| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
д̣̇уд̇ияаг̇аат̇аасан̇г̇ан̣игам̣
Dutiyagāthāsaṅgaṇikaṃ
жод̣̇анаад̣̇ибужчаависсаж̇ж̇анааван̣н̣анаа
Codanādipucchāvissajjanāvaṇṇanā
359. д̣̇уд̇ияаг̇аат̇аасан̇г̇ан̣ияам̣ жод̣̇анаад̇и вад̇т̇ун̃жа аабад̇д̇ин̃жа д̣̇ассзд̇ваа жод̣̇анаа. сааран̣аад̇и д̣̇осасааран̣аа. сан̇гхо гимад̇т̇ааяаад̇и сан̇гхасаннибаад̇о гимад̇т̇ааяа. мад̇игаммам̣ бана гисса гааран̣аад̇и мад̇игаммам̣ вужжад̇и манд̇аг̇г̇ахан̣ам̣; д̇ам̣ гисса гааран̣аад̇и ад̇т̇о.
359. Dutiyagāthāsaṅgaṇiyaṃ codanāti vatthuñca āpattiñca dassetvā codanā. Sāraṇāti dosasāraṇā. Saṅgho kimatthāyāti saṅghasannipāto kimatthāya. Matikammaṃ pana kissa kāraṇāti matikammaṃ vuccati mantaggahaṇaṃ; taṃ kissa kāraṇāti attho.
жод̣̇анаа сааран̣ад̇т̇ааяаад̇и вуд̇д̇аббагаараа жод̣̇анаа, д̇зна жуд̣̇ид̇агабуг̇г̇алзна жод̣̇агад̣̇осасааран̣ад̇т̇ааяа. ниг̇г̇ахад̇т̇ааяа сааран̣аад̇и д̣̇осасааран̣аа бана д̇асса буг̇г̇аласса ниг̇г̇ахад̇т̇ааяа. сан̇гхо бариг̇г̇ахад̇т̇ааяаад̇и д̇ад̇т̇а саннибад̇ид̇о сан̇гхо винижчаяабариг̇г̇ахан̣ад̇т̇ааяа; д̇хаммаад̇хаммам̣ д̇уланад̇т̇ааяа сувинижчид̇ад̣̇уб̣б̣инижчид̇ам̣ ж̇аананад̇т̇ааяаад̇и ад̇т̇о. мад̇игаммам̣ бана баадиязгганд̇и суд̇д̇анд̇игад̇т̇зраанан̃жа винаяад̇харад̇т̇зраанан̃жа манд̇аг̇г̇ахан̣ам̣ баадзггам̣ баадзггам̣ винижчаяасаннидтаабанад̇т̇ам̣.
Codanā sāraṇatthāyāti vuttappakārā codanā, tena cuditakapuggalena codakadosasāraṇatthāya. Niggahatthāya sāraṇāti dosasāraṇā pana tassa puggalassa niggahatthāya. Saṅgho pariggahatthāyāti tattha sannipatito saṅgho vinicchayapariggahaṇatthāya; dhammādhammaṃ tulanatthāya suvinicchitadubbinicchitaṃ jānanatthāyāti attho. Matikammaṃ pana pāṭiyekkanti suttantikattherānañca vinayadharattherānañca mantaggahaṇaṃ pāṭekkaṃ pāṭekkaṃ vinicchayasanniṭṭhāpanatthaṃ.
маа ко бадигханд̇и жуд̣̇ид̇агз ваа жод̣̇агз ваа гобам̣ маа ж̇анаяи. сажз анувиж̇ж̇аго д̇уванд̇и сажз д̇вам̣ сан̇гхамаж̇жхз од̇ин̣н̣ам̣ ад̇хигаран̣ам̣ винижчид̇ум̣ нисинно винаяад̇харо.
Mā kho paṭighanti cuditake vā codake vā kopaṃ mā janayi. Sace anuvijjako tuvanti sace tvaṃ saṅghamajjhe otiṇṇaṃ adhikaraṇaṃ vinicchituṃ nisinno vinayadharo.
