotiṇṇaṃ jānitabbanti otiṇṇañca anotiṇṇañca vacanaṃ jānitabbaṃ. Tatrāyaṃ jānanavidhi – ettakā codakassa pubbakathā, ettakā pacchimakathā, ettakā cuditakassa pubbakathā, ettakā pacchimakathāti jānitabbā . Codakassa pamāṇaṃ gaṇhitabbaṃ, cuditakassa pamāṇaṃ gaṇhitabbaṃ, anuvijjakassa pamāṇaṃ gaṇhitabbaṃ, anuvijjako appamattakampi ahāpento ‘‘āvuso samannāharitvā ujuṃ katvā āharā’’ti vattabbo, saṅghena evaṃ paṭipajjitabbaṃ. Yena dhammena yena vinayena yena satthusāsanena taṃ adhikaraṇaṃ vūpasammatīti ettha dhammoti bhūtaṃ vatthu. Vinayoti codanā ceva sāraṇā ca. Satthusāsananti ñattisampadā ceva anussāvanasampadā ca. Etena hi dhammena ca vinayena ca satthusāsanena ca adhikaraṇaṃ vūpasamati, tasmā anuvijjakena bhūtena vatthunā codetvā āpattiṃ sāretvā ñattisampadāya ceva anussāvanasampadāya ca taṃ adhikaraṇaṃ vūpasametabbaṃ, anuvijjakena evaṃ paṭipajjitabbaṃ. Sesamettha uttānameva.
364. убосат̇о гимад̇т̇ааяаад̇иаад̣̇ибужчаависсаж̇ж̇анамби уд̇д̇аанамзва. авасаанаг̇аат̇аасу т̇зрз жа барибхаасад̇ийд̇и аваман̃н̃ам̣ гаронд̇о ‘‘гим̣ имз ж̇аананд̇ий’’д̇и барибхаасад̇и. кад̇о убахад̇инд̣̇рияод̇и д̇ааяа чанд̣̇аад̣̇иг̇аамид̇ааяа д̇зна жа барибхаасанзна ад̇д̇анаа ад̇д̇ано кад̇ад̇д̇аа кад̇о. сад̣̇д̇хаад̣̇ийнан̃жа инд̣̇рияаанам̣ убахад̇ад̇д̇аа убахад̇инд̣̇рияо. нираяам̣ г̇ажчад̇и д̣̇уммзд̇хо, на жа сигкааяа г̇ааравод̇и со кад̇о убахад̇инд̣̇рияо бан̃н̃ааяа абхаавад̇о д̣̇уммзд̇хо д̇ийсу сигкаасу асигканад̇о на жа сигкааяа г̇аараво гааяасса бхзд̣̇аа нираяамзва убаг̇ажчад̇и, д̇асмаа на жа аамисам̣ ниссааяа…бз… яат̇аа д̇хаммо д̇ат̇аа гарзд̇и. д̇ассад̇т̇о на жа аамисам̣ ниссааяа гарз, жуд̣̇ид̇агажод̣̇агзсу хи ан̃н̃ад̇арзна д̣̇иннам̣ жийвараад̣̇иаамисам̣ г̇ан̣ханд̇о аамисам̣ ниссааяа гарод̇и, звам̣ на гарзяяа. на жа ниссааяа буг̇г̇аланд̇и ‘‘аяам̣ мз убаж̇жхааяо ваа аажарияо ваа’’д̇иаад̣̇инаа наязна чанд̣̇аад̣̇ийхи г̇ажчанд̇о буг̇г̇алам̣ ниссааяа гарод̇и, звам̣ на гарзяяа. ат̇а ко убхобзд̇з виваж̇ж̇зд̇ваа яат̇аа д̇хаммо тид̇о, д̇ат̇зва гарзяяаад̇и.
364.Uposatho kimatthāyātiādipucchāvissajjanampi uttānameva. Avasānagāthāsu there ca paribhāsatīti avamaññaṃ karonto ‘‘kiṃ ime jānantī’’ti paribhāsati. Khato upahatindriyoti tāya chandādigāmitāya tena ca paribhāsanena attanā attano khatattā khato. Saddhādīnañca indriyānaṃ upahatattā upahatindriyo. Nirayaṃ gacchati dummedho, na ca sikkhāya gāravoti so khato upahatindriyo paññāya abhāvato dummedho tīsu sikkhāsu asikkhanato na ca sikkhāya gāravo kāyassa bhedā nirayameva upagacchati, tasmā na ca āmisaṃ nissāya…pe… yathā dhammo tathā kareti. Tassattho na ca āmisaṃ nissāya kare, cuditakacodakesu hi aññatarena dinnaṃ cīvarādiāmisaṃ gaṇhanto āmisaṃ nissāya karoti, evaṃ na kareyya. Na ca nissāya puggalanti ‘‘ayaṃ me upajjhāyo vā ācariyo vā’’tiādinā nayena chandādīhi gacchanto puggalaṃ nissāya karoti, evaṃ na kareyya. Atha kho ubhopete vivajjetvā yathā dhammo ṭhito, tatheva kareyyāti.
убаган̣н̣агам̣ ж̇аббад̇ийд̇и ‘‘звам̣ гат̇зхи, маа звам̣ гат̇аяид̇т̇аа’’д̇и ган̣н̣амуулз манд̇зд̇и. ж̇имхам̣ бзгкад̇ийд̇и д̣̇осамзва г̇авзсад̇и. вийд̇ихарад̇ийд̇и винижчаяам̣ хаабзд̇и. гуммаг̇г̇ам̣ бадисзвад̇ийд̇и аабад̇д̇им̣ д̣̇ийбзд̇и.
Upakaṇṇakaṃ jappatīti ‘‘evaṃ kathehi, mā evaṃ kathayitthā’’ti kaṇṇamūle manteti. Jimhaṃ pekkhatīti dosameva gavesati. Vītiharatīti vinicchayaṃ hāpeti. Kummaggaṃ paṭisevatīti āpattiṃ dīpeti.
агаалзна жа жод̣̇зд̇ийд̇и аногаасз анаж̇жхидтова жод̣̇зд̇и. буб̣б̣аабарам̣ на ж̇аанаад̇ийд̇и буримагат̇ан̃жа бажчимагат̇ан̃жа на ж̇аанаад̇и.
Akālena ca codetīti anokāse anajjhiṭṭhova codeti. Pubbāparaṃ na jānātīti purimakathañca pacchimakathañca na jānāti.
анусанд̇хиважанабат̇ам̣ на ж̇аанаад̇ийд̇и гат̇аанусанд̇хивинижчаяаанусанд̇хивасзна важанам̣ на ж̇аанаад̇и. сзсам̣ саб̣б̣ад̇т̇а уд̇д̇аанамзваад̇и.
Anusandhivacanapathaṃna jānātīti kathānusandhivinicchayānusandhivasena vacanaṃ na jānāti. Sesaṃ sabbattha uttānamevāti.
жод̣̇анааган̣д̣аван̣н̣анаа нидтид̇аа.
Codanākaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
1. анувиж̇ж̇агаануяог̇о • 1. Anuvijjakaanuyogo
2. жод̣̇агаад̣̇ибадибад̇д̇и • 2. Codakādipaṭipatti
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анувиж̇ж̇агагижжаван̣н̣анаа • Anuvijjakakiccavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анувиж̇ж̇агагижжаван̣н̣анаа • Anuvijjakakiccavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / жод̣̇агабужчаависсаж̇ж̇анаа • Codakapucchāvissajjanā
