| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੭. ਚੋਦਨਾਸੁਤ੍ਤਂ
7. Codanāsuttaṃ
੧੬੭. ਤਤ੍ਰ ਖੋ ਆਯਸ੍ਮਾ ਸਾਰਿਪੁਤ੍ਤੋ ਭਿਕ੍ਖੂ ਆਮਨ੍ਤੇਸਿ – ‘‘ਚੋਦਕੇਨ, ਆવੁਸੋ, ਭਿਕ੍ਖੁਨਾ ਪਰਂ ਚੋਦੇਤੁਕਾਮੇਨ ਪਞ੍ਚ ਧਮ੍ਮੇ ਅਜ੍ਝਤ੍ਤਂ ਉਪਟ੍ਠਾਪੇਤ੍વਾ ਪਰੋ ਚੋਦੇਤਬ੍ਬੋ’’।
167. Tatra kho āyasmā sāriputto bhikkhū āmantesi – ‘‘codakena, āvuso, bhikkhunā paraṃ codetukāmena pañca dhamme ajjhattaṃ upaṭṭhāpetvā paro codetabbo’’.
‘‘ਇਧਾਹਂ , ਆવੁਸੋ, ਏਕਚ੍ਚਂ ਪੁਗ੍ਗਲਂ ਪਸ੍ਸਾਮਿ ਅਕਾਲੇਨ ਚੋਦਿਯਮਾਨਂ ਨੋ ਕਾਲੇਨ ਕੁਪਿਤਂ, ਅਭੂਤੇਨ ਚੋਦਿਯਮਾਨਂ ਨੋ ਭੂਤੇਨ ਕੁਪਿਤਂ, ਫਰੁਸੇਨ ਚੋਦਿਯਮਾਨਂ ਨੋ ਸਣ੍ਹੇਨ ਕੁਪਿਤਂ, ਅਨਤ੍ਥਸਂਹਿਤੇਨ ਚੋਦਿਯਮਾਨਂ ਨੋ ਅਤ੍ਥਸਂਹਿਤੇਨ ਕੁਪਿਤਂ, ਦੋਸਨ੍ਤਰੇਨ ਚੋਦਿਯਮਾਨਂ ਨੋ ਮੇਤ੍ਤਚਿਤ੍ਤੇਨ ਕੁਪਿਤਂ।
‘‘Idhāhaṃ , āvuso, ekaccaṃ puggalaṃ passāmi akālena codiyamānaṃ no kālena kupitaṃ, abhūtena codiyamānaṃ no bhūtena kupitaṃ, pharusena codiyamānaṃ no saṇhena kupitaṃ, anatthasaṃhitena codiyamānaṃ no atthasaṃhitena kupitaṃ, dosantarena codiyamānaṃ no mettacittena kupitaṃ.
‘‘ਅਧਮ੍ਮਚੁਦਿਤਸ੍ਸ, ਆવੁਸੋ, ਭਿਕ੍ਖੁਨੋ ਪਞ੍ਚਹਾਕਾਰੇਹਿ ਅવਿਪ੍ਪਟਿਸਾਰੋ ਉਪਦਹਾਤਬ੍ਬੋ 5 – ‘ਅਕਾਲੇਨਾਯਸ੍ਮਾ ਚੁਦਿਤੋ ਨੋ ਕਾਲੇਨ , ਅਲਂ ਤੇ ਅવਿਪ੍ਪਟਿਸਾਰਾਯ; ਅਭੂਤੇਨਾਯਸ੍ਮਾ ਚੁਦਿਤੋ ਨੋ ਭੂਤੇਨ , ਅਲਂ ਤੇ ਅવਿਪ੍ਪਟਿਸਾਰਾਯ; ਫਰੁਸੇਨਾਯਸ੍ਮਾ ਚੁਦਿਤੋ ਨੋ ਸਣ੍ਹੇਨ, ਅਲਂ ਤੇ ਅવਿਪ੍ਪਟਿਸਾਰਾਯ ; ਅਨਤ੍ਥਸਂਹਿਤੇਨਾਯਸ੍ਮਾ ਚੁਦਿਤੋ ਨੋ ਅਤ੍ਥਸਂਹਿਤੇਨ, ਅਲਂ ਤੇ ਅવਿਪ੍ਪਟਿਸਾਰਾਯ; ਦੋਸਨ੍ਤਰੇਨਾਯਸ੍ਮਾ ਚੁਦਿਤੋ ਨੋ ਮੇਤ੍ਤਚਿਤ੍ਤੇਨ, ਅਲਂ ਤੇ ਅવਿਪ੍ਪਟਿਸਾਰਾਯਾ’ਤਿ। ਅਧਮ੍ਮਚੁਦਿਤਸ੍ਸ, ਆવੁਸੋ, ਭਿਕ੍ਖੁਨੋ ਇਮੇਹਿ ਪਞ੍ਚਹਾਕਾਰੇਹਿ ਅવਿਪ੍ਪਟਿਸਾਰੋ ਉਪਦਹਾਤਬ੍ਬੋ।
