| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਚੋਦਕਪੁਚ੍ਛਾવਿਸ੍ਸਜ੍ਜਨਾવਣ੍ਣਨਾ
Codakapucchāvissajjanāvaṇṇanā
੩੬੨-੩੬੩. ਚੋਦਨਾਯ ਕੋ ਆਦੀਤਿਆਦਿਪੁਚ੍ਛਾਨਂ વਿਸ੍ਸਜ੍ਜਨੇ ਸਚ੍ਚੇ ਚ ਅਕੁਪ੍ਪੇ ਚਾਤਿ ਸਚ੍ਚੇ ਪਤਿਟ੍ਠਾਤਬ੍ਬਂ ਅਕੁਪ੍ਪੇ ਚ। ਯਂ ਕਤਂ વਾ ਨ ਕਤਂ વਾ, ਤਦੇવ વਤ੍ਤਬ੍ਬਂ, ਨ ਚ ਚੋਦਕੇ વਾ ਅਨੁવਿਜ੍ਜਕੇ વਾ ਸਙ੍ਘੇ વਾ ਕੋਪੋ ਉਪ੍ਪਾਦੇਤਬ੍ਬੋ। ਓਤਿਣ੍ਣਾਨੋਤਿਣ੍ਣਂ ਜਾਨਿਤਬ੍ਬਨ੍ਤਿ ਓਤਿਣ੍ਣਞ੍ਚ ਅਨੋਤਿਣ੍ਣਞ੍ਚ વਚਨਂ ਜਾਨਿਤਬ੍ਬਂ। ਤਤ੍ਰਾਯਂ ਜਾਨਨવਿਧਿ – ਏਤ੍ਤਕਾ ਚੋਦਕਸ੍ਸ ਪੁਬ੍ਬਕਥਾ, ਏਤ੍ਤਕਾ ਪਚ੍ਛਿਮਕਥਾ, ਏਤ੍ਤਕਾ ਚੁਦਿਤਕਸ੍ਸ ਪੁਬ੍ਬਕਥਾ, ਏਤ੍ਤਕਾ ਪਚ੍ਛਿਮਕਥਾਤਿ ਜਾਨਿਤਬ੍ਬਾ । ਚੋਦਕਸ੍ਸ ਪਮਾਣਂ ਗਣ੍ਹਿਤਬ੍ਬਂ, ਚੁਦਿਤਕਸ੍ਸ ਪਮਾਣਂ ਗਣ੍ਹਿਤਬ੍ਬਂ, ਅਨੁવਿਜ੍ਜਕਸ੍ਸ ਪਮਾਣਂ ਗਣ੍ਹਿਤਬ੍ਬਂ, ਅਨੁવਿਜ੍ਜਕੋ ਅਪ੍ਪਮਤ੍ਤਕਮ੍ਪਿ ਅਹਾਪੇਨ੍ਤੋ ‘‘ਆવੁਸੋ ਸਮਨ੍ਨਾਹਰਿਤ੍વਾ ਉਜੁਂ ਕਤ੍વਾ ਆਹਰਾ’’ਤਿ વਤ੍ਤਬ੍ਬੋ, ਸਙ੍ਘੇਨ ਏવਂ ਪਟਿਪਜ੍ਜਿਤਬ੍ਬਂ। ਯੇਨ ਧਮ੍ਮੇਨ ਯੇਨ વਿਨਯੇਨ ਯੇਨ ਸਤ੍ਥੁਸਾਸਨੇਨ ਤਂ ਅਧਿਕਰਣਂ વੂਪਸਮ੍ਮਤੀਤਿ ਏਤ੍ਥ ਧਮ੍ਮੋਤਿ ਭੂਤਂ વਤ੍ਥੁ। વਿਨਯੋਤਿ ਚੋਦਨਾ ਚੇવ ਸਾਰਣਾ ਚ। ਸਤ੍ਥੁਸਾਸਨਨ੍ਤਿ ਞਤ੍ਤਿਸਮ੍ਪਦਾ ਚੇવ ਅਨੁਸ੍ਸਾવਨਸਮ੍ਪਦਾ ਚ। ਏਤੇਨ ਹਿ ਧਮ੍ਮੇਨ ਚ વਿਨਯੇਨ ਚ ਸਤ੍ਥੁਸਾਸਨੇਨ ਚ ਅਧਿਕਰਣਂ વੂਪਸਮਤਿ, ਤਸ੍ਮਾ ਅਨੁવਿਜ੍ਜਕੇਨ ਭੂਤੇਨ વਤ੍ਥੁਨਾ ਚੋਦੇਤ੍વਾ ਆਪਤ੍ਤਿਂ ਸਾਰੇਤ੍વਾ ਞਤ੍ਤਿਸਮ੍ਪਦਾਯ ਚੇવ ਅਨੁਸ੍ਸਾવਨਸਮ੍ਪਦਾਯ ਚ ਤਂ ਅਧਿਕਰਣਂ વੂਪਸਮੇਤਬ੍ਬਂ, ਅਨੁવਿਜ੍ਜਕੇਨ ਏવਂ ਪਟਿਪਜ੍ਜਿਤਬ੍ਬਂ। ਸੇਸਮੇਤ੍ਥ ਉਤ੍ਤਾਨਮੇવ।
