| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੮. ਚੋਦਕੇਨ ਪਚ੍ਚવੇਕ੍ਖਿਤਬ੍ਬਧਮ੍ਮਕਥਾ
8. Codakena paccavekkhitabbadhammakathā
੩੯੯. ‘‘ਅਚ੍ਛਿਦ੍ਦੇਨ ਅਪ੍ਪਟਿਮਂਸੇਨਾ’’ਤਿਆਦੀਸੁ ਏવਮਤ੍ਥੋ વੇਦਿਤਬ੍ਬੋਤਿ ਯੋਜਨਾ। ਛਿਦ੍ਦਸਪ੍ਪਟਿਮਂਸਂ ਪਠਮਂ ਦਸ੍ਸੇਤ੍વਾ વਿਪਰੀਤવਸੇਨ ਅਚ੍ਛਿਦ੍ਦਅਪ੍ਪਟਿਮਂਸਂ ਦਸ੍ਸੇਨ੍ਤੋ ਆਹ ‘‘ਯੇਨਾ’’ਤਿਆਦਿ। ਤਤ੍ਥ ਯੇਨ ਕਤਾਨੀਤਿ ਸਮ੍ਬਨ੍ਧੋ। ਛਿਜ੍ਜਤੀਤਿ ਛਿਦ੍ਦੋ, ਪਟਿ ਪੁਨਪ੍ਪੁਨਂ ਮਸਿਯਤਿ ਆਮਸਿਯਤੀਤਿ ਪਟਿਮਂਸੋ, ਨਿਗ੍ਗਹਿਤਾਗਮੋ, ਭਾવਪ੍ਪਧਾਨੋਯਂ ਕਮ੍ਮਨਿਦ੍ਦੇਸੋ। ਸਹ ਪਟਿਮਂਸੇਨਾਤਿ ਸਪ੍ਪਟਿਮਂਸੋ, ਕਾਯਸਮਾਚਾਰੋ। વਿਪਰੀਤੋਤਿ વਿਪਰਿવਤ੍ਤવਸੇਨ ਇਤੋ ਪવਤ੍ਤੋ, ਕਾਯਸਮਾਚਾਰੋਤਿ ਅਤ੍ਥੋ। ਅਮੂਲਕਾਨੁਦ੍ਧਂਸਨਾਦੀਹੀਤਿ ਆਦਿਸਦ੍ਦੇਨ ਦੁਟ੍ਠੁਲ੍ਲવਾਚਾਦਯੋ ਸਙ੍ਗਣ੍ਹਾਤਿ।
399. ‘‘Acchiddena appaṭimaṃsenā’’tiādīsu evamattho veditabboti yojanā. Chiddasappaṭimaṃsaṃ paṭhamaṃ dassetvā viparītavasena acchiddaappaṭimaṃsaṃ dassento āha ‘‘yenā’’tiādi. Tattha yena katānīti sambandho. Chijjatīti chiddo, paṭi punappunaṃ masiyati āmasiyatīti paṭimaṃso, niggahitāgamo, bhāvappadhānoyaṃ kammaniddeso. Saha paṭimaṃsenāti sappaṭimaṃso, kāyasamācāro. Viparītoti viparivattavasena ito pavatto, kāyasamācāroti attho. Amūlakānuddhaṃsanādīhīti ādisaddena duṭṭhullavācādayo saṅgaṇhāti.
ਮੇਤ੍ਤਂ ਨੁ ਖੋ ਮੇ ਚਿਤ੍ਤਨ੍ਤਿ ਏਤ੍ਥ ਅਪ੍ਪਨਾਭਾવਪ੍ਪਤ੍ਤਂ ਮੇਤ੍ਤਚਿਤ੍ਤਮੇવਾਧਿਪ੍ਪੇਤਨ੍ਤਿ ਦਸ੍ਸੇਨ੍ਤੋ ਆਹ ‘‘ਪਲਿਬੋਧੇ ਛਿਨ੍ਦਿਤ੍વਾ’’ਤਿਆਦਿ। ਤਤ੍ਥ ਪਲਿਬੋਧੇਤਿ ਆવਾਸਪਲਿਬੋਧਾਦਿਕੇ ਪਲਿਬੋਧੇ। ‘‘વਿਕ੍ਖਮ੍ਭਨવਸੇਨ વਿਹਤਾਘਾਤ’’ਨ੍ਤਿ ਇਮਿਨਾ ਅਪ੍ਪਨਾਭਾવਪ੍ਪਤ੍ਤਂ ਮੇਤ੍ਤਚਿਤ੍ਤਮੇવ ਦਸ੍ਸੇਤਿ। ਇਦਂ ਪਨਾવੁਸੋ ਕਤ੍ਥ વੁਤ੍ਤਂ ਭਗવਤਾਤਿ ਏਤ੍ਥ ਇਦਂਸਦ੍ਦਕਿਂਸਦ੍ਦਾਨਂ વਿਸਯਂ ਦਸ੍ਸੇਨ੍ਤੋ ਆਹ ‘‘ਇਦਂ ਸਿਕ੍ਖਾਪਦਂ ਕਤਰਸ੍ਮਿਂ ਨਗਰੇ’’ਤਿ।
Mettaṃ nu kho me cittanti ettha appanābhāvappattaṃ mettacittamevādhippetanti dassento āha ‘‘palibodhe chinditvā’’tiādi. Tattha palibodheti āvāsapalibodhādike palibodhe. ‘‘Vikkhambhanavasena vihatāghāta’’nti iminā appanābhāvappattaṃ mettacittameva dasseti. Idaṃ panāvuso kattha vuttaṃ bhagavatāti ettha idaṃsaddakiṃsaddānaṃ visayaṃ dassento āha ‘‘idaṃ sikkhāpadaṃ katarasmiṃ nagare’’ti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੮. ਚੋਦਕੇਨਪਚ੍ਚવੇਕ੍ਖਿਤਬ੍ਬਧਮ੍ਮਾ • 8. Codakenapaccavekkhitabbadhammā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਚੋਦਕੇਨਪਚ੍ਚવੇਕ੍ਖਿਤਬ੍ਬਧਮ੍ਮਕਥਾ • Codakenapaccavekkhitabbadhammakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚੋਦਕੇਨ ਪਚ੍ਚવੇਕ੍ਖਿਤਬ੍ਬਧਮ੍ਮਕਥਾવਣ੍ਣਨਾ • Codakena paccavekkhitabbadhammakathāvaṇṇanā
