| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৪. চোরসুত্তং
4. Corasuttaṃ
৮৪. ‘‘অট্ঠহি, ভিক্খৰে, অঙ্গেহি সমন্নাগতো মহাচোরো খিপ্পং পরিযাপজ্জতি, ন চিরট্ঠিতিকো হোতি। কতমেহি অট্ঠহি? অপ্পহরন্তস্স পহরতি, অনৰসেসং আদিযতি, ইত্থিং হনতি, কুমারিং দূসেতি, পব্বজিতং ৰিলুম্পতি, রাজকোসং ৰিলুম্পতি, অচ্চাসন্নে কম্মং করোতি, ন চ নিধানকুসলো হোতি। ইমেহি খো, ভিক্খৰে, অট্ঠহঙ্গেহি সমন্নাগতো মহাচোরো খিপ্পং পরিযাপজ্জতি, ন চিরট্ঠিতিকো হোতি।
84. ‘‘Aṭṭhahi, bhikkhave, aṅgehi samannāgato mahācoro khippaṃ pariyāpajjati, na ciraṭṭhitiko hoti. Katamehi aṭṭhahi? Appaharantassa paharati, anavasesaṃ ādiyati, itthiṃ hanati, kumāriṃ dūseti, pabbajitaṃ vilumpati, rājakosaṃ vilumpati, accāsanne kammaṃ karoti, na ca nidhānakusalo hoti. Imehi kho, bhikkhave, aṭṭhahaṅgehi samannāgato mahācoro khippaṃ pariyāpajjati, na ciraṭṭhitiko hoti.
‘‘অট্ঠহি, ভিক্খৰে, অঙ্গেহি সমন্নাগতো মহাচোরো ন খিপ্পং পরিযাপজ্জতি, চিরট্ঠিতিকো হোতি। কতমেহি অট্ঠহি? ন অপ্পহরন্তস্স পহরতি , ন অনৰসেসং আদিযতি, ন ইত্থিং হনতি, ন কুমারিং দূসেতি, ন পব্বজিতং ৰিলুম্পতি, ন রাজকোসং ৰিলুম্পতি, ন অচ্চাসন্নে কম্মং করোতি, নিধানকুসলো চ হোতি। ইমেহি খো, ভিক্খৰে, অট্ঠহঙ্গেহি সমন্নাগতো মহাচোরো ন খিপ্পং পরিযাপজ্জতি, চিরট্ঠিতিকো হোতী’’তি। চতুত্থং।
‘‘Aṭṭhahi, bhikkhave, aṅgehi samannāgato mahācoro na khippaṃ pariyāpajjati, ciraṭṭhitiko hoti. Katamehi aṭṭhahi? Na appaharantassa paharati , na anavasesaṃ ādiyati, na itthiṃ hanati, na kumāriṃ dūseti, na pabbajitaṃ vilumpati, na rājakosaṃ vilumpati, na accāsanne kammaṃ karoti, nidhānakusalo ca hoti. Imehi kho, bhikkhave, aṭṭhahaṅgehi samannāgato mahācoro na khippaṃ pariyāpajjati, ciraṭṭhitiko hotī’’ti. Catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৪. চোরসুত্তৰণ্ণনা • 4. Corasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. সদ্ধাসুত্তাদিৰণ্ণনা • 1-10. Saddhāsuttādivaṇṇanā