‘‘Adhammacuditassa, āvuso, bhikkhuno pañcahākārehi avippaṭisāro upadahātabbo 6 – ‘akālenāyasmā cudito no kālena , alaṃ te avippaṭisārāya; abhūtenāyasmā cudito no bhūtena , alaṃ te avippaṭisārāya; pharusenāyasmā cudito no saṇhena, alaṃ te avippaṭisārāya ; anatthasaṃhitenāyasmā cudito no atthasaṃhitena, alaṃ te avippaṭisārāya; dosantarenāyasmā cudito no mettacittena, alaṃ te avippaṭisārāyā’ti. Adhammacuditassa, āvuso, bhikkhuno imehi pañcahākārehi avippaṭisāro upadahātabbo.
‘‘ਅਧਮ੍ਮਚੋਦਕਸ੍ਸ, ਆવੁਸੋ, ਭਿਕ੍ਖੁਨੋ ਪਞ੍ਚਹਾਕਾਰੇਹਿ વਿਪ੍ਪਟਿਸਾਰੋ ਉਪਦਹਾਤਬ੍ਬੋ – ‘ਅਕਾਲੇਨ ਤੇ, ਆવੁਸੋ, ਚੋਦਿਤੋ 7 ਨੋ ਕਾਲੇਨ, ਅਲਂ ਤੇ વਿਪ੍ਪਟਿਸਾਰਾਯ; ਅਭੂਤੇਨ ਤੇ, ਆવੁਸੋ, ਚੋਦਿਤੋ ਨੋ ਭੂਤੇਨ, ਅਲਂ ਤੇ વਿਪ੍ਪਟਿਸਾਰਾਯ; ਫਰੁਸੇਨ ਤੇ, ਆવੁਸੋ, ਚੋਦਿਤੋ ਨੋ ਸਣ੍ਹੇਨ, ਅਲਂ ਤੇ વਿਪ੍ਪਟਿਸਾਰਾਯ; ਅਨਤ੍ਥਸਂਹਿਤੇਨ ਤੇ, ਆવੁਸੋ, ਚੋਦਿਤੋ ਨੋ ਅਤ੍ਥਸਂਹਿਤੇਨ, ਅਲਂ ਤੇ વਿਪ੍ਪਟਿਸਾਰਾਯ; ਦੋਸਨ੍ਤਰੇਨ ਤੇ, ਆવੁਸੋ, ਚੋਦਿਤੋ ਨੋ ਮੇਤ੍ਤਚਿਤ੍ਤੇਨ, ਅਲਂ ਤੇ વਿਪ੍ਪਟਿਸਾਰਾਯਾ’ਤਿ। ਅਧਮ੍ਮਚੋਦਕਸ੍ਸ, ਆવੁਸੋ, ਭਿਕ੍ਖੁਨੋ ਇਮੇਹਿ ਪਞ੍ਚਹਾਕਾਰੇਹਿ વਿਪ੍ਪਟਿਸਾਰੋ ਉਪਦਹਾਤਬ੍ਬੋ। ਤਂ ਕਿਸ੍ਸ ਹੇਤੁ? ਯਥਾ ਨ ਅਞ੍ਞੋਪਿ ਭਿਕ੍ਖੁ ਅਭੂਤੇਨ ਚੋਦੇਤਬ੍ਬਂ ਮਞ੍ਞੇਯ੍ਯਾਤਿ।
‘‘Adhammacodakassa, āvuso, bhikkhuno pañcahākārehi vippaṭisāro upadahātabbo – ‘akālena te, āvuso, codito 8 no kālena, alaṃ te vippaṭisārāya; abhūtena te, āvuso, codito no bhūtena, alaṃ te vippaṭisārāya; pharusena te, āvuso, codito no saṇhena, alaṃ te vippaṭisārāya; anatthasaṃhitena te, āvuso, codito no atthasaṃhitena, alaṃ te vippaṭisārāya; dosantarena te, āvuso, codito no mettacittena, alaṃ te vippaṭisārāyā’ti. Adhammacodakassa, āvuso, bhikkhuno imehi pañcahākārehi vippaṭisāro upadahātabbo. Taṃ kissa hetu? Yathā na aññopi bhikkhu abhūtena codetabbaṃ maññeyyāti.
