Library / Tipiṭaka / д̇ибидага • Tipiṭaka / винаяасан̇г̇аха-адтагат̇аа • Vinayasaṅgaha-aṭṭhakathā

    31. жод̣̇анаад̣̇ивинижчаяагат̇аа

    31. Codanādivinicchayakathā

    230. жод̣̇анаад̣̇ивинижчаяод̇и зд̇т̇а (баараа. адта. 2.385-6) бана жод̣̇зд̇ум̣ го лабхад̇и, го на лабхад̇и? д̣̇уб̣б̣алажод̣̇агаважанам̣ д̇аава г̇ахзд̇ваа гожи на лабхад̇и. д̣̇уб̣б̣алажод̣̇аго наама самб̣ахулзсу гат̇аасаллаабзна нисиннзсу зго згам̣ аараб̣бха анод̣̇иссагам̣ гад̇ваа баарааж̇игавад̇т̇ум̣ гат̇зд̇и, ан̃н̃о д̇ам̣ суд̇ваа ид̇арасса г̇анд̇ваа аарожзд̇и, со д̇ам̣ убасан̇гамид̇ваа ‘‘д̇вам̣ гира мам̣ ид̣̇ан̃жид̣̇ан̃жа вад̣̇асий’’д̇и бхан̣ад̇и, со ‘‘наахам̣ зваруубам̣ ж̇аанаами, гат̇аабавад̇д̇ияам̣ бана маяаа анод̣̇иссагам̣ гад̇ваа вуд̇д̇амад̇т̇и. сажз ахам̣ д̇ава имам̣ д̣̇угкуббад̇д̇им̣ ж̇аанзяяам̣, зд̇д̇агамби на гат̇зяяа’’нд̇и. аяам̣ д̣̇уб̣б̣алажод̣̇аго. д̇ассзд̇ам̣ гат̇аасаллаабам̣ г̇ахзд̇ваа д̇ам̣ бхигкум̣ гожи жод̣̇зд̇ум̣ на лабхад̇и, зд̇ам̣ бана аг̇г̇ахзд̇ваа сийласамбанно бхигку бхигкум̣ ваа бхигкуним̣ ваа, сийласамбаннаа жа бхигкуний бхигкуниймзва жод̣̇зд̇ум̣ лабхад̇ийд̇и махаабад̣̇умад̇т̇зро ааха. махаасумад̇т̇зро бана ‘‘бан̃жаби сахад̇хаммигаа лабханд̇ий’’д̇и ааха. г̇од̣̇ад̇д̇ад̇т̇зро ‘‘на гожи на лабхад̇ий’’д̇и вад̇ваа ‘‘бхигкусса суд̇ваа жод̣̇зд̇и, бхигкунияаа суд̇ваа…бз… д̇ид̇т̇ияасаавагаанам̣ суд̇ваа жод̣̇зд̇ий’’д̇и ид̣̇ам̣ суд̇д̇ам̣ аахари. д̇ин̣н̣амби т̇зраанам̣ ваад̣̇з жуд̣̇ид̇агассзва бадин̃н̃ааяа гаарзд̇аб̣б̣о.

    230.Codanādivinicchayoti ettha (pārā. aṭṭha. 2.385-6) pana codetuṃ ko labhati, ko na labhati? Dubbalacodakavacanaṃ tāva gahetvā koci na labhati. Dubbalacodako nāma sambahulesu kathāsallāpena nisinnesu eko ekaṃ ārabbha anodissakaṃ katvā pārājikavatthuṃ katheti, añño taṃ sutvā itarassa gantvā āroceti, so taṃ upasaṅkamitvā ‘‘tvaṃ kira maṃ idañcidañca vadasī’’ti bhaṇati, so ‘‘nāhaṃ evarūpaṃ jānāmi, kathāpavattiyaṃ pana mayā anodissakaṃ katvā vuttamatthi. Sace ahaṃ tava imaṃ dukkhuppattiṃ jāneyyaṃ, ettakampi na katheyya’’nti. Ayaṃ dubbalacodako. Tassetaṃ kathāsallāpaṃ gahetvā taṃ bhikkhuṃ koci codetuṃ na labhati, etaṃ pana aggahetvā sīlasampanno bhikkhu bhikkhuṃ vā bhikkhuniṃ vā, sīlasampannā ca bhikkhunī bhikkhunīmeva codetuṃ labhatīti mahāpadumatthero āha. Mahāsumatthero pana ‘‘pañcapi sahadhammikā labhantī’’ti āha. Godattatthero ‘‘na koci na labhatī’’ti vatvā ‘‘bhikkhussa sutvā codeti, bhikkhuniyā sutvā…pe… titthiyasāvakānaṃ sutvā codetī’’ti idaṃ suttaṃ āhari. Tiṇṇampi therānaṃ vāde cuditakasseva paṭiññāya kāretabbo.

    аяам̣ бана жод̣̇анаа наама д̣̇идтажод̣̇анаа суд̇ажод̣̇анаа барисан̇гид̇ажод̣̇анаад̇и д̇ивид̇хаа ход̇и. абарааби жад̇уб̣б̣ид̇хаа ход̇и сийлавибад̇д̇ижод̣̇анаа аажааравибад̇д̇ижод̣̇анаа д̣̇идтивибад̇д̇ижод̣̇анаа ааж̇ийвавибад̇д̇ижод̣̇анаад̇и. д̇ад̇т̇а г̇аругаанам̣ д̣̇виннам̣ аабад̇д̇игканд̇хаанам̣ васзна сийлавибад̇д̇ижод̣̇анаа взд̣̇ид̇аб̣б̣аа , авасзсаанам̣ васзна аажааравибад̇д̇ижод̣̇анаа, мижчаад̣̇идтианд̇аг̇г̇аахигад̣̇идтивасзна д̣̇идтивибад̇д̇ижод̣̇анаа, ааж̇ийвахзд̇у бан̃н̃ад̇д̇аанам̣ чаннам̣ сигкаабад̣̇аанам̣ васзна ааж̇ийвавибад̇д̇ижод̣̇анаа взд̣̇ид̇аб̣б̣аа.

    Ayaṃ pana codanā nāma diṭṭhacodanā sutacodanā parisaṅkitacodanāti tividhā hoti. Aparāpi catubbidhā hoti sīlavipatticodanā ācāravipatticodanā diṭṭhivipatticodanā ājīvavipatticodanāti. Tattha garukānaṃ dvinnaṃ āpattikkhandhānaṃ vasena sīlavipatticodanā veditabbā , avasesānaṃ vasena ācāravipatticodanā, micchādiṭṭhiantaggāhikadiṭṭhivasena diṭṭhivipatticodanā, ājīvahetu paññattānaṃ channaṃ sikkhāpadānaṃ vasena ājīvavipatticodanā veditabbā.

    абарааби жад̇уб̣б̣ид̇хаа ход̇и вад̇т̇усанд̣̇ассанаа аабад̇д̇исанд̣̇ассанаа сам̣ваасабадигкзбо саамийжибадигкзбод̇и. д̇ад̇т̇а вад̇т̇усанд̣̇ассанаа наама ‘‘д̇вам̣ мзт̇унам̣ д̇хаммам̣ бадисзви, ад̣̇иннам̣ аад̣̇ияи, мануссам̣ гхаад̇аяид̇т̇а, абхууд̇ам̣ аарожаяид̇т̇аа’’д̇и звам̣ бавад̇д̇аа. аабад̇д̇исанд̣̇ассанаа наама ‘‘д̇вам̣ мзт̇унад̇хаммабаарааж̇игаабад̇д̇им̣ аабанно’’д̇извамаад̣̇инаяаббавад̇д̇аа. сам̣ваасабадигкзбо наама ‘‘над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и звам̣ бавад̇д̇о. саамийжибадигкзбо наама абхиваад̣̇анабажжудтаанаан̃ж̇алийгаммаб̣ийж̇анаад̣̇игаммаанам̣ агаран̣ам̣. д̇ам̣ бадибаадияаа ванд̣̇анаад̣̇ийни гаронд̇о згасса агад̇ваа сзсаанам̣ гаран̣агаалз взд̣̇ид̇аб̣б̣ам̣. зд̇д̇аавад̇ааби жод̣̇анаа наама ход̇и. яааг̇убхад̇д̇аад̣̇инаа бана яам̣ ижчад̇и, д̇ам̣ аабужчад̇и, на д̇аавад̇аа жод̣̇анаа ход̇и.

    Aparāpi catubbidhā hoti vatthusandassanā āpattisandassanā saṃvāsapaṭikkhepo sāmīcipaṭikkhepoti. Tattha vatthusandassanā nāma ‘‘tvaṃ methunaṃ dhammaṃ paṭisevi, adinnaṃ ādiyi, manussaṃ ghātayittha, abhūtaṃ ārocayitthā’’ti evaṃ pavattā. Āpattisandassanā nāma ‘‘tvaṃ methunadhammapārājikāpattiṃ āpanno’’tievamādinayappavattā. Saṃvāsapaṭikkhepo nāma ‘‘natthi tayā saddhiṃ uposatho vā pavāraṇā vā saṅghakammaṃ vā’’ti evaṃ pavatto. Sāmīcipaṭikkhepo nāma abhivādanapaccuṭṭhānaañjalīkammabījanādikammānaṃ akaraṇaṃ. Taṃ paṭipāṭiyā vandanādīni karonto ekassa akatvā sesānaṃ karaṇakāle veditabbaṃ. Ettāvatāpi codanā nāma hoti. Yāgubhattādinā pana yaṃ icchati, taṃ āpucchati, na tāvatā codanā hoti.

    абараа баад̇имогкадтабанагканд̇хагз (жуул̣ава. 387) ‘‘згам̣, бхигкавз, ад̇хаммигам̣ баад̇имогкадтабанам̣, згам̣ д̇хаммига’’нд̇иаад̣̇им̣ гад̇ваа яаава д̣̇аса ад̇хаммигаани баад̇имогкадтабанаани, д̣̇аса д̇хаммигаанийд̇и звам̣ ад̇хаммигаа бан̃жабан̃н̃ааса, д̇хаммигаа бан̃жабан̃н̃аасаад̇и д̣̇асуд̇д̇арасад̇ам̣ жод̣̇анаа вуд̇д̇аа. д̇аа д̣̇идтзна жод̣̇знд̇асса д̣̇асуд̇д̇арасад̇ам̣, суд̇зна жод̣̇знд̇асса д̣̇асуд̇д̇арасад̇ам̣, барисан̇гааяа жод̣̇знд̇асса д̣̇асуд̇д̇арасад̇анд̇и д̇им̣саад̇хигаани д̇ийн̣и сад̇аани хонд̇и. д̇аани гааязна жод̣̇знд̇асса, ваажааяа жод̣̇знд̇асса, гааяаваажааяа жод̣̇знд̇ассаад̇и д̇иг̇ун̣аани гад̇аани навуд̇аад̇хигаани нава сад̇аани хонд̇и. д̇аани ад̇д̇анаа жод̣̇знд̇ассаби барзна жод̣̇аабзнд̇ассаби д̇ад̇д̇агаанзваад̇и вийсад̇иуунаани д̣̇вз сахассаани хонд̇и. буна д̣̇идтаад̣̇ибхзд̣̇з самуулигаамуулигавасзна анзгасахассаа жод̣̇анаа хонд̇ийд̇и взд̣̇ид̇аб̣б̣аа.

    Aparā pātimokkhaṭṭhapanakkhandhake (cūḷava. 387) ‘‘ekaṃ, bhikkhave, adhammikaṃ pātimokkhaṭṭhapanaṃ, ekaṃ dhammika’’ntiādiṃ katvā yāva dasa adhammikāni pātimokkhaṭṭhapanāni, dasa dhammikānīti evaṃ adhammikā pañcapaññāsa, dhammikā pañcapaññāsāti dasuttarasataṃ codanā vuttā. Tā diṭṭhena codentassa dasuttarasataṃ, sutena codentassa dasuttarasataṃ, parisaṅkāya codentassa dasuttarasatanti tiṃsādhikāni tīṇi satāni honti. Tāni kāyena codentassa, vācāya codentassa, kāyavācāya codentassāti tiguṇāni katāni navutādhikāni nava satāni honti. Tāni attanā codentassapi parena codāpentassapi tattakānevāti vīsatiūnāni dve sahassāni honti. Puna diṭṭhādibhede samūlikāmūlikavasena anekasahassā codanā hontīti veditabbā.

    231. вуд̇д̇аббабхзд̣̇аасу бана имаасу жод̣̇анаасу яааяа гааяажи жод̣̇анааяа васзна сан̇гхамаж̇жхз осадз вад̇т̇усмим̣ жуд̣̇ид̇агажод̣̇агаа вад̇д̇аб̣б̣аа ‘‘д̇умхз амхаагам̣ винижчаязна д̇удтаа бхависсат̇аа’’д̇и. сажз ‘‘бхависсаамаа’’д̇и вад̣̇анд̇и, сан̇гхзна д̇ам̣ ад̇хигаран̣ам̣ самбадижчид̇аб̣б̣ам̣. ат̇а бана ‘‘винижчинат̇а д̇аава, бханд̇з, сажз амхаагам̣ камиссад̇и, г̇ан̣хиссаамаа’’д̇и вад̣̇анд̇и, ‘‘жзд̇ияам̣ д̇аава ванд̣̇ат̇аа’’д̇иаад̣̇ийни вад̇ваа д̣̇ийгхасуд̇д̇ам̣ гад̇ваа виссаж̇ж̇ид̇аб̣б̣ам̣. д̇з жз жирарад̇д̇ам̣ гиланд̇аа багганд̇абарисаа убажчиннабагкаа худ̇ваа буна яаажанд̇и, яаавад̇ад̇ияам̣ бадигкибид̇ваа яад̣̇аа ниммад̣̇аа хонд̇и, д̇ад̣̇аа нзсам̣ ад̇хигаран̣ам̣ винижчинид̇аб̣б̣ам̣. винижчинанд̇зхи жа сажз алаж̇ж̇уссаннаа ход̇и барисаа, уб̣б̣аахигааяа д̇ам̣ ад̇хигаран̣ам̣ винижчинид̇аб̣б̣ам̣. сажз б̣аалуссаннаа ход̇и барисаа, ‘‘д̇умхаагам̣ сабхааг̇з винаяад̇харз бариязсат̇аа’’д̇и винаяад̇харз бариязсаабзд̇ваа язна д̇хаммзна язна винаязна язна сад̇т̇усаасанзна д̇ам̣ ад̇хигаран̣ам̣ вуубасаммад̇и, д̇ат̇аа д̇ам̣ ад̇хигаран̣ам̣ вуубасамзд̇аб̣б̣ам̣.

    231. Vuttappabhedāsu pana imāsu codanāsu yāya kāyaci codanāya vasena saṅghamajjhe osaṭe vatthusmiṃ cuditakacodakā vattabbā ‘‘tumhe amhākaṃ vinicchayena tuṭṭhā bhavissathā’’ti. Sace ‘‘bhavissāmā’’ti vadanti, saṅghena taṃ adhikaraṇaṃ sampaṭicchitabbaṃ. Atha pana ‘‘vinicchinatha tāva, bhante, sace amhākaṃ khamissati, gaṇhissāmā’’ti vadanti, ‘‘cetiyaṃ tāva vandathā’’tiādīni vatvā dīghasuttaṃ katvā vissajjitabbaṃ. Te ce cirarattaṃ kilantā pakkantaparisā upacchinnapakkhā hutvā puna yācanti, yāvatatiyaṃ paṭikkhipitvā yadā nimmadā honti, tadā nesaṃ adhikaraṇaṃ vinicchinitabbaṃ. Vinicchinantehi ca sace alajjussannā hoti parisā, ubbāhikāya taṃ adhikaraṇaṃ vinicchinitabbaṃ. Sace bālussannā hoti parisā, ‘‘tumhākaṃ sabhāge vinayadhare pariyesathā’’ti vinayadhare pariyesāpetvā yena dhammena yena vinayena yena satthusāsanena taṃ adhikaraṇaṃ vūpasammati, tathā taṃ adhikaraṇaṃ vūpasametabbaṃ.

    д̇ад̇т̇а жа д̇хаммод̇и бхууд̇ам̣ вад̇т̇у. винаяод̇и жод̣̇анаа жзва сааран̣аа жа. сад̇т̇усаасананд̇и н̃ад̇д̇исамбад̣̇аа жа ануссааванасамбад̣̇аа жа. д̇асмаа жод̣̇агзна вад̇т̇усмим̣ аарожид̇з жуд̣̇ид̇аго бужчид̇аб̣б̣о ‘‘санд̇амзд̇ам̣, но’’д̇и. звам̣ вад̇т̇ум̣ убабаригкид̇ваа бхууд̇зна вад̇т̇унаа жод̣̇зд̇ваа саарзд̇ваа н̃ад̇д̇исамбад̣̇ааяа жа ануссааванасамбад̣̇ааяа жа д̇ам̣ ад̇хигаран̣ам̣ вуубасамзд̇аб̣б̣ам̣. д̇ад̇ра жз алаж̇ж̇ий лаж̇ж̇им̣ жод̣̇зд̇и, со жа алаж̇ж̇ий б̣аало ход̇и аб̣яад̇д̇о, наасса наяо д̣̇аад̇аб̣б̣о, звам̣ бана вад̇д̇аб̣б̣о ‘‘гимхи нам̣ жод̣̇зсий’’д̇и. ад̣̇д̇хаа со вагкад̇и ‘‘гимид̣̇ам̣, бханд̇з, гимхи нам̣ наамаа’’д̇и. ‘‘д̇вам̣ гимхи намби на ж̇аанааси, на яуд̇д̇ам̣ д̇аяаа зваруубзна б̣аалзна барам̣ жод̣̇зд̇у’’нд̇и уяяож̇зд̇аб̣б̣о, наасса ануяог̇о д̣̇аад̇аб̣б̣о. сажз бана со алаж̇ж̇ий бан̣д̣ид̇о ход̇и б̣яад̇д̇о, д̣̇идтзна ваа суд̇зна ваа аж̇жход̇т̇арид̇ваа самбаад̣̇зд̇ум̣ саггод̇и, зд̇асса ануяог̇ам̣ д̣̇ад̇ваа лаж̇ж̇иссзва бадин̃н̃ааяа гаммам̣ гаад̇аб̣б̣ам̣.

    Tattha ca dhammoti bhūtaṃ vatthu. Vinayoti codanā ceva sāraṇā ca. Satthusāsananti ñattisampadā ca anussāvanasampadā ca. Tasmā codakena vatthusmiṃ ārocite cuditako pucchitabbo ‘‘santametaṃ, no’’ti. Evaṃ vatthuṃ upaparikkhitvā bhūtena vatthunā codetvā sāretvā ñattisampadāya ca anussāvanasampadāya ca taṃ adhikaraṇaṃ vūpasametabbaṃ. Tatra ce alajjī lajjiṃ codeti, so ca alajjī bālo hoti abyatto, nāssa nayo dātabbo, evaṃ pana vattabbo ‘‘kimhi naṃ codesī’’ti. Addhā so vakkhati ‘‘kimidaṃ, bhante, kimhi naṃ nāmā’’ti. ‘‘Tvaṃ kimhi nampi na jānāsi, na yuttaṃ tayā evarūpena bālena paraṃ codetu’’nti uyyojetabbo, nāssa anuyogo dātabbo. Sace pana so alajjī paṇḍito hoti byatto, diṭṭhena vā sutena vā ajjhottharitvā sampādetuṃ sakkoti, etassa anuyogaṃ datvā lajjisseva paṭiññāya kammaṃ kātabbaṃ.

    сажз лаж̇ж̇ий алаж̇ж̇им̣ жод̣̇зд̇и, со жа лаж̇ж̇ий б̣аало ход̇и аб̣яад̇д̇о, на саггод̇и ануяог̇ам̣ д̣̇аад̇ум̣, д̇асса наяо д̣̇аад̇аб̣б̣о ‘‘гимхи нам̣ жод̣̇зси сийлавибад̇д̇ияаа ваа аажааравибад̇д̇иаад̣̇ийсу ваа згиссаа’’д̇и. гасмаа бана имассзва звам̣ наяо д̣̇аад̇аб̣б̣о, на ид̇арассаад̇и, нану на яуд̇д̇ам̣ винаяад̇хараанам̣ аг̇ад̇иг̇амананд̇и? на яуд̇д̇амзва. ид̣̇ам̣ бана аг̇ад̇иг̇аманам̣ на ход̇и, д̇хаммаануг̇г̇ахо наама зсо. алаж̇ж̇иниг̇г̇ахад̇т̇ааяа хи лаж̇ж̇ибаг̇г̇ахад̇т̇ааяа жа сигкаабад̣̇ам̣ бан̃н̃ад̇д̇ам̣. д̇ад̇ра алаж̇ж̇ий наяам̣ лабхид̇ваа аж̇жход̇т̇аранд̇о зхид̇и, лаж̇ж̇ий бана наяам̣ лабхид̇ваа д̣̇идтз д̣̇идтасанд̇аанзна суд̇з суд̇асанд̇аанзна бад̇идтааяа гат̇зссад̇и, д̇асмаа д̇асса д̇хаммаануг̇г̇ахо ваддад̇и. сажз бана со лаж̇ж̇ий бан̣д̣ид̇о ход̇и б̣яад̇д̇о, бад̇идтааяа гат̇зд̇и, алаж̇ж̇ий жа ‘‘зд̇амби над̇т̇и, зд̇амби над̇т̇ий’’д̇и бадин̃н̃ам̣ на д̣̇зд̇и, алаж̇ж̇исса бадин̃н̃ааяа зва гаад̇аб̣б̣ам̣.