виг̇г̇аахиганд̇и ‘‘на д̇вам̣ имам̣ д̇хаммавинаяам̣ ааж̇аанаасий’’д̇иаад̣̇инаяаббавад̇д̇ам̣. анад̇т̇асам̣хид̇анд̇и яаа анад̇т̇ам̣ ж̇анаяад̇и, барисам̣ кобхзд̇ваа удтаабзд̇и, зваруубим̣ гат̇ам̣ маа абхан̣и. суд̇д̇з винаяз ваад̇иаад̣̇ийсу суд̇д̇ам̣ наама убхад̇овибхан̇г̇о. винаяо наама канд̇хаго. ануломо наама баривааро. бан̃н̃ад̇д̇ам̣ наама сагалам̣ винаяабидагам̣. ануломигам̣ наама жад̇д̇ааро махаабад̣̇зсаа.
Viggāhikanti ‘‘na tvaṃ imaṃ dhammavinayaṃ ājānāsī’’tiādinayappavattaṃ. Anatthasaṃhitanti yā anatthaṃ janayati, parisaṃ khobhetvā uṭṭhāpeti, evarūpiṃ kathaṃ mā abhaṇi. Sutte vinaye vātiādīsu suttaṃ nāma ubhatovibhaṅgo. Vinayo nāma khandhako. Anulomo nāma parivāro. Paññattaṃ nāma sakalaṃ vinayapiṭakaṃ. Anulomikaṃ nāma cattāro mahāpadesā.
ануяог̇авад̇д̇ам̣ нисаамаяаад̇и ануяун̃ж̇анавад̇д̇ам̣ нисаамзхи. гусалзна б̣уд̣̇д̇химад̇аа гад̇анд̇и чзгзна бан̣д̣ид̇зна н̃аан̣абаарамиббад̇д̇зна бхаг̇авад̇аа нийхарид̇ваа табид̇ам̣. сувуд̇д̇анд̇и субан̃н̃аабид̇ам̣. сигкаабад̣̇аануломиганд̇и сигкаабад̣̇аанам̣ ануломам̣. аяам̣ д̇аава бад̣̇ад̇т̇о, аяам̣ банзд̇т̇а саад̇хиббааяасан̇кзбаван̣н̣анаа – ‘‘сажз д̇вам̣ анувиж̇ж̇аго, маа сахасаа бхан̣и, маа анад̇т̇асам̣хид̇ам̣ виг̇г̇аахигагат̇ам̣ бхан̣и. яам̣ бана гусалзна б̣уд̣̇д̇химад̇аа логанаат̇зна зд̇зсу суд̇д̇аад̣̇ийсу ануяог̇авад̇д̇ам̣ гат̇ам̣ субан̃н̃ад̇д̇ам̣ саб̣б̣асигкаабад̣̇аанам̣ ануломам̣, д̇ам̣ нисаамаяа д̇ам̣ убад̇хаарзхий’’д̇и. г̇ад̇им̣ на наасзнд̇о самбарааяиганд̇и ад̇д̇ано самбарааяз суг̇ад̇иниб̣б̣ад̇д̇им̣ анаасзнд̇о ануяог̇авад̇д̇ам̣ нисаамаяа. яо хи д̇ам̣ анисаамзд̇ваа ануяун̃ж̇ад̇и, со самбарааяигам̣ ад̇д̇ано г̇ад̇им̣ наасзд̇и, д̇асмаа д̇вам̣ анаасзнд̇о нисаамаяаад̇и ад̇т̇о. ид̣̇аани д̇ам̣ ануяог̇авад̇д̇ам̣ д̣̇ассзд̇ум̣ хид̇зсийд̇иаад̣̇имааха. д̇ад̇т̇а хид̇зсийд̇и хид̇ам̣ зсанд̇о г̇авзсанд̇о; мзд̇д̇ан̃жа мзд̇д̇аабуб̣б̣абхааг̇ан̃жа убадтабзд̇ваад̇и ад̇т̇о. гаалзнаад̇и яуд̇д̇абад̇д̇агаалзна; аж̇жхзсид̇агаалзязва д̇ава бхаарз гад̇з ануяун̃ж̇аад̇и ад̇т̇о.
