| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā |
ཙོདཀེནཔཙྩཝེཀྑིཏབྦདྷམྨཀཐཱ
Codakenapaccavekkhitabbadhammakathā
༣༩༩. ཨཙྪིདྡེན ཨཔྤཊིམཾསེནཱཏིཨཱདཱིསུ ཡེན གཧཊྛཔབྦཛིཏེསུ ཡོ ཀོཙི པཧཊོ ཝཱ ཧོཏི, གིཧཱིནཾ གཎྜཕཱལནཱདཱིནི ཝེཛྫཀམྨཱནི ཝཱ ཀཏཱནི, ཏསྶ ཀཱཡསམཱཙཱརོ ཨུཔཙིཀཱཧི ཁཱཡིཏཏཱལཔཎྞམིཝ ཚིདྡོ ཙ པཊིམཱསིཏུཾ ཡཏྠ ཀཏྠཙི གཧེཏྭཱ ཨཱཀཌྜྷིཏུཾ སཀྐུཎེཡྻཏཱཡ སཔྤཊིམཾསོ ཙ ཧོཏི, ཝིཔརཱིཏོ ཨཙྪིདྡོ ཨཔྤཊིམཾསོཏི ཝེདིཏབྦོཏི། ཝཙཱིསམཱཙཱརོ པན མུསཱཝཱདཨོམསཝཱདཔེསུཉྙཨམཱུལཀཱནུདྡྷཾསནཱདཱིཧི ཚིདྡོ ཙ སཔྤཊིམཾསོ ཙ ཧོཏི, ཝིཔརཱིཏོ ཨཙྪིདྡོ ཨཔྤཊིམཾསོ།
399.Acchiddena appaṭimaṃsenātiādīsu yena gahaṭṭhapabbajitesu yo koci pahaṭo vā hoti, gihīnaṃ gaṇḍaphālanādīni vejjakammāni vā katāni, tassa kāyasamācāro upacikāhi khāyitatālapaṇṇamiva chiddo ca paṭimāsituṃ yattha katthaci gahetvā ākaḍḍhituṃ sakkuṇeyyatāya sappaṭimaṃso ca hoti, viparīto acchiddo appaṭimaṃsoti veditabboti. Vacīsamācāro pana musāvādaomasavādapesuññaamūlakānuddhaṃsanādīhi chiddo ca sappaṭimaṃso ca hoti, viparīto acchiddo appaṭimaṃso.
མེཏྟཾ ནུ ཁོ མེ ཙིཏྟནྟི པལིབོདྷེ ཚིནྡིཏྭཱ ཀམྨཊྛཱནབྷཱཝནཱནུཡོགེན ཨདྷིགཏཾ མེཏྟཙིཏྟཾ། ཨནཱགྷཱཏནྟི ཨཱགྷཱཏཝིརཧིཏཾ, ཝིཀྑམྦྷནཝསེན ཝིཧཏཱགྷཱཏནྟི ཨཏྠོ། ཨིདཾ པནཱཝུསོ ཀཏྠ ཝུཏྟཾ བྷགཝཏཱཏི ཨིདཾ སིཀྑཱཔདཾ ཀཏརསྨིཾ ནགརེ ཝུཏྟནྟི ཨཏྠོ།
Mettaṃ nu kho me cittanti palibodhe chinditvā kammaṭṭhānabhāvanānuyogena adhigataṃ mettacittaṃ. Anāghātanti āghātavirahitaṃ, vikkhambhanavasena vihatāghātanti attho. Idaṃ panāvuso kattha vuttaṃ bhagavatāti idaṃ sikkhāpadaṃ katarasmiṃ nagare vuttanti attho.
ཙོདཀེནཔཙྩཝེཀྑིཏབྦདྷམྨཀཐཱ ནིཊྛིཏཱ།
Codakenapaccavekkhitabbadhammakathā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi / ༨. ཙོདཀེནཔཙྩཝེཀྑིཏབྦདྷམྨཱ • 8. Codakenapaccavekkhitabbadhammā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཙོདཀེན པཙྩཝེཀྑིཏབྦདྷམྨཀཐཱཝཎྞནཱ • Codakena paccavekkhitabbadhammakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨཏྟཱདཱནཨངྒཀཐཱཝཎྞནཱ • Attādānaaṅgakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨཏྟཱདཱནཨངྒཀཐཱདིཝཎྞནཱ • Attādānaaṅgakathādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༨. ཙོདཀེན པཙྩཝེཀྑིཏབྦདྷམྨཀཐཱ • 8. Codakena paccavekkhitabbadhammakathā
