| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
д̣̇уд̇ияаг̇аат̇аасан̇г̇ан̣игам̣
Dutiyagāthāsaṅgaṇikaṃ
жод̣̇анаад̣̇ибужчаависсаж̇ж̇анааван̣н̣анаа
Codanādipucchāvissajjanāvaṇṇanā
359. д̣̇уд̇ияаг̇аат̇аасан̇г̇ан̣игааяа ‘‘жод̣̇анаа гимад̇т̇ааяаа’’д̇иаад̣̇игаа бужчаа убаалид̇т̇зрзна гад̇аа. ‘‘жод̣̇анаа сааран̣ад̇т̇ааяаа’’д̇иаад̣̇ивиссаж̇ж̇анам̣ бхаг̇авад̇аа вуд̇д̇ам̣. убаалид̇т̇зро саяамзва бужчид̇ваа виссаж̇ж̇анам̣ агаасийд̇иби вад̣̇анд̇и.
359. Dutiyagāthāsaṅgaṇikāya ‘‘codanā kimatthāyā’’tiādikā pucchā upālittherena katā. ‘‘Codanā sāraṇatthāyā’’tiādivissajjanaṃ bhagavatā vuttaṃ. Upālitthero sayameva pucchitvā vissajjanaṃ akāsītipi vadanti.
манд̇аг̇г̇ахан̣анд̇и д̇зсам̣ вижааран̣ааг̇ахан̣ам̣, суд̇д̇анд̇игад̇т̇зраанам̣, винаяад̇харад̇т̇зраанан̃жа ад̇хиббааяаг̇ахан̣анд̇и ад̇т̇о. баадзггам̣ винижчаяасаннидтаабанад̇т̇анд̇и д̇зсам̣ бажжзгам̣ ад̇хиббааяам̣ н̃ад̇ваа д̇зхи самудтаабид̇анаяамби г̇ахзд̇ваа винижчаяабарияосаабанад̇т̇анд̇и ад̇хиббааяо.
Mantaggahaṇanti tesaṃ vicāraṇāgahaṇaṃ, suttantikattherānaṃ, vinayadharattherānañca adhippāyagahaṇanti attho. Pāṭekkaṃ vinicchayasanniṭṭhāpanatthanti tesaṃ paccekaṃ adhippāyaṃ ñatvā tehi samuṭṭhāpitanayampi gahetvā vinicchayapariyosāpanatthanti adhippāyo.
‘‘маа ко д̇урид̇о абхан̣ий’’д̇иаад̣̇инаа абхимукз тид̇ам̣ ган̃жи анувиж̇ж̇агам̣ овад̣̇анд̇зна вияа т̇зрзна анувиж̇ж̇агавад̇д̇ам̣ гат̇ид̇ам̣.
‘‘Mā kho turito abhaṇī’’tiādinā abhimukhe ṭhitaṃ kañci anuvijjakaṃ ovadantena viya therena anuvijjakavattaṃ kathitaṃ.
ануяун̃ж̇анавад̇д̇анд̇и ануяуж̇ж̇анаггамам̣, д̇ам̣ бана яасмаа саб̣б̣асигкаабад̣̇авийд̇иггамависаязби д̇ам̣д̇ам̣сигкаабад̣̇аануломзна гад̇д̇аб̣б̣ам̣, д̇асмаа ‘‘сигкаабад̣̇аануломига’’нд̇и вуд̇д̇ам̣. ад̇д̇ано г̇ад̇им̣ наасзд̇ийд̇и ад̇д̇ано суг̇ад̇иг̇аманам̣ винаасзд̇и.
Anuyuñjanavattanti anuyujjanakkamaṃ, taṃ pana yasmā sabbasikkhāpadavītikkamavisayepi taṃtaṃsikkhāpadānulomena kattabbaṃ, tasmā ‘‘sikkhāpadānulomika’’nti vuttaṃ. Attano gatiṃ nāsetīti attano sugatigamanaṃ vināseti.
