| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. жорасуд̇д̇ам̣
4. Corasuttaṃ
84. ‘‘адтахи, бхигкавз, ан̇г̇зхи саманнааг̇ад̇о махаажоро киббам̣ барияаабаж̇ж̇ад̇и, на жирадтид̇иго ход̇и. гад̇амзхи адтахи? аббахаранд̇асса бахарад̇и, анавасзсам̣ аад̣̇ияад̇и, ид̇т̇им̣ ханад̇и, гумаарим̣ д̣̇уусзд̇и, баб̣б̣аж̇ид̇ам̣ вилумбад̇и, рааж̇агосам̣ вилумбад̇и, ажжаасаннз гаммам̣ гарод̇и, на жа нид̇хаанагусало ход̇и. имзхи ко, бхигкавз, адтахан̇г̇зхи саманнааг̇ад̇о махаажоро киббам̣ барияаабаж̇ж̇ад̇и, на жирадтид̇иго ход̇и.
84. ‘‘Aṭṭhahi, bhikkhave, aṅgehi samannāgato mahācoro khippaṃ pariyāpajjati, na ciraṭṭhitiko hoti. Katamehi aṭṭhahi? Appaharantassa paharati, anavasesaṃ ādiyati, itthiṃ hanati, kumāriṃ dūseti, pabbajitaṃ vilumpati, rājakosaṃ vilumpati, accāsanne kammaṃ karoti, na ca nidhānakusalo hoti. Imehi kho, bhikkhave, aṭṭhahaṅgehi samannāgato mahācoro khippaṃ pariyāpajjati, na ciraṭṭhitiko hoti.
‘‘адтахи, бхигкавз, ан̇г̇зхи саманнааг̇ад̇о махаажоро на киббам̣ барияаабаж̇ж̇ад̇и, жирадтид̇иго ход̇и. гад̇амзхи адтахи? на аббахаранд̇асса бахарад̇и , на анавасзсам̣ аад̣̇ияад̇и, на ид̇т̇им̣ ханад̇и, на гумаарим̣ д̣̇уусзд̇и, на баб̣б̣аж̇ид̇ам̣ вилумбад̇и, на рааж̇агосам̣ вилумбад̇и, на ажжаасаннз гаммам̣ гарод̇и, нид̇хаанагусало жа ход̇и. имзхи ко, бхигкавз, адтахан̇г̇зхи саманнааг̇ад̇о махаажоро на киббам̣ барияаабаж̇ж̇ад̇и, жирадтид̇иго ход̇ий’’д̇и. жад̇уд̇т̇ам̣.
‘‘Aṭṭhahi, bhikkhave, aṅgehi samannāgato mahācoro na khippaṃ pariyāpajjati, ciraṭṭhitiko hoti. Katamehi aṭṭhahi? Na appaharantassa paharati , na anavasesaṃ ādiyati, na itthiṃ hanati, na kumāriṃ dūseti, na pabbajitaṃ vilumpati, na rājakosaṃ vilumpati, na accāsanne kammaṃ karoti, nidhānakusalo ca hoti. Imehi kho, bhikkhave, aṭṭhahaṅgehi samannāgato mahācoro na khippaṃ pariyāpajjati, ciraṭṭhitiko hotī’’ti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. жорасуд̇д̇аван̣н̣анаа • 4. Corasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. сад̣̇д̇хаасуд̇д̇аад̣̇иван̣н̣анаа • 1-10. Saddhāsuttādivaṇṇanā