    Sace lajjī alajjiṃ codeti, so ca lajjī bālo hoti abyatto, na sakkoti anuyogaṃ dātuṃ, tassa nayo dātabbo ‘‘kimhi naṃ codesi sīlavipattiyā vā ācāravipattiādīsu vā ekissā’’ti. Kasmā pana imasseva evaṃ nayo dātabbo, na itarassāti, nanu na yuttaṃ vinayadharānaṃ agatigamananti? Na yuttameva. Idaṃ pana agatigamanaṃ na hoti, dhammānuggaho nāma eso. Alajjiniggahatthāya hi lajjipaggahatthāya ca sikkhāpadaṃ paññattaṃ. Tatra alajjī nayaṃ labhitvā ajjhottharanto ehiti, lajjī pana nayaṃ labhitvā diṭṭhe diṭṭhasantānena sute sutasantānena patiṭṭhāya kathessati, tasmā tassa dhammānuggaho vaṭṭati. Sace pana so lajjī paṇḍito hoti byatto, patiṭṭhāya katheti, alajjī ca ‘‘etampi natthi, etampi natthī’’ti paṭiññaṃ na deti, alajjissa paṭiññāya eva kātabbaṃ.

    д̇ад̣̇ад̇т̇ад̣̇ийбанад̇т̇ан̃жа ид̣̇ам̣ вад̇т̇у взд̣̇ид̇аб̣б̣ам̣ – д̇ибидагажуул̣аабхаяад̇т̇зро гира лохабаасаад̣̇асса хздтаа бхигкуунам̣ винаяам̣ гат̇зд̇ваа сааяанхасамаяз вудтаад̇и, д̇асса вудтаанасамаяз д̣̇вз ад̇д̇абажжад̇т̇игаа гат̇ам̣ бавад̇д̇зсум̣. зго ‘‘зд̇амби над̇т̇и, зд̇амби над̇т̇ий’’д̇и бадин̃н̃ам̣ на д̣̇зд̇и, ат̇а аббаавасзсз батамаяаамз т̇зрасса д̇асмим̣ буг̇г̇алз ‘‘аяам̣ бад̇идтааяа гат̇зд̇и, аяам̣ бана бадин̃н̃ам̣ на д̣̇зд̇и, б̣ахууни жа вад̇т̇ууни осадаани, ад̣̇д̇хаа зд̇ам̣ гад̇ам̣ бхависсад̇ий’’д̇и асуд̣̇д̇халад̣̇д̇хи уббаннаа. д̇ад̇о б̣ийж̇анийд̣̇ан̣д̣агзна баад̣̇агат̇алигааяа сан̃н̃ам̣ д̣̇ад̇ваа ‘‘ахам̣, аавусо, винижчинид̇ум̣ ананужчавиго, ан̃н̃зна винижчинаабзхий’’д̇и ааха. ‘‘гасмаа, бханд̇з’’д̇и? т̇зро д̇амад̇т̇ам̣ аарожзси. жуд̣̇ид̇агабуг̇г̇аласса гааяз д̣аахо удтид̇о, д̇ад̇о со т̇зрам̣ ванд̣̇ид̇ваа ‘‘бханд̇з, винижчинид̇ум̣ ануруубзна винаяад̇харзна наама д̇умхаад̣̇исзнзва бхавид̇ум̣ ваддад̇и, жод̣̇агзна жа ийд̣̇исзнзва бхавид̇ум̣ ваддад̇ий’’д̇и вад̇ваа сзд̇агаани ниваасзд̇ваа ‘‘жирам̣ гиламид̇аад̇т̇а маяаа’’д̇и камаабзд̇ваа баггаами.

    Tadatthadīpanatthañca idaṃ vatthu veditabbaṃ – tipiṭakacūḷābhayatthero kira lohapāsādassa heṭṭhā bhikkhūnaṃ vinayaṃ kathetvā sāyanhasamaye vuṭṭhāti, tassa vuṭṭhānasamaye dve attapaccatthikā kathaṃ pavattesuṃ. Eko ‘‘etampi natthi, etampi natthī’’ti paṭiññaṃ na deti, atha appāvasese paṭhamayāme therassa tasmiṃ puggale ‘‘ayaṃ patiṭṭhāya katheti, ayaṃ pana paṭiññaṃ na deti, bahūni ca vatthūni osaṭāni, addhā etaṃ kataṃ bhavissatī’’ti asuddhaladdhi uppannā. Tato bījanīdaṇḍakena pādakathalikāya saññaṃ datvā ‘‘ahaṃ, āvuso, vinicchinituṃ ananucchaviko, aññena vinicchināpehī’’ti āha. ‘‘Kasmā, bhante’’ti? Thero tamatthaṃ ārocesi. Cuditakapuggalassa kāye ḍāho uṭṭhito, tato so theraṃ vanditvā ‘‘bhante, vinicchinituṃ anurūpena vinayadharena nāma tumhādiseneva bhavituṃ vaṭṭati, codakena ca īdiseneva bhavituṃ vaṭṭatī’’ti vatvā setakāni nivāsetvā ‘‘ciraṃ kilamitāttha mayā’’ti khamāpetvā pakkāmi.

    звам̣ лаж̇ж̇инаа жод̣̇ияамаано алаж̇ж̇ий б̣ахуусуби вад̇т̇уусу уббаннзсу бадин̃н̃ам̣ на д̣̇зд̇и, со нзва ‘‘суд̣̇д̇хо’’д̇и вад̇д̇аб̣б̣о, на ‘‘асуд̣̇д̇хо’’д̇и, ж̇ийвамад̇аго наама аамагабууд̇иго наама жзса. сажз банасса ан̃н̃амби д̇аад̣̇исам̣ вад̇т̇у уббаж̇ж̇ад̇и, на винижчинид̇аб̣б̣ам̣, д̇ат̇аа наасид̇аго бхависсад̇и . сажз бана алаж̇ж̇ийязва алаж̇ж̇им̣ жод̣̇зд̇и, со вад̇д̇аб̣б̣о ‘‘аавусо, д̇ава важанзнааяам̣ гим̣ саггаа вад̇д̇у’’нд̇и. ид̇арамби д̇ат̇зва вад̇ваа ‘‘убхоби згасамбхог̇абарибхог̇аа худ̇ваа ж̇ийват̇аа’’д̇и уяяож̇зд̇аб̣б̣аа. сийлад̇т̇ааяа нзсам̣ винижчаяо на гаад̇аб̣б̣о, бад̇д̇ажийварабаривзн̣аад̣̇иад̇т̇ааяа бана бад̇ируубам̣ сагким̣ лабхид̇ваа гаад̇аб̣б̣од̇и.

    Evaṃ lajjinā codiyamāno alajjī bahūsupi vatthūsu uppannesu paṭiññaṃ na deti, so neva ‘‘suddho’’ti vattabbo, na ‘‘asuddho’’ti, jīvamatako nāma āmakapūtiko nāma cesa. Sace panassa aññampi tādisaṃ vatthu uppajjati, na vinicchinitabbaṃ, tathā nāsitako bhavissati . Sace pana alajjīyeva alajjiṃ codeti, so vattabbo ‘‘āvuso, tava vacanenāyaṃ kiṃ sakkā vattu’’nti. Itarampi tatheva vatvā ‘‘ubhopi ekasambhogaparibhogā hutvā jīvathā’’ti uyyojetabbā. Sīlatthāya nesaṃ vinicchayo na kātabbo, pattacīvarapariveṇādiatthāya pana patirūpaṃ sakkhiṃ labhitvā kātabboti.

    ат̇а лаж̇ж̇ий лаж̇ж̇им̣ жод̣̇зд̇и, виваад̣̇о жа нзсам̣ гисмин̃жид̣̇зва аббамад̇д̇аго ход̇и, сан̃н̃аабзд̇ваа ‘‘маа звам̣ гарот̇аа’’д̇и ажжаяам̣ д̣̇зсаабзд̇ваа уяяож̇зд̇аб̣б̣аа . ат̇а банзд̇т̇а жуд̣̇ид̇агзна сахасаа вирад̣̇д̇хам̣ ход̇и, аад̣̇ид̇о бадтааяа алаж̇ж̇ий наама над̇т̇и. со жа багкаанурагкан̣ад̇т̇ааяа бадин̃н̃ам̣ на д̣̇зд̇и, ‘‘маяам̣ сад̣̇д̣̇ахаама, маяам̣ сад̣̇д̣̇ахаамаа’’д̇и б̣ахуу удтаханд̇и, со д̇зсам̣ бадин̃н̃ааяа згаваарам̣ д̣̇взваарам̣ суд̣̇д̇хо ход̇у, ат̇а бана вирад̣̇д̇хагаалад̇о бадтааяа таанз на д̇идтад̇и, винижчаяо на д̣̇аад̇аб̣б̣о.

    Atha lajjī lajjiṃ codeti, vivādo ca nesaṃ kismiñcideva appamattako hoti, saññāpetvā ‘‘mā evaṃ karothā’’ti accayaṃ desāpetvā uyyojetabbā . Atha panettha cuditakena sahasā viraddhaṃ hoti, ādito paṭṭhāya alajjī nāma natthi. So ca pakkhānurakkhaṇatthāya paṭiññaṃ na deti, ‘‘mayaṃ saddahāma, mayaṃ saddahāmā’’ti bahū uṭṭhahanti, so tesaṃ paṭiññāya ekavāraṃ dvevāraṃ suddho hotu, atha pana viraddhakālato paṭṭhāya ṭhāne na tiṭṭhati, vinicchayo na dātabbo.

    232. ад̣̇иннаад̣̇аанавад̇т̇ум̣ винижчинанд̇зна (баараа. адта. 1.92) бана бан̃жавийсад̇и авахаараа саад̇хугам̣ саллагкзд̇аб̣б̣аа. д̇зсу жа гусалзна винаяад̇харзна од̇ин̣н̣ам̣ вад̇т̇ум̣ сахасаа авинижчинид̇ваава бан̃жа таанаани ологзд̇аб̣б̣аани, яаани санд̇хааяа бораан̣аа ааху –

    232. Adinnādānavatthuṃ vinicchinantena (pārā. aṭṭha. 1.92) pana pañcavīsati avahārā sādhukaṃ sallakkhetabbā. Tesu ca kusalena vinayadharena otiṇṇaṃ vatthuṃ sahasā avinicchinitvāva pañca ṭhānāni oloketabbāni, yāni sandhāya porāṇā āhu –

    ‘‘вад̇т̇ум̣ гаалан̃жа д̣̇зсан̃жа, аг̇гхам̣ барибхог̇абан̃жамам̣;

    ‘‘Vatthuṃ kālañca desañca, agghaṃ paribhogapañcamaṃ;

    д̇улаяид̇ваа бан̃жа таанаани, д̇хаарзяяад̇т̇ам̣ вижагкан̣о’’д̇и. (баараа. адта. 1.92);

    Tulayitvā pañca ṭhānāni, dhāreyyatthaṃ vicakkhaṇo’’ti. (pārā. aṭṭha. 1.92);

    д̇ад̇т̇а вад̇т̇унд̇и бхан̣д̣ам̣. авахаарагзна хи ‘‘маяаа ид̣̇ам̣ наама авахада’’нд̇и вуд̇д̇зби аабад̇д̇им̣ анааробзд̇ваава д̇ам̣ бхан̣д̣ам̣ ‘‘сасаамигам̣ ваа асаамигам̣ ваа’’д̇и убабаригкид̇аб̣б̣ам̣. сасаамигзби саамигаанам̣ саалаяабхааво ваа нираалаяабхааво ваа убабаригкид̇аб̣б̣о. сажз д̇зсам̣ саалаяагаалз авахадам̣, бхан̣д̣ам̣ аг̇гхаабзд̇ваа аабад̇д̇и гаад̇аб̣б̣аа. сажз нираалаяагаалз, баарааж̇игзна на гаад̇аб̣б̣аа. бхан̣д̣асаамигзсу бана бхан̣д̣ам̣ аахараабзнд̇зсу бхан̣д̣ам̣ д̣̇аад̇аб̣б̣ам̣. аяамзд̇т̇а саамийжи.

    Tattha vatthunti bhaṇḍaṃ. Avahārakena hi ‘‘mayā idaṃ nāma avahaṭa’’nti vuttepi āpattiṃ anāropetvāva taṃ bhaṇḍaṃ ‘‘sasāmikaṃ vā asāmikaṃ vā’’ti upaparikkhitabbaṃ. Sasāmikepi sāmikānaṃ sālayabhāvo vā nirālayabhāvo vā upaparikkhitabbo. Sace tesaṃ sālayakāle avahaṭaṃ, bhaṇḍaṃ agghāpetvā āpatti kātabbā. Sace nirālayakāle, pārājikena na kātabbā. Bhaṇḍasāmikesu pana bhaṇḍaṃ āharāpentesu bhaṇḍaṃ dātabbaṃ. Ayamettha sāmīci.

    имасса банад̇т̇асса д̣̇ийбанад̇т̇амид̣̇ам̣ вад̇т̇у – бхаад̇ияарааж̇агаалз гира махаажзд̇ияабууж̇ааяа д̣̇агкин̣ад̣̇исад̇о зго бхигку сад̇д̇ахад̇т̇ам̣ бан̣д̣угаасаавам̣ ам̣сз гарид̇ваа жзд̇ияан̇г̇ан̣ам̣ баависи. д̇ан̇кан̣амзва жа рааж̇ааби жзд̇ияаванд̣̇анад̇т̇ам̣ ааг̇ад̇о. д̇ад̇о уссааран̣ааяа вад̇д̇амаанааяа махааж̇анасаммад̣̇д̣̇о ахоси. ат̇а со бхигку ж̇анасаммад̣̇д̣̇абийл̣ид̇о ам̣сад̇о бад̇анд̇ам̣ гаасаавам̣ ад̣̇исваава нигканд̇о, нигкамид̇ваа гаасаавам̣ абассанд̇о ‘‘го ийд̣̇исз ж̇анасаммад̣̇д̣̇з гаасаавам̣ лажчад̇и, на д̣̇аани д̇ам̣ маяха’’нд̇и д̇хуранигкзбам̣ гад̇ваа г̇ад̇о. ат̇ан̃н̃о бхигку бажчаа ааг̇ажчанд̇о д̇ам̣ гаасаавам̣ д̣̇исваа т̇зяяажид̇д̇зна г̇ахзд̇ваа буна виббадисаарий худ̇ваа ‘‘ассаман̣о д̣̇аанимхи, виб̣бхамиссаамий’’д̇и жид̇д̇з уббаннз ‘‘винаяад̇харз бужчид̇ваа н̃ассаамий’’д̇и жинд̇зси.

    Imassa panatthassa dīpanatthamidaṃ vatthu – bhātiyarājakāle kira mahācetiyapūjāya dakkhiṇadisato eko bhikkhu sattahatthaṃ paṇḍukāsāvaṃ aṃse karitvā cetiyaṅgaṇaṃ pāvisi. Taṅkhaṇameva ca rājāpi cetiyavandanatthaṃ āgato. Tato ussāraṇāya vattamānāya mahājanasammaddo ahosi. Atha so bhikkhu janasammaddapīḷito aṃsato patantaṃ kāsāvaṃ adisvāva nikkhanto, nikkhamitvā kāsāvaṃ apassanto ‘‘ko īdise janasammadde kāsāvaṃ lacchati, na dāni taṃ mayha’’nti dhuranikkhepaṃ katvā gato. Athañño bhikkhu pacchā āgacchanto taṃ kāsāvaṃ disvā theyyacittena gahetvā puna vippaṭisārī hutvā ‘‘assamaṇo dānimhi, vibbhamissāmī’’ti citte uppanne ‘‘vinayadhare pucchitvā ñassāmī’’ti cintesi.

    д̇зна самаязна жуул̣асуманад̇т̇зро наама саб̣б̣абарияад̇д̇ид̇харо винаяаажарияабаамогко махаавихаарз бадивасад̇и. со бхигку т̇зрам̣ убасан̇гамид̇ваа ванд̣̇ид̇ваа огаасам̣ гаарзд̇ваа ад̇д̇ано гуггужжам̣ бужчи. т̇зро д̇зна бхадтз ж̇анагааяз бажчаа ааг̇анд̇ваа г̇ахид̇абхаавам̣ н̃ад̇ваа ‘‘ад̇т̇и д̣̇аани зд̇т̇а огаасо’’д̇и жинд̇зд̇ваа ааха ‘‘сажз гаасаавасаамигам̣ бхигкум̣ аанзяяааси, саггаа бхавзяяа д̇ава бад̇идтаа гаад̇у’’нд̇и. гат̇аахам̣, бханд̇з, д̇ам̣ д̣̇агкиссаамийд̇и. д̇ахим̣ д̇ахим̣ г̇анд̇ваа ологзхийд̇и. со бан̃жаби махаавихаарз ологзд̇ваа нзва ад̣̇д̣̇агки. д̇ад̇о нам̣ т̇зро бужчи ‘‘гад̇арааяа д̣̇исааяа б̣ахуу бхигкуу ааг̇ажчанд̇ий’’д̇и? ‘‘д̣̇агкин̣ад̣̇исааяа, бханд̇з’’д̇и. д̇зна хи гаасаавам̣ д̣̇ийгхад̇о жа д̇ирияан̃жа минид̇ваа табзхи, табзд̇ваа д̣̇агкин̣ад̣̇исааяа вихаарабадибаадияаа вижинид̇ваа д̇ам̣ бхигкум̣ аанзхийд̇и. со д̇ат̇аа гад̇ваа д̇ам̣ бхигкум̣ д̣̇исваа т̇зрасса санд̇игам̣ аанзси. т̇зро бужчи ‘‘д̇авзд̣̇ам̣ гаасаава’’нд̇и? ‘‘аама, бханд̇з’’д̇и. гухим̣ д̇з баад̇ид̇анд̇и? со саб̣б̣ам̣ аажигки. т̇зро д̇зна гад̇ам̣ д̇хуранигкзбам̣ суд̇ваа ид̇арам̣ бужчи ‘‘д̇аяаа ид̣̇ам̣ гухим̣ д̣̇исваа г̇ахид̇а’’нд̇и? соби саб̣б̣ам̣ аарожзси. д̇ад̇о д̇ам̣ т̇зро ааха ‘‘сажз д̇з суд̣̇д̇хажид̇д̇зна г̇ахид̇ам̣ абхависса, анаабад̇д̇иязва д̇з асса, т̇зяяажид̇д̇зна бана г̇ахид̇ад̇д̇аа д̣̇уггадам̣ аабанноси, д̇ам̣ д̣̇зсзд̇ваа анаабад̇д̇иго ход̇и, ид̣̇ан̃жа гаасаавам̣ ад̇д̇ано санд̇агам̣ гад̇ваа зд̇ассзва бхигкуно д̣̇зхий’’д̇и. со бхигку амад̇знзва абхисид̇д̇о варамассаасаббад̇д̇о ахоси. звам̣ вад̇т̇у ологзд̇аб̣б̣ам̣.

    Tena samayena cūḷasumanatthero nāma sabbapariyattidharo vinayācariyapāmokkho mahāvihāre paṭivasati. So bhikkhu theraṃ upasaṅkamitvā vanditvā okāsaṃ kāretvā attano kukkuccaṃ pucchi. Thero tena bhaṭṭhe janakāye pacchā āgantvā gahitabhāvaṃ ñatvā ‘‘atthi dāni ettha okāso’’ti cintetvā āha ‘‘sace kāsāvasāmikaṃ bhikkhuṃ āneyyāsi, sakkā bhaveyya tava patiṭṭhā kātu’’nti. Kathāhaṃ, bhante, taṃ dakkhissāmīti. Tahiṃ tahiṃ gantvā olokehīti. So pañcapi mahāvihāre oloketvā neva addakkhi. Tato naṃ thero pucchi ‘‘katarāya disāya bahū bhikkhū āgacchantī’’ti? ‘‘Dakkhiṇadisāya, bhante’’ti. Tena hi kāsāvaṃ dīghato ca tiriyañca minitvā ṭhapehi, ṭhapetvā dakkhiṇadisāya vihārapaṭipāṭiyā vicinitvā taṃ bhikkhuṃ ānehīti. So tathā katvā taṃ bhikkhuṃ disvā therassa santikaṃ ānesi. Thero pucchi ‘‘tavedaṃ kāsāva’’nti? ‘‘Āma, bhante’’ti. Kuhiṃ te pātitanti? So sabbaṃ ācikkhi. Thero tena kataṃ dhuranikkhepaṃ sutvā itaraṃ pucchi ‘‘tayā idaṃ kuhiṃ disvā gahita’’nti? Sopi sabbaṃ ārocesi. Tato taṃ thero āha ‘‘sace te suddhacittena gahitaṃ abhavissa, anāpattiyeva te assa, theyyacittena pana gahitattā dukkaṭaṃ āpannosi, taṃ desetvā anāpattiko hoti, idañca kāsāvaṃ attano santakaṃ katvā etasseva bhikkhuno dehī’’ti. So bhikkhu amateneva abhisitto varamassāsappatto ahosi. Evaṃ vatthu oloketabbaṃ.

