| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਚੋਦਨਾਸੁਤ੍ਤવਣ੍ਣਨਾ
7. Codanāsuttavaṇṇanā
੧੬੭. ਸਤ੍ਤਮੇ ਚੋਦਕੇਨਾਤਿ વਤ੍ਥੁਸਨ੍ਦਸ੍ਸਨਾ ਆਪਤ੍ਤਿਸਨ੍ਦਸ੍ਸਨਾ ਸਂવਾਸਪ੍ਪਟਿਕ੍ਖੇਪੋ ਸਾਮੀਚਿਪ੍ਪਟਿਕ੍ਖੇਪੋਤਿ ਚਤੂਹਿ ਚੋਦਨਾવਤ੍ਥੂਹਿ ਚੋਦਯਮਾਨੇਨ। ਕਾਲੇਨ વਕ੍ਖਾਮਿ ਨੋ ਅਕਾਲੇਨਾਤਿ ਏਤ੍ਥ ਚੁਦਿਤਕਸ੍ਸ ਕਾਲੋ ਕਥਿਤੋ, ਨ ਚੋਦਕਸ੍ਸ। ਪਰਂ ਚੋਦੇਨ੍ਤੇਨ ਹਿ ਪਰਿਸਮਜ੍ਝੇ વਾ ਉਪੋਸਥਪવਾਰਣਗ੍ਗੇ વਾ ਆਸਨਸਾਲਾਭੋਜਨਸਾਲਾਦੀਸੁ વਾ ਨ ਚੋਦੇਤਬ੍ਬੋ, ਦਿવਾਟ੍ਠਾਨੇ ਨਿਸਿਨ੍ਨਕਾਲੇ ‘‘ਕਰੋਤਾਯਸ੍ਮਾ ਓਕਾਸਂ, ਅਹਂ ਆਯਸ੍ਮਨ੍ਤਂ વਤ੍ਤੁਕਾਮੋ’’ਤਿ ਏવਂ ਓਕਾਸਂ ਕਾਰੇਤ੍વਾ ਚੋਦੇਤਬ੍ਬੋ। ਪੁਗ੍ਗਲਂ ਪਨ ਉਪਪਰਿਕ੍ਖਿਤ੍વਾ ਯੋ ਲੋਲਪੁਗ੍ਗਲੋ ਅਭੂਤਂ વਤ੍વਾ ਭਿਕ੍ਖੂਨਂ ਅਯਸਂ ਆਰੋਪੇਤਿ, ਸੋ ਓਕਾਸਕਮ੍ਮਂ વਿਨਾਪਿ ਚੋਦੇਤਬ੍ਬੋ। ਭੂਤੇਨਾਤਿ ਤਚ੍ਛੇਨ ਸਭਾવੇਨ। ਸਣ੍ਹੇਨਾਤਿ ਮਟ੍ਠੇਨ ਮੁਦੁਕੇਨ। ਅਤ੍ਥਸਂਹਿਤੇਨਾਤਿ ਅਤ੍ਥਕਾਮਤਾਯ ਹਿਤਕਾਮਤਾਯ ਉਪੇਤੇਨ। ਅવਿਪ੍ਪਟਿਸਾਰੋ ਉਪਦਹਾਤਬ੍ਬੋਤਿ ਅਮਙ੍ਕੁਭਾવੋ ਉਪਨੇਤਬ੍ਬੋ। ਅਲਂ ਤੇ ਅવਿਪ੍ਪਟਿਸਾਰਾਯਾਤਿ ਯੁਤ੍ਤਂ ਤੇ ਅਮਙ੍ਕੁਭਾવਾਯ। ਸੇਸਮੇਤ੍ਥ ਉਤ੍ਤਾਨਮੇવਾਤਿ। ਅਟ੍ਠਮਂ ਹੇਟ੍ਠਾ વੁਤ੍ਤਨਯਤ੍ਤਾ ਪਾਕਟਮੇવ।
167. Sattame codakenāti vatthusandassanā āpattisandassanā saṃvāsappaṭikkhepo sāmīcippaṭikkhepoti catūhi codanāvatthūhi codayamānena. Kālena vakkhāmi no akālenāti ettha cuditakassa kālo kathito, na codakassa. Paraṃ codentena hi parisamajjhe vā uposathapavāraṇagge vā āsanasālābhojanasālādīsu vā na codetabbo, divāṭṭhāne nisinnakāle ‘‘karotāyasmā okāsaṃ, ahaṃ āyasmantaṃ vattukāmo’’ti evaṃ okāsaṃ kāretvā codetabbo. Puggalaṃ pana upaparikkhitvā yo lolapuggalo abhūtaṃ vatvā bhikkhūnaṃ ayasaṃ āropeti, so okāsakammaṃ vināpi codetabbo. Bhūtenāti tacchena sabhāvena. Saṇhenāti maṭṭhena mudukena. Atthasaṃhitenāti atthakāmatāya hitakāmatāya upetena. Avippaṭisāro upadahātabboti amaṅkubhāvo upanetabbo. Alaṃte avippaṭisārāyāti yuttaṃ te amaṅkubhāvāya. Sesamettha uttānamevāti. Aṭṭhamaṃ heṭṭhā vuttanayattā pākaṭameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਚੋਦਨਾਸੁਤ੍ਤਂ • 7. Codanāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭-੯. ਚੋਦਨਾਸੁਤ੍ਤਾਦਿવਣ੍ਣਨਾ • 7-9. Codanāsuttādivaṇṇanā