‘‘ਇਧ ਪਨਾਹਂ, ਆવੁਸੋ, ਏਕਚ੍ਚਂ ਪੁਗ੍ਗਲਂ ਪਸ੍ਸਾਮਿ ਕਾਲੇਨ ਚੋਦਿਯਮਾਨਂ ਨੋ ਅਕਾਲੇਨ ਕੁਪਿਤਂ, ਭੂਤੇਨ ਚੋਦਿਯਮਾਨਂ ਨੋ ਅਭੂਤੇਨ ਕੁਪਿਤਂ, ਸਣ੍ਹੇਨ ਚੋਦਿਯਮਾਨਂ ਨੋ ਫਰੁਸੇਨ ਕੁਪਿਤਂ, ਅਤ੍ਥਸਂਹਿਤੇਨ ਚੋਦਿਯਮਾਨਂ ਨੋ ਅਨਤ੍ਥਸਂਹਿਤੇਨ ਕੁਪਿਤਂ, ਮੇਤ੍ਤਚਿਤ੍ਤੇਨ ਚੋਦਿਯਮਾਨਂ ਨੋ ਦੋਸਨ੍ਤਰੇਨ ਕੁਪਿਤਂ।
‘‘Idha panāhaṃ, āvuso, ekaccaṃ puggalaṃ passāmi kālena codiyamānaṃ no akālena kupitaṃ, bhūtena codiyamānaṃ no abhūtena kupitaṃ, saṇhena codiyamānaṃ no pharusena kupitaṃ, atthasaṃhitena codiyamānaṃ no anatthasaṃhitena kupitaṃ, mettacittena codiyamānaṃ no dosantarena kupitaṃ.
‘‘ਧਮ੍ਮਚੁਦਿਤਸ੍ਸ, ਆવੁਸੋ, ਭਿਕ੍ਖੁਨੋ ਪਞ੍ਚਹਾਕਾਰੇਹਿ વਿਪ੍ਪਟਿਸਾਰੋ ਉਪਦਹਾਤਬ੍ਬੋ – ‘ਕਾਲੇਨਾਯਸ੍ਮਾ ਚੁਦਿਤੋ ਨੋ ਅਕਾਲੇਨ, ਅਲਂ ਤੇ વਿਪ੍ਪਟਿਸਾਰਾਯ; ਭੂਤੇਨਾਯਸ੍ਮਾ ਚੁਦਿਤੋ ਨੋ ਅਭੂਤੇਨ, ਅਲਂ ਤੇ વਿਪ੍ਪਟਿਸਾਰਾਯ; ਸਣ੍ਹੇਨਾਯਸ੍ਮਾ ਚੁਦਿਤੋ ਨੋ ਫਰੁਸੇਨ, ਅਲਂ ਤੇ વਿਪ੍ਪਟਿਸਾਰਾਯ; ਅਤ੍ਥਸਂਹਿਤੇਨਾਯਸ੍ਮਾ ਚੁਦਿਤੋ ਨੋ ਅਨਤ੍ਥਸਂਹਿਤੇਨ, ਅਲਂ ਤੇ વਿਪ੍ਪਟਿਸਾਰਾਯ; ਮੇਤ੍ਤਚਿਤ੍ਤੇਨਾਯਸ੍ਮਾ ਚੁਦਿਤੋ ਨੋ ਦੋਸਨ੍ਤਰੇਨ, ਅਲਂ ਤੇ વਿਪ੍ਪਟਿਸਾਰਾਯਾ’ਤਿ। ਧਮ੍ਮਚੁਦਿਤਸ੍ਸ , ਆવੁਸੋ, ਭਿਕ੍ਖੁਨੋ ਇਮੇਹਿ ਪਞ੍ਚਹਾਕਾਰੇਹਿ વਿਪ੍ਪਟਿਸਾਰੋ ਉਪਦਹਾਤਬ੍ਬੋ।
‘‘Dhammacuditassa, āvuso, bhikkhuno pañcahākārehi vippaṭisāro upadahātabbo – ‘kālenāyasmā cudito no akālena, alaṃ te vippaṭisārāya; bhūtenāyasmā cudito no abhūtena, alaṃ te vippaṭisārāya; saṇhenāyasmā cudito no pharusena, alaṃ te vippaṭisārāya; atthasaṃhitenāyasmā cudito no anatthasaṃhitena, alaṃ te vippaṭisārāya; mettacittenāyasmā cudito no dosantarena, alaṃ te vippaṭisārāyā’ti. Dhammacuditassa , āvuso, bhikkhuno imehi pañcahākārehi vippaṭisāro upadahātabbo.