Anuyogavattaṃnisāmayāti anuyuñjanavattaṃ nisāmehi. Kusalena buddhimatā katanti chekena paṇḍitena ñāṇapāramippattena bhagavatā nīharitvā ṭhapitaṃ. Suvuttanti supaññāpitaṃ. Sikkhāpadānulomikanti sikkhāpadānaṃ anulomaṃ. Ayaṃ tāva padattho, ayaṃ panettha sādhippāyasaṅkhepavaṇṇanā – ‘‘sace tvaṃ anuvijjako, mā sahasā bhaṇi, mā anatthasaṃhitaṃ viggāhikakathaṃ bhaṇi. Yaṃ pana kusalena buddhimatā lokanāthena etesu suttādīsu anuyogavattaṃ kathaṃ supaññattaṃ sabbasikkhāpadānaṃ anulomaṃ, taṃ nisāmaya taṃ upadhārehī’’ti. Gatiṃ na nāsento samparāyikanti attano samparāye sugatinibbattiṃ anāsento anuyogavattaṃ nisāmaya. Yo hi taṃ anisāmetvā anuyuñjati, so samparāyikaṃ attano gatiṃ nāseti, tasmā tvaṃ anāsento nisāmayāti attho. Idāni taṃ anuyogavattaṃ dassetuṃ hitesītiādimāha. Tattha hitesīti hitaṃ esanto gavesanto; mettañca mettāpubbabhāgañca upaṭṭhapetvāti attho. Kālenāti yuttapattakālena; ajjhesitakāleyeva tava bhāre kate anuyuñjāti attho.
сахасаа вохаарам̣ маа бад̇хаарзсийд̇и яо зд̇зсам̣ сахасаа вохааро ход̇и, сахасаа бхаасид̇ам̣, д̇ам̣ маа бад̇хаарзси, маа г̇ан̣хид̇т̇а.
Sahasā vohāraṃ mā padhāresīti yo etesaṃ sahasā vohāro hoti, sahasā bhāsitaṃ, taṃ mā padhāresi, mā gaṇhittha.
бадин̃н̃аанусанд̇хид̇зна гаараязд̇и зд̇т̇а анусанд̇хид̇анд̇и гат̇аанусанд̇хи вужжад̇и, д̇асмаа бадин̃н̃аанусанд̇хинаа гаараяз; гат̇аанусанд̇хим̣ саллагкзд̇ваа бадин̃н̃ааяа гаараязд̇и ад̇т̇о. ат̇а ваа бадин̃н̃ааяа жа анусанд̇хид̇зна жа гаараяз, лаж̇ж̇им̣ бадин̃н̃ааяа гаараяз; алаж̇ж̇им̣ вад̇д̇аанусанд̇хинаад̇и ад̇т̇о. д̇асмаа зва бадин̃н̃аа лаж̇ж̇ийсууд̇и г̇аат̇амааха. д̇ад̇т̇а вад̇д̇аанусанд̇хид̇зна гаараязд̇и вад̇д̇аанусанд̇хинаа гаараяз, яаа асса вад̇д̇зна сад̣̇д̇хим̣ бадин̃н̃аа санд̇хияад̇и, д̇ааяа бадин̃н̃ааяа гаараязд̇и ад̇т̇о.
Paṭiññānusandhitena kārayeti ettha anusandhitanti kathānusandhi vuccati, tasmā paṭiññānusandhinā kāraye; kathānusandhiṃ sallakkhetvā paṭiññāya kārayeti attho. Atha vā paṭiññāya ca anusandhitena ca kāraye, lajjiṃ paṭiññāya kāraye; alajjiṃ vattānusandhināti attho. Tasmā eva paṭiññā lajjīsūti gāthamāha. Tattha vattānusandhitena kārayeti vattānusandhinā kāraye, yā assa vattena saddhiṃ paṭiññā sandhiyati, tāya paṭiññāya kārayeti attho.
