| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
චොදකෙනඋපට්‌ඨාපෙතබ්‌බකථා
Codakenaupaṭṭhāpetabbakathā
400. කාලෙන වක්‌ඛාමීතිආදීසු එකො එකං ඔකාසං කාරෙත්‌වා චොදෙන්‌තො කාලෙන වදති නාම. සඞ්‌ඝමජ්‌ඣගණමජ්‌ඣසලාකග්‌ගයාගුඅග්‌ගවිතක්‌කමාළකභික්‌ඛාචාරමග්‌ගආසනසාලාදීසු උපට්‌ඨාකෙහි පරිවාරිතක්‌ඛණෙ වා චොදෙන්‌තො අකාලෙන වදති නාම. තච්‌ඡෙන වදන්‌තො භූතෙන වදති නාම. ‘‘අම්‌භො මහල්‌ලක, පරිසාවචර, පංසුකූලික, ධම්‌මකථික, පතිරූපං තව ඉද’’න්‌ති වදන්‌තො ඵරුසෙන වදති නාම. කාරණනිස්‌සිතං පන කත්‌වා ‘‘භන්‌තෙ මහල්‌ලකත්‌ථ, පරිසාවචරා, පංසුකූලිකා, ධම්‌මකථිකත්‌ථ, පතිරූපං තුම්‌හාකං ඉද’’න්‌ති වදන්‌තො සණ්‌හෙන වදති නාම. කාරණනිස්‌සිතං කත්‌වා වදන්‌තො අත්‌ථසංහිතෙන වදති නාම. මෙත්‌තචිත්‌තො වක්‌ඛාමි නො දොසන්‌තරොති මෙත්‌තචිත්‌තං උපට්‌ඨපෙත්‌වා වක්‌ඛාමි, න දුට්‌ඨචිත්‌තො හුත්‌වා.
400.Kālenavakkhāmītiādīsu eko ekaṃ okāsaṃ kāretvā codento kālena vadati nāma. Saṅghamajjhagaṇamajjhasalākaggayāguaggavitakkamāḷakabhikkhācāramaggaāsanasālādīsu upaṭṭhākehi parivāritakkhaṇe vā codento akālena vadati nāma. Tacchena vadanto bhūtena vadati nāma. ‘‘Ambho mahallaka, parisāvacara, paṃsukūlika, dhammakathika, patirūpaṃ tava ida’’nti vadanto pharusena vadati nāma. Kāraṇanissitaṃ pana katvā ‘‘bhante mahallakattha, parisāvacarā, paṃsukūlikā, dhammakathikattha, patirūpaṃ tumhākaṃ ida’’nti vadanto saṇhenavadati nāma. Kāraṇanissitaṃ katvā vadanto atthasaṃhitena vadati nāma. Mettacitto vakkhāmi no dosantaroti mettacittaṃ upaṭṭhapetvā vakkhāmi, na duṭṭhacitto hutvā.
චොදකෙනඋපට්‌ඨාපෙතබ්‌බකථා නිට්‌ඨිතා.
Codakenaupaṭṭhāpetabbakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / 9. චොදකෙනඋපට්‌ඨාපෙතබ්‌බධම්‌මා • 9. Codakenaupaṭṭhāpetabbadhammā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / චොදකෙන උපට්‌ඨාපෙතබ්‌බධම්‌මකථාවණ්‌ණනා • Codakena upaṭṭhāpetabbadhammakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අත්‌තාදානඅඞ්‌ගකථාදිවණ්‌ණනා • Attādānaaṅgakathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 9. චොදකෙන උපට්‌ඨාපෙතබ්‌බකථා • 9. Codakena upaṭṭhāpetabbakathā