‘‘ਧਮ੍ਮਚੋਦਕਸ੍ਸ, ਆવੁਸੋ, ਭਿਕ੍ਖੁਨੋ ਪਞ੍ਚਹਾਕਾਰੇਹਿ ਅવਿਪ੍ਪਟਿਸਾਰੋ ਉਪਦਹਾਤਬ੍ਬੋ – ‘ਕਾਲੇਨ ਤੇ, ਆવੁਸੋ, ਚੋਦਿਤੋ ਨੋ ਅਕਾਲੇਨ, ਅਲਂ ਤੇ ਅવਿਪ੍ਪਟਿਸਾਰਾਯ; ਭੂਤੇਨ ਤੇ, ਆવੁਸੋ, ਚੋਦਿਤੋ ਨੋ ਅਭੂਤੇਨ, ਅਲਂ ਤੇ ਅવਿਪ੍ਪਟਿਸਾਰਾਯ; ਸਣ੍ਹੇਨ ਤੇ, ਆવੁਸੋ, ਚੋਦਿਤੋ ਨੋ ਫਰੁਸੇਨ, ਅਲਂ ਤੇ ਅવਿਪ੍ਪਟਿਸਾਰਾਯ; ਅਤ੍ਥਸਂਹਿਤੇਨ ਤੇ, ਆવੁਸੋ, ਚੋਦਿਤੋ ਨੋ ਅਨਤ੍ਥਸਂਹਿਤੇਨ, ਅਲਂ ਤੇ ਅવਿਪ੍ਪਟਿਸਾਰਾਯ; ਮੇਤ੍ਤਚਿਤ੍ਤੇਨ ਤੇ, ਆવੁਸੋ, ਚੋਦਿਤੋ ਨੋ ਦੋਸਨ੍ਤਰੇਨ, ਅਲਂ ਤੇ ਅવਿਪ੍ਪਟਿਸਾਰਾਯਾ’ਤਿ। ਧਮ੍ਮਚੋਦਕਸ੍ਸ, ਆવੁਸੋ, ਭਿਕ੍ਖੁਨੋ ਇਮੇਹਿ ਪਞ੍ਚਹਾਕਾਰੇਹਿ ਅવਿਪ੍ਪਟਿਸਾਰੋ ਉਪਦਹਾਤਬ੍ਬੋ। ਤਂ ਕਿਸ੍ਸ ਹੇਤੁ? ਯਥਾ ਅਞ੍ਞੋਪਿ ਭਿਕ੍ਖੁ ਭੂਤੇਨ ਚੋਦਿਤਬ੍ਬਂ ਮਞ੍ਞੇਯ੍ਯਾਤਿ।
‘‘Dhammacodakassa, āvuso, bhikkhuno pañcahākārehi avippaṭisāro upadahātabbo – ‘kālena te, āvuso, codito no akālena, alaṃ te avippaṭisārāya; bhūtena te, āvuso, codito no abhūtena, alaṃ te avippaṭisārāya; saṇhena te, āvuso, codito no pharusena, alaṃ te avippaṭisārāya; atthasaṃhitena te, āvuso, codito no anatthasaṃhitena, alaṃ te avippaṭisārāya; mettacittena te, āvuso, codito no dosantarena, alaṃ te avippaṭisārāyā’ti. Dhammacodakassa, āvuso, bhikkhuno imehi pañcahākārehi avippaṭisāro upadahātabbo. Taṃ kissa hetu? Yathā aññopi bhikkhu bhūtena coditabbaṃ maññeyyāti.