362-363.Codanāyako ādītiādipucchānaṃ vissajjane sacce ca akuppe cāti sacce patiṭṭhātabbaṃ akuppe ca. Yaṃ kataṃ vā na kataṃ vā, tadeva vattabbaṃ, na ca codake vā anuvijjake vā saṅghe vā kopo uppādetabbo. Otiṇṇānotiṇṇaṃ jānitabbanti otiṇṇañca anotiṇṇañca vacanaṃ jānitabbaṃ. Tatrāyaṃ jānanavidhi – ettakā codakassa pubbakathā, ettakā pacchimakathā, ettakā cuditakassa pubbakathā, ettakā pacchimakathāti jānitabbā . Codakassa pamāṇaṃ gaṇhitabbaṃ, cuditakassa pamāṇaṃ gaṇhitabbaṃ, anuvijjakassa pamāṇaṃ gaṇhitabbaṃ, anuvijjako appamattakampi ahāpento ‘‘āvuso samannāharitvā ujuṃ katvā āharā’’ti vattabbo, saṅghena evaṃ paṭipajjitabbaṃ. Yena dhammena yena vinayena yena satthusāsanena taṃ adhikaraṇaṃ vūpasammatīti ettha dhammoti bhūtaṃ vatthu. Vinayoti codanā ceva sāraṇā ca. Satthusāsananti ñattisampadā ceva anussāvanasampadā ca. Etena hi dhammena ca vinayena ca satthusāsanena ca adhikaraṇaṃ vūpasamati, tasmā anuvijjakena bhūtena vatthunā codetvā āpattiṃ sāretvā ñattisampadāya ceva anussāvanasampadāya ca taṃ adhikaraṇaṃ vūpasametabbaṃ, anuvijjakena evaṃ paṭipajjitabbaṃ. Sesamettha uttānameva.
