| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
චොදකෙනපච්‌චවෙක්‌ඛිතබ්‌බධම්‌මකථා
Codakenapaccavekkhitabbadhammakathā
399. අච්‌ඡිද්‌දෙන අප්‌පටිමංසෙනාතිආදීසු යෙන ගහට්‌ඨපබ්‌බජිතෙසු යො කොචි පහටො වා හොති, ගිහීනං ගණ්‌ඩඵාලනාදීනි වෙජ්‌ජකම්‌මානි වා කතානි, තස්‌ස කායසමාචාරො උපචිකාහි ඛායිතතාලපණ්‌ණමිව ඡිද්‌දො ච පටිමාසිතුං යත්‌ථ කත්‌ථචි ගහෙත්‌වා ආකඩ්‌ඪිතුං සක්‌කුණෙය්‍යතාය සප්‌පටිමංසො ච හොති, විපරීතො අච්‌ඡිද්‌දො අප්‌පටිමංසොති වෙදිතබ්‌බොති. වචීසමාචාරො පන මුසාවාදඔමසවාදපෙසුඤ්‌ඤඅමූලකානුද්‌ධංසනාදීහි ඡිද්‌දො ච සප්‌පටිමංසො ච හොති, විපරීතො අච්‌ඡිද්‌දො අප්‌පටිමංසො.
399.Acchiddena appaṭimaṃsenātiādīsu yena gahaṭṭhapabbajitesu yo koci pahaṭo vā hoti, gihīnaṃ gaṇḍaphālanādīni vejjakammāni vā katāni, tassa kāyasamācāro upacikāhi khāyitatālapaṇṇamiva chiddo ca paṭimāsituṃ yattha katthaci gahetvā ākaḍḍhituṃ sakkuṇeyyatāya sappaṭimaṃso ca hoti, viparīto acchiddo appaṭimaṃsoti veditabboti. Vacīsamācāro pana musāvādaomasavādapesuññaamūlakānuddhaṃsanādīhi chiddo ca sappaṭimaṃso ca hoti, viparīto acchiddo appaṭimaṃso.
මෙත්‌තං නු ඛො මෙ චිත්‌තන්‌ති පලිබොධෙ ඡින්‌දිත්‌වා කම්‌මට්‌ඨානභාවනානුයොගෙන අධිගතං මෙත්‌තචිත්‌තං. අනාඝාතන්‌ති ආඝාතවිරහිතං, වික්‌ඛම්‌භනවසෙන විහතාඝාතන්‌ති අත්‌ථො. ඉදං පනාවුසො කත්‌ථ වුත්‌තං භගවතාති ඉදං සික්‌ඛාපදං කතරස්‌මිං නගරෙ වුත්‌තන්‌ති අත්‌ථො.
Mettaṃ nu kho me cittanti palibodhe chinditvā kammaṭṭhānabhāvanānuyogena adhigataṃ mettacittaṃ. Anāghātanti āghātavirahitaṃ, vikkhambhanavasena vihatāghātanti attho. Idaṃ panāvuso kattha vuttaṃ bhagavatāti idaṃ sikkhāpadaṃ katarasmiṃ nagare vuttanti attho.
චොදකෙනපච්‌චවෙක්‌ඛිතබ්‌බධම්‌මකථා නිට්‌ඨිතා.
Codakenapaccavekkhitabbadhammakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / 8. චොදකෙනපච්‌චවෙක්‌ඛිතබ්‌බධම්‌මා • 8. Codakenapaccavekkhitabbadhammā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / චොදකෙන පච්‌චවෙක්‌ඛිතබ්‌බධම්‌මකථාවණ්‌ණනා • Codakena paccavekkhitabbadhammakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අත්‌තාදානඅඞ්‌ගකථාවණ්‌ණනා • Attādānaaṅgakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අත්‌තාදානඅඞ්‌ගකථාදිවණ්‌ණනා • Attādānaaṅgakathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 8. චොදකෙන පච්‌චවෙක්‌ඛිතබ්‌බධම්‌මකථා • 8. Codakena paccavekkhitabbadhammakathā
