| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੮੧. ਚੋਦਨਾਕਥਾ
81. Codanākathā
੧੫੩. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਅਨੋਕਾਸਕਤਂ ਭਿਕ੍ਖੁਂ ਆਪਤ੍ਤਿਯਾ ਚੋਦੇਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਨ, ਭਿਕ੍ਖવੇ, ਅਨੋਕਾਸਕਤੋ ਭਿਕ੍ਖੁ ਆਪਤ੍ਤਿਯਾ ਚੋਦੇਤਬ੍ਬੋ। ਯੋ ਚੋਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਓਕਾਸਂ ਕਾਰਾਪੇਤ੍વਾ ਆਪਤ੍ਤਿਯਾ ਚੋਦੇਤੁਂ – ਕਰੋਤੁ ਆਯਸ੍ਮਾ ਓਕਾਸਂ, ਅਹਂ ਤਂ વਤ੍ਤੁਕਾਮੋਤਿ।
153. Tena kho pana samayena chabbaggiyā bhikkhū anokāsakataṃ bhikkhuṃ āpattiyā codenti. Bhagavato etamatthaṃ ārocesuṃ. Na, bhikkhave, anokāsakato bhikkhu āpattiyā codetabbo. Yo codeyya, āpatti dukkaṭassa. Anujānāmi, bhikkhave, okāsaṃ kārāpetvā āpattiyā codetuṃ – karotu āyasmā okāsaṃ, ahaṃ taṃ vattukāmoti.
ਤੇਨ ਖੋ ਪਨ ਸਮਯੇਨ ਪੇਸਲਾ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਓਕਾਸਂ ਕਾਰਾਪੇਤ੍વਾ ਆਪਤ੍ਤਿਯਾ ਚੋਦੇਨ੍ਤਿ। ਛਬ੍ਬਗ੍ਗਿਯਾ ਭਿਕ੍ਖੂ ਲਭਨ੍ਤਿ ਆਘਾਤਂ, ਲਭਨ੍ਤਿ ਅਪ੍ਪਚ੍ਚਯਂ, વਧੇਨ ਤਜ੍ਜੇਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਕਤੇਪਿ ਓਕਾਸੇ ਪੁਗ੍ਗਲਂ ਤੁਲਯਿਤ੍વਾ ਆਪਤ੍ਤਿਯਾ ਚੋਦੇਤੁਨ੍ਤਿ।
Tena kho pana samayena pesalā bhikkhū chabbaggiye bhikkhū okāsaṃ kārāpetvā āpattiyā codenti. Chabbaggiyā bhikkhū labhanti āghātaṃ, labhanti appaccayaṃ, vadhena tajjenti. Bhagavato etamatthaṃ ārocesuṃ. Anujānāmi, bhikkhave, katepi okāse puggalaṃ tulayitvā āpattiyā codetunti.
ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ – ਪੁਰਮ੍ਹਾਕਂ ਪੇਸਲਾ ਭਿਕ੍ਖੂ ਓਕਾਸਂ ਕਾਰਾਪੇਨ੍ਤੀਤਿ – ਪਟਿਕਚ੍ਚੇવ ਸੁਦ੍ਧਾਨਂ ਭਿਕ੍ਖੂਨਂ ਅਨਾਪਤ੍ਤਿਕਾਨਂ ਅવਤ੍ਥੁਸ੍ਮਿਂ ਅਕਾਰਣੇ ਓਕਾਸਂ ਕਾਰਾਪੇਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਨ, ਭਿਕ੍ਖવੇ, ਸੁਦ੍ਧਾਨਂ ਭਿਕ੍ਖੂਨਂ ਅਨਾਪਤ੍ਤਿਕਾਨਂ ਅવਤ੍ਥੁਸ੍ਮਿਂ ਅਕਾਰਣੇ ਓਕਾਸੋ ਕਾਰਾਪੇਤਬ੍ਬੋ। ਯੋ ਕਾਰਾਪੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਪੁਗ੍ਗਲਂ ਤੁਲਯਿਤ੍વਾ ਓਕਾਸਂ ਕਾਤੁ 1 ਨ੍ਤਿ।
Tena kho pana samayena chabbaggiyā bhikkhū – puramhākaṃ pesalā bhikkhū okāsaṃ kārāpentīti – paṭikacceva suddhānaṃ bhikkhūnaṃ anāpattikānaṃ avatthusmiṃ akāraṇe okāsaṃ kārāpenti. Bhagavato etamatthaṃ ārocesuṃ. Na, bhikkhave, suddhānaṃ bhikkhūnaṃ anāpattikānaṃ avatthusmiṃ akāraṇe okāso kārāpetabbo. Yo kārāpeyya, āpatti dukkaṭassa. Anujānāmi, bhikkhave, puggalaṃ tulayitvā okāsaṃ kātu 2 nti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਾਤਿਮੋਕ੍ਖੁਦ੍ਦੇਸਕਥਾ • Pātimokkhuddesakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭੮. ਪਾਤਿਮੋਕ੍ਖੁਦ੍ਦੇਸਕਥਾ • 78. Pātimokkhuddesakathā