੩੬੪. ਉਪੋਸਥੋ ਕਿਮਤ੍ਥਾਯਾਤਿਆਦਿਪੁਚ੍ਛਾવਿਸ੍ਸਜ੍ਜਨਮ੍ਪਿ ਉਤ੍ਤਾਨਮੇવ। ਅવਸਾਨਗਾਥਾਸੁ ਥੇਰੇ ਚ ਪਰਿਭਾਸਤੀਤਿ ਅવਮਞ੍ਞਂ ਕਰੋਨ੍ਤੋ ‘‘ਕਿਂ ਇਮੇ ਜਾਨਨ੍ਤੀ’’ਤਿ ਪਰਿਭਾਸਤਿ। ਖਤੋ ਉਪਹਤਿਨ੍ਦ੍ਰਿਯੋਤਿ ਤਾਯ ਛਨ੍ਦਾਦਿਗਾਮਿਤਾਯ ਤੇਨ ਚ ਪਰਿਭਾਸਨੇਨ ਅਤ੍ਤਨਾ ਅਤ੍ਤਨੋ ਖਤਤ੍ਤਾ ਖਤੋ। ਸਦ੍ਧਾਦੀਨਞ੍ਚ ਇਨ੍ਦ੍ਰਿਯਾਨਂ ਉਪਹਤਤ੍ਤਾ ਉਪਹਤਿਨ੍ਦ੍ਰਿਯੋ। ਨਿਰਯਂ ਗਚ੍ਛਤਿ ਦੁਮ੍ਮੇਧੋ, ਨ ਚ ਸਿਕ੍ਖਾਯ ਗਾਰવੋਤਿ ਸੋ ਖਤੋ ਉਪਹਤਿਨ੍ਦ੍ਰਿਯੋ ਪਞ੍ਞਾਯ ਅਭਾવਤੋ ਦੁਮ੍ਮੇਧੋ ਤੀਸੁ ਸਿਕ੍ਖਾਸੁ ਅਸਿਕ੍ਖਨਤੋ ਨ ਚ ਸਿਕ੍ਖਾਯ ਗਾਰવੋ ਕਾਯਸ੍ਸ ਭੇਦਾ ਨਿਰਯਮੇવ ਉਪਗਚ੍ਛਤਿ, ਤਸ੍ਮਾ ਨ ਚ ਆਮਿਸਂ ਨਿਸ੍ਸਾਯ…ਪੇ॰… ਯਥਾ ਧਮ੍ਮੋ ਤਥਾ ਕਰੇਤਿ। ਤਸ੍ਸਤ੍ਥੋ ਨ ਚ ਆਮਿਸਂ ਨਿਸ੍ਸਾਯ ਕਰੇ, ਚੁਦਿਤਕਚੋਦਕੇਸੁ ਹਿ ਅਞ੍ਞਤਰੇਨ ਦਿਨ੍ਨਂ ਚੀવਰਾਦਿਆਮਿਸਂ ਗਣ੍ਹਨ੍ਤੋ ਆਮਿਸਂ ਨਿਸ੍ਸਾਯ ਕਰੋਤਿ, ਏવਂ ਨ ਕਰੇਯ੍ਯ। ਨ ਚ ਨਿਸ੍ਸਾਯ ਪੁਗ੍ਗਲਨ੍ਤਿ ‘‘ਅਯਂ ਮੇ ਉਪਜ੍ਝਾਯੋ વਾ ਆਚਰਿਯੋ વਾ’’ਤਿਆਦਿਨਾ ਨਯੇਨ ਛਨ੍ਦਾਦੀਹਿ ਗਚ੍ਛਨ੍ਤੋ ਪੁਗ੍ਗਲਂ ਨਿਸ੍ਸਾਯ ਕਰੋਤਿ, ਏવਂ ਨ ਕਰੇਯ੍ਯ। ਅਥ ਖੋ ਉਭੋਪੇਤੇ વਿવਜ੍ਜੇਤ੍વਾ ਯਥਾ ਧਮ੍ਮੋ ਠਿਤੋ, ਤਥੇવ ਕਰੇਯ੍ਯਾਤਿ।
364.Uposatho kimatthāyātiādipucchāvissajjanampi uttānameva. Avasānagāthāsu there ca paribhāsatīti avamaññaṃ karonto ‘‘kiṃ ime jānantī’’ti paribhāsati. Khato upahatindriyoti tāya chandādigāmitāya tena ca paribhāsanena attanā attano khatattā khato. Saddhādīnañca indriyānaṃ upahatattā upahatindriyo. Nirayaṃ gacchati dummedho, na ca sikkhāya gāravoti so khato upahatindriyo paññāya abhāvato dummedho tīsu sikkhāsu asikkhanato na ca sikkhāya gāravo kāyassa bhedā nirayameva upagacchati, tasmā na ca āmisaṃ nissāya…pe… yathā dhammo tathā kareti. Tassattho na ca āmisaṃ nissāya kare, cuditakacodakesu hi aññatarena dinnaṃ cīvarādiāmisaṃ gaṇhanto āmisaṃ nissāya karoti, evaṃ na kareyya. Na ca nissāya puggalanti ‘‘ayaṃ me upajjhāyo vā ācariyo vā’’tiādinā nayena chandādīhi gacchanto puggalaṃ nissāya karoti, evaṃ na kareyya. Atha kho ubhopete vivajjetvā yathā dhammo ṭhito, tatheva kareyyāti.
