| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൪. ചോരസുത്തം
4. Corasuttaṃ
൮൪. ‘‘അട്ഠഹി, ഭിക്ഖവേ, അങ്ഗേഹി സമന്നാഗതോ മഹാചോരോ ഖിപ്പം പരിയാപജ്ജതി, ന ചിരട്ഠിതികോ ഹോതി. കതമേഹി അട്ഠഹി? അപ്പഹരന്തസ്സ പഹരതി, അനവസേസം ആദിയതി, ഇത്ഥിം ഹനതി, കുമാരിം ദൂസേതി, പബ്ബജിതം വിലുമ്പതി, രാജകോസം വിലുമ്പതി, അച്ചാസന്നേ കമ്മം കരോതി, ന ച നിധാനകുസലോ ഹോതി. ഇമേഹി ഖോ, ഭിക്ഖവേ, അട്ഠഹങ്ഗേഹി സമന്നാഗതോ മഹാചോരോ ഖിപ്പം പരിയാപജ്ജതി, ന ചിരട്ഠിതികോ ഹോതി.
84. ‘‘Aṭṭhahi, bhikkhave, aṅgehi samannāgato mahācoro khippaṃ pariyāpajjati, na ciraṭṭhitiko hoti. Katamehi aṭṭhahi? Appaharantassa paharati, anavasesaṃ ādiyati, itthiṃ hanati, kumāriṃ dūseti, pabbajitaṃ vilumpati, rājakosaṃ vilumpati, accāsanne kammaṃ karoti, na ca nidhānakusalo hoti. Imehi kho, bhikkhave, aṭṭhahaṅgehi samannāgato mahācoro khippaṃ pariyāpajjati, na ciraṭṭhitiko hoti.
‘‘അട്ഠഹി, ഭിക്ഖവേ, അങ്ഗേഹി സമന്നാഗതോ മഹാചോരോ ന ഖിപ്പം പരിയാപജ്ജതി, ചിരട്ഠിതികോ ഹോതി. കതമേഹി അട്ഠഹി? ന അപ്പഹരന്തസ്സ പഹരതി , ന അനവസേസം ആദിയതി, ന ഇത്ഥിം ഹനതി, ന കുമാരിം ദൂസേതി, ന പബ്ബജിതം വിലുമ്പതി, ന രാജകോസം വിലുമ്പതി, ന അച്ചാസന്നേ കമ്മം കരോതി, നിധാനകുസലോ ച ഹോതി. ഇമേഹി ഖോ, ഭിക്ഖവേ, അട്ഠഹങ്ഗേഹി സമന്നാഗതോ മഹാചോരോ ന ഖിപ്പം പരിയാപജ്ജതി, ചിരട്ഠിതികോ ഹോതീ’’തി. ചതുത്ഥം.
‘‘Aṭṭhahi, bhikkhave, aṅgehi samannāgato mahācoro na khippaṃ pariyāpajjati, ciraṭṭhitiko hoti. Katamehi aṭṭhahi? Na appaharantassa paharati , na anavasesaṃ ādiyati, na itthiṃ hanati, na kumāriṃ dūseti, na pabbajitaṃ vilumpati, na rājakosaṃ vilumpati, na accāsanne kammaṃ karoti, nidhānakusalo ca hoti. Imehi kho, bhikkhave, aṭṭhahaṅgehi samannāgato mahācoro na khippaṃ pariyāpajjati, ciraṭṭhitiko hotī’’ti. Catutthaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൪. ചോരസുത്തവണ്ണനാ • 4. Corasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൦. സദ്ധാസുത്താദിവണ്ണനാ • 1-10. Saddhāsuttādivaṇṇanā