‘‘ਚੁਦਿਤੇਨ, ਆવੁਸੋ, ਪੁਗ੍ਗਲੇਨ ਦ੍વੀਸੁ ਧਮ੍ਮੇਸੁ ਪਤਿਟ੍ਠਾਤਬ੍ਬਂ – ਸਚ੍ਚੇ ਚ, ਅਕੁਪ੍ਪੇ ਚ। ਮਂ ਚੇਪਿ 9, ਆવੁਸੋ, ਪਰੇ ਚੋਦੇਯ੍ਯੁਂ ਕਾਲੇਨ વਾ ਅਕਾਲੇਨ વਾ ਭੂਤੇਨ વਾ ਅਭੂਤੇਨ વਾ ਸਣ੍ਹੇਨ વਾ ਫਰੁਸੇਨ વਾ ਅਤ੍ਥਸਂਹਿਤੇਨ વਾ ਅਨਤ੍ਥਸਂਹਿਤੇਨ વਾ ਮੇਤ੍ਤਚਿਤ੍ਤਾ 10 વਾ ਦੋਸਨ੍ਤਰਾ 11 વਾ, ਅਹਮ੍ਪਿ ਦ੍વੀਸੁਯੇવ ਧਮ੍ਮੇਸੁ ਪਤਿਟ੍ਠਹੇਯ੍ਯਂ – ਸਚ੍ਚੇ ਚ, ਅਕੁਪ੍ਪੇ ਚ। ਸਚੇ ਜਾਨੇਯ੍ਯਂ – ‘ਅਤ੍ਥੇਸੋ ਮਯਿ ਧਮ੍ਮੋ’ਤਿ, ‘ਅਤ੍ਥੀ’ਤਿ ਨਂ વਦੇਯ੍ਯਂ – ‘ਸਂવਿਜ੍ਜਤੇਸੋ ਮਯਿ ਧਮ੍ਮੋ’ਤਿ। ਸਚੇ ਜਾਨੇਯ੍ਯਂ – ‘ਨਤ੍ਥੇਸੋ ਮਯਿ ਧਮ੍ਮੋ’ਤਿ, ‘ਨਤ੍ਥੀ’ਤਿ ਨਂ વਦੇਯ੍ਯਂ – ‘ਨੇਸੋ ਧਮ੍ਮੋ ਮਯਿ ਸਂવਿਜ੍ਜਤੀ’ਤਿ।
‘‘Cuditena, āvuso, puggalena dvīsu dhammesu patiṭṭhātabbaṃ – sacce ca, akuppe ca. Maṃ cepi 12, āvuso, pare codeyyuṃ kālena vā akālena vā bhūtena vā abhūtena vā saṇhena vā pharusena vā atthasaṃhitena vā anatthasaṃhitena vā mettacittā 13 vā dosantarā 14 vā, ahampi dvīsuyeva dhammesu patiṭṭhaheyyaṃ – sacce ca, akuppe ca. Sace jāneyyaṃ – ‘attheso mayi dhammo’ti, ‘atthī’ti naṃ vadeyyaṃ – ‘saṃvijjateso mayi dhammo’ti. Sace jāneyyaṃ – ‘nattheso mayi dhammo’ti, ‘natthī’ti naṃ vadeyyaṃ – ‘neso dhammo mayi saṃvijjatī’ti.
‘‘ਏવਮ੍ਪਿ ਖੋ ਤੇ 15, ਸਾਰਿਪੁਤ੍ਤ, વੁਚ੍ਚਮਾਨਾ ਅਥ ਚ ਪਨਿਧੇਕਚ੍ਚੇ ਮੋਘਪੁਰਿਸਾ ਨ ਪਦਕ੍ਖਿਣਂ ਗਣ੍ਹਨ੍ਤੀ’’ਤਿ।
‘‘Evampi kho te 16, sāriputta, vuccamānā atha ca panidhekacce moghapurisā na padakkhiṇaṃ gaṇhantī’’ti.