    гаалод̇и авахаарагаало. д̇ад̣̇зва хи бхан̣д̣ам̣ гад̣̇аажи аббаг̇гхам̣ ход̇и, гад̣̇аажи махаг̇гхам̣. д̇асмаа д̇ам̣ бхан̣д̣ам̣ яасмим̣ гаалз авахадам̣, д̇асмим̣язва гаалз яо д̇асса аг̇гхо ход̇и, д̇зна аг̇гхзна аабад̇д̇и гаарзд̇аб̣б̣аа. звам̣ гаало ологзд̇аб̣б̣о.

    Kāloti avahārakālo. Tadeva hi bhaṇḍaṃ kadāci appagghaṃ hoti, kadāci mahagghaṃ. Tasmā taṃ bhaṇḍaṃ yasmiṃ kāle avahaṭaṃ, tasmiṃyeva kāle yo tassa aggho hoti, tena agghena āpatti kāretabbā. Evaṃ kālo oloketabbo.

    д̣̇зсод̇и авахаарад̣̇зсо. д̇ан̃хи бхан̣д̣ам̣ яасмим̣ д̣̇зсз авахадам̣, д̇асмим̣язва д̣̇зсз яо д̇асса аг̇гхо ход̇и, д̇зна аг̇гхзна аабад̇д̇и гаарзд̇аб̣б̣аа. бхан̣д̣удтаанад̣̇зсз хи бхан̣д̣ам̣ аббаг̇гхам̣ ход̇и, ан̃н̃ад̇т̇а махаг̇гхам̣.

    Desoti avahāradeso. Tañhi bhaṇḍaṃ yasmiṃ dese avahaṭaṃ, tasmiṃyeva dese yo tassa aggho hoti, tena agghena āpatti kāretabbā. Bhaṇḍuṭṭhānadese hi bhaṇḍaṃ appagghaṃ hoti, aññattha mahagghaṃ.

    имассаби жа ад̇т̇асса д̣̇ийбанад̇т̇амид̣̇ам̣ вад̇т̇у – анд̇арасамуд̣̇д̣̇з гира зго бхигку сусан̣таанам̣ наал̣игзрам̣ лабхид̇ваа бхамам̣ ааробзд̇ваа сан̇кат̇аалагасад̣̇исам̣ манорамам̣ баанийяат̇аалагам̣ гад̇ваа д̇ад̇т̇зва табзд̇ваа жзд̇ияаг̇ирим̣ аг̇амааси . ан̃н̃о бхигку анд̇арасамуд̣̇д̣̇ам̣ г̇анд̇ваа д̇асмим̣ вихаарз бадивасанд̇о д̇ам̣ т̇аалагам̣ д̣̇исваа т̇зяяажид̇д̇зна г̇ахзд̇ваа жзд̇ияаг̇иримзва ааг̇ад̇о. д̇асса д̇ад̇т̇а яааг̇ум̣ биванд̇асса д̇ам̣ т̇аалагам̣ д̣̇исваа т̇аалагасаамиго бхигку ааха ‘‘гуд̇о д̇з ид̣̇ам̣ лад̣̇д̇ха’’нд̇и. анд̇арасамуд̣̇д̣̇ад̇о мз аанийд̇анд̇и. со д̇ам̣ ‘‘нзд̇ам̣ д̇ава санд̇агам̣, т̇зяяааяа д̇з г̇ахид̇а’’нд̇и сан̇гхамаж̇жхам̣ аагад̣дхи. д̇ад̇т̇а жа винижчаяам̣ алабхид̇ваа махаавихаарам̣ аг̇амим̣су, д̇ад̇т̇а жа бхзрим̣ бахараабзд̇ваа махаажзд̇ияасамийбз саннибаад̇ам̣ гад̇ваа винижчаяам̣ аарабхим̣су. винаяад̇харад̇т̇зраа авахаарам̣ сан̃н̃аабзсум̣.

    Imassapi ca atthassa dīpanatthamidaṃ vatthu – antarasamudde kira eko bhikkhu susaṇṭhānaṃ nāḷikeraṃ labhitvā bhamaṃ āropetvā saṅkhathālakasadisaṃ manoramaṃ pānīyathālakaṃ katvā tattheva ṭhapetvā cetiyagiriṃ agamāsi . Añño bhikkhu antarasamuddaṃ gantvā tasmiṃ vihāre paṭivasanto taṃ thālakaṃ disvā theyyacittena gahetvā cetiyagirimeva āgato. Tassa tattha yāguṃ pivantassa taṃ thālakaṃ disvā thālakasāmiko bhikkhu āha ‘‘kuto te idaṃ laddha’’nti. Antarasamuddato me ānītanti. So taṃ ‘‘netaṃ tava santakaṃ, theyyāya te gahita’’nti saṅghamajjhaṃ ākaḍḍhi. Tattha ca vinicchayaṃ alabhitvā mahāvihāraṃ agamiṃsu, tattha ca bheriṃ paharāpetvā mahācetiyasamīpe sannipātaṃ katvā vinicchayaṃ ārabhiṃsu. Vinayadharattherā avahāraṃ saññāpesuṃ.

    д̇асмин̃жа саннибаад̇з аабхид̇хаммигаг̇од̣̇ад̇д̇ад̇т̇зро наама винаяагусало ход̇и, со звамааха ‘‘иминаа ид̣̇ам̣ т̇аалагам̣ гухим̣ авахада’’нд̇и? ‘‘анд̇арасамуд̣̇д̣̇з авахада’’нд̇и. д̇ад̇т̇а д̇ам̣ гим̣ аг̇гхад̇ийд̇и. на гин̃жи аг̇гхад̇и. д̇ад̇ра хи наал̣игзрам̣ бхинд̣̇ид̇ваа мин̃ж̇ам̣ каад̣̇ид̇ваа габаалам̣ чад̣д̣зд̇и, д̣̇ааруад̇т̇ам̣ бана парад̇ийд̇и. имасса бхигкуно зд̇т̇а хад̇т̇агаммам̣ гим̣ аг̇гхад̇ийд̇и? маасагам̣ ваа уунамаасагам̣ ваад̇и. ад̇т̇и бана гад̇т̇ажи саммаасамб̣уд̣̇д̇хзна маасагз ваа уунамаасагз ваа баарааж̇игам̣ бан̃н̃ад̇д̇анд̇и. звам̣ вуд̇д̇з ‘‘саад̇ху саад̇ху, сугат̇ид̇ам̣ сувинижчид̇а’’нд̇и згасаад̇хугааро ахоси. д̇зна жа самаязна бхаад̇ияарааж̇ааби жзд̇ияаванд̣̇анад̇т̇ам̣ наг̇арад̇о нигканд̇о д̇ам̣ сад̣̇д̣̇ам̣ суд̇ваа ‘‘гим̣ ид̣̇а’’нд̇и бужчид̇ваа саб̣б̣ам̣ бадибаадияаа суд̇ваа наг̇арз бхзрим̣ жараабзси ‘‘маяи санд̇з бхигкуунамби бхигкунийнамби г̇ихийнамби ад̇хигаран̣ам̣ аабхид̇хаммигаг̇од̣̇ад̇д̇ад̇т̇зрзна винижчид̇ам̣ сувинижчид̇ам̣, д̇асса винижчаяз ад̇идтамаанам̣ рааж̇аан̣ааяа табзмий’’д̇и. звам̣ д̣̇зсо ологзд̇аб̣б̣о.

    Tasmiñca sannipāte ābhidhammikagodattatthero nāma vinayakusalo hoti, so evamāha ‘‘iminā idaṃ thālakaṃ kuhiṃ avahaṭa’’nti? ‘‘Antarasamudde avahaṭa’’nti. Tattha taṃ kiṃ agghatīti. Na kiñci agghati. Tatra hi nāḷikeraṃ bhinditvā miñjaṃ khāditvā kapālaṃ chaḍḍeti, dāruatthaṃ pana pharatīti. Imassa bhikkhuno ettha hatthakammaṃ kiṃ agghatīti? Māsakaṃ vā ūnamāsakaṃ vāti. Atthi pana katthaci sammāsambuddhena māsake vā ūnamāsake vā pārājikaṃ paññattanti. Evaṃ vutte ‘‘sādhu sādhu, sukathitaṃ suvinicchita’’nti ekasādhukāro ahosi. Tena ca samayena bhātiyarājāpi cetiyavandanatthaṃ nagarato nikkhanto taṃ saddaṃ sutvā ‘‘kiṃ ida’’nti pucchitvā sabbaṃ paṭipāṭiyā sutvā nagare bheriṃ carāpesi ‘‘mayi sante bhikkhūnampi bhikkhunīnampi gihīnampi adhikaraṇaṃ ābhidhammikagodattattherena vinicchitaṃ suvinicchitaṃ, tassa vinicchaye atiṭṭhamānaṃ rājāṇāya ṭhapemī’’ti. Evaṃ deso oloketabbo.

    аг̇гход̇и бхан̣д̣аг̇гхо. навабхан̣д̣асса хи яо аг̇гхо ход̇и, со бажчаа барихааяад̇и. яат̇аа навад̇ход̇о бад̇д̇о адта ваа д̣̇аса ваа аг̇гхад̇и, со бажчаа бхинно ваа чид̣̇д̣̇о ваа аан̣иг̇ан̣тигаахад̇о ваа аббаг̇гхо ход̇и, д̇асмаа на саб̣б̣ад̣̇аа бхан̣д̣ам̣ багад̇иаг̇гхзнзва гаад̇аб̣б̣анд̇и. звам̣ аг̇гхо ологзд̇аб̣б̣о.

    Agghoti bhaṇḍaggho. Navabhaṇḍassa hi yo aggho hoti, so pacchā parihāyati. Yathā navadhoto patto aṭṭha vā dasa vā agghati, so pacchā bhinno vā chiddo vā āṇigaṇṭhikāhato vā appaggho hoti, tasmā na sabbadā bhaṇḍaṃ pakatiaggheneva kātabbanti. Evaṃ aggho oloketabbo.

    барибхог̇од̇и бхан̣д̣абарибхог̇о. барибхог̇знаби хи ваасиаад̣̇ибхан̣д̣асса аг̇гхо барихааяад̇и. д̇асмаа звам̣ убабаригкид̇аб̣б̣ам̣ – сажз гожи гассажи баад̣̇аг̇гханагам̣ ваасим̣ харад̇и, д̇ад̇ра ваасисаамиго бужчид̇аб̣б̣о ‘‘д̇аяаа аяам̣ вааси гид̇д̇агзна гийд̇аа’’д̇и? ‘‘баад̣̇зна, бханд̇з’’д̇и. гим̣ бана д̇з гин̣ид̇ваава табид̇аа, уд̣̇ааху нам̣ вал̣ан̃ж̇зсийд̇и? сажз вад̣̇ад̇и ‘‘згад̣̇ивасам̣ мз д̣̇анд̇агадтам̣ ваа раж̇аначалли ваа бад̇д̇абажанагад̣̇аару ваа чиннам̣, гхам̣сид̇ваа ваа нисид̇аа’’д̇и, ат̇асса бораан̣аго аг̇гхо бхадтод̇и взд̣̇ид̇аб̣б̣о. яат̇аа жа ваасияаа, звам̣ ан̃ж̇анияаа ваа ан̃ж̇анисалаагааяа ваа гун̃жигааяа ваа балаалзна ваа т̇усзхи ваа идтагажун̣н̣зна ваа згаваарам̣ гхам̣сид̇ваа д̇ховид̇амад̇д̇знаби аг̇гхо бхассад̇и. д̇ибуман̣д̣аласса магарад̣̇анд̇ажчзд̣̇анзнаби баримаж̇ж̇анамад̇д̇знаби, уд̣̇агасаадагасса сагим̣ ниваасанабаарубанзнаби барибхог̇асийсзна ам̣сз ваа сийсз ваа табанамад̇д̇знаби, д̇ан̣д̣улаад̣̇ийнам̣ бабподанзнаби д̇ад̇о згам̣ ваа д̣̇вз ваа абанаяанзнаби анд̇амасо згам̣ баасаан̣асагкарам̣ уд̣̇д̇харид̇ваа чад̣д̣ид̇амад̇д̇знаби, саббид̇злаад̣̇ийнам̣ бхааж̇ананд̇арабаавад̇д̇анзнаби анд̇амасо д̇ад̇о магкигам̣ ваа гибиллигам̣ ваа уд̣̇д̇харид̇ваа чад̣д̣ид̇амад̇д̇знаби, г̇ул̣абин̣д̣агасса мад̇хурабхааваж̇аананад̇т̇ам̣ накзна виж̇жхид̇ваа ан̣умад̇д̇ам̣ г̇ахид̇амад̇д̇знаби аг̇гхо бхассад̇и. д̇асмаа яам̣ гин̃жи баад̣̇аг̇гханагам̣ вуд̇д̇анаязнзва саамигзхи барибхог̇зна уунам̣ гад̇ам̣ ход̇и, на д̇ам̣ авахадо бхигку баарааж̇игзна гаад̇аб̣б̣од̇и. звам̣ аг̇гхо ологзд̇аб̣б̣о.

    Paribhogoti bhaṇḍaparibhogo. Paribhogenapi hi vāsiādibhaṇḍassa aggho parihāyati. Tasmā evaṃ upaparikkhitabbaṃ – sace koci kassaci pādagghanakaṃ vāsiṃ harati, tatra vāsisāmiko pucchitabbo ‘‘tayā ayaṃ vāsi kittakena kītā’’ti? ‘‘Pādena, bhante’’ti. Kiṃ pana te kiṇitvāva ṭhapitā, udāhu naṃ vaḷañjesīti? Sace vadati ‘‘ekadivasaṃ me dantakaṭṭhaṃ vā rajanachalli vā pattapacanakadāru vā chinnaṃ, ghaṃsitvā vā nisitā’’ti, athassa porāṇako aggho bhaṭṭhoti veditabbo. Yathā ca vāsiyā, evaṃ añjaniyā vā añjanisalākāya vā kuñcikāya vā palālena vā thusehi vā iṭṭhakacuṇṇena vā ekavāraṃ ghaṃsitvā dhovitamattenapi aggho bhassati. Tipumaṇḍalassa makaradantacchedanenapi parimajjanamattenapi, udakasāṭakassa sakiṃ nivāsanapārupanenapi paribhogasīsena aṃse vā sīse vā ṭhapanamattenapi, taṇḍulādīnaṃ papphoṭanenapi tato ekaṃ vā dve vā apanayanenapi antamaso ekaṃ pāsāṇasakkharaṃ uddharitvā chaḍḍitamattenapi, sappitelādīnaṃ bhājanantarapaavattanenapi antamaso tato makkhikaṃ vā kipillikaṃ vā uddharitvā chaḍḍitamattenapi, guḷapiṇḍakassa madhurabhāvajānanatthaṃ nakhena vijjhitvā aṇumattaṃ gahitamattenapi aggho bhassati. Tasmā yaṃ kiñci pādagghanakaṃ vuttanayeneva sāmikehi paribhogena ūnaṃ kataṃ hoti, na taṃ avahaṭo bhikkhu pārājikena kātabboti. Evaṃ aggho oloketabbo.

    звам̣ имаани д̇улаяид̇ваа бан̃жа таанаани д̇хаарзяяа ад̇т̇ам̣ вижагкан̣о, аабад̇д̇им̣ ваа анаабад̇д̇им̣ ваа г̇аругам̣ ваа лахугам̣ ваа аабад̇д̇им̣ яат̇аатаанз табзяяаад̇и. д̇знааху адтагат̇аажарияаа –

    Evaṃ imāni tulayitvā pañca ṭhānāni dhāreyya atthaṃ vicakkhaṇo, āpattiṃ vā anāpattiṃ vā garukaṃ vā lahukaṃ vā āpattiṃ yathāṭhāne ṭhapeyyāti. Tenāhu aṭṭhakathācariyā –

    ‘‘сигкаабад̣̇ам̣ самам̣ д̇зна, ан̃н̃ам̣ гин̃жи на виж̇ж̇ад̇и;

    ‘‘Sikkhāpadaṃ samaṃ tena, aññaṃ kiñci na vijjati;

    анзганаяавогин̣н̣ам̣, г̇амбхийрад̇т̇авинижчаяам̣.

    Anekanayavokiṇṇaṃ, gambhīratthavinicchayaṃ.

    ‘‘д̇асмаа вад̇т̇умхи од̇ин̣н̣з, бхигкунаа винаяан̃н̃унаа;

    ‘‘Tasmā vatthumhi otiṇṇe, bhikkhunā vinayaññunā;

    винаяаануг̇г̇ахзнзд̇т̇а, гаронд̇зна винижчаяам̣.

    Vinayānuggahenettha, karontena vinicchayaṃ.

    ‘‘баал̣им̣ адтагат̇ан̃жзва, саад̇хиббааяамасзсад̇о;

    ‘‘Pāḷiṃ aṭṭhakathañceva, sādhippāyamasesato;

    ог̇аяха аббамад̇д̇зна, гаран̣ийяо винижчаяо.

    Ogayha appamattena, karaṇīyo vinicchayo.

    ‘‘аабад̇д̇ид̣̇ассануссаахо, на гад̇д̇аб̣б̣о гуд̣̇аажанам̣;

    ‘‘Āpattidassanussāho, na kattabbo kudācanaṃ;

    бассиссаами анаабад̇д̇и-мид̇и гаяираат̇а маанасам̣.

    Passissāmi anāpatti-miti kayirātha mānasaṃ.

    ‘‘бассид̇вааби жа аабад̇д̇им̣, авад̇ваава бунаббунам̣;

    ‘‘Passitvāpi ca āpattiṃ, avatvāva punappunaṃ;

    виймам̣сид̇ваат̇а вин̃н̃уухи, сам̣санд̣̇ид̇ваа жа д̇ам̣ вад̣̇з.

    Vīmaṃsitvātha viññūhi, saṃsanditvā ca taṃ vade.

    ‘‘габбиязби жа вад̇т̇усмим̣, жид̇д̇асса лахувад̇д̇ино;

    ‘‘Kappiyepi ca vatthusmiṃ, cittassa lahuvattino;

    васзна сааман̃н̃аг̇ун̣аа, жаванд̇ийд̇ха бут̇уж̇ж̇анаа.

    Vasena sāmaññaguṇā, cavantīdha puthujjanā.

