| Library / Tipiṭaka / തിപിടക • Tipiṭaka / ചൂളവഗ്ഗ-അട്ഠകഥാ • Cūḷavagga-aṭṭhakathā |
ചോദകേനപച്ചവേക്ഖിതബ്ബധമ്മകഥാ
Codakenapaccavekkhitabbadhammakathā
൩൯൯. അച്ഛിദ്ദേന അപ്പടിമംസേനാതിആദീസു യേന ഗഹട്ഠപബ്ബജിതേസു യോ കോചി പഹടോ വാ ഹോതി, ഗിഹീനം ഗണ്ഡഫാലനാദീനി വേജ്ജകമ്മാനി വാ കതാനി, തസ്സ കായസമാചാരോ ഉപചികാഹി ഖായിതതാലപണ്ണമിവ ഛിദ്ദോ ച പടിമാസിതും യത്ഥ കത്ഥചി ഗഹേത്വാ ആകഡ്ഢിതും സക്കുണേയ്യതായ സപ്പടിമംസോ ച ഹോതി, വിപരീതോ അച്ഛിദ്ദോ അപ്പടിമംസോതി വേദിതബ്ബോതി. വചീസമാചാരോ പന മുസാവാദഓമസവാദപേസുഞ്ഞഅമൂലകാനുദ്ധംസനാദീഹി ഛിദ്ദോ ച സപ്പടിമംസോ ച ഹോതി, വിപരീതോ അച്ഛിദ്ദോ അപ്പടിമംസോ.
399.Acchiddena appaṭimaṃsenātiādīsu yena gahaṭṭhapabbajitesu yo koci pahaṭo vā hoti, gihīnaṃ gaṇḍaphālanādīni vejjakammāni vā katāni, tassa kāyasamācāro upacikāhi khāyitatālapaṇṇamiva chiddo ca paṭimāsituṃ yattha katthaci gahetvā ākaḍḍhituṃ sakkuṇeyyatāya sappaṭimaṃso ca hoti, viparīto acchiddo appaṭimaṃsoti veditabboti. Vacīsamācāro pana musāvādaomasavādapesuññaamūlakānuddhaṃsanādīhi chiddo ca sappaṭimaṃso ca hoti, viparīto acchiddo appaṭimaṃso.
മേത്തം നു ഖോ മേ ചിത്തന്തി പലിബോധേ ഛിന്ദിത്വാ കമ്മട്ഠാനഭാവനാനുയോഗേന അധിഗതം മേത്തചിത്തം. അനാഘാതന്തി ആഘാതവിരഹിതം, വിക്ഖമ്ഭനവസേന വിഹതാഘാതന്തി അത്ഥോ. ഇദം പനാവുസോ കത്ഥ വുത്തം ഭഗവതാതി ഇദം സിക്ഖാപദം കതരസ്മിം നഗരേ വുത്തന്തി അത്ഥോ.
Mettaṃ nu kho me cittanti palibodhe chinditvā kammaṭṭhānabhāvanānuyogena adhigataṃ mettacittaṃ. Anāghātanti āghātavirahitaṃ, vikkhambhanavasena vihatāghātanti attho. Idaṃ panāvuso kattha vuttaṃ bhagavatāti idaṃ sikkhāpadaṃ katarasmiṃ nagare vuttanti attho.
ചോദകേനപച്ചവേക്ഖിതബ്ബധമ്മകഥാ നിട്ഠിതാ.
Codakenapaccavekkhitabbadhammakathā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ചൂളവഗ്ഗപാളി • Cūḷavaggapāḷi / ൮. ചോദകേനപച്ചവേക്ഖിതബ്ബധമ്മാ • 8. Codakenapaccavekkhitabbadhammā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ചോദകേന പച്ചവേക്ഖിതബ്ബധമ്മകഥാവണ്ണനാ • Codakena paccavekkhitabbadhammakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / അത്താദാനഅങ്ഗകഥാവണ്ണനാ • Attādānaaṅgakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / അത്താദാനഅങ്ഗകഥാദിവണ്ണനാ • Attādānaaṅgakathādivaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൮. ചോദകേന പച്ചവേക്ഖിതബ്ബധമ്മകഥാ • 8. Codakena paccavekkhitabbadhammakathā