‘‘ਯੇ ਤੇ, ਭਨ੍ਤੇ, ਪੁਗ੍ਗਲਾ ਅਸ੍ਸਦ੍ਧਾ ਜੀવਿਕਤ੍ਥਾ ਨ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ ਸਠਾ ਮਾਯਾવਿਨੋ ਕੇਤਬਿਨੋ 17 ਉਦ੍ਧਤਾ ਉਨ੍ਨਲ਼ਾ ਚਪਲਾ ਮੁਖਰਾ વਿਕਿਣ੍ਣવਾਚਾ ਇਨ੍ਦ੍ਰਿਯੇਸੁ ਅਗੁਤ੍ਤਦ੍વਾਰਾ ਭੋਜਨੇ ਅਮਤ੍ਤਞ੍ਞੁਨੋ ਜਾਗਰਿਯਂ ਅਨਨੁਯੁਤ੍ਤਾ ਸਾਮਞ੍ਞੇ ਅਨਪੇਕ੍ਖવਨ੍ਤੋ ਸਿਕ੍ਖਾਯ ਨ ਤਿਬ੍ਬਗਾਰવਾ ਬਾਹੁਲਿਕਾ ਸਾਥਲਿਕਾ ਓਕ੍ਕਮਨੇ ਪੁਬ੍ਬਙ੍ਗਮਾ ਪવਿવੇਕੇ ਨਿਕ੍ਖਿਤ੍ਤਧੁਰਾ ਕੁਸੀਤਾ ਹੀਨવੀਰਿਯਾ ਮੁਟ੍ਠਸ੍ਸਤਿਨੋ ਅਸਮ੍ਪਜਾਨਾ ਅਸਮਾਹਿਤਾ વਿਬ੍ਭਨ੍ਤਚਿਤ੍ਤਾ ਦੁਪ੍ਪਞ੍ਞਾ ਏਲ਼ਮੂਗਾ, ਤੇ ਮਯਾ ਏવਂ વੁਚ੍ਚਮਾਨਾ ਨ ਪਦਕ੍ਖਿਣਂ ਗਣ੍ਹਨ੍ਤਿ।
‘‘Ye te, bhante, puggalā assaddhā jīvikatthā na saddhā agārasmā anagāriyaṃ pabbajitā saṭhā māyāvino ketabino 18 uddhatā unnaḷā capalā mukharā vikiṇṇavācā indriyesu aguttadvārā bhojane amattaññuno jāgariyaṃ ananuyuttā sāmaññe anapekkhavanto sikkhāya na tibbagāravā bāhulikā sāthalikā okkamane pubbaṅgamā paviveke nikkhittadhurā kusītā hīnavīriyā muṭṭhassatino asampajānā asamāhitā vibbhantacittā duppaññā eḷamūgā, te mayā evaṃ vuccamānā na padakkhiṇaṃ gaṇhanti.