    ‘‘д̇асмаа барабаригкаарам̣, аасийвисамивораг̇ам̣;

    ‘‘Tasmā paraparikkhāraṃ, āsīvisamivoragaṃ;

    аг̇г̇им̣ вияа жа самбассам̣, наамасзяяа вижагкан̣о’’д̇и. (баараа. адта. 1.160-1 д̇ад̇рааяам̣ анусаасаний);

    Aggiṃ viya ca sampassaṃ, nāmaseyya vicakkhaṇo’’ti. (pārā. aṭṭha. 1.160-1 tatrāyaṃ anusāsanī);

    233. уд̇д̇аримануссад̇хаммаарожанам̣ винижчинанд̇зна (баараа. адта. 2.197) бана ‘‘гим̣ д̇з ад̇хиг̇ад̇ам̣. гинд̇и д̇з ад̇хиг̇ад̇ам̣, гад̣̇аа д̇з ад̇хиг̇ад̇ам̣, гад̇т̇а д̇з ад̇хиг̇ад̇ам̣, гад̇амз д̇з гилзсаа бахийнаа, гад̇амзсам̣ д̇вам̣ д̇хаммаанам̣ лаабхий’’д̇и имаани ча таанаани висод̇хзд̇аб̣б̣аани. сажз хи гожи бхигку уд̇д̇аримануссад̇хаммаад̇хиг̇амам̣ б̣яаагарзяяа, на со зд̇д̇аавад̇аа саггааро гаад̇аб̣б̣о, имзсам̣ бана чаннам̣ таанаанам̣ сод̇ханад̇т̇ам̣ звам̣ вад̇д̇аб̣б̣о ‘‘гим̣ д̇з ад̇хиг̇ад̇ам̣, гим̣ жхаанам̣ уд̣̇ааху вимогкаад̣̇ийсу ан̃н̃ад̇ара’’нд̇и. яо хи язна ад̇хиг̇ад̇о д̇хаммо, со д̇асса баагадо ход̇и. сажз ‘‘ид̣̇ам̣ наама мз ад̇хиг̇ад̇а’’нд̇и вад̣̇ад̇и, д̇ад̇о ‘‘гинд̇и д̇з ад̇хиг̇ад̇а’’нд̇и бужчид̇аб̣б̣о, ‘‘анижжалагкан̣аад̣̇ийсу гим̣ д̇хурам̣ гад̇ваа адтад̇им̣сааяа ваа аарамман̣зсу руубааруубааж̇жхад̇д̇аб̣ахид̣̇д̇хаад̣̇ибхзд̣̇зсу ваа д̇хаммзсу гзна мукзна абхинивисид̇ваа’’д̇и. яо хи яассаабхинивзсо, со д̇асса баагадо ход̇и. сажз ‘‘аяам̣ наама мз абхинивзсо, звам̣ маяаа ад̇хиг̇ад̇а’’нд̇и вад̣̇ад̇и, д̇ад̇о ‘‘гад̣̇аа д̇з ад̇хиг̇ад̇а’’нд̇и бужчид̇аб̣б̣о, ‘‘гим̣ буб̣б̣ан̣хз, уд̣̇ааху маж̇жханхигаад̣̇ийсу ан̃н̃ад̇арасмим̣ гаалз’’д̇и. саб̣б̣зсан̃хи ад̇д̇анаа ад̇хиг̇ад̇агаало баагадо ход̇и. сажз ‘‘амугасмим̣ наама гаалз ад̇хиг̇ага’’нд̇и вад̣̇ад̇и, д̇ад̇о ‘‘гад̇т̇а д̇з ад̇хиг̇ад̇а’’нд̇и бужчид̇аб̣б̣о, ‘‘гим̣ д̣̇иваадтаанз, уд̣̇ааху рад̇д̇идтаанаад̣̇ийсу ан̃н̃ад̇арасмим̣ огаасз’’д̇и. саб̣б̣зсан̃хи ад̇д̇анаа ад̇хиг̇ад̇огаасо баагадо ход̇и. сажз ‘‘амугасмим̣ наама мз огаасз ад̇хиг̇ад̇а’’нд̇и вад̣̇ад̇и, д̇ад̇о ‘‘гад̇амз д̇з гилзсаа бахийнаа’’д̇и бужчид̇аб̣б̣о, ‘‘гим̣ батамамаг̇г̇аваж̇жхаа, уд̣̇ааху д̣̇уд̇ияаад̣̇имаг̇г̇аваж̇жхаа’’д̇и. саб̣б̣зсан̃хи ад̇д̇анаа ад̇хиг̇ад̇амаг̇г̇зна бахийнаа гилзсаа баагадаа хонд̇и.

    233. Uttarimanussadhammārocanaṃ vinicchinantena (pārā. aṭṭha. 2.197) pana ‘‘kiṃ te adhigataṃ. Kinti te adhigataṃ, kadā te adhigataṃ, kattha te adhigataṃ, katame te kilesā pahīnā, katamesaṃ tvaṃ dhammānaṃ lābhī’’ti imāni cha ṭhānāni visodhetabbāni. Sace hi koci bhikkhu uttarimanussadhammādhigamaṃ byākareyya, na so ettāvatā sakkāro kātabbo, imesaṃ pana channaṃ ṭhānānaṃ sodhanatthaṃ evaṃ vattabbo ‘‘kiṃ te adhigataṃ, kiṃ jhānaṃ udāhu vimokkhādīsu aññatara’’nti. Yo hi yena adhigato dhammo, so tassa pākaṭo hoti. Sace ‘‘idaṃ nāma me adhigata’’nti vadati, tato ‘‘kinti te adhigata’’nti pucchitabbo, ‘‘aniccalakkhaṇādīsu kiṃ dhuraṃ katvā aṭṭhatiṃsāya vā ārammaṇesu rūpārūpaajjhattabahiddhādibhedesu vā dhammesu kena mukhena abhinivisitvā’’ti. Yo hi yassābhiniveso, so tassa pākaṭo hoti. Sace ‘‘ayaṃ nāma me abhiniveso, evaṃ mayā adhigata’’nti vadati, tato ‘‘kadā te adhigata’’nti pucchitabbo, ‘‘kiṃ pubbaṇhe, udāhu majjhanhikādīsu aññatarasmiṃ kāle’’ti. Sabbesañhi attanā adhigatakālo pākaṭo hoti. Sace ‘‘amukasmiṃ nāma kāle adhigaka’’nti vadati, tato ‘‘kattha te adhigata’’nti pucchitabbo, ‘‘kiṃ divāṭṭhāne, udāhu rattiṭṭhānādīsu aññatarasmiṃ okāse’’ti. Sabbesañhi attanā adhigatokāso pākaṭo hoti. Sace ‘‘amukasmiṃ nāma me okāse adhigata’’nti vadati, tato ‘‘katame te kilesā pahīnā’’ti pucchitabbo, ‘‘kiṃ paṭhamamaggavajjhā, udāhu dutiyādimaggavajjhā’’ti. Sabbesañhi attanā adhigatamaggena pahīnā kilesā pākaṭā honti.

    сажз ‘‘имз наама мз гилзсаа бахийнаа’’д̇и вад̣̇ад̇и, д̇ад̇о ‘‘гад̇амзсам̣ д̇вам̣ д̇хаммаанам̣ лаабхий’’д̇и бужчид̇аб̣б̣о, ‘‘гим̣ сод̇аабад̇д̇имаг̇г̇асса, уд̣̇ааху сагад̣̇ааг̇аамимаг̇г̇аад̣̇ийсу ан̃н̃ад̇арассаа’’д̇и. саб̣б̣зсан̃хи ад̇д̇анаа ад̇хиг̇ад̇ад̇хаммо баагадо ход̇и. сажз ‘‘имзсам̣ наамаахам̣ д̇хаммаанам̣ лаабхий’’д̇и вад̣̇ад̇и, зд̇д̇аавад̇аабисса важанам̣ на сад̣̇д̇хаад̇аб̣б̣ам̣. б̣ахуссуд̇аа хи уг̇г̇ахабарибужчаагусалаа бхигкуу имаани ча таанаани сод̇хзд̇ум̣ саггонд̇и, имасса бана бхигкуно ааг̇аманабадибад̣̇аа сод̇хзд̇аб̣б̣аа. яад̣̇и ааг̇аманабадибад̣̇аа на суж̇жхад̇и, ‘‘имааяа бадибад̣̇ааяа логуд̇д̇арад̇хаммо наама на лаб̣бхад̇ий’’д̇и абанзд̇аб̣б̣о. яад̣̇и банасса ааг̇аманабадибад̣̇аа суж̇жхад̇и, д̣̇ийгхарад̇д̇ам̣ д̇ийсу сигкаасу аббамад̇д̇о ж̇ааг̇арияамануяуд̇д̇о жад̇уусу бажжаязсу алаг̇г̇о аагаасз баан̣исамзна жзд̇асаа вихарад̇ийд̇и бан̃н̃ааяад̇и, д̇асса бхигкуно б̣яаагаран̣ам̣ бадибад̣̇ааяа сад̣̇д̇хим̣ сам̣санд̣̇ад̇и. ‘‘сзяяат̇ааби наама г̇ан̇г̇од̣̇агам̣ яамунод̣̇агзна сам̣санд̣̇ад̇и самзд̇и, звамзва субан̃н̃ад̇д̇аа д̇зна бхаг̇авад̇аа саавагаанам̣ ниб̣б̣аанаг̇ааминий бадибад̣̇аа, сам̣санд̣̇ад̇и ниб̣б̣аанан̃жа бадибад̣̇аа жаа’’д̇и (д̣̇ий. ни. 2.296) вуд̇д̇асад̣̇исам̣ ход̇и. абижа ко на зд̇д̇агзнаби саггааро гаад̇аб̣б̣о. гасмаа? згажжасса хи бут̇уж̇ж̇анассаби сад̇о кийн̣аасавасса бадибад̇д̇исад̣̇исаа бадибад̇д̇и ход̇и, д̇асмаа со бхигку д̇зхи д̇зхи убааязхи уд̇д̇аасзд̇аб̣б̣о. кийн̣аасавасса наама асанияааби мад̇т̇агз бад̇амаанааяа бхаяам̣ ваа чамбхид̇ад̇д̇ам̣ ваа ломахам̣со ваа на ход̇и, бут̇уж̇ж̇анасса аббамад̇д̇агзнаби ход̇и.

    Sace ‘‘ime nāma me kilesā pahīnā’’ti vadati, tato ‘‘katamesaṃ tvaṃ dhammānaṃ lābhī’’ti pucchitabbo, ‘‘kiṃ sotāpattimaggassa, udāhu sakadāgāmimaggādīsu aññatarassā’’ti. Sabbesañhi attanā adhigatadhammo pākaṭo hoti. Sace ‘‘imesaṃ nāmāhaṃ dhammānaṃ lābhī’’ti vadati, ettāvatāpissa vacanaṃ na saddhātabbaṃ. Bahussutā hi uggahaparipucchākusalā bhikkhū imāni cha ṭhānāni sodhetuṃ sakkonti, imassa pana bhikkhuno āgamanapaṭipadā sodhetabbā. Yadi āgamanapaṭipadā na sujjhati, ‘‘imāya paṭipadāya lokuttaradhammo nāma na labbhatī’’ti apanetabbo. Yadi panassa āgamanapaṭipadā sujjhati, dīgharattaṃ tīsu sikkhāsu appamatto jāgariyamanuyutto catūsu paccayesu alaggo ākāse pāṇisamena cetasā viharatīti paññāyati, tassa bhikkhuno byākaraṇaṃ paṭipadāya saddhiṃ saṃsandati. ‘‘Seyyathāpi nāma gaṅgodakaṃ yamunodakena saṃsandati sameti, evameva supaññattā tena bhagavatā sāvakānaṃ nibbānagāminī paṭipadā, saṃsandati nibbānañca paṭipadā cā’’ti (dī. ni. 2.296) vuttasadisaṃ hoti. Apica kho na ettakenapi sakkāro kātabbo. Kasmā? Ekaccassa hi puthujjanassapi sato khīṇāsavassa paṭipattisadisā paṭipatti hoti, tasmā so bhikkhu tehi tehi upāyehi uttāsetabbo. Khīṇāsavassa nāma asaniyāpi matthake patamānāya bhayaṃ vā chambhitattaṃ vā lomahaṃso vā na hoti, puthujjanassa appamattakenapi hoti.

    д̇ад̇римаани вад̇т̇ууни (ма. ни. адта. 3.102) – д̣̇ийгхабхаан̣агаабхаяад̇т̇зро гира згам̣ бин̣д̣абаад̇игам̣ бариг̇г̇ахзд̇ум̣ асаггонд̇о д̣̇ахарасса сан̃н̃ам̣ ад̣̇ааси. со д̇ам̣ нахааяамаанам̣ галяаан̣ийнад̣̇иймукад̣̇ваарз нимуж̇ж̇ид̇ваа баад̣̇з аг̇г̇ахзси. бин̣д̣абаад̇иго ‘‘гумбхийло’’д̇и сан̃н̃ааяа махаасад̣̇д̣̇амагааси, д̇ад̣̇аа нам̣ ‘‘бут̇уж̇ж̇ано’’д̇и ж̇ааним̣су.

    Tatrimāni vatthūni (ma. ni. aṭṭha. 3.102) – dīghabhāṇakaabhayatthero kira ekaṃ piṇḍapātikaṃ pariggahetuṃ asakkonto daharassa saññaṃ adāsi. So taṃ nahāyamānaṃ kalyāṇīnadīmukhadvāre nimujjitvā pāde aggahesi. Piṇḍapātiko ‘‘kumbhīlo’’ti saññāya mahāsaddamakāsi, tadā naṃ ‘‘puthujjano’’ti jāniṃsu.

    жанд̣̇амукад̇иссарааж̇агаалз бана махаавихаарз сан̇гхад̇т̇зро кийн̣аасаво д̣̇уб̣б̣алажагкуго вихаарзязва ажчад̇и. рааж̇аа ‘‘т̇зрам̣ бариг̇г̇ан̣хиссаамий’’д̇и бхигкуусу бхигкаажаарам̣ г̇ад̇зсу аббасад̣̇д̣̇о убасан̇гамид̇ваа саббо вияа баад̣̇з аг̇г̇ахзси. т̇зро силаат̇амбхо вияа нижжало худ̇ваа ‘‘го зд̇т̇аа’’д̇и ааха. ‘‘ахам̣, бханд̇з, д̇иссо’’д̇и? ‘‘суг̇анд̇хам̣ вааяаси но д̇иссаа’’д̇и. звам̣ кийн̣аасавасса бхаяам̣ наама над̇т̇и.

    Candamukhatissarājakāle pana mahāvihāre saṅghatthero khīṇāsavo dubbalacakkhuko vihāreyeva acchati. Rājā ‘‘theraṃ pariggaṇhissāmī’’ti bhikkhūsu bhikkhācāraṃ gatesu appasaddo upasaṅkamitvā sappo viya pāde aggahesi. Thero silāthambho viya niccalo hutvā ‘‘ko etthā’’ti āha. ‘‘Ahaṃ, bhante, tisso’’ti? ‘‘Sugandhaṃ vāyasi no tissā’’ti. Evaṃ khīṇāsavassa bhayaṃ nāma natthi.

    згажжо бана бут̇уж̇ж̇аноби ад̇исууро ход̇и ниб̣бхаяо. со раж̇анийязна аарамман̣зна бариг̇г̇ан̣хид̇аб̣б̣о. васабхарааж̇ааби згам̣ т̇зрам̣ бариг̇г̇ан̣хамаано гхарз нисийд̣̇аабзд̇ваа д̇асса санд̇игз б̣ад̣̇арасаал̣авам̣ мад̣̇д̣̇амаано нисийд̣̇и. махаат̇зрасса кзл̣о жалид̇о, т̇зрасса бут̇уж̇ж̇анабхааво аавибхууд̇о. кийн̣аасавасса хи расад̇ан̣хаа наама суббахийнаа, д̣̇иб̣б̣зсуби расзсу ниганд̇и наама на ход̇и, д̇асмаа имзхи убааязхи бариг̇г̇ахзд̇ваа сажасса бхаяам̣ ваа чамбхид̇ад̇д̇ам̣ ваа расад̇ан̣хаа ваа уббаж̇ж̇ад̇и, ‘‘на жа д̇вам̣ арахаа’’д̇и абанзд̇аб̣б̣о. сажз бана абхийру ажчамбхий ануд̇раасий худ̇ваа сийхо вияа нисийд̣̇ад̇и, д̣̇иб̣б̣аарамман̣зби ниганд̇им̣ на ж̇анзд̇и, аяам̣ бхигку самбаннавзяяаагаран̣о саманд̇аа рааж̇арааж̇амахаамад̇д̇аад̣̇ийхи бзсид̇ам̣ саггаарам̣ арахад̇ийд̇и взд̣̇ид̇аб̣б̣о. звам̣ д̇аава уд̇д̇аримануссад̇хаммаарожанам̣ винижчинид̇аб̣б̣ам̣.

    Ekacco pana puthujjanopi atisūro hoti nibbhayo. So rajanīyena ārammaṇena pariggaṇhitabbo. Vasabharājāpi ekaṃ theraṃ pariggaṇhamāno ghare nisīdāpetvā tassa santike badarasāḷavaṃ maddamāno nisīdi. Mahātherassa kheḷo calito, therassa puthujjanabhāvo āvibhūto. Khīṇāsavassa hi rasataṇhā nāma suppahīnā, dibbesupi rasesu nikanti nāma na hoti, tasmā imehi upāyehi pariggahetvā sacassa bhayaṃ vā chambhitattaṃ vā rasataṇhā vā uppajjati, ‘‘na ca tvaṃ arahā’’ti apanetabbo. Sace pana abhīru acchambhī anutrāsī hutvā sīho viya nisīdati, dibbārammaṇepi nikantiṃ na janeti, ayaṃ bhikkhu sampannaveyyākaraṇo samantā rājarājamahāmattādīhi pesitaṃ sakkāraṃ arahatīti veditabbo. Evaṃ tāva uttarimanussadhammārocanaṃ vinicchinitabbaṃ.

    234. сагалз бана винаяавинижчаяз (баараа. адта. 1.45) госаллам̣ бад̇т̇аяанд̇зна жад̇уб̣б̣ид̇хо винаяо ж̇аанид̇аб̣б̣о.

    234. Sakale pana vinayavinicchaye (pārā. aṭṭha. 1.45) kosallaṃ patthayantena catubbidho vinayo jānitabbo.

    жад̇уб̣б̣ид̇хан̃хи винаяам̣, махаат̇зраа махид̣̇д̇хигаа;

    Catubbidhañhi vinayaṃ, mahātherā mahiddhikā;

    нийхарид̇ваа багаасзсум̣, д̇хаммасан̇г̇аахагаа бураа.

    Nīharitvā pakāsesuṃ, dhammasaṅgāhakā purā.

    гад̇амам̣ жад̇уб̣б̣ид̇хам̣? суд̇д̇ам̣ суд̇д̇аануломам̣ аажарияаваад̣̇ам̣ ад̇д̇аномад̇инд̇и. яам̣ санд̇хааяа вуд̇д̇ам̣ ‘‘аахажжабад̣̇зна ко, махаарааж̇а, расзна аажарияавам̣сзна ад̇хиббааяаа’’д̇и (ми. ба. 4.2.3). зд̇т̇а хи аахажжабад̣̇анд̇и суд̇д̇ам̣ ад̇хиббзд̇ам̣. расод̇и суд̇д̇аануломам̣. аажарияавам̣сод̇и аажарияаваад̣̇о. ад̇хиббааяод̇и ад̇д̇аномад̇и.

    Katamaṃ catubbidhaṃ? Suttaṃ suttānulomaṃ ācariyavādaṃ attanomatinti. Yaṃ sandhāya vuttaṃ ‘‘āhaccapadena kho, mahārāja, rasena ācariyavaṃsena adhippāyā’’ti (mi. pa. 4.2.3). Ettha hi āhaccapadanti suttaṃ adhippetaṃ. Rasoti suttānulomaṃ. Ācariyavaṃsoti ācariyavādo. Adhippāyoti attanomati.

    д̇ад̇т̇а суд̇д̇ам̣ наама сагалавинаяабидагз баал̣и.

    Tattha suttaṃ nāma sakalavinayapiṭake pāḷi.

    суд̇д̇аануломам̣ наама жад̇д̇ааро махаабад̣̇зсаа. яз бхаг̇авад̇аа звам̣ вуд̇д̇аа –

    Suttānulomaṃ nāma cattāro mahāpadesā. Ye bhagavatā evaṃ vuttā –

    ‘‘яам̣, бхигкавз, маяаа ‘ид̣̇ам̣ на габбад̇ий’д̇и аббадигкид̇д̇ам̣, д̇ан̃жз агаббияам̣ ануломзд̇и, габбияам̣ бадиб̣аахад̇и, д̇ам̣ во на габбад̇и. яам̣, бхигкавз, маяаа ‘ид̣̇ам̣ на габбад̇ий’д̇и аббадигкид̇д̇ам̣, д̇ан̃жз габбияам̣ ануломзд̇и, агаббияам̣ бадиб̣аахад̇и, д̇ам̣ во габбад̇и. яам̣, бхигкавз, маяаа ‘ид̣̇ам̣ габбад̇ий’д̇и ананун̃н̃аад̇ам̣, д̇ам̣ жз агаббияам̣ ануломзд̇и, габбияам̣ бадиб̣аахад̇и, д̇ам̣ во на габбад̇и. яам̣, бхигкавз, маяаа ‘ид̣̇ам̣ габбад̇ий’д̇и ананун̃н̃аад̇ам̣, д̇ан̃жз габбияам̣ ануломзд̇и, агаббияам̣ бадиб̣аахад̇и, д̇ам̣ во габбад̇ий’’д̇и (махаава. 305).

    ‘‘Yaṃ, bhikkhave, mayā ‘idaṃ na kappatī’ti appaṭikkhittaṃ, tañce akappiyaṃ anulometi, kappiyaṃ paṭibāhati, taṃ vo na kappati. Yaṃ, bhikkhave, mayā ‘idaṃ na kappatī’ti appaṭikkhittaṃ, tañce kappiyaṃ anulometi, akappiyaṃ paṭibāhati, taṃ vo kappati. Yaṃ, bhikkhave, mayā ‘idaṃ kappatī’ti ananuññātaṃ, taṃ ce akappiyaṃ anulometi, kappiyaṃ paṭibāhati, taṃ vo na kappati. Yaṃ, bhikkhave, mayā ‘idaṃ kappatī’ti ananuññātaṃ, tañce kappiyaṃ anulometi, akappiyaṃ paṭibāhati, taṃ vo kappatī’’ti (mahāva. 305).