ਉਪਕਣ੍ਣਕਂ ਜਪ੍ਪਤੀਤਿ ‘‘ਏવਂ ਕਥੇਹਿ, ਮਾ ਏવਂ ਕਥਯਿਤ੍ਥਾ’’ਤਿ ਕਣ੍ਣਮੂਲੇ ਮਨ੍ਤੇਤਿ। ਜਿਮ੍ਹਂ ਪੇਕ੍ਖਤੀਤਿ ਦੋਸਮੇવ ਗવੇਸਤਿ। વੀਤਿਹਰਤੀਤਿ વਿਨਿਚ੍ਛਯਂ ਹਾਪੇਤਿ। ਕੁਮ੍ਮਗ੍ਗਂ ਪਟਿਸੇવਤੀਤਿ ਆਪਤ੍ਤਿਂ ਦੀਪੇਤਿ।
Upakaṇṇakaṃ jappatīti ‘‘evaṃ kathehi, mā evaṃ kathayitthā’’ti kaṇṇamūle manteti. Jimhaṃ pekkhatīti dosameva gavesati. Vītiharatīti vinicchayaṃ hāpeti. Kummaggaṃ paṭisevatīti āpattiṃ dīpeti.
ਅਕਾਲੇਨ ਚ ਚੋਦੇਤੀਤਿ ਅਨੋਕਾਸੇ ਅਨਜ੍ਝਿਟ੍ਠੋવ ਚੋਦੇਤਿ। ਪੁਬ੍ਬਾਪਰਂ ਨ ਜਾਨਾਤੀਤਿ ਪੁਰਿਮਕਥਞ੍ਚ ਪਚ੍ਛਿਮਕਥਞ੍ਚ ਨ ਜਾਨਾਤਿ।
Akālena ca codetīti anokāse anajjhiṭṭhova codeti. Pubbāparaṃ na jānātīti purimakathañca pacchimakathañca na jānāti.
ਅਨੁਸਨ੍ਧਿવਚਨਪਥਂ ਨ ਜਾਨਾਤੀਤਿ ਕਥਾਨੁਸਨ੍ਧਿવਿਨਿਚ੍ਛਯਾਨੁਸਨ੍ਧਿવਸੇਨ વਚਨਂ ਨ ਜਾਨਾਤਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Anusandhivacanapathaṃna jānātīti kathānusandhivinicchayānusandhivasena vacanaṃ na jānāti. Sesaṃ sabbattha uttānamevāti.
ਚੋਦਨਾਕਣ੍ਡવਣ੍ਣਨਾ ਨਿਟ੍ਠਿਤਾ।
Codanākaṇḍavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi
੧. ਅਨੁવਿਜ੍ਜਕਅਨੁਯੋਗੋ • 1. Anuvijjakaanuyogo
੨. ਚੋਦਕਾਦਿਪਟਿਪਤ੍ਤਿ • 2. Codakādipaṭipatti
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਨੁવਿਜ੍ਜਕਕਿਚ੍ਚવਣ੍ਣਨਾ • Anuvijjakakiccavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਨੁવਿਜ੍ਜਕਕਿਚ੍ਚવਣ੍ਣਨਾ • Anuvijjakakiccavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਚੋਦਕਪੁਚ੍ਛਾવਿਸ੍ਸਜ੍ਜਨਾ • Codakapucchāvissajjanā