‘‘ਯੇ ਪਨ ਤੇ, ਭਨ੍ਤੇ, ਕੁਲਪੁਤ੍ਤਾ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ ਅਸਠਾ ਅਮਾਯਾવਿਨੋ ਅਕੇਤਬਿਨੋ ਅਨੁਦ੍ਧਤਾ ਅਨੁਨ੍ਨਲ਼ਾ ਅਚਪਲਾ ਅਮੁਖਰਾ ਅવਿਕਿਣ੍ਣવਾਚਾ ਇਨ੍ਦ੍ਰਿਯੇਸੁ ਗੁਤ੍ਤਦ੍વਾਰਾ ਭੋਜਨੇ ਮਤ੍ਤਞ੍ਞੁਨੋ ਜਾਗਰਿਯਂ ਅਨੁਯੁਤ੍ਤਾ ਸਾਮਞ੍ਞੇ ਅਪੇਕ੍ਖવਨ੍ਤੋ ਸਿਕ੍ਖਾਯ ਤਿਬ੍ਬਗਾਰવਾ ਨ ਬਾਹੁਲਿਕਾ ਨ ਸਾਥਲਿਕਾ ਓਕ੍ਕਮਨੇ ਨਿਕ੍ਖਿਤ੍ਤਧੁਰਾ ਪવਿવੇਕੇ ਪੁਬ੍ਬਙ੍ਗਮਾ ਆਰਦ੍ਧવੀਰਿਯਾ ਪਹਿਤਤ੍ਤਾ ਉਪਟ੍ਠਿਤਸ੍ਸਤਿਨੋ ਸਮ੍ਪਜਾਨਾ ਸਮਾਹਿਤਾ ਏਕਗ੍ਗਚਿਤ੍ਤਾ ਪਞ੍ਞવਨ੍ਤੋ ਅਨੇਲ਼ਮੂਗਾ, ਤੇ ਮਯਾ ਏવਂ વੁਚ੍ਚਮਾਨਾ ਪਦਕ੍ਖਿਣਂ ਗਣ੍ਹਨ੍ਤੀਤਿ।
‘‘Ye pana te, bhante, kulaputtā saddhā agārasmā anagāriyaṃ pabbajitā asaṭhā amāyāvino aketabino anuddhatā anunnaḷā acapalā amukharā avikiṇṇavācā indriyesu guttadvārā bhojane mattaññuno jāgariyaṃ anuyuttā sāmaññe apekkhavanto sikkhāya tibbagāravā na bāhulikā na sāthalikā okkamane nikkhittadhurā paviveke pubbaṅgamā āraddhavīriyā pahitattā upaṭṭhitassatino sampajānā samāhitā ekaggacittā paññavanto aneḷamūgā, te mayā evaṃ vuccamānā padakkhiṇaṃ gaṇhantīti.
‘‘ਯੇ ਤੇ, ਸਾਰਿਪੁਤ੍ਤ, ਪੁਗ੍ਗਲਾ ਅਸ੍ਸਦ੍ਧਾ ਜੀવਿਕਤ੍ਥਾ ਨ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ ਸਠਾ ਮਾਯਾવਿਨੋ ਕੇਤਬਿਨੋ ਉਦ੍ਧਤਾ ਉਨ੍ਨਲ਼ਾ ਚਪਲਾ ਮੁਖਰਾ વਿਕਿਣ੍ਣવਾਚਾ ਇਨ੍ਦ੍ਰਿਯੇਸੁ ਅਗੁਤ੍ਤਦ੍વਾਰਾ ਭੋਜਨੇ ਅਮਤ੍ਤਞ੍ਞੁਨੋ ਜਾਗਰਿਯਂ ਅਨਨੁਯੁਤ੍ਤਾ ਸਾਮਞ੍ਞੇ ਅਨਪੇਕ੍ਖવਨ੍ਤੋ ਸਿਕ੍ਖਾਯ ਨ ਤਿਬ੍ਬਗਾਰવਾ ਬਾਹੁਲਿਕਾ ਸਾਥਲਿਕਾ ਓਕ੍ਕਮਨੇ ਪੁਬ੍ਬਙ੍ਗਮਾ ਪવਿવੇਕੇ ਨਿਕ੍ਖਿਤ੍ਤਧੁਰਾ ਕੁਸੀਤਾ ਹੀਨવੀਰਿਯਾ ਮੁਟ੍ਠਸ੍ਸਤਿਨੋ ਅਸਮ੍ਪਜਾਨਾ ਅਸਮਾਹਿਤਾ વਿਬ੍ਭਨ੍ਤਚਿਤ੍ਤਾ ਦੁਪ੍ਪਞ੍ਞਾ ਏਲ਼ਮੂਗਾ, ਤਿਟ੍ਠਨ੍ਤੁ ਤੇ।
‘‘Ye te, sāriputta, puggalā assaddhā jīvikatthā na saddhā agārasmā anagāriyaṃ pabbajitā saṭhā māyāvino ketabino uddhatā unnaḷā capalā mukharā vikiṇṇavācā indriyesu aguttadvārā bhojane amattaññuno jāgariyaṃ ananuyuttā sāmaññe anapekkhavanto sikkhāya na tibbagāravā bāhulikā sāthalikā okkamane pubbaṅgamā paviveke nikkhittadhurā kusītā hīnavīriyā muṭṭhassatino asampajānā asamāhitā vibbhantacittā duppaññā eḷamūgā, tiṭṭhantu te.