сан̃жижжаад̇и ж̇аананд̇о аабаж̇ж̇ад̇и. бариг̇уухад̇ийд̇и ниг̇уухад̇и на д̣̇зсзд̇и на вудтаад̇и.
Sañciccāti jānanto āpajjati. Parigūhatīti nigūhati na deseti na vuṭṭhāti.
саа ахамби ж̇аанаамийд̇и яам̣ д̇умхзхи вуд̇д̇ам̣, д̇ам̣ сажжам̣, ахамби нам̣ звамзва ж̇аанаами. ан̃н̃ан̃жа д̇ааханд̇и ан̃н̃ан̃жа д̇ам̣ ахам̣ бужчаами.
Sā ahampi jānāmīti yaṃ tumhehi vuttaṃ, taṃ saccaṃ, ahampi naṃ evameva jānāmi. Aññañca tāhanti aññañca taṃ ahaṃ pucchāmi.
буб̣б̣аабарам̣ на ж̇аанаад̇ийд̇и бурзгат̇ид̇ан̃жа бажчаагат̇ид̇ан̃жа на ж̇аанаад̇и. аговид̣̇од̇и д̇асмим̣ буб̣б̣аабарз агусало. анусанд̇хиважанабат̇ам̣ на ж̇аанаад̇ийд̇и гат̇аанусанд̇хиважанам̣ винижчаяаанусанд̇хиважанан̃жа на ж̇аанаад̇и.
Pubbāparaṃna jānātīti purekathitañca pacchākathitañca na jānāti. Akovidoti tasmiṃ pubbāpare akusalo. Anusandhivacanapathaṃ na jānātīti kathānusandhivacanaṃ vinicchayānusandhivacanañca na jānāti.
сийлавибад̇д̇ияаа жод̣̇зд̇ийд̇и д̣̇вийхи аабад̇д̇игканд̇хзхи жод̣̇зд̇и. аажаарад̣̇идтияаад̇и аажааравибад̇д̇ияаа жзва д̣̇идтивибад̇д̇ияаа жа. аажааравибад̇д̇ияаа жод̣̇знд̇о бан̃жахаабад̇д̇игканд̇хзхи жод̣̇зд̇и, д̣̇идтивибад̇д̇ияаа жод̣̇знд̇о мижчаад̣̇идтияаа жзва анд̇аг̇г̇аахигад̣̇идтияаа жа жод̣̇зд̇и. ааж̇ийвзнаби жод̣̇зд̇ийд̇и ааж̇ийвахзд̇убан̃н̃ад̇д̇зхи чахи сигкаабад̣̇зхи жод̣̇зд̇и. сзсам̣ саб̣б̣ад̇т̇а уд̇д̇аанамзваад̇и.
Sīlavipattiyā codetīti dvīhi āpattikkhandhehi codeti. Ācāradiṭṭhiyāti ācāravipattiyā ceva diṭṭhivipattiyā ca. Ācāravipattiyā codento pañcahāpattikkhandhehi codeti, diṭṭhivipattiyā codento micchādiṭṭhiyā ceva antaggāhikadiṭṭhiyā ca codeti. Ājīvenapi codetīti ājīvahetupaññattehi chahi sikkhāpadehi codeti. Sesaṃ sabbattha uttānamevāti.
д̣̇уд̇ияаг̇аат̇аасан̇г̇ан̣игаван̣н̣анаа нидтид̇аа.
Dutiyagāthāsaṅgaṇikavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. жод̣̇анаад̣̇ибужчаависсаж̇ж̇анаа • 1. Codanādipucchāvissajjanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇уд̇ияаг̇аат̇аасан̇г̇ан̣игаван̣н̣анаа • Dutiyagāthāsaṅgaṇikavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жод̣̇анаад̣̇ибужчаависсаж̇ж̇анааван̣н̣анаа • Codanādipucchāvissajjanāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жод̣̇анаад̣̇ибужчаависсаж̇ж̇анааван̣н̣анаа • Codanādipucchāvissajjanāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / жод̣̇анаад̣̇ибужчаависсаж̇ж̇анааван̣н̣анаа • Codanādipucchāvissajjanāvaṇṇanā