    аажарияаваад̣̇о наама д̇хаммасан̇г̇аахагзхи бан̃жахи араханд̇асад̇зхи табид̇аа баал̣ивинимуд̇д̇аа огганд̇авинижчаяаббавад̇д̇аа адтагат̇аад̇анд̇и.

    Ācariyavādo nāma dhammasaṅgāhakehi pañcahi arahantasatehi ṭhapitā pāḷivinimuttā okkantavinicchayappavattā aṭṭhakathātanti.

    ад̇д̇аномад̇и наама суд̇д̇асуд̇д̇аануломааажарияаваад̣̇з мун̃жид̇ваа анумаанзна ад̇д̇ано ануб̣уд̣̇д̇хияаа наяаг̇г̇аахзна убадтид̇аагаарагат̇анам̣.

    Attanomati nāma suttasuttānulomaācariyavāde muñcitvā anumānena attano anubuddhiyā nayaggāhena upaṭṭhitākārakathanaṃ.

    абижа суд̇д̇анд̇аабхид̇хаммавинаяадтагат̇аасу ааг̇ад̇о саб̣б̣оби т̇зраваад̣̇о ад̇д̇аномад̇и наама. д̇ам̣ бана ад̇д̇аномад̇им̣ г̇ахзд̇ваа гат̇знд̇зна на д̣̇ал̣хаг̇г̇аахам̣ г̇ахзд̇ваа вохарид̇аб̣б̣ам̣, гааран̣ам̣ саллагкзд̇ваа ад̇т̇зна баал̣им̣, баал̣ияаа жа ад̇т̇ам̣ сам̣санд̣̇ид̇ваа гат̇зд̇аб̣б̣ам̣, ад̇д̇аномад̇и аажарияаваад̣̇з од̇аарзд̇аб̣б̣аа. сажз д̇ад̇т̇а од̇арад̇и жзва самзд̇и жа, г̇ахзд̇аб̣б̣аа. сажз нзва од̇арад̇и на самзд̇и, на г̇ахзд̇аб̣б̣аа. аяан̃хи ад̇д̇аномад̇и наама саб̣б̣ад̣̇уб̣б̣алаа, ад̇д̇аномад̇ид̇о аажарияаваад̣̇о б̣алавад̇аро.

    Apica suttantābhidhammavinayaṭṭhakathāsu āgato sabbopi theravādo attanomati nāma. Taṃ pana attanomatiṃ gahetvā kathentena na daḷhaggāhaṃ gahetvā voharitabbaṃ, kāraṇaṃ sallakkhetvā atthena pāḷiṃ, pāḷiyā ca atthaṃ saṃsanditvā kathetabbaṃ, attanomati ācariyavāde otāretabbā. Sace tattha otarati ceva sameti ca, gahetabbā. Sace neva otarati na sameti, na gahetabbā. Ayañhi attanomati nāma sabbadubbalā, attanomatito ācariyavādo balavataro.

    аажарияаваад̣̇оби суд̇д̇аануломз од̇аарзд̇аб̣б̣о. д̇ад̇т̇а од̇аранд̇о самзнд̇о зва г̇ахзд̇аб̣б̣о, ид̇аро на г̇ахзд̇аб̣б̣о. аажарияаваад̣̇ад̇о хи суд̇д̇аануломам̣ б̣алавад̇арам̣.

    Ācariyavādopi suttānulome otāretabbo. Tattha otaranto samento eva gahetabbo, itaro na gahetabbo. Ācariyavādato hi suttānulomaṃ balavataraṃ.

    суд̇д̇аануломамби суд̇д̇з од̇аарзд̇аб̣б̣ам̣. д̇ад̇т̇а од̇аранд̇ам̣ самзнд̇амзва г̇ахзд̇аб̣б̣ам̣, ид̇арам̣ на г̇ахзд̇аб̣б̣ам̣. суд̇д̇аануломад̇о хи суд̇д̇амзва б̣алавад̇арам̣. суд̇д̇ан̃хи аббадивад̇д̇ияам̣ гаарагасан̇гхасад̣̇исам̣ б̣уд̣̇д̇хаанам̣ тид̇агааласад̣̇исам̣. д̇асмаа яад̣̇аа д̣̇вз бхигкуу саагажчанд̇и, сагаваад̣̇ий суд̇д̇ам̣ г̇ахзд̇ваа гат̇зд̇и, бараваад̣̇ий суд̇д̇аануломам̣. д̇зхи ан̃н̃аман̃н̃ам̣ кзбам̣ ваа г̇арахам̣ ваа агад̇ваа суд̇д̇аануломам̣ суд̇д̇з од̇аарзд̇аб̣б̣ам̣. сажз од̇арад̇и самзд̇и, г̇ахзд̇аб̣б̣ам̣, но жз, на г̇ахзд̇аб̣б̣ам̣, суд̇д̇асмим̣язва таад̇аб̣б̣ам̣. ат̇ааяам̣ суд̇д̇ам̣ г̇ахзд̇ваа гат̇зд̇и, баро аажарияаваад̣̇ам̣. д̇зхиби ан̃н̃аман̃н̃ам̣ кзбам̣ ваа г̇арахам̣ ваа агад̇ваа аажарияаваад̣̇о суд̇д̇з од̇аарзд̇аб̣б̣о. сажз од̇арад̇и самзд̇и, г̇ахзд̇аб̣б̣о. анод̇аранд̇о асамзнд̇о жа г̇аараяхаажарияаваад̣̇о на г̇ахзд̇аб̣б̣о, суд̇д̇асмим̣язва таад̇аб̣б̣ам̣. ат̇ааяам̣ суд̇д̇ам̣ г̇ахзд̇ваа гат̇зд̇и, баро ад̇д̇аномад̇им̣. д̇зхиби ан̃н̃аман̃н̃ам̣ кзбам̣ ваа г̇арахам̣ ваа агад̇ваа ад̇д̇аномад̇и суд̇д̇з од̇аарзд̇аб̣б̣аа. сажз од̇арад̇и самзд̇и, г̇ахзд̇аб̣б̣аа, но жз, на г̇ахзд̇аб̣б̣аа, суд̇д̇асмим̣язва таад̇аб̣б̣ам̣.

    Suttānulomampi sutte otāretabbaṃ. Tattha otarantaṃ samentameva gahetabbaṃ, itaraṃ na gahetabbaṃ. Suttānulomato hi suttameva balavataraṃ. Suttañhi appaṭivattiyaṃ kārakasaṅghasadisaṃ buddhānaṃ ṭhitakālasadisaṃ. Tasmā yadā dve bhikkhū sākacchanti, sakavādī suttaṃ gahetvā katheti, paravādī suttānulomaṃ. Tehi aññamaññaṃ khepaṃ vā garahaṃ vā akatvā suttānulomaṃ sutte otāretabbaṃ. Sace otarati sameti, gahetabbaṃ, no ce, na gahetabbaṃ, suttasmiṃyeva ṭhātabbaṃ. Athāyaṃ suttaṃ gahetvā katheti, paro ācariyavādaṃ. Tehipi aññamaññaṃ khepaṃ vā garahaṃ vā akatvā ācariyavādo sutte otāretabbo. Sace otarati sameti, gahetabbo. Anotaranto asamento ca gārayhācariyavādo na gahetabbo, suttasmiṃyeva ṭhātabbaṃ. Athāyaṃ suttaṃ gahetvā katheti, paro attanomatiṃ. Tehipi aññamaññaṃ khepaṃ vā garahaṃ vā akatvā attanomati sutte otāretabbā. Sace otarati sameti, gahetabbā, no ce, na gahetabbā, suttasmiṃyeva ṭhātabbaṃ.

    ат̇ааяам̣ суд̇д̇аануломам̣ г̇ахзд̇ваа гат̇зд̇и, баро суд̇д̇ам̣, суд̇д̇аануломз од̇аарзд̇аб̣б̣ам̣. сажз од̇арад̇и самзд̇и, д̇иссо сан̇г̇ийд̇ияо аарул̣хам̣ баал̣иааг̇ад̇ам̣ бан̃н̃ааяад̇и, г̇ахзд̇аб̣б̣ам̣, но жз д̇ат̇аа бан̃н̃ааяад̇и, на од̇арад̇и на самзд̇и, б̣аахирагасуд̇д̇ам̣ ваа ход̇и силого ваа ан̃н̃ам̣ ваа г̇аараяхасуд̇д̇ам̣ г̇ул̣хавзссанд̇араг̇ул̣хавинаяавзд̣̇аллаад̣̇ийнам̣ ан̃н̃ад̇арад̇о аабхад̇ам̣, на г̇ахзд̇аб̣б̣ам̣, суд̇д̇аануломасмим̣язва таад̇аб̣б̣ам̣. ат̇ааяам̣ суд̇д̇аануломам̣ г̇ахзд̇ваа гат̇зд̇и, баро аажарияаваад̣̇ам̣. аажарияаваад̣̇о суд̇д̇аануломз од̇аарзд̇аб̣б̣о. сажз од̇арад̇и самзд̇и, г̇ахзд̇аб̣б̣о. но жз, на г̇ахзд̇аб̣б̣о, суд̇д̇аануломзязва таад̇аб̣б̣ам̣. ат̇ааяам̣ суд̇д̇аануломам̣ г̇ахзд̇ваа гат̇зд̇и, баро ад̇д̇аномад̇им̣. ад̇д̇аномад̇и суд̇д̇аануломз од̇аарзд̇аб̣б̣аа. сажз од̇арад̇и самзд̇и, г̇ахзд̇аб̣б̣аа. но жз, на г̇ахзд̇аб̣б̣аа, суд̇д̇аануломзязва таад̇аб̣б̣ам̣.

    Athāyaṃ suttānulomaṃ gahetvā katheti, paro suttaṃ, suttānulome otāretabbaṃ. Sace otarati sameti, tisso saṅgītiyo āruḷhaṃ pāḷiāgataṃ paññāyati, gahetabbaṃ, no ce tathā paññāyati, na otarati na sameti, bāhirakasuttaṃ vā hoti siloko vā aññaṃ vā gārayhasuttaṃ guḷhavessantaraguḷhavinayavedallādīnaṃ aññatarato ābhataṃ, na gahetabbaṃ, suttānulomasmiṃyeva ṭhātabbaṃ. Athāyaṃ suttānulomaṃ gahetvā katheti, paro ācariyavādaṃ. Ācariyavādo suttānulome otāretabbo. Sace otarati sameti, gahetabbo. No ce, na gahetabbo, suttānulomeyeva ṭhātabbaṃ. Athāyaṃ suttānulomaṃ gahetvā katheti, paro attanomatiṃ. Attanomati suttānulome otāretabbā. Sace otarati sameti, gahetabbā. No ce, na gahetabbā, suttānulomeyeva ṭhātabbaṃ.

    ат̇ааяам̣ аажарияаваад̣̇ам̣ г̇ахзд̇ваа гат̇зд̇и, баро суд̇д̇ам̣. суд̇д̇ам̣ аажарияаваад̣̇з од̇аарзд̇аб̣б̣ам̣. сажз од̇арад̇и самзд̇и, г̇ахзд̇аб̣б̣ам̣. ид̇арам̣ г̇аараяхасуд̇д̇ам̣ на г̇ахзд̇аб̣б̣ам̣, аажарияаваад̣̇зязва таад̇аб̣б̣ам̣. ат̇ааяам̣ аажарияаваад̣̇ам̣ г̇ахзд̇ваа гат̇зд̇и, баро суд̇д̇аануломам̣. суд̇д̇аануломам̣ аажарияаваад̣̇з од̇аарзд̇аб̣б̣ам̣. од̇аранд̇ам̣ самзнд̇амзва г̇ахзд̇аб̣б̣ам̣, ид̇арам̣ на г̇ахзд̇аб̣б̣ам̣, аажарияаваад̣̇зязва таад̇аб̣б̣ам̣. ат̇ааяам̣ аажарияаваад̣̇ам̣ г̇ахзд̇ваа гат̇зд̇и, баро ад̇д̇аномад̇им̣. ад̇д̇аномад̇и аажарияаваад̣̇з од̇аарзд̇аб̣б̣аа. сажз од̇арад̇и самзд̇и, г̇ахзд̇аб̣б̣аа. но жз, на г̇ахзд̇аб̣б̣аа, аажарияаваад̣̇зязва таад̇аб̣б̣ам̣.

    Athāyaṃ ācariyavādaṃ gahetvā katheti, paro suttaṃ. Suttaṃ ācariyavāde otāretabbaṃ. Sace otarati sameti, gahetabbaṃ. Itaraṃ gārayhasuttaṃ na gahetabbaṃ, ācariyavādeyeva ṭhātabbaṃ. Athāyaṃ ācariyavādaṃ gahetvā katheti, paro suttānulomaṃ. Suttānulomaṃ ācariyavāde otāretabbaṃ. Otarantaṃ samentameva gahetabbaṃ, itaraṃ na gahetabbaṃ, ācariyavādeyeva ṭhātabbaṃ. Athāyaṃ ācariyavādaṃ gahetvā katheti, paro attanomatiṃ. Attanomati ācariyavāde otāretabbā. Sace otarati sameti, gahetabbā. No ce, na gahetabbā, ācariyavādeyeva ṭhātabbaṃ.

    ат̇а банааяам̣ ад̇д̇аномад̇им̣ г̇ахзд̇ваа гат̇зд̇и, баро суд̇д̇ам̣. суд̇д̇ам̣ ад̇д̇аномад̇ияам̣ од̇аарзд̇аб̣б̣ам̣. сажз од̇арад̇и самзд̇и, г̇ахзд̇аб̣б̣ам̣. ид̇арам̣ г̇аараяхасуд̇д̇ам̣ на г̇ахзд̇аб̣б̣ам̣, ад̇д̇аномад̇ияамзва таад̇аб̣б̣ам̣. ат̇ааяам̣ ад̇д̇аномад̇им̣ г̇ахзд̇ваа гат̇зд̇и, баро суд̇д̇аануломам̣. суд̇д̇аануломам̣ ад̇д̇аномад̇ияам̣ од̇аарзд̇аб̣б̣ам̣. од̇аранд̇ам̣ самзнд̇амзва г̇ахзд̇аб̣б̣ам̣, ид̇арам̣ на г̇ахзд̇аб̣б̣ам̣, ад̇д̇аномад̇ияамзва таад̇аб̣б̣ам̣. ат̇ааяам̣ ад̇д̇аномад̇им̣ г̇ахзд̇ваа гат̇зд̇и, баро аажарияаваад̣̇ам̣. аажарияаваад̣̇о ад̇д̇аномад̇ияам̣ од̇аарзд̇аб̣б̣о. сажз од̇арад̇и самзд̇и, г̇ахзд̇аб̣б̣о. ид̇аро г̇аараяхаажарияаваад̣̇о на г̇ахзд̇аб̣б̣о, ад̇д̇аномад̇ияамзва таад̇аб̣б̣ам̣, ад̇д̇ано г̇ахан̣амзва б̣алияам̣ гаад̇аб̣б̣ам̣. саб̣б̣адтаанзсу жа кзбо ваа г̇арахаа ваа на гаад̇аб̣б̣аад̇и.

    Atha panāyaṃ attanomatiṃ gahetvā katheti, paro suttaṃ. Suttaṃ attanomatiyaṃ otāretabbaṃ. Sace otarati sameti, gahetabbaṃ. Itaraṃ gārayhasuttaṃ na gahetabbaṃ, attanomatiyameva ṭhātabbaṃ. Athāyaṃ attanomatiṃ gahetvā katheti, paro suttānulomaṃ. Suttānulomaṃ attanomatiyaṃ otāretabbaṃ. Otarantaṃ samentameva gahetabbaṃ, itaraṃ na gahetabbaṃ, attanomatiyameva ṭhātabbaṃ. Athāyaṃ attanomatiṃ gahetvā katheti, paro ācariyavādaṃ. Ācariyavādo attanomatiyaṃ otāretabbo. Sace otarati sameti, gahetabbo. Itaro gārayhācariyavādo na gahetabbo, attanomatiyameva ṭhātabbaṃ, attano gahaṇameva baliyaṃ kātabbaṃ. Sabbaṭṭhānesu ca khepo vā garahā vā na kātabbāti.

    ат̇а банааяам̣ габбияанд̇и г̇ахзд̇ваа гат̇зд̇и, баро агаббияанд̇и, суд̇д̇з жа суд̇д̇аануломз жа од̇аарзд̇аб̣б̣ам̣. сажз габбияам̣ ход̇и, габбияз таад̇аб̣б̣ам̣. сажз агаббияам̣, агаббияз таад̇аб̣б̣ам̣. ат̇ааяам̣ д̇асса габбияабхаавасаад̇хагам̣ суд̇д̇ад̇о б̣ахум̣ гааран̣ан̃жа винижчаяан̃жа д̣̇ассзд̇и, баро гааран̣ам̣ на винд̣̇ад̇и, габбиязва таад̇аб̣б̣ам̣. ат̇а баро д̇асса агаббияабхаавасаад̇хагам̣ суд̇д̇ад̇о б̣ахум̣ гааран̣ан̃жа винижчаяан̃жа д̣̇ассзд̇и, анзна ад̇д̇ано г̇ахан̣анд̇и гад̇ваа д̣̇ал̣хам̣ аад̣̇ааяа на таад̇аб̣б̣ам̣, ‘‘саад̇хуу’’д̇и самбадижчид̇ваа агаббияз зва таад̇аб̣б̣ам̣. ат̇а д̣̇виннамби гааран̣ажчааяаа д̣̇иссад̇и, бадигкид̇д̇абхаавоязва саад̇ху, агаббияз таад̇аб̣б̣ам̣. винаяан̃хи бад̇ваа габбияаагаббияавижааран̣ам̣ ааг̇амма рунд̇хид̇аб̣б̣ам̣, г̇аал̣хам̣ гад̇д̇аб̣б̣ам̣, сод̇ам̣ бажчинд̣̇ид̇аб̣б̣ам̣, г̇аругабхаавзязва таад̇аб̣б̣ам̣.

    Atha panāyaṃ kappiyanti gahetvā katheti, paro akappiyanti, sutte ca suttānulome ca otāretabbaṃ. Sace kappiyaṃ hoti, kappiye ṭhātabbaṃ. Sace akappiyaṃ, akappiye ṭhātabbaṃ. Athāyaṃ tassa kappiyabhāvasādhakaṃ suttato bahuṃ kāraṇañca vinicchayañca dasseti, paro kāraṇaṃ na vindati, kappiyeva ṭhātabbaṃ. Atha paro tassa akappiyabhāvasādhakaṃ suttato bahuṃ kāraṇañca vinicchayañca dasseti, anena attano gahaṇanti katvā daḷhaṃ ādāya na ṭhātabbaṃ, ‘‘sādhū’’ti sampaṭicchitvā akappiye eva ṭhātabbaṃ. Atha dvinnampi kāraṇacchāyā dissati, paṭikkhittabhāvoyeva sādhu, akappiye ṭhātabbaṃ. Vinayañhi patvā kappiyākappiyavicāraṇaṃ āgamma rundhitabbaṃ, gāḷhaṃ kattabbaṃ, sotaṃ pacchinditabbaṃ, garukabhāveyeva ṭhātabbaṃ.

    ат̇а банааяам̣ агаббияанд̇и г̇ахзд̇ваа гат̇зд̇и, баро габбияанд̇и, суд̇д̇з жа суд̇д̇аануломз жа од̇аарзд̇аб̣б̣ам̣. сажз габбияам̣ ход̇и, габбияз таад̇аб̣б̣ам̣. сажз агаббияам̣, агаббияз таад̇аб̣б̣ам̣. ат̇ааяам̣ б̣ахуухи суд̇д̇авинижчаяагааран̣зхи агаббияабхаавам̣ д̣̇ассзд̇и, баро гааран̣ам̣ на винд̣̇ад̇и, агаббияз таад̇аб̣б̣ам̣. ат̇а баро б̣ахуухи суд̇д̇авинижчаяагааран̣зхи габбияабхаавам̣ д̣̇ассзд̇и, аяам̣ гааран̣ам̣ на винд̣̇ад̇и, габбияз таад̇аб̣б̣ам̣. ат̇а д̣̇виннамби гааран̣ажчааяаа д̣̇иссад̇и, ад̇д̇ано г̇ахан̣ам̣ на виссаж̇ж̇зд̇аб̣б̣ам̣. яат̇аа жааяам̣ габбияаагаббияз агаббияагаббияз жа винижчаяо вуд̇д̇о, звам̣ анаабад̇д̇иаабад̇д̇иваад̣̇з аабад̇д̇аанаабад̇д̇иваад̣̇з жа, лахугаг̇аругаабад̇д̇иваад̣̇з г̇аругалахугаабад̇д̇иваад̣̇з жааби винижчаяо взд̣̇ид̇аб̣б̣о. наамамад̇д̇зязва хи зд̇т̇а наанам̣, яож̇анаанаяз наанам̣ над̇т̇и, д̇асмаа на вид̇т̇аарид̇ам̣.