анусанд̇хид̇а-сад̣̇д̣̇о бхаавасаад̇ханод̇и ааха ‘‘анусанд̇хид̇анд̇и гат̇аанусанд̇хий’’д̇и. вад̇д̇аанусанд̇хид̇знаад̇и зд̇т̇ааби зсзва наяо. вад̇д̇аанусанд̇хид̇знаад̇и аажаараанусанд̇хинаа, аажаарзна сад̣̇д̇хим̣ самзнд̇ияаа бадин̃н̃ааяаад̇и ад̇т̇о. д̇знааха ‘‘яаа асса вад̇д̇знаа’’д̇иаад̣̇и.
Anusandhita-saddo bhāvasādhanoti āha ‘‘anusandhitanti kathānusandhī’’ti. Vattānusandhitenāti etthāpi eseva nayo. Vattānusandhitenāti ācārānusandhinā, ācārena saddhiṃ samentiyā paṭiññāyāti attho. Tenāha ‘‘yā assa vattenā’’tiādi.
баал̣ияам̣ сан̃жижжа аабад̇д̇инд̇иаад̣̇и алаж̇ж̇илаж̇ж̇илагкан̣ам̣ бхигкубхигкунийнам̣ васзна вуд̇д̇ам̣ д̇зсан̃н̃зва саб̣б̣аббагаарад̇о сигкаабад̣̇аад̇хигаарад̇д̇аа. сааман̣зраад̣̇ийнамби саад̇хааран̣авасзна бана сан̃жижжа яат̇аасагам̣ сигкаабад̣̇авийд̇иггаманаад̣̇игам̣ алаж̇ж̇илаж̇ж̇илагкан̣ам̣ взд̣̇ид̇аб̣б̣ам̣.
Pāḷiyaṃ sañcicca āpattintiādi alajjilajjilakkhaṇaṃ bhikkhubhikkhunīnaṃ vasena vuttaṃ tesaññeva sabbappakārato sikkhāpadādhikārattā. Sāmaṇerādīnampi sādhāraṇavasena pana sañcicca yathāsakaṃ sikkhāpadavītikkamanādikaṃ alajjilajjilakkhaṇaṃ veditabbaṃ.
гат̇аанусанд̇хиважананд̇и жуд̣̇ид̇агаанувиж̇ж̇агаанам̣ гат̇ааяа анусанд̇хияуд̇д̇ам̣ важанам̣ на ж̇аанаад̇и, д̇зхи згасмим̣ гааран̣з вуд̇д̇з саяам̣ д̇ам̣ асаллагкзд̇ваа ад̇д̇ано абхиружид̇амзва асамб̣анд̇хид̇ад̇т̇анд̇и ад̇т̇о. винижчаяаанусанд̇хиважанан̃жаад̇и анувиж̇ж̇агзна гад̇асса аабад̇д̇аанаабад̇д̇ивинижчаяасса ануг̇ун̣ам̣, самб̣анд̇хаважанан̃жа.
Kathānusandhivacananti cuditakaanuvijjakānaṃ kathāya anusandhiyuttaṃ vacanaṃ na jānāti, tehi ekasmiṃ kāraṇe vutte sayaṃ taṃ asallakkhetvā attano abhirucitameva asambandhitatthanti attho. Vinicchayānusandhivacanañcāti anuvijjakena katassa āpattānāpattivinicchayassa anuguṇaṃ, sambandhavacanañca.
жод̣̇анаад̣̇ибужчаависсаж̇ж̇анааван̣н̣анаа нидтид̇аа.
Codanādipucchāvissajjanāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. жод̣̇анаад̣̇ибужчаависсаж̇ж̇анаа • 1. Codanādipucchāvissajjanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / жод̣̇анаад̣̇ибужчаависсаж̇ж̇анааван̣н̣анаа • Codanādipucchāvissajjanāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇уд̇ияаг̇аат̇аасан̇г̇ан̣игаван̣н̣анаа • Dutiyagāthāsaṅgaṇikavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жод̣̇анаад̣̇ибужчаависсаж̇ж̇анааван̣н̣анаа • Codanādipucchāvissajjanāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / жод̣̇анаад̣̇ибужчаависсаж̇ж̇анааван̣н̣анаа • Codanādipucchāvissajjanāvaṇṇanā
