| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. жод̣̇анаасуд̇д̇аван̣н̣анаа
7. Codanāsuttavaṇṇanā
167. сад̇д̇амз жод̣̇агзнаад̇и вад̇т̇усанд̣̇ассанаа аабад̇д̇исанд̣̇ассанаа сам̣ваасаббадигкзбо саамийжиббадигкзбод̇и жад̇уухи жод̣̇анаавад̇т̇уухи жод̣̇аяамаанзна. гаалзна вагкаами но агаалзнаад̇и зд̇т̇а жуд̣̇ид̇агасса гаало гат̇ид̇о, на жод̣̇агасса. барам̣ жод̣̇знд̇зна хи барисамаж̇жхз ваа убосат̇абавааран̣аг̇г̇з ваа аасанасаалаабхож̇анасаалаад̣̇ийсу ваа на жод̣̇зд̇аб̣б̣о, д̣̇иваадтаанз нисиннагаалз ‘‘гарод̇ааяасмаа огаасам̣, ахам̣ ааяасманд̇ам̣ вад̇д̇угаамо’’д̇и звам̣ огаасам̣ гаарзд̇ваа жод̣̇зд̇аб̣б̣о. буг̇г̇алам̣ бана убабаригкид̇ваа яо лолабуг̇г̇ало абхууд̇ам̣ вад̇ваа бхигкуунам̣ аяасам̣ ааробзд̇и, со огаасагаммам̣ винааби жод̣̇зд̇аб̣б̣о. бхууд̇знаад̇и д̇ажчзна сабхаавзна. сан̣хзнаад̇и мадтзна муд̣̇угзна. ад̇т̇асам̣хид̇знаад̇и ад̇т̇агаамад̇ааяа хид̇агаамад̇ааяа убзд̇зна. авиббадисааро убад̣̇ахаад̇аб̣б̣од̇и аман̇губхааво убанзд̇аб̣б̣о. алам̣ д̇з авиббадисаарааяаад̇и яуд̇д̇ам̣ д̇з аман̇губхаавааяа. сзсамзд̇т̇а уд̇д̇аанамзваад̇и. адтамам̣ хздтаа вуд̇д̇анаяад̇д̇аа баагадамзва.
167. Sattame codakenāti vatthusandassanā āpattisandassanā saṃvāsappaṭikkhepo sāmīcippaṭikkhepoti catūhi codanāvatthūhi codayamānena. Kālena vakkhāmi no akālenāti ettha cuditakassa kālo kathito, na codakassa. Paraṃ codentena hi parisamajjhe vā uposathapavāraṇagge vā āsanasālābhojanasālādīsu vā na codetabbo, divāṭṭhāne nisinnakāle ‘‘karotāyasmā okāsaṃ, ahaṃ āyasmantaṃ vattukāmo’’ti evaṃ okāsaṃ kāretvā codetabbo. Puggalaṃ pana upaparikkhitvā yo lolapuggalo abhūtaṃ vatvā bhikkhūnaṃ ayasaṃ āropeti, so okāsakammaṃ vināpi codetabbo. Bhūtenāti tacchena sabhāvena. Saṇhenāti maṭṭhena mudukena. Atthasaṃhitenāti atthakāmatāya hitakāmatāya upetena. Avippaṭisāro upadahātabboti amaṅkubhāvo upanetabbo. Alaṃte avippaṭisārāyāti yuttaṃ te amaṅkubhāvāya. Sesamettha uttānamevāti. Aṭṭhamaṃ heṭṭhā vuttanayattā pākaṭameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. жод̣̇анаасуд̇д̇ам̣ • 7. Codanāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-9. жод̣̇анаасуд̇д̇аад̣̇иван̣н̣анаа • 7-9. Codanāsuttādivaṇṇanā