    Atha panāyaṃ akappiyanti gahetvā katheti, paro kappiyanti, sutte ca suttānulome ca otāretabbaṃ. Sace kappiyaṃ hoti, kappiye ṭhātabbaṃ. Sace akappiyaṃ, akappiye ṭhātabbaṃ. Athāyaṃ bahūhi suttavinicchayakāraṇehi akappiyabhāvaṃ dasseti, paro kāraṇaṃ na vindati, akappiye ṭhātabbaṃ. Atha paro bahūhi suttavinicchayakāraṇehi kappiyabhāvaṃ dasseti, ayaṃ kāraṇaṃ na vindati, kappiye ṭhātabbaṃ. Atha dvinnampi kāraṇacchāyā dissati, attano gahaṇaṃ na vissajjetabbaṃ. Yathā cāyaṃ kappiyākappiye akappiyakappiye ca vinicchayo vutto, evaṃ anāpattiāpattivāde āpattānāpattivāde ca, lahukagarukāpattivāde garukalahukāpattivāde cāpi vinicchayo veditabbo. Nāmamatteyeva hi ettha nānaṃ, yojanānaye nānaṃ natthi, tasmā na vitthāritaṃ.

    звам̣ габбияаагаббияаад̣̇ивинижчаяз уббаннз яо суд̇д̇асуд̇д̇аануломааажарияаваад̣̇аад̇д̇аномад̇ийсу ад̇ирзгагааран̣ам̣ лабхад̇и, д̇асса ваад̣̇з таад̇аб̣б̣ам̣, саб̣б̣асо бана гааран̣авинижчаяам̣ алабханд̇зна суд̇д̇ам̣ на ж̇ахид̇аб̣б̣ам̣, суд̇д̇асмим̣язва таад̇аб̣б̣анд̇и. звам̣ сагалавинаяавинижчаяз госаллам̣ бад̇т̇аяанд̇зна аяам̣ жад̇уб̣б̣ид̇хо винаяо ж̇аанид̇аб̣б̣о.

    Evaṃ kappiyākappiyādivinicchaye uppanne yo suttasuttānulomaācariyavādaattanomatīsu atirekakāraṇaṃ labhati, tassa vāde ṭhātabbaṃ, sabbaso pana kāraṇavinicchayaṃ alabhantena suttaṃ na jahitabbaṃ, suttasmiṃyeva ṭhātabbanti. Evaṃ sakalavinayavinicchaye kosallaṃ patthayantena ayaṃ catubbidho vinayo jānitabbo.

    иман̃жа бана жад̇уб̣б̣ид̇хам̣ винаяам̣ н̃ад̇вааби винаяад̇харзна буг̇г̇алзна д̇илагкан̣асаманнааг̇ад̇зна бхавид̇аб̣б̣ам̣. д̇ийн̣и хи винаяад̇харасса лагкан̣аани ижчид̇аб̣б̣аани. гад̇амаани д̇ийн̣и? суд̇д̇ан̃жасса свааг̇ад̇ам̣ ход̇и суббавад̇д̇и сувинижчид̇ам̣ суд̇д̇ад̇о ануб̣яан̃ж̇анасод̇и ид̣̇амзгам̣ лагкан̣ам̣. винаяз ко бана тид̇о ход̇и асам̣хийрод̇и ид̣̇ам̣ д̣̇уд̇ияам̣. аажарияабарамбараа ко банасса суг̇г̇ахид̇аа ход̇и суманасигад̇аа суубад̇хаарид̇аад̇и ид̣̇ам̣ д̇ад̇ияам̣.

    Imañca pana catubbidhaṃ vinayaṃ ñatvāpi vinayadharena puggalena tilakkhaṇasamannāgatena bhavitabbaṃ. Tīṇi hi vinayadharassa lakkhaṇāni icchitabbāni. Katamāni tīṇi? Suttañcassa svāgataṃ hoti suppavatti suvinicchitaṃ suttato anubyañjanasoti idamekaṃ lakkhaṇaṃ. Vinaye kho pana ṭhito hoti asaṃhīroti idaṃ dutiyaṃ. Ācariyaparamparā kho panassa suggahitā hoti sumanasikatā sūpadhāritāti idaṃ tatiyaṃ.

    д̇ад̇т̇а суд̇д̇ам̣ наама сагалам̣ винаяабидагам̣. д̇ад̣̇асса свааг̇ад̇ам̣ ход̇ийд̇и судту ааг̇ад̇ам̣. суббавад̇д̇ийд̇и судту бавад̇д̇ам̣ баг̇ун̣ам̣ ваажуг̇г̇ад̇ам̣. сувинижчид̇ам̣ суд̇д̇асо ануб̣яан̃ж̇анасод̇и баал̣ид̇о жа барибужчад̇о жа адтагат̇аад̇о жа сувинижчид̇ам̣ ход̇и ган̇каачзд̣̇анам̣ гад̇ваа уг̇г̇ахид̇ам̣. винаяз ко бана тид̇о ход̇ийд̇и винаяз лаж̇ж̇ибхаавзна бад̇идтид̇о ход̇и. алаж̇ж̇ий хи б̣ахуссуд̇оби самаано лаабхаг̇аругад̇ааяа д̇анд̇им̣ висам̣ваад̣̇зд̇ваа уд̣̇д̇хаммам̣ уб̣б̣инаяам̣ сад̇т̇усаасанам̣ д̣̇ийбзд̇ваа саасанз маханд̇ам̣ убад̣̇д̣̇авам̣ гарод̇и, сан̇гхабхзд̣̇амби сан̇гхарааж̇имби уббаад̣̇зд̇и. лаж̇ж̇ий бана гуггужжаго сигкаагаамо ж̇ийвид̇ахзд̇уби д̇анд̇им̣ ависам̣ваад̣̇зд̇ваа д̇хаммамзва винаяамзва д̣̇ийбзд̇и, сад̇т̇усаасанам̣ г̇аругам̣ гад̇ваа табзд̇и. д̇ат̇аа хи буб̣б̣з махаат̇зраа д̇игкад̇д̇ум̣ ваажам̣ нижчаарзсум̣ ‘‘анааг̇ад̇з лаж̇ж̇ий рагкиссад̇и, лаж̇ж̇ий рагкиссад̇и, лаж̇ж̇ий рагкиссад̇ий’’д̇и (баараа. адта. 1.45). звам̣ яо лаж̇ж̇ий, со винаяам̣ авиж̇аханд̇о авоггаманд̇о лаж̇ж̇ибхаавзнзва винаяз тид̇о ход̇и суббад̇идтид̇од̇и.

    Tattha suttaṃ nāma sakalaṃ vinayapiṭakaṃ. Tadassa svāgataṃ hotīti suṭṭhu āgataṃ. Suppavattīti suṭṭhu pavattaṃ paguṇaṃ vācuggataṃ. Suvinicchitaṃ suttaso anubyañjanasoti pāḷito ca paripucchato ca aṭṭhakathāto ca suvinicchitaṃ hoti kaṅkhāchedanaṃ katvā uggahitaṃ. Vinaye kho pana ṭhito hotīti vinaye lajjibhāvena patiṭṭhito hoti. Alajjī hi bahussutopi samāno lābhagarukatāya tantiṃ visaṃvādetvā uddhammaṃ ubbinayaṃ satthusāsanaṃ dīpetvā sāsane mahantaṃ upaddavaṃ karoti, saṅghabhedampi saṅgharājimpi uppādeti. Lajjī pana kukkuccako sikkhākāmo jīvitahetupi tantiṃ avisaṃvādetvā dhammameva vinayameva dīpeti, satthusāsanaṃ garukaṃ katvā ṭhapeti. Tathā hi pubbe mahātherā tikkhattuṃ vācaṃ nicchāresuṃ ‘‘anāgate lajjī rakkhissati, lajjīrakkhissati, lajjī rakkhissatī’’ti (pārā. aṭṭha. 1.45). Evaṃ yo lajjī, so vinayaṃ avijahanto avokkamanto lajjibhāveneva vinaye ṭhito hoti suppatiṭṭhitoti.

    асам̣хийрод̇и сам̣хийро наама яо баал̣ияам̣ ваа адтагат̇ааяам̣ ваа хздтад̇о ваа убарид̇о ваа бад̣̇абадибаадияаа ваа бужчияамаано вид̇т̇унад̇и вибпанд̣̇ад̇и санд̇идтид̇ум̣ на саггод̇и, яам̣ яам̣ барзна вужжад̇и, д̇ам̣ д̇ам̣ ануж̇аанаад̇и, сагаваад̣̇ам̣ чад̣д̣зд̇ваа бараваад̣̇ам̣ г̇ан̣хаад̇и. яо бана баал̣ияам̣ ваа адтагат̇ааяам̣ ваа хздтубариязна ваа бад̣̇абадибаадияаа ваа бужчияамаано на вид̇т̇унад̇и на вибпанд̣̇ад̇и, згзгаломам̣ сан̣д̣аасзна г̇ан̣ханд̇о вияа ‘‘звам̣ маяам̣ вад̣̇аама, звам̣ но аажарияаа вад̣̇анд̇ий’’д̇и виссаж̇ж̇зд̇и, яамхи баал̣и жа баал̣ивинижчаяо жа суван̣н̣абхааж̇анз багкид̇д̇асийхавасаа вияа баригкаяам̣ барияаад̣̇аанам̣ аг̇ажчанд̇о д̇идтад̇и, аяам̣ вужжад̇и ‘‘асам̣хийро’’д̇и.

    Asaṃhīroti saṃhīro nāma yo pāḷiyaṃ vā aṭṭhakathāyaṃ vā heṭṭhato vā uparito vā padapaṭipāṭiyā vā pucchiyamāno vitthunati vipphandati santiṭṭhituṃ na sakkoti, yaṃ yaṃ parena vuccati, taṃ taṃ anujānāti, sakavādaṃ chaḍḍetvā paravādaṃ gaṇhāti. Yo pana pāḷiyaṃ vā aṭṭhakathāyaṃ vā heṭṭhupariyena vā padapaṭipāṭiyā vā pucchiyamāno na vitthunati na vipphandati, ekekalomaṃ saṇḍāsena gaṇhanto viya ‘‘evaṃ mayaṃ vadāma, evaṃ no ācariyā vadantī’’ti vissajjeti, yamhi pāḷi ca pāḷivinicchayo ca suvaṇṇabhājane pakkhittasīhavasā viya parikkhayaṃ pariyādānaṃ agacchanto tiṭṭhati, ayaṃ vuccati ‘‘asaṃhīro’’ti.

    аажарияабарамбараа ко банасса суг̇г̇ахид̇аа ход̇ийд̇и т̇зрабарамбараа вам̣сабарамбараа асса судту г̇ахид̇аа ход̇и. суманасигад̇аад̇и судту манасигад̇аа, ааваж̇ж̇ид̇амад̇д̇з уж̇ж̇алид̇абад̣̇ийбо вияа ход̇и. суубад̇хаарид̇аад̇и судту убад̇хаарид̇аа буб̣б̣аабараанусанд̇хид̇о ад̇т̇ад̇о гааран̣ад̇о жа убад̇хаарид̇аа . ад̇д̇аномад̇им̣ бахааяа аажарияасуд̣̇д̇хияаа вад̇д̇аа ход̇и, ‘‘маяхам̣ аажарияо асугаажарияасса санд̇игз уг̇г̇ан̣хи, со асугассаа’’д̇и звам̣ саб̣б̣ам̣ аажарияабарамбарам̣ т̇зраваад̣̇ан̇г̇ам̣ харид̇ваа яаава убаалид̇т̇зро саммаасамб̣уд̣̇д̇хасса санд̇игз уг̇г̇ан̣хийд̇и баабзд̇ваа табзд̇и, д̇ад̇оби аахарид̇ваа убаалид̇т̇зро саммаасамб̣уд̣̇д̇хасса санд̇игз уг̇г̇ан̣хи, д̣̇аасагад̇т̇зро ад̇д̇ано убаж̇жхааяасса убаалид̇т̇зрасса, сон̣ад̇т̇зро ад̇д̇ано убаж̇жхааяасса д̣̇аасагад̇т̇зрасса, сиг̇г̇авад̇т̇зро ад̇д̇ано убаж̇жхааяасса сон̣ад̇т̇зрасса, мог̇г̇алибуд̇д̇ад̇иссад̇т̇зро ад̇д̇ано убаж̇жхааяасса сиг̇г̇авад̇т̇зрасса жан̣д̣аваж̇ж̇ид̇т̇зрасса жаад̇и звам̣ саб̣б̣ам̣ аажарияабарамбарам̣ т̇зраваад̣̇ан̇г̇ам̣ аахарид̇ваа ад̇д̇ано аажарияам̣ баабзд̇ваа табзд̇и. звам̣ уг̇г̇ахид̇аа хи аажарияабарамбараа суг̇г̇ахид̇аа ход̇и. звам̣ асаггонд̇зна бана авассам̣ д̣̇вз д̇аяо бариваддаа уг̇г̇ахзд̇аб̣б̣аа. саб̣б̣абажчимзна хи наязна яат̇аа аажарияо аажарияаажарияо жа баал̣ин̃жа барибужчан̃жа вад̣̇анд̇и, д̇ат̇аа н̃аад̇ум̣ ваддад̇и.

    Ācariyaparamparā kho panassa suggahitā hotīti theraparamparā vaṃsaparamparā assa suṭṭhu gahitā hoti. Sumanasikatāti suṭṭhu manasikatā, āvajjitamatte ujjalitapadīpo viya hoti. Sūpadhāritāti suṭṭhu upadhāritā pubbāparānusandhito atthato kāraṇato ca upadhāritā . Attanomatiṃ pahāya ācariyasuddhiyā vattā hoti, ‘‘mayhaṃ ācariyo asukācariyassa santike uggaṇhi, so asukassā’’ti evaṃ sabbaṃ ācariyaparamparaṃ theravādaṅgaṃ haritvā yāva upālitthero sammāsambuddhassa santike uggaṇhīti pāpetvā ṭhapeti, tatopi āharitvā upālitthero sammāsambuddhassa santike uggaṇhi, dāsakatthero attano upajjhāyassa upālittherassa, soṇatthero attano upajjhāyassa dāsakattherassa, siggavatthero attano upajjhāyassa soṇattherassa, moggaliputtatissatthero attano upajjhāyassa siggavattherassa caṇḍavajjittherassa cāti evaṃ sabbaṃ ācariyaparamparaṃ theravādaṅgaṃ āharitvā attano ācariyaṃ pāpetvā ṭhapeti. Evaṃ uggahitā hi ācariyaparamparā suggahitā hoti. Evaṃ asakkontena pana avassaṃ dve tayo parivaṭṭā uggahetabbā. Sabbapacchimena hi nayena yathā ācariyo ācariyācariyo ca pāḷiñca paripucchañca vadanti, tathā ñātuṃ vaṭṭati.

    имзхи жа бана д̇ийхи лагкан̣зхи саманнааг̇ад̇зна винаяад̇харзна вад̇т̇увинижчаяад̇т̇ам̣ саннибад̇ид̇з сан̇гхз од̇ин̣н̣з вад̇т̇усмим̣ жод̣̇агзна жа жуд̣̇ид̇агзна жа вуд̇д̇з вад̇д̇аб̣б̣з сахасаа авинижчинид̇ваава ча таанаани ологзд̇аб̣б̣аани. гад̇амаани ча? вад̇т̇у ологзд̇аб̣б̣ам̣, маад̇игаа ологзд̇аб̣б̣аа, бад̣̇абхааж̇анийяам̣ ологзд̇аб̣б̣ам̣, д̇игабарижчзд̣̇о ологзд̇аб̣б̣о, анд̇араабад̇д̇и ологзд̇аб̣б̣аа, анаабад̇д̇и ологзд̇аб̣б̣аад̇и.

    Imehi ca pana tīhi lakkhaṇehi samannāgatena vinayadharena vatthuvinicchayatthaṃ sannipatite saṅghe otiṇṇe vatthusmiṃ codakena ca cuditakena ca vutte vattabbe sahasā avinicchinitvāva cha ṭhānāni oloketabbāni. Katamāni cha? Vatthu oloketabbaṃ, mātikā oloketabbā, padabhājanīyaṃ oloketabbaṃ, tikaparicchedo oloketabbo, antarāpatti oloketabbā, anāpatti oloketabbāti.

    вад̇т̇ум̣ ологзнд̇оби хи ‘‘д̇ин̣зна ваа бан̣н̣зна ваа бадижчаад̣̇зд̇ваа ааг̇анд̇аб̣б̣ам̣, на д̇взва наг̇г̇зна ааг̇анд̇аб̣б̣ам̣, яо ааг̇ажчзяяа, аабад̇д̇и д̣̇уггадассаа’’д̇и (баараа. 517) звам̣ згажжам̣ аабад̇д̇им̣ бассад̇и, со д̇ам̣ суд̇д̇ам̣ аанзд̇ваа д̇ам̣ ад̇хигаран̣ам̣ вуубасамзссад̇и.

    Vatthuṃ olokentopi hi ‘‘tiṇena vā paṇṇena vā paṭicchādetvā āgantabbaṃ, na tveva naggena āgantabbaṃ, yo āgaccheyya, āpatti dukkaṭassā’’ti (pārā. 517) evaṃ ekaccaṃ āpattiṃ passati, so taṃ suttaṃ ānetvā taṃ adhikaraṇaṃ vūpasamessati.

    маад̇игам̣ ологзнд̇оби ‘‘самбаж̇аанамусааваад̣̇з баажид̇д̇ияа’’нд̇иаад̣̇инаа (баажи. 3) наязна бан̃жаннам̣ аабад̇д̇ийнам̣ ан̃н̃ад̇арам̣ аабад̇д̇им̣ бассад̇и, со д̇ам̣ суд̇д̇ам̣ аанзд̇ваа д̇ам̣ ад̇хигаран̣ам̣ вуубасамзссад̇и.

    Mātikaṃ olokentopi ‘‘sampajānamusāvāde pācittiya’’ntiādinā (pāci. 3) nayena pañcannaṃ āpattīnaṃ aññataraṃ āpattiṃ passati, so taṃ suttaṃ ānetvā taṃ adhikaraṇaṃ vūpasamessati.

    бад̣̇абхааж̇анийяам̣ ологзнд̇оби ‘‘агкаяид̇з сарийрз мзт̇унам̣ д̇хаммам̣ бадисзвад̇и, аабад̇д̇и баарааж̇игасса. язбхуяязна каяид̇з сарийрз мзт̇унам̣ д̇хаммам̣ бадисзвад̇и, аабад̇д̇и т̇уллажжаяассаа’’д̇иаад̣̇инаа (баараа. 59 ад̇т̇ад̇о самаанам̣) наязна сад̇д̇аннам̣ аабад̇д̇ийнам̣ ан̃н̃ад̇арам̣ аабад̇д̇им̣ бассад̇и, со бад̣̇абхааж̇анийяад̇о суд̇д̇ам̣ аанзд̇ваа д̇ам̣ ад̇хигаран̣ам̣ вуубасамзссад̇и.

    Padabhājanīyaṃ olokentopi ‘‘akkhayite sarīre methunaṃ dhammaṃ paṭisevati, āpatti pārājikassa. Yebhuyyena khayite sarīre methunaṃ dhammaṃ paṭisevati, āpatti thullaccayassā’’tiādinā (pārā. 59 atthato samānaṃ) nayena sattannaṃ āpattīnaṃ aññataraṃ āpattiṃ passati, so padabhājanīyato suttaṃ ānetvā taṃ adhikaraṇaṃ vūpasamessati.

    д̇игабарижчзд̣̇ам̣ ологзнд̇оби д̇игасан̇гхаад̣̇исзсам̣ ваа д̇игабаажид̇д̇ияам̣ ваа д̇игад̣̇уггадам̣ ваа ан̃н̃ад̇арам̣ ваа аабад̇д̇им̣ д̇игабарижчзд̣̇з бассад̇и, со д̇ад̇о суд̇д̇ам̣ аанзд̇ваа д̇ам̣ ад̇хигаран̣ам̣ вуубасамзссад̇и.

    Tikaparicchedaṃ olokentopi tikasaṅghādisesaṃ vā tikapācittiyaṃ vā tikadukkaṭaṃ vā aññataraṃ vā āpattiṃ tikaparicchede passati, so tato suttaṃ ānetvā taṃ adhikaraṇaṃ vūpasamessati.

    анд̇араабад̇д̇им̣ ологзнд̇оби ‘‘бадилаад̇ам̣ угкибад̇и, аабад̇д̇и д̣̇уггадассаа’’д̇и (баажи. 355) звам̣ яаа сигкаабад̣̇анд̇арзсу анд̇араабад̇д̇и ход̇и, д̇ам̣ бассад̇и, со д̇ам̣ суд̇д̇ам̣ аанзд̇ваа д̇ам̣ ад̇хигаран̣ам̣ вуубасамзссад̇и.

