| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
চোদকেনপচ্চৰেক্খিতব্বধম্মকথা
Codakenapaccavekkhitabbadhammakathā
৩৯৯. অচ্ছিদ্দেন অপ্পটিমংসেনাতিআদীসু যেন গহট্ঠপব্বজিতেসু যো কোচি পহটো ৰা হোতি, গিহীনং গণ্ডফালনাদীনি ৰেজ্জকম্মানি ৰা কতানি, তস্স কাযসমাচারো উপচিকাহি খাযিততালপণ্ণমিৰ ছিদ্দো চ পটিমাসিতুং যত্থ কত্থচি গহেত্ৰা আকড্ঢিতুং সক্কুণেয্যতায সপ্পটিমংসো চ হোতি, ৰিপরীতো অচ্ছিদ্দো অপ্পটিমংসোতি ৰেদিতব্বোতি। ৰচীসমাচারো পন মুসাৰাদওমসৰাদপেসুঞ্ঞঅমূলকানুদ্ধংসনাদীহি ছিদ্দো চ সপ্পটিমংসো চ হোতি, ৰিপরীতো অচ্ছিদ্দো অপ্পটিমংসো।
399.Acchiddena appaṭimaṃsenātiādīsu yena gahaṭṭhapabbajitesu yo koci pahaṭo vā hoti, gihīnaṃ gaṇḍaphālanādīni vejjakammāni vā katāni, tassa kāyasamācāro upacikāhi khāyitatālapaṇṇamiva chiddo ca paṭimāsituṃ yattha katthaci gahetvā ākaḍḍhituṃ sakkuṇeyyatāya sappaṭimaṃso ca hoti, viparīto acchiddo appaṭimaṃsoti veditabboti. Vacīsamācāro pana musāvādaomasavādapesuññaamūlakānuddhaṃsanādīhi chiddo ca sappaṭimaṃso ca hoti, viparīto acchiddo appaṭimaṃso.
মেত্তং নু খো মে চিত্তন্তি পলিবোধে ছিন্দিত্ৰা কম্মট্ঠানভাৰনানুযোগেন অধিগতং মেত্তচিত্তং। অনাঘাতন্তি আঘাতৰিরহিতং, ৰিক্খম্ভনৰসেন ৰিহতাঘাতন্তি অত্থো। ইদং পনাৰুসো কত্থ ৰুত্তং ভগৰতাতি ইদং সিক্খাপদং কতরস্মিং নগরে ৰুত্তন্তি অত্থো।
Mettaṃ nu kho me cittanti palibodhe chinditvā kammaṭṭhānabhāvanānuyogena adhigataṃ mettacittaṃ. Anāghātanti āghātavirahitaṃ, vikkhambhanavasena vihatāghātanti attho. Idaṃ panāvuso kattha vuttaṃ bhagavatāti idaṃ sikkhāpadaṃ katarasmiṃ nagare vuttanti attho.
চোদকেনপচ্চৰেক্খিতব্বধম্মকথা নিট্ঠিতা।
Codakenapaccavekkhitabbadhammakathā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi / ৮. চোদকেনপচ্চৰেক্খিতব্বধম্মা • 8. Codakenapaccavekkhitabbadhammā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / চোদকেন পচ্চৰেক্খিতব্বধম্মকথাৰণ্ণনা • Codakena paccavekkhitabbadhammakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অত্তাদানঅঙ্গকথাৰণ্ণনা • Attādānaaṅgakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অত্তাদানঅঙ্গকথাদিৰণ্ণনা • Attādānaaṅgakathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৮. চোদকেন পচ্চৰেক্খিতব্বধম্মকথা • 8. Codakena paccavekkhitabbadhammakathā
