| Library / Tipiṭaka / តិបិដក • Tipiṭaka / ចូឡវគ្គ-អដ្ឋកថា • Cūḷavagga-aṭṭhakathā |
ចោទកេនបច្ចវេក្ខិតព្ពធម្មកថា
Codakenapaccavekkhitabbadhammakathā
៣៩៩. អច្ឆិទ្ទេន អប្បដិមំសេនាតិអាទីសុ យេន គហដ្ឋបព្ពជិតេសុ យោ កោចិ បហដោ វា ហោតិ, គិហីនំ គណ្ឌផាលនាទីនិ វេជ្ជកម្មានិ វា កតានិ, តស្ស កាយសមាចារោ ឧបចិកាហិ ខាយិតតាលបណ្ណមិវ ឆិទ្ទោ ច បដិមាសិតុំ យត្ថ កត្ថចិ គហេត្វា អាកឌ្ឍិតុំ សក្កុណេយ្យតាយ សប្បដិមំសោ ច ហោតិ, វិបរីតោ អច្ឆិទ្ទោ អប្បដិមំសោតិ វេទិតព្ពោតិ។ វចីសមាចារោ បន មុសាវាទឱមសវាទបេសុញ្ញអមូលកានុទ្ធំសនាទីហិ ឆិទ្ទោ ច សប្បដិមំសោ ច ហោតិ, វិបរីតោ អច្ឆិទ្ទោ អប្បដិមំសោ។
399.Acchiddena appaṭimaṃsenātiādīsu yena gahaṭṭhapabbajitesu yo koci pahaṭo vā hoti, gihīnaṃ gaṇḍaphālanādīni vejjakammāni vā katāni, tassa kāyasamācāro upacikāhi khāyitatālapaṇṇamiva chiddo ca paṭimāsituṃ yattha katthaci gahetvā ākaḍḍhituṃ sakkuṇeyyatāya sappaṭimaṃso ca hoti, viparīto acchiddo appaṭimaṃsoti veditabboti. Vacīsamācāro pana musāvādaomasavādapesuññaamūlakānuddhaṃsanādīhi chiddo ca sappaṭimaṃso ca hoti, viparīto acchiddo appaṭimaṃso.
មេត្តំ នុ ខោ មេ ចិត្តន្តិ បលិពោធេ ឆិន្ទិត្វា កម្មដ្ឋានភាវនានុយោគេន អធិគតំ មេត្តចិត្តំ។ អនាឃាតន្តិ អាឃាតវិរហិតំ, វិក្ខម្ភនវសេន វិហតាឃាតន្តិ អត្ថោ។ ឥទំ បនាវុសោ កត្ថ វុត្តំ ភគវតាតិ ឥទំ សិក្ខាបទំ កតរស្មិំ នគរេ វុត្តន្តិ អត្ថោ។
Mettaṃ nu kho me cittanti palibodhe chinditvā kammaṭṭhānabhāvanānuyogena adhigataṃ mettacittaṃ. Anāghātanti āghātavirahitaṃ, vikkhambhanavasena vihatāghātanti attho. Idaṃ panāvuso kattha vuttaṃ bhagavatāti idaṃ sikkhāpadaṃ katarasmiṃ nagare vuttanti attho.
ចោទកេនបច្ចវេក្ខិតព្ពធម្មកថា និដ្ឋិតា។
Codakenapaccavekkhitabbadhammakathā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / ៨. ចោទកេនបច្ចវេក្ខិតព្ពធម្មា • 8. Codakenapaccavekkhitabbadhammā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ចោទកេន បច្ចវេក្ខិតព្ពធម្មកថាវណ្ណនា • Codakena paccavekkhitabbadhammakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អត្តាទានអង្គកថាវណ្ណនា • Attādānaaṅgakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / អត្តាទានអង្គកថាទិវណ្ណនា • Attādānaaṅgakathādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៨. ចោទកេន បច្ចវេក្ខិតព្ពធម្មកថា • 8. Codakena paccavekkhitabbadhammakathā