    Antarāpattiṃ olokentopi ‘‘paṭilātaṃ ukkhipati, āpatti dukkaṭassā’’ti (pāci. 355) evaṃ yā sikkhāpadantaresu antarāpatti hoti, taṃ passati, so taṃ suttaṃ ānetvā taṃ adhikaraṇaṃ vūpasamessati.

    анаабад̇д̇им̣ ологзнд̇оби ‘‘анаабад̇д̇и бхигку асаад̣̇ияанд̇асса, ат̇зяяажид̇д̇асса, на маран̣аад̇хиббааяасса, ануллабанаад̇хиббааяасса, на можанаад̇хиббааяасса асан̃жижжа асад̇ияаа аж̇аананд̇ассаа’’д̇и (баараа. 72, 136, 180, 225, 263 т̇огам̣ т̇огам̣ висад̣̇исам̣) звам̣ д̇асмим̣ д̇асмим̣ сигкаабад̣̇з нид̣̇д̣̇идтам̣ анаабад̇д̇им̣ бассад̇и, со д̇ам̣ суд̇д̇ам̣ аанзд̇ваа д̇ам̣ ад̇хигаран̣ам̣ вуубасамзссад̇и.

    Anāpattiṃ olokentopi ‘‘anāpatti bhikkhu asādiyantassa, atheyyacittassa, na maraṇādhippāyassa, anullapanādhippāyassa, na mocanādhippāyassa asañcicca asatiyā ajānantassā’’ti (pārā. 72, 136, 180, 225, 263 thokaṃ thokaṃ visadisaṃ) evaṃ tasmiṃ tasmiṃ sikkhāpade niddiṭṭhaṃ anāpattiṃ passati, so taṃ suttaṃ ānetvā taṃ adhikaraṇaṃ vūpasamessati.

    яо хи бхигку жад̇уб̣б̣ид̇хавинаяаговид̣̇о д̇илагкан̣асамбанно имаани ча таанаани ологзд̇ваа ад̇хигаран̣ам̣ вуубасамзссад̇и, д̇асса винижчаяо аббадивад̇д̇ияо б̣уд̣̇д̇хзна саяам̣ нисийд̣̇ид̇ваа винижчид̇асад̣̇исо ход̇и. д̇ам̣ жз звам̣ винижчаяагусалам̣ бхигкум̣ гожи гад̇асигкаабад̣̇авийд̇иггамо бхигку убасан̇гамид̇ваа ад̇д̇ано гуггужжам̣ бужчзяяа, д̇зна саад̇хугам̣ саллагкзд̇ваа сажз анаабад̇д̇и ход̇и, ‘‘анаабад̇д̇ий’’д̇и вад̇д̇аб̣б̣ам̣. сажз бана аабад̇д̇и ход̇и, саа д̣̇зсанааг̇ааминий жз, ‘‘д̣̇зсанааг̇ааминий’’д̇и вад̇д̇аб̣б̣ам̣. вудтаанаг̇ааминий жз, ‘‘вудтаанаг̇ааминий’’д̇и вад̇д̇аб̣б̣ам̣. ат̇асса баарааж̇игажчааяаа д̣̇иссад̇и, ‘‘баарааж̇игаабад̇д̇ий’’д̇и на вад̇д̇аб̣б̣ам̣. гасмаа? мзт̇унад̇хаммавийд̇иггамо хи уд̇д̇аримануссад̇хаммавийд̇иггамо жа ол̣аариго, ад̣̇иннаад̣̇аанаманауссавиг̇г̇ахавийд̇иггамаа бана сукумаа жид̇д̇алахугаа. д̇з сукумзнзва аабаж̇ж̇ад̇и, сукумзна рагкад̇и, д̇асмаа висзсзна д̇ам̣вад̇т̇угам̣ гуггужжам̣ бужчияамаано ‘‘аабад̇д̇ий’’д̇и авад̇ваа сажасса аажарияо д̇харад̇и, д̇ад̇о д̇зна со бхигку ‘‘амхаагам̣ аажарияам̣ бужчаа’’д̇и бзсзд̇аб̣б̣о. сажз со буна ааг̇анд̇ваа ‘‘д̇умхаагам̣ аажарияо суд̇д̇ад̇о наяад̇о ологзд̇ваа ‘сад̇згижчо’д̇и мам̣ аахаа’’д̇и вад̣̇ад̇и, д̇ад̇о д̇зна со ‘‘саад̇ху судту яам̣ аажарияо бхан̣ад̇и, д̇ам̣ гарохий’’д̇и вад̇д̇аб̣б̣о. ат̇а банасса аажарияо над̇т̇и, сад̣̇д̇хим̣ уг̇г̇ахид̇ад̇т̇зро бана ад̇т̇и, д̇асса санд̇игам̣ бзсзд̇аб̣б̣о ‘‘амхзхи саха уг̇г̇ахид̇ад̇т̇зро г̇ан̣абаамогко, д̇ам̣ г̇анд̇ваа бужчаа’’д̇и. д̇знаби ‘‘сад̇згижчо’’д̇и винижчид̇з ‘‘саад̇ху судту д̇асса важанам̣ гарохий’’д̇и вад̇д̇аб̣б̣о. ат̇а д̇асса сад̣̇д̇хим̣ уг̇г̇ахид̇ад̇т̇зроби над̇т̇и, анд̇зваасиго бан̣д̣ид̇о ад̇т̇и, д̇асса санд̇игам̣ бзсзд̇аб̣б̣о ‘‘асугад̣̇ахарам̣ г̇анд̇ваа бужчаа’’д̇и. д̇знаби ‘‘сад̇згижчо’’д̇и винижчид̇з ‘‘саад̇ху судту д̇асса важанам̣ гарохий’’д̇и вад̇д̇аб̣б̣о. ат̇а д̣̇ахарассаби баарааж̇игажчааяаава убадтаад̇и, д̇знаби ‘‘баарааж̇игосий’’д̇и на вад̇д̇аб̣б̣о. д̣̇уллабхо хи б̣уд̣̇д̇хуббаад̣̇о, д̇ад̇о д̣̇уллабхад̇араа баб̣б̣аж̇ж̇аа жа убасамбад̣̇аа жа. звам̣ бана вад̇д̇аб̣б̣о ‘‘вивид̇д̇ам̣ огаасам̣ саммаж̇ж̇ид̇ваа д̣̇иваавихаарам̣ нисийд̣̇ид̇ваа сийлаани висод̇хзд̇ваа д̣̇вад̇д̇им̣саагаарам̣ д̇аава манасигарохий’’д̇и. сажз д̇асса арог̇ам̣ сийлам̣, гаммадтаанам̣ гхадаяад̇и, сан̇каараа баагадаа худ̇ваа убадтаханд̇и, убажаараббанааббад̇д̇ам̣ вияа жид̇д̇ам̣ згаг̇г̇ам̣ ход̇и, д̣̇ивасам̣ ад̇игганд̇амби на ж̇аанаад̇и, со д̣̇ивасаад̇иггамз убадтаанам̣ ааг̇ад̇о звам̣ вад̇д̇аб̣б̣о ‘‘гийд̣̇исаа д̇з жид̇д̇аббавад̇д̇ий’’д̇и. аарожид̇ааяа жа жид̇д̇абавад̇д̇ияаа вад̇д̇аб̣б̣о ‘‘баб̣б̣аж̇ж̇аа наама жид̇д̇ависуд̣̇д̇хад̇т̇ааяа, аббамад̇д̇о саман̣ад̇хаммам̣ гарохий’’д̇и.

    Yo hi bhikkhu catubbidhavinayakovido tilakkhaṇasampanno imāni cha ṭhānāni oloketvā adhikaraṇaṃ vūpasamessati, tassa vinicchayo appaṭivattiyo buddhena sayaṃ nisīditvā vinicchitasadiso hoti. Taṃ ce evaṃ vinicchayakusalaṃ bhikkhuṃ koci katasikkhāpadavītikkamo bhikkhu upasaṅkamitvā attano kukkuccaṃ puccheyya, tena sādhukaṃ sallakkhetvā sace anāpatti hoti, ‘‘anāpattī’’ti vattabbaṃ. Sace pana āpatti hoti, sā desanāgāminī ce, ‘‘desanāgāminī’’ti vattabbaṃ. Vuṭṭhānagāminī ce, ‘‘vuṭṭhānagāminī’’ti vattabbaṃ. Athassa pārājikacchāyā dissati, ‘‘pārājikāpattī’’ti na vattabbaṃ. Kasmā? Methunadhammavītikkamo hi uttarimanussadhammavītikkamo ca oḷāriko, adinnādānamanaussaviggahavītikkamā pana sukhumā cittalahukā. Te sukhumeneva āpajjati, sukhumena rakkhati, tasmā visesena taṃvatthukaṃ kukkuccaṃ pucchiyamāno ‘‘āpattī’’ti avatvā sacassa ācariyo dharati, tato tena so bhikkhu ‘‘amhākaṃ ācariyaṃ pucchā’’ti pesetabbo. Sace so puna āgantvā ‘‘tumhākaṃ ācariyo suttato nayato oloketvā ‘satekiccho’ti maṃ āhā’’ti vadati, tato tena so ‘‘sādhu suṭṭhu yaṃ ācariyo bhaṇati, taṃ karohī’’ti vattabbo. Atha panassa ācariyo natthi, saddhiṃ uggahitatthero pana atthi, tassa santikaṃ pesetabbo ‘‘amhehi saha uggahitatthero gaṇapāmokkho, taṃ gantvā pucchā’’ti. Tenapi ‘‘satekiccho’’ti vinicchite ‘‘sādhu suṭṭhu tassa vacanaṃ karohī’’ti vattabbo. Atha tassa saddhiṃ uggahitattheropi natthi, antevāsiko paṇḍito atthi, tassa santikaṃ pesetabbo ‘‘asukadaharaṃ gantvā pucchā’’ti. Tenapi ‘‘satekiccho’’ti vinicchite ‘‘sādhu suṭṭhu tassa vacanaṃ karohī’’ti vattabbo. Atha daharassapi pārājikacchāyāva upaṭṭhāti, tenapi ‘‘pārājikosī’’ti na vattabbo. Dullabho hi buddhuppādo, tato dullabhatarā pabbajjā ca upasampadā ca. Evaṃ pana vattabbo ‘‘vivittaṃ okāsaṃ sammajjitvā divāvihāraṃ nisīditvā sīlāni visodhetvā dvattiṃsākāraṃ tāva manasikarohī’’ti. Sace tassa arogaṃ sīlaṃ, kammaṭṭhānaṃ ghaṭayati, saṅkhārā pākaṭā hutvā upaṭṭhahanti, upacārappanāppattaṃ viya cittaṃ ekaggaṃ hoti, divasaṃ atikkantampi na jānāti, so divasātikkame upaṭṭhānaṃ āgato evaṃ vattabbo ‘‘kīdisā te cittappavattī’’ti. Ārocitāya ca cittapavattiyā vattabbo ‘‘pabbajjā nāma cittavisuddhatthāya, appamatto samaṇadhammaṃ karohī’’ti.

    яасса бана сийлам̣ бхиннам̣ ход̇и, д̇асса гаммадтаанам̣ на гхадаяад̇и, бад̇од̣̇аабхид̇уннам̣ вияа жид̇д̇ам̣ вигамбад̇и, виббадисаараг̇г̇инаа д̣аяхад̇и, д̇ад̇д̇абаасаан̣з нисинно вияа д̇ан̇кан̣зязва вудтаад̇и. со ааг̇ад̇о ‘‘гаа д̇з жид̇д̇абавад̇д̇ий’’д̇и бужчид̇аб̣б̣о. аарожид̇ааяа жид̇д̇абавад̇д̇ияаа ‘‘над̇т̇и логз рахо наама баабагаммам̣ багуб̣б̣ад̇о. саб̣б̣абатаман̃хи баабам̣ гаронд̇о ад̇д̇анаа ж̇аанаад̇и. ат̇асса аарагкад̣̇звад̇аа баражид̇д̇авид̣̇уу саман̣аб̣раахман̣аа ан̃н̃аа жа д̣̇звад̇аа ж̇аананд̇и, д̇вам̣язва д̣̇аани д̇ава сод̇т̇им̣ бариязсаахий’’д̇и вад̇д̇аб̣б̣о. звам̣ гад̇авийд̇иггамзнзва бхигкунаа саяамзва ааг̇анд̇ваа аарожид̇з бадибаж̇ж̇ид̇аб̣б̣ам̣.

    Yassa pana sīlaṃ bhinnaṃ hoti, tassa kammaṭṭhānaṃ na ghaṭayati, patodābhitunnaṃ viya cittaṃ vikampati, vippaṭisāragginā ḍayhati, tattapāsāṇe nisinno viya taṅkhaṇeyeva vuṭṭhāti. So āgato ‘‘kā te cittapavattī’’ti pucchitabbo. Ārocitāya cittapavattiyā ‘‘natthi loke raho nāma pāpakammaṃ pakubbato. Sabbapaṭhamañhi pāpaṃ karonto attanā jānāti. Athassa ārakkhadevatā paracittavidū samaṇabrāhmaṇā aññā ca devatā jānanti, tvaṃyeva dāni tava sotthiṃ pariyesāhī’’ti vattabbo. Evaṃ katavītikkameneva bhikkhunā sayameva āgantvā ārocite paṭipajjitabbaṃ.

    235. ид̣̇аани яаа саа буб̣б̣з вуд̇д̇аббабхзд̣̇аа жод̣̇анаа, д̇ассааязва самбад̇д̇ивибад̇д̇иж̇аананад̇т̇ам̣ аад̣̇имаж̇жхабарияосаанаад̣̇ийнам̣ васзна винижчаяо взд̣̇ид̇аб̣б̣о . сзяяат̇ид̣̇ам̣, жод̣̇анааяа го аад̣̇и, гим̣ маж̇жхз, гим̣ барияосаанам̣? жод̣̇анааяа ‘‘ахам̣ д̇ам̣ вад̇д̇угаамо, гарод̇у мз ааяасмаа огааса’’нд̇и звам̣ огаасагаммам̣ аад̣̇и. од̇ин̣н̣зна вад̇т̇унаа жод̣̇зд̇ваа саарзд̇ваа винижчаяо маж̇жхз. аабад̇д̇ияам̣ ваа анаабад̇д̇ияам̣ ваа бад̇идтаабанзна самат̇о барияосаанам̣.

    235. Idāni yā sā pubbe vuttappabhedā codanā, tassāyeva sampattivipattijānanatthaṃ ādimajjhapariyosānādīnaṃ vasena vinicchayo veditabbo . Seyyathidaṃ, codanāya ko ādi, kiṃ majjhe, kiṃ pariyosānaṃ? Codanāya ‘‘ahaṃ taṃ vattukāmo, karotu me āyasmā okāsa’’nti evaṃ okāsakammaṃ ādi. Otiṇṇena vatthunā codetvā sāretvā vinicchayo majjhe. Āpattiyaṃ vā anāpattiyaṃ vā patiṭṭhāpanena samatho pariyosānaṃ.

    жод̣̇анааяа гад̇и муулаани, гад̇и вад̇т̇ууни, гад̇и бхуумияо? жод̣̇анааяа д̣̇вз муулаани самуулигаа ваа амуулигаа ваа. д̇ийн̣и вад̇т̇ууни д̣̇идтам̣ суд̇ам̣ барисан̇гид̇ам̣. бан̃жа бхуумияо гаалзна вагкаами, но агаалзна, бхууд̇зна вагкаами, но абхууд̇зна, сан̣хзна вагкаами, но парусзна, ад̇т̇асам̣хид̇зна вагкаами, но анад̇т̇асам̣хид̇зна, мзд̇д̇ажид̇д̇о вагкаами, но д̣̇осанд̇арод̇и. имааяа жа бана жод̣̇анааяа жод̣̇агзна буг̇г̇алзна ‘‘барисуд̣̇д̇хагааяасамаажааро ну комхий’’д̇иаад̣̇инаа (бари. 436) наязна убаалибан̃жагзсу вуд̇д̇зсу баннарасасу д̇хаммзсу бад̇идтаад̇аб̣б̣ам̣. жуд̣̇ид̇агзна д̣̇вийсу д̇хаммзсу бад̇идтаад̇аб̣б̣ам̣ сажжз жа агуббз жаад̇и.

    Codanāya kati mūlāni, kati vatthūni, kati bhūmiyo? Codanāya dve mūlāni samūlikā vā amūlikā vā. Tīṇi vatthūni diṭṭhaṃ sutaṃ parisaṅkitaṃ. Pañca bhūmiyo kālena vakkhāmi, no akālena, bhūtena vakkhāmi, no abhūtena, saṇhena vakkhāmi, no pharusena, atthasaṃhitena vakkhāmi, no anatthasaṃhitena, mettacitto vakkhāmi, no dosantaroti. Imāya ca pana codanāya codakena puggalena ‘‘parisuddhakāyasamācāro nu khomhī’’tiādinā (pari. 436) nayena upālipañcakesu vuttesu pannarasasu dhammesu patiṭṭhātabbaṃ. Cuditakena dvīsu dhammesu patiṭṭhātabbaṃ sacce ca akuppe cāti.

    анувиж̇ж̇агзна (бари. 360) жа жод̣̇аго бужчид̇аб̣б̣о ‘‘яам̣ ко д̇вам̣, аавусо, имам̣ бхигкум̣ жод̣̇зси, гимхи нам̣ жод̣̇зси, сийлавибад̇д̇ияаа жод̣̇зси, аажааравибад̇д̇ияаа жод̣̇зси, д̣̇идтивибад̇д̇ияаа жод̣̇зсий’’д̇и. со жз звам̣ вад̣̇зяяа ‘‘сийлавибад̇д̇ияаа ваа жод̣̇зми, аажааравибад̇д̇ияаа ваа жод̣̇зми, д̣̇идтивибад̇д̇ияаа ваа жод̣̇змий’’д̇и. со звамасса важанийяо ‘‘ж̇аанааси банааяасмаа сийлавибад̇д̇им̣, ж̇аанааси аажааравибад̇д̇им̣, ж̇аанааси д̣̇идтивибад̇д̇и’’нд̇и. со жз звам̣ вад̣̇зяяа ‘‘ж̇аанаами ко ахам̣, аавусо, сийлавибад̇д̇им̣, ж̇аанаами аажааравибад̇д̇им̣, ж̇аанаами д̣̇идтивибад̇д̇и’’нд̇и. со звамасса важанийяо ‘‘гад̇амаа банаавусо, сийлавибад̇д̇и, гад̇амаа аажааравибад̇д̇и, гад̇амаа д̣̇идтивибад̇д̇ий’’д̇и? со жз звам̣ вад̣̇зяяа ‘‘жад̇д̇аари баарааж̇игаани д̇зраса сан̇гхаад̣̇исзсаа, аяам̣ сийлавибад̇д̇и. т̇уллажжаяам̣ баажид̇д̇ияам̣ баадид̣̇зсанийяам̣ д̣̇уггадам̣ д̣̇уб̣бхаасид̇ам̣, аяам̣ аажааравибад̇д̇и. мижчаад̣̇идти анд̇аг̇г̇аахигаа д̣̇идти, аяам̣ д̣̇идтивибад̇д̇ий’’д̇и.

    Anuvijjakena (pari. 360) ca codako pucchitabbo ‘‘yaṃ kho tvaṃ, āvuso, imaṃ bhikkhuṃ codesi, kimhi naṃ codesi, sīlavipattiyā codesi, ācāravipattiyā codesi, diṭṭhivipattiyā codesī’’ti. So ce evaṃ vadeyya ‘‘sīlavipattiyā vā codemi, ācāravipattiyā vā codemi, diṭṭhivipattiyā vā codemī’’ti. So evamassa vacanīyo ‘‘jānāsi panāyasmā sīlavipattiṃ, jānāsi ācāravipattiṃ, jānāsi diṭṭhivipatti’’nti. So ce evaṃ vadeyya ‘‘jānāmi kho ahaṃ, āvuso, sīlavipattiṃ, jānāmi ācāravipattiṃ, jānāmi diṭṭhivipatti’’nti. So evamassa vacanīyo ‘‘katamā panāvuso, sīlavipatti, katamā ācāravipatti, katamā diṭṭhivipattī’’ti? So ce evaṃ vadeyya ‘‘cattāri pārājikāni terasa saṅghādisesā, ayaṃ sīlavipatti. Thullaccayaṃ pācittiyaṃ pāṭidesanīyaṃ dukkaṭaṃ dubbhāsitaṃ, ayaṃ ācāravipatti. Micchādiṭṭhi antaggāhikā diṭṭhi, ayaṃ diṭṭhivipattī’’ti.