‘‘ਯੇ ਪਨ, ਤੇ ਸਾਰਿਪੁਤ੍ਤ, ਕੁਲਪੁਤ੍ਤਾ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ ਅਸਠਾ ਅਮਾਯਾવਿਨੋ ਅਕੇਤਬਿਨੋ ਅਨੁਦ੍ਧਤਾ ਅਨੁਨ੍ਨਲ਼ਾ ਅਚਪਲਾ ਅਮੁਖਰਾ ਅવਿਕਿਣ੍ਣવਾਚਾ ਇਨ੍ਦ੍ਰਿਯੇਸੁ ਗੁਤ੍ਤਦ੍વਾਰਾ ਭੋਜਨੇ ਮਤ੍ਤਞ੍ਞੁਨੋ ਜਾਗਰਿਯਂ ਅਨੁਯੁਤ੍ਤਾ ਸਾਮਞ੍ਞੇ ਅਪੇਕ੍ਖવਨ੍ਤੋ ਸਿਕ੍ਖਾਯ ਤਿਬ੍ਬਗਾਰવਾ ਨ ਬਾਹੁਲਿਕਾ ਨ ਸਾਥਲਿਕਾ ਓਕ੍ਕਮਨੇ ਨਿਕ੍ਖਿਤ੍ਤਧੁਰਾ ਪવਿવੇਕੇ ਪੁਬ੍ਬਙ੍ਗਮਾ ਆਰਦ੍ਧવੀਰਿਯਾ ਪਹਿਤਤ੍ਤਾ ਉਪਟ੍ਠਿਤਸ੍ਸਤਿਨੋ ਸਮ੍ਪਜਾਨਾ ਸਮਾਹਿਤਾ ਏਕਗ੍ਗਚਿਤ੍ਤਾ ਪਞ੍ਞવਨ੍ਤੋ ਅਨੇਲ਼ਮੂਗਾ, ਤੇ ਤ੍વਂ, ਸਾਰਿਪੁਤ੍ਤ, વਦੇਯ੍ਯਾਸਿ । ਓવਦ, ਸਾਰਿਪੁਤ੍ਤ , ਸਬ੍ਰਹ੍ਮਚਾਰੀ; ਅਨੁਸਾਸ, ਸਾਰਿਪੁਤ੍ਤ, ਸਬ੍ਰਹ੍ਮਚਾਰੀ – ‘ਅਸਦ੍ਧਮ੍ਮਾ વੁਟ੍ਠਾਪੇਤ੍વਾ ਸਦ੍ਧਮ੍ਮੇ ਪਤਿਟ੍ਠਾਪੇਸ੍ਸਾਮਿ ਸਬ੍ਰਹ੍ਮਚਾਰੀ’ਤਿ। ਏવਞ੍ਹਿ ਤੇ, ਸਾਰਿਪੁਤ੍ਤ, ਸਿਕ੍ਖਿਤਬ੍ਬ’’ਨ੍ਤਿ। ਸਤ੍ਤਮਂ।
‘‘Ye pana, te sāriputta, kulaputtā saddhā agārasmā anagāriyaṃ pabbajitā asaṭhā amāyāvino aketabino anuddhatā anunnaḷā acapalā amukharā avikiṇṇavācā indriyesu guttadvārā bhojane mattaññuno jāgariyaṃ anuyuttā sāmaññe apekkhavanto sikkhāya tibbagāravā na bāhulikā na sāthalikā okkamane nikkhittadhurā paviveke pubbaṅgamā āraddhavīriyā pahitattā upaṭṭhitassatino sampajānā samāhitā ekaggacittā paññavanto aneḷamūgā, te tvaṃ, sāriputta, vadeyyāsi . Ovada, sāriputta , sabrahmacārī; anusāsa, sāriputta, sabrahmacārī – ‘asaddhammā vuṭṭhāpetvā saddhamme patiṭṭhāpessāmi sabrahmacārī’ti. Evañhi te, sāriputta, sikkhitabba’’nti. Sattamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. ਚੋਦਨਾਸੁਤ੍ਤવਣ੍ਣਨਾ • 7. Codanāsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭-੯. ਚੋਦਨਾਸੁਤ੍ਤਾਦਿવਣ੍ਣਨਾ • 7-9. Codanāsuttādivaṇṇanā