    со звамасса важанийяо ‘‘яам̣ ко д̇вам̣, аавусо, имам̣ бхигкум̣ жод̣̇зси, д̣̇идтзна ваа жод̣̇зси, суд̇зна ваа жод̣̇зси, барисан̇гааяа ваа жод̣̇зсий’’д̇и . со жз звам̣ вад̣̇зяяа ‘‘д̣̇идтзна ваа жод̣̇зми, суд̇зна ваа жод̣̇зми, барисан̇гааяа ваа жод̣̇змий’’д̇и. со звамасса важанийяо ‘‘яам̣ ко д̇вам̣, аавусо, имам̣ бхигкум̣ д̣̇идтзна жод̣̇зси, гим̣ д̇з д̣̇идтам̣, гинд̇и д̇з д̣̇идтам̣, гад̣̇аа д̇з д̣̇идтам̣, гад̇т̇а д̇з д̣̇идтам̣, баарааж̇игам̣ аж̇жхаабаж̇ж̇анд̇о д̣̇идто, сан̇гхаад̣̇исзсам̣ аж̇жхаабаж̇ж̇анд̇о д̣̇идто, т̇уллажжаяам̣ баажид̇д̇ияам̣ баадид̣̇зсанийяам̣ д̣̇уггадам̣ д̣̇уб̣бхаасид̇ам̣ аж̇жхаабаж̇ж̇анд̇о д̣̇идто, гад̇т̇а жааяам̣ бхигку ахоси, гад̇т̇а жа д̇вам̣ гароси, гин̃жа д̇вам̣ гароси, гим̣ аяам̣ бхигку гарод̇ий’’д̇и?

    So evamassa vacanīyo ‘‘yaṃ kho tvaṃ, āvuso, imaṃ bhikkhuṃ codesi, diṭṭhena vā codesi, sutena vā codesi, parisaṅkāya vā codesī’’ti . So ce evaṃ vadeyya ‘‘diṭṭhena vā codemi, sutena vā codemi, parisaṅkāya vā codemī’’ti. So evamassa vacanīyo ‘‘yaṃ kho tvaṃ, āvuso, imaṃ bhikkhuṃ diṭṭhena codesi, kiṃ te diṭṭhaṃ, kinti te diṭṭhaṃ, kadā te diṭṭhaṃ, kattha te diṭṭhaṃ, pārājikaṃ ajjhāpajjanto diṭṭho, saṅghādisesaṃ ajjhāpajjanto diṭṭho, thullaccayaṃ pācittiyaṃ pāṭidesanīyaṃ dukkaṭaṃ dubbhāsitaṃ ajjhāpajjanto diṭṭho, kattha cāyaṃ bhikkhu ahosi, kattha ca tvaṃ karosi, kiñca tvaṃ karosi, kiṃ ayaṃ bhikkhu karotī’’ti?

    со жз звам̣ вад̣̇зяяа ‘‘на ко ахам̣, аавусо, имам̣ бхигкум̣ д̣̇идтзна жод̣̇зми, абижа суд̇зна жод̣̇змий’’д̇и. со звамасса важанийяо ‘‘яам̣ ко д̇вам̣, аавусо, имам̣ бхигкум̣ суд̇зна жод̣̇зси, гим̣ д̇з суд̇ам̣, гинд̇и д̇з суд̇ам̣, гад̣̇аа д̇з суд̇ам̣, гад̇т̇а д̇з суд̇ам̣, баарааж̇игам̣ аж̇жхаабаннод̇и суд̇ам̣, сан̇гхаад̣̇исзсам̣ аж̇жхаабаннод̇и суд̇ам̣, т̇уллажжаяам̣ баажид̇д̇ияам̣ баадид̣̇зсанийяам̣ д̣̇уггадам̣ д̣̇уб̣бхаасид̇ам̣ аж̇жхаабаннод̇и суд̇ам̣, бхигкусса суд̇ам̣, бхигкунияаа суд̇ам̣, сигкамаанааяа суд̇ам̣, сааман̣зрасса суд̇ам̣, сааман̣зрияаа суд̇ам̣, убаасагасса суд̇ам̣, убаасигааяа суд̇ам̣, рааж̇уунам̣ суд̇ам̣, рааж̇амахаамад̇д̇аанам̣ суд̇ам̣, д̇ид̇т̇ияаанам̣ суд̇ам̣, д̇ид̇т̇ияасаавагаанам̣ суд̇а’’нд̇и.

    So ce evaṃ vadeyya ‘‘na kho ahaṃ, āvuso, imaṃ bhikkhuṃ diṭṭhena codemi, apica sutena codemī’’ti. So evamassa vacanīyo ‘‘yaṃ kho tvaṃ, āvuso, imaṃ bhikkhuṃ sutena codesi, kiṃ te sutaṃ, kinti te sutaṃ, kadā te sutaṃ, kattha te sutaṃ, pārājikaṃ ajjhāpannoti sutaṃ, saṅghādisesaṃ ajjhāpannoti sutaṃ, thullaccayaṃ pācittiyaṃ pāṭidesanīyaṃ dukkaṭaṃ dubbhāsitaṃ ajjhāpannoti sutaṃ, bhikkhussa sutaṃ, bhikkhuniyā sutaṃ, sikkhamānāya sutaṃ, sāmaṇerassa sutaṃ, sāmaṇeriyā sutaṃ, upāsakassa sutaṃ, upāsikāya sutaṃ, rājūnaṃ sutaṃ, rājamahāmattānaṃ sutaṃ, titthiyānaṃ sutaṃ, titthiyasāvakānaṃ suta’’nti.

    со жз звам̣ вад̣̇зяяа ‘‘на ко ахам̣, аавусо, имам̣ бхигкум̣ суд̇зна жод̣̇зми, абижа барисан̇гааяа жод̣̇змий’’д̇и. со звамасса важанийяо ‘‘яам̣ ко д̇вам̣, аавусо, имам̣ бхигкум̣ барисан̇гааяа жод̣̇зси, гим̣ барисан̇гаси, гинд̇и барисан̇гаси, гад̣̇аа барисан̇гаси, гад̇т̇а барисан̇гаси? баарааж̇игам̣ д̇хаммам̣ аж̇жхаабаннод̇и барисан̇гаси, сан̇гхаад̣̇исзсам̣ т̇уллажжаяам̣ баажид̇д̇ияам̣ баадид̣̇зсанийяам̣ д̣̇уггадам̣ д̣̇уб̣бхаасид̇ам̣ аж̇жхаабаннод̇и барисан̇гаси, бхигкусса суд̇ваа барисан̇гаси, бхигкунияаа суд̇ваа…бз… д̇ид̇т̇ияасаавагаанам̣ суд̇ваа барисан̇гасий’’д̇и.

    So ce evaṃ vadeyya ‘‘na kho ahaṃ, āvuso, imaṃ bhikkhuṃ sutena codemi, apica parisaṅkāya codemī’’ti. So evamassa vacanīyo ‘‘yaṃ kho tvaṃ, āvuso, imaṃ bhikkhuṃ parisaṅkāya codesi, kiṃ parisaṅkasi, kinti parisaṅkasi, kadā parisaṅkasi, kattha parisaṅkasi? Pārājikaṃ dhammaṃ ajjhāpannoti parisaṅkasi, saṅghādisesaṃ thullaccayaṃ pācittiyaṃ pāṭidesanīyaṃ dukkaṭaṃ dubbhāsitaṃ ajjhāpannoti parisaṅkasi, bhikkhussa sutvā parisaṅkasi, bhikkhuniyā sutvā…pe… titthiyasāvakānaṃ sutvā parisaṅkasī’’ti.

    д̣̇идтам̣ д̣̇идтзна самзд̇и, д̣̇идтзна сам̣санд̣̇ад̇з д̣̇идтам̣;

    Diṭṭhaṃ diṭṭhena sameti, diṭṭhena saṃsandate diṭṭhaṃ;

    д̣̇идтам̣ бадижжа на убзд̇и, асуд̣̇д̇хабарисан̇гид̇о;

    Diṭṭhaṃ paṭicca na upeti, asuddhaparisaṅkito;

    со буг̇г̇ало бадин̃н̃ааяа, гаад̇аб̣б̣о д̇знубосат̇о.

    So puggalo paṭiññāya, kātabbo tenuposatho.

    суд̇ам̣ суд̇зна самзд̇и, суд̇зна сам̣санд̣̇ад̇з суд̇ам̣;

    Sutaṃ sutena sameti, sutena saṃsandate sutaṃ;

    суд̇ам̣ бадижжа на убзд̇и, асуд̣̇д̇хабарисан̇гид̇о;

    Sutaṃ paṭicca na upeti, asuddhaparisaṅkito;

    со буг̇г̇ало бадин̃н̃ааяа, гаад̇аб̣б̣о д̇знубосат̇о.

    So puggalo paṭiññāya, kātabbo tenuposatho.

    муд̇ам̣ муд̇зна самзд̇и, муд̇зна сам̣санд̣̇ад̇з муд̇ам̣;

    Mutaṃ mutena sameti, mutena saṃsandate mutaṃ;

    муд̇ам̣ бадижжа на убзд̇и, асуд̣̇д̇хабарисан̇гид̇о;

    Mutaṃ paṭicca na upeti, asuddhaparisaṅkito;

    со буг̇г̇ало бадин̃н̃ааяа, гаад̇аб̣б̣о д̇знубосат̇о.

    So puggalo paṭiññāya, kātabbo tenuposatho.

    бадин̃н̃аа лаж̇ж̇ийсу гад̇аа, алаж̇ж̇ийсу звам̣ на виж̇ж̇ад̇и;

    Paṭiññā lajjīsu katā, alajjīsu evaṃ na vijjati;

    б̣ахумби алаж̇ж̇ий бхаасзяяа, вад̇д̇аанусанд̇хид̇зна гаараязд̇и. (бари. 359);

    Bahumpi alajjī bhāseyya, vattānusandhitena kārayeti. (pari. 359);

    абижзд̇т̇а сан̇г̇аамааважарзна бхигкунаа сан̇гхам̣ убасан̇гаманд̇зна нийжажид̇д̇зна сан̇гхо убасан̇гамид̇аб̣б̣о раж̇охаран̣асамзна жид̇д̇зна, аасанагусалзна бхавид̇аб̣б̣ам̣ нисаж̇ж̇агусалзна, т̇зрз бхигкуу анубакаж̇ж̇анд̇зна навз бхигкуу аасанзна аббадиб̣ааханд̇зна яат̇аабад̇ируубз аасанз нисийд̣̇ид̇аб̣б̣ам̣, анаанаагат̇игзна бхавид̇аб̣б̣ам̣ ад̇иражчаанагат̇игзна, саамам̣ ваа д̇хаммо бхаасид̇аб̣б̣о, баро ваа аж̇жхзсид̇аб̣б̣о, арияо ваа д̇ун̣хийбхааво наад̇иман̃н̃ид̇аб̣б̣о.

    Apicettha saṅgāmāvacarena bhikkhunā saṅghaṃ upasaṅkamantena nīcacittena saṅgho upasaṅkamitabbo rajoharaṇasamena cittena, āsanakusalena bhavitabbaṃ nisajjakusalena, there bhikkhū anupakhajjantena nave bhikkhū āsanena appaṭibāhantena yathāpatirūpe āsane nisīditabbaṃ, anānākathikena bhavitabbaṃ atiracchānakathikena, sāmaṃ vā dhammo bhāsitabbo, paro vā ajjhesitabbo, ariyo vā tuṇhībhāvo nātimaññitabbo.

    сан̇гхзна анумад̇зна буг̇г̇алзна анувиж̇ж̇агзна анувиж̇ж̇ид̇угаамзна на убаж̇жхааяо бужчид̇аб̣б̣о, на аажарияо бужчид̇аб̣б̣о, на сад̣̇д̇хивихаариго бужчид̇аб̣б̣о, на анд̇зваасиго бужчид̇аб̣б̣о, на самаанубаж̇жхааяаго бужчид̇аб̣б̣о, на самаанаажарияаго бужчид̇аб̣б̣о, на ж̇аад̇и бужчид̇аб̣б̣аа, на наамам̣ бужчид̇аб̣б̣ам̣, на г̇од̇д̇ам̣ бужчид̇аб̣б̣ам̣, на ааг̇амо бужчид̇аб̣б̣о, на гулабад̣̇зсо бужчид̇аб̣б̣о, на ж̇аад̇ибхууми бужчид̇аб̣б̣аа. д̇ам̣ гим̣гааран̣аа? ад̇расса бзмам̣ ваа д̣̇осо ваа, бзмз ваа сад̇и д̣̇осз ваа чанд̣̇ааби г̇ажчзяяа д̣̇осааби г̇ажчзяяа мохааби г̇ажчзяяа бхаяааби г̇ажчзяяаад̇и.

    Saṅghena anumatena puggalena anuvijjakena anuvijjitukāmena na upajjhāyo pucchitabbo, na ācariyo pucchitabbo, na saddhivihāriko pucchitabbo, na antevāsiko pucchitabbo, na samānupajjhāyako pucchitabbo, na samānācariyako pucchitabbo, na jāti pucchitabbā, na nāmaṃ pucchitabbaṃ, na gottaṃ pucchitabbaṃ, na āgamo pucchitabbo, na kulapadeso pucchitabbo, na jātibhūmi pucchitabbā. Taṃ kiṃkāraṇā? Atrassa pemaṃ vā doso vā, peme vā sati dose vā chandāpi gaccheyya dosāpi gaccheyya mohāpi gaccheyya bhayāpi gaccheyyāti.

    сан̇гхзна анумад̇зна буг̇г̇алзна анувиж̇ж̇агзна анувиж̇ж̇ид̇угаамзна сан̇гхаг̇аругзна бхавид̇аб̣б̣ам̣, но буг̇г̇алаг̇аругзна, сад̣̇д̇хаммаг̇аругзна бхавид̇аб̣б̣ам̣, но аамисаг̇аругзна, ад̇т̇авасигзна бхавид̇аб̣б̣ам̣, но барисагаббигзна, гаалзна анувиж̇ж̇ид̇аб̣б̣ам̣, но агаалзна, бхууд̇зна анувиж̇ж̇ид̇аб̣б̣ам̣, но абхууд̇зна, сан̣хзна анувиж̇ж̇ид̇аб̣б̣ам̣, но парусзна, ад̇т̇асам̣хид̇зна анувиж̇ж̇ид̇аб̣б̣ам̣, но анад̇т̇асам̣хид̇зна, мзд̇д̇ажид̇д̇зна анувиж̇ж̇ид̇аб̣б̣ам̣, но д̣̇осанд̇арзна, на убаган̣н̣агаж̇аббинаа бхавид̇аб̣б̣ам̣, на ж̇имхам̣ бзгкид̇аб̣б̣ам̣, на агки никан̣ид̇аб̣б̣ам̣, на бхамугам̣ угкибид̇аб̣б̣ам̣, на сийсам̣ угкибид̇аб̣б̣ам̣, на хад̇т̇авигааро гаад̇аб̣б̣о, на хад̇т̇амуд̣̇д̣̇аа д̣̇ассзд̇аб̣б̣аа.

    Saṅghena anumatena puggalena anuvijjakena anuvijjitukāmena saṅghagarukena bhavitabbaṃ, no puggalagarukena, saddhammagarukena bhavitabbaṃ, no āmisagarukena, atthavasikena bhavitabbaṃ, no parisakappikena, kālena anuvijjitabbaṃ, no akālena, bhūtena anuvijjitabbaṃ, no abhūtena, saṇhena anuvijjitabbaṃ, no pharusena, atthasaṃhitena anuvijjitabbaṃ, no anatthasaṃhitena, mettacittena anuvijjitabbaṃ, no dosantarena, na upakaṇṇakajappinā bhavitabbaṃ, na jimhaṃ pekkhitabbaṃ, na akkhi nikhaṇitabbaṃ, na bhamukaṃ ukkhipitabbaṃ, na sīsaṃ ukkhipitabbaṃ, na hatthavikāro kātabbo, na hatthamuddā dassetabbā.

    аасанагусалзна бхавид̇аб̣б̣ам̣ нисаж̇ж̇агусалзна, яуг̇амад̇д̇ам̣ бзгканд̇зна ад̇т̇ам̣ анувид̇хияанд̇зна сагз аасанз нисийд̣̇ид̇аб̣б̣ам̣, на жа аасанаа вудтаад̇аб̣б̣ам̣, на вийд̇ихаад̇аб̣б̣ам̣, на гуммаг̇г̇о сзвид̇аб̣б̣о, на б̣аахаавигкзбагам̣ бхан̣ид̇аб̣б̣ам̣, ад̇урид̇зна бхавид̇аб̣б̣ам̣ асаахасигзна, ажан̣д̣игад̇зна бхавид̇аб̣б̣ам̣ важанагкамзна, мзд̇д̇ажид̇д̇зна бхавид̇аб̣б̣ам̣ хид̇аанугамбинаа, гаарун̣игзна бхавид̇аб̣б̣ам̣ хид̇абарисаггинаа, асампаббалаабинаа бхавид̇аб̣б̣ам̣ барияанд̇абхаан̣инаа, авзравасигзна бхавид̇аб̣б̣ам̣ анасуруд̇д̇зна, ад̇д̇аа бариг̇г̇ахзд̇аб̣б̣о, баро бариг̇г̇ахзд̇аб̣б̣о, жод̣̇аго бариг̇г̇ахзд̇аб̣б̣о, жуд̣̇ид̇аго бариг̇г̇ахзд̇аб̣б̣о, ад̇хаммажод̣̇аго бариг̇г̇ахзд̇аб̣б̣о, ад̇хаммажуд̣̇ид̇аго бариг̇г̇ахзд̇аб̣б̣о, д̇хаммажод̣̇аго бариг̇г̇ахзд̇аб̣б̣о, д̇хаммажуд̣̇ид̇аго бариг̇г̇ахзд̇аб̣б̣о, вуд̇д̇ам̣ ахаабзнд̇зна авуд̇д̇ам̣ аббагаасзнд̇зна од̇ин̣н̣аани бад̣̇аб̣яан̃ж̇анаани саад̇хугам̣ уг̇г̇ахзд̇ваа баро барибужчид̇ваа яат̇аабадин̃н̃ааяа гаарзд̇аб̣б̣о, манд̣̇о хаасзд̇аб̣б̣о, бхийру ассаасзд̇аб̣б̣о, жан̣д̣о нисзд̇хзд̇аб̣б̣о, асужи вибхаавзд̇аб̣б̣о, уж̇умад̣̇д̣̇авзна на чанд̣̇ааг̇ад̇и г̇анд̇аб̣б̣аа, на д̣̇осааг̇ад̇и г̇анд̇аб̣б̣аа, на мохааг̇ад̇и г̇анд̇аб̣б̣аа, на бхаяааг̇ад̇и г̇анд̇аб̣б̣аа, маж̇жхад̇д̇зна бхавид̇аб̣б̣ам̣ д̇хаммзсу жа буг̇г̇алзсу жа, зван̃жа бана анувиж̇ж̇аго анувиж̇ж̇амаано сад̇т̇у жзва саасанагаро ход̇и, вин̃н̃уунан̃жа саб̣рахмажаарийнам̣ бияо жа ход̇и манаабо жа г̇ару жа бхааванийяо жаад̇и.

    Āsanakusalena bhavitabbaṃ nisajjakusalena, yugamattaṃ pekkhantena atthaṃ anuvidhiyantena sake āsane nisīditabbaṃ, na ca āsanā vuṭṭhātabbaṃ, na vītihātabbaṃ, na kummaggo sevitabbo, na bāhāvikkhepakaṃ bhaṇitabbaṃ, aturitena bhavitabbaṃ asāhasikena, acaṇḍikatena bhavitabbaṃ vacanakkhamena, mettacittena bhavitabbaṃ hitānukampinā, kāruṇikena bhavitabbaṃ hitaparisakkinā, asamphappalāpinā bhavitabbaṃ pariyantabhāṇinā, averavasikena bhavitabbaṃ anasuruttena, attā pariggahetabbo, paro pariggahetabbo, codako pariggahetabbo, cuditako pariggahetabbo, adhammacodako pariggahetabbo, adhammacuditako pariggahetabbo, dhammacodako pariggahetabbo, dhammacuditako pariggahetabbo, vuttaṃ ahāpentena avuttaṃ appakāsentena otiṇṇāni padabyañjanāni sādhukaṃ uggahetvā paro paripucchitvā yathāpaṭiññāya kāretabbo, mando hāsetabbo, bhīru assāsetabbo, caṇḍo nisedhetabbo, asuci vibhāvetabbo, ujumaddavena na chandāgati gantabbā, na dosāgati gantabbā, na mohāgati gantabbā, na bhayāgati gantabbā, majjhattena bhavitabbaṃ dhammesu ca puggalesu ca, evañca pana anuvijjako anuvijjamāno satthu ceva sāsanakaro hoti, viññūnañca sabrahmacārīnaṃ piyo ca hoti manāpo ca garu ca bhāvanīyo cāti.

    ид̇и баал̣имуд̇д̇агавинаяавинижчаяасан̇г̇ахз

    Iti pāḷimuttakavinayavinicchayasaṅgahe

    жод̣̇анаад̣̇ивинижчаяагат̇аа самад̇д̇аа.

    Codanādivinicchayakathā samattā.




    Next: 32. г̇аругаабад̇д̇ивудтаанавинижчаяагат̇аа • 32. Garukāpattivuṭṭhānavinicchayakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact